[اسفة]

صباح الخير بالليل



هشارككم خبر حلو سمعته النهاردة وياريت تدعو معايا ربنا يارب يكمل لها الأمر على خير

ولاء بنت طنط وفاء حامل عادى ماهى ست ومتزوجة شو يعنى

لا مش ليه يعنى ده يعنى يعنى ويعنى ولاء حملت بعد 15 سنة جواز

تزوجت زيجة أولى من شاب وسيم وغنى ووحيد أمه وأبوه وراها التجوم فى عز الظهر وكان السبب فى إسقاط حملها بالإضافة لمشاكل وصعوبة فى الحمل

كان بيحبها اه بس كان مدلع ولا يحب تحمل أية مسئولية وكان عصبى جدااااا
هى وحيدة أمها أستشهد باباها أثناء تأدية عمله ومامتها حامل فيها والست صانت الأمانة وربتها ولله الحق أحسن رباية مؤدبة، متعلمة متدينة ،خلوقة وجميلة

كانت صبورة وسكتت لكن بكت عندما أُجهضت وباحت بالمكنون وكانت المفاجأة فى سبب سكوتها .... ليييه كى لا يتكلم عنها أو عن أمها الناس بالسوء
والله لن أنسى رد فعل طنط وفاء حين قالت لا سوق ولا سوبر ماركت ماكنتش بدفع فيكى عمر عشان يهدك هو


الله الغنى عنه وعنه جوازته يا يعاشر بمعروف يا يفارق بإحسان صراحةحاولت تصلح لإن البنت كانت بتحبه وهو كان هيموت ويردها بس الماما والبابا مارضيوش ازاى يعنى تخرج من بيتها وهى غرقانة فى دمها وهم سامعينها استغاثتها فى الدور العلوى وما عبروها قال ايه جمد قلبك عشان تتربى وهو معهم لما مالقت منهم رجا غادرت المنزل ونقلها ولاد الحلال للمشفى ولما فاقت طلبت مامتها

المهم انقطع النصيب لحد هنا ومامتها كلها ثقةبالله
وقالت يابنى لا بايدك ولا بايدها ده رزق وخلص لحد هناربنا يغنيك ويغنيها من فضله
أمه عشان تغيظها أسبوع وجوزته واحدة قريبتهم على عفشها طلعت على جثثهم القديم والجديد
أما هى فبعد سنة تقدم لها شخص زميلها خلوق كان أرمل ولديه طفلتين توفيت أمهم فى حادث وافقت وتعلقت جدا بالبنات بعد أن اخبرته بمشكلتها فى الحمل بعد مضاعفات حملها الأول

قال لها نصيب لو ربنا رايد هيحصل لو لا يبقى الحمد لله على كده صبرت واحتسبت أخذوا بالأسباب لكن ربنا كان لسه ماأردش قابلتها قبل ما رشا تسافر السعودية يعنى وقت دخول المدارس سألتها مبسوطة يالوله

قالت أى والله صبرت ونلت ربنا عوضنى خير بجوزى والبنات

سألت يعنى بتحبيه

قالت الحب شوية عليه وكملت كلامها بادعى لى
قلت لها هيحصل بأمر الله بس ابعتى البشارة لما مامتك تفرح ماما بالخبر


وهى دلوقتى فى الشهر الرابع ماما قالت لى النهاردة

ربنا يعطى كل مشتاق

شوفتوا إن الرزق جى جى مهما تأخرأمره فى يد الحى

بيخلص الحقوق ويجبركل مخلوق

فيه مشهد حلو اوى

*من فيلم جري الوحوش

بيقول أيه






الرزق واحد ومحدش رزقه بيزيد ولا بينقص عن حد.
- ازاي بقى؟
- وإن تعدوا نعمة الله لا تحصوها ، نعم ربنا علينا كتير وكلها أرزاق متقسمة بعدل وحكمة. بص لنفسك وراجع حسبتك هتلاقي روحك واخد حقك بالكامل.
- واخد حقي بالكامل ؟
- أيوه. لو فرضنا إن نعم ربنا اللي ملهاش عدد بتساوي 24 قيراط، هتلاقي كل إنسان واخد ال 24 قيراط بتوعه كاملين بس واخدهم مشكلين.
- مشكلين إزاي؟
- تلاقي اللي واخد 10 قراريط مال علي 7 صحة + زوجة صالحة علي 2 علم و 4 راحة بال يبقوا كام ؟
- يبقوا 24 ؟
- وتلاقي واحد غيره واخدهم 15 بنون و 2 مال وواحد صحة .....وهكذا
- ليه ربنا ما وزعش نعمه كلها ع الناس كلهم عشان ما يبقاش فيه حد محروم من نعمه غيره بيتمتع بيه؟
-ولو بسط الله الرزق لعباده لبغوا في الأرض ، حكمته كده يا أخي .
- يعني مسعاش ؟
- اسعى ، فليس للإنسان إلا ما سعي.