البارت الثاني عشر
على حافة الخطر !!
قرب منها تحس أنه قريب من أنفاسها و كان قلبها يدق من الخوف
و جسمها يرتجف رفعت عينها له و هو يبتسم ابتسامه شيطانيه
و كل ما تبعد عنه هو يقرب و هي كانت تترجاه أتركني أطلع من هالمكان و هو يضحك
: اللي تدخل هنا ما تطلع أبد
كانت ترجع لوراء و هو يتقدم و كانت وراها بلكونه بدون درابزين رجعت و رجعت
بتطيح من على البلكونه بس مسكها شخص من وراء قامت من النوم مفزوعه
.
.
رغد و قلبها يدق بقوه : أعوذ بالله من الشيطان الرجيم كان حلم يخوف
قامت من النوم و هي مستغربه من هالحلم في نفسها : مين هالأشخاص اللي جايين في حلمي ؟
رفعت يدها عشان تشوف الساعه كانت الساعه 6:30 الصباح
نزلت تحت عشان تسوي لها فطور
.
.
%%%
في الظهران
في الشقه
كان توه قاعد من النوم و كان مره متحمس للوظيفه اليوم هو أول يوم له في الدوام
راح للمطبخ ياكل له أي شي قبل ما يروح
فتح الثلاجه و خذ له توست مع مربى و حليب و جلس يفطر و هو يطالع التلفزيون
خلص فطوره و راح يتروش طلع من الحمام و هو لاف على نفسه الفوطه
ناظر نفسه في المرايا حس أن شكله تغير طولت لحيته أشوي
قال في نفسه : اليوم ضروري أروح للصالون أحلق هالعفسه
ضحك بينه و بين نفسه : جد أني فاضي مفروض أروح الدوام أبرك لي
لبس ثوبه و شماغه و تعطر كان شكله مرره شيك
و هو في نفسه يقول : لازم أحافظ على برستيجي أنا تركي بن عبد العزيز مو أي شي
طلع من الشقه و توجه لدوامه في الميناء
%%%
الساعه 9 الصباح
كان مستأذن من الدوام عشان يروح للرياض كان خايف على بنت عمه و معصب منها في نفس الوقت
و هو في خاطره يقول : هذي بنت عمي عرضي شرفي ما أبي يصير لها شي
بس أنا أوريها على هالشي اللي سوته ما أكون فيصل أن ما ربيتها من جديد هالصغيره المدللـه يبي لها تأديب
%%%
في بيت أبو فيصل
كانت هنادي جالسه جنب البلكونه و كانت مقابلها حنان و جنبها منى
منى : متى بيجي فيصل ؟
هنادي : يقول اليوم
منى : أهااا غريبه هو يقول إجازتي بعد أسبوعين
هنادي : يمكن عنه أشغال هنا
منى هزت كتفها : يصير
هنادي تطالع حنان اللي كانت سرحانه تلعب بشعرها : هييييييي حنان
حنان التفتت لها : هاااا هلا
هنادي : وش فيك سرحانه؟
حنان: أنا لا لا ما فيني شي
هنادي : ههههههههه واضح شوفي وجهك صار طماط
عصبت حنان : طماط في وجهك
وقفت هنادي : طيب أنا بروح أكلم سعود
حنان تطالع هنادي : هااااااا سعود وش فيه ؟
هنادي : ههههههههه لا البنت مو صاحيه
منى : أي والله ههههههه
%%%
في الشرقيه
قصر فواز
الساعه 9 الصباح
كانوا الكل متجمعين على طاولة الفطور و فواز أستأذن من دوامه في الشركه
و أم رائد كانت فرحانه بس خايفه من ردة فعل وعد
رائد قال لأبوه عن مساعد أنه طلب يد أخته و فواز فرح بهالشي بس بقى رأي البنت الرأي الأول و الأخير لها
كانت وعد تلعب بالشوكه و فجأه سمعت صوت أبوها
فواز : وعد قلبي
رفعت وعد راسها و أشرت بمعنى نعم
عطى رائد وعد الدفتر حقها عشان تكتب كان ضايق صدرهم على حالة بنتهم بس حاولوا يتعودون على هالشي
فواز : وعد أنتي اللحين كبرتي و صرتي جامعيه و سنة الحياه الزواج
وعد : ...............................
فواز : يا بنتي خطبك رجال ما شاء الله عليه عاقل و رزين و كل المواصفات الزينه فيه و أحلى صفه أنه صديق رائد أخوك
كتبت وعد في الدفتر : وش أسمه ؟
شاف كلامها فواز : يا بنتي أسمه مساعد
وعد تحس إن الإسم مو غريب عليها بس ما تتذكر مين صاحب هالإسم
فواز : هو اللي جابك للمستشفى
وعد تذكرت كلام النيرس يوم صحت من النوم و قالت لها إن واحد إسمه مساعد جابها للمستشفى
قالت بينها وبين نفسها شهم ما قصر معي أنقذ حياتي بس ......
مسكت الدفتر و كتبت لأبوها
أبوها مسك الدفتر : يا بنتي حنا قلنا له عن كل شي قلت أنك ما تتكلمين بس هو قال أنا أبيها بكل عيوبها
دمعت وعد عيونها حست أن ربي عوضها
كتبت له وعد في الدفتر
فواز شاف الدفتر و وقف و هو فرحان حب راس بنته : الله يوفقك يا بنتي و الله فرحتيني بموافقتك
رائد بفرح : بروح أبشر مساعد
فواز : لا أنتظر قوله بعد كل يوم أخاف وعد تغير رايها
رائد طالع وعد : جد اللي يقوله أبوي
ضحكت وعد و هي من زمان ما ضحكت
فواز بفرح : دوم الضحكه يا بنتي
جات لها أم رائد و ضمتها لصدرها : الله يوفقك يا بنتي و إن شاء الله مساعد يسعدك
وعد تدعي في قلبها : آمين
رائد : أنا بروح الشركه
فواز : روح و بشرني عن المناقصه
رائد وقف : أوكي .. يلا أشوفكم العصر
فواز : طيب
طلع رائد و وعد راحت ترتاح فوق أول مره تحس إن الدنيا تضحك لها بعد ذاك الشي اللي صار
وعد في خاطرها : إن شاء الله أسعدك يا مساعد مثل ما أسعدتني و أسعدت أهلي
%%%
العصر
في بيت أبو فيصل
كانوا البنات يتجهزون عشان بيروحون الفيصليه مع فيصل
حنان : يلا بنات خلصوا بسرعه
منى – هنادي : طيب دقيقه
حنان : بنتظركم تحت
نزلت تحت و شافت فيصل جالس يطالع التلفزيون سرحان
حنان : هييييي فيصل وش فيك ؟
فيصل : ......................................
حنان قربت من فيصل و قرصت خده
فيصل عصب : هيييييي أنتي عن هالحركات البايخه
حنان : ههههههههههه وش فيك سرحان
فيصل : كيفي المهم خلصوا البطات اللي فوق
حنان : ههههههههههههههههه لا يسمعونك
فيصل : ههههههه هم بطات وش ذنبي
حنان : لا تسمعك هنادي
جات هنادي : هييييييييي تحشون فيني
فيصل وقف: ههههههههه أولاً لبسى عباتك عدل بعدين تكلمني
كانت هنادي تطالع نفسها انحرجت : يؤؤؤ العبايه مقلوبه
فيصل : هههههههههههه الله يرجك لبسي عباتك عدل
هنادي عصبت : و يرجك معي إن شاء الله
فيصل يجننها : قلبوووووو
هنادي : هيييييييي استح أنا أختك
فيصل ينرفزها : مو قصدي أنتي قصدي حبيبتي
هنادي : ها ها ها علينا
فيصل : فدييييييييييييييييييييييي ييييتها
هنادي اقتربت من فيصل : فيصل من جد تحب وحده ؟
فيصل نزل راسه عشان يطالع هنادي لأنه أطول منها : هههههههههههههههههههه تغارين علي ؟
هنادي عصبت : أنت مو صاحي
فيصل : أدري ههههه ما عليك من كلامي أستهبل المهم خلونا نروح
حنان : أوكي بنادي منى المفهيه
فيصل : أنا و هنادي في السياره
ركبت هنادي جنب فيصل
فيصل في نفسه : والله كنت أتمناها جنبي هنا بس مو على إنها أختي
شغل المسجل
و كانت على أغنية أبو نوره
(ابــعـــاد)
ابعاد كنتو ولا اقريبين
لامرادكم دايما سالمين
وماقول غير الله الله
يكون بعون كل العاشقين
اشتاق واسئل عنكم الاشواق
لفراق ماغير علي لفراق
عساكم مانسيتوني عساكم
وعسا مامر هواء بعدي وخ ذاكم
ناطر هواكم ناطر
قادر ولاني قادر
وماقول غير الله الله
يكون بعون كل العاشقين
ليله ليله ليله ليله
ليله يا ليله
منيتي اسهر معاكم ليله
واشتري بعمري رضاكم ليله
يراودني امل في ليله القاكم
واطرز بالفرح احزان فرقاكم
عساكم مانسيتوني عساكم
وعسا مامر هواء بعدي وخذاكم
ضحكت هنادي على حركات حنان عند النافذه
فيصل فتح النافذه : هييييييي يا الرجه ركبي السياره
ركبت السياره هي و منى
منى : هههههههههههه حنان رجججججه
فيصل : ههههههه طالعه على ولد عمها سعود
حنان ارتبكت : وش سعود؟
هنادي : فصيييل أخوي مو رجه
فيصل : هههههههه إلا رجه و نص ذيك المره عفس علينا المخيم من رجته
حنان بصوت واطي : فديت رجته
منى : ههههههههههههه
فيصل : منى
منى : هلا
فيصل : وش قالت حنان ؟
منى : قالت ( قرصتها حنان في فخذها ) ااااااااااااااااااي يا غبيه ألمتيني
حنان : أحسسسسسسن
منى : ههههههه خلاص ما بقول له
فيصل : يلا بنات وصلنا الفيصليه
نزلوا البنات معه الفيصيله لأنه واعدهم بمقهى على حسابه
%%%
في شارع التحليه
كانوا الشباب متجمعين في أحد المقاهي الراقيه
سلطان و طلال و سعود و ناصر
سلطان : شباب خلونا نروح الفيصليه
طلال : هييي خل أختي تجهز على راحتها لا تنشب فيها
سلطان حط يده على خده : طيب أبي أشوفها وش الحل ؟
طلال : لاحق عليها أسبوع الجاي ملكتك
سعود يغمز لسلطان : الله حركات بتتزوج و بتدخل القفص الذهبي
سلطان : أعجبك
طلال : هههههههه و الله أنك شي يالنسيب
سلطان : ههههههههه و أنت طلال متى بتتزوج ؟
طلال : اللحين أمي بتخطب لمشاري و إذا تزوج بتزوج
سلطان : أهاا
ناصر : شبااب
الشباب : هلا
ناصر : وين تركي ؟
طلال : تركي راح الظهران
ناصر : ليه ؟
طلال بفرح : لقى له وظيفه في الميناء
الشباب : أحلف
طلال : و الله
الشباب : خلونا نسوي له مفاجأه
طلال : هههه أنا عندي له أحلى مفاجأه
الشباب : وش هي ؟
رجع طلال ظهره للكرسي غمز لهم : كل شي بوقته حلو
%%%
في الفيصليه
عند Star bucks
كان فيصل جالس مع خواته في المقهى
فيصل : بنات وش أطلب لكم ؟
هنادي : أبي كابتشينو
منى : و أنا كابتشينو
حنان : أنا أبي موكا بارده
فيصل : طيب .. جارسون
الجارسون : نعم تفضل
فيصل : جيب 2 كابتشينو و 1 موكا بارده و 1 كافي لاتيه
الجارسون : في طلبات ثانيه
فيصل : لا شكراً
راح الجارسون
فيصل : بنات وين بنات عمي سلمان ؟
حنان: بيجوون مع مشاري
فيصل : أهااا
منى : بنات قلتوا لوجدان أننا في الفيصليه ؟
هنادي : يؤؤ نسيت أقول لها
منى : لازم نقول لها عشان ما تزعل
حنان : بدق عليها دقيقه
توت .. توت
وجدان : هلا
حنان : هلا وجدان تعالي الفيصليه
وجدان : ما أقدر أجي
حنان : ليه ؟
وجدان : تركي في الظهران و فهد مشغول
حنان : طيب دقي على بنات عمي سلمان هم بيجوون بعد أشوي
وجدان : بدق عليهم و بشوف
حنان : أوكي .. يلا باي
وجدان : مع السلامه
دق جوال هنادي
ردت عليه
ألو
مها : هلا هنادي
هنادي : هلا مهاوي وينكم تعالوا
مها : مو راضي يوصلنا خويلد
هنادي : ليه
مها : ما أدري عنه
هنادي : أنا بدق عليه و أنتي تجهزي مع ساره
مها : طيب
دق هنادي على خالد
توت .. توت
خالد : هلا هنوده
هنادي : هلا خويلد
خالد : هييي احترمي نفسك ناديني المهندس خالد لو سمحتي
هنادي : أوكي المهندس خالد
خالد : سمي
هنادي : وصّل مها و ساره للفيصليه الكل بيجي
خالد: طيب بوصلهم
هنادي : تسلم يا الغالي
خالد: العفو
هنادي : يلا مع السلامه
خالد : باي
و سكرت الجوال
فيصل : هنادي
هنادي : هلا
فيصل : هههههه و أنتي شايله هم الكل
هنادي : ابيهم يكونون موجودين من زمان ما تجمعنا في مجمع
فيصل : أهاا بس على فكره بجلس معكم لين الليل
هنادي : زين
دق جوال فيصل
فيصل : ألو
يوسف : هلا فيصل
فيصل بدون نفس : هلا
يوسف : تعال للفيصليه خويتي بتجي اللحين
فيصل : بشوف
يوسف : أوكي أجل يلا أشوفك هناك مع السلامه
فيصل في نفسه ( الله لا يسلمك) رد بمجامله : مع السلامه
%%%
في الشرقيه
عند شقة مساعد
كان مساعد توه قاعد من النوم ما نام أمس كان يحتري رائد مرره متوتر من ردة فعل وعد
مساعد في نفسه : إن شاء الله توافق علي يا رب و الله أني بعوضها عن كل شي سويته فيها
دق جوال مساعد كان المتصل جاسم
رد مساعد: ألووو
جاسم : هلا مساعد
مساعد: هلا و غلا شخبارك اللحين ؟
جاسم : أنا الحمد لله تعال مر علي اللحين بيطلعوني
مساعد: درت بنت عمك
جاسم : لا ما قلت لها بسويها مفاجأه
مساعد : أوكي اللحين بمر عليك يلا تجهز
جاسم : طيب
و سكر جاسم من مساعد
دق جاسم على النيرس بالتلفون
طبعاً كلام بالانجليزي << مو مشتهيه اتفلسف ^_^
جات له النيرس : لو سمحتي وين الدكتور ؟
النيرس : دقيقه بناديه
جا له الدكتور : دكتور أقدر أطلع اللحين ؟
الدكتور : ايه تقدر تطلع بس بعطيك مراهم و شاش عشان صدرك لازم تنتبه على صدرك لأنه كسر مو شي بسيط
جاسم : طيب دكتور
الدكتور : بس مره ثانيه لا تسرع بالسياره
جاسم ابتسم : أوكي
الدكتور : الحمد لله على سلامتك تعال معي عشان أوراق الخروج
جاسم : أوكي
%%%
المغرب
في الفيصليه
كل البنات تجمعوا في ستار بكس و كانوا معهم من الشباب
خالد و فيصل و مشاري و نايف
نايف يسلم على فيصل : هلا بأخوي الغالي من زمان ما شفتك
فيصل : ههههه أنت اللي مختفي شخبار الطب معك؟
نايف : و الله تمام اللحين أدرس صيفي
فيصل : أهاا .. وين بقية الشباب ؟
نايف : كلهم مع سلطان في التحليه
فيصل : هههههه يا حليله أكيد وده يجي هنا
خالد : ههههههههههه سعود و ناصر و طلال نشبوا له مسكيين
فيصل : أقول لا يكثر أسكت لا ربي يبلاك بناس ينشبون في حلقك
خالد : هههههههه خلاص بسكت
مشاري : أقول شباب نتمشى مع البنات و لا نتركم لوحدهم ؟
فيصل : خلونا نخليهم براحتهم و هنا ننتظرهم عند جهة المطاعم
الشباب : أوكي
فيصل في نفسه : أبي أشوف وش بتسوين يا بنت عمي ؟
ترك عيال عمه و تعذر لهم بشي ناسيه في السياره
طلع من جهة المطاعم و نزل تحت
.
.
.
%%%
في بيت عم جاسم
عند الباب
قال مساعد لجاسم : ترى بجيك بكره العصر
جاسم : أوكي مشكور على التوصيل
مساعد : أفااا أنا مثل أخوك و لا نسيت
جاسم ابتسم : لا ما نسيت إن شاء الله برد لك جمايلك في عرسك
مساعد : الله يسمع منك
ركب مساعد سيارته و راح
دخل جاسم الصاله
جاسم : أحم أحم
أم رند : تفضل يا مساعد
جاسم ابتسم : هلا خالتي أنا جاسم
أم رند بفرح : هلا و الله بولدي جاسم تعال اجلس
جلس جاسم في الصاله
أم رند دمعت عيونها : الحمد لله على سلامتك وش صار لك يا ولدي ؟
جاسم : الله يسلمك اللحين أحسن الحمد لله
أم رند : و الله خفت عليك يا ولدي شخبار الكسر عسى انجبر
جاسم : لا ما انجبر بس يبيله وقت اللحين صرت أحسن لا تخافين علي
جات لهم رند كانت لابسه عبايتها و حجابها : جاسم !!
جاسم وقف : هلا رند
رند دمعت عيونها : الحمد لله على سلامتك
جاسم : الله يسلمك
أم رند : بروح غرفتي أرتاح خذ راحتك يا جاسم لاتنسى إن ذا بيتك
جاسم : إن شاء الله خالتي
جلست رند مقابله : ليه ما قلت لي أنك بتطلع
جاسم : قلت بخليها لكم مفاجأه
ابتسمت رند : والله أحلى مفاجأه
جاسم : تسلمين .... رند
رند : نعم
جاسم : إذا خطبتك من خالك توافقين علي ؟
انحرجت رند وقفت : أنا رايي من راي أمي
ابتسم جاسم : إن ما شلت هالحيا منك ما أكون جاسم
رند ابتسمت له و راحت غرفتها
و جاسم صعد لشقته اللي فوق عشان يرتاح
%%%
في الفيصليه
دق فيصل على هنادي : هلا هنادي
هنادي : هلا
فيصل : وينكم اللحين ؟
هنادي :حنا في محل مانجو
فيصل : أها بجيكم
هنادي : أوكي
راح فيصل لجهة محل مانجو بس لاحظ إن في بنت طلعت من المحل كانت تكلم جوال
حسه قلبه إنها رغد لحقها عشان يتأكد
كان يمشي وراها و هي مو حاسه فيه
رغد تكلم الجوال : أنا تركت خواتي وين ألقاك ؟
يوسف : أنا جنب محل السواني
رغد : أوكي
مسكها فيصل
.
.
.
التفتت رغد لورا و انصدمت بأن فيصل ماسك كتفها
رغد : فيصل ؟؟
فيصل كان معصب : أنا أعرف كيف أربيك
خذها معه برا المجمع ركبها السياره
رغد كانت خايفه منه لأنه كان يسرع و كان مررره معصب
رغد : وين بتاخذني ؟
فيصل : انكتمي و لا كلمه
رغد : وش تبي مني ؟
فيصل : نتفاهم مع بعض في الشقه
رغد : شقه ؟؟ أي شقه ؟؟ وش تقول ؟؟
فيصل : اللي سمعتيه
رغد تذكرت حلمها ردت عليه بخوف : رجعني المجمع
فيصل : لا ما برجعك
رغد بخوف : طيب رجعني البيت
فيصل بحزم : لا
وقف فيصل السياره
.
.
.
فيصل : يلا وصلنا نزلي
رغد : ما أبي أنزل
فيصل عصب : نزلي يا رغيد أحسن لك
خافت منه رغد و نزلت
.
.
دخلها شقه مفروشه
رغد كانت خايفه يسوي فيها شي
دخل الشقه و هو معصب
رغد جلست و هي خايفه : طيب رجعني البيت
فيصل جلس على الكنب: فتحي وجهك
رغد : نعم وش تقول ؟؟
فيصل عصب : اللي أقوله فتحي وجهك
رغد : ما أبي أفتح وجهي
فيصل وقف وهو معصب : يعني حلال على غيري و حرام على ولد عمك ؟؟
رغد طالعته باستغراب : مين تقصد ؟
فيصل قرب منها و مسك يدها بقوه :قصدي يوسف
رغد بخوف : مين يوسف ؟
مسك فيصل شنطتها بعصبيه و طلع جوالها
: كم رقمك السري ؟
رغد : ما أبي أقول لك
فيصل معصب : قولي لا تخليني أسوي شي أندم عليه
رغد بخوف : طيب *****
فيصل حط على المكالمات الصادره
فيصل : و كاتبه عليه حبيبي بعد ؟
رغد : أيه أحبه
فيصل عصب : غبيه هو كان يبي يضيعك أنتي ما تفكرين
رغد : لا هو قال لي إنه يبي يتزوجني
فيصل : يكذب عليك أنا أعرف يوسف طايش يحب يلعب على البنات
رغد : طيب رجعني البيت
فيصل : فتحي وجههك
رغد : ما ابي
قرب منه فيصل و شال الغطا من وجهها
رغد مسكت الغطا بخوف
فيصل انصدم من شكلها عليها جمال رباني عمره ما شاف مثل كذا حس بالغيره عليها كانت متكشخه ليوسف الـح.......
فيصل : فسخي عباتك
رغد : فيصل خلاص حرام عليك
فيصل باصرار : فسخي عباتك
رغد قامت تبكي
فيصل رفع جواله و لقط لها صور بالكاميرا
رغد : حرام عليك وش بتسوي في الصور ؟
فيصل بحزم : بوريهم عمي
رغد بخوف : لا الله يخليك أبوي معه القلب لا يموت بسببي
فيصل : أنتي ما خفتي على شرفك
رغد نزلت راسها و هي تبكي : و الله ما ادري إن هدفه سيء
فيصل : دريتي و لا ما دريتي المهم حبيت أقول لك أنا أخاف على عمي أكثر منك أنا بمسح الصور بس بشرط
رغد رفعت راسها لفيصل : وش هو شرطك؟
فيصل : بكره العصر الساعه 4 بطلب يدك من عمي إن ما وافقتي علي بوريه صورتك
رغد نزلت لرجوله و هي تبكي : لا حرام عليك
فيصل يحس إنه قلبه يتقطع عليها بس حاول أنه يكون قوي قدامها
لازم يسوي كذا عشان يحميها من يوسف و من أي شخص ثاني هي بنت عمه عرضه و شرفه
فيصل رد عليها : و بعد أسبوعين ملكتنا بدون عرس باخذك على طول
ما في شهر عسل حدك الشرقيه أسبوع و نرجع
و ما بخلي عندك جوال و لا تزورين أحد إلا معي يعني بعاملك مثل الخدامه
رغد و هي تبكي : خلاص حرام عليك أعترف إني غلطانه بس لا تسوي فيني كذا
فيصل : أنا قلت اللي عندي و أنتي كيفك
المهم لبسي غطاك و خليني أوصلك البيت و فكري بكلامي زين
رغد كانت تمسح دموعها لبست غطاها
و نزلت مع فيصل من الشقه
و وصلها البيت
.
.
.
%%%
في الفيصليه
الساعه 8 الليل
الكل كان يدور على رغد
شوق : غريبه وين رغود ؟
أفنان : ما أدري وينها بدق عليها
دقت أفنان عليها بس كان مقفل
خالد : لقيتوها ؟؟
مها و ساره : لا
جا لهم سلطان : ما لقيتها
مشاري بتوتر : وين فيصل ؟
هنادي : ما أدري وينه
مشاري : يمكن يعرف وينها
دق على فيصل
رد عليه فيصل : هلا
مشاري : هلا فيصل شفت رغد ؟
فيصل : ايه توني موصلها للبيت
مشاري : ليه ؟
فيصل : شفتها تعبانه جالسه على أحد الكراسي و وصلتها للبيت قالت لي عشان أقول لكم بس نسيت
مشاري : أهاا طيب أنت وينك ؟
فيصل : أنا اللحين عندي شغل خل البنات يرجعون مع نايف
مشاري : طيب
راح مشاري للبنات
مشاري : لا تخافون فيصل وصلها البيت يقول كانت تعبانه
أفنان : غريبه هي آخر مره يوم كانت معنا ما كان فيها شي
شوق : يمكن جاها الربو
أفنان : يلا لازم نروح اللحين
شوق : يلا
.
.
أفنان : مشاري
مشاري : هلا
أفنان : خلنا نرجع البيت أخاف رجع لها الربو
مشاري : أوكي يلا
و طلعوا البنات من المجمع كل واحد وصل أهله نايف خذ معه حنان و منى
و هنادي رجعت مع خالد و مها و ساره لأنها بتنام عندهم و وجدان ما جات للمجمع لأنها كانت سهرانه لها يوم كامل
%%%
في التحليه
في سيارة ناصر
كان جالس جنب ناصر سعود و وراهم طلال و سلطان
سلطان : خلاص خلونا نرجع ملينا من التحليه
طلال : أي و الله طفشنا
سعود : ناصر ودنا عند الديوانيه
ناصر : أوكي
و راحوا للديوانيه ( ديوانية هيثم )
دخلوا عند الشباب
طلال : هلا بالجميع
ردوا عليه كل الشباب اللي عددهم حوالي 25 : هلا
سعود : هلا هيثم
هيثم : هلا فيك
سعود : شخبارك ؟
هيثم : أنا تمام ... سعود شكلك مروق بشرني وش صار عليك و على بنت عمك
سعود يأشر على جهة الخيمه: تعال خلنا نجلس ذيك الجهة و أقولك كل شي
هيثم : أوكي
كان هيثم أقرب صديق لسعود كل أسرارهم الشخصيه عند بعض
هيثم شاب ثري عنده ديوانيه و مزرعتين و 3 فلل في مناطق مختلفه كل هذا من ورث جده
لأنه كان الحفيد الوحيد و عطى ولد ولده كل شي بعد وفاة أبو هيثم عمره 25 سنه
جلسوا ناصر و طلال و سلطان مع الشباب
سمير : سلطان شخبارك قبل الملكه
سلطان : تمام و أنت شخبارك مع اللبنانيه
سمير : اسكت و اللي يحرم والديك لا تذكرني ما أدري شلون صرت غبي و خذتها
سلطان : هههههههه تستاهل تروح للبنان و تترك بنات بلدك
سمير : و الله أني متحسف المشكله إن عاداتهم غير تصدق يا سلطان تقول لي أبي أسوق سياره
سلطان : هههههههه سياره مره وحده
سمير : لا يا ليت على سياره تقول لي بيمر علي كايد ولد عمي عشان أتمشى معه
سلطان : مين كايد ؟؟
سمير : كايد ذاك اللي في الصالون عند جهة التخصصي
سلطان : ههههههههه طلع ولد عمها
سمير : ايه و الله حاله الظاهر أني بطلقها باخذ لي وحده من قرايبي أبرك
سلطان : أي و الله أقلها تعرف عاداتنا
ناصر : شباب خلونا نلعب بلوت
طلال : يلا من زمان ما لعبت
كل الشباب تجمعوا عند ناصر بعد ما كانوا أحزاب متفرقين كل واحد مع اللي يعرفه
جاوا لهم سعود و هيثم
مسك ناصر أوراق البلوت و بدا يوزع على الشباب
.
.
.
%%%
الساعه 5 الصباح
أشرقت الشمس على مملكتنا الحبيبه
في بيت أبو مشاري
كانت أفنان قاعده من النوم سرحانه تطالع فستان الملكه اللي شرته
كان لونه فيروزي ميدي من قدام و ذيل من ورا و فيه حركات شك
و داخله فيه أقمشه مختلفه في الأنواع و الألوان مررره فخم و راقي
شرت معه جزمه (أكرمكم الله) من ميلانوا مناسب مع الفستان
%%%
في غرفة رغد
رغد كانت تتظاهر قدام خوتها أنها نايمه بس هي ما ذاقت طعم النوم
كانت خايفه أن فيصل يوري أبوها صورها
و خايفه من الكلام اللي قاله انه بيجي اليوم العصر يخطبها
رفعت رغد يدها تطالع الساعه
في نفسها: الساعه اللحين 5 الصباح يعني بقى 12 ساعه على الساعه أربع يعني نص يوم الله يستر !!
%%%
نهاية البارت الثاني عشر