عرض مشاركة واحدة
قديم 26-09-22, 08:23 PM   #803

إسراء يسري

? العضوٌ?ھہ » 475395
?  التسِجيلٌ » Jul 2020
? مشَارَ?اتْي » 518
?  نُقآطِيْ » إسراء يسري is on a distinguished road
افتراضي

#توضيح

#رفعت

انت...ح...ار رفعت
ايرو اتناقشت كتير معايا بعد ما قرأت الفصل لحد ما اقتنعت
وعشان لو حد في قلبه نفس التساؤلات والاستنكارات

أولا أنا في ألف طريقة ك كاتبة أتخلص بيها من رفعت لو عايزة
أخلي العربية تت...حرق وت...ولع بيه
أخليه يقع في شغله بطرق معينه ويتقبض عليه
أو أطلع له عداوة قديمة يق...ت..لوه
أو أخليه يكمل معانا وكان هيعملي حبكة في التالت مفيش منها
حدث ولا حرج من الأفكار

انت....ح....ار رفعت مقصود ولو إن مش هنسميه انتحار لكن هو قت....ل نفس
طيب نبدأ بالاسئلة إزاي واحد بجبروت رفعت يقتل نفسه ؟

المفروض جبروته ده يخليه يتراجع وميهموش حتى لو أتأثر بموتها
طيب الان...تح...ار لو منظورك إنه جاي من نفس ضعيفة ف العموم
ف منظروك غلط
لكن جاي من نفس ضعيفة الإيمان
ف منظروك صح
رفعت معندوش إيمان أصلا
دي نقطة
تاني نقطة
اتفقنا أنه مش جاي من نفس ضعيفة
أسباب قت....ل النفس بتختلف
وهننحي هنا السبب المرضي (اكتئاب وما شابه)

لا خلينا ف الأشخاص السليمة
بيحصل ق...تل النفس لسببين
أما اتعرض لعثرة شديدة في حياته مقدرش نفسيا يتحملها فاتخلص من حياته
وأما اتعرض لصدمه
الصدمه دي خلته بدون أي تقكير العقل يتربس ويحصل نوع من أنواع الصمم العقلي وهوب بتحصل بدون ذرة ندم أو تفكير
قت.....ل النفس يخرج من نفس وروح قاسية ومش باقية ع حاجة وده متوفر في رفعت
طيب ليه حدث موتها مخلهوش يزداد في قسوته ويكمل انتقام في العالم عن طريق شغله

ليه ربطي أصلا نور بشغل رفعت ؟
رفعت عرف نور عن طريق الشغل
الإجابة ...لا
إذا الربط غلط

طيب هينتقم من العالم عن طريق شغله إزاي
شغل رفعت بالنسباله بيزنس إذ بيزنس
كأنه بيتاجر في الورق مش في الأطفال
تجارة زي أي تجارة
هل ظهرلك أثناء شخصية رفعت أنه بينتقم من العالم عن طريق شغله أصلا ؟
ولا دايما هو مستمتع بشغله ومبسوط بيه عادي

رفعت لو بينتقم يبقى كراهية ولدت جبروت
لكن رفعت عنده قسوة ولدت جبروت وسيطرة

طيب رفعت إزاي حب نور وكان بيشربها مخدرات ؟
ليه في تفاجؤ من حب رفعت ل نور أصلا
ما ده ظهر خلال مشاهدهم أكتر من مرة
طيب مفيش اختلاف عن الحب الاسود
الحب المدمر
ومن الحب ما قتل
طيب ليه جرعة المخدرات؟
رفعت اتملك نور وكان عايز يسيطر عليها كلياً ويخضعها ليه بكل الطرق
والمخدر كان خطوة من ضمن خطوات أنه يسيطر عليها ويخليها محتاجة ليه هو وبس
زي خطوات العاطفة اللي كان بيبثها ليها

رفعت كان عنده شئ من الهوس للسيطرة ع نور وامتلاكها
ودي أول مرة تحصل معاه
مع غدي كان مجرد اعجاب مقترن بالتحدي
فكرك لو رفعت كان اتهوس بغدي كان سابها بسهولة ؟
في ناس عندها التعلق يساوي التدمير ك رفعت
حبه حب سام
المسمى حب أه لكن هو ابعد ما يكون عن مشاعر الحب النبيلة
طيب هل رفعت أساساً شخص متمسك بالحياة ؟
ظهرلك إن رفعت حياته كلها شغل في شغل
امتى الحياة خدت لون تاني
وليكن الرمادي لأن رفعت مش بيعترف بالألوان
حصل ده بدخول نور وتعلقه بيها وسعيه لتملكها
نور دخلت فيشة الحياة لوقت معين وب إطاره هو
وموتها انتزعها تاني
طيب ليه قت...ل نفسه ؟
الخبر جاله گ صدمه عشان كدا أنا جبت لك رفعت وقت الصدمه
الخبر جاله هوب راح المقابر بدون تصديق
شافها جثة ميتة
جتله لوثه عقليه اللوثه دي فضلت تزداد لدرجة فضل في المقابر يكلمها
العقل مغلق إغلاق تام
هو في حالة لوثه وجنون
وفجأة طلع الم...سدس وهوب ضرب بدون تفكير
لدرجة أن خالد ملحقش يتحرك ده أتذهل
قتل وليد اللوثة
اللوثة وليدة الصدمة
طيب لو مكانتش أصابته اللوثه ؟
هل كان هيقتل نفسه ؟
لا
طيب هيزداد جبروت في شغله ؟
لا برضوا لأن نور مفيش ربط بينها وبين شغله
طيب أي كان ممكن يحصله
مع إزدياد تثبيت فكرة موتها مع الأيام وهو اتعلق بيها بهوس كان ممكن يحصل اضطراب وشئ من الجنون

بس احنا كنا مستنين عقاب زي س.ج..ن أو مثلا حاجة قاسية يستاهلها
يؤسفني أقولك إن دي رؤية وردية
مش كل ظالم نهايته في الدنيا بل العكس من ازدياد ظلمه وجبروته ربنا يأجل عذابه ل الآخرة
وده أقسى وأصعب طبعا ده اللي بيتعذب شوية في الدنيا يتخفف عنه في الآخرة أساسا

أن رؤيتكم دنيوية
لكن رؤيتي أنا نفسية دينية
رفعت أصابته لوثة جنون
قت...له لنفسه اسوأ عقاب ليه وكأنه لاخر نفس في حياته معجون بالشر
هو ميت وهو بيقت...ل نفسه فأي عقاب اسوأ من كدا من مات ع شئ بُعِث عليه
مكانش ليه توبة مينفعش
رفعت ده لو كان اتحرق ؟
كان الحرق تكفير لذنوبة لأن ربنا عادل وعذاب الدنيا بيقلل عذاب الآخرة
كذلك لو كا...ن حد قتلة
موته بشعة جدا
رفعت دايما كل حاجة كانت ب أمره لكن اللي ميعرفوش ومش هيفهمه إلا أما يروح عند ربنا أن يد الله فوق كل شئ
ربنا سلط عليه نفسه


ثانيا رفعت ما...ت أه بس مازال الما...فيا اللي هو كان جزء منهم موجودين وهيفضلوا موجودين في الدنيا عامة يعيثوا خراباً فيها ليوم الدين
رفعت ما...ت بس الشر مش هيموت للأسف

لذا علاج قضية رفعت كان عن طريق محاضرات شهاب أن ازاي نتعامل مع المشكلة مش ازاي نستأصلها

لان مش هتقدري تستأصليها🙏🏻

اتمنى تكون الرؤية وضحت


إسراء يسري غير متواجد حالياً   رد مع اقتباس