[اسفة]

النهاردة شوية متظاهرين اشعلوا النار امام الكونجرس فى العلم الأمريكى وهم حاملين علم فلسطين وشعارات لحماس فى كل مكان حولهم


الغريبة إن الكلام ده حصل كتصوير حى لكلمات القاها النتن والأغرب بقى إن لم يتم القبض عليهم او تفريقهم
وبمعادلة بسيطة هم متلهم مثل القرود أعضاء الكونجرس الأمريكى!
اللى وقفوا 53 مرة فى ساعة واحدة يصفقون للكذاب الأشر والقاتل المجرم المطلوب للعدالة الدولية!وتخيلوا تم توقيف المذكرة اللى بتدعو لاعتقاله لأن ستين دولة معترضة قمة الفجور اقسم بالله فين موقفنا من هذا الأمر المفروض يتحاكم وكل اللى يعترض يبقى شريك جريمة حرب وبالدليل







‏ثم يدعون أنهم وعلى رأسهم أمريكا بلد الحضارة والديموقراطية!

على فكرة نص الناس اللي في الكونجرس مش اعضاء كونجرس بل مدعوين من اللوبي الاسرائيلي للتصفيق لشخص حقير

بايدن قبل أن ينسحب، جمع 200$ مليون. و نائبته جمعت في يوم واحد 90$مليون. لم كل هذه الفلوس؟ لشراء الأصوات.
وهناك آيباك تشتري أعضاء الكونغرس.
و ميزانيتها مليارات. وتدفع على شروط. فلا عجب إن رأيت هذا التصفيق.ألم تلاحظ أنه مصتنع؟ ونتنياهو يقول لهم:عندما أنهي الجملة، صفقوا.


كيف؟
وصلت ياريت ياشباب الناس المسئولة عن الإعلام والرأى العام توضح للناس الصورة وهتشوفوا إن الواد اللى كان ماسك العلم تبع الموساد


ولا عاوزينهم يصدقوا كلام النتن






وخبر استعادة جيش الاحتلال الإسرائيلي جثث 5 أسرى محتجزين بينهم 4 جنود خلال عملية في خان يونس جنوبي قطاع غزة اممم استعدادهم ازاى وعرف مكانهم منين خيانة تاااانى .
على أية حال فإن وكما قلنا رهاننا على الشعوب فلازم كله يتعرى ويتضربوا كام ضربة فى مقتل يعرفوا إن الله حق والشطارة فى الهدف وليس الكم والعدد

الكل دلوقتى بيحاول يهدى عشان الانتخابات هتفوز كاميلا لو لم تتبع سياسة التمييع فى العلن عارفين إنهم مع الكيان قلبا وقالبا ياعمى ده جوزها يهودى صهيونى مأصل

لكن المكسب سيكون مع من يعلن إنه سيوقف الحرب وينفذ أوامرالدولة العميقة والدجال بعدين

ياترى ترامب

ولا كاميلا

ولا مسز اوباما
الله أعلى وأعلم اللى هيقبل الشروط ويسمع الكلام هو الرئيس
هيهدوا الدنيا اكيد وليس بمعنى هدم تدمير بل من هدوء
اكيد ده حتى حرب السودان اللى ولعوها هيوقفوها كورقة لماما امريكا الداعية للسلام ونحن نيام








كله بيلعب ونسيوا او تناسوا إن هناك ملك يمهل ولا يهمل والأرض يرثها عباد الله الصالحون



الهم انصر غزة يارب







التسونامى إيه رأيكم يروح هناك

اما مصر منورة بناسها والدنيا والعة بعد رفع سعر البنزين طيب ولو حتى إحنا بالنسبة للعالم سعره قليل والمشكلة إن الدولار قيمته عالية مقارنة بالجنية المصرى والتعامل فى النفط والوقود بالدولار

طيب هنعديها بالنسبة بقى لباقى الأسعار اللى ولعت والناس بتكح تراب ايه النظام

فين الرقابة على الأسواق ومحاسبة التجار

زمان كان اللى بيتزبط بيغش او بيسرق او بيزود الأسعار بيركبوه الحمار مقلوب ويلفوا به السوق ويزفوه








سيادة رئيس الوزراء كل الاحترام والتقدير على جهودك وطيبتك لكن يؤسفنى اقولك إن كلامك مش واصل للناس صح وكتير بيصطاد فى المياه العكرة وبيشعلل الدنيا زيادة وخصوصا فى ورقة الأخوة الضيوف ياريت تطلع توضح وتهدى الناس وتتابع الوزرا اللى احنا كشعب بندفع فاتورة فشلهم

والخلاصة اتصرفوا اللى مش عاجله الحال ومعترض ع العيشة يتعمل لهم مخيمات زى ما كل الدول عملت وكل اهل دولة من الضيوف يضموا على بعض ويجب العمل عربيا ودوليا على إيقاف الحرب فى بلادهم حتى تتصلح احوالهم ويتوكلوا على الله شرفتونا وانستونا

ومش من حق اى حد يتملك فى البلد حق انتفاع على عنينا لكن امتلاك ويقولك برا ينفع يعنى



نيجى بقى للهوجة اللى حصلت مع الأستاذ محمد صبحى وناس كتير هاجمت الرجل بسبب مسرحيته الجديدة وناس اتهمت الدولة بمحاولة قهره و المستشار تركى الشيخ إنه السبب بسبب رفض فيلمه النونو



الاختلاف فى الرأى لا يفسد للود قضية
شوفوا مالناش إلا الظاهر الداخل ده ربنا اللى بيحاسب عبيده عليه
لنفرض حسن النية



الحمد لله الاختلاف بين ناس محترمة سواء الفنان او الشركة المتحدة للإعلام وتدخل من المحترم أشرف زكى هيتلم الموضوع و حتى لو حصل تجاوز الكبير بيعدى عشان العشرة والناس المحترمة

ياجماعة الخير عيب بقى لنا سنيين بنعانى من فن هابط ومستوى متدنى فى الأغانى والأفلام والمسلسلات إلا ما رحم ربى

جايين دلوقتى نهاجم رجل كان له صراحة دور بناء عندكم مسلسل ونيس اللى ربى جوانا قيم كتير










هوب دخل المقاطيع الخونة ع الخط اللى كانوا بيشتموا فيه وانه تبع النظام بقى الكل بيطبل وركب الموجة لا ده عشان فيه مشاهد بيعارض النظام ماهو ترند وعادة المقاطيع ركوب الموجة

على فكرة طول عمر الرجل فى مسرحياته يناقش قضايا الساعة الراهنة فى المجتمع

وع فكرن الريس عارف إن فيه ناس كتير بتعارض وبيعمل فى صمت



اما المستشار تركى ليه سوء الظن يمكن كان عاوز يقدم حاجة خفيفة ومش مقصود حاجة وحشة والدليل لما لقوا هيحصل مشكلة اتلغى الموضوع ليه لإن حسن النوايا والمحبة والأخوة موجودة ماهى مصر مش بلد الحرامية والرقاصات بس واللى ناسى التاريخ يفكره
[size=3الأستاذ محمد صبحى ليس معنى ذلك إنى اوافقك إن الأرض مسطحة الأرض كروية ياسادة وبالدليل الدينى والعلمى هنعمل موضوع هنا بأمر الله [/SIZE]




طيب انتو زعلانين ليه دى احسن دعايا مجانية للمسرحية ولكل من يمسهم الأمر من طبيعة البشر الفضول كله هيجرى يدور ويتفرج ولو حلو هيفرقع بوم ولو لا يبقى الحكم للجماهير ودى النتيجة الحاسمة لأى أمر فيه لت وعجن كتير


يجطع النت ع النتيت اللى خرب الدنيا بالاشاعات وتهويل الأمور والإشاعات زى عند الجزائر حصل ضرب نار ع الحدود قالك إنقلاب لا إلحق ده من المغرب وكله كلام ومش من مصلحة اى حد حتى الغرب اى وش فى الجزائر







ياريت نصفى النوايا ونتفهم ونعذر بعض ونتقى الله فى كل كلمة بنقولها او ننشرها

اللهم احفظ مصر

اللهم انصر غزة

اللهم وحد الأمة وانصرها

جمعة مباركة ع الجميع