-من شوي جتني تبي السوالف بس مارديت تحسبني راقده وطلعت وهي تتحلطم !!عاد جعت ونزلت ..
-حتى خالتي مو في جناحها ..اكيد عند الوليد !
التفت لها غامزه ..
-وش رايك نروح نكبس عليهم ؟؟يمكن يسولفون بسالفتك ؟؟
شدت سمر بسمتها ..
-لا مابي استحي من الوليد !!
-والله ؟؟؟ تستحيييييين ؟؟؟؟ اه بعدين تعالي ياحيوانه انا سمعتك امس تقولين سعود يحب الطيب !!وش سالفة سعودذا !!
حركت سمر يدها بعين مصدومه وعينها يم الأبواب
-اسكتي اسكتي يافضيحه انتي !!!
-ايييش؟؟ طيب طيب ... علميني ؟
-بعدين نجول تراني احس بتوتر قسم بالله !!! كل شوي أتوقع يناديني الوليد !! قلبي قسم بالله يرقع !!
شدت نجلا مبسمها مرتبه لفات الخبز باحتراف ... ومطلعه الصاج مبتديه تشغل النار ... رشت بخه بسيطه زبده ..عالصاج
-طيب المهم علميني !! انا بسوي لي واحسبهم معي !!
هتفت سمر ..
-نجول ان جابوا طاري علميني سمعتي اسمعي وركزي وقوليلي!!
-اذا علمتني وش السالفه علمتك !!!
ضيقت سمر نواظرها ..
-خسيسه يالجلموده !!! هين ماعليه علميني اول وأقول لك !!
هزت نجلا يدها تلف لفايف الخبز باريحيه
-تمام اتفقنا ...
خذتهم دقايق سوالف ... فيما بين نجلا جهزت .. كل شي ..
-خلصت بروح انا بتجلسين هينا ؟؟
-لا برقا عيوني كابسها النوم بس ابي اصلي ان رقدت مب قايمه !!
-زين ...
تقدمت شايله الصينيه ... ثم وقفت ..
-سمر بكرا صدق بتروحين؟؟
-أي بروح ان شاء الله وانتي اقنعي رجلك يوافق يختي وش ورانا خل نطلع !! نشوف عالم !! نجلا ترا انا كنت اطلع من وانا صغيره واروح لبيوت صديقاتي تخيلي !!!! بس !
-بس ايش؟
تلاقت نواظرهم وتابعت ..
-من جا الوليد منع هالشي !! صار مافي طلعات ولاجمعات ! وامي ماصدقت خبر تقول مالي دخل !!وهي والله والله تقدر تقول له بس ماتبي جا على كيفيها الوليد !مفصل لها بالضبط !!!
ضحكت نجلا بخفه ..
-والله انا استغربت ان طلعاتكم قليله فقط للعيله !!
-من رجلك حكرنا والحين حاكرك !!
هزت اكتافها ..
-تفداه الحكره يختي وكل شي !!
كشرت بهزل وهي تغسل يدها ..
-انتي عاد مرته يختي وش دخلنا فيك !!! جايزتن لك حكرته انا ودي ودي يانجول اتنفس شوي !!!..روحي يله تاخرتي ..لاتنسين تعلميني !وتسحبين
تقدمت نجلا باسمه ...
-طيب ... باي ..
قالتها وطلعت متوجهه للمجلس ...مالقتهم ... توجهت بلاشعور يم مكتبه ... شافت الباب موارى ...تبسمت سامعه حس ام سلطان الحبيب و ...مقبله بهدوووء...ووقت سمعت منطوقه جمدت أطرافها وعجزت تتحرك ..
-انا عقدت على وحده ! لعلمن يقضي هالحال !!
سكنت أنفاسها بعجز ...وهي تسمع صوته ومنطوقه الضايج ..
يتابع بصوت خاوي جاهل انه طالع من عمق روحه ..المنغلقه ....
-مب زواج كامل !! انا تصرفت لاني شفت فيه ضروره !!ولابد منه !!! لفتره معينه وبفسخه باذن الله !!لكن يعلم الله انه ماتم الا وانا مضطر !!والتراجع عنه صعب !!وماله مفر !!ويدي مابها حيله ياميمتي !!
نطقت ام سلطان بضيق مصدوم ..
-لاحول ولاقوة الا بالله !! ليه يابوي ؟؟ وش حدك ؟؟
-حدني الشديد القوي .. مضطر ياميمتي مضطر !!
-من متى ؟؟
ركز بنواظرها اكثر ..
-من شهر !!تم عقد بدون خرابيط !! وكان بيستمر بسكات الين افسخه بنفسي واطلقها ! لكن الي جد انها تحدتني وجت لين بيتي وقابلت نجلا !!
انتفضت يدينها وارتجف فكها ... وهي تحس ان غمام اسود يحاوطها ..تمسكت بالصينيه وهي تتساند عالجدار ماعرفت شلون انحدر كامل جيدها بسكون وهي تسمع صوته ,,وشرحه ..وصور تتبارى امام نواظرها تتمثل بالوجه الي شافته اليوم ....عشان كيذا كلمها اجبرها ترقا فوق ..! وعشان كيذى حست بشعور غريب ناحيتها ماريحها ...؟؟!!شدت يدينها ...متبارقه نواظرها بلمعه شاده مبسمها وانفاسها وفكها يرجف بضعف ..وهي تسمع ام سلطان
-هي المره الي قابلوها البنات ؟؟
اشر براسه ..موافق ..
-اليوم قررت ان نجلا لابد تدري وتعرف !لان ماعندي استعداد تدري من غيري !! ومن حقها علي تعرف ويكون عندها علم !بس انا ..!؟
ارخى نواظره ..وتابع منطوقه بصعوبه ..مريره ..موجعه له ..
-مابي الي وصلته معها ينهد !! بهالسهوله وعشان وحده ماتعنيلي ولاراغبن فيها !!! وجودها مجرد وسيله فقط لاغير !!
ترقبته ام سلطان بحنو ضايج وضايق ..
-وشو له هالوسيله ياولدي ؟؟انا اعرف انك ماتقدم على شين الا وانت عارف ولك سبب ! وشهو سببك يالوليد الي يحدك تعقد على هالمره وبوقت نجلا تعبانه ؟ !
شد مبسمه ..رافع راسه مناظرها ..ومعترف ..
-عن طريقها جبت ام طلال وطلال !! لانها كانت بيدي قدرت اني اجيبهم من عند الفاسق رجلها !!..سكت مستصعب منطوقه لكن مع ذلك تابع ..
-لو خليتهم عنده كان رجعوا لي جثث !!
-اعوذ بالله من غضب الله !!لاحول ولاقوة الا بالله !لهالدرجه !!
شدت كفوفه ..
-وش هالعلوم الي ماتسر ياولدي ؟؟ مب أبو طلال ابوك من الرضاع الي رباك ؟؟
جمدت نظرته رافع هدب عينه باستهلاك مضني لشعوره
-محدن رباني غير جدي !!ابو طلال من افسق خلق الله الي مروا علي !!!
توترت نظرتها ..له ...بمهابه وهو يتابع ..
-مب كل شي عالسمع والشوف ياميمتي !! البيوت لها اسرارها ! عقدت على هالمره اول شي عشان نجلا ! ومحيطكم كلكم ! ثم من خلالها قدرت استدرج هالواطي يجيب طلال وامه !!!
هز راسه ..متابع ..
-وجابهم بس جابهم وبهم قل صح !!
-لاحول ولاقوة الا بالله يارب سترك وعفوك يارب سترك !!! وش ذا العلم ياولدي ..
تابع بصوت ميت خالي من كل إحساس ..ههادي مستكين ممتزج به شي من الغضب الدفين ..
-انا متعاون مع الدوله عشان اجيب راسه !..انا اعتبر صيدته قضية عمري ياميمتي !!
كرر بحس ثابت ..
-قضية عمري!!!!
تنهد ماسح ملامحه كاره منطوقه كله ...وعينها عليه ..سائله بخوف ضايق ..مشحون واجافنها مرتهبه رده
-هو ضرك ياولدي ؟؟
ابعد يدينه عن وجهه محرك حواجبه ..بخفه ظاهره لكن ثقيله على روحه ..
-اسقاني المر !
تنفست بحشرجه ..
-حسبي الله ونعم الوكيل !! وراك ماعلمتني من قبل ليه من جيتنا ساكت !
التفت لها بنظره حانيه ..مجهده ..
-مب شي ينقال يامييمتي!! وشوله اكدر خاطرك بشين مالك فيه حيله !! انا خذت على نفسي عهد اجيبه واسوقه سوق !!طال الزمن ولاقصر !!
هز راسه ..
-جيت هينا انشغلت وكنت مازلت متابع ومستمر انتظر اللحظه الي اقدر استحكم جيته فيها ثم تزوجت وانتي اعلم بالباقي !!
ترقبته باستدراك ...فاهم ..
-عشان كيذى انت كنت رافض العرس ؟ وممتنع عنه ؟؟هذا عقوك يابوي ؟؟
هز راسه .. موافق ..ثم تجردت صورتها امام نواظره ..وروحه ونطق بلا شعور ..
-بس تزوجت !! وجت نجلا !!
ناظر ام سلطان وتابع هاز راسه باعتراف غامر ..
-هي افضل شي حصل لي بهالدنيا !!جت وخلت للحياه طعم ولوجودي روح !!احييت بيتي غيرت كل دنياي ياميمتي !!
تحشرت أنفاسها بعبره ..حانيه ...وعينها ثابته بنواظره الموجهها لها ..
-لسه قدامي مشوار مب هين هالادمي مثل المرض المزمن .. يتربص بي بكل مكان !!
نطقت بدعوه راجيه ..
-الله يصرفه عنك ياولدي الله يشغله بنفسه ويلهيه بها مثل ماصرف عن ابوك خويه الاقشر سعود !!
جمدت نظرته ..وانفاسه ..وهي تتابع ..
-قد كان لابوك واحدن يترصد به دوم بس الله فكنا عنه ياما سهر مثلك كذيا لكن الله قادر وبصير !!من توفى ابوك معد سمعنا له حس !!ولاطاري !!وجيت انت كفيتني هم خوفي منه !!
نطق الوليد سائل وعارف الاجابه
-سعود ال؟؟؟؟؟
فتحت نواظرها ..
-تعرفه ؟؟
ركز فيها النظر ..
-هو نفسه !
هتفت بصدمه ..
-سعوووود ماغيره ؟؟ هو رجل ام طلال ؟؟؟
اشر براسه ...
مسكت راسها بتوهان ...ناطقه بحشرجه ..
-وانت كنت عنده ؟؟؟ من صغرك عنده ؟؟
اشر براسه .ونطق ..
-أرادة الله !!
-وهالبنت الي تزوجتها وش دخلها بسعود ياولدي ؟؟تقرب له ؟؟
تنهد بتعب ..وهو يرجع يتساند ..
-هالبنت لها قريب خوين له يقدر يضغط عليه وفعلا تم الضغط وارسل ام طلال وولدها !!انا تزوجتها عشان مايستجري يوذي مرتي او أي احد فيكم ياهلي !!كونها تحت اسمي وبحماي هالشي بيساعدني !!
-حسبي الله عليك ياسعود الله يشلك ..من ارضه الله لايبارك فيك حسبي الله ونعم الوكيل !!..لين قبل يروح لك ابوك تواصل معه !!
ثبتت نظرته بصدمه منتظر وهي تتابع ..
-أي كلمه عقب بليله ابوك قرر يروح لك يجيبك بيطلبك ترجع !! ابيَك بعد كان حاله ماهوب حال !! بس انا مادريت كله يطمني ويقول الأمور طيبه !!
اشر بهدب عينه ...بصمت ..مهلك له وهواجسه تطوش ..ليه تواصل مع ابوه ؟؟تذكر حاله يوم يجيه يطلبه الرجعه ..هل جرده امام ابوه بعد ؟؟عراه ؟؟؟ هل قاله وش المر الي اسقاه إياه ؟؟؟ افحمه بولده انتقام ؟ !!!
حس بكتمه بانفاسه ... وحرقه بنواظره ...ارخى جيده بلاشعور مخفي رسومه بكفوفه ... ومتنفس بعمق غاضب مستفحل ... مجرم ...حيل مجرم بانفاسه ..وصدره ...تنفس وتنفس ... وتنفس ...معد يسمع الا أنفاسه واصوات مزعجه ... حتى حسها معد يسمعه ..
شدت نجلا مبسمها المرتجف ... عيونها امتلت دموع ..حاااااااره ... وساخنه وهي تسمعه ....مصدوم كل مافيها ...وعاجز ...سمعت صوت ام سلطان يهتف ..
-الوليييد ؟؟؟ يامي ؟؟؟ علامك ؟؟؟ الولييد ...
استنبض قلبها .... برعب .... ورهبه ... وهي تسمعها تهتف له ... تحركت .. تبي توقف .. برعب ... الين سمعت حسه ..الضايج ..
-رااااسي.... بس راسي ... مافيني شي بس راسي!!!
-بسم الله عليك الرحمن الرحيم ... يابوي لاتشق بنفسك !! ليه هالم شايله بروحك ؟؟ ليه ماتقول وتنطق !! انا معك يامي وكنت دوم معك !!!ليه ماشكيت ؟؟ ارتاح يابوي ارتاح ... اسند راسك ... !!
اسند راسه على ظهر الكنب ... مغمض نواظره ...سامع هروجها من بعيد ... بس عاجز يرد ..مجهد ... نفسيا ... كون انه عرف ان سعود تواصل مع ابوه قبل يجيه اهلكه من كل صوب ... ويبقى السوؤال الي مارح يعرف له اجابه ... !!
ابوه عرف عن الي سواه معه ؟؟
عرف انه استباح جيده بلارحمه !! عرف انه توسم منه وتشوه روحيا وجسديا !!!...
هل عرف ان جبروته الغاضب وراه ذاك الطفل النايح المسلوخ ؟؟؟
يعني سعود كسر حتى الصوره الي كافح وجاهد يطلع بها عند ابوه ؟؟
الم الم الم براسه .... استفحل وتشعب ...
استشعرت نجلا حركه وحس ام سلطان الخايف .... استاقفت ..برهبه وقلبها ينبض ... بخوف ...تراجعت بعجل .. يم المغاسل .. تاركه الصينيه ... توجهت بلا شعور فاتحه المويه وبيدها تسكب وتشيل وتغسل ملامحها وبعجلل...غسلت وغسلت وغسلت ...بخوف ...متصوره كل شي ...كل شي.... مسحت ملامحها ومسكت الصينيه ... وناظرت نفسها نظره اخيره ... سحبت انفس متحشرجه ... وتبسمت أي تبسمت بارتجاف صارم ..... مو قد قال لها تبسمي !!!..
تنفست مستحكمه عمق ضيقها بقوه عظيمه ... وتوجهت خطواتها بعجل ..هاتفه ... بحس عالي ..
-الوليييييد ؟؟؟ خالتي صاحين ؟؟؟
انفتح الباب فجأه ..
-يامي تعالي بنتي الوليد راسه يوجعه ... روحي جيبي مويه ... اعجلي ودرج العلاجات بالمطبخ به مسكن !!
توجهت بلاشعور داخله ومتقدمه هاتفه ..
-وش فيه خالتي ؟؟؟ فيه له حبوب لراسه ... وينه هو ...
ابتعدت ام سلطان ... متراجعه يمه .... ونجلا تتقدم بلاشعور
-يمكن ضغطه مرتفع .... غلط سدحته كيذى ... الولييييد ؟؟
تركت الصينيه بصوت عالي واستجلست عنده ... ماسكه جبينه ... وهي متغافله منطوق ام سلطان ... همست ... بخوف ضايج تاركه دمعتها الي حجمتها تنسل بلا ادراك .....
-الولييد حبيبي انت .... !!! تسمعني ....!! شكل ضغطك مرتفع ... !! قدم ... قدم راسك ..
تقدمت امامه ماسكه راسه ..وعينه تنفتح بتوهان ,,, تلاقت نواظره بها وتبسم .. بخفوت..
-نج...لا ؟؟
-عيونها عيونها ... راسك ارفع راسك تقدم يله ...
تحرك وهي تجذبه .. للامام استجلست على ركبها ..وراسه بين يديها .. ضاغطه مابين نواظره ..فيما بين يدينه مرخيه باستكنان .. بلعت غصتها .. هامسه ..
-بسم الله عليك الرحمن الرحيم .... انت تسمعني ياروحي ؟؟؟ واعي معنا ؟؟؟ بكلم الإسعاف ..
التفتت ..
-خالتي ؟؟
مالقتها موجوده .... رجعت تناظره ..
الوليد ..تسمعني ..
-اس..معك؟؟؟مافيني شي ...راسي بس!!!
قربت لاثمه جبينه ...بعمق ...
حرك يدينه ..لامس يدينها على عينه ..
-امسك هينا ..هينا !!
ميلت راسه ... ملتفتته ..
-تحس بسيلان ؟؟؟ هاه الوليد ... !؟؟
اشر براسه..رافض .. سحبت منديل بعجل ... وقربته منه ... مجهزته ... ناظرته برحمه سقيمه ورجفة فك ...وهو مغمض نواظره ...سمعت حسه ..
-متى جيتي؟؟
رطبت شفتها ... هاتفه وكاذبه ...
-توني توني !! سويت خفايف ...وجيت ناكلها سوا !!! لاتتكلم ... شوف يرشح خشمك شوي !!لاتتكلم خلاص ارتاح !!!
انهت منطوقها مانعه عبرتها ... تطلع ...
-مافيني شي !! راسي بس !!
ترقبته برحمه ضايجه وخوف ... وهي تشد المنديل وتشوفه يتمازج بالحمار ..
همست ..
-ضغطك ..مرتفع ... !!..لاتتكلم ...ارتاح !!!
قربت جاذبه راسه مرخيه مبسمها بوسط شعره لاثمته ..
-بسم الله عليك ...
سمعت حس سمر المهتاب ...
-وش فيه الوليد نجلا ؟؟؟؟ علامكم ؟؟؟؟
تراجعت ... لافه لها ..
-ضغطه ضغطه ... سمر حبوبه عندي فوق !! درج مكتبة الصاله الي بالوسط فيها مسكناته ومعهم علاجه !!
-أي واحد نجول ؟؟او اجيبهم كلهم ؟؟
-جيبيهم كلهم اعرف وش بعطيه اعجلي يله ...!!!
ركضت سمر متراجعه .... واقبلت ام سلطان ...وبيدها كاسة مويه ...
-هاه يامي اخباره الحين ؟؟؟ كلمت يعقوب !!
رفع الوليد يده ... وفتح نواظره ..
-لالاتكلمون احد ... مايحتاج ... عندي علاجي !!!
ناظرته
-الوليد مب احسن تروح ؟؟
تلاقت نواظرها معه ..
-لا ..بيخف ..
مد يده ليدينها جاذبهم ... لمكان معين ... ومغمض ..
-اضغطي هينا وبس ...
تمت اناملها تمسد جبينه وجوانب راسه ... الين جت سمر ...
-يووووه نسيت المويه ...
-تعالي هينا جابتها خالتي ...
رجعت راكضه وهي تفتح الاكياس ..
-أي واحد نجول ؟؟؟ وش اعطيه ... !!
-هذا سمر ... عطيني حبه بس ..
-الوليد ان خذتها لازم تاكل على طول تسمعني ؟؟ !!
عطيني سمر ..
خذتها منها ودستها بمسمه ..فتح نواظره ...وسمر تمده بالمويه ... خذاها ويد نجلاا تتلمس قاع الكاس وعينها متلاقيه بنواظره ...وهو يشرب ...
ابعد الكاس .. خذته سمر ..
-ياولدي ماودك نخلي يعقوب
قاطعها ..
-لاياالغاليه بريح بس ...وبتحسن ...
-مد نفسك ياولدي ..تريح .... تريح ...
قالتها وابتدت تدق ...
-يعقوب !! لعاد تجيبون احد !! الأمور طيبه !!!
-اييييي ايييي ...
-زين الله يجزاك خير ..
قفلت منه وعينها تترقبهم الاثنين ...مستلمحه خوف نجلا الظاهر ...برعب ... وحال هالولد ..!!وهالهموم الي اثقلت روحه ...صدمها اليوم !! بكبر هالحمل الي شايله ... ارتجفت اساريرها ..وهي تشوف نجلا ..ترفع رجله ..
-انسدح .... يله ... !!!
وقفت سمر تناظرهم ...
-بيتحسن الحين ترا .... اهم شي خذا علاجه !!!بعد يمكن معك الجيوب الانفيه !!! او ضغط عشان عيونك لازم تكشف ياخوي !!!
ارخى جيده مغمض نواظره ... هتفت نجلا ... هامسه ..
-سمر خففي النور ... خلي اوطى شي .. !
سمعت كلامها بعجل ونفذت ...وهي تمت مستجلسه عالارض ..ماسكه كف يده المرتخي بين يدها .. ترقبته ...مخفي نواظره بذراعه ...غصه داخل روحها كبييييره ....حيل كبيييييره وصدمه مريررره ...حاوطت أنفاسها ... ونبضها وكل مافيها ...تمت تترقبه ...حتى ماقدرت تستنطق ايات السكينه الي تريحه دوم ولاقدرت تسوي أي شي فقط تناظره ..وتستمهل فيه النظر ...
-بيريح الحين يابنتي لاتخافين !!
تمت نجلا تناظره وتنتبه لانفاسه ..الهاديه ..اشرت براسها بدون تلتفت ...
سمعت سمر
-وش صار امي ؟؟؟ ليه تعب ؟؟تصدقين نجلا ؟أتوقع علاجه لازم يداوم عليه !!!لازم بعد يروح يكشف !!
هزت نجلا راسها ..هامسه ..
-ان شاء الله ...
نطق بهادي الصوت ..
-روحوا ناموا انا احسن الحين ... !! باكل وارقى اريح !!!
رطبت شفتها وقت اشتدت أصابعه حول اصابعها ..شدت مثله بلا شعور ..ثم ناظرتهم مكرره ..
-روحوا ريحوا خالتي تراه بيتحسن وفيه نوم مارقد مواصل ونام شوي اجهاد معه !!
أبعدت نجلا عينها عن عين ام سلطان قبل تكشف ضعفها تحس انها واضحه ان شافت عينها ... وهي ماتبي ... استحكمت نفسها بقوة ضبط اليييييمه ...
-تنبهي له بنتي .. ! انا منيب راقده ... طمنيني !..
-ابشري ابشري ... بياخذ بعد المسكن ويخف كل شي !!!يله سمر ودي خالتي وروحي انتي بعد !!.. لاتخافون !
اشرت براسها لسمر عشان مهره ..وضيقت نواظرها بفهم ..
هزت سمر راسها ..
-يله امي ؟ نجول انا مب نايمه ... بتطمن عليكم شوي !
-طيب ..
مرت ثواني ثم شافت ام سلطان تنحني لامسه جبينه ..
-حصنتك بحفظه وقوته من كل شر ...
سحبت يدها ونجلا تترقبها ثم ارختها قبل تتلاقا بها ... نشقت ... مبتديه تجمع المناديل المتضرر..بحظنها ..عارفه انهم بيطلعون ...طلعوا ..لفت براسها تشوف سمر تسكر الباب ...التفتت له هامسه ..
-الولييييد ؟؟ شلونك الحين ؟؟ مب احسن ؟؟
-احسن ..
بلعت ريقها ... وهي تتحرك ..وتقرب ...
-راسك شلون يعورك ؟؟ترا ماعطيتك مسكن لازم تاكل !!! تقدر تقوم تاكل !!؟؟
ابعد يده ...بثقل ...مقطب هدب عينه ...مستشعر ثقل براسه وجيده ...
-بروح اجيب لك ثلج !!
شد يدها ..
-مب لزوم ... ارتحت شوي ..
استجلست بتوقف..
-الا بروح عشان مايرعف خشمك ... انتظرني ..
سحبت يدها ...بعجل ... وطلعت ... رافعه اناملها تكتم حس حشرجة روحها ... معد تشوف حتى الدرب ... والطريق .... تحركت بلاهواده ... واصله المطبخ ... ونااار وسط جوفها .... تحس بنااار ... وجع اكبر منها يفوق احتمالها .... كله مع بعضه..كله مع بعضه صعب ... وصلت للمطبخ ... توجهت بدون أي وعي جهة ثلاجات الفريزر... داخل ... توجهت لها فاتحتها ..ساحبه ونافضه كم مكعب ... بيدها ... تنصل منها
يتبع على هذا الرابط
https://www.rewity.com/forum/t441838-1661.html