البــــ12ـــــــارت الثانــــــي عشـــــــر
في غربتي ، عارضت أنا ركب الأغراب
أشد.. وأنزل .. والليالي ركايب
أضداد .. وأقران وعدوان .. وأصحاب
متناقضات الخلق .. ماغاب غايب
أسهر معـا تهويـم نجمـات الأحبـاب
حتى يصيـر النجـم بالصبـح غايب
أصبح على فجرٍ ضحوكٍ ..وعجاب
وأمسي على همسات، ستر العجايب
وقامت تجاذبني على درب..الأسباب
نفس الشباب..يحدها عقل اشايب
مشيت في رمضا..وسنّدت بهضاب
وعارضني سيول ،وهبّت هبايب
وأمسيت في صحرا..و قيّلت فـي غاب
ومن طاول الغربـات،شـاف العجايب
مرتنـي الدمعـه، بهـا الوجد مـاذاب
في غربة الأشواق ، راحت هبايب
مرتني البسمـه، تقل فوقهـا حجاب
وراك خجلي يـارسول الحبايب
والحب.. مريتـه غريـبٍ علـى بـاب
عقب القصور ..أمست قصوره خرايب!!
بغيت أسلي خاطـره .. عقب ماشـاب
لقـيـت مـالـه بالتسلي طلايب
أقفى مـع المقفيـن .. وجـلٍ ومرتـاب
على عقـوق الوقـت ،بالحيل عايب
في غربتي.. مريـت رجلي وركـاب
أرزاق .. من رب الخلايق ، وهايـب
/الامير خالد الفيصل
واقف على بلكونته سمع صوت اذان الفجر راسه مصددددع بينفجر كان يفركه بتعب دخل غرفته راح للكمودينه اخذ سجاره تذكرها تذكر دموعها نظرات الخوف بعيونها بكاها المها عصر السجاره بيده لين تفتتت دخل الحمام تحمم وطلع صلى الفجر وتوجه لغرفتها
دخل لقاها جالسه ضامه رجولها وسرحانه بالفراغ كالعاده من 3 ايام وهي على ذي الحاله ماتكلمت ماعاد صرخت ماعاد اكلت ماعاد نطقت بحرف حتى وقت يجيها الدكتور ينضف جرحها ماتصدر اه وحده
اخذ نفس تقدم منها شاف الاكل زي ماهو ماكلت شي .. جلس مقابلها
جواد: جوانه .. جوانه
ماردت ماكأنه موجود
هزها صحت من سرحانها وناظرت فيه شوي وطاحت دموعها
حس بضيقه من شاف حالتها مسح دموعها
جواد قرب الاكل منها: ليش ماتاكلين؟
ماردت
جواد: جالسه تعاقبيني والا تعاقبين نفسك؟
نزلت راسها ع رجولها وبكت بصوت اعلى وكل ماله يعلى ..
مسح على شعرها: اشششش اهدي يلا قومي معي
رفعت راسها وقف ومد يده لها: تعالي يلا
وقفت متجاهله يده الممدوده مشت خطوتين ووقفت وهي تمسك على راسها رجع لها .. وطاحت بين يدينه .. ناظرها بأسى .. تنهد بضيق وحملها طلع فيها لغرفته سدحها على السرير .. طلب الدكتور وظل يناظرها شاف ملامح وجهها الشاحبه وشفايفها الناشفه وكأنها جسد بدون روح كأنها جثه هامده قدامه قبض يده بقوه مقهور على الحالة اللي وصلها لها
دق جواله طلع وجاب الدكتور اللي اعطاها مغذيات وابر وطلع
وهو رجع لها يتأمل نتايج وحشيته يشوف وش سوى لها ويذكر كلام الدكتور
الدكتور: انا بعتزر من حضرتك على تدخلي ولكن لازم انبهك ان المدام بتمر في حالة اكتئاب وممكن لو استمريت معها بالعنف الجسدي اللي اشوفه يتحول لإكتئاب حاد قد يؤدي للانتحار او الوفاة .. بعتزر مره تانيه ولكن حاول تطلعها من اللي هي فيه وحن عليها شويه .. مش هاتستحمل اكتر الفتره دي
.
..
.
جالسه بالصاله مع امها بعد مانادتها
ريم: امري يمه
ام ريم: حبيبتي بتكلم معك بموضوع
ريم: طيب يمه قولي اسمعك
ام ريم: يمه انتي كبرتي وصايره وش زينك تطيحين الطير من السما
ابتسمت: يمه عرفت مايحتاج المقدمات
ام ريم تبتسم: اشو سهلتيها علي
ريم: مو موافقه
ام ريم: بعدني ماقلتلك من ولده
ريم: يمه مابي مابي ابي اكمل دراستي تكفين يمه لو تحبيني قفلي على ذا الموضوع لين اخلص دراسه بعدين يصير خير
ام ريم: بعده هو مابيعرس الحين يقول عادي ينتظرك
ريم: يمه لا مابي لا خطبه ولا غيره خليني اركز بدراستي الله يخليك لاتضغطين علي
نزلت راسها بيأس: انا بس بفرح فيك
ريم: راح تفرحين يمه اوعدك بس مو الحين
سمعو صوت الباب دخل عاقد حواجبه ولا له خلق شي سلم من بعيد وطلع غرفته
ام ريم: وراه اخوك هاليومين وضعه مو عاجبني
ريم تتنهد: مدري يمه
ام ريم: الله يفك كربته ويفتح عليه
ريم: اللهم آمين
تركت امها وطلعت راحت غرفته ودقت الباب مارد بس دخلت اول ماشافها
مازن: تكفين ريم مالي خلق محاضراتك فكيني الحين
ريم: مو جايه اعطيك محاضرات بس ابي اقولك ان منار مستحيل تسوي كذا وانت تدري .. لا تخلي الشيطان يلعب بعقلك
مازن: ريم اطلعي ماني ناقص اطلعي
ريم: صدقني ظلمتها روح راضيها
وقف ومسكها من يدها وطلعها وقفل الباب ورجع سريره تغطى يحاول ينام بس كل مايذكر تشب نار بصدره
.......................
مازن بعصبيه وهو يدور بجيبه وبالدراج: وين راح ذا بعد
منار تهمس لريم وهي بحضنها: اذا يبي جواله في شنطتي
ريم: وش تدور؟
مازن باقي يخبط بالادراج: جوالي
ريم: عندك بشنطة منار
اخذ الشنطه ويدخل يده وعينه على الطريق مره يطلع جوالها مره بودرتها عصب وكب الشنطه ع المرتبه اللي جنبه اخذ جواله لفت نظره الورقه اللي فيها رقم سحبها وما ان قراها وقف بنص الطريق فجأه
ريم: وش فيييييك؟
التفت لها بعصبيه: وش ذا يامحترررررمه؟
منار مصدومه من الرقم والرساله "معك عبدالرحمن هذا رقمي كلميني اذا امكن"
ريم مصدومه بعد وتناظر منار
منار: ما اخذتها والله مازن ما اخذتها
مازن يبي ينجن: اجل مشت لين شنطتك ودخلت فيها؟؟
منار: ما اعرف والله ما اخذتها
مازن بعصبيه وهو يرجع يسوق: انكتتتتتمي لا اسمع حسك يامنار.. لا اسممممع حسكك
وتحرك بسرعه وصلها بيتهم كانت ريم بتنزل
مازن بحده: انثبرررري هنا لا اتوطاك الحين انتي الثانيه
قفلت الباب وهو تحرك
ريم: مازن لازم نفهم منها لا تحكم عليها كذا منار مستحيل تسويها
مازن: سوتها وانتهى
ريم: بس ان... قاطعها
مازن: اسكتي ريم ماني ناقصك
ريم: بتندم صدقني وراح تحفى عشان تراضيها
ضحك بسخريه وكمل طريقه
.
.
.
دخلت على دانه اللي تفاجأت وقامت تضمها ومافاتها نظراتها المهمومه والضيقه اللي فيها
دانه: منور فيك شي؟ مو من عادتك تجيني هاجده كذا
ابتعدت عنها لقتها تبكي : بسم الله شفيك تكلللمي
منار: ولا شي متضايقه شوي
جلسو على السرير: وش مضايقك؟
اخذت نفس ومسحت دموعها: مازن
دانه: وش فيه
منار: تركته
دانه بصدمه: كيف تركتيه؟ مو ذا حب حياتك طفولتك وشبابك
منار تناظر يدينها: كسرني شك فيه وهاوشني قدام خلق الله
دانه: بسم الله متى صار ذا الكلام قبل كم يوم وانتي تكلميني عنه ومبسوطه
منار: من يومين او ثلاثه
دانه: وش صار بالضبط
حكت لها الموقف اللي صار
منار: وربي ما اعرف كيف جت الورقه بشنطتي
دانه: اكيد يوم ضربتي فيه مو تقولين انه نزل اخذ اغراضك اكيد حط الورقه
منار بقهر: بس الغبي اللي عندي وش يفهمه يحسب اني خذيتها بكيفي
دانه: ماعليك منه اهم شي انتي واثقه من نفسك
منار: مقهوووره ماتوقعت منه ذا التصرف والكلام واتهامه لي
دانه: حبيبتي هو الخسران راح يجي يوم ويعرف انه غلطان
منار بحقد: والله ما اسامحه خله عشان يعرف اني مو سهله
دانه تبتسم: ايه كذا القوه
جاها مسج فتحته كانت اضافه سناب من ليان
منار: مين؟
دانه: مدري وحده اسمها ليان ضافتني برقمي
منار: اقبلي اكيد تعرفك
قبلت وتركت الجوال: المهم الحين امشي تحت نسوي لنا قهوه وروقي وانسي هاللي اسمه مازن
ابتسمت: يلا
تركت جوالها ونزلت مع دانه سوو لهم قهوه وجلسو على الطاوله بالمطبخ
دانه سرحانه: تهقين جوانه وش تسوي الحين؟ فقدتنا مثل مو فاقدينها؟ تفكر فينا؟
منار: مشتاااااقه لها مرررره احس بفراغ بدونها كانت تشاركني بكل شي
ضربتها على كتفها بخفيف: وانا وين رحت ياحماره ناكرة معروف
منار: ههههه انتي احتياط لو ما حصلتها جيت لك
دانه تشهق: اهيئئئئى ايا الخاينه الحين انا احتياط
منار: ههههههه لا لا امزح اسحب كلامي
دانه: فوق خشمك تسحبينه مالك غيري خلاص
منار تفكر: تهقين يضربها؟
دانه: ما اعتقد ليش يضربها
منار بحزن: قبل تتزوجه قالت لي انه كان قاسي دفها بالمسبح كانت بتموت
دانه شهقت:الله لا يوفقه الله ياخذه الحيوان ليش ماقالت لي ولا انتي قلتي
منار: ماكانت بتشغل بالك عليها وانا مافكرت اقولك
دانه بحقد: الله ينتقم منه عساه بمرض ماله علاج والا يموت وترتاح منه
منار: والا يقوم اخوه وترجع لنا جوانه
دانه: تهقين يرجعها اذا قام؟
هزت كتوفها: مدري مو متوقعه منه الخير ابد
دانه: مقهوره حاقده عليه الحيوان نفسي اتوطا في بطنه
منار: يمكن تغيرت معاملته معها يمكن حبها
دانه: ومن زود المحبه مسفرها وحارمنا نشوفها
منار: بالله من الخبل اللي عنده وحده مثل جوانه ويتركها
دانه: اااه خساره فيه والله انه حتى يشوف رمشها
منار: فديت رمشها وعينها وروحها
دانه: فقدت حكيها وضحكتها ودلعها
منار تبتسم: ليتها تسمعنا واحنا نتغزل فيها كانت راح تقول
قالو مع بعض ويقلدون نبرة دلعها: بعض ماعندكم ياروحي
ابتسمو
منار: ااااااه اه .. عساها بخير وبس
دانه: كوني بخير جوانه كوني قويه ياروح روحي انتي
.........................
جالس في مكتبه عينه على اللاب يتأكد من بعض الحسابات وفي وسط انهماكه مر طيفها على باله
سرح شوي ابتعد عن المكتب وهو يرخي جسمه على الكرسي رفع راسه للسقف غمض عيونه يبي يريح راسه شوي بس ما ان سمع صوت بابها وقف وطلع من مكتبه كانت رايحه الحمام
جواد: جوانه
التفتت ولا تكلمت
جواد: اذا خلصتي تعالي لي المكتب
هزت راسها وماتحركت لين عطاها ظهره دخل المكتب جلس وهو ينتظرها ويذكر عيونها اللي باين فيها اثار الدمع وخشمها وخدودها الحمرا كانت تبكي ولمتى راح تبكي لازم تنسى لازم يشغلها
دقت الباب ودخلت بهدوء
ناظر فيها: تعالي
تقدمت شابكه يدينها ببعض وتناظرهم
جواد: ارفعي راسك
رفعت راسها وهي تحاول تناظر بكل شي حوله الا عيونه ولاحظ هالشي بس ماحب يضغط عليها
جواد: تقدرين تكتبين؟ عندي اوراق ضروري تخلص اليوم
ماردت وقف وفتح لها المجال انها تجلس على كرسيه كان واقف جنبها منحني يد على الكرسي الجلد ويد على اللاب وتركيزه عليه يفهمها وش تكتب ووين وهي تهز راسها معه على اساس فهمت
ابتعد جلس على كرسي مقابلها يراقبها
يشوف عيونها والدموع اللي تغزيها بين وقت ووقت
ارتجاف يدها على الكيبورد
وسرحانها اللي كل شوي ينبهها منه ..
يراقب محاولاتها للتركيز
وهو عارف انها راح تكتب كل شي غلط
بس يبيها تبعد عن الحاله المريره اللي عايشتها
بيشغلها يبي يحسسها انه ماصار شي
بس كيف والعلامه انطبعت بقلبها وروحها قبل ما تنطبع بجسدها
رجعت البيت اخذت جوالها فتحت على رقمه
منار: اتصل فيه افهمه .. لالا مستحيل هو اللي غلط علي هو اللي المفروض يدق مستحيل اكلمه
دقت على ريم اللي ردت بسرعه
ريم: هلا وش السحبه ذي يالظالمه
منار: سامحيني كنت مره مضايقه من مازن
ريم: وانا وش دخلني
منار: مدري اسمع صوته فيك مابي اتذكره
ريم: الموضوع مايستاهل كل ذا يا منار .. دقي عليه وفهميه
منار: والله ما اكلمه ليش مايصدقني ليش لازم ابرر له
ريم: انتي معنده وهو معند وش ذا الحب اللي مافيه تنازلات
منار: تبيني بعد كل شي سواه انا اللي اعتذر منه؟
ريم: لا تعتذرين بس برري اشرحي مو تصدين
منار: بكيفه لو مايبي يصدقني بكيفه ماراح اقوله شي
ريم: تراه ميت عليك بس يكابر
منار: خل المكابر ينفعه
ريم: لا تكونين قاسيه كذا
منار: هو حبيبي واحبه واعشقه وكل شي بس مستحيل انا اكلمه
ريم: والله عاد بكيفكم انتي وياه انا سويت اللي علي لحد يلومني بعدين
سكتت منار
ريم: الا بسألك جوانه وش صار عليها؟ ماتكلمك او تكلم دانه
منار بحزن: لا والله من وقت تزوجته الحقير ابعدها واخفاها لا اتصال ولا غيره
ريم بحزن: ياليتها ماقربت منهم
منار: تدرين فيها ماتحب تشوف الظلم وتسكت
ريم: اااه يا منار وربي اني ندمانه قد شعر راسي على اللي صار .. ياليت لو يرجع الزمان وما اعرفه ولا اقرب منه
منار: انا اللي مستغربته انتي مو من النوع اللي تكلمين عيال كيف كذا فجأه عرفتيه لا وبالسناب اللي بعمرك ما قبلتي فيه احد من برا عيلتك
ريم بحزن: صدفه غبيه كانت .. المهم يلا اشوفك بكره ان شاءالله
منار: اوك.. باي
قفلت منها وماتدري ليش اول كذبت على منار وقالت لها انها عرفته على سناب
سرحت وهي تبتسم تذكرت كيف كان اول لقا بينهم
دخلت الكوفي وهي تصور وفجأه خبطت بشخص بقوه لحد ما انكبت القهوه الحاره عليه
رمى الكوب وهو يمسك الثوب ويشده لقدام من عند صدره عشان مايلصق بجسمه ويحرقه اكثر
رفع نظراته لها بعصبيه بس قبل مايتكلم هجمت عليه
ريم: وججججع اعمى انت ماتشوف؟
ناظرها بصدمه: الحين من فينا اللي مايشوف ؟ يا غبيه
ريم بحده: والله ماغبي الا انت واشكالك
جاد بعصبيه: انقلعي من قدامي بس. غلطانه وتنافخ بعد
بققت عيونها: هيييي خير من انت عشان تكلمني بذا الاسلوب.. صدق وقح
جاد: بسم الله على اسلوبك الراقي .. بدل ماتعتذرين ماده لسانك شبرين
ريم: الشرهه مو عليك على اللي للحين واقفه وتتجادل مع واحد غبي مثلك
تحركت مسك يدها ف التفتت بحده وصفعته لحد ما انصدم
ريم ترفع يدها بوجهه: لا تتجرأ وتلمسني فاهم
تركته وطلعت وهو مازال مصدوم......
جالس مع اخوياه في استراحته ماسك الاركيله وسرحان
وين راح تروحين مني اجيبك من تحت الارض لو ابيك .. الحين انا انرفض وعشان مين عشان ذا اللي شايف نفسه والا ماخذتيه عشان فلوسه معقوله تحبه.
حس بنار ولعت فيه .. ماراح اسمح له ياخذك لازم يخليك لازم يخليك حتى ولو اضطريت اقتله انتي ملكي .. انا مو كل يوم تدخل مزاجي بنت ودامك ملكتي تفكيري ف انتي ملك لي
: الوووووووو
التفت له
بندر: وين وصلت يا الحبيب
هادي بقهر: للقتل
ناظر فيه بصدمه: اعوذ بالله قتل مره وحدة
ابتسم بسخرية: خفت؟ تطمن موب انت .. ااااخ حاقد على واحد ودي اقتله
بندر: تعوذ من ابليس وش تحسب القتل مثل شربه المويا .. راح يعدمونك بعده
هادي: هه مايهمني اهم شي اقهرها عليه مثل ماقهرتني
بندر: منهي؟
هادي: وحده فكرت فيها قلت بس هذي هي اللي ابيها مدري وش جذبني لها بس للاسف صدتني .. صدتني انا واخذته
بندر: تحبها يعني. اقصد بينكم علاقه وخانتك؟
هادي: لا .. ما امداني اتعرف عليها
بندر: اجل ليش كل ذا الحقد؟ طبيعي ترفضك لو هي ماتعرفك
هادي بحده: مو انا اللي انررررفض
بندر بسخريه: ليه؟ ولد الوزير وانا ما ادري
هادي: التهي بنفسك احسنلك
بندر: الحين حاقد على وحده رفضتك وهي ماتعرفك وتبي تقتل زوجها عشان تقهرها بعقلك انت والا جنيت ؟؟؟
هادي: هه تطمن بكامل قواي العقليه وبعدين مو عشان اقهرها وبس هو بعد شايف نفسه شايفني كني ولا شي مو معطي احد قيمه مايستحق يعيش
بندر: مو انت اللي تحدد من يستاهل العيش ومن لا الاعمار بيد الله مو بيدك وبعدين البنت خلاص شافت نصيبها وتزوجت. اصرف نظر عنها ليش تدخل نفسك بمشاكل انت في غنى عنها
هادي: والله ماتكون الا لي وملكي
بندر بصدمه: ملكك؟؟؟؟ حسستني انها بيت او سيارة عشان تملكها
هادي: ليش بعد ماراحت له تبيني اعتبرها زوجه طبيعيه؟ لا طبعا بس بتزوجها لاني ابغا اتزوجها واللي ابيه اسويه لو فيه قطع رقاب
بندر: والله انك مريض روح تعالج انت عندك حب التملك .. كل ذا لانها رفضتك؟؟؟ تستاهل الرفض والله
ناظره بحده: اقول بتسكت والا تقلع من استراحتي
بندر وهو يوقف: مايشرفني اصلا ابقى مع واحد مريض مثلك
طلع وهادي عدل الاركيله: عكرت جوي الله ياخذك
شفط منها وكمل تفكير وتخطيط
.
.
.
رن جوالها نغمة رساله
ناظرتها كانت البنت اللي اضافتها
ليان: السلام عليكم
دانه: وعليكم السلام .. مين معي؟
ليان: اسمي ليان وانتي؟
دانه: انا دانه .. معليش بس تعرفيني؟
ليان: راح اعرفك الحين😊
دانه: امانه من انتي؟ احسك تعرفيني ومسويه فيني مقلب
ليان: اممممم اعرفك وما اعرفك
دانه: كيف يعني ؟
ليان: يعني اعرف شي بسيط عنك اللي هو ان اسمك دانه
دانه بإستغراب: ؟؟؟؟؟؟؟؟
ليان: ههههه اقصد توك قلتي لي اسمك بس هذا اللي اعرفه عنك
دانه: اها
ليان: عادي ي قلبي لو يضايقك اني اتواصل معك عطيني بلوك
دانه: لالا بس مستغربه كيف عرفتيني وليش اضفتيني
ليان: بس كذا صدفه
دانه: طيب انتي من وين كم عمرك
ليان: انا من الرياض وعمري 28
دانه: ماشاءالله العمر كله انا بعد من الرياض
ليان: واكيد عمرك 20
دانه مصدومه: كيف عرفتي
ليان: عندي احساس قوي. تقدرين تقولين حاسة سادسة😇
دانه: قمت اشك فيك يابنت
ليان: ههههههه لا يدخل قلبك الشك بس مجرد تخمين
دانه: اها طيب
ليان: ترا امزح عليك عمري بعد 20
دانه: والله؟
ليان: يب
دانه تبتسم: الحين ارتحت بصراحه قبل حسيت كيف بكون معك وانتي مو نفس عمري
ليان: مايفرق العمر اهم شي العقل
دانه: بس حتى لو حسيت ماراح اعرف اتعامل معك
ليان: تخيلي يخطبك واحد عمره 28 بترفضينه؟
دانه: وكيف عرفتي اني مو مخطوبه لا يكون حاستك السادسه بعد
ليان: ههههههه لا لا هالمره تخمين يعني بالله من بتتزوج بعمر 20
دانه: كثير يتزوجون بذا العمر
ليان: بس مو انتي
دانه: ليش واثقه
ليان: مدري احساس
دانه: رجعت اشك في وضعك
ليان: هههههههههههههههههه
دانه: احسك تعرفيني
ليان: قلتلك يمين بالله ماعرفت منك غير اسمك
دانه: طيب اسلوبك غريب
ليان: لا غريب ولا شي وبعدين مارديتي على سؤالي بتاخذين اكبر منك والا لا
دانه: مدري اذا كان مز ووسيم ايه ماعندي مشكله
ليان: وان طلعت اخلاقه زباله
دانه: عاد الله يعيني ضريبة الوسامه اللي ادورها
ليان: ههههههه والله حبيتك
دانه تبتسم: وانا للحين شاكه بوضعك
ليان: ههههه وش تبين اسويلك عشان تتغير نظرتك
دانه: مدري اول شي قولي لي ليش سويتي لي فولو ومن انتي بالتفصيل
ليان: انا احب اتعرف على الناس عندي كثير صديقات ادخل ارقام عشوائية واضيفهم بس كذا
دانه: غريبه انتي كيف تثقين اذا اللي تكلمك بنت او ولد
ليان: اسولف معها اذا عرفت انه ولد بلوك
دانه. بها السهولة الموضوع
ليان: بالنسبه لي ايه ... يعني انا وحيده امي وابوي تخيلي ماعندي اعمام وخوال زي باقي البنات ف صرت اكون صداقات كثيره عشان ما احس بالوحده وبس هذي هي السالفه
دانه: ياروحي
ليان: فيس مبتسم 😊
دانه: بديت احبك
ليان: ههههههه الحمدلله
دانه: عندك دوام بكرة
ليان: يب
دانه: لمتى تسهرين
ليان: بالعاده اداوم مواصله وانتي؟
دانه: لا ما احب السهر احب انام بدري واقوم بدري
ليان: اجل مابطول عليك نامي ونلتقي بكرة ان شاءالله
دانه: تمام
ليان: تصبحي على خير
دانه: وانتي من اهلة
رمت جوالها وتسطحت وهي تبتسم
دانه: معقوله وحده من البنات وقاعده تستهبل علي
يمكن ليش لا
عدلت المنبه وتغطت ونااامت
.
.
.
صحى على صوت صراخها كالعادة كان نايم بالصاله خايف تسوي شي بنفسها
دخل بسرعه غرفتها كانت ضامه نفسها وتصرخ
نزل لها وضمها بقوه
جواد: اشششش اهدي اهدي
ضربته بقوه تحاول تبعده عنها بس كان متمسك فيها بقوه
حاول يهديها قد مايقدر عشان عارف ان كثرة الابر مضرة لها ماهدت تصرخ بشكل مو طبيعي وهو يحاول يكتم صوتها بصدره
جواد: ارحححمي نفسك خلاص
جوانه: لا لا لااااااا ماننننسيتككك مانسيييت ااااااه يمااااااااه وربي مانسيت ماراح انساااااك
جواد: اششششش
جوانه: لااا تحررررقني مانسسسسيتك مانسسسسيت
شالها ودخلها ع الحمام حطها تحت الدش وشغله لين شهقت وسكتت بس مازالت تبكي وترتجف بحضنه وتتمتم
جوانه باقي تهمس بلا وعي: ابعد عني اكرهك ابعد
ضمها اكثر: راح ابعد بس اهدي
ماسمع حسها ابعدها عنه شوي شافها غابت عن الوعي طفى المويا .. تأملها شوي وهو يبعد خصلات شعرها المبلول عن وجهها وفمها
جواد: ليتك اخترتي السجن من الاول وريحتيني وارتحتي
حملها لغرفته سدحها على سريره ابعد بلوزتها العلويه عنها مسك اطراف البدي يحاول ينزلها بس توقف صد راسه عنها و غطاها .. كلم وحده من الخدم تجي تغير ملابسها وهو راح على حمامه غير ملابسه .. وقف قدام المرايه شوي ناظر نفسه وحس بقهر مو طبيعي .. اخذ شمعه من اللي كانت موجوده على الرف فوق المراية ورماها بقوه عليها لحد ماتكسرت
طلع كانت الخدامه تجمع ملابسها المبلوله وغطى السرير اللي غيرته وطلعت قرب منها تأمل وجهها الشاحب سحب الشرشف وغطاها ابعد شعرها عن وجهها
جواد: اهربي ذي المره واوعدك ما ارجعك
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛
بعد كم يوم .. وقف قدام المحل وهو حاس بنار شابه بصدره
مقهور وحاقد حتى على المكان
فسخ نظارته الشمسيه وهو يتوجه للكاشير اللي عرفه اول ماشافه
مازن: السلام عليكم
الكاشير: وعليكم السلام .. تفضل
مازن: ابي منك خدمة لو سمحت
: امرني
مازن: مايامر عليك عدو .. في كميرات بالمحل؟
بإستغراب: فيه ليش؟
مازن: قبل كم يوم صارت مشكله هنا وفي شي ضروري اشوفه
: اعتذر منك مقدر اخدمك هالموضوع فيه مسؤوليه
مازن: مسؤولية ايش؟ انا ضروري اشوفها
: وش تبي تشوف بالضبط؟
مازن: زوجتي طاحت شنطتها وكان فيه شخص اخذها والحين هي فاقده اغراض من الشنطه ف بتأكد لو هو عشان ابلغ عليه
تردد شوي بس وافق طلعو على غرفه ثانيه وطلعو له التاريخ والوقت اللي طلبه راقب شاف منار وكيف الرجال وقت اصتدم فيها سحب شنطتها وكيف نزل ودخل الاغراض واخيرا اخذ ورقه من جيبه وحطها كل ذا في ثواني
طلع بسرعه ركب سيارته وهو يكلم
ريم: نعم خير لا تكلمني
مازن: ريم تكفين احتاجك
ريم: مابي اسمعك منت متذكر كم مرة طردتني من غرفتك
مازن: ريم اسمعيني وخلي زعلك الحين على جنب
ريم: وش تبي؟
مازن: جيبي منار البيت ضروري
ريم: مستحيل توافق
مازن: تكفين حاولي فيها لازم اشوفها ضروري
ريم: احاول بس ما اوعدك
مازن: انتظرك
قفل منها وكمل طريقه وهو يفكر وش يسوي عشان تسامحه عارفها عنيده ومستحيل ترضى بسرعه
اخذ جواله دق عليها وطلع له مقفل رمى الجوال بطفش
فهد: اااااه ماراح اقدر اسكت اكثر ذا الواطي مدري وش مسوي فيك وانا ساكت
تذكر الشهاده: راح يسجنها لو تكلمت او قلت لهم
اخذ جواله ودق على دانه
دانه: هلا فهود
فهد: مداومه؟
دانه: لا عندي اوف
فهد: راح اجيك الحين ابيك بموضوع
دانه: طيب انتظرك
قفل جواله ولبس وطلع لها بسرعه دخل وشاف عمته امه الثانيه بالصاله راح لها باس راسها وجلس
عبير تبتسم: وينك هاه ماتسأل عني؟
فهد: اسف يمه حقك علي ادري مقصر معك بس والله انشغلت شوي الفترة اللي راحت
عبير: انشغلت والا عشان جوانه راحت من هنا
نزل راسه: والله للامانه البيت ناقص بدونها
عبير بحزن: صدقت
فهد يغير الموضوع: شكلك غيرانه من حبي لها
عبير: ههههههه لا والله فرحانه ان الله رزقها حبك لها واهتمامك فيها .. كنت لها ولدانه بعد. السند والاخو اللي انحرمو منه وماضنتي لو جبت اخ لهم بيكون مثل خوفك عليهم وسؤالك عنهم
فهد تضايق بداخله:سندها ولا قدر يحميها )
وتكلم: والله الود ودي ما اخليهم يحتاجون شي.
عبير: ماتقصر يمه .. الا كيفها امك لها كم يوم ما تمرني
فهد: بخير الحمدلله عندها شوية زكام
عبير: اجل بسوي لها الشوربه اللي تحبها .. انتظر لا تروح لين اجهزها
فهد: ابشري على هالخشم
عبير: تبشر بالجنه حبيبي. ترا دانه بغرفتها لو تسولف معها لين اخلصها
فهد: ايه انا كنت طالع لها
راحت وهو طلع دق الباب
دانه: ادخخخخل
دخل وسحب كرسي التسريحه جلس مقابلها
دانه تناظره: شفيك اول مره احس عندك سالفه مهمه
فهد: لا والله؟ ؟؟
دانه: اي والله
فهد: اااه بس وينك ي جوانه .. الوحيده اللي تعطيني وجه
دانه: اقول انت واختك تراني عندي احساس ماني مزهريه هذيك تقول اني احتياط وانت مدري وش بتقول بعد
فهد: هههههه حلوه احتياط ... وبعدين وانا صادق متى بالله سمعتيني؟ او عرفتي عني شي كل اسراري وهمومي عندها
دانه: خف علينا يالمستشار وش من اسرار عندك
فهد: خلاص ماتهمك اسراري ماراح اقولها حتى وان كان عن جوانه
دانه بفضول: جوانه؟؟؟ وش فيها ؟؟
فهد بحزن: شفتها
عدلت جلستها: قول والله متى ووين
فهد: قبل اسبوع تقريبا. ولو تدرين وين
دانه: وين؟
فهد: بالدمام
دانه مصدومه: يعني مو في لندن الكذااااب قال بيسفرها
فهد: الله يلعنه الحقير
دانه: استغفرالله حرام اللعن
فهد بقهر: استغفرالله قهرني اخذها قدام عيوني ولا قدرت امنعه
دانه: علمني السالفه بالتفصيل وش صار كيف رحت وكيف شفتها؟ هي بخير؟ مبسوطه؟
فهد بحزن: بخير ان شاءالله بس مو سعيده ابدا باين الحزن بعيونها. كلمتني فجأه قالت تعال انا في الدمام وارسلت لي اللوكيشن وانا طرت لعندها بسرعه كنت باخذها معي بس في وحده تقرب لجواد عصبت ورفضت وجوانه اصرت علي انام عندهم وانا كان ماودي اتركها عندهم حسيتها مو بخير كانت ودها تجي معي اكيد انها بمصيبه
دانه: ياروووحي ياجوانه كنت حاسه وربي كل ليلة احس اني مخنوقه واحسها تناديني تبيني اساعدها
فهد: المشكله اللي اسمه زوجها جا باليوم الثاني وقبل ما نطلع شافها وصرخ عليها تخيلي كان ممكن تركب ونطلع ولا فكرت فيه لكنها تجمدت مكانها من رعبها تصنمت ووجهها تغير من شافته
دانه بخوف: وش سوالها؟
فهد: ضربها لين فقدت وعيها
دانه: قدااااامك ي فهد؟
فهد: ماسكت له ضربته وكنت بكلم الشرطه حتى بس .. في شهاده مزوره عليها اسم جوانه عندك علم بالموضوع
خافت تقوله ويلومها انها ماقالت لهم : لا شهادة ايش
فهد: مدري قال كلم الشرطه ونشوف من بتاخذ فينا .. خفت اضرها سكت وراحت قدام عيني
دانه: والحين وش ناوي تسوي
فهد: تعرفين عنوانه؟ ابي اروح له
دانه: ما اعرفه ولا حتى اهلي يعرفونه وبعدين مو قلت شفتها بالدمام اجل اكيد ما يوديها بيته يمكن بمكان ثاني
فهد وهو يوقف: خلاص خلاص لقيتها
دانه: وش راح تسوي؟
فهد: بروح له الشركة .. مستحيل اسكت على اللي يصير مع جوانه
عند باب غرفة ريم واقف ويترجها
مازن: تكفين بتفاهم معها
ريم بحده: ولا تحلم استغفلها واخون ثقتها فيه
مازن: طيب قولي لها وكوني معنا
ريم: اشوف
دخلت لها بتردد: منو
التفتت لها: هلا
ريم: مازن يبي يكلمك
منار بحده: مابيه ولا بكلمه
ريم بهدوء: هذا هو عند الباب خليه يقول اللي عنده منتي خسرانه شي
منار وقفت ولفت الطرحه عليها: راح اروح احسن
ريم توقف بطريقها: لا لا لا خلاص راح اقوله ماتبي تكلمك
فتح الباب وريم ناظرته: اطلع يامازن خلاص
مازن: اسمعيني منار
منار: مابسمعك خلاص سمعت كثير منك يكفي
مازن: ادري زعلانه ومن حقك تزعلين بس بعد من حقي اراضيك .. سامحيني منار واوعدك اللي تبينه بيصير
ابتعدت وهي توقف قدامه: لو سمحت بطلع
مازن: مو قبل ماتشيلين الحظر عني
منار بعناد: مابشيلة لو تحب الارض ماشلته
مازن يحاول يلطف: هذي الشراسه اللي قلتي لي عنها .. اشوا شفتها من الحين قبل ما اتوهق واتزوجك
ابتسمت ريم ومنار عصبت
منار: ابعد عنننني ابببببعد بطلع والا والله اصرخ اخلي خالتي تجي
مازن: عادي ياروحي خلهم يجون عشان اشهدهم عليك انك اخذتي قلبي ومو راضيه ترجعينه
منار: اووووه وبعدين معك
مازن: شيلي البلوك
منار بنفاذ صبر: اذا وصلت البيت
مازن: لا الحين
منار: مو على كيفك
مازن: بس بتفاهم معك
منار: وانا اقولك مابينا تفاهم انتهت القصه
مازن: اجل اقعدي هنا انا مبسوط بشوفتك عاد مدري عنك
منار بعصبيه: يووووووه منك
اخذت جوالها وفكت الحظر عنه: هاه ارتحت فتحته
ابتسم: اوعديني ماتحطينه مره ثانيه
منار: اللهم طولك يا روح ..
ابتسم: يلا اوعديني
منار: وعد
مازن: وعد ايش؟
منار: وعد ما ابلكك
ابتسم وفتح لها طريق وهي طلعت على طول وهو يراقبها لين نزلت الدرج
ريم: والله منت بهين
رجع نظره لها وهو مبتسم: ااااه راسها يابس مدري كيف راح ترضا
ريم: ماعليه انت قدها
مازن: ههههههه قالولك داخل حرب؟
ريم: لا بس الله يعينك على اللي بيجيك. خذلك برادة مويا عندك لانها بتنشف ريقك
مازن: ههههههههه في هذي عاد صدقتي
ابتسمت وهو راح غرفته ينتظرها توصل البيت عشان يكلمها
.
.
.
جالس بمكتبه يقلب بالاوراق اللي بيده جاه اتصال ورد وعينه على الاوراق
جواد: نعم
:اللي طلبته تم طال عمرك
جواد: كل الانواع صارت موجوده؟
: اي نعم
قفل منه ورجع ظهرة للخلف من كم يوم يحاول يطلعها من اللي هي فيه والخوف والوحده اللي عايشتها .. كل ليلة ينام بالصالة لانها تصحى بأغلب الليالي تصرخ ومفزوعه ولازم يكون جنبها خوف من انها تسوي بنفسها شي وقف وتوجه لغرفتها
دخل بدون مايدق وحس برجفتها لما شافته تقدم منها بهدوء جلس مقابلها ويناظرها بتمعن بينما هي قاعده تشتت نظراتها بعيد عنه
جواد: ناظريني
زادت نبضات قلبها وامتلكها الخوف ماقدرت تحط عينها بعينه ماقدرت ترفع عيونها له
حط يد على يدينها البارده وهو يشد عليها عشان تهدا
جواد: قومي معي
هزت راسها بلا
جواد: عندي لك شي حلو راح يعجبك
ناظرته بتردد وخوف
وقف وسحبها وقفت معه نزلها من الباب الخلفي حوط كتفها بيده وقربها له وحس برجفتها عارف انها بتموت من قربه بس مع ذلك ماترك لها خيار انها تبعد
جواد: وش تتوقعين ؟
هزت كتوفها انو مدري بس ماتكلمت
وقف وناظرها: عرفت انك تحبين الطيور شوفي وش جبت لك
رفعت راسها كان شبك كبير على طول سور البيت العالي مليان طيور من كل الانواع نصها مقسمه في اقفاص متوسطه مرتبه يحمل كل قفص نوع معين من الطيور
ابتسم لما شاف تفاجأها: عجبك ؟
هزت راسها بإيه
قعد يراقبها وهي تراقب الطيور ومبتسمه: وش رايك تختاري لك طير
ناظرته بصدمه: ا اختا ر لي؟
ابتسم لانها من فتره ماتكلمت هذي اول مره تنطق
جواد: ايه اختاري اللي يعجبك
ناظرت فيه: ليش؟
جواد: اممم بس كذا تاخذينه معك ع الغرفة يونسك
ابتسمت ورفعت راسها تأملتهم كل الانواع حلوه والوانهم جذابه .. اشرت على اثنين من الطيور واقفين على غصن: هذيل حلوين مررره
ابتسم: صحيح جميل والكل يتمناه بس لو تاخذينه الغرفة ودعي السمع عندك. صراخه يفقع مو بس اذنك الا مخك بعد
ابتسمت بهدوء: ليش وش نوعه
جواد: ببغاء صن كنيور. حلو بس مزعج
سكتت
جواد: اخذ لك اللي اشوفه مناسب؟
هزت راسها بإيه: بس مايكون كبير يعني متوسط
ابتسم: ابشري ماطلبتي شي .. الحين يجيك اجمل طير بذا المكان
ناظرت فيه مصدومه من اسلوبه اول مره يسمع كلامها لا ويقول لها ابشري
نادا احد العمال وطلبه يطلع له اللي يبيه ويحطهم بقفص ناظر يمينه ماشافها التفت شافها متخبيه خلفه من العامل ماتبيه يشوفها
ابتسم: شفيك
جوانه: بروح من هنا
تحرك من المكان بعد ما اخذ الطيور معه جلس على جلسات حط القفص على الطاوله وهي جلست مقابله وتتأمل العصافير
جواد: وش راح تسمينهم؟
ناظرته: اسميهم؟
جواد: ايه تبينهم كذا بدون اسم؟
جوانه: ينفع اسمي الاثنين جوانه
ناظرها بإستغراب: ليش؟
جوانه بحزن: لانهم محبوسين مثلي بذا القفص الصغير
اخذ نفس: راح يجيهم يوم وتنفك قيودهم ويتم تحريرهم
هزت راسها وهي سرحانه بالفراغ: بعد ما انسلبت روحهم منهم وش تفيدهم الحريه
حط يده على يدها صحت من سرحانها
جواد: اذا شافو السما وحلقوا فيها راح ترجع لهم روحهم وحياتهم وحتى ضحكتهم بترجع
جوانه: تتوقع بيجي ذا اليوم اللي ممكن يتحرروا فيه؟
عارف انها تقصد نفسها ماتقصد الطيور وحب يطمنها عشان ترجع زي اول
جواد: اكيد وماتدرين يمكن قريب
ابتسمت وتناظر الطيور
جواد: حابه تلمسيه؟
جوانه: لا اخاف
ابتسم: شوفي جمالهم ماراح يسوولك شي
فتح القفص وطلع واحد كان ماسكه بيد وحده ومو طالع من يده الا راسه قربه منها وجلس يناظر ترددها وابتسامتها وقت لمست راسه لاول مره جلست تفركه وبدت تتخلص من خوفها
جواد: افتحي يدينك
فتحتها: حط الطير بوسط يدينها ومازال ماسكه قفلها عليه وابعد يده
جوانه: هههههه يخربش يدي برجوله
ابتسم: عجبك
جوانه تبتسم وتحاول تسيطر عليه: ايه مره لطيف حبيته
جواد: هذي انثى
ابتسمت: فديتها زيي عسوله
ابتسم: سميها جوان
ناظرته ف تكلم: لانها تشبهك تقولين
رجعت تناظرها وتبتسم: جوجو .. جواني .. انتي حلوه كثير تدرين ... لونك بلون السما والغيوم اجمل لونين في الحياة .. بنصير انا وانتي صديقات اوك .. مو تجرحيني بمنقارك الصغير ذا اتفقنا
كان مبتسم وهو يسمع حديثها
التفتت له: وش نوعه؟
جواد: بادجي انجليزي
جوانه تبتسم وتحرك الريش اللي براسه: فديت شوشتك طلعت انجليزي هاه
ابتسم اكثر: هالشوشه على قولتك بس في الانجليزي .. الانواع الثانيه مثل الهولندي والاسترالي اشكالهم تختلف شوي من ناحية الحجم يعني اصغر منه بالحجم لو ماعجبك حجم ذا جبت لك الاسترالي
ابتسمت: لا حلو حجمه .. حبيتها ام شوشه ذي
جواد: تدرين انه نوع من انواع الببغاء الصغير
جوانه: يعني يكبر يصير ببغاء
ابتسم: لا هذا طول عمره يستمر صغير كذا ..
ابتسمت وهي تشوفه يحاول يتحرك بين يدينها
جوانه: شكله طفش برجعه
قربت يدينها من القفص وجواد فتح لها دخلت يدينها
وصرخت وهي تطلعها بسرعه
جوانه: اااااه ياالشرير ليش تعضني
جواد: هههههه اخذتي زوجته
ناظرته بحقد: كريه خلاص كرهته لازم ابعده عن جوانتي ذا الاصفر الشرير ابيها بس هي مابيه
جواد ابتسم: راح تموت بدونه
جوانه: ماتموت ازوجها غيره
جواد: ههههههههه ليش هالحقد عليه تراه يحبها
جوانه: يحبها ف عينه ...شهقت وهي تناظرهم....: اهيئئئى شف شف الحيوان كيف يضربها على راسها بمنقاره الملتوي ذا
جواد: ههههههههههه
ناظرته بحزن: تكفا طلعه. غيره لها
هدا من ضحكه ومازال مبتسم: نصيبهم لبعض مانقدر نغيره
جوانه بتذمر: ياروحي عليك ياجوانتي. مسكينه حتى حظك مثل حظي
جواد: حظك انتي اللي اخترتيه بإرادتك
جوانه بحده: مو بإرادتي انت غصبتني اختاره
جواد: انا خيرتك ماغصبتك
جوانه: مستحيل اختار السجن وانت عارف ذا الشي
جواد: قدرك ونصيبك عاد
نزلت دمعتها: مابيه مابي ذا القدر ماتمنيت الحياة هذي خلاص تعبببببت والله تعبت
كان يراقب خصلات شعرها اللي لاعب فيها الهوا مد يده ورجعها خلف اذنها
جوانه بعيون مدمعه: تكفا طلقني خلاص سويت اللي براسك وانتقمت لاخوك مني
جواد: اتفاقنا كان لين يصحى جاد
جوانه بخوف:وان ماصحى؟؟ بقعد اتحمل عذابك طول عمري؟؟؟
جواد: انسي اني اطلقك قبل مايقوم
صدت عنه وهي تمسح دموعها بأطراف اصابعها وهو يتأمل عيونها وخدودها المورده وخشمها الصغير الاحمر .. اطراف شفايفها اللي صارت حمرا من البكا بعد. التفتت عليه فجأه ف نزل راسه شوي ورجع رفعه ووقف: نطلع؟
جوانه بسخريه: سجني ينتظرني ؟؟
جواد: الحين صار عندك شريك بالسجن راح تتسلين معه .. شفتي سجّان حنون مثلي يفكر براحة سجينته؟
ناظرته بنص عين: انت بعيد كل البعد عن الحنييه
ابتسم: انا مافي احن مني لكن مو عليك .. ويلا قومي بلا كثرة حكي
وقفت مقهوره وساكته
مسك يدها واخذ القفص باليد الثانيه وطلعو
جالسه مع امها تحضر الغدا
دانه: يمه تعالي شوفي ذي الدجاجه اللي مو راضيه تتقطع
عبير: الحين حتى دجاجة ماعرفتي تقطعينها؟
دانه: قلتلك ما اعرف
عبير: وش بتسوين بيت زوجك بتقولين له ما اعرف؟؟ والله ان يرجعك لي اليوم الثاني
دانه: ياحبيبتي يا ماما الحين جيلنا غير ما يفكر غير بزوجه حلوه ومهتمه بنفسها اما طبخ ماطبخ ولى زمانه
عبير: نشوف زوجك وش يقول بعدين الرجال مايهمهم غير بطونهم
دانه: والله اذا يهمه بطنه يتزوج له دجاجه احسن له
عبير ضربتها على راسها بخفيف: يتزوج دجاجه اجل
دانه تفرك راسها: اي والله اني صادقه وبعدين من قال اني بتزوح .. مابي اتسرع مثل جوانه لساتني صغيره والعمر قدامي
عبير بحزن: فقدتها
دانه تحاول ماتزعل امها: كلنا فاقدينها وتلاقينها مبسوطه معه وفالتها واحنا هنا زعلانين عليها
عبير: الله يفتح لها ابواب السعادة .. مابي من هالدنيا الا اشوفكم مرتاحين ومبسوطين
دانه: اللهم آمين ..
دانه وهي ترمي السكين: يمممه تعالي تفاهمي مع هالدجاجه عجزت اقطعها
عبير: خلاص اطلعي غرفتك انا الغلطانه اللي مناديتك تساعديني
دانه: وراك عصبتي
عبير: اطلعي من المطبخ حستي لي الدنيا
ابتسمت وغسلت يدها وراحت باست خد امها بقوه وهربت وهي تسمعها تهاوشها طلعت اخذت جوالها شافت مسجات من ليان
دانه: هلا معليش كنت اساعد امي بالمطبخ
ليان: وعسى طلعت طبختك حلوه
دانه: من حلاوتها تقلعت من المطبخ
ليان: هههههه افا وليش ماتعرفين تطبخين؟
دانه: الا اعرف لكل شي الا الكبسه
ليان: عاد مافي بيت سعودي مايحب الكبسه
دانه: من جد صايره شعارنا عند باقي الدول
ليان: سهله ماتحتاج شي ليش ماتعرفي لها
دانه: مشكلتي مع الدجاجه اتعارك معها يا اقطعها يا تقطعني
ليان: هههههههههه نفس اللي عندنا
دانه: من اللي عندكم؟ مو قلتي انك وحيده
ليان بربكه: ايه اقصد البنات اللي اعرفهم صديقاتي يعني
دانه: اها
ليان: عن اذنك امي تناديني
دانه: اذنك معك حبيبتي
على الساعه 8 المساء كان واقف قدام بيتها ومبسوط انه قدر يوصل له نزل ودق الباب يبي يتأكد
فتح الباب وناظره بإستغراب
محمد: هلا ي ولدي
هادي: السلام عليكم ياعم .. هذا بيت جوانه محمد؟
ناظره بإستغراب: ايه نعم فيها شي؟
هادي: لا طال عمرك عندي لها شحنه بإسمها .. تم التواصل معها على جوالها لكن مافي رد منها
محمد: اها لا هي مسافره حاليا اقدر استلمها بدلها
انصدم: مسافرة؟؟
محمد: ايه ليه فيه شي مهم
هادي يحاول يكون طبيعي: لا لا ابد سلامتك .. اعتذر منك الشحنه لازم تتسلم لصاحبها .. متى بترجع هي؟
محمد: والله مدري مسافره برا المملكه ولا اعرف متى ترجع
طلع قلم من جيبه: طيب دقيقه
راح سيارته اخذ ورقه وكتب رقمه فيه ورجع له مده له
هادي: هذا رقمي لو رجعت علمني ضروري
محمد مو مطمن: يصير خير
طلع السياره ضرب الدركسون بقوه
هادي: وين بتروحين مني اجيبك اجيبك وان كنتي بأخر الدنيا
………………………………………….
في صباح اليوم الثاني
صحيت من بدري على اصوات العصافير
ناظرتهم وابتسمت .. تذكرت جواد امس وكيف كان رايق معقولة تغير معقولة يحن علي ويعتقني .. ياااارب خلصني منه بأقرب وقت ياااارب انت تدري وش كثر هو يوجعني ف ابعده عني .. اشغله بنفسه .. ذي الفترة ما اشوفه يداوم من بعد سواته فيه طول وقته بالجناح .. ياليت يرجع يداوم وجوده يخنقني يرعبني مع انه تغير شوي بس مازلت اخافه واتمنى بعده عني وقفت وطلعت بروح الحمام وانصدمت من وجوده بالصاله كان نايم على الكنبة .. غريبه ليش نايم هنا طنشته ورحت توضيت وطلعت صليت وجلست مع الحلوين اراقبهم حول ساعه
وقفت رحت اخذت اكل وعبيت علبتهم وغيرت المويا كان ياكلون وانا مبتسمه اناظرهم شفت الغبي الاصفر يعاند جوانتي يحاول يبعدها عن الاكل
جوانه: هيه ي الكريه والله ابعدك عنها انتبه تزعلها فاهم ؟ والله انتي مسكينه ذا الاصفر مو مريحك لازم ابعده عنك مايستاهلك .. ايه ماراح ارضى اشوفك مظلومه واقعد اتفرج
جواد: راح تموت
التفت بسرعه ويدي على قلبي: بسم الله خرعتني
جواد: لا تحاولين تفرقين بينهم مالهم غير بعض
كان عينه عليهم وانا عيني عليه. ابتسم واشر لي
جواد: شوفيهم
التفت كانو قريبين لبعض وجوانتي قاعده تمسح راسها برقبة هذاك الغبي الاصفر انقهرت بصراحه
جوانه: خييير ياقليل الادب ابعد عن جوانتي وانتي يالخبله على طول نسيتي ورحتي له
جواد: ههههههههه خليهم مستانسين
صديت عنهم مقهوره منها كيف يناشبها ويعاندها والحين تحبه ولاصقه فيه
جواد: قومي عندي اوراق ابيك تخلصينهم قبل اطلع الشركه
وقفت بتذمر: مايرتاح لو شافني مرتاحه لازم يشغلني
ابتسم: اسمعك ترا
ناظرته بخوف وسكت
جواد: بمشيها لك هالمره بس لا تنسين انتي جايه هنا عشان تخدميني مو عشان ترتاحين
ناظرته بحقد: مانسيت. هو انت تخليني انسى؟
جواد: اجل قدامي ع المكتب
تعديته وهو لحقني وعلمني وش الاوراق اللي يبيني اعدلها وجلس كالعاده قدامي ويراقبني لين خلصت كانت شوي ما اخذت مني نص ساعه وقفت بسرعه
جوانه: خلصت
وقف وقرب مني جلس يناظر اللاب ماقدرت ابعد لانه قدامي كنت اشم ريحة عطرة اللي تخنقني ااااه اكرهها مابي اشمها حاولت اكتم انفاسي ... ريحته ترعبني وتذكرني بقسوته لانه يوم يضربني او يعصب علي يكون قريب مني لدرجة احس عطره يتغلغل بداخلي
ناظرني: برافو عليك ولا غلطه
جوانه: اا ت تسمح لي اروح
جواد: مشتاقه لسجنك هالكثر؟
جوانه: احم لا بس مشتاقه لعصافيري
جواد: شكلي بندم لاني جبتهم لك
جوانه بخوف: لا ل لا اوعدك ما اقصر بشغلي او اي شي تبيه بس لا تاخذهم
جواد: لها الدرجة تحبينهم؟
جوانه: ايه كثير
جواد: طيب ماراح أخذهم بس لو ما سمعتي كلامي او.. قاطعته
جوانه: بسمعه وعد
ناظرني شوي وبعدها تكلم وهو يفتح لي مجال: تقدرين تروحين
طلعت بسرعه رحت اشوفهم
جوانه: فقدتكم ياحلوين .. لا انت مو حلو. ايه لا تناظرني كذا مراح تحزني بنظراتك البريئه ذي. انت تشبهه تستقوي على جوانتي المسكينه المشكله ما اقدر ابعدك عنها هذاك العملاق يهاوشني .. ماعليه جوانتي اذا طلعت من ذا البيت راح احررك وترتاحين منه
بققت عيوني: هششش اببببعدي عنه ياغبيه .. ياربي الحين انصحك وانتي لازقه فيه
صديت عنها: خلاص ماراح اسامحك خليك معه المتوحش
ابتسم وكمل طريقة لغرفته اخذ قهوتة وطلع ع البلكون
جواد: البرائة و الخبث ماتجتمع بمخلوق.
كيف تجمعت فيك مدري .. بس هي وحدة من الثنتين
يا اما انك تتصنعيها قدامي يا اني ظالمك وانا متأكد اني مستحيل اظلمك بعد كل شي شفته وعرفته عنك
.
..
.
..
"ليه الزعل يالجادل الدلوع
وانت الغلا بالقلب محتله
ياللي غرامك بالحشى مـزروع
مانـي بـلا مذهـب ولا ملـه
شفني مريض وخاطري موجوع
عقب السفر كنـي علـى ملـه
اتبع سهر عيني واهـل دمـوع
روحـي ذوت والحـال منسلـه
هذا وانا ما غبت عنك اسبـوع
وشلون لا غبـت الشهـر كلـه
ممنوع انا عن جيتـك ممنـوع
ياشمس عمـر الحـب ياضلـه
ياللي ملكت الروح غصب وطوع
خـل الزعـل ياسيـدي خلـه
انت الغلا بالـروح كـم ونـوع
مهما يطول الوقـت مـا ملـه
ياسيدي خـذ خاطـر الملقـوع
اللـي فـداك بكـل خـلـق الله
ماله بغيـرك غايـةٍ وطمـوع
يهـواك واعطـاك الغـلا كلـه
ابتسمت وهي ترجع تقراها مره ثانيه بس قبل تكملها جاها مسج ثاني
يقول فلاح المسردي:"ماعرفت ان الشوق حيل موجع لين اشتقت له وكل عروقي اوجعتني".
ابتسمت اكثر: ايه خلك تتوجع شوي .. ذوق اللي ذوقتني ياه
دق بس ماردت رجع يرسل
مازن: منار ردي بس اسمعيني انتي وعدتيني
منار: وعدتك اشيل البلوك مو ارد
مازن: احبك يابنت اسف ومليوووون اسف على اللي صار الغيرة عمت قلبي
منار تتغلى: لو سمحت خلاص لاترسل شي خلني براحتي متى ماحسيت اني نسيت الجرح اللي سببته لي رجعت كلمتك
مازن: و اهون عليك تعذبيني بجفاك
منار: زي ماهنت انا عليك وفضحتني قدام الله وخلقه
مازن: غلطت واعتذرت خلاص عاد
منار: وكل من اعتذر خلاص يشفى الجرح اللي سببه لغيره
مازن: راسك يابس وعنيده وراح تطلعين اللي سويته من عيوني بس حلالك تغلي جعل مايتغلى غيرك
ماردت عليه رمت جوالها وهي مبسوطه وتفكر فيه
رجع من الشركة دخل شاف امه بالصالة توجه لها باسها وجلس جنبها
سميره: وينك يمه ماعدت اشوفك
جواد تذكر جوانه وكيف انشغل معها: موجود يمه بس مثل ماتعرفين بعد حادث جاد انشغلنا انا وابوي عن الشغل والتهينا فيه والحين صار عندي الشغل اضعاف ما الحق اخلصه
سميره: لاتدفن نفسك بالشغل انا مابقا لي الا انت يمه ..كملت بضيق: اخوك مدري متى يصحى
جواد: يمه وش هالكلام الله يهديك. جاد راح يقوم بإذن الله خلي ايمانك بالله قوي
سميره: والله ان طيحته هدتني .. كل ماشفته اضيق ودي اقومه وارقد مكانه وجعلني ما اقوم منها اهم شي يكون بخير
جواد: بسم الله عليك يمه الله يطول بعمرك ويقوم جاد بالسلامه .. ولا تقنطو من رحمة الله
سميرة: ونعم بالله
جواد يحاول يغير الموضوع: الا وين ابوي؟ بعده ماوصل
سميرة: الا من شوي وصل .. روح بدل يمه عشان الغدا
وقف وباس راسها: ابشري
طلع مقهور على حالة امه ويذكر نفسه انه بسبب جوانه فتح باب الجناح وتوجه لغرفتها سمع صوت بكاها دخل بسرعه كانت حاضنه رجولها وتبكي تقرب منها يشوف اذا جتها حالتها
رفعت راسها
جواد: شفيك؟
وقفت بخوف: ولا ش شي
جواد: ليش تبكين؟
جوانه: مخنووووقه
جواد: بس؟
هزت راسها بإيه
ناظر الاكل اللي ما اكلته
جواد: ليش ماتاكلين والا عاجبك وضعك كل يوم والثاني طايحه
جوانه: مالي نفس
جواد: انا بروح ابدل لا اجي اشوفك الا وانتي مخلصه صحنك مفهوم؟؟؟
خافت وهزت راسها بإيه
طلع من عندها وهو يفكر فيها ويتمنى تتجاوز شعور الالم بسرعه لانه مو قادر يداريها اكثر من كذا .. دخل غرفته اخذ سجاره ناظرها شوي
تنهد بضيق ورجعها وهو يدخل الحمام يتحمم
جاد: قصي شعرك ما احبه
ريم: ههههه اول رجال مايحب الشعر الطويل
جاد: تدرين ليه
ريم: ليش؟
جاد: لانه يخليك جميله كثير يخليني مو قادر ابعد عنك
اختفت ابتسامتها: وليش تبي تبعد عني؟
جاد: لاني اتمنالك الافضل
ريم بخوف: وش تقصد؟ ليش دايم تهددني اني راح افقدك ليش تعيشني بخوف؟ قول ما ابيك وخلاص
جاد بتنهيده: المشكلة اني ابيك
ريم بقهر: الحين انك تبيني صارت مشكله؟؟؟
جاد: ماراح تفهميني حتى لو فسرت لك
ريم: وش شايفني غبيه والا حماره عشان ما افهم
جاد: ههههههههههه احلى حماره بالدنيا
ريم بقهر: لا تغير الموضوع
جاد: الزمن كفيل بأنه يفهمك ماراح اشغل بالك بأمور مثل هذي. مصيرك تعرفين
..............
مسحت دمعتها ورمت المشط كانت واقفه عند تسريحتها رفعت شعرها ولمته بكلبس وراحت انسدحت على سريرها تبي تنام
ريم بحزن: فهمتك ياجاد بس متأخر فهمت انك ماكنت معي الا عشان رغباتك مو عشاني ... اااه معقوله كله كذب؟ غزلك جنونك غيرتك كلها كذب؟
هزت راسها بلا: خلاص خلاص لازم انساك ....
انت قوم بس. تكفا قوم واوعدك أنساك واطلعك من حياتي
هذا طريقُ الراحلين فلا تعُد
وألعن فؤادِّي إن بكاكَ وأرجعك
تبًا لحُبك داخلي متمردٌ
أتقيسهُ بكرامتي؟ ما أجرأك!
والله ما اجتمعا بداخل عاشقٍ
ذلُّ وحبُّ .. من بذلك أقنعك؟
اني الذي جعل المشاعر حُلةً
والشعرُ تاجاً من جُمانٍ رصّعكَ
وبنيتُ بُرجك منّ بريء محبتي
فسفكتَ من دمي الذي قد أشبَّعك
وجحدتَ ذاك ولم تُراعِ مَودتي
لم يبق عذرٌ بعد ذاكَ لأسمعكَ
كُل الذين أُحِبُهم ظلوا هُنا
فارحلَ وخُذ ما شئت من ذكرى معكَ
قد قالهـا " الخرازُّ " بُحَّ فؤادهُ
الذلُّ وكلُّ الذلِّ أن أبقى معك!
———————-
>>>>>>>>>>>>>>>>>>>>>>>>>
رفعت تنورتي وجلست اتأمل الاثر او العلامه اللي تذكرني فيه على قولته مسحت عليها ونزلت دموعي مرت ثلاث اسابيع عليها راح الالم بس الالم اللي انحفر بصدري وروحي آثاره باقيه ااااه متى بنسى احس الخوف يلازمني كل ماشفته او سمعت حسه اكرههه احتقره شخص مافيه ذرة احساس .. قاعد يحاول ينسيني الجرح اللي طبعه بقلبي قبل جسمي بس مستحيل انسى مستحيل احن عليه انا لو اشوفه يتقطع قدامي ما ساعدته لانه مايستاهل ماكنت استحق منه كل هالقسوه ضربني واذاني وجرحني بدون رحمه ليش كل ذا ليش حتى مو راضي يسمعني يبي يستمتع بتعذيبي وبس وكأني ذابحه كل عايلته .. ااااه ياربي عجل بعقابك له انتقم لي منه يارب مابي اسامحه حتى وان اشعل لي اصابعه العشر مابسامحه وراح اقتص منه بيوم القيامه على كل شي سواه فيه
على كل ليلة مرت علي معه مليانه دموع وقهر ..
ناظرت الطيور اللي صوتها عالي وابتسمت. ممكن الحسنه الوحيده انه جابهم لي وادري مو عشاني بس اكيد خايف لا اسوي بنفسي شي بعد اللي سواه فيه صاير ينام كثير بالصاله مدري اذا يراقبني او خايف علي وبعض الليالي كنت اصحى واكون بغرفته
"تذكرت"
كان منيمني على سريرة وجالس قدامي يتأملني ما اعرف ليش كنت بسريره .. كم مره كنت انام بغرفتي واصحى القى نفسي عنده.. صار لي كذا من بعد سالفة السجارة
وقفت ببتعد عنه بس وقف قدامي ومسك اكتافي يمنعني اتحرك
جواد: على وين؟
بربكة: بب بروح غرفتي
جواد: كملي نومك هنا وبكره روحي
جوانه: ليش؟ اصلا كيف جيت هنا
جواد: ماتذكرين؟
جوانه: لا
جواد: كنتي تعبانه
جوانه: مو تعبانه شوفني بخير
جواد: كنتي تصرخين وتهذين وتنادين على ناس
جوانه: لا ماصار
رفع حاجب: اكذب عليك يعني؟
نزلت راسي بربكه: لل لا بس ما اذكر
جواد: عادي زي ليالي كثير قبلها ماتذكرين
جوانه: وش قلت طيب
جواد: ناديتي امك كثير وناديتي على فهد
قلبي طاح معقوله يحاسبني على هذياني حتى
جواد بهدوء: منهو فهد؟
رفعت عيوني له يعني مايدري من هو مو عارف انه نفس الشخص اللي يتهمني ان بيني وبينه علاقه
جواد بسخريه: ليكون من كثرهم مو عارفه اي واحد فيهم فهد
ناظرته بحده: احترم نفسك
ضحك بصوت عالي: شف من تعلمني الاحترام
جوانه: ابعد بطلع
جواد: مو قبل ماتقولين منهو فهد؟
رديت بحده: اخوي اللي ماجابته امي
تعديته بس مسك ذراعي كان خلفي همس بأذني
جواد: اذا مالك اخوان من بطن امك فمالك من غيرها
ترك يدي وانا طلعت بسرعه ..
كزيت ورجعت من ذكرياتي لما انفتح الباب ناظرته بخوف ووقفت بسرعه تقدم مني
ناظر تحت على رجولي ورجع نظره لعيوني
جواد: جهزي نفسك راح تنزلين معي عند الوالده
ناظرته بصدمه
كمل: بصفتك خدامتي مو زوجتي
حسيت وجوده وعطره يخنقني كان ودي اطلع
طلع وانا ماصدقت طلعت بروح الحمام مابي اشم ريحته بغرفتي
وقف بالصاله وناظرني: وشي ثاني مابي اسمع حسك قدامها سامعه
هزيت راسي بإيه وعطيته ظهري بروح الحمام
جواد بتحذير: جوانه
رجعت ناظرته قرب مني لين لصقني بالجدار اللي خلفي
حط يده جنب راسي ع الجدار: مو لاني تركتك براحتك هالكم اسبوع معناتها تنسين القوانين
نزلت عيوني اخفي الخوف اللي سرا بجسمي: انا
انا اسفه
جواد: انتبهي لتصرفاتك مره ثانيه
جوانه: حاضر طال عمرك
ابتعد عني وانا دخلت الحمام وقفلت بسرعه وقفت بخوف قدام المغسله رفعت راسي شفت نفسي بالمرايه. مين هذي؟ لالا هذي مو انا وش ذا الضعف اللي انا فيه وش هالعيون الحمر وش ذا الشحوب اللي بوجهي انا وييييني ووويني ماعاد اشوف الا وحده فاقده للحياه. انا ليش صرت استسلم له واطيعه قربت اخلص شهرين عنده وانا مو شايفه منه غير الجحيم اللي وعدني فيه ونفذ وعده اشتقت لأهلي اشتقت لامي ودنو وابووي ااااه احس بروحي تعبانه من بعد ذاك اليوم وانا احسني مو انا ابي ارجع قويه ابي ارجع ارد عليه واعانده لازم اقوي قلبي لازم اصير اقوى .. تحسست فخذي حسيت بصوته جنبي (تذكريني جوانه) صرخت بقوووه وغطيت اذووني ااااه لا لا خلااااص واللله خلاااص ما اعيدها.. رفعت راسي مو هو خلاص خلاص بس وهم بس وهم غسلت وجهي كثير ابي امحي طيفه اخذت نفس اهدي نفسي
جوانه ارجعي لقوتك ارررجعي يا جوانه لا تخلينه يخليك عبده عنده انا قويه ايه قويه .. اندق الباب وانا كزيت
اخذت منشفه ومسحت وجهي وطلعت كان واقف قدامي
جواد: سمعتك تصرخين فيك شي؟
جوانه: اححم لا .. بس كنت باطيح
جواد تقدم: طيب الحقيني
طلعت بعده وانا اجر رجولي خايفه اذكر امه كيف كانت قاسيه قبل ما اتزوجه
نزل وانا خلفه توجه لصاله مفتوحه على يسار الدرج
جواد وهو يبوس راس امه: كيفك يمه عساك بخير
سميره: الحمدلله حبيبي
ابتعد وهي شافتني ووقفت: جواد من هذي
لاول مره اشوف جواد مرتبك معقوله لذي الدرجه امه تخوف
جواد: اممم احمم هذي وحده تزوجتها مسيار عشان تخدمني
بانت ملامح الصدمه على وجهها: تززززوجت يا جواد؟؟
جواد: يمه مو مثل منتي مفكره هذي ما اعتبرها زوجتي مجرد اسم. زوجتي اللي بترفع راسك انتي بنفسك اللي راح تختارينها
سميره بعصبيه: وليش تاخذ بنت الشوارع هذي دام ماتعتبرها زوجتك
سحبني من يدي وقربني منها: تخدمني يمه وانتي بعد شغليها عندك باللي تبينه هذي هي قدامك
تناظرني بإحتقار: ما ابيها حاليآ بس نشوف مع الوقت
جواد: هي تحت امرك بأي وقت
سميره: راح اخطب لك ذا الاسبوع
جواد: اجليها يمه ماتشوفين حالتنا وجاد
سميره: مجرد خطبه اضمن فيها انك مو ماخذ هذي زوجه
جواد: ابشري يمه دوري عروس وانا موافق باللي تبينها
سميره: خوله
جواد بصدمه: لا يمه تكفين الا خوله
سميره: ليش البنت جميله وعسل ومن يوم طاح اخوك وهي كل يومين تجي تتطمن علي وتواسيني وتنسيني. ماراح تحصل افضل منها
اخذ نفس مو انا كاره الحريم اخذ خولوه ولا اظلم وحده غيرها معي
جواد: اللي تشوفينه
كل ذا وانا ساكته واحاول اقوي قلبي على كلامهم الجارح احاول ما اتأثر وابلع غصتي اللي تجرحني بحلقي
جواد ناظرني: اطلعي فوق
طلعت وهو جلس مع امه اااه جالس مع امه وانا مشتاقه اجلس مع امي مشتاقه لحنانها لحضنها لكل شي حلو فيها اشتقت لريحتها اااه وربي فقدتها
دانه تضحك مره وهي تراسل من جوالها
دانه: امانه ودي اشوفك
ليان: ان شاءالله حبيبتي قريب
دانه: قريب وقريب متى يعني؟
ليان: انا ما اطلع كثير وامي تعبانه وزي ماقلتلك انا وحيدتها لازم اجلس معها اغلب وقتي
دانه: طيب عطيني عنوانك وانا ازورك
ليان: ماتخافين؟
دانه: من وش اخاف
ليان: انتي والله على نياتك وطيبه كثير والزمن ذا صار يخوف. نصيحه لا تثقين بأحد ماتعرفينه
دانه بدت تخاف: وش قصدك؟ جالسه تخوفيني منك؟؟
ليان: لا ابد ما اخوفك مني بس انا عرفتك من كم اسبوع لو اني شخص سيء وابي لك المضره بتكوني سهلتي علي بجيتك عندي
دانه: وش تقولين؟ وش هالكلام انا واثقه فيك
ليان: حتى لو واثقه الحذر واجب
دانه: بديت اشك فيك
ليان: ياعمري لو بضرك ماكنت نصحتك بس انا تخيلت يكون نفس الموقف مع احد غيري وتروحين لها افرضي يطلع ولد ويأذيك؟
دانه: ليش انتي ولد؟
ليان: لا يابنت الحلال بس افهمك يا دلخه لا تثقين بكل من هب ودب
دانه: والله مادلخه الا انتي .. خليتيني اخاف من ولا شي
ليان: الحذر واجب وانا اختك
دانه: طيب عندي فكره نلتقي بالجامعه
ليان: بس انا مو في جامعتك انا في الامام
دانه مستغربه: وكيف عرفتي اني مو في الامام
ليان تحاول ترقع: انتي قلتي لي نسيتي ؟
دانه: ما اذكر اني قلتلك
ليان متوهقه: اجل روحي افحصي لا يجيك زهايمر مبكر
دانه: هههههههههه بسم الله علي .. طيب بكلمك
ليان:......
دانه: الوووو
ليان: معليش حبيبتي امي عندي الحين ما اقدر اكلمك ان شاءالله بوقت ثاني
دانه: اوك براحتك
ليان: عن اذنك مشغولة شوي
دانه: خذي راحتك
ابعدت جوالها وتفكر فيها : كل ماحسيت اني ارتحت لها ترجع تخوفني بأسلوبها .. لالا هي بس نصحتني خافت علي صدق مسكينه وش هالافكار اللي براسي مستحيل تضرني وهي تنصحني
جواد: زرتي جاد
سميره بحزن: شفته امس .. نفس حاله ماتغير
جواد: ادعي له يمه دعائك مستجاب ان شاء الله
سميره: ان شاءالله
رن الجرس وراحت الخدامه فتحت شوي ودخلت التفت ومن شافها وقف: عن اذنك يمه
سميره: اقعد محد غريب هذي خوله اللي قلتلك عنها
جواد يناظرها من فوق لتحت بإحتقار
تكلم بسخريه: وهل يخفى القمر
ابتسمت امه: تعالي يمه تعالي
جواد التفت لامه: عندي شغل عن اذنك
سميره: اذنك معك حبيبي
طلع الجناح دخل شافها جالسه بالصاله وقفت من شافته وباين على ملامحها الارتباك شابكه يدينها ببعض وتناظرهم تقدم يناظر فيها في ضعفها في رجفتها في حجمها الصغير قدامه .. وقف قدامها وماتكلم رفعت راسها شاف ملامحها الباهته السواد اللي تحت عيونها التعب اللي باين بوجهها
جوانه: اححم اممم انا ان ...سكتت ونزلت راسها
رفع راسها من ذقنها: انتي وش؟
كزت من حست بيده نزل يده على كتفها يطمنها : اششششش اهدي .. وش كنتي بتقولين؟
حست قلبها يبي يوقف مجرد قربه منها يوترها
رفعت عيونها ببرائه: ماراح تضربني لو قلت؟
تأمل فيها شوي ونطق: على حسب اللي راح تقولينه
جوانه بخوف: لا خلاص مافي شي
ابتسم: تكلمي ماراح اضربك
ناظرته ببرائه مره ثانيه: وعد؟؟
رفع حاجب: من متى خلفت كلمتي؟
نزلت راسها بحزن: ولا مره. كل اللي تقوله تنفذه
جواد: وانا قلتلك ماراح اسويلك شي .. قولي اللي عندك
جوانه: انا امم ما ابي اقول بس احم ابي طلب اذا ممكن
جواد ومازال سرحان بعيونها اللي رغم تعبها طالعه حلوه: وش تبين؟
جوانه: ابي احم ابي ... وقالت بسرعه كبيره: ابي ازور اهلي ... ونزلت راسها بخوف وهي تحط يدها على وجهها تنتظر ردة فعله القاسيه اللي تعودت عليها
ماتكلم ولا تحرك ف رفعت راسها بخوف تناظره كان رافع حاجب ومبتسم استغربت وهو ضحك ضحكه خفيفه واخيرا شافت اسنانه في ضحكه اخيرا عرفت انا هالصخره عنده احساس ويعرف يضحك
جواد: اسلوبك ضحكني .. لذي الدرجه انا اخوف؟
جوانه: احمم يعنييي ايه شوي.... لا كثير
جواد: ودامك خايفه مني كثير وترجفين وانتي تطلبين ذا الطلب وش متوقعه مني؟ اني اوافق؟
جوانه ساكته
جواد: تكلمي
جوانه: احم لا متوقعه ترفض
جواد: وانا احب اسوي اللا متوقع
رفعت راسها ناظرته بصدمه: كيف يعني؟
جواد: جهزي نفسك راح نروح بيت اهلك
نطت من الفرحه وهي تضحك بفرح: قول والله
ابتسم: والله
.. ركضت لغرفتها وهو ظل مبتسم ويناظرها. ولا يدري ليش فرح لفرحتها
دخل غرفته اخذ علبة السجاير اللي مالمسها من فتره .. تقدم للبلكونه طلع سجاره ناظرها شوي .. من ثلاث اسابيع ماطبت فمه شغلها واخذ نفس عممممميق وهو يتنهد .. تذكر ضحكتها الحين ممكن يحس بشوية راحه من بعد اللي سواه فيها وهو حاسس بتأنيب الضمير. عارف انها مهما سوت ومهما هو حاقد عليها راح تظل انثى ماتقدر تتحمل القسوه على طول .. لازم يشد ويرخي اذا يبيها تعيش
جهزت نفسي بسرعه وطلعت كان واقف بالصاله
جوانه: اقدر اروح؟
ناظرني وتقدم مني تأمل وجهي عيونه بتاكلني .. خفت وقلبي رجف لاني اول مره احط ميكب من يوم زواجنا يارب مايكسر فرحتي ويهاوشني
جواد: انا اوصلك
مدري ليش حسيت بخوف: طيب
نزلنا وفتح له السايق الباب ركب وانا لفيت وركبت بالجهه الثانيه قلبي رجف لما حسيت بقربه كان ملتهي بجواله ناظرت يدينه ورفعت راسي ناظرته مدري وش فيني مو قادره اكون طبيعيه قلبي قاعد يرجف ازحت نظري عنه اخذت نفس وحاولت الهي نفسي بالنظر للشوارع الرياض اللي فقدتها
تذكرت شي ومدري كيف افاتحه
جوانه: احممم اممم
التفت لي: وش فيك؟
اخذت نفس بأرتباك: ءءء اممم ممكن ماتبين لأهلي اللي بينا؟
جواد بأبتسامه سخريه: لا تخافين انا رجل عملي وانتي بالنسبه لي مجرد صفقه. ولسى ما جا وقت انهائها ف راح اتصرف على ذا الاساس
جرحني بكلامه ونزلت دمعتي بس ماتجرأت اتكلم
مده لي منديل
جواد: راح نوصل بعد شوي امسحي دموعك
اخذته منه ووفتحت لثمتي ومسحت دموعي طلعت المرايا من شنطتي وناظرت نفسي كان خشمي وخدودي حمرا اخذت نفس اهدي نفسي ورجعت المرايه رفعت يديني اهوي نفسي .. التفت شفته يناظرني
جواد: دموعك ذي ماتخلص؟ على اقل كلمه تبكين؟
نزلت عيوني واحس خاطري مكسور: ماتعودت اسمع كلمات قاسيه زي اللي تسمعني ياها
تنهد: حاولي تتأقلمين لانك راح تسمعيها كثير مني
مارديت وشوي ووصلنا فتحت الباب ومسك يدي ف التفت له
جواد: اولا كنا مسافرين عشان علاج الوالد
هزيت راسي: طيب
جواد: ثاني شي ابتسمي لا تنزلين كذا
هزيت راسي وابتسمت: حاضر
ونزلت بشوق نزلت بفرح نزلت ودي اطير مو قادره اوقف ركضت بسرعه مابي شيء يمنعني عن حضن امي عن دفى قلبها مابي شيء يمنعني عنهم دقيت الباب مثل المجنونه لدرجة ان كل البيت يوم انفتح الباب كانو واقفين عنده اولهم كان ابوي
محمد: جوانه
وضمننني حيل .. اي يبه لا تخليني ضمني يبه خلني بقربك.. خبني منه ارحمني من عذابه يبه لا تتركني دخيلك لا تتركني
ابتعد وجت امي وضميتها ااااااه ياقلبي كأنه لي سنين منهم ابكي مو قادره اسكت وامي تبكي معي
عبير: فقدتك ياروح امك فقدتك
كنت حاضنتها بقوه اااااه يمه ياليتني اقدر اشكي لك واحكي لك وش كثر عذبني وش كثر المني وجرحني اااااه يمه لا تخليني لا ترجعيني له الله يخليك خليك معي ..
محمد وهو يمسك كتفها: وش فيك يبه ليش ذا البكا كله جواد مسوي فيك شي؟
ابتعدت عن امي وانا امسح دموعي وحاولت اهدي نفسي عشان ما ابين لهم
جوانه: لا يبه بس فقدتكم كثير
شفت دانه تركض جتني وضمتتتتتني بقوه ورجععععت ابكي هي الوحيده اللي حاسه فيه هي اللي راح تحس بي وبتعبي وراح تعرف كل شي من عيوني من غير ما اتكلم بعدت عنها عشان مابي احسسهم اني تعبانه كثيرررررر
عبير: ليش يمه ماجيتي ليش ماتكلميني ولا تطمنيني عليك
محمد: أنا عتبان عليك كثير .. كذا الواحد ينسى اهله من يتزوج
ناظرتهم بحزن: والله مانسيتكم بلحظه بس الظروف اجبرتني
محمد: زوجك برا
جوانه: زوجي ؟؟
عبير: شفيك جواد نسيتيه ههههه
اوه اي والله متعوده ع اني خدامته: اي اي برا
طلع ابوي وانا دخلت مع امي ودانه ع الصاله ..
امي جنبي وماسكه يدي: احكي لك وش سويتي من وقت طلعتي من هنا لجيتك .. وليش قطعتي عنا لا اتصال ولا زياره
جوانه: يمه سافرنا على طول وهناك كنا اغلب الوقت بالارياف مافي شبكه زينه مو راضي يمسك معكم وجواد انشغل مع ابوه وكذا
سامحني ياربي قاعده اخربط كله كذب بكذب
عبير: ماعليه اهم شي انك بخير حبيبتي والله ماتدرين كيف انشغل بالي عليك
بست يدها وراسها: سامحيني يالغاليه
عبير: فقدتك يمه البيت ماله حس بدونك
دانه: ايييه الله لنا انا بتحول مزهريه احسن لي
جوانه: ههههههههه
دانه: والله منار وفهد وبلعتها اما نبع الحنان تقول كذا خلاص انا بعد بتزوج عشان تفقدوني مثلها
عبير: لا خلاص تعبت من فقد اختك ماراح ازوجك بخليك عندي
دانه: اصلا انا مابتزوج بنشب بحلقك
دخل ابوي: دانه جهزي لنا القهوة يبه
وقفت
عبير: لالا انا بسويها اقعدي
جلس جنبي ومسك يدي: كيفك يبه وشهي احوالك
جوانه: بخير يبه الحمدلله
محمد: ضعفانه ليكون نسيبنا ما يأكلك زين
جوانه: لا يبه مايقصر بس تعرف اكلهم هناك غير واخاف يكون فيه شي حرام ف صرت اكل اشياء محدوده
محمد: الحمدلله على رجعتكم وسلامة عمك
جوانه: الله يسلمك
محمد: كذا يا جوانه ماتطمنيني عليك؟ يعني لو ما جواد يكلمني ويطمني عليك كنت ماعرفت اخبارك
انصدمت جواد يكلمه ليش وليش مايخليني انا اكلمه
دانه: يبببه وليش ماقلت لي ماتدري وش كثر كنت افكر فيها
محمد: ماخطر ببالي اقولك وانتي اصلا ماعاد تنشافين ماغير بغرفتك
جوانه: متى كلمك؟
محمد: كم مره كذا ويقول انه عند ابوه وتذكرني وكلمني وانك بالبيت
جوانه: اها
محمد: وقبل كم اسبوع مكلمني بس عشان يسألني وش تحبين من الحيوانات
ناظرته بصدمه
محمد: كان ناوي يجيب لك قطوه بس انا قلت له انك ماتحبين القطاوه وانك تحبين الطيور أكثر
تذكرت كلمته (عرفت انك تحبين الطيور) انا كيف مافكرت من وين عرف وين عقلي ليش ماسألته
محمد:واضح انه يحبك كثير
جابت امي القهوة واخذها وطلع وانا للحين افكر فيه
هزت كتفي ف التفت كان مافي غير دنو ابوي طلع وامي راحت المطبخ
دانه: وش مسوي فيك الحيوان متغيره كثير
نزلت دمعتي وضميتها وبككككيت
دانه: جوانه علمي اهلي لا تسكتين لا تخلينه يلعب فيك ويحركك كيف مايبي
ابتعدت عنها ومسحت دموعي: ما اقدر دنو مستحيل يخليني لين اخوه يقوم تبين اعذب امي وابوي تبين اقولهم انه يموتني باليوم الف مره تبينهم يجلسون يفكرون فيه وفي حالتي .. خليني ساكته احسن
دانه: وش سوالك ضربك؟
ماكنت ابيها هي بعد تتضايق علي: لا مو مره يعني كف كفين بعض احيان
دانه بحقد: جعل يده الكسر
جوانه: انتي وش علومك وكيف الدراسه معك
دانه: الدراسه ماشي حالها بس الايام اللي فاتت كنت افكر فيك كثير احس فيك وانك تعبانه ومو بخير والحيوان ذاك كلمته انا ومنار
جوانه: كلمتووووه ليش؟ وش قال
دانه: في البدايه قال انسي ان عندك اخت وبعد ماترجيته قال اشوف لو عقلت وماكانت متمرده كعادتها عطيتها تكلمك.
جوانه: الحين يشوفني متمرده؟ يشوفني عنيده يعني؟
دانه: مدري عنه هذا اللي قاله .. شكلك مجننتيه
جوانه: لا والله بالعكس اطيعه واخافه ما ارد عليه كثير
دانه: بس ماعاد دق معناته عاندتيه بشي
جوانه: مدري ما اذكر
دانه: المهم خلينا منه اخوه ماتحسن مافي شي على حالته
جوانه: مثل ماهو ماتغير شي
دانه: بكلم منار اعلمها انك هنا
جوانه: طيب
رن تلفونها وهي تذاكر طلعته من تحت الاوراق وردت
منار: هلا
دانه: حزري فزري من عندنا
منار: ميين؟
دانه: جوانه
فزت من المكتب: قووووولي والله
دانه تبتسم: والله
منار بعجله: يلا يلا باي جايه الحين لا تروح اوك
دانه: هههه اوك يلا بسرعه ننتظرك
قفلت منها ولبست عباتها بسرعه وطارت على غرفة فهد فتحت الباب بقوه
فهد بعصبيه: خخخخير
منار: جوانه جوانه جت ابيك توديني بيت عمي
فز بسرعه: جوانه بيت عمي
منار: ايه يلا بسرعه
فهد قام: طيب طيب يلا بس ابدل واجيك
طلعت وهو غير ملابسه لبس ثوبه اخذ مفتاحه وطلع كانت تنتظره ونزلو مع بعض
اول ما وصلو نزلت منار طايره تركض وفهد قفل السياره ولحقها
دخلللت منار مثل المجنونه: جوااااااانه
جت وضمتني بقوه: وححححشتيني
ابتسمت : وانتيييي اككككثر وربي
ابتعدت شوي
منار: ياروحي انتي كيفك وكيف جوادوه معك
حاولت ابتسم لان امي جالسه: تمام كل شي تمام
دخل فهد وناظرني تقدمت ورحت له عند الباب ضمني بقوه
فهد: انتي بخير؟ وش سوالك شبيه الرجال
جوانه: ماسوا شي
فهد: جوانه كنت بساعدك بس هددني فيك
جوانه: هددك؟
فهد: معه شهاده مزوره فيها اسمك .. قولي لي وش علمك يابنت ليش تزوجتيه؟
ناظرت امي اللي تناديني
جوانه: دقيقه يمه بسوي لفهد بان كيك مشتهيه من يدي
عبير: تعالي وانا اسويله. فهود اتركها ترتاح ماشبعنا فيها
جوانه: يمه مافيها تعب مابتأخر
عبير: اجل تعال تعال علمني امك وراها ماترد علي
فهد: كانت تعبانه شوي. انا بخاوي جوانه للمطبخ
دخلنا المطبخ وقفلت
فهد: وش سالفتك جوانه ليش ماتقولين لهم عن اللي يسويه فيك
دمعت عيني: ما اقدر زي ماشفت ماسك علي سالفة التزوير ذا
فهد: خله يشتكي نقول هو مزورها ويتبلى عليك
جوانه: مستحيل يصدقوني بيصير فيها سين وجيم ودانه بعد بتدخل في المشكله لانها ساعدتني فيها
فهد: ودانه وش دخلها بعد
جوانه: صديقتها اللي زورت لي يعني من طرفها
فهد بقهر: ايا الكذابه واقولها تقول ماتدري عن شي
جوانه: يمكن خافت تهاوشها
فهد: بس ماتنكر المفروض تعلمني
جوانه: مدري عنها
فهد: طيب كيف ومتى وليش ليش اصلا مزورينها
جوانه: لاني غبيه ودانه اغبى مني. يعني انا طلبتها ف ساعدتني فزعه يعني ااااه بس
فهد: وش تبين فيها تزورينها؟
جوانه: احمم كنت ابي اشتغل في شركتهم
فهد بعدم استيعاب: كيف تشتغلين ودراستك ومستقبلك انتي وين كان عقلك ؟ وليش اصلا تشتغلين ناقصك شي محتاجه شي؟
جوانه: لا والله مو محتاجه شي بس غباء كذا تحدوني البنات وسويتها
بقق عيونه: تسوين مصيبه وانتي عارفه انك اذا انقفطتي ممكن تدخلين السجن كله عشان تحدي!!!!؟
مجنونه انتي والا بعقلك
جوانه: ادري غلطت بس وش اسوي هذا اللي صار تكفا لا تزيدها علي وتلومني
فهد: طيب الحين مستحيل ارضا لك الذل وانا عايش انا بتصرف معه
جوانه: دخييييلك يافهد لا تسوي شي ارجوووك اذا تحبني انسى اللي شفته تكفا راح تضرني بدل ماتنفعني
فهد بقهر: واخلي ذا الملعون يسوي اللي يسويه فيك وانا اتفرج وساكت
جوانه: ماسوالي شي بعد ذاك اليوم ماسوالي شي هو فكرني بهرب معك بس صدقني الحين تغير حتى شف جابني لاهلي بنفسه
اخذ نفس: قاهرني نفسي اتوطا في بطنه
جوانه: ماعليك بيجي يوم وتسوي اللي تبي بس مو الحين
انفتح الباب كانت دانه
دانه: وش صار معك ما اشوف بان كيك وش بينكم انت وياها
ابتسمت: مافي شي يالملقوفه الحين نجي
دانه: لالا تعلموني الحين والا افتن عليكم انكم مخبين شي
فهد: انتي حسابك بعدين
دانه: وشهو حساب وش؟
فهد: اجل تكذبين علي تقولين ماتدرين عن الشهاده
دانه : بصراحه خفت تلومني وانا مو ناقصه
فهد: ايه الومك مرتين بعد. يعني اذا المتكلم مجنون فالمستمع عاقل. بدل ماتعقلين ذي الخبله تقومين تفزعين لها
جوانه: هييي مو كأنك قاعد تغلط علي؟
فهد: ماقلت الا الحق يعني بالله فيه وحده عاقله تسوي سواتك
دانه: خلص صار اللي صار مانقدر نرجع الماضي
جوانه: كان غلطي يافهد لا تحمل احد غيري المسؤوليه .. دنو اطلعي عند ماما مابيها تحس انو في شي انا شوي واجيك
طلعت ناظرت فهد: خلاص انسى الموضوع اتفقنا؟
فهد: ماراح انساه بس بأجله
ابتسمت: امش نطلع
فهد: لا ي حلوه اول شي البان كيك يلا يلا انا انتظرك برا
جوانه: فهوووووود
فهد: مافي امل لا تحاولين
جوانه: ههههههه اوك الله يصبرني
طلع وانا رحت اسوي له
رجع البيت ومن شافته امه
سميره: جواااد
راح لها بالصاله وباسها على راسها وجلس
جواد: هلا يمه
سميره بحزن: شفت اخوك اليوم؟
جواد: ايه يمه مريته الصباح
سميره: ان من رايي ننقله للخارج
تنهد بضيق: كلمت الدكاتره هناك وارسلت لهم فحوصاته بس يقول دامه في غيبوبه ماراح يستفيد شي
سميره بحزن: طيب والحل لحد متى راح يقعد كذا
جواد : قريب ان شاء الله يمه قريب ان شاء الله يقوم وتشوفينه قدامك زي اول واحسن
سميره: الله يسمع منك
وقف: عن اذنك
سميره تمسك يده: اجلس بكلمك
جلس وناظرها
سميره: البنت اللي ماخذها من هي وليش اخذتها
جواد بتوتر: بنت عاديه ماتعرفينها .. واخذتها لاني بس ابي وحده تخدمني وتكون جنبي كل ما ابي شي او احتجت شي
سميره: يعني منت معتبرها زوجتك
جواد: لا يمه ولا اتشرف. حتى النوم تنام بغرفة الضيوف
سميره براحه: اشوا ريحت قلبي
جواد وهو يوقف: عن اذنك يمه
سميره: اذنك معك حبيبي
طلعت جناحها وكان زوجها مخلص صلاته وجالس يقرا قرآن
جلست تنتظره خلص والتفت لها
سميرة: تقبل الله
وقف وهو يطوي سجادته: مني ومنس صالح الاعمال
سميره: دعيت لجاد؟
جلس جنبها: هو انا انساه؟ دعيت له وللجميع ان شاءالله
سميرة : شفت اللي جايبها ابنك؟
تنهد بضيق: ماشفتها بس علمني عنها
سميرة: من وين جتنا هالمصيبه الحين
خالد: المصيبه مهي وجودها المصيبه انه يقول خدامته .. مدري ولدس ذا وش مسوي . احد يتزوج ويقول عن حرمته خدامه؟ لا وماخذها بالسر
سميرة: لا ماهي زوجته ولا نتشرف فيها
خالد: انتي بعد على هالمسكينه معه؟
سميرة: مسكينه؟؟؟ ومتى شفتها او عرفتها عشان تقول مسكينه
خالد: بعدني ماشفتها بس احس ان ولدس ظالمها من ترضى تتزوج وينقال عنها خدامه
سميرة: ايوااا انت قلتها بلسانك اكيد محد بترضى تكون خدامة بس هذي راسمه لبعيد هذي وافقت عشان تتمسكن لين تتمكن .. اكيد همها فلوس ولدك
خالد: لا لا ماظنتي .. فيه انّ بالموضوع انا ماني مطمن
سميرة: صدقني مثل ماقلتلك تبي فلوسه وبس
خالد: الله العالم بحالها لا تظلميها
طلعت مع منار غرفتي جلستني وجلست جنبي
منار: كيف جواد معك ؟
اول ماسألتني تذكرت كللل شي ضررربه اهاناته تجريحه وسجارته اللي بعمري ما انساها ارتميت بحضنها وانا ابكييي ححححيل وهي تمسح ع شعري وتهديني
منار: جوجو حبيبتي اهدي علميني وش صار
ابتعدت عنها ولسى اشاهق وامسح دموعي
جوانه: قاسيي ي منار قااااسي فوق ماتتخيلن
منار بقهر: الله ياخذه الحقير وش مسوي فيك؟
خبرتها ببعض الاشياء وكملت وانا امسح دموعي: مايسمح لي افهمه او اكلمه ينتظر زلتي عشان يضربني ااااه مدري كيف بكمل معه مافي قلبه رحمه ابد اكرهه نفسي اقتله .. قهرني كثير يا منار قهرني وموتني
منار ضمتني بقوه وبكككت
جوانه: منور الحين قلتلك ابي ارتاح تقومين تبكين معي
قالت بقهر وهي تبعد وتمسح دموعها : حرااام عليه كيف يقدر يضرب هالوجه.. هذا مو انسان
ابتسمت بألم: راح يتعب صدقيني وراح يتركني
مسكت يدي: انا خايفه عليك لا يقتلك. اتركيييه جوانه السجن ارحم والله ارررحم
تنهدت من تذكرت كلمته: تأخرت في اختياري للسجن. تأخرت كثير
فتحت دانه الباب ومن شافت اشكالنا
دانه: بسم الله شفيكم
وقفت مسحت بقايا دموعي: مافي شي بس حكينا شوي عن جواد
قربت مني وضمتني: جوانه خليك قويه دافعي عن نفسك لا تخليه يستغل ضعفك وطيبة قلبك
ابتعدت عني
جوانه: ان شاء الله
دانه: امشو ننزل العشا
نزلت دانه
منار بنفاذ صبر وهي تمسك يدي ونطلع: الله يعينك عليه وترتاحين منه بأقرب وقت
جوانه: آآآآميييين
تعشينا وظلينا نسولف لين دق جوال بشنطتي
فتحت الشنطه بإستغراب من وين ذا الجوال بسم الله يمكن حق جواد لانه كاتب رقم 2
رديت
جواد: انتظرك برا
جوانه: طيب
قفلت وقمت: جواد واقف بطلع اجيب عباتي
طلعت وطلعت دانه معي
دانه: معك جوال؟
جوانه: لا كسره اول ليلة بزوجنا
دانه: الله ياخذه .. بعطيك جوالي القديم خبيه وطمنيني عليك
جوانه: خايفه يعرف ماراح يرحمني
دانه: خبيه لا يشوفه ماراح اتحمل تغيبين فتره طويله ولا اتطمن عليك
اخذته منها وانا ارجف وماقدرت ماقدرت اعصيه اعرف لو شافه راح يذبحني
رجعته: مو قادره دانه انتي ماتعرفينه راح يعرف عنه ويموتني. انتي لا تخافين راح ادبر حل عشان اكلمك
مسكت يديني: ترجفين؟؟؟؟
سحبت يدي منها: ل لا بس بردانه شوي
ضمتني بقوه: كذابه خايفه منه
ابتعدت وهي تناظرني: وش مسويلك؟ ماراح اسمح له يأذيك اكثر راح اقول لاهلي كل شي
تحركت ف مسكت يدها بسرعه: لا تكفيييين لا تقولين شي تحملت الكثير وان شاءالله مابقا الا القليل .. تكفين لا يروح تعبي والمي على الفاضي
دانه دمعت: كيف اتحمل وانا عارفه انه معذبك
جوانه: بدا يتحسن والله بدا يتحسن شوفيه جابني عندكم .. وبعد جاب لي طيور وتغيرت معاملته
ابتعدت وهي مستغربه: طيوور؟
جوانه: ايه طيرين يجننو اذا جيتكم المرة الجايه جبتهم معي
دانه: اذا ضايقك لا تصبرين اكثر كلميني وانا اعرف وش اسوي. اوك؟
جوانه: طيب
ضمتني: انتبهي على نفسك خليك قويه لا تستلمي له
جوانه: ان شاءالله
طلعت ودعتهم وطلعت له كان شاد ع المقود بقوه
ناظرته كان معصب ارتجفت مدري ليش
جواد بحده: جايبك تشوفين اهلك والا تقابلينه؟؟
ناظرته بصدمه: م م منهو؟
جواد: من غيره حبيب القلب ولد العم
جوانه: لا لا انت مو فاهم ش
تحرك بقوه لحد ما السياره طلعت صوت
جواد بحده: اوووص ولا نفس انا الغلطان اللي وثقت بسافله مثلك
كنت بتكلم ف صرخ: قلتلك ابلعي لسانك
سكتت خفت منه وش راح يسوي ااااه ياقلبي اهدا اااااه احس اني بموت قبل مانوصل البيت
.
.
.
طق طق طق
ريم: ادخخخل
فتح ودخل بتردد اول ماشافته جلست وهو تقدم جلس جنبها
ريم: شفيك؟
مازن: منار
ريم: ماتصالحتو
مازن: عنيده طلعت عيني .. والحين صار لها فتره ماترد علي
ريم: قلتلك بتتعب يامازن لا تتسرع
مازن: وش اسوي عاد غرت مو بكيفي
ريم: خل الغيره على جنب انت شكيت فيها شكيت بوحده راح تكون زوجتك .. ماوثقت انها ماتسويها .. يعني لو مارحت المحل وشفت الكاميرات وانه حط الرساله بنفسه كنت ممكن للحين مكذبها
اخذ نفس: غلطان ادري لكن هي مو راضيه تعطيني فرصه افهمها
ريم: تستاهل
مازن: الحين انا اخوك والا هي
ريم: انا مع الحق. وانت جرحتها قدامي وقدام الناس .. خلك تتألم شوي
مازن: والله ان ذي الاسابيع بدونها كني ميت .. تكفين ساعديني
ريم: وش بيدي اسوي اذا هي ماتبي ترد عليك
مازن: كلميها بسمع صوتها .. قلبي ميت عليها مشتااااق ذبحني الشوق والله
ريم: اكلمها وش اقولها
مازن: خليها تسامحني تكلمي معها بطريقتك
اخذت جوالها: اااه ياربي انت تخبص وانا ارقع
مازن: مالي غيرك ينقذني بهالمواقف
دقت عليها وحطته سبيكر
منار: هلا
ريم: هلابك. كيفك؟
منار: ماشي الحال انتي شخبارك
ريم: الحمدلله احس بديت ازكم
منار: ياقلبي خذي لك حبوب قبل يقوى عليك
ريم: كله من مازن من ثلاث ايام طايح مسخن ومو راضي ياخذ ادويته والظاهر انعديت
ناظرت مازن اللي مصدوم وابتسمت
منار: كيف ماياخذ ادويه مو بكيفه اغصبيه
ريم: حاولت رفض المهم ماعلينا بكيفه .. هو اللي بيتعب ماعلي منه
منار: وش اللي ماعليك منه اخوك ذا يلا روحي شوفيه وكمديه والحبوب ذوبيها له مع عصير
ابتسم مازن وريم غمزت له
ريم: يوووه تبيني اتحايل عليه كنه طفل .. لا حبيبتي عقله براسه ويعرف وش يسوي
منار: ريمووووه لا تقهريني. اخوك تعبان وانتي بارده كذا روحي شوفيه قيسي حرارته لو فوق الاربعين راح اخلي فهد ياخذه المستشفى
ريم: طيب طيب الحين اشوفه باي
منار: طمنيني هاه
ريم: اوك
قفلت وناظرت مازن اللي مبتسم: شرايك؟؟
مازن: بدايه حلوه خليتيها تحن علي
ريم: افا عليك .. وراح اخليها تكلمك بنفسها اصبر علي بس
ضمها بقوه: هذي الاخت الكفو
ريم: هههههههه خلاص كسرت ضلوعي
وقف ومازال مبتسم: يلا اجل بروح اشوف جوالي يمكن يمكن ترسل شي
طلع وهي ظلت مبتسمه: الله يسعدكم ويخليكم لبعض
.
دانه ماسكه في منار: والله ماتروحين نامي عندي الليله
منار: دانووووه مالي خللللق
دانه: وجع وش اللي مالك خلق
منار: بنااااام وانتي بتقعدين تسولفين على راسي
دانه: اقعدي بس
فسخت عباتها وجلست سرحانه
دانه: قلتلك انها مو بخير. مقهوره كثير بس مابينت لها مابيها تكون ضعيفه صحيح اقولها كوني قويه بس شكلها وضعفها والانكسار اللي احسه فيها كسروني انا من اول خفت عليها شوي بس الحين بموت من خوفي عليها .. تدرين صح ماقالت لي وش مسوي فيها بس عارفه انه المها كثير .. شفتيها كيف متغيره كثير؟؟
ماردت
دانه تصارخ: مناااااار
التفت بخوف: بسم الله شفيك خرعتيني
دانه: وين عقلك صارلي ساعه اتكلم معك
منار: مازن
دانه: شفيه ذا بعد
منار: تعبان وخايفه عليه الخبله ريم مو مهتمه فيه
دانه: مو قلتي راح تخلينه
منار: كان
دانه: وش تغير
منار: قاعد يحاول يراضيني
دانه: طيب شي حلو انه عرف غلطه
منار: بس لسى احس مجروحه منه
دانه: اقول اتركي المكابر لهله روحي كلميه وتطمني عليه
منار: صعبه كذا فجأه اكلمه وبعدين الوقت متأخر وهو تعبان ما بزعجه
دانه: خلاص بكره كلميه
.
اقترب منها وهي ترجع للخلف وعيونها تحكي له وش كثر هي مرعوبه مسكها من بطنها وهو يثبتها بيدينه
جوانه: ان ن انا مم ماشفته
جواد: شفت سيارته عند بيتكم
هزت راسها بلا: مو هوو مو هو
رفع حاجب: وتكذبين بعد؟
حست الخوف مسيطر عليها وهي جاهله وش ممكن يسوي فيها عارفه ان هدوءه في سؤاله يعني عاصفه بعدها مثل السجاره حست نفسها تختنق جلس يهزها ويسألها بهت جسمها ورجولها مو شايلتها حست بدوخه و طاحت بين يدينه
مسكها بسرعه نزل معها
جواد: جوانه ... جوانه
شالها ودخلها غرفته كانت يدينها ورجولها زي الثلج ف غطاها وجلس جنبها
جواد: خايفه مني لذي الدرجه؟ يعني مسويه مصبيه وعارفه اني ماراح ارحمك
اخذ نفس وطلعه بهدوء وهو يتأمل ملامحها الطفوليه والبرائه اللي يشوفها
جواد: اللي يشوفك مايقول تطلع منك كل ذي البلاوي
.
.
.
صحت من بدري اخذت جوالها وكلمت ريم مشغول بالها عليه بس ماردت متعمده فتحت رقمه وترددت كثير بس بالاخير دقت
منار: الو
رد بشوق: حي هالصوت وراعيته
منار: احم كيفك
مازن: تعباااااان من بعدك
منار: مازن جد كيفك لسى مسخن؟
مازن: ردت روحي وعافيتي من سمعت صوتك
انحرجت: طيب يعني بخير؟ اجل باي
مازن: لالالا لو قفلتي بنتكس
منار: مافيك الا العافيه
مازن: وربي تعبان قلبي يوجعني خلاص عاد ما استاهل منك كل ذا الصد؟
منار: انت جرحتني كثير
مازن: يمين بالله اخذتي حقك مني وزود
سكتت
مازن: ارجعي زي اول اشتقتلك لجنونك لحبك لضحكتك اشتقت لكل شي فيك
منار: وانا بعد اشتقتلك
مازن: يعني خلاص طاح الحطب؟
منار تبتسم: ايه
مازن: اااااه منك تعبتيني 3 اسابيع يالظالمة تتغلين علي؟
منار: ما اتغلى انت غلطت بحقي كثير
مازن: المهم الحين خلاص انسي ويلا علميني كيفها ايامك بدوني
منار: مالها طعم وكني اشرب شاي بدون سكر واكل بدون ملح
شقت الابتسامة وجهه: الله الله فديت الكلام الحلو شكلك جيعانه مع الصبح
منار: ههههههههه اي والله مره
مازن: ياروحي يخسي الجوع الحين اجبلك احلى فطور
منار: انا ببيت عمي
مازن: طيب الحين سامحتيني
ابتسمت: ايه لاني احبك مع انك ماتستاهل
مازن: افا .. كان كملتي جميلك
منار: ههههه الحين صدق انت مريض؟
مازن: احم اممم تبين الصراحه لا والله مو مريض
منار: نصبتو علي انت واختك هاه؟
مازن: تعبان والله ذبحني الشوق .. شكيت لها وساعدتني
منار: طيب طيب انا اعلمها الخاينه
ابتسم: مالها شغل انا قلت لها تقولك كذا يعني مو معقول معذبتني ثلاث اسابيع
منار: تستاهل
مازن: طيب روحي شوفيلك شي تاكلينه مايهون علي تظلين جوعانه والا اتهور واجيك بيت عمك
منار: ههههههههه لا خلاص الحين اشوف
مازن: ارجعي كلميني فاقدك مره
منار: حاضر
صحيت شفت نفسي بسرير جواد قمت بسرعه وطلعت ماكان موجود رحت تحممت وطلعت صليت وجلست بغرفتي خفت لو اطلع ويشوفني ويحاسبني على امس غيرت المويا لعصافيري وحطيت لهم اكل وجلست اناظرهم وانا خايفه اكيد راح يضربني مستحيل يعديها على خير
طق طق طق. وانفتح الباب كزيت توقعته هو بس طلعت الخدامه
الخدامه وهي تمد لي كيس: ماما قول البسي هدا ملابس
وحطتها وراحت .. فتحت الكيس وانصدممممممت ملابس خدمممممم .. ليش ليش يعني أنا مو خدامتها ماراح البسه حسبت قلت هالكلام بصدري بس يوم سمعته يرد علي عرفت اني نطقته
جواد: بتلبسينه وغصب عنك وبتنزلين تنظفين البيت .. انت خدامتي
خ د ا م ت ي ولا نسيتي هالشي.
ناظرته وعرفت انه حاقد علي من امس بس تذكرت كلام دانه واني اكون قويه
جوانه: مانسيت بس ماراح البس ذا الشي مو على ك....قاطعني
حط يده ع فمي
جواد: حرف واحد بس حرف .. او اعتراض او حتى صرخة الم تطلع من فمك هذا بتشوفين شيء عمرك ماشفتيه وانتي عارفه وش ممكن اسوي
ارتجفت مجرد تذكرت السجاره او علامته على قولته
شاف رجفتي حط يده على كتفي قرب من اذني وتكلم بهدوء
جواد: اتقي شري .. طيعي اوامري مابي اعيد اللي سويته
ناظرته برعب وهزيت راسي بلا
جواد بهدوء: انا بس احذرك
طلع ونزلت دموعي ليش يذكرني ليش يخوفني منه بعد ماحاولت انسى وش يبي بالضبط تعبني كثير والله تعبني حراااام عليه
بالجامعه جالسه وحدها تناظر البنات اللي توهم تركوها بعد تهديد .. مخنوقه من كثرة تهديداتهم
ماتدري كيف تتصرف معهم .. تلوم نفسها على انها ماتكلمت من الاول وكانت جبانه لو انها اشتكت بالاول ماكان ذا حالها كان ممكن تقدر تتفادا السجن بس الحين مستحيل احد يسامحها هي جالسه توزع ممنوعات كيف بيكون عقابها وكم بتنسجن صحت من سرحانها على صوتها
منار: يالخاينه تتفقين مع اخوك علي هاه؟
ابتسمت بهدوء: ماقدرت اشوفه تعبان وما اساعده
جلست جنبها: شفيك؟
تنهدت بضيق: مافيني شي
منار: اكذبي على الناس كلها بس مو علي
ريم: فقدت جاد
منار بقهر: مايستاهل
ريم: المهم كيف وضعك مع مازن؟
منار: الحمدلله تمام رجعنا لبعض
ابتسمت: الحمدلله
منار: ماقلتلك البارحه جوانه جت
ريم: والله؟؟ كيفها؟؟ وش مسوي معها
منار تدري بريم حساسه واللي فيها مكفيها ماحبت تزود عليها
منار: الحمدلله بخير صحيح يناشبها شوي بس مو مثل ما توقعنا
ريم: الحمدلله الحمدلله الحين ارتحت شوي
سكتت منار ماتبي تكذب اكثر وريم سرحت تفكر في جاد
فتح الباب بقوه شافها جالسه ضامه رجولها وسانده راسها عليه اول ماسمعت الباب رفعت عيونها ووقفت برعب لاحظ ذا الشي من فتحة عيونها اللي وسعت حس برجفتها بس قلبه يغلي عليها كيف تجرأت تقابله كيف فكرت تخون ثقته قرب منها بحقد متجاهل نظرات عيونها البريئه
جواد: ليش مالبستي
رجفت: ب ب بس كذا مم ماراح البس
رفع حاجبه: تعانديني؟
جوانه: لا لا ب بس ماراح البس
قرب منها حط يده على رقبتها بس ماضغط .. عيونها التايهه الخايفه المدمعه بعيونه الحاده الحاقده
جواد: ناويه على نفسك انتي اليوم؟
جوانه: ل لا لأ
جواد: بتلبسينه بتلبسينه بالطيب بالغصب بتلبسينه والا حابه البسك بنفسي؟
هزت راسها بلا
جواد: اجل البسي الحين بسرعه
تركها ويبي يطلع: ما راح البس
رجع لها عارف ان كل شبر فيها يرتجف عارف انها راح تموت خوف ومع ذلك تعاند
جواد: وبعدين معك؟ ترا للحين ماطاب خاطري من اللي سويتيه امس
جوانه: ماسويت شي
جواد: متأكده؟
هزت راسها بإيه
ناظر عيونها عارف انها تكذب بس خاف يضغط عليها وتطيح مثل امس
جوانه بتردد : صددقننني وربي انا مو مثل منت مفكر ليش دايم تظلمني ليش ماتسمع مني
جواد ببرود: لاني شفتك شفت كل شي بعيوني لو احد قالي كنت ممكن اصدق او اكذب .. بس تبيني اكذب عيوني؟ كل شي شفته من جاد لهادي لغيرهم
بدت بتفتح فمها تتكلم: اص ولا نفس البسي وانزلي بسرعه
مسكت يده ف التفت ناظر يدها اللي اول مره تمسك يده ورجع ناظر عيونها المدمعه
جوانه: تكفا مابي البسه
مايبي يحن اقنع نفسه انها كذابه وان هذي وحده من خدعها تفحص عيونها نزل عيونه عنها
سحب يده منها: ماتعودت اتراجع عن قراراتي.. خمس دقايق وراجع لك
طلع من عندها وقف قدام الباب سمع حلطمتها وابتسم
: افففف ياربي كني سالي .. حرام والله ذا الجمال كله تلبس كذا .. يلا حتى سندريلا كانت جميله بس خدامه وبعدها خطفها الامير اللي الله يجيبه بسرعه ويخلصني من ذا المتوحش الكريهه الغبي. الله ياخذه وافتك منه
ابتسم اكثر: جربي تقولين ذا الكلام في حضوري ..
يدري فيها جبانه قدامه
.................................................. ......................
دخل وناظرني من فوق لتحت
ابتسم بنصر: لايق عليك
سحبني من يدي ونزل فيني تحت مو الصاله مدري وين مكان تحت الارض كذا ءء نزلنا بمصعد ولما انفتح طلعت شفت زي القاعه اي اي هذي اللي صار فيها الحفل هذاك اليوم سحبني واحنا نتوجه ع جهه ثانيه وفتح باب ودخلت ي اللللللله كل ذا مطبخخخخخ وكل هذول يطبخون ليش طيب مو عايله كبيره عشان كل هالمطبخخ الكبير بس أنا اذكر اني شفت مطبخ هناك بس اكيد زينه مو للطبخ
جواد يكلم واحد كأنه شيف: هذي من اليوم بتشتغل عندك لا تعلمها شيء بس اأمرها تسوي الشي
الشيف هذاك ابو قبعه بيضا: حاضر تحت امر حضرتك
اوه طلع مصري .. ناظرني بعصبيه: ياويلك يطلع الاكل مو حلو. يلا ع شغلللللك
لزقت فيه وانا متخبيه خلفه
جواد بأستغراب : خيييير؟
جوانه: ابي كمامه مابي افتش وذا هنا
ضحك بسخريه: ههههه خفي علينا يا الملاك الطاهر. ماكن خلق ربي كلهم شافوك
جوانه: محدددد شافني غيرك.. انا ماعمري فتشت الا لو كان بدون قصد
سحبني من خلفه بقوه : اقول لا تستشرفين علي واحنا دافنينه سوا.. خبي حركاتك هذي لشخص غيري
ودفني بقوه وطلع
سألت وحده من الخدم وعطتني كمامه والحمدلله اني كنت لابسه غطا ع شعري
ابو قبعه بيضا: شوفي ي ست انتي حتعملي سمك السلمون بخل البلسمك
جوانه: وشوووو وش سلمونه أنا معرفش
: ماليش الباشا الي ما اعلمكش
جوانه: طيب طيب خلاص طس بس انت
شمرت اكمامي: ماشي ي جواد راح تشوف وش بسويلك اليوم ودخلت ع المطبخ
الجده تسحب امجد ع الصاله وتجلس وتجلسه
امجد بطفش: وش فيه بعد مو انا صاير زي الاطرش في الزفه خاطبيين لي وبتزوجوني وانا ما دريت
ضربته ع رجله بعصاتها: استح أنا جدتك تكلمني كذا
امجد: اسففف .. قولي اللي عندك
الجده تفتش ف جيبها وتطلع صور وتمدها له: هاك
امجد اخذها باستغراب: وش ذا؟
الجده: بنات حمايل اخذت صورهم من ام سعيد الخطابه .. شف اللي تعجبك ونخطبها لك
وقف امجد وهو يرمي الصور ع الطاوله: لو سمحتي جدتي انا ماقلت بتزوج خلصنا من ذي السيره اللي ماتخلص
الجده: وراك احتدمت ماقلنا لك اكفر. ترا الزواج سنة الحياة ي ولدي
امجد: مالي خاطر بالزواج الحين. عايف كل البنات
الجده: وشو اللي عايفه. انت صاحي ولا فيك بلا
امجد: ايه فيني بلا ما اقدر اتزوج شفيييكم الا تزوجوني غصب
دخلت لمى بهاللحظه: بنفرح فيك وانت الكبير
امجد: زوجو فواز أنا مالكم شغل فيني
وطلع وتركهم
دخلت فرح معصبه: شنو شنو شنو .. حلوه هذي هو ينحشر ويلزقها فيني .. لا زواجنا مو قبله خل يتزوج بعدين أنا
الجده بعصبيه: استحي ي بنت ماعندنا بناتن يتكلمن بعلوم الزواج
فرح: علوم والا رياضيات
الجده تضرب بعصاها ف الارض: وانا بنت جاسم. تمصخرين علي ؟
فرح ميته ضحك: ههههههه لا ي تيته امزح معك
الجده: اقول يلا بس مناك روحي بيتكم ماغير تلفين هنا وش عندك هاه .. الحين هذا ماهوب بيت عمك الحين صار بيت خطيبك وعيب تجين هنا يلا لمي قشك اشوف
لمىى تضحك: هههههههههههه طررررررده
فرح جالسه: والله مابطلع بشوف كحيل الطرف
الجده: اقول قومي بس قومي لا اتوطاك بهالعصا الحين
فرح توقف وتبتسم: من عيوني ي تيته بطلع من هنا ع غرفة كحيل الطرف
لمى: هههههههههههههه جلطه
طلعت فرح من الغرفه وهي باقي تبتسم
: اروح فدوة لهاالبسمه
تجمدت مكانها وانصبغت باللون الاحمر من الحيا ولا قدرت تتكلم
فواز: كيفك؟
ماردت
فواز يبتسم: وين طار لسانك اللي من شوي ي كحيلة الطرف
انصدمت انه سمعها وجالس يتريق عليها ماعرفت ترد وماشاف الا غبارها ناظرها وهي تبتعد ع بيتهم وابتسم ودخل وهو يردد (بزر وخبله بس احبهاااااا)
ي سلم ع الريحه الحلوه ذي .. الحين وش نسوي ايه قريت بالكتاب ان نحط خل وليمون اعتقد كذا ما اذكر بس يلا .. حطيتهم وبعد ماطلعته من الفرن حطيت الخل والليمون اللي عصرته معه وحطيتهم بتطلع شيء هههههه.
الطباخ: يلا ي بت خلصينا
وديته لهم وهو يوم شافه انصدم
الطباخ: اي دا؟ عملتي ايهههههه ي نهار اسود ومنيل
جوانه: قلتلك م اعرف
الطباخ: دا عيشتك هاتتنيل قهزي نفسك
جوانه: خله يسوي اللي يبي أنا تعبت
وراح بالاكل وانا ظليت بالمطبخ جلست ع الطاوله بطفش
عند جواد كان جالس ينتظر ع الطاوله والخدم يحطون الاكل ويوم شاف حق جوانه
جواد: كينا منو مسوي هالطبق
كينا: هدا طباخه جديده
جواد عصب: اجل كذا تبينها ي جوانه اوك
وقام عن الطاوله
سميره اللي توها داخله غرفة الاكل
سميره: ع وين
جواد يتعداها: عندي شغله اخلصها واجيكم
توجه ع المطبخ وناوي شر يوم فتح الباب شافها وحدها جالسه ع الطاوله ورافعه راسها تناظر السقف بعيونها البريئه ورموشها الكثيفه و فاتحه شعرها الطويل الناعم وتحرك رجولها فوق وتحت وهي سرحانه
قرب منها بهدوء لانها سرحانه وحط يده ع رقبتها ويناظرها بنظرات توعد.
انتهى البارت
انتظر توقعاتكم