ركز فيها النظر اكثر ونطق بحزم .
-انا الي قلت له !..مب هو !!كنت ادري بوجودها من قبل !! لكن ؟؟ شهدت فيه الخير وتمهلت معه لين الاخر وتصارحنا بخصوصها!!
بلعت ريقها ..مرخيه نواظرها .شاده يدها بتوتر وحرج ..شعور غريب اطرف بروحها ماتعرف كنته ايش؟؟ نطقت بلاشعور ..
-مريضه هي مره مريضه !!
ترقبها بحنو نظره ..اخويه
-خابر !!علمك التفاصيل ؟؟كلها ؟؟
-يعني مب كل شي تونا !!!ماتكلمنا بالتفاصيل !
-وانتي وش رايك ؟؟
رفعت نواظرها ...
-راي كيف؟؟انصدمت اول شي !!انت مانصدمت زيي؟؟
شد مبسمه ..ناطق بحس هادي ..
-كل من على وجه الأرض يخطي !! بس الأهم ياخوك يعترف بالغلط ولا يدوم عليه !!ورجلك حتى غلطه ماكان بالعاني !! انا لمست فيه المرجله وطيب الأصل !!..وغيرا هذا متمسك بنسبنا ومتمسك بك !!لو ذرة شك براسي يمين الله ماتنفتح له بوابة قصري !!ولا أي بابن لي!!
بلعت ريقها ..بصعوبه وهو يتابع ..
-انا خابر انها مالها وجود بحياتكم ولاراح يكون !..ليه ابخص الرجال وهو شاريك ؟؟نظرتي له رصينه لاتحسبين علي خافي شيَن فيه !!
احتنت نظرتها له ...
-ادري ..اعرف عندي اخو مامثله ابد !!
تبسم لها متابع ..
-يعني تقبلتيها انتي؟؟
ارخت نواظرها مشابكه يدها برجفه ..
-مو عن تقبلتها بس وش ذنبها ؟؟هي روح مسكينه ربي كتب تجي عالدنيا بهالشكل !!مالها ذنب ابد !!انا راحمتها مره كيف هيناك بدون ام وأبو !!وتحارب هالمرض لحالها !!
ركز بها النظر ..ناطق بسكون
-اليتم شين ياخوك !!يكسر مجاديف اليتيم !!
رفعت نواظرها له ..
-هي مب يتيمه هو فيه !يدري عنها ويسال ويتابع موضوعها !!
-تعتبر يتيمه وينه هو ووينها ؟؟!! لابالشرع ولا بالدين يعرق لها !!يمكن ماتعيش !!سائل انا عنها !الوضع مستفحل
جمدت نظرتها حاسه بحرقان باجفانها ..همست ببحه ..
-والله ؟؟
اشر بصمت ..ضايق ..وهو يترقب انسلال دمعتها ..وحشرجة أنفاسها ..
-يمكن هذا الأفضل لها وانا اخوك !!
حست بغصه بحلقها كاتمه النفس ..
-رجلك يحتاج توقفين معه !كوني حليمه وانا اخوك خلك عادله وحازمه !
رفعت يدها تمسح دمعتها ..
-بس في امل !!
-اكيييد الامل بالله كبير الله يجيبه !!
نطقت معاجلته
-عالاقل تعيش حياه نظيفه وصحيحه!
-خل يطيب جيدها الصغير عشان تقدر تعيش !!
تنفست باختناق ...تاركه دموعها تنسل ..بغرابه موجعه صدرها ..بقوه
-كيذا الدنيا ياوخيتي ماتصفى لاحد !! لاتصيحين!! انتي الله اوجدك بحياته الحين عشان توقفين معه !! اسمعي ياخوك ..
مد يده قابض كفها الرطب ..وشاد عليه سحبه لين استقر فوق ركبته المثنيه ..وتابع ..
-الرجال منا يحتاج المره القويه الي توقف معه وتغفر زلاته وتسمع له !وزناد رجال ونعم لايغرك هله الي حوله ترا الزوجه لها وقع عظيم بنفس الرجل !! هي امه واخته واقرب روح له ان طابت طابت دنياه !!وان شانت شقت به الدنيا !!
هزت راسها بموافقه ..
تابع ..
-انتي رضيتي وثم جلستي وانا مترقب تجين تطلبين الطلاق او تعترضين وكنت مستعد حتى تلوميني !!بس ماجيتي ؟
ناظرته بحنو .. عارم ..
-ماكنت بجيك انا اقتنعت بحياتي ورضيت بزناد ياخوي !!
-رضيتي مجبوره ؟؟او رضيتي بكيفك ورغبتك ؟؟
-لا بكيفي هذا قراري انا !!! انا ابي اكمل وابدى حياتي معه !!هو ...
سكتت ثواني ..وهو يترقبها ببسمه تابعت ..
-طيب !!وشهم !حتى ابوه طيب ؟؟عمي عبدالرحمن امه وخواته ماعليهم !!
-ناس اجاويد اجل؟؟
-ايه ..صح غير عن اطباعنا وحياتنا بس فيهم الخير الكثير !!
-الحمد الله ..
سكتت مب عارفه وش تقول ... نطق مبتسم لها ..
-لكن حتى لو هم طيبين وهو طيب !!ابي اقولك كلام حطيه براسك واحفظيه لاتنسينه ابد !!
ناظرته وهو يستنطق بثبات .وقوة منطوق ..
-اعرفي متى ماغثتك الدنيا ان لك اخو صدره ياسعك كلك مع همومك !!انا موجود وبيتك موجود !! ان ضاقت بك الوسيعه !لاتنهزمين وتتحملين تعالي هاتي حمولك لي انا اخبر ابها واعرف لها !!..لو وين ماكنت يكفي تقولين ياخوي !!لو حتى ماشكيتي بس نصيتيني !! بتلقيني واقف معك ولك وبذود عنك !!كل هم !!
ارتجف فكها رجفات متتاليه متعاقبه ... حاسه بسخونه حاره تملا نواظرها ..
-الله لايحرمني منك ابد !!
-ولا مننكم كلكم !!
تبسم ساحب مناديل ماده لها ..
-امسحي دموعك ولاعاد اشوفهن !!هالدموع عندي غاليه فوق ماتتصورين !!
نشقت تاركه يده وماخذته تمسح عينها الرطبه ..
-الله يخليك لي !!انت ابوي أصلا مب اخوي وبس !! انا احس بالفخر فيك مو عشاني بنت صخر وبس وبعد لاني اخت الوليد !! يوم وروني الكروت وقريت اسمك حسيت بفرحه ماتتخيلها !!..صدري امتلا فخر فيك !!حسيت بعزي وقيمتي وسط هالعالم !!
-قيمتك فوق اخوك بعد !!
-حاشا ياخوي ياحبيبي انت ..
تحركت لاثمه جبينه بلا شعور ..
-انت عزنا ورفعتنا الكل يهرج فيك ويذكرك بالخير !! اسمك وسمعتك بكل مكان !!
نطق بهادي الصوت وهي تستجلس ..
-هذا من فضل ربي !
-الله يحفظك..
تنهد متراجع وهو يتساند ويمد ذراعه ..باريحيه..
-يله عطيني من علومك !!
زادت بسمتها ...
-ابد علومي ابي اعطيك هديتك مع زناد بالسياره !!..
-عندي هديه لك انا بعد ..
ابرقت نظرتها له ...
-وعزيمتي ايش؟؟ تكفي والله !!
-لا هذا واجب ياخوك عزيمتك تستاهلينها !!!ماهيب شي !!انتي مجال تخرجك تصميم داخلي ؟؟
قطبت هدب عينها
-اييه
-وكنتي ناويه تبدين مشروعك ؟؟
-ايييه من زمان ذاك !..
-وش رايك تبدين الحين ؟؟تنمين موهبتك عالواقع ؟؟
ردت بتوتر باسم ...هي وين واحلامها وين تاهت عنها من زمان ..
-يبيلها...
قاطعها
-شركتك عندي ولك مطلق الحريه تختارين الكادر الي تشتغلين معه !!وبأسمك موجوده !!تنتظر تشرفينها وتبدين !!
جمدت نظرتها وكلامه يتتابع ...بصدمه ...
-سويت لي شركه ؟؟
-أي نعم ... وانتي تصممين ديكوراتها كامله لك مطلق الحريه وأول شي بتمسكينه مشروع مجمع فلل عندي !!
ارتهبت أنفاسها
-انا ؟؟؟ بصمم لك انت ؟؟
-اكيييد اختي أولى من الغريب !!منها يكون تسويق لك لاني ببيعهم !!انا الفلل ماتجلس عندي تنشرا من تخلص !!وهالمره واثق انها بتنشرا !!
.................................................. ....... .........................
بعد بوقت ...
-ماشاء الله الله يغنيه ويكثر خيره ويجود عليه
-ايييييي يمه فاجئني الوليد ماتوقعت ابد ابد يسوي كيذا !!
-كل علمن زين توقعيه من اخوك يابنتي !!
-الله يسعده ..احسني فرحانه مره ..تخيلي يمه واثق فيني اعطاني مجمع فللل وراني إياهم !!
تنهدت ..بفرحه ..
-تدرين امي حسيت ان لي كيان كيف ذكرني ؟؟ مانسى وش شهادتي !!
تبسمت مهره ومسبحتها بيدها ...
-الله يوسع صدوركم باالاعفيه يابنتي هو وينه رقا ؟؟
-لا جلس عنده شغل يقول وجته مكالمه وطلعت !! مدري وين زناد تأخر !!
-بجي بجي بالهون لاتشقين به ارقدي تريحي لين يكلمك !!
رطبت شفتها ..
-سمر نامت اجل غريبه ؟؟ايييي صح وش سالفة خطبتها ؟؟علميني امي ..
.................................................. ...............................
بعد بوقت ...
وصل ..امام مدخل النسا ...رافع جواله ...ينتظر صوتها ..
-يله انا برا عند مدخل الحريم .. !
-طيب ..
قفل ..تارك جهازه رافع أصابعه يضغط مابين نواظره ... اضطر يتركها وراح ..لنداء عاجل ...اضطر يشارك بأجراء عمليه صعبه ..والحمد الله عدت على خير ...رغم انه ماذاق النوم من اصبح ..فتح نواظره مترقب مسيرها وقت طلعت .... الين جت فاتحه الباب ... وانحنت ..
-زناد ابي اخذ هدية اخوي وين حطيتها؟؟
قطب هدب عينه ..
-ورى بالشنطه ماودك تاجلينه ابي امشي مجهد ..
شدت مبسمها ..مطرفه له ... استلمحت منظره المبعثر .. شدت مبسمها ..
-طيب بسكر الباب وارجع لك تركته مفتوح ...
ثواني ورجعت ... راكبه ..وهو حرك مسير سيارته .. متوجهه للبوابه ..
-مادقيت تعلمني انك بتخليني ؟؟
-وين مخليك؟؟ عند ربعك ومع اخوك ! ماخليتك بمكان خلي!!
بلعت ريقها ..بتهيب من سكونه ..
-رحت المستشفى عسا لاباس ؟؟
-عمليه حرجه شاركت فيها والحمد الله !تمت على خير !الله يشفيه
-الله يشفيهم
-امين ..
سكتت وهو بعد سكت .... تساندت وعينها تطرف يمه بحذر ..وبدون يحس ..مستجلبه كلام الوليد عنه ...اذا اخوها وثق فيه ليه هي كيذا ؟؟ليه تماطل بحياتها معه ...قاطع افكارها ..
-بكرا العصر عندك موعد مع دكتورة النسا !!
جمدت بصدمه هاتفه ..بهدوووء ..
-ليه ؟؟ ليش موعد عشان ايش !!
ناظرته بدون يناظرها عينه يم الطريق ..
-عشان تكتب لك المانع الي يناسبك !!
قطبت هدب عينها .بقل استدراك .. التفت لها ..
-مب انتي ماتبين مني عيال ؟؟حجزت لك جهزي نفسك العصر !!
أبعدت نواظرها وهو بعد ...شدت يدها بضيق ..عاجزه تتكلم ..وماتبي .. فاجئها أساسا ...تنفست بعمق ناويه تتناقش معه بعدين ...
.................................................. .................................
مكتب الوليد ..
اشغل نفسه .. بشغله .. مب ناوي يرقا الين يرجع ويلقاها غافيه ... روحه ماتبي ! كارهه ... الضيق مستفحل جوانب فكره وضلوع صدره ..تم يتابع ويتابع ويتابع اموره ..بلاهواده ...حاسس ان الوقت مب راضي يطيعه ويمشي ...سمع صوت ..رفع راسه ..
-السلام عليكم
تبسم بحنو ..
-هلا وعليكم السلام عسى لا باس !..وراك تعتبي نقسك ونزلتي !!؟
تبسمت داخله ... بحنو رصين ...
-نازله خابره انك هنيا ياولدي ..
قطب هدب عينه ..
-وش بغيتي لو دقيتي رقيت لك ..ولاتتعبين نفسك ..
-مهنا تعب يابوي .... اطلق رجيلاتي بعد ... عجزن ييجني النوم ...
ترقبها الين استجلست ..ووقف ..تارك مكتبه متوجه لها ...ومستجلس ..ماد رجله..باريحيه...
-عسى خير ياميمتي ...علامك ؟؟
ناظرته مركزه نواظرها ...فيه ..
-انا بخير ياحبيّبي !! لكن انت الي منت بخير !!
ثبتت نظرته وهي تتابع ..
-وش مضيقن خلقك ؟؟ ومكدر خاطرك ...!!؟ ماش قليبي حاسن بك !؟ اول النهار ماعليك بس تاليه متكدرن خاطرك ؟؟عسى ماشر يابوي ؟؟
تبسم محتنيه نظرته ...
-خير ان شاء الله ... أمور الدنيا والشغل ..
نطقت بحزم حاني ..
-انا مانزلت لاحدن غريب ! نازله وكارهتن النوم لولدي !الي بيعلمني وش بخاطره ؟؟تهون عليك جيتي لك يالوليد ؟؟
جمدت أنفاسه ...وهي تتابع ...ونواظرها بنواظره ..
-علمني !! انا حسبة امك !!..وبشيل معك همك !..الام صدرها وسيع !
وبها قوتن الله اعلم بها !الا ان كان لك نظرتن فيني ثانيه !
-حاشاك ياميمتي ..قدرك غالي وتخبرينه ...
-هه اجل علمني ... سلطان مضيق خلقك ؟؟
ارخى نواظره ...
-خابره انه معاديك ويبي لك المضره ... وادري انك معه حليم ..الله يجود عليك بالرضا ...
تم يترقب ..الارض ..بسكون ...
ترقبته بحنو ...
-قول يابوي انا ادري الدنيا ماتخلى !!..علم ميمتك وش مضيقن روحك ؟؟
شد مبسمه ...متنهد ...
-غير همي ياميمتي ..هالمره غير !!
-اعوذ بالله منه من هم ! مامع الله ورضاه هموم يالوليد العبد يمسي ضايق ويصبح بقدرة الله فالح !..الدنيا مجبوله ياولدي هذي دار الكد والكبد !!يكابد العبد يومن عليه ويومن معه ... !ولولا وجود الاهل والحبايب كان النفس ذوت بهمومها !!..هات ماعندك يابوي ! ترا كله سهالات مامن عوق الا وله صرفه !! الله مدبر الأمور وميسرها !!
تنفس ..رافع نواظره ..متلاقي بنواظرها ..الحانيه ..وبسمتها ..الموجهه له دون غيره ..
سحب انفاس ... بتوتر ... حاسس برجفة يدينه ...شبك أصابعه ... وتقدم منحني على رجليه ..
-ونعم بالله ..صدقتي !
تبسمت بحنو ...ونظراتها تطوف حواليه ...
-شاركني هات همك ..الضيق لامن طلع من الصدر يخف وجعه يامي !!ويصغر لو هو كبير !!!
رفع لها راسه ...وتابعت وقت تلاقن بنواظره ..
-علمني !!وش العوق الي مكدر خاطرك هالليل !!
ابعد نواظره مستعجز النطق ..ثبتت نظرته على كفها وقت امتد وشد كفوفه المتشابكه ..
-قول جعل هالييدين الكريمه ماتبلا ابد !!وجعلي ماذوق ضيمك بهالدنيا !!
استاشحت أنفاسه ..بشعور مهيب جليل عظيم ..واستنطق لسانه بلا شعور ..رافع نواظره لعينها
-انا عقدت على وحده ! لعلمن يقضي هالحال !!
استبرقت ظراته مستلمح صدمتها وعجزها تنطق
.................................................. ................
قبل بوقت ..
عجزت تغفا لها عين ...وقتها سرى بالهواجيس...ماحست به ... استجلست ..مبعده اللحاف ... مقرره تطلع تشوف وينه وبالمره تتسحر ..بتودي معها شي له ..وتشوف ليه ماجا ...طلعت من جناحها وهي تربط روبها بثبات ..المكان كله هادي ...اكيد نامو جميع ...هتف داخلها طاري يمكن موجود عند أمها مهره ..توجهت بخطواتها يم جناحها شافت الباب مفتوح تقدمت مبتسمه وداخله ...استبرقت نظراتها بهدوووء وخطواتها تتبادى ماشافت احد ...نادت بخفوت ..
-امي مهره ؟؟ انتي فيه ؟؟
سمعت صوت التفتت ..شافت ممرضتها ..
-وين ماما ؟؟
-بالاسفل مدام !!
-نزلت تحت ؟
اشرت لها موافقه ..شدت مبسمها متوجه خارج الجناح ..اكيد هي عنده ..تبسمت باجتهاد وهي مقرره تتوجه للمطابخ ... بتسوي لها شي خفيف وتاخذ لهم معها ... ياكم تعشق جلستهم مع ام سلطان اكيد يناقشون تفاصيل العيد وتجهيزات عزيمة رنا الكبيره .. استشعرت شي من الحماسه والسعاده ... اكيد بعد سوالف ام سلطان وسعت صدره شوي ... اول مادخلت شافت سمر مستجلسه ...تاكل ..
-ماشاء الله !! نفسي نفسي سمروه !!
تبسمت سمر ..
-نايمين انتوا !!
قربت وعينها عليها ..
-وش تاكلين ؟ مارقدت الوليد سهران وجعت لازم اكل بكرا صيام !!
-سويت سندوتشات دجاج مشي حالك كلي وانتي ساكته !!هه خذي ذوقي !مالي دخل ان تعبتي حاره نار وشرار !!
ضحكت بخفه وهي تفتح علبة الببسي ..
شدت مبسمها متراجعه ..
-لا مابي دسم باكل جبنه وزعتر .. !شي خفيف لطيف ... !
-امممم حارمتن نفسك !!
-لا والله لاحرمان ولاشي ...
ابتدت يدها تسحب كيس الخبز .. وتطلع لها شرايح مفروده ..
تركتها وتوجهت ..
-وين زيت الزيتون ؟ ليه غيروا مكانه !!؟
-هيناك هيناك حامسه الدجاج فيه !
-اه ..هذا هو .. عندي طريقه لذيذه .. باخذ هالخبزه وادهنها جبنه وزيت زيتون واحط زعتر ..
قالتها وهي ترفع اطراف رجولها تدور الزعتر ..سحبته مطلعته ..وتابعت وسمر متراكيه على يدها تتفرج عليها بترقب ..
-بعدين بحمصها عالصاج عقب ابرمها ...
التفتت لسمر
-لذييييييذه !!!
تبسمت سمر وهي تاكل ..
-عافيه مقدما !!
-يعافيك ... راحت رنا من اول ؟؟