[اسفة]

مرحبا ياقوم المعذرة على الغياب لكن الله يعلم أنها كانت أيام ثقال لكن صدق من قال كله بيمر

ساعات كتير الأمور مش بتمشى زى ما بنتمنى وساعات تجيبك الضربة ممن كنت لا تتخيل أبدا وياما بتفوتنا حاجات وما بتتحققش أمنيات إيه نجيب صبارة وندفن نفسنا بقى أبدا صح من حقنا ناخد إستراحة محارب لكن لا نستسلم أبدا ما خلقنا الله لذلك
فوض امرك لله وأعلم إنه كله خير وانتظر النصر والجبر من الكبير



طيب نعمل إيه ياسوفة هيييح مش قادرة اكتب صوباعى مفأفأ أى ملسوع خخخ






طيب خلاص يا النفسيات اقولكم الخلاصة من طا طأ لسلامو عليكم

مين طأ طأ لا ده مش شخص انها كلمة بالتركية تعنى الطرق على الباب

يبقى من طاطأ لسلام عليكم

من البداية إلى النهاية



شوفوا إليكم الخطة

طول بالك على الأعادى ولاعبهم بمخك لا بلسانك ولا عضلاتك سيبهم يجيبوا اخرهم كده بتفردهم ههه أى بتجيب اخرهم أى بتوصلهم لنهاية جهدهم إياك يستفزوك شوفوا مين بيتكلم لا أنكر إنى بحاول على قد ما بقدر ومش برد على التفاهات بس أجاركم الله لما بجيب اخرى هو كيك شوت وإنجز وزى ماترسى بقى هههههههههه







متزعلش لما تلاقي اللي ظلمك ربنا بيديله.
- متزعلش لما تلاقي اللي غدر بيك الناس كلها حواليه.
متزعلش لما الكداب المنافق هو اللي واخد منصب وبيترقي كل شويه.
- متزعلش لما تبقى محترم والدنيا ضيقه معاك.. ومفتوحه 24 قراط علي اللي مش محترم.
متزعليش لما تلاقي البنات اللي ماشيه ف سكه غلط أتخطبت وأنتي لا.
- متزعليش لو وقفتي جنب خطيبك او جوزك وبعد ما بقي بني أدم غدر بيكي.
- متزعلش لو لقيت الدنيا كلها أتخلت عنك في أصعب وقت أنت محتاج لحد يطبطب عليك.. أصله أختارك وعاوزك تروحله ويبقي هو سندك فا قفل كل الابواب وفتحلك بابه.
- متزعلش لو بتكافح كتير ورزقك قليل.. و متزعلش لو لقيت ناس بتعصي ربنا ومرتاحين. وانت ملتزم وتعبان.

- سيدنا النبي اتحاصر من الكفار لمده 3 سنين كان بياكل فيها ورق الشجر وكفار قريش كانوا بيشربوا الميه في كؤوس من دهب !!

- سيدنا يوسف اتحرم من أبوه 40 سنه وأتباع عبد بثمن بخس وأتحبس 10 سنين عشان مرديش يزني و يعمل حاجه حرام مع زليخه !!

- سيدنا أيوب مرض 18 سنه بيعاني من امراض جلديه رهيبه ملهاش علاج وخسر كل أمواله وأولاده حتي الناس.
وكل المنافقين وقتها كانوا عايشين عيشه ملك.!!

- ربنا دايما بيختبر حب عبده ليه بالمصائب هيشوف فعلا هو بيحبه وهايثبت ولا هايضعف ويضايق ويقول أشمعنا أنا.
حب ربنا مش ببلاش كل ما تحبه كل ما هتتوجع وعلي قد قوه الألم بيزيد الحب بينك وبينه !!

- أدعوا ربنا دايما أنه يسقيكم من كؤوس محبته ليذيبكم عشقا في محبته.
أفتكروا دايما أن الدنيا دي زي الميزان !!
متزعلوش علشان بعد الزعل فرح !!
هيراضيك