عبدالله بصدمه وقف وقال: اش سويتو إنتم؟
جواد كان بيتكلم بس قاطعه صوت سلطان وهو يقول بكل قهر من اللي سوته حور: انا بأش قصرت معاكم عشان تسوي كذا؟ ..
وقرب منها وسحبها من شعرها وهي تصرخ بخفيف ..
سحبها بقوه وهو ينزل الدرج وهي تحاول تنزل معاه لين رجلها م قدرت تلحق الخطوات وطاحت وهو لسا يسحبها من شعرها ..
وهنا اتدخل جواد وسحبها بقوه لحضنه وهو يقول لأبوه بعصبيه: ليش تسوي فيها كذا؟
عبدالله سحبها بقوه وهو يقول لجواد: لا تتدخل ، انا م عرفت اربيها وبربيها دحين ..
جواد سحبها بقوه مره ثانيه وصرخ: مو وقت تربيتها الحين ، ارميها على إياد خليها تشوف كيف الحياة زفت بدوننا ..
وقاطعه الكف اللي جاه ع خده ..
صرخ أبوه وهو يسحب حور الشبه حيه لِـ القبو ورماها بقوه وفصخ حزامه وهو يدخل ويقفل الباب بالمفتاح ..
وجواد قفل اذنه بقوه وهو يسمع صرخات حور إلى أن عم الهدوء ..
-
مشاري صفر وهو يقول: في اش سرحان يا يُوسِف ..
يُوسِف أبتسم وهو يطرد جوى من باله وقال: جو العيال ..
وجلسو كلهم مع دندنت مشاري لأغاني عبادي وعزف يُوسِف للعود ..
-
لمى رفعت حاجبها بإستغراب وقالت: اشبك؟؟
جلست بلقيس وأبتسمت وهي تأشر على شعر لينا اللي بدأ يطيح بسبب الكيماوي ..
وقالت: لفت انتباهي شعرها ..
انا متدربه في حضانة أطفال اقدر اجلس معاها؟؟
لمى هزت راسها بِـ الإيجاب ..
وجلست بلقيس مع لينا ..
-
أبتسم وهو يقرا الرساله ..
"تم تأكيد موعدكم عند الدكتوره ملاذ سلطان"
وقفل الجوال وحطه جنبه وهو يقفل عيونه ويستسلم للنوع العميق ..
~اليوم التالي~
خرجت من الحمام -أكرمكم الله- ولبست بنطلون اسود وتيشيرت كحلي ..
نشفت شعرها بالإستشوار وهي تفكر ..
قطع سرحانها صوت جوى وهي تتأفف ..
لفت لها وقالتلها: اش صار؟
اخذت نفس جوى وبدأت تحكيها عن اللي صار مع حور ..
جلست ملاذ وهي تسمعها ..
ولما خلصت بكيت بِـ قهر وقالت بألم: أبو جواد أتوفى!!
وشهقت ملاذ وقامت بسرعه تلبس عبايتها عشان تروح تشوف اش صااير!
-
اتأمل سقف الغرفه وهو يفكر في كلام بلقيس أمس ..
-فــلاش بــاك-
قامت لمى وراحت الحمام ، بلقيس لفت لِـ قيس وقالت: لفت انتباهي ملامحك مراا ..
سكت بخجل من كلامها وجرئتها!!
قربت منه ولمست ملامحه بخفيف وهي تقول: بسرقك ياقيس ..
بسرقك من لمى ..
-إنتهى الفــلاش بــاك-
لمى أبتسمت وهي تبوس راس قيس وقالت: في اش سرحان زوجي الحلو؟
انتفض بخوف من انها فهمت اللي يدور في راسه ..
لمى بعدت وهي مفجوعه وقالت: اش فيك!
قيس ابتسم بتوتر وقال: لا فجعتيني بس ..
لمى بعدت عنه بشك وراحت الحمام ..
قيس اخذ نفس بقوه وهو يستغفر ربه ويقوم من السرير متوجهه لغرفة لينا ..
-
خبط راسه بقوه وهو يبكي ..
ورطها ، وبسببه أبوها أتوفى ، كيف قدر انه يسوي كذا ..
كل ذا بسبب لين ، آه يالين ليتك تحسي ..
ورد على الأتصال وقال وهو مغمض عيونه: بجي بجي ..
وقف وهو يتوجهه للدولاب ولبس أول قميص طاح في يده ..
وخرج بسرعه متوجهه لبيت جواد وحور ..
دخل بسرعه وصرخ ع الإستقبال وهو يقول: فين الدكتوره ملاذ؟
وقفه مارتن وهو يقول: ماذا تريد من انستي؟
قيس بعده بقوه ودخل وهنا مارتن شهر السلاح على قيس وهو يقول: توقف وإلا أطلقتُ عليك ..
ملاذ صرخت: لا لا وقف ..
مارتن نزل السلاح وهو يطالع في قيس بعصبيه ..
وقف الباب عليهم ..
ملاذ دفته بقوه وهي تقول: اش تبغا؟
قيس سحبها له ومسك يدينها بقوه وهو يقربها منه وقال وانفاسه مختلطه بانفاس ملاذ: أحبٍـ...
وقاطعته ملاذ بكف ودفته بقوه وطاح على الطاوله وقالت بعصبيه: تحبني؟
تحبني؟
تحبني؟
بعد اش ياقيس تحبني؟
بعد م ظلمتني؟
بعد م طلقتني؟
بعد م اتزوجت وصار عندك بنت؟
بعد ما أنا اتزوجت وصرت حَرم غيرك؟
بعد م صرت دكتوره؟
بعد م صرت اعالج بنتك؟
بعد أش تحبني ياقيس ..
وهنا قيس رفع نفسه وقرب منها وسحبها لجهته بقوه وهو يحاول يثبتها في حضنه ، بكيت ملاذ بألم ووجع سنين ..
وجع ٥ سنين ، ألم ألف وثمان مئة ليله ..
قيس خفف من مسكته لها وهو يقول: أسمحيلي اعدل أغلاطي ..
ملاذ استغلت الفرصه وعضته في كتفه ودفته وبحركه سريعه ولفته للجدار وحطت وجهه وجسمه كله على الجدار ومثبته يده ع ظهره وحاطه رجلها على اسفل ظهره وهي تثبته زياده ..
وقالت بثقه وداخلها منهاار ..
"ما أنصحك تقرب مني ، انا ملاذ اللي وقفت على رجولها بعد ظلمك لها ، صرت دكتوره ..
وعندي الحزام الأسود في الكارتيه ..
انا ممثله مشهوره ، مغنيه ، دكتوره ...
انا مو طليقتك وبس ياقيس ..
انا صرت اشياء كثيره"
وقالت بصوت عالي: مــــارتِــــــن ..
|