السلام عليكم ورحمة الله وبركاته
صباح البهجه والمسرّه آل نوت
كيف حالكم ؟ اتمنى ان تكونو جميعا بخير 🫶🏻 شوشو المبدعه القريبه من القلب جدّا 🤍 شُكرا لكل الابداع الذي تخطه يمينك ممتنين جدا لك ، روايه رائعه ، محببه ، بسيطه ، تدخل القلب بسرعه ❤🔥
الفصل كان رائع جدا استمتعت بقراءته لطيف يُناسب الصباح 🪷 الحارث :
الحمدلله انه ابصر فرحت له مره والله اخيييرا ، سيف كلامه خلاك تقوم يالامير 😂 ماتنلام والله من طاري جاير الكريه اللي ماحد ذكره بالخير ابد ، وشكل بعد باقي لسى ماعرفنا عنه اشياء ،
تامله في وجيه المغير والجارح عور قلبي كيف انه مده زمنيه مرت غيرت ملامحهم وكبرو وهو فالظلام
لقاءه مع امه موجع ومليء بالمشاعر 🥹 ياربي الام سبحان الله كيف تتغير معاملتها وحنيتها لعيالها اذا اصابهم مكروه 🥺 فرحت عتقاء الكبيره خلتنا نشوف جانب ثاني منها حنون ياليتها دايم كذا وماتتدخل بسوالف القتل الله يهديها بس
نهايه الفصل وكلام لوزه ، ياربي استغفرك يارحمن والله من اللقافه يالوزه ، ودك تبعدين المحامي عن نوت وحسيتيه ناوي شر مو كذا 🥲 ياربي قهرتني صدق ، عسى الحارث يتعقل مع ان ماظنتي 🥲🔥 سحاب و فضه وجاسر :
حابه اجواءهم كلهم الثلاثه ياربي ، اكشن طول الوقت ما يرتاحون 😂😭 ياربي ماغير مناقر بس ، رده فعل جاسر وتعامله مع سحاب يأسر ياحلوه صدق اسر نظرتي له مرره ، حنون ولين ومتفهم ، ويوم يشري لها الذهب يازينه والله ، سحاب وفضه بالنهايه بيصيرون صديقات 😂 اذا جاتهم نوت 🏃🏻♀ والله ودي اشوف ردة فعل فضه على ان نوت بعد اخت جاسر 😭😂 ياربي بيزيد المناقر ويصير حرب طاحنه ، والله يعين جاسر 😂 ، متحمسه بعد لرده فعله اذا عرف عن سمراء عزوته 🥺 ورده فعلها هي اذا عرفت عن جاسر ، يا انها بتهزئ سحاب تهزيء ياويلها 🔥
اما موقف المستشفى ياتي ضحكت ضحك 😭😭😂 سحاب مهبوله والله ولا احد ينزل مشفى ب الهامه ، واضح من قو الفرحه فيها خلتها ، والله صدمتني ياربي ، رهيبه . لؤلؤه و سحر :
سحر ياروحي زهره في غابه المغاريب الوحوش ، غير غير يابعد عيني هي 😔 كيف شايله هم فضه ياقلبي الحمدلله انها شافتها بالمشفى علشان تتطمن ،
الله اخيييرا احد يعرف عن صبحاء الغثيثه عسى يارب المغير يدري يارب قبل يقوم ، كاسره خاطري رسميه والله من اللي بيجيها حسبي الله عليك يا صبحاء وهرماس معك ، مشكله جلست افكر كيف بيدري المغير ، يارب رسميه تتكلم وهي فالزياره عن انها ودها تقوله بس خايفه مايصدقها وهو يكون يسمع حتى لو مخدر 💔 من صدمة الكلام اصلا اللي قاله الغثيث شكل قومته مطوله 💔
اخيرا سيف عرف عن سحر ، مادري وش الخطوه الجايه كيف بيطلعها يمكن وهي جايه المستشفى ! يدري انها موجوده عند عتقاء ويشوفها 🥺 واسلام وش رده فعلها ان البنت اللي قالها جاير ماتت هي موجوده وعايشه ياربي 😔 ياحبيبتي ياسحر ان شاء الله قريب تلتقين بامك واخوك 🫶🏻 نوت :
عايشه حياتها ولا عليها 😂😭 ياربي صادمتني بتصرفاتها ولا كان سحاب راحت وهي ماتدري وين رايحه تجدد الهويه والحياه حلوه وتتهاوش مع الموظفه 😂😭 وتروح لاسلام وتاكل وتنام 😭😂 والله شخصيه عجيبه غريبه ياحلوها 😂🤍 ختاما الله يسعد قلبك مثل ماتسعدينا وييسر امورك ويبارك في وقتك ويحقق امانيك ❤🔥🫶🏻
ننتظر القادم بكل شغف 🪷🤍 - سبحان الله ، الحمدلله ، لا اله الا الله ، الله اكبر - |