عرض مشاركة واحدة
قديم 06-05-21, 09:06 PM   #31

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ?ھہ » 216
?  التسِجيلٌ » Dec 2007
? مشَارَ?اتْي » 84,510
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي




البارت 30


كِنان:هاذي شلونن دخلت بدون بطاقة دعوه ؟
نوف فكت الجِـركل « أنـاء» كان فيه دم ونثرته بوجِيهم شهقت اشِجان من الدم اللي لطخ فِسـتانها وجِها دمّر ثوب كِنان وكانو مليانين بالدم !!
كِنان رفع صّوته:خلوها تطلع شلون دخلت ذي شلونن !!!
تغريد:الله لايوفقك يانوف دمرتي فِستانها
نجد:ياويـلي وجّـها راح فيها الله ياخذك يانوف
نوف بكت وتعالى صوت بكاءها بالقاعه:ليت ربي اخِذني ولااشوف اخِتي مِـع خطيبي اللي المفروض انا اللي مِكـانها اللي بتكون معاه تحت سقف واحد وبيكون لها طفل وابوه كِنان الله ياخِذك ياشِجان
اشِجان موقادرة تتكلم بسبب الدّم اللي يغطي شِفايفها واخِتلط الدّم بروجِها بكت وجلست على الكِنبة اللي خِلفها جمانه جابت مناديل وصارت تّمسح وجها:لازم تغسلين وجهك صّرتي كلك دم
كِنان نزل وهو يسرع بخطواته لـ نوف لف معصمها وتاوهت بألم:وش اللي جبتي وكبيتيه عليها ؟
نوف:دم خروف تدري تمنيت اللي تلطخ ثوبك فيه يكون دمها مو دم الخروف !!
كِنان دفعها:طلعوها طلعوها !!! دخل الحّارس وهو يسحبها لبرا القاعه لف نظره لأشجان اللي محتاسه والدم ينقط وتبكي والبنات حُولها
مُنظمة العرس:يُفضل تبدلين لبسك بمكانك عشان مايتوصخ المكان اكِثر من كذا والكِنبه اندمرت فـ بنشيلها جمانه:بدور لك شـِي تلبسينه
تغريد:مافيه فستان ناعم ؟
شروق:مافيه فساتين لان ماخليت فستان هنا توقعتها بتروح بفستانها بس فيه ليقنز وتيشيرت نجيبه لها ؟
اشِجان:جيبو أي زفت بسرعه !!
تغريد وصلت ومِعها مناديل مبلله وصارت تمسح رقبتها وجِها واضِطرو يمسحون الميك اب
اشِجان ابتسمت بسخريه:عروس بدون ميك اب وفستان
كِنان: طفي انوار القاعه لين تخلص
مُنظمة العرس هّزت راسها بالايجاب واغِلقو أنوار القاعه ومافيه الا انوار خافته لبست التيشيرت والليقنز شروق: جبت لك سليبر البسيه
لبست السليبر ونزلت من المّنصه دخلو العاملات بالمُنظفات وصارو ينظفون مكان الدّم وشالو الكِنبه اشتغلت الانوار ودخلو بالمباخر بسبب انِتشار رائحة الدم بالمكان رقت للغرفه وهي تجلس وتهّز رجلها بقهر وغبنة من نوف دخل وكان مغير ثوبه ولابس بدلة رياضِية من اديداس ضحك:معاريس بدون كشخه
اشِجان اخذت مُزيل الميك اب وصارت تمسح الميك اب بعنف:قسم بالله حقيره حقيره وينها عن حبها اللي تتكلم عنه ماحّليت بعيونها الا يوم خطبتني ؟
كِنان جلس قريب منها:لاتضايقين روحِك نوف مريضة نفسيه
اشِجان:بالله شايف اشكالنا ؟
كِنان:شفتك بكشختك وكامل أناقتك وانتِ كذالك خلاص الحين وقت نشوف بعض عادين بدون كشخه
اشِجان:بترقع الموضوع يعني ؟
كِنان حّك شعره: يعني ماتبين نمشي ؟

"بعد العرس"
شروق:ياعمري اشِجان قسم بالله حقيره نوف ايش الانانيه هاذي ؟
تغريد:ماعليك قاعده تضحك الحين روقّها خالي كِنان
جمانه:بنات نمشي ؟
شروق:طيب بجيب عبايتي واجيكم
جمانه:تمام بننتظرك عند المدخل شروق هّزت راسها بالايجاب وفصخت الكعب بداية الدرج رفعت فِستانها وهي تركض ودها بس تروح للبيت وترتاح دخلت للغرفه شهقت من اللي سحبها وضمها له بالقوه وانفِاسه الحاره تلفح على رقبتها غمضت عيونها لـثِواني بسيطه و دفعـته وصارت تضرب صدره ضربات متتاليه:قلت لي شهر وراجع والشهر صار اربع شهور !!!
زيد ابتسم:حاولت قد ماقدر اني ارجع بس عمر كان يبي يجلس عند امه اكثر من شهر وماقدرت ارفض له طلب وهِـذا انا قدامك
شروق:مابي بعد عني
زيد:ماتـبيني ؟
شروق:ايه مابيك سحبت عبايتها ولبستها بالسيب
زيد:مايرضيني تروحين وانتِ زعلانه تعالي للمستودع انِتظرك هناك
شروق لفت نظرها له:لا صرت حلالك ذيك الساعه اجي !!
زيد:قريب قريب ياشِـروقي
" كِنان واشِـجان "
اشِجان وهي تكلم ابوها:ابوي قهرتني الله لايوفقها فجاه دخلت وكبت علي دم خروف وش مسويه لها انا ! الحين يوم صرت زوجة كِنان اعترفت فيني هي وامها !! ويبون يجون يعتذرون ؟
سهاد تنهد:اشِجان شفيك بالعه راديو خليني اتكلم
اشِجان:طيب اسفه
سهاد:جميله بتجي تتكلم معاك وتعتذر بالنيابة عن نوف وتصلح بينك وبينها
اشِجان:مابي اشوف رقعة وجيهم لاهي ولاامها موكافي اللي سوته فيني طول السنين ذي ؟
وبكل برود جايه تبي تصلح بيني وبين بنتها ؟ ولا عشان تتقرب من كِنان تبي تسوي نفسها تصالحني ؟
سهاد:انا عارف ان امك غلطت معاك بس مايصير لمتى ياشِجان ؟
اشِجان:لين اخر يوم بحياتي موقادره موقادره اسامحها وهي زورت شهادة وفاة لي !!
سهاد:طيب نامي الحين وريحي بالك والصَبـاح رباح
اشِجان:طيب قفلت وهي ترمي الجوال على الكَنبه طلع كِنان وهو يجفف شعره بالفوطه:كلمتي ابوك ؟
اشِجان:ايه وكالعاده يحاول فيني اسامح جميله
كِنان فّضل السكوت
اشِجان شبكت اصابعها فِـي بعض
كِنان رفع نظره لها:ودك تمسكين خط ؟
اشِجان:شلون يعني ؟
كِنان:يعني ودي امسك خط نسافر يعني
اشِجان:صدق والله ؟
كِنان:الساعه 2 خلينا نمشي لمكه وبعدها للمدينه
اشِجان:تدري ماعمري رحت مكه ولا قد شفتها
كِنان:جهزي نفسك بتشوفين مكه ياروح كِنان
اشِجان ضحكت:تمام يلا يلا

شروق تاففت وهي تفتح الشباك:خير ياخي انت ازعاج !!
زيد بهّمس:انزلي فضحتيناا الجيران درو انِـي واقف على شباكك !
شروق:مراح انزل بنام اهجد اهجد !!
زيد:والله ماتنامين الا اذ تكلمت معاك لاتقطعين حلفي !!
شروق:زيد!!!
زيد:عشان خاطري انِـزلي بس شوي بتكلم معاك
شروق:طيب جايه جايه مزعج نزلت وهي تدخل للمستودع
زيد:اجلسي شفيك واقفه ؟
شروق:اختصر كلامك بسرعه !!
زيد:ماعندي كِلام بس ودي اطالع عيونك وانا بِلبنان افكر بجمال عِيونك هزمتنيي والله العظيم
شروق:عندك بنات لِبنان وش تبي فيني ؟
زيد:كل وحده لِها جمالها الخاص وانتِ جمالك شلع قِـلبي من مكانه
شروق ضحكت وهي تشتت انِظارها بعيد عنه
مسك فكها:طالعيني لاتبعدين عيـونك عنيي
شروق حكت شعرها بأحراج:طيب تسمح لي بروح انام ؟
زيد:المشكله ماقدر اقولك لا روحِـي نامي ياجعله عافيه ياقلب زيد
شروق ابتسمت طلعت وهي تغمض عيونها تحس بتوتر موطبيعي
"السيـاره كِنان واشِجان "
كِنان وقف على جنب وهو يتمغط نزلت اشِجان:اركب مكاني بكمل عِنك
كِنان:وشو تكلمين عني ؟
اشِجان:يلا اركب مكاني وانا بسوق انا طول الطريق نايمه ويوم صحيت شربت قهوه واكلت وانت وانت ماريحت ولا نمت
كِنان:احس بصداع موطبيعي
اشِجان:طيب يلا اركب ركبت مكان السايق كِنان:الطريق فاضي خلي عليك حجابك بس اكشفي عن وجهك
اشِجان لفت نظرها للشارع:مره انكتمت فكت النقاب وشالت الطرحه ورفعت شعرها زين ورجعت الطرحت وهي تلفها لفت نظرها له شافته يراقبها لاتناظرني ممكن ؟
كِنان ضحك:نتأمل جمالك شوي
اشِجان:كِنان صدق والله ماحب احد يناظرني كذا بذات انت نظراتك غريبه
كِنان:اشِجان بسالك سؤال ؟
اشِجان:أسال
كِنان:انتِ امس ندمتي على قرار زواجِك مني ؟
اشِجان لفت نظرها له:لا
كِنان:وكنتي عارفه اني خطيب اختك السابق ؟
اشِجان:اي كنت اعرف
كِنان:وقالو لكِ القصه اللي صارت بيني وبين نوف ؟
اشِجان راسها بالايجاب:كل شي عرفته من اول تعارف لين تفارقتو واشوف انه سبب غير مقنع انها تترك
كِنان:نوف من النوع اللي مايحب احد يتدخل بحياته
اشِجان:بس انت مو أي احد !! كان قريب بتصير زوجها




لامارا غير متواجد حالياً   رد مع اقتباس