عرض مشاركة واحدة
قديم 14-08-22, 07:08 PM   #195

ميساء بيتي

مشرفة وكاتبة بعالمي خيالي

 
الصورة الرمزية ميساء بيتي

? العضوٌ??? » 496747
?  التسِجيلٌ » Dec 2021
? مشَارَ?اتْي » 2,029
?  مُ?إني » تائهة في ارتطامات متتالية
?  نُقآطِيْ » ميساء بيتي تم تعطيل التقييم
?? ??? ~
اذكروني بدعوة ان انقطع وصلي
Icon26

مر صمت للحظات ف قال ب ابتسامه
صغيره/ممكن لاني ولدت بمهد من الذهب.

ضحكت المضيفه بخفه وهي تقول/صحيح فمين يلومك؟النازك عائله مصنفه من الاغنياء
عالمياً لكن انت
صنعت
ثروتك الخاصه بغض النظر عن الحاله المادية للعائلة الكريمه.

كان حط رجل على رجل ف قال/صحيح المتاجر ومصانع العطور
والمكياج والملابس والفنادق
ومتاجرالقهوه وسلسله من متاجر المطاعم كلها من جهدي
الخاص ما انكر
ان لعائلتي مساعده في راس المال فيالبدايه لكن
في النهايه اعتدمت على جهدي الخاص.

المضيفه/سمعنا ان حضرتك الكريمه تبني
ميتم خاص في الولايات المتحدة والسعوديه
الامارات بغضالنظر عن الهدف الشريف لكن يبقى السؤال
ليش في الولايات المتحدة ليش مو في بلد عربي؟.

/قبل اتكلم بوضح بخصوص ان الميتم يشمل جميع اطفال العالم
منهم المشرد او اليتيم او المتخلي عنه ولاجابه عن سؤالك اكثر
هجره للعرب هو الولايات فيه كثير من الاطفال العرب المشردين
هناك ورحلتي
الاخيره للولايات شفت كثر من المشردين واليتامى
في الشوارع منظرهم خلاني افكر ابني في الولايات.

وقبل تتكلم المضيفه صفق الجمهور ابتسمت المضيفه
وهي تقول/عمل شريف يليق ب انسان ذو ضميرحي .
. والحين بنختتم ضيافتك
بسؤال بما ان اغلب الناس وخاصه النساء العازبات
عندهم فضؤل ب ليششخص ناجح ومثقف عازب؟.

رفع حاجب ب ابتسامه صغيره وهو يقول/بعض؟.

المضيفه رفعت الاوراق على وجهها بخجل وهي تقول/نعم
وانا منهم.

ضحك بخفه
بعدها همهم بصمت وهو يناظرها بتعابير شبه مبتسمه.

وللجهه الي فيها كاميرات
لف نظره لها
ب تعابير غريبه
خلا علبه الايسكريم الكبيره تطيح من يد زينب بخوف.

ثواني حتى ابتسم وهو يرجع نظره
لمضيفه ويقول/انا مرتبط وزواجي ماهو ببعيد.

ورجع نظره للكاميرات الي تعرض المقابله ب ابتسامه
ويكمل/حبيبتي زينب تعرف متى راح يجي الوقت.

ماكانت ابتسامه
زينب
واي شخص يعرف حمد
يعرفون معنى الابتسامه هذي.

رجف جسم زينب بخوف بمكانها.

بعدها رجع نظره للمضيفه الي صفقت بيدينها بخفيف
وقالت/مبارك راح يصير حدث مهم .. -وبضحكه
خجوله قالت-وبكذا كسرت قلوب العازبات.

ضحكه حمد بخفه وهو يناظرها.

طفت زينب التلفزيون واخذت العلبه الي طاحت على الارض
وراحت للمطبخ
وبرجفه امسكت باب الثلاجه
كانت تحاول تفتح باب الثلاجه
لكن
ماقدرت
من رجفتها
ورجفات جسمها

يدينها ضعفت
وجسمها ضعف
وعقلها فضى من الافكار
كانت اشبه بقشه تطير بالهواء
كلمات حمد ترن باذنها
ونظرته لتلفزيون كأنه يناظرها
كأنه واقف قدامها.

تراودت لها ذكرى بسيطه

كانت نصف قاعده على الارض
نصف جسمها ممدد على الارض
خدها متورم من الكف الي عطاها ياه حمد
و
نظرته القاسيه
الجافه
والبارده
تخترق جسمها المهزوز.

توسعت عيونها بخوف بعد مانحطت يدين على كتفها
وكردة فعل منها
ابعدت بسرعه لورا
اصدمت بالثلاجه
فتاوهات بالم وهي تمسك راسها
الي صدم الثلاجه.

ناظرت خالد بغضب وقالت بصوت
غاضب/في احد يجي كذا.
خالد ب ارتباك/كنت اناديك بس ما سمعتني.
تنهد زياد بغضب خفيف وهو يقول/على الاقل لا تمسكني كذا
تعال قدامي
او جنبي
او حرك شي اوخليني لا عاد تسوي ذي الحركه معي.

خالد
تقريباً
انزعج من رد فعله العنيف والمبالغ فيه ف
قال بنزعاج/الحين صرت غلطان؟.

دار زياد وفتح باب الثلاجه وحط الايسكريم وسكر الباب
ورجع ناظر خالد وقال بهدوء/لو معي شي حادواذيتك .

وب غباء من خالد
ماقدر يمسك ابتسامته وفرحته ف فتح يدينه بسرعه وكان
راح يضم زياد
لكن ب غباء اكبر ضم الثلاجه بعد ما تذكر الحدود
الي حطها لنفسه مع زياد.

/وش تسوي؟.
قال زياد وهو يناظر خالد الي يضم الثلاجه
/احس بالحر وضميت الثلاجه.
قال خالد وهو يبعد عن الثلاجه بعد ماستوعب الي سواه.

هز زياد براسه بأسف على غباء خالد وقال/بيتنا فيه مكيفات.
ومشى قبل يسمع كلامه

حط خالد يدينه على وجهه وهو يرتجف ب
حب
وقلب
ينبض
وكلمة زياد تتردد على اذنه وعقله
ب
{بـيـتـنا}
بصدى كبير بداخله.

اجلست زينب على سريرها وهي تناظر باب الغرفه
متى يدخل خالد

دخل خالد وجلس على السرير
كان راح يتمدد
لكن
تراجع بعد ما سمع اسمه ينطق من فم زياد
الهادي!

ناظره ف قال زياد
/اعرف شعور انك تحب من طرف
واحد وعشان ما اتعبك لا تتأمل مني شي.

ابعدت عيونها عنه وكملت/ماراح اوهمك بشي ولا
راح اللعب عليك انا اسف بس لا تنتظر مني ولا تتأملشي.

ماكانت زينب قادره تناظره
ماكانت تبي تشوف تعابيره.

لحظات مرة بالصمت
حتى اسمعت تنهيدته
وقال بهدوء/على الاقل نقدر نصير على صداقه الي ماراح تتغير؟.

ومأت زينب براسها.
من دون ماتناظره

ابتسم خالد ابتسامه صغيره وقال/راح تكفيني.

طفا اللمبة وتمدد على سريره
وعلى الجانب الي يعطي فيه ظهره لزياد.

-راح تكفيني-
ردد بنفسه وهو يغمض عيونه.

..

الصباح الساعه 7:8 .

اطلعت من الغرفه وهي لابسه الاسود لبس الخادم
وعيونها نصفها مغمض
اسمعت الاصوات الي فجأه اسكتت ف فتحت عيونها
وشافتهم كلهم جالسين ينتظرونها
وب
ابتسامتها
المعتاده
الي يعرفونها
الي كانت مثل ماكانت
قبل لاتمر فيها الايام السوداء

لا تلقائياً ابتسمو معها
فرحانين ان زياد رجع لوضعه الطبيعي

قام باسل بسرعه من مكانه وركض وهو فاتح
يدينه يبي يضم زياد
لكن يد خالد انحطت بوجه باسل ودفه
على خفيف لورا
والي كان طالع من الغرفه.

باسل بعبوس/ليه طيب.
ناظره خالد بحده فرجع لورا بسرعه وراح ورا فيصل بحزن.

ضحك زياد
ف قام مهند بسرعه وضم زينب بقوه رافعها عن الارض
فرحان ان زينب رجعت مثل .. او على الاقل
زي اول.

باسل ناظر خالد بنزعاج وقال/وليه ماوخرته مثلي؟.

خالد وهو يمشي/انا عنصري.

زينب قبصت خد مهند وهي تقول/نزلني.
نزلها مهند بسرعه وهو يمسك خده بالم خفيف
مهند لف يده حول كتف زينب وهو يناظره ب
ابتسامه ويقول/اليومين هذي فتح مطعم جديد بالمدرسه
وشرايك نروح نجربه بعد ما نطلع من المدرسه؟.

همهمت زينب وهي تمشي وتقول/وش يبيعون؟.

فارس والباقي وقفوا ومشو ورا مهند وزياد وخالد
وهو يقول/بنتاخر.

رائد مشى يجنب زياد وهو يقول/خلاص مهند يعزمنا.
باسل مشى جنب خالد وقال/صح صح.
سامي مشى بجنب رائد وقال وهو يناظر مهند/وانا احس اني
جوعان واشتهيت اروح له الحين.
منهد ناظر سامي وقال/تونا مفطرين.
سامي بضحكه/موضوع المطعم خلاني اجوع.
هز براسه باسف على سيدرا الي راح تقضي
باقي حياتها تطبخ لبطن سامي.

هبت نسمة هواء بارده لفحت وجهه الشباب
فارس ناظر زياد وقال/راح تحس بالبرد وانت ماللبست جاكيت.
زياد/درجه الحراره 20 مو بارد مره.
مهند/راح تتعب.
زياد وهو مصر على كلامه/لا ماراح اتعب خلاص خلونا نسرع
للمدرسه.

زياد خالد مهند باسل فهد ادخلو الفصل وكل واحد قعد بمقعده
ومع مرور الوقت
ومع كل حصه يرن الجرس حتى ادخلو
بالحصه الرابعه ودخل الاستاذ
سلم وردو عليه السلام
وبعدها وقف قدام الطاوله وحط كميه الاوراق على الطاوله
قدامهم

وقال وهو يناظرهم/حطو جوالاتكم على الطاوله مده
المراجعه خمس دقايق مده الاختبار 40 دقيقه يلاابدو.

توسعت عيونها زينب بصدمه
ماكانت تدري ان فيه اختبار!
ناظرت وراها بعيون غاضبه لمهند وباسل
ولقتهم يناظرونها بأسف لانهم نسو يقولون لها
ناظرت خالد وشافته بنفس صدمتها
حتى هو ماكان يدري.

تنهدت وهي ترجع وجهها
وبما انها ماتعرف ايش الاسئله اكتفت بجلوسها
وهدوءها
راح تعتمد على ذاكرتها.

وبما انه اختبار شهري ماراح تهتم
وتقول للاستاذ عن عدم معرفتها بالاختبار
و
ماراح تخرب صورتها عند المعلمين
ف زياد ماخذ المرتبه الاولى على الصفوف
ولا راح يخرب نظره الاساتذه له.

بعد خمس دقايق
نادا الاستاذ زياد
اخذ السله الصغيره وقال الاستاذ/حطو جوالاتكم بالسله.
وبكذا بدا يدور زياد على الصف
بعدها حط السله الي فيها الجوالات على طاوله الاستاذ
بعدها زياد اخذ كيس قماش حجمها متوسط وقال الاستاذ/اوراق
المراجعه حطوها في الكيس مع الكتاب.

وبكذا بدا يدور حتى خلص منهم كلهم
وحط الكيسه على الارض بجنب الطاوله للاستاذ
زياد اخذ اوراق الاسئله
وبدا يوزعها على الطلاب
الاستاذ/لا تقلبون ورق الاختبار حتى اقول انا
ولا تمسكون الاقلام حتى اقول.

وزع زياد اوراق الاختبار المكونه من صفحتين وحتى وصل
لمقعده حط الورقه على الطاوله وجلس زياد
الاستاذ ناظر ساعته وبعدها قال وهو يناظرها/امسكو اقلامكم واقلبو
صفحاتكم وابدو بالاختبار وارجعواعيد مده الاختبار40د.

ناظر زياد الاسئله
وابتسم
قلب الورقه وحط راسه على الطاوله
ونام
35دقيقه حتى ياخذ غفوه قبل يبدا يومه .

ولان الاستاذ عارف ان زياد عنده اشغال
قدر وضعه ولانه شخص بالمرتبه الاولى
على الصفوف
خلاه ياخذ راحته.

مر الوقت
ف قال الاستاذ/تاكدو ان اسماكم مكتوبه وبعدها اقلبو الصفحه زياد
اجمع الاوراق ومر على الصفوف
الثانيه وخذ باقي اوراق الاختبار ووديها لمجلس الطلاب.

بعد ماجمع الاوراق وقبل يطلع ناظر الاستاذ
ف قال الاستاذ ب ابتسامه/مر على مكتبي عشان احط لك النقاط.

ابتسم زياد وهو يومى براسه.

وهذي هي بعد ماجمعت الاوراق
من الفصول
توجهت للمصعد رايحه لمجلس
ابتسمت ب غباء وهي تتذكر ياسر
مرت فتره طويله على اخر مره شافته
يمكن اربع ايام؟
نااهه حتى هي نست الايام

وهي تمشي اسمعت جرس
المدرسه يرن
معلن عن فتره الراحه لطلاب
الممر الي كانت تمشي فيه
امتلاء بالطلاب والاساتذه
الي اطلعو من الفصول.

ضغطت زر المصعد وماهي الا ثواني
وصل لطابقها وانفتح الباب
ادخلت للمصعد بملل
بعد ماشافت طالب معها بالمصعد
وهذا يعني انها تتاخر لين توصل للمجلس
ضغطت على الزر الموصل لطابق
مجلس الطلاب.

تثاوبت بكسل وهي تنتظر متى يفتح الباب
لكن
توسعت عيونها
بتفأجئت زينب
بعد ماحست ب
ضربه خفيفه على
اسفل ظهرها!.

اللتفتت ببطى وبعيون متوسعه متفاجئه لطالب الي كان
واقف وراها ب

ابتسامه غريبه!
وعيون لامعه!!!.

عض شفته وهو يناظر زياد
وبهدوء قالت زينب/انا ولد!.

وب ابتسامته قال/واذا؟.

وبهدوء رجعت نظرها للقدام
حطت الاوراق على الارض بهدوء
ورجعت شعرها خلف اذنها
وناظرته ب ابتسامه.

قرب الطالب متوقع ان الوضع اعجبه
لكن تفاجأ بالكف الي جاه
وبعيون غاضبه رجع ناظره لكن
كف ثاني على الخد الثاني
وقبل يعطي ردة فعل
رفسته زينب على رجله ف طاح على
الارض
ارفست بطنه وصدره بقوه
بعدها

ارفعت اكمامها وقبل تكمل
انفتح باب المصعد.
توسعت عيون الاثنين الي كانوا راح يدخلون المصعد
بعد ماشافو زياد رافع اكمامه ويضرب الطالب برجله

زياد ناظرهم وقال ب ابتسامه/ماشفتو شي؟.

هز براسهم بالرفض بسرعه ف ابتسم زياد وهو يقول/ممتاز.

بعدها ضغط كل ازرار المصعد وبكذا
تسكر المصعد.

تنهدو الاثنين برجفه بعد ماتذكرو المصايب
الي مرو فيها من ورا زياد
بعد ماحطو له اكثر من مشكله وفي كل مره
يطلع منها بسهوله
وينقلب عايهم الموضوع.

سطام ناظر علي وقال/انا فجأه ابي ارجع للفصل.
علي هز براسه وهو يقول/اي وانا بعد.
دارو بظهورهم وبسرعه ابعدو عن المصعد
وهم يقولون بنفسهم لطالب المعنف من قبل زياد-مسكين-

{تم ذكر علي وسطام في فصل-مئة وست واربعين-بعنوان-
بداية الازعاج:قانون الاورباد- سطام وعلي
الي امرهم ادم يتنمرون على زينب}
ملاحظة:الفصل موجود فقط في الواتباد حالياً.

ادخلت المجلس
وماشافت احد ابتسمت على حظها الجميل
وبسرعه حطت الاوراق على طاوله المجلس و
اطلعت بسرعه
قبل يمسكها احد وقبل
احد
يفتح باب المصعد.

انزلت من الدرج مسرعه توصل لغرفه
المعلمين
تناظر الارض الي تمشي عليها وعدد الادراج قبل
تناظر قدامها
وقبل ترفع راسها
اصدمت بشخص
اختل توازنها
وكانت راح تطيح من على الدرج
لكن بسرعه
سحبها الاثنين
ارفعت راسها تناظر مين
ف ابتسمت لصاحب الشعر الابيض
وعبست بوجه صاحب الندبه بنزعاج.

تعدلت بوقفتها
/من زمان ماشفتك.
قال رعد وهو يبتسم
ابتسمت زينب وهي تناظر رعد وتقول/اي وانا بعد اشتقتلك.

ضحك رعد بخفه وهو ينثر شعرها
بعدها ناظرت ادم بنزعاج وقالت/وانت ليه تبتسم انا اتكلم مع رعد.

توسعت ابتسامته وهو يقول/اي وانا بعد اشتقتلك.

هزت براسها بنزعاج وبعدها ناظرت رعد الي قال/ليه مستعجل كذا؟.

زينب/رايح لغرفه المعلمين باخذ نقاطي.
همهم رعد
بعدها قالت زينب وهي تمشي وتقول/مابقى
شي وراح يرن الجرس ان حصل راح امر على الغابه.

وبسرعه ركضت قبل يتكلم رعد.

ادخلت غرفه المعلمين وراحت لمكتب الاستاذ
/وصلت الاوراق؟.
ومأ زياد وهو يقول/اي حطيتهم على مكتب ياسر.

ابتسم الاستاذ وهو يعطيه الورقه الي حط عليها النقاط
وبعدها قال وهو يناظر زياد/الاختبار صعب؟.

ابتسم زياد وهو يقول/لا استاذ حتى انا انصدمت من سهولته.
هز براسه الاستاذ وهو يبتسم برضى.

..

تمغط باسل وهو يقول/اليوم كان طويل.
همهموا الشباب وهم يمشون متوجهين
لمبنى سكن الطلاب
سامي/احس اني جوعان.
احمد/وانا فيني نوم يمكن لو تمددت على الارض نمت.
احمد ناظر حمد وقال/احملني ابي انام.
حمد/اذا تقدر شيلني انت.
تنهد ب احباط بعدها ناظر تركي/تروكي.
ناظره تركي بحده ف عبس وهو يمشي
زياد ناظر مهند وقال/متى بتعزمني على المطعم.
سامي ناظر مهند وقال/كلام زياد صح متى تعزمني؟.
مهند ناطر سامي وقال/متى عزمتك.
سامي/انت عزمت زياد يعني عزمتني.
زياد/صح كلامه انت عزمتنا.
مهند/ان شاءالله قريب.
زياد بعبوس/متى.
مهند/بعد مارجع من النادي.
خالد قرب لزياد وقال وهو يبتسم/انا فاضي.
سامي/ايوه اعزمنا دامك فاضي.
خالد ناظر سامي ف قال سامي بسرعه
بعد ماشاف النظره الحاده/انا وزياد واحد.
ضحك زياد
فارس/طبخي احسن من المطاعم.
كلهم ناظرو فارس للحظات بعدها قالوا/اي .
وبضعهم قال/اي مين ينافسك.
رفع فارس راسه بفخر وهو يسمع مدحهم.

فارس/خلاص اجل راح اطبخ بالبيت بعد مارجع من النادي..

تنهدو ب احباط.
صح ان طبخ فارس احسن من الطماعم
لكن ملو من اكل البيت.
ولا يقدرون يقولون له لا
يعرفون حساسيه فارس اتجاه طبخه وطبخ المطاعم.

فيصل/سمعتو اخر الاخبار.
اللتفتو له كلهم ف قال سامي/تقصد طالب المصعد؟.
كلهم اوقفو عن المشي وناظرو فيصل وسامي
فيصل/اليوم بعد فتره الراحه اثنين من
الاساتذه لقو طالب مغمى عليه بدمه بالمصعد.

سامي/ولا عرفو ليه وكيف صار كذا وبعد ما ارجعو
لغرفه المراقبه يشوفون
مين السبب بس لانها كانت تحت الصيانه ماعرفوا
مين المتسبب
والحين الطالب بالمستشفى المدرسه مرقد ينتظرونه
يقوم من الغيبوبه.

فيصل/الوكيل والمدير والمجلس بحاله من الفوضى
بما ان ابو والد الطالب من الداعمين للمدرسه.

فهد/ليه ابوه وش وظفيته؟.

سامي/ابو الطالب قنصلي في بعثه دبلوماسيه بالصين.

فيصل/حتى ان القنصلي داعم كبير بالماليه في المدرسه.

رائد/يمكن الشخص المعتدي عرف عن الطلب وخلفيته وسرقه؟.

سامي هز براسه بالرفض وهو يقول/لا المعلومات الي زي كذا
ماحد يعرف عنها غير المجلس والوكيلوالمدير
فقط المجلس اشتبهو ان الموضوع سرقه لكن انمحت
الفكره بعد ماشافو
اغراضه كلها موجودهوحتى فتشو غرفه الطالب ومالقوا
شي مسروق لكن حطو
توقع انه ناتج عن ضغينه وحقد بسبب الاصاباتالي تعرض لها الطالب.

فارس/لهدرجه؟.

ومأ فيصل وهو يقول/اصاباته خطيره ممكن راح تسبب له باعاقه دائمه.

شهقو الشباب بصدمه ف قال مهند/ليه وش الاصابات الي تعرض لها؟.

سامي وهو يعدد ب اصابعه/ كسر في اصابعه ويده الثنتين كسر
في رجله وضرر كبير في
ناظرهم سامي وقال بهمس/العضو الذكري.

اشهقو الشباب برعشه بعد ماتخيلو الالم.

سامي/وفيه جروح على وجهه ممكن تسبب ندبه طويله المدى.

باسل/عشان كذا المفروض تبقى وظائف الاباء الحساسه زي
الوزراء والقنصليه والملوك والامراء مجهوله
عشان مايصير زي كذا.

احمد/اي صحيح ماتدري اي حاقد موجود
يسبب الأذى يعني بدل ما يأذون
الشخص المقصود اوالاشخاص الموجهين لهم الحقد
يتجهون لشخص الاضعف والاقرب لهم.

رائد/لازم نصير حول بعض دايم لين يمسكون الشخص
الي سبب ذا المشكله ماندري مين التالي.

هزو براسهم موافقين على كلام رائد
زياد/انا جوعان.

العيون اتجهت لزياد بصمت
للحظات
وكأن شي نغزهم
تنهدو وهم يضحكون
فيصل/مستحيل يكون هو.
ومأو بروسهم وبعدها كملو مشيهم
وهم يحاولون يبعدون ذاك الشعور
الغريب.

وقبل يمشون
رنت الجوالات
سامي وفيصل ارفعوا جوالاتهم
بعد ماردو على الاتصال نزلوا جوالاتهم
وهم يتنهدون
والجميع توجهت انظارهم لزياد
الي رن جواله.


#مجلس-الطلاب.

ياسر جالس على الكرسي
معقد حواجبه
مكتف يدينه على صدره
وعرق بجانب جبهته بارزه.

قدامه طالب
مجبسه يده
اصابعه العشره مجبسه
رجليه الثنتين مجبسه
لصقات للجروح تملي وجهه
وطوق رقبه الطبيه
ولفه طبيه تلف براسه
كان جالس على كرسي طبي متحرك
علامات القهر والانزعاج والغضب
مرسومه
على وجه الطالب .

مشعل وعبدالرحمن واقفين بجانب
ياسر الي كان جالس على الكرسي
مشعل على الايمين
وعبدالرحمن على اليسار
مرسومه على وجههم التعب من
الاحداث الي راح تصير بعد شوي
وانزعاجهم من الطالب الي كان يكرر
جمله لياسر-راح اخلي ابوي يسحب الدعم المالي منكم-

ناظره ياسر وهو يقول/انت متاكد انك ماسويت شي له؟.
طالب/وش بقول لشخص عديم اصل كل
الي صار انه طلب فلوس ورفضت اعطيه.
وبعدها قال بنزعاج اكثر/هذي نهايه المشردين الي يدخلون
المدرسه اجل
انا غانم ولد عيسى يصير فيني
كذا؟ كيف المدير قادر يدخل شحاذين وعديمين اصل مثلهم
كل المشاكل تجي منهم لو ..

كان يتكلم وفي كل لحظه ياسر من تحت
الطاوله يقبض يده بغضب
صحيح ان زياد غلط
لكن كيف يتكلم مع بهالطريقة؟
فقال ياسر وهو يعقد حواجبه اكثر/خلاص سمعنا سكوتك الحين
يجي ونشوف وش صاير.

عبدالرحمن ومشعل
حاولو يحافظون على وجههم الجدي
بعد ماكانوا راح يضحكون من كلام ياسر.

غانم/ماراح ارضى اكثر من انه ينقلع من المدرسه
ولا راح اخلي ابوي يسحب
كل التبرعات ويرفع شكوىعليكم ماراح اقبل بي اعتذار منكم
هذا الحثاله لازم احط يحط له حد ل.

ياسر ناظره ب ابتسامه صغيره وقال/اسكت.

غام ماعرف وش السبب الي
خلاه يقشعر من ابتسامته
ويكتم نفسه
ابتسامته
كانت غريبه.

كان غانم معه اثنين من
اصدقاءه
كانوا واقفين بجنبه وهو قاعد على الكرسي
واحد ماسك مقبض الكرسي
والي كان يمشي الكرسي.

ياسر رفع يده وهزها لعبدالرحمن بدون مايناظره
وقال/سوي شاي لضيوفنا خليهم يروقون.
وبعدها ناظره وكمل/خلي الكاس الكبير ل ابن القنصلي.

ومأ عبدالرحمن وبعدها مشى
يسوي شاي يهدي اعصابهم.

وماهي الا دقايق
حتى دخلوا
سامي
وفيصل
وزياد.

تنهد ياسر وهو يفرك جبهته
ويناظر زياد
الي اول ماطاحت عيونه
زياد على ياسر
حتى ابتسم ولوح له.

زاد الغضب بياسر وهو يشوف
ابتسامه زياد
ف قال غانم بعد ما لف بالكرسي يناظر
الي دخل/هذا المشرد عديم الاصل الي سبب لي كل هالاضرار.

فيصل وسامي
ناظرو غانم بحده
ف ابعد نظره ب ازعاج.

ياسر اشر على الكرسي الي بجانب
الطاوله وقال/اجلس هنا.

مشى زياد وجلس على الكرسي
وقباله غانم الي كان جالس
على الكرسي المتحرك
سامي وفيصل
اوقفوا ورا زياد.

ياسر جلس بعتدال وقال بهدوء/غانم يقول
انك سبب في هالحاله كلامه صحيح؟.

غانم بغضب/وانا ايش مصلحتي ا.
ناظره ياسر ببرود
ف سكت غانم وهو يتنهد بحده.

زياد ناظر غانم للحظات
بعدها ناظر ياسر وقال/صحيح انا الي سويت فيه كذا.

غانم بسرعه قال بانتصار/شفت ماكذبت يلا اطرده من المدرسه ور.

ياسر بدون مايناظر غانم قال وهو يناظر زياد/انا ما انهيت كلامي.

سكت غانم بعدم صبر
ف قال ياسر/ليه سويت كذا؟.

نزل نظره زياد وبعدها ناظر ياسر للحظات
وبعدها ناظر غانم الي كان مبتسم على جنب
وبعيونه نظرات الي تقول-ماراح يصدقونك-
وبعدها اللتف بجسمه
وناظر سامي وفيصل الي كانوا واقفين وراه
يناظرونه بنظرات الفضول.

وب هاللحظه جاء عبدالرحمن وبيده الصنينه
الي فيها ثلاث اكواب شاي
متوجهه لغانم.

تنهد زياد وهو يغمض عيونه بلحظه
ورجع نظره لياسر
وب هاللحظه وقف عبدالرحمن بجانب غانم
الي كان بيمد له الكوب.

زياد وهو يتنهد/لمسني.
عم الصمت للحظات
فقال ياسر بعدم فهم/ايش تقصد؟.
زياد وهو ينزل راسه للارض عشان
مايناظرهم
قال/لمسني بأسفل ظهري ويوم ناظرته قلت له اني ولد قال-واذا؟-.

اقرب شي طاحت بيد ياسر كان
جواله والي رماه على غانم الي تجنبها بسرعه بعيون مصدومه
عبدالرحمن الي وقف بصدمه وهو يسمع كلام زياد
ومشعل الي تحولت نظراته للغضب

ف قال غانم بسرعه وهو مرتبك/يامشرد ياكذاب لاني
ماعطيتك فلوس تقول هالك.

ف بدل مايكمل كلامه
تحول لصراخ بسبب سخونه الشاي
الي انكب عليه
رفع نظره لعبدالرحمن وهو يصارخ من الم الحراره ف شاف
نظرات عبدالرحمن البارده
تتحول ببطى للغضب وهو مايل بالصينيه متعمد تطيح اكواب
الشاي الساخنه على حضن غانم.

سامي وفيصل مشو متوجهين لغانم يكملون ضرب لكن اوقفهم صوت ياسر
الغاضب وهو يضرب بيدهالطاوله
فخلاهم يرجعون لمكانهم
ف قال ياسر وهو يناظر زياد ويقول بشبه غضب وصراخ
/ارفع راسك ليه منزله.

رفع زياد راسه وهو يتحاشى يناظر احد.

تحت نظرات غانم الي كان يصارخ من الم حراره الشاي.

ياسر قال بشبه غضب لمشعل/ساعد غانم.

المكان
تحول لفضوى
بكلمه
من زياد.

وبعد مرور نص ساعه
وبعد ماجاء الممرض يساعد غانم
على تخفيف الالم الحراره
وبعد ماطرد سامي وفيصل والطالبين الي كانوا مع غانم من المجلس
وبعد ماهدت الامور.

ناظره غانم بغضب يحترق وهو يقول/مافي اي دليل يثبت كلام
ذا الخادم ليه تصدقونه؟انا هنا الضحيهوش ذنبي اذا الكاميرات متعطله؟.

ياسر
بهدوء
كان جالس
مغمض عيونه ومدد جسمه على الكرسي
يسمع لازعاج غانم

بعد لحظات ناظره
وقال/ الكاميرات ما تعطلت وكلهم مافيهم عطل وكل شي يسجل لكن
غرفه المراقبه كانت تحت الصيانه فقط.

ياسر وكل من في الغرفه
كان يعرف ان غانم
يكذب
يعرفون زياد
ويعرفون طبعه
صحيح ان زياد دايم يسبب المشاكل
ودايم يجيب صداع الراس لهم
لكن

ومع كثره المشاكل
ياسر ولا مره
شاف زياد ينزل راسه ب هالطريقه
رغم انه كان الضحيه
بغض النظر عن مين الغلطان
زياد
دايم رافع راسه

شي يمس حرمة العفه والشرف لزياد
انخدشت
بغض النظر عن مين هو ووش هو
لكن يبقى التحرش تحرش.

وهذا الي حرق دم ياسر

وفيه شي فكر فيه ياسر
وهو يناظر غانم
خلى من نفسه يشمئز ويتقزز ويتقرف منه
شافه صرصور بالمجاري يزحف لمدرسته النظيفه

وبحسب كلام زينب
ان هو بين له انه ولد
ورغم هذا سوا فعلته
بسبب حجم زياد
توقع انه فريسه سهله.

ياسر ناظر مشعل وقال/متى راح تجي اللقطات؟.

مشعل ناظر ساعته وقال وهو يبعد
نظره عن الساعه/بعد عشر دقايق.

/اطلب منهم يعجلون.
قال ياسر وهو يرجع نظره لغانم.

الي قال بغضب/انا قاعد اقول لك ان صار كل هذا لاني ماعطيته
فلوس لاني بس
ماعطيته فلوس كيف
تكذبني انا ابن القنصلي؟وتصدق هذا؟؟راح اتاكد من ابوي يسحب
كل فلس عطاكم اياه يا .

/لا جت اللقطات راح نشوف مين الغلطان.
قال ياسر وهو يناظر غانم.

بعدها حط رجل على رجل وقال وهو يناظر غانم/تهديداتك لسحب الدعم ماراح
تنفع معنا الحمداللهالمدرسه غنيه بدون فلوس القنصل.

سحب ياسر لوحه البيضاء الشطرنج
الي كانت تزين مكتبه كنوع من الديكور
وبعدها شال رمى القطع البيضاء وخلا قطعه وحده
وقال وهو يناظر غانم/هذا قطعه تسمى البيدق وهي
اضعف قطعه بالمجموعه.
بعدها أشر على القطع السودا وقال/وهذي اقوى قطعه
بالشطرنج وتسمى الوزير.

ابتسم ياسر على جنب ابتسامه خفيفه وقال وهو يناظر
غانم/هذي فلوس القنصلي وهذي الإنجيل.

{ملاحظه:اسم المدرسة الإنجيل-تم ذكر اسم المدارس والجامعة في
فصل تابع مئة واثنين وثلاثين-بعنوان-الظهور الاولى2-}

حاولت زينب انها ما تبتسم او تضحك
وهي تشوف ياسر يهين القنصلي.

هو شبهه دعم ابوه بالبيدق ويعني اضعف قطعه
وشبه الوزير بالمدرسه يعني اقوى قطعه
والمعنى من تشبيهه ان دعم ابوك القنصلي لا يودي ولا يجيب.

احمر وجه غانم بغضب
لكن حاول يتمالك نفسه
مهما كانت الادله قويه بحقه
ابوه راح يقدر يسكتهم بالفلوس
هذا اذا ماكانوا يحاولون يكذبون عليه
عشان يعترف بغلطته
حركاتهم يفهمها وماراح تمشي عليه.

هذا كان تفكير غانم.

وبهالحظه انفتح الباب
ادخلو اثنين من حراس الامن
معهم التسجيل
عبدالرحمن ومشعل اخذو
الشريط من الحراس
وشبكو اللابتوب بالشاشه
الضخمه الي معلقه بجدار المجلس

توسعت عيون غانم بصدمه
وهو يشوف نفسه على الشاشه
تصوره الكاميرا الي معلقه
على جدران المصعد
تصوره من فوق.

عقدو الحاظرين حواجبهم
بعدم رضى
وهم يشوفون فعله غانم
بزياد

وقبل يتكلم غانم
يبرر عن فعلته
ناظره ياسر ببرود
ف سكت غانم بغضب
على نفسه.

ياسر
اخذ قطعه البيدق
والوزير
وحطهم قدام غانم وقال وهو يناظره
/عندك خيارين.
قدم قطعه البيدق قدامه وقال/تطرد من المدرسه بعد ما نرسل
المقطع ل ابوك مع ونطالب بدفع تكاليف.

غانم قاطع ياسر يبي يعترض
لكن
ياسر مسك قطعه الوزير وحطها جنب البيدق بقوه على الطاوله
مانعه من انه يتكلم
ويقول/الثاني انك تعتذر لزياد قدام المدرسه ومن فيها
عن فعلتك فيه وتسحب ملفك من المدرسه بهدوء.

حاولت زينب
تمنع ابتسامتها
لكن
ماقدرت.

غانم بغضب/وش تقول انت كلهم خيارات صعبه عطني حل م.

ياسر ناظره وهو يقول/مافي حل ثالث.
وبغضب اكبر وبصوت مرتفع قال غانم/انت اكيد مدفوع لك من هالخ.

قطعه بيدق طارت بجانب راسه
خلاه يبلع ريقه ويسكت
بعد ماشاف ياسر رامي عليه القطعه
ب
تعابير بارده.

عنده حلين
اما يفضح نفسه عند ابوه
او يفضح نفسه قدام المدرسه
ويصيبه العار لين يتخرج
في كل الحالتين راح يتعرض للعار
لكن
عند ابوه
ولا عند المدرسه.

وبقلة حيله قال/البيدق.

ابتسم ياسر وهو يريح ظهره على
الكرسي.

بعد مده
فضى
المجلس
من الاشخاص المتواجدين
بقى بس زينب وياسر ومشعل وعبدالرحمن

تنهد زياد وياسر بنفس الوقت
ف قال ياسر/كنت اتوقع انه راح يعتذر لك.

زياد ريح ظهره على الكنبه وقال/ماكنت اتوقع شي اصلاً.

عبدالرحمن وهو جالس على الكنبه المقابله
لزياد/ليتك كسرت مابين رجلينه.

ماقدر زياد يمنع ضحكته
فضحك بقوه .

تنهدو الموجودين بشبه من الراحه
وهم يشوفونه يضحك ب هالطريقه
كانوا متوقعين
يدخل بصدمه نفسيه من الموقف الي صار له
لكن شوفته يضحك كذا ريحهم.

بعد ماوقف من الضحك قام عبدالرحمن للمطبخ المصغر
يسوي شاي لزياد
ومشعل راح مع عبدالرحمن يساعده
بعدها ناظرها ياسر
للحظات

ف قالت زينب ب ارتباك/انت تخوفني لا ناظرتني كذا.

/زياد.
قال ياسر وهو يناظر زياد
ف همهمت زينب هي تناظره
بقلق

/انا اسف.
قال ياسر.

زينب/على ايش؟.

ياسر وهو يبعد وجهه عن زياد/عن الي صار لك.

تبددت تعابير زينب من القلقه
للحزينه
وهي تبعد نظرها عن ياسر
وتنزل راسها

ياسر/لا تنزلين راسك كذا.
قال وهو يناظرها
ارفعت راسها وناظرته
ف قال بشبه ابتسامه/اذا نزلتيه كذا احس ان العالم ضعيف.

ابتسمت زينب
ف قال وهو يبتسم/خليك دايم مرفوعه الراس.

ومأت زينب وهي تضحك.

وبهاللحظه جاء عبدالرحمن
بيده صينيه الشاي
ومشعل معه شايل صحن الكيك.

لحظات حتى قال ياسر وهو يفتح درجه
ويناظر زياد/البارحه وصل لك ظرف خاص مستعجل.

طلع الظرف
ف قال زياد/مو مكتوب من مين.

هز ياسر راسه وهو يقول/لا وصل باسم مجهول.
مد له الظرف

اخذته زينب
وناظرت الظرف وهي تقلب فيه
لا اسم
ولا المكان المرسل
ظرف اسود
مختوم بشمع ابيض حمامة السلام.

تباطى نفسها
وبدت يدها ترتجف بعد ما
جت في بالها فكره
من المرسل.

قامت وهي تعتذر من ياسر والباقي
وقبل تتحرك اكلت اخر قطع من الكيك
وشربت اخر قطره من كوب الشاي واطلعت بسرعه.

-
-

#الصباح.

كان موظفين من خدمة الطلاب
يجرون العربه المليانه بشنط غانم
وكرسيه يتحرك بمساعده من موظف

كان جالس بتعب بعد ما انضرب كثير في الليل
من اشخاص ماعرف مين هم
ولا مره شاف وجههم
الا شخصين
الي كانوا راح ينهون حياته
واحد من الصف الثاني ضربه
حتى كان راح يغمى عليه وقدر يعرف اسمه من الي كان ينادونه
باسم خالد
وبعد ما كان قادر يهرب منهوابعد مسافه
عن ذوليك المجانين
حتى جاء ذاك الشخص الي ما توقع
ابدا
انهم يتقابلون

صح كان ظلام
لكن كان قادر يشوف الشعر الابيض
ماكان احد موجود غيره ب لون الشعر
الغريب الي يشبه شعر العجائز

كان متوقع انه بيساعده
وصرخ بالمساعده لكن
تفاجأ وهو يشوف صاحب الشعر الابيض
يرفسه من الكرسي
ويرفع الكرسي
وينزله عليه
منهال عليه بالضرب
عن طريق الكرسي المتحرك
الي كان
جالس عليه

ولو مو مرور احد حراس الامن
الله اعلم وش كان بيسوي فيه.

اليوم راح وهو نايم بالمستشفى
جروحه
واوجاعه
والكدمات زادت
وب الصباح طلب
نقل فوري عاجل
مستحيل يقعد اكثر من كذا
وهذا هو الحين
يحاول يطلع من هالمكان
الي يحمل سفاحين
ومجانين.

بعد ماطلع من البوابه الرئيسيه
وبعد ماراحو الموظفين تاركينه ينتظر
السياره الخاصه باهله تجي

ماهي الا لحظات
حتى
تقشعر جسمه
من الخوف
وهو يسمع
صوت

السوط ينضرب بالارض
ويلوح بالسماء.

وببطى
ناظر وراه
وشاف اثنين واقفين
وجيهم معروفه
تفاجأ ان هاربت المشهور عالمياً واقف وفي يده السوط
طويل
اسود
بنهايه حواف السوط اشواك مدببه قصيره
وبجنبه احد عمال المدرسه
يناظرونه
ب ابتسامه

/من زمان ما استعملت كاسيدي.
قال وهو يناظر السوط بنظره غريبه
خلت من باقي جسمه المعافي
يرتجف بخوف.

بيده الثانيه مسك طرف السوط وقال
بصوت غريب
قشعر جسمه/كاسيدي مصممه ب احترافيه و.

قاطع كلامه غانم وهو يقول للعامل الي جنب
مهند/وش قاعد تسوي وخر عني ذا المجنون.

ابتسم الشخص الي كان جنب
مهند
والي كان
راشد
وهو يناظر خوف غانم.

بدا يضحك راشد بعد ماشاف مهند يقرب ل
غانم
وهو يلوح بالسوط.

تحت اصواتهم وهم يضحكون
الاثنين.

.
.

#انتهى

ايش رايكم بالفصل🌝؟

مشاعركم وانتم تقرون الفصل؟

أعجبني والسبب

ما أعجبني والسبب

ايش توقعاتكم للفصول الاخيره الجايه؟.

الفصل الجاي ماعرف متى بالضبط
لكن ممكن اطول 🥲

الانستقرام:marie.g0
المدونه الخاصه:مدونة ماري جو.

نهايه اجازه سعيده للجميع

وهبـي هبـي ماري❤.


ميساء بيتي غير متواجد حالياً  
التوقيع


غيــــــــاب بلا مــدة
استودعتكم الله
وصيتــــي
تذكروني بدعوة ... ان انقطع وصلي





إبتعد أيها الحزن
فلدي رب مجيب
وصديق رغم البعد قريب

M☆D
سبحانك اللهم وبحمدك ، أشهد أن لا إله إلا أنت أستغفرك وأتوب إليك
رد مع اقتباس