[ترف الحلوة]

أسعد الله صباحكم بكل خير أخذت بريك خفيف عن المذاكرة عشان أعلق على البارت الرهيب والمبهر زي صاحبته✨♥الله يسعد قلبك ياعيون على هالإبداع


غصون
حبيت تعاملها مع منيفة بس بالأخير عارفة أنه ممكن تقلب عليها وقت ماتدري أنه ضاري كان يحبها أو ممكن من قبل من أمها نواهل الي شايلة عليها...

منيفة

كبرت بعيني أكثر يوم راحت لخميلة لين مايتم الزواج فعلاً كنت شايلة همها هي وشادن بس كانت ونعم الإخت👏🏻👏🏻 لسى مابانت علاقتها مع ميهاب وماكان بينهم حوار هالبارت بس أتمنى البارت الجاي نشوفهم سوى

صيتة
وكانت صدمة وجدت حقيبة وبعض اشيائها هي وشادن مرمية عند باب القصر..
لكن بعضها تم حرقها.. مثل كرتون الذي كان ممتلئ من ذكرياتها وكتب ثمينة لديها...
ياه وش كثر أنها حقود هالصيتة أعوذ بالله حتى أغراضهم ماتركتهم 😡😡 وتمت تحرض ولدها أنا على أتم الإستعداد أني أشوف يومها الأسود ذا الحية


ليه ما كانت تعرف أني اهتوي حيان ومنى عيني يلمحني.. مير هي من سمعت بذا الخبر ما صدقت وافقت عليه...

زي ماتوقعت بس للأمانة ماوصلت للتوقع الصحيح الحين اخذت مضاوي بذنب أمها كونها ساحرة وأتهمتها عشان حيان حبها على وقتها! هي حبته عشان المال ولا حبته لشخصيته هذا الي ماعرفته صدق لانها حية ومن شخصيته باين أنها مصلحجية وتهمها نفسها فقط فما أظن حبت حيان الا لفلوسه😒



الفخر
ابشري باللي يصك عليك مره فوقك.... نسوان تجيبن الهم... كلامه مع نواهل مدري جت ببالي واحاسيس أنه ممكن يتزوج وحدة من التوائم اوف لو صارت يافرحتي صدق🤣 تستاهل فعلاً انه ينحط على راسها من الي كانت تسويه بعناد😡


عناد
بحقد : عساني أشوفك فيك يوم خبر موتك يا نواهل عاجلاً غير آجل....
ياقلبي عناد واضح للحين شايل عليها وهي تستاهل اعوذ بالله من كيد الحريم اذا ولد صغير ماجاء صوبها تسوي به هالسوات😢 الغريب أنه توقعت أنه احد من اخوانه يشهد على سواة امه أو يعرف بالموضوع ولا ابوه ماعمره فكر سبب كرهه للحريم علامات الضرب يعني مابانت أبد يعني شيء غريب أكيد انه الفخر كان معتمد عليها أنها تربي ولده مادرى بسوات نواهل😡😡😡 وبإذن الله هيلا تكون العوض وتجبر قلبه المسكين مع أنه السكة طويلة بس بننتظر وهيلا بتنتظر معنا🤣


أحلام وعلوان
يالله أحلام واضح قصتها قصة أظن أنه زوجها صغيرة وماكانت حمل طفل يعني ماعرفت تتعامل معه وتركته والحين حست بالذنب بس بعد وش بس حبيت أنه ممكن ترجع لعلوان بعد هالسنين لأني راحمة لافي بيعيش بين نارين أمه وأبوه وتوه صغير وخصوصًا هالوقت يحتاج الطرفين بحياته فوجودهم مهم فأتمنى أنه يرجعون لبعض


سيف وجديل
صراحة سيف ماكان بالسوء الي متوقعته يمكن طريقة الزواج نفسها كانت خطأ بس تعامله مع جديل يجنن وأتمنى تعطيه فرصة كونه يستاهل وبخصوص أبوها أتوقع أنه عايش ويمكن فاقد الذاكرة عشان كذا مارجع لأهله عندي امل أنه عايش وبيرجع لها بس متى وممكن سياف الي بيساعدها بس ماحبيت أنها تحن لفادي بالسهولة ذي عاد فادي وراه شر والله يستر منه صدق أتمنى أنها ماتضعف وتعطيه وجه اتمنى


عشوق ووقاص
أكثر علاقة موجعة بالرواية اخذته بذنب أخوه وماتقدر تشوفه غير أخو القاتل كيف بتغير نظرتها وهو مهما سوى بتشوف اخو القاتل💔 علاقتهم صعبة الصدق بس اتمنى تغير من طباعها عشوق وتعطيه فرصة لأنه يحبها بس الوجع صعب ويمكن تأخذ فترة طويلة حتى تنسى أنه اخو القاتل😢😢


قفلة البارت
غريب موقف شادن وانهيارها الغير طبيعي بس بما انها تقول أنها مالها ذنب حسيتها قضية شرف هل أحد اعتدى عليها ويوم درت أنه بتتزوج خافت يكتشف أنها مب بنت... أو بدت تتذكر لحظات الإعتداء يوم عرفت بحقيقة الزواج... مادري حيرتني الصدق