عرض مشاركة واحدة
قديم 30-12-10, 10:15 PM   #11

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي



البارت الثامن


دواك عندي و الأظلم دايم البادي !!

.
.

الساعه 8 الليل

في المزرعه

كانوا الشباب طالعين يتمشون في المزرعه ما عدا طلال اللي كان نايم

و حاولوا يقعدونه بس الأخ نومه ثقيل مرررره بعد كذا قام طلال من النوم و نزل للديوانيه يحوس على القنوات في التلفزيون

( طلال كان لابس بجاما حرير أسود مفتوح عند جهة الصدر بارز عضلات جسمه عيونه مثل عيون شوق أخته نعسانه

و كان يهتم بلوك شعره الأسود مسوي سبايكي بالجل بشرته حنطيه مايله للبرونز )

طفش من التلفزيون و راح للمطبخ يسوي له كابتشينو و هو يغني أغنية عمرو دياب

حبيبى يا نور العين يا ساكن خيالى
عاشق بقالى سنين ولا غيرك فى بالى
حبيبى يا نور العين يا ساكن خيالى
عاشق بقالى سنين ولا غيرك فى بالى

حبيبى حبيبى حبيبى يا نور العين
حبيبى حبيبى حبيبى يا نور العين
حبيبى حبيبى حبيبى يا نور العين
حبيبى حبيبى حبيبى يا نور العين
يا ساكن خيالى

أجمل عيون فى الكون أنا شفتها
الله عليك الله على سحرها
أجمل عيون فى الكون أنا شفتها
الله عليك الله على سحرها
عيونك معايا عيونك كفاية
عيونك معايا عيونك كفاية

حس إن في أحد دخل المطبخ و على طول طلع استغرب طلال من الموضوع و على طول طلع يشوف من ذا ؟؟

شافها بنت تسرع في الدرج و شاف إنها لابسه بجاما برمودا ورديه

خذ الكابتشينو من المطبخ و جلس على الأريكه كان يتابع مباراه أجنبيه على قناة a r t الرياضيه

و طلع شرط من تحت مكتوب فيه اليوم في الساعه 9 مساءاً مباراه بين الهلال و النصر تحمس طلال

و مسك الجوال و اتصل على خالد ولد عمه

توت ... توت ... تيت


رد خالد : ألو

طلال : ألو هلا خالد وينك اللحين ؟

خالد : أنا مع الشباب نتمشى برا في المزرعه

طلال : أهااا المهم تعالوا بعد اشوي مباراة بين الهلال و النصر

خالد : أحلف

طلال : و الله تعالوا قبل ما يبدأ الشوط الأول

خالد : أوكي

طلال : يلا باي

خالد : باي

و دق جوال طلال

رد طلال : ألو

أفنان : أهلين طلال

طلال متسند على الاريكه : هلا نعم وش تبين ؟

أفنان : طلول أنا مع البنات طفشانيين ودنا المطعم

طلال : أنا مو فاضي لكم

أفنان : ليه ؟

طلال : اليوم مباراة الهلال و النصر

أفنان و هي متحمسه : أحلف

طلال : و الله

أفنان : ياااااي أجل أنا و البنات بنتابع البنات في الديوانيه

طلال : لا حنا الشباب بنتابع المباراه في الديوانيه

أفنان : ما في تلفزيون غير تلفزيون الديوانيه

طلال : طيب وش الحل ؟

أفنان بخبث : الحل بسيط

طلال : وش هو ؟

أفنان : أنتوا تابعوا المباراه و جلسوا قدام و حنا البنات وراكم عشان ناخذ راحتنا

طلال : فكره حلوه
( طبعاً طلال وافق عشان يبي يعرف مين صاحبة البرمودا الورديه من باب الفضول )

أفنان : أجل بننزل بعد أشوي

طلال : أوكي

وقف عشان يشوف شكله في المرايا في خاطره (لازم أعدل نفسي قدام الغاليه)

و دخلوا الشباب

تركي كان لابس بلوزه كات حمراء و بنطلون أسود جينز و كاب لونه أسود و أحمر و مبين طول شعره لوكه مرره كول

نايف لابس بنطلون جينز أزرق و بلوزه بيضاء مكتوب عليها كلام انجليزي بالأسود طالع جنان عليه

خالد و ناصر هو الوحيدين ما بين عيال عمهم لابسين الزي السعودي ثوب أبيض و شماغ أحمر طالعين رزه و كشخه

سعود لابس بنطلون بيج جينز و بلوزه بنيه مرسوم عليها بالبيج و كاب تعود على البدل بحكم دراسته في بريطانيا طالع شيك

سلطان لابس برمودا جينز جيشي و بلوزه كات عشبيه و كاب طالع كووووول

<< اللي يشوفني كأني شايفتهم خخخ

سعود قام يصفر : شباب شوفوا طلال بملابسه كأنه واحد داخل على زوجته في يوم الدخله

التفتوا عليه الشباب و قاموا يضحكون عليه : ههههههههههههههههههههههههه ههه

طلال : ها ها ها بايخه

ناصر : هههههه صاير شيي

تركي : خخخخ و أنت الصادق صاير نكته

طلال : أقول تلايطوا أحسن لكم

في ذاك الوقت نزلوا البنات بعباياتهم و كل الشباب مستغربين

أفنان : يؤؤ وش فيكم نبي نتابع المباراة معكم

سلطان جاته الفرصه :

و الله الدنيا فوضى أنتي تتابعين المباراة معنا أنا أبي كل البنات بتابعون المباراه ما عدا أنتي

أفنان انصدمت من أسلوب سلطان

حنان استغربت من أخوها ما سوت أفنان شي غلط عشان يكلمها بهالأسلوب

شوق عصبت من أسلوب سلطان : سلطان ما في أحد يقدر يرفع صوته على أفنان بنت سلمان و أنا موجوده سامع

طلال : ..............................

كل الشباب مستغربين من رد شوق و خصوصاً تركي بس حاول يغير جو التوتر ما بين الجميع
و البنات كانوا مستغربين من رد سلطان على أفنان

حنان : يؤؤؤؤ سلطان ما له داعي تصارخ على أفنان ما سوت شي

منى : أي و الله

تركي : هههههههههههههههههههههه كنا معكم في برنامج صادوه و صدنا في هالحلقه أفنان و سلطان و شوشو

شوق منصدمه من السالفه و حست أنها غلطت على سلطان : أسفه ما كنت أدري إنه صادره

حنان : كل هالعفسه صادوه !!

وجدان و مها و ساره : ؟؟؟؟؟؟؟؟؟؟؟؟؟؟؟

هنادي : وش السالفه سلطان ؟

سلطان معصب : أوريك يا الدب ليه سويت هالحركه البايخه

و رجع لأفنان : سووووري ما كنت أقصد أصرخ عليك بس تركي قال أنك سارقه دفتر أشعاري

و هذا السبب عصبت عليك سامحيني

أفنان وهي مبتسمه : مسموح يا ولد العم

سلطان خق على كلامها و الشباب لاحظوا هالشي و ناصر يبي يحرج سلطان

ناصر : أفنان ترى سلطان يحببببببببببببببببببك

سلطان ناظر ناصر و هو يتوعد فيه و التفت يبي يشوف ردة فعل أفنان بس البنات كلهم صعدوا لفوق

سلطان معصب : ناصر ليه سويت هالحركه

و الله ما لها داعي أحرجت البنت و أحرجتني و أحرجت طلال اللي لين اللحين ساكت و ما علق على شي

طلال و أخيراً تكلم : شباب بقى نص ساعه على المباراه أبيكم كلكم في اتفاق مهم

و جلسوا كل الشباب جنب طلال اللي كان جالس على الأرض

طلال : شباب خلونا نساعد بعض

رد سلطان : كيف ؟

طلال : شوفوا أنا عارف إن كل واحد يحب وحده

و هدف كل واحد أنه يتزوج اللي يحبها على سنة الله و رسوله صح ؟

ناصر : أي صح

طلال : ما أبي يصير لنا مثل ما صار لتركي و شوق تركوا بعض بسبب الأهل و حنا ما وقفنا معهم

تركي و هو ضايق صدره : طلال لا تذكرني بهالشي

طلال و هو مبتسم : عندي احساس إنكم بترجعون لبعض

تركي : الله يسمع منك

و طبعاً الشباب اتفقوا على إن كل واحد يوقف مع الثاني عشان يحقق طموحه


%%%

في المزرعه

عند البنات

في جناح أبو مشاري

أفنان كانت تبكي و شوق تهديها : أفنان كل هذا عشان ناصر قال لك إن سلطان بحبك ؟

أفنان و هي تبكي على السرير : طيب دامه يحبني ليه يصارخ علي

حنان : حبيبتي لا تضيقين صدرك أخوي يحبك بس مو عارف يعبر عن مشاعره

أفنان : هههههههههه

شوق : و أخيرا ً ضحكتي

أفنان : و حتى أنا أحبه بس لا تقولين له عشان يحس بالذنب

حنان و هي تغمز لها : و لا يهمك يا مرت أخوي

انقلب وجه أفنان أحمر من الحيا

هنادي ضحكت : ههههه يا عيني على اللي يستحون

أفنان منحرجه : بس خلاص

منى : و أنا أقول ليه دايم يسألني ..شخبار بنات عمي سلمان ؟.. شخبار أفنان ؟ ... في أي صف أفنان ؟
طلع أخونا يحب و حنا ما ندري

أفنان بحيا : ليه ما قلتي لي إنه يسأل عني ؟

منى : تصدقين ما عطيت الموضوع أهميه

مها ( توها جايه لهم ) : بنات شكل المباراة بدت

رغد تطالع الساعه : أي والله بدت المباراه

ساره : كله منك يا الدبه ( وتأشر على أفنان )

أفنان : خلاص لا تذبحوني تابعوا المباراه

منى : لا ما نبي نتابع المباراه نبي نشوف أشكال الشباب و هم متحمسين على المباراه وش شرايكم ؟

البنات : واااااااااو و الله أنك فللللللله

منى تغمر لهم : أعجبكم

أفنان : أبي أشوف شكل سلطان

البنات : هههههههههههههههه

وجدان ( و هي تنادي البنات بصوت واطي ) : شوفوا شكل طلال يجنن و هو بالعصابه

كل البنات يطلون على الشباب

أفنان : يااااااي فديتك يا طلال

وجدان : لا أنا أغار عليه

أفنان : هذا أخوي و لا نسيتي

وجدان : هههههههه بعلم سلطان

أفنان : لالالالا خلاص تبين أخوي خذيه

وجدان و هي سرحانه في خاطرها

(يا ليت يجي هاليوم يا أفنان و آخذ فيه طلال )

%%%

الساعه 9 الليل

مباراة الهلال و النصر

سلطان : أكيد بيفوزون النصر

طلال : مالت عليك و على النصر فوقك

خالد : هييي هذا العالمي ما أرضى عليه

طلال و هو ماسك الوساده : أقول أسكت و لا بهاذي على وجهك

وجدان و هي تطل على طلال من الدرج في خاطرها : يا حلاتك و أنت معصب

شوق و هي تطالع وجدان : هيييي وجدانوووه كلتي أخوي بعيونك

وجدان انحرجت و انقلب وجهها أحمر

شوق و هي مبتسمه : الله لا يفرق بين الحبيب و حبيبته

تركي : هههههههههههه صدق أنك متعصب هلالياً أنا أشجع الهلال بس مو مثلك كذا

طلال : وش أسوي دمي أزرق

تركي : ههههه شكلك يضحك مع هالعصابه اللي على جبهتك ذكرتني بسعود ذيك المره بس زاد عليك أنه لابس بدله ياسر

سعود : خخخخ تحش فيني و أنا موجود

تركي يضحك : سووري أخ سعود

ناصر : يلا لين اللحين ما أحد سجل هدف حرقوا أعصابنا

خالد : أي و الله كل ما أنوي أصارخ أقول قوووول يمسكها الحارس و الله قهر

ناصر : ان شاء الله الهلال تفوز

خالد و سلطان معصبين : فال الله و لا فالك

ناصر : ههههههه وجع كلتوني

وجدان : ههههه والله الشباب شكلهم تحفففه دايم يتناجرون

شوق : ههههه أي و الله


جات لهم حنان

حنان : بنات وين الحريم ؟

أفنان : تحت في المجلس أو في الخيمه

حنان : أوكي أنا بنزل لهم ( لبست عبايتها و نزلت )

سعود : شباب علموني إذا أحد سدد هدف

الشباب : أووكي

سعود طلع و جلس على كرسي من الكراسي اللي مقابل المسبح

و دق بجواله و يكلم

ألو قلبي ... وين ماما ؟


سمعت حنان هالكلام و انصدمت سعود ولد عمي اللي أحبه متزوووووج !!!!!!


%%%

في الشرقيه

الساعه 12 الظهر

يوم الجمعه

جاسم : مساعد تعال خلنا نصلي الظهر عشان نروح ندفن صقر

مساعد كان ساكت مصدوم ما توقع إن صقر تكون نهايته كذا

مساعد : طيب

طلعوا عشان يصلون

و أرتفع صوت الأذان في كل مكان

الله أكبر .. الله أكبر



الله أكبر .. الله أكبر



أشهد أن لا إله إلا الله



أشهد أن لا إله إلا الله



أشهد أن محمد رسول الله



أشهد أن محمد رسول الله



حي على الصلاه



حي على الصلاه



حي على الفلاح



حي على الفلاح



الله أكبر .. الله أكبر



لا إله إلا الله


دخلوا مسجد خادم الحرمين الشرفين

و استمعوا للخطبه

صلوا صلاة الجمعه

و بعدها جلس مساعد يقرأ سورة الكهف و بعدها قعد يدعي

يا رب يا كريم اللهم إني أستغفرك و أتوب إليك
اغفر لي خطاياي يا رب العالمين
اللهم إني أسألك العفو و العافيه في الدنيا و الأخره
اللهم أغفر لصقر و أرحمه
و عافه و أعفو عنه
و أكرم نزله و وسع مدخله
و أغسله بالماء و الثلج و البرد
و نقه من الذنوب و الخطايا كما ينقى الثوب الأبيض من الدنس
و أرحم جميع المسلمين في كل مكان يا أكرم الأكرمين
اللهم أشفي وعد و صبرها و رد حاسة النطق لها
و أشفي جميع مرضى المسلمين بقدرتك يا قادر يا كريم
اللهم آمييين يا أرحم الراحمين


و صلوا صلاة الجنازه على صقر و طلعوا مع الرجال عشان يدفنونه

%%%

في القصر

أماني : لا حول و لا قوة إلا بالله

أم رائد : أي والله توه مكلمني رائد يقول إن صقر صديق مساعد توفى في حادث سياره

أماني : الله يصبر أهله

أم رائد : لا الولد أمه و أبوه ماتوا ما عنده أحد من أهله

أماني : أهااا الله يعين هالمساعد أكيد يعتبر بالنسبه له كل اهله

أم رائد : رائد بيروح لهم عشان يدفنونه

أماني : أهاا الله يرحم موتى المسلمين .. أمي أنا بروح لوعد

أم رائد : قنعيها تنزل حابسه نفسها في غرفتها

أماني : طيب بقول لها

و صعدت فوق لوعد


دخلت غرفة وعد و شافتها نايمه و جنبها ورقه جاها فضول تبي تفتحها و تشوف وش فيها

فتحت الورقه و انصدمت بالكلام

مكتوب في الورقه

.
.

يا زعيم المجرمين

بنتقم منك لو أذبحك وأدخل السجن بسبتك أنا مستعده

دواك عندي و الأظلم دايم البادي و الله لا أوريك شي ما بعد شفته

وعد ( الخرساء )

.
.

أماني كانت مررره مصدومه : ؟؟؟؟؟؟؟

جلست أماني على السرير و هي تصحي وعد : وعد ... وعد

التفت عليها وعد : ..............................

أماني : تعالي نزلي معي تحت

وعد هزت براسها بكلمة لا

أماني : ايه حرام عليك حابسه نفسك كذا

وعد نزلت راسها بحزن مسكت الدفتر و كتبت لها : ما أبي أنزل أنا متضايقه أشوي

أماني : ليه متضايقه

كتبت لها وعد : نفسيتي تعبانه أشوي

أماني ضمت وعد : يا قلبي لا تتعبين نفسيتك صبري و ان شاء الله تكونين على أجر

وعد هزت راسها و كتبت : خلاص أنا بنزل معك

أماني بفرح : زين يلا أنا أنتظرك تحت

وعد أشرت لها بأوكي


و نزلوا تحت


%%%

في شقة مساعد

الساعه 2 الظهر


جا له رائد : عظم الله أجرك

مساعد كان حاط الشماغ على كتفه و رافع أكمام الثوب وقف و رد عليه : أجرنا و أجرك

و راح رائد لجاسم اللي كان في المطبخ : جاسم

جاسم راح لرائد و سلم عليه : هلا رائد

رائد : هلا .. عظم الله أجرك

جاسم بحزن : أجرنا و أجرك

رائد : جاسم ما له داعي تسوي الأكل أنا بروح أجيب لكم غدا من المطعم

جاسم : لا تتعب نفسك يا رائد بناكل أي شي

رائد : شدعوه لا تعب و لا شي أنا بروح أجيب لكم شي و برجع

جاسم : الله يعافيك يا رائد ما قصرت

رائد ابتسم له : لا تنسى أنك صديق مساعد صديق الطفوله

ابتسم له جاسم و هو في خاطره أأه يا رائد لو تدري إن صديقك هو السبب في كل شي حصل لوعد كان ذبحته

رائد : يلا أنا بطلع و انت أجلس مع مساعد نفسيته تعبانه

جاسم : إن شاء الله


و طلع رائد من الشقه


راح جاسم لمساعد في الصاله


جاسم : مساعد وش فيك سرحان؟

مساعد التفت على جاسم : اااخ يا جاسم شكل دعوتهم استجابت مات أعز صديق عندي أنا السبب

جاسم : لا تقول كذا ربي كاتب له إنه يموت

مساعد : جاسم اجلس جنبي

جاسم جلس جنب مساعد : و هاذي جلسه

مساعد : أبي أخطب وعد

جاسم مصدوم : هيي من جدك أنت ؟؟

مساعد : أي من جدي

جاسم : طيب بس البنت تكرهك و أكيد بترفضك

مساعد : لا بقول لرائد أني ما أبي أشوفها إلا بعد الملكه

جاسم : أول مره أشوف واحد يحفر قبره بيده

مساعد : شدعوه البنت مو وحش بس بقول لك بصراحه أنا حبيتها و أحس بالذنب عشانها

جاسم : بس من جدك تاخذ خرساء

وقف مساعد معصب : يا جاسم ما لك خص فيني و ثاني حاجه البنت ما صارت خرساء الا بسببي
و مستعد أتحملها طول العمر عشان أرضي ضميري

جاسم : خلاص كيفك

مساعد: المهم خلنا نروح السجن عشان أطلع الوالد

جاسم : أوكي بعد الغدا نروح

مساعد : طيب


%%%

نهاية البارت الثامن


جرح الذات غير متواجد حالياً  
التوقيع
رد مع اقتباس