عرض مشاركة واحدة
قديم 08-01-11, 03:03 PM   #16

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

الجزء السادس عشر //////
خالد : طيب هذي خامس مره تقولي ترا عرفنا ماراح اجي عندك اصلا عندي مشوار
فارس : ايه تعرف فرصه مابي افوتها يالله ادع لي
خالد: فارس لاتتهور مع البنت
فارس : والله اذا هي راضيه لاتشغل نفسك فيها
خالد: الله يصلحك انت وغسان
فارس: هههههه من متى تنصح؟ بعدين خل غسان لحاله هذاك مابقا بنت الا وشبك معها
خالد: تعرف اني ماعمري لمست بنت صحيح اتعرف واشوف بس ماتماديت اكثر
فارس: يالله لاتعكر مزاجي باي
خالد: باي
ضرب هرن لرهف اللي للحين منقعته بالسياره ماجات
خالد كان متحمس للروحه خصوصا انه عرف ان شوق معهم
رهف ركبت السياره : تأخرت عليك
خالد وهو يناظر عبايه رهف الراس ومبسوط: لا عادي بس قلتي لهم اني انا اللي بوديك؟
رهف: ايه خلاص
من جهه ثانيه
شوق منحرجه: فشله يالجازي شلون يكون معنا؟
الجازي : يابنت الحلال خليه يجلس مع فيصل عشان مايزهق صح فيصل؟
فيصل: أي والله عالاقل مادور معكم كأني حمار
الجازي: ههههه محشوم يافيصل الا رجال عن سبعه رجال
شوق : بس لاتنفخينه علينا
/
/
/
اسيل ركبت سياره فارس السبورت وهي بكامل زينتها
اسيل: مساء الخير
فارس : يامساء الورد هلا وغلا اخيرا شفتك ياحياتي
اسيل بدلع: خلاص يالله خلنا نروح عشان ارجع بدري
فارس بزعل: مو تقولين ان اليوم مافيه احد
اسيل : أي بس مابي اتأخر احسب مشوار المطعم وترجعني وكذا يعني يبي لها وقت
فارس فكر بخبث: اوووووووووه نسيت بوكي في الشقه حقتنا
اسيل: حقتنا؟
فارس : أي ياحياتي مادريتي اني اشتريت شقه لنا انا وانتي لتزوجنا
ناظرت اسيل في عيونه بحب : صدق؟
فارس : أي وان شاء الله بكتبها بأسمك
اسيل: انت تدري مايهمني الفلوس اهم شي انت
فارس وهي يلف : يالله برجع اجيب بوكي
اسيل: مو لازم خلاص انا عندي
فارس وهي مبوز: لاتقولين هالكلام مستحيل اخليك تدفعين شي وانا موجود
اسيل: كلنا واحد ياقلبي
فارس وهو يحط ايده على يدها: ادري بس دامك معي ابيك بس تطلبين وتامرين
اسيل ابتسمت وضمت يده بقوه
/
/
/
وصل خالد وكلم فيصل وتلاقو عند محل نكتار اللي في مارينا مول، على طول شوق حست بنفس الرجفه اللي يوم شافته وانخشت ورا الجازي ولان الجازي معروفه بطولها عرف شوق على طول
خالد انتبه لها وهو بقلبه فرحان لانه عرف انها انسانه محترمه واخلاق ، كانت الجازي معه وفكره مع شوق تعجب من نفسه كيف هالبنت قدرت تنسيني الجازي

خالد: خلاص خذوا راحتكم واحنا بنجلس هنا بالكوفي
رهف : ان شاء الله بس انتبه لجوالك مو تنسى منه
فيصل وهو يكلم شوق : شوق خذي البطاقه لاتضيع تراني اعرفك مهويه وماتحسين بنفسك لي تسوقتي
شوق انحرجت ومدت ايدها وخذتها وهي منزله راسها
الجازي وهي تمزح: الله وش هالادب وين اللسانك ؟
شوق : انطمي وخلينا نخلص رهف اول
رهف : ههههه يالله بنات ماعليه بتعبكم
شوق : افا عليك تعبك راحه
وبتدا التسوق وكل وحده مثل الفراشه تدور عشان يخلصون بسرعه
/



/
/
هذي عاشر مره تفتح جوالها تبي تشوف عبدالله اذا رد عليها كانت جالسه في الصاله مع ام عبدالله
ام عبدالله: وش فيك ياوضحى شكلك تعبانه لايكون احد سكك بعين بعد العرس
وضحى ابتسمت لها: لا بس فيني خمول من تعب العرس
قامت تبي تصب قهوه لها وحست مثل الدوره
ام عبدالله : بسم الله عليك
تحركت ام عبدالله بصعوبه عشان رجولها تألمها وضمتها
وضحى: يمه مافيني شي لاتخافين
ام عبدالله وهي تبكي: تفكرين انك مو غاليه علي ، يابنيتي صدق اني كنت ازعلك بالكلام لكن وربي انك اغلى من بنتي ، انتي اصيله ولو يلف الدنيا عبدالله ماحصل مثلك
وضحى: وانا عمري مازعلت منك يمه انتي ام الغالي لو تشربين من دمي مازعلت منك
ضموا بعضهم وهم يتمنون لو عبدالله هنا يشوفهم وشلون علاقاتهم زادت
دق جوال وضحى وبسرعه سحبته من على الطاوله لكن شافت اسم راكان ردت عليه وطمنها ان صقر قبل ساعه وصل لانه كلمهم وحب يطمن اخته
/
/
/
اسيل: بتتأخر؟
فارس : بس بجيب البوك وارجع لك تبين تنزلين معي ؟
اسيل وهي متردده وخايفه : مايحتاج
فارس: ماتبين تشوفين الشقه ؟
اسيل: بعدين عشان مابي نتأخر
فارس بعتاب: ماتبين تتأخرين ولا خايفه مني؟
اسيل: لا بالعكس واثقه منك بس
فارس : على راحتك حبيبتي
اسيل حست انها خايفه اكثر من الازم هي تحبه وتثق فيه ومو من الشباب اللي يحن على شوفتها يعني طمنها هالشي وطمنها اكثر انه ماصر على نزولها دارت بعيونها في المكان وخافت من الرايح والجاي وقبل مايسكر الباب وكأنه متأكد انه بتجي: فارس!!
فارس دخل راسه: هلا
اسيل :لحظه بنزل معك
فارس ابتسم بخبث : يالله عشان مانطول
دخلت معه الشقه وسكر الباب بهدوء وهي تتلفت للمكان كانت شقه صغيره بس كلاسكيه كل شي فيها انيق
فارس وهو يمسك ايدها : اعجبتك ؟
شالت اللثمه : مره حلوه والاناره هاديه
فارس : طيب خذي راحتك شيلي الشيله
شالت الشيله وحركت شعرها القصير اللي قاصته اناناس بنعومه
فارس مات على حركتها بس مسك نفسه: بروح اجيب البوك من الغرفه واجيك
هزت راسها اسيل وهي تتحرك بالصاله وتدخل المطبخ وفتحت الثلاجه وشافت عصير صبت لها كوب لانها حست بعطش
فارس جلس بالغرفه وتعمد يتأخر وهي جلست تتنظر لين ملت وجات لعنده وانبهرت بالغرفه
كان يغلب عليها اللون الاحمر والابيض والاناره معطيتها اكثر جاذبيه
اسيل: اسفه بس تأخرت
فارس وهي يسوي نفسه يدور: مالقيته مادري وين حاطه
اسيل : طيب ادفع انا بعدين اذا لقيته رجع لي عشان ترتاح
فارس : على بالك تمشي علي هالحركات
قرب منها بكل هدوء : ياقلبي تدرين انك حلمي اللي تمنيته وكأن الله اهداني وجابك لي من السما
اسيل بكل رومنسيه : وش اقول انا ؟ انت كل وحده تتمناك طيب رومنسي وماعمرك زعلتني ، كنت تسمعني اذا كنت محتاجه احد يسمعني ، غرقت عيونها
وكملت تعرف ابوي مايهتم فيني يابشغله يامسافر لزوجته الثانيه وامي اللي اخر همها بالرغم اني انا الوحيده لها ، فارس كنت محتاجه لهذا الحب ومحتاجه احد قربي ولقيتك وماخيبت ظني فيك
فارس كان مبسوط وهو يسمعها وهذا دليل على انها تأثرت وبدت تنسجم وناظرها وهو مركز عشان يبين انه مهتم فيها
كملت اسيل اللي كانت تعاني من الفراغ العاطفي وانشغال ابوها وامها عنها ودمعت
فارس ضمها وجلس يمسح على ظهرها بحنان : خلاص انا امك وابوك وحبيبك وكل شي بس مابي دموعك
اسيل زادت وضمته اكثر وكأنه شي خايفه تفقده واستغل هالنقطه وبدأ ينفذ اللي في باله وكان الشيطان ثالثهما
وبكل سهوله سلمت نفسها له 
/
/
/
تحرك صقر على الجهه الثانيه بعده قام لانه حس نفسه انها من زمان وهو نايم فتح جواله ولقا السعه 7 باليل
: اوووف كل هذا نوم ناظر جنبه مالقى الريم وفز بسرعه وفتح الباب وشافها نايمه على الكنبه وشعرها الليلي طايح كله على وجهه
قرب منها : يالله نايمه هنا
رجع ودخل الحمام وضى عشان يصلي الصلوات اللي فاتته
وقرر يصحيها عشان تصلي يطلعون
صقروهو يشيل شعرها على وجهها ( مااسرني الا هذا الشعر ): الريم اصحي يالله بسك نوم
الريم فتحت عيونها وعقدت حواجبها : كم الساعه ؟
صقر: 7 بالليل
الريم فزت: يعني راحت علينا كل الصلوات ؟
صقر: ماعليه اقضيها ويالله عشان نطلع نتسوق ونتمشى شوي
الريم : ان شاء الله
خذت المخده ورتبت البطانيه
وصقربدا يصلي
وهي راحت تغير ملابسها وتوضت وصلت وطلعوا راحوا للمطعم عشان ياكلون بعدين يتسوقون
واحلى شي بالموضوع انه مشي مايحتاج سياره
صقر: فيه هنا مطعم لبناني دايم اجيه يوم كنت هنا
الريم : اوووه انت جيت هنا
صقر ابتسم: ماتعرفين ان زوجك درس واشتغل هنا عشر سنين
الريم : انت كنت متغرب هنا ؟
ناظرت حولها مالومك اجل المكان مريح رغم اني كنت متخوفه من المكان بس حسيت براحه وانا اشوف هالعوايل وباين انهم عرب
حست ببرد لانها لابسه عبايتها لان ماعندها بالطوا يدفيها
فسخ جاكيته الجلدي وحطه على ظهرها ومسك ايدها
الريم نتفست عطره نفس العطر اللي اختارته له: بس برد عليك
صقر: لا انا متعود على هذا الجو بعدين مو حيل ترى الحين حلو
الريم: هههه تعرف بالنسبه لصيف الشرقيه ثلج
صقر طالعها وهو مبتسم باين انها مروقه)

دخلو المطعم تعشوا وراحو للسوق هيرني وخذت لها ملابسه حلوه مايحتاج ذوقها يهبل الريم وجاكيتات طويله عشان ماتضطر انها تلبس عبايه

كان صقر يشاركها الراي ويختار معها الالوان وهالشي ساعدها
استانسوا وهم يتمشون لكن مشى الوقت بسرعه ورجعوا البيت على الساعه 1:30
الريم وهي تجلس على الكنبه وتحط الاغراض وتفسخ الشيله والتوكه : اوووووووف تعبت
صقر : عاد انا متعود أمشي
الريم : رياضي ماشاء الله عليك انا كله من الكعب
رفعت رجولها تدلكها
اخر مره البسها تعبتني
صقر ابتسم :هذا حالكم يالحريم
الريم : ههه والله من طولي الزايد أ لبس احس اني اصير قزمه عندك عشان كذا كل النعالات اللي خذتها كعب
صقرجلس جنبها وهي تفحص الاكياس وتفتحها
بعدين قالت: مادري انت طويل بزياده ولا انا قزمه؟
صقر : ههههه لالا طولك زين وسط بس انا اللي طويل
الريم بعفويه طلعت اللسانه وهي تبتسم : شكيت بنفسي
صقر شال الاكياس منها ومسك ايدها والريم انحرجت : يعني انبسطتي اليوم؟
الريم جزء من شعرها مغطي وجهها : ايه الحمدلله مشكور
رفع شعرها لكن كأنه يعانده رجعت تنزل والريم دقات قلبها ترقص ، شالت ايدها من ايده وفتحت الشنطه خذت توكه ورفعته على فوق بحركتها المفضله وبان وجها البيضاوي اكثر ، شالت الاغراض : بروح ارتبها
جلس صقر يطالعها لين دخلت الغرفه
الريم سكرت الباب وجلست وراه وللحين داقات قلبها ماهدت ( مدري ليه اتوتر اذا عاملني كذا ؟ لاني اخاف ان بعد هدوءه عاصفه )
رتبت الاغراض ودخلت خذت لها دش سريع ولبست بجامه حمرا ثقيله توها شاريتها لانها تحس الجو فيه بروده وحطت روج احمر وكحل من داخل وتركت شعرها اللي شبهه مبلول بس لبست تاج احمر نعومي فيها ورده على جنب كانت تهبل طشت من عطرها
طلعت وهي شايله المخده والبطانيه وشافته جالس يفر في التلفزيون
كان صقر يفكر فيها شلون كانت رايقه وعفويه والابتسامه ماغابت عن فمها ، حس انه طاير من الفرحه معها
قطع تفكيره ريحة عطرها اللي سبقها والتفت جهة الباب
صقر رفع حاجبه مبهور من شكله لكن استغرب وش شايله :...
الريم وهي مبتسمه:لاتخاف بسهر ماراح انام قبل اصلي بس اجهز؟
صقر فتح عيونه زياده : وش هاللي في يدك؟
الريم نزلت راسها وبرائه : بطانيه ومخده

صقر: الريم انتي زوجتي حلالي يعني فاهمه مايحتاج اقولك؟

الريم حطت اللي بيدها وهي ساكته
صقربهدوء : الريم رجعيها الغرفة
الريم للحين منزله راسها : ماعليه ابي انام هنا اليوم
صقر: يعني هالكنبه مريحه اكثر من السرير؟
الريم: ....
صقروهو يوقف: الريم ترى حقي اذا ماخذته اليوم باخذه بكره واذا مو بكره بعده
الريم شب وجهها وسكتت
صقر: فاهمه ؟الا اذا ناويه تحرميني من حقوقي فهذا شي ثاني؟
الريم بصوت يرجف: ماعليه صقر بس عطني فرصه لين اتعود عليك
صقر هز راسه ومشى من جنبها عشان يبي يتروش ويبدل وهي ماصدقت راح جلست على الكنبه وهي ترجف
اما صقر دخل الغرفه وهو معصب بس جلس يهدي نفسه لانه يبي يقربها منه مو يبعدها
الريم جلست تفكر بالموضوع حست بصعوبه الموقف ، ماتقدر تعطيه أي شي وهي للحين تحس انه غريب عنها ، صحيح بدت تميل له بس مو لهالدرجه

صقر قبل مايدخل الحمام وعشان يبين انه مو زعلان منها رجع لها : خذي جوالي وكلمي هلك اذا تحبين


الريم ابتسمت ونست تفكيرها بمجرد ماطرى هلها

دقت على البيت ، ردت امها وكانت وضحى عندهم لان ام ماجد تبي تروح عند بنتها وقالت من مره اروح لهلي
سلمت عليهم
الريم خدودها توردت: وضحى وش هالسؤال؟
وضحى: يوه يالريم عادي مو انا اختك الكبيره ومن علمك الاساسيات هاه؟ بعدين امي قلقانها وتبي تعرف
الريم: وضحى خلاص تطمنوا لاتحاتونا احنا متفاهمين ومبسوطين وبالنسبه لسؤالك ماراح اجاوب عليه يالله سلمي على ابوي وجراح وراكان وكل العايله الكريمه
وضحى: شوف النذله
الريم: ههههه وقولي لشوق تحاول تشبك لاني جبت الاب توب حقي يالله سلام
وضحى: هين يالريم باي
جا صقر وهو يشوف الريم للحين وجهها احمر وباين انها منحرجه من شي
صقر: اخبارهم بشري؟
الريم : بخير يسلمون عليك
جلس صقر وحط على فلم اجنبي : بكره ان شاء الله راح نطلع بدري بس ماراح اخليك تنامين الا بعد الصلاه
الريم طالعت الساعه : أي والله كفايه امس مفوتين اربع فروض
صقر: قولي رايك بألمانيا بوجهه عام
الريم ابتسمت وتربعت: اممم انا بلد اجانب ماحبها بس اول ماوطت رجلي بمطارها وشفت شوارعها فيها شي خلاني ارتاح
صقر استنانس: يعني بتغيرين نظرتك للخارج ؟
الريم: هههه بس ألمانيا وهذي المدنيه غيرها لا
صقر: ان شاء الله راح تحبينها مثلي واكثر بعد لاني بكره بطلعك اماكن حلوه ورايقه
الريم :ان شاء الله بس نبي من بدايه النهار عشان اشوف
صقر : اكيد
واستمر الحديث هادي بين الطرفين وكل واحد يقول اللي يحب ويكره الين جا وقت صلاه الفجر وناموا بس صقر خلى الريم تنام بالغرفه مارضى يخليها تنام على الكنبه

/
فارس شاف اسيل اللي من بعد ماصار اللي صار كانت نفسيتها زفت
فارس: ليه حبيبتي مسويه كذا بنفسك؟
اسيل وهي تصيح: فارس احنا تسرعنا ماكان مفروض نتمادى اكثر
فارس وهو يضمها يهديها: لا حبيبتي لاتقولين هالكلام انا اوعدك اول مايجي ابوك راح اخطبك رسمي
اسيل: بس ابوي شكله مطول
فارس بفرح من داخل: متى يعني بيجي؟
اسيل وهي تمسح خدودها: ثلاث اسابيع تقريبا
فارس: ماعليه تحملي تعرفين ماقدر اخطبك الا منه
اسيل هدت شوي
فارس: بعدين اسيل حطي في بالك ان اللي صار بينا يصير بين كل اثنين يحبون بعض ، يعني انتي كان طلعتي مع شخص غريب وسويتي هالشي
اسيل : لا طبعا
فارس : ادري ياحياتي ثقتي فيك مالها حدود بس ابيك تعرفين ان اللي صار من كثر مانحب بعض طيب
اسيل ابتسمت له وهزت راسها
فارس (ههههه والله يافارس وقدرت تقنعها بسهوله هي بين يديك تمتع في جمالها ثلاث اسابيع )
/
/
/
حطت اللمسات الاخيره على وجهها ورشت عطر وناظرت نفسها نظره اخيره
اليوم جراح جاي عندهم ولازم يشوفها حلوه
دق جوالها وعرفت انه وصل وبسرعه انزلت عشان تفتح له وتستقبله
ام صقر: يابنت اركدي تبين تطحين ؟
الجازي : ههه جراح تحت
ام صقر: ههههه الله يسعدكم روحي افتحي الباب هذا هو يدق
الجازي افتحت الباب
جراح كان جايب ورد احمر : مساء الخير وهذا الورد للورد
الجازي ابتسمت له: مساء الخير
خذت منه الورد وسلمت عليه ودخلته المجلس وجات ام صقر وسلمت عليهم واستأذنت
وجلسوا يسولفون واحلى كلام تنطقه شفات العاشقين
/
/
/
كان خالد يكلم شوق
خلود صدقيني احس بمشاعر اتجاهه والمشكله وهو مادرى بسوقي وشكل سالفه سلطان بتكرر مره ثانيه
حس بغيره خالد من سلطان مايدري ليه
مو تقولين ماعاد يهمك سلطان؟
ايه صحيح وهذا اللي اللي احس فيه يعني مو مثل اول ياخلود انا حبيت تعامل سلطان مع اخته اهتمامه بس مو مثل خالد فيه شي جوات قلبي يخلني انجذب له
آآآه ياخلود مادري وش اسوي بالمشاعر اللي داخلي
انبسط خالد على كلامها
بسم الله عليك من الاه ، وش دراك يمكن حتى انتي عجبتيه
اقول لاتدخلين امل بحياتي بحاول قد ماقدر اتناساه بعدين اخته بتتزوج وتسافر ماراح اسمع عنه شي يعني بساعدني هالشي
شوق حبيبتي !
هلا خلود ياصديقتي وكنزي اللي لقيته واختي اللي ماجابتها امي
هههه كل ذا انا
واكثر ماتتصورين وش قد ارتاح لما اطلع كل اللي بقلبي لك
بس ماشاء الله عليك كثير بنات ينحرفون عشان يشبعون العاطفه اللي بداخلهم
بسم الله علينا منهم مستحيل ارضاها على نفسي وين خوفي من رب العالمين اصلا شلون بطالع هلي وارفع عيني بعينهم وانا اخون ثقتهم
خالد ابتسم كل ماكلمها اعجبته اكثر واصر على قراره اكثر واكثر
قولي امين ياشوق
شوق امييييييين
انك تأخذين خالد ويسعدك ربي معه
هههه لاتحرجيني بس الله كريم
هههههه ياحبي لك
/
/
/
مضى اسبوع بسرعه وكان صقر والريم يصحون 10 الصباح ولايرجعون الا 12 الليل
كانت الريم مستانسه ان علاقتها بصقر تحسنت وشبهه مستقره وصقر نفس الكلام اذا شافها مبسوطه يحس انه ملك الكون كله
اكثر شي اعجب الريم وانذهلت فيها يوم راحت قصر (nymphenburg) نيمفنبورغ كان القصر قمه الروعه وفيها حديقه واسعه وبحيرات عكس جمالها اللون السما الازرق وكان الجو روعه يميل للبرود
وداها صقر قصر شيلشايهم وهذا القصر مشهور بزخارفه الفنانه
كانت الريم سعيده وهي تشوف هالمناظر والطبيعه الخلابه
واحلى يوم عندها يوم راحوا مدينه بفااريا اللي تعرض افلام واللي يدخلها كأنه معهم في الفلم
دخلوا مطعم عشان يتعشون فيه بعد المشوار اللي قضوه في قصر الاحلام اللي انذهلت الريم منه
كان على اسمه وكأنك وانت تدخله في حلم
الرسومات والاثاث كان شي خيال وكل زوايه من القصر يطل على منظر طبيعي
الريم وهي مبتسمه: يالله يالتني اسكن فيه
صقروهو يمسك ايدها: هههههه شكلك للحين تحلمين
الريم : والله يجنن ماتوقعته كذا
شافت الريم بنتين وحده منهم تناظرها بحقد وكره واستغربت منها الريم بس ماعبرتها وشوي توقف هذي البنت وكانت تشبه امل حجازي واجد نفس لون شعرها وطولها وجسمها ولابسه بنطالون جينز ضيييق بدي اسود لاصق في جسمها وقصير يعني يبين شوي من بطنها لان المطعم دافي واكثرهم يفسخون جكاتيتهم
صقر انتبه لريم وهي تطالع وراه وناظر وراه وياليته ماشافها وقف
.... ابتسمت ابتسامه وسيعه: بنسوااااااااار ماعم سدء صئر هوني بالمانيا لك اشتئت لك وضمته بقوه
صقر وهو يحاول يبعدها منه : هلا دارين
دراين: لك منور يائلبي وينك ماعم تتصل وتسئل ولو صئر
صقر توتر وناظر الريم اللي كانت متفاجأه باسلوبها الوقح واللي قهرها اكثر انها ماحترمتها
: دارين اعرفك على زوجتي وحبيبتي
دارين تغير وجهها لكن سوت نفسها انها توها تنتبه: اووو اهلين وسلمت عليها بطرف اصابيعها
الريم حست بنار تكوي قلبها ، وهذا دليل على الحب وبدايه الغيره لكن كلمه حبيبتي ريحتها وحست بفرحه يوم سمعتها
صقر: اخبار جوزيف؟
دارين وهي تجلس من غير ماتستأذن : بخير يعني مو عارف انك هوني
صقر: لا كنت بسوي له مفاجأه
الريم كانت تراقب كلامهم بهدوء وحاسه بتوتر صقر لكن من داخلها بركان وتحاول تجامل وتبتسم له
صقر وهو قاصد يسوي هالحركه مسك ايد الريم وهو مبتسم ومركز بعيونه على الريم: تعرفين جاي شهر العسل انا وحبيبتي وابي اوريها وين كنت مستقر
دارين انقهرت اكثر لانه يبين انه يحبها وقفت بسرعه: هني لها يالله بشوفك وهي تطالع الريم بحقد ياحبيب البي
وراحت مع صديقتها اللي كانت تنتظرها عند الباب

صقر وهو ياكل:هذي اخت صاحبي اللي درست معه بالجامعه لبنانين مقيمين هنا
الريم وهي تسوي نفسها مو مهتمه: مبين من لهجتها
صقر يالله نرجع البيت احس ظهري يوجعني
صقر حاس انها متضايقه لانه باين من وجهها لكن ماعلق : اوك يالله
حاسب ورجعوا الفندق
كانت الريم فعلا تعبانه مشت كثير اليوم وموضوع دارين حرك غيرتها على طول راحت الحمام وتروشت وبدلت ملابسها ونسدحت على السرير وهي تتألم
الريم : آآه بطني
قامت تدور سابفوين لانها متعوده عليها اليومين الاولى انها تبلع هالحبوب لكن ماحصلتها
وقف صقرعند باب الغرفه متردد هو يبي يفاتحها بموضوع دارين بس مايبي يكبر السالفه لانها ماتعني له شي باختصار وفي نفس الوقت يبي يفاتحها بموضوع النوم لانه تعب من الكنبه كسرت ظهره
سمع ونات وخاف وبسرعه دخل : الريم ؟
شافها متلحفه ومنكمشه على نفسها بعدين قامت : ايوا صقر
صقربخوف: وش فيك ؟ ليه وجهك احمروتبكين
الريم وش تقوله متفشله منه: لا عادي مافيني شي
صقر: الله يهديك اسمعك تونين وتبكين وتقولين مافيني شي
الريم وهي ماسكه بطنها : لا بس عوار في بطني وبيروح شكلي كثرت اكل
تذكر صقر انها ماتعشت واجد واستغرب
( لايكون تضايقت من دراين ؟ هذا اللي ناقصني دارين تخرب علي علاقاتي بها ماصدقت على الله تندمج معي هالاسبوع )
قرب من عندها وهي يسمح بيده على وجهه لكن الريم بسرعه بعدت منه وراحت الحمام تستفرغ
صقر فتح عيونه وعلامات الدهشه تكسي ملامحه: وش فيها كانت زينه الله يخسك يادراين
، يمكن دخلها برد ، ولاماناسبها الاكل الايراني
؟؟؟؟؟؟؟
خرجت الريم وهي تعبانه وبردانه ساعدها صقر ولحفها
صقر: الريم اوديك المستشفى شكل دخلك برد
الريم بتعب: لالا بيروح بس ابي سابفوين مدري وينه ؟
صقرعصب: على كيفك تاخذين حبوب وتبلعينها قومي اوديك المستشفى
الريم تحاول تفهمه : ياصقر متعوده انا اذا اوجعني بطني اخذها
صقر مدلخ ومعند: لا مو زين يالله البسي عشان اوديك
الريم وهي منحرجه: صقر !!
صقر ناظر فيها يبي يفهم ليه مو راضيه: وش فيك صحتك بالدنيا عندي
الريم حست انها محتاجه حنانه غرقت عيونها ونزلت راسه وهي تحس بالم اكثر وفي نفس الوقت منحرجه : طبيعي هالالم كل شهر يجيني
صقر عرف وطق راسه على دلاخته شلون مافهم مسك ايدها : مابينا احراج يالريم انتي زوجتي كان قلتي من اول
صقر كان وده يضمها عشان يشيل هالاحراج والتعب اللي فيها وبلحظه طالعت فيه وانزلت دموعها جن جنونه وعلى طول مسحها وضمها بقوه: لا حبيبتي ماقدر اشوفك تبكين
الريم حست انها محتاجته وتأكدت انها صارت تحبه وضمته اكثر واكثر
استمر هالوضع لين نامت لحفها وراح الصيدليه مايتحمل يشوفها تتألم .
/
/



/
/
اليوم ملكه وزواج رهف العائلي كانت خايفه ومتوتره وماغاب تهديد غسان عن بالها قررت انها تكلم ياسر قبل ماتسافر تقوله كل شي عشان ترتاح وتوقف غسان عند حده
ارتاحت وهي تشوف الكل حولها خصوصا وضحى اللي ماقصرت معها هي والجازي وشوق
شوق: بنت خلاص مو ماكلك
الجازي : اقول اسكتي مابعد تجربين الشعور هذا عشان كذا ماتكلمتي
رهف وهي مبتسمه وخايفه : ههه حرام عليكم لاتتخانقون عندي
وضحى: ماشاء الله رهف طالعه باربري
رهف ناظرتها بمتنان: صحيح؟
البنات كلهم: والله
رهف: طيب خوفتوني بسم الله
انطق باب الجناح حق رهف ، وبسرعه راحت شوق وافتحت الباب وهي تضحك على رهف لكن شافت قدامها خالد
خالد انبسط وين حظه يشوفها وبكامل اناقتها وهي على طول سكرت الباب في وجهه
وضحى: يمه شوق وش فيك؟
شوق: اخو رهف برا
وضحى: اوووه سوري نسيت انه ينتظر وجيت اقولها تطلع له لانه يبي توقيعها
شوق : وانا كلتها ياعمتي العزيزه
رهف : حصل خير
راحت وقعت وقالها تنزل بعد شوي وباله مع شوق اللي صار يحبها لحد الجنون
دخلت رهف وسلمت على اهل العروس واللي استانسوا انها كذا معهم كانت متقبلتهم وتكلمهم باحترام
كانت رهف تعرف نوف معرفه سطحيه في الجامعه
نوف : هاه يامرة اخوي كل شي تمام؟
رهف ابتسمت وباست بنت اختها الكبيره اللي كانت بحضنها: أي الحمدلله
جات ام ماجد وقالت ان ماجد وخالد يستونها برا
على طول مسكت ايد نوف لانها جنبها
نوف: اهدي حبيبتي اخوي مايحتاج امدحه ترى هو متفهم وشكله يريح الواحد الله يرحمك يايمه كان نفسها تشوفه بهاليوم
وقفت رهف وهي تتذكر شكله فعلا كلامها عنه صدق ابتسمت لهاوهي تقول : الله يرحمها
وطلعت مع امها وشافت اخوانها ينتظرونها دخلت المجلس وسلمت عليه
ماجد: اقول يالحبيب لاتسوي فيها ملتزم قدامنا ومن ورانا غيرههههههه
ياسر: هههههه الله ياخذ عدوك روح خلني مع مرتي شوي
خالد: هذي طرده عينك عين
ابتسمت رهف من سوالفهم ، لكن اختفت الابتسامه وحلت محلها الخوف وهم يرحون اخوانها ويتركونهم لحالهم
ياسر قرب وجلس ملاصق لها ومسك ايدها اللي كانت مشبكتها من التوتر : اهدي شوي حبيبتي
رهف رفعت عينها وهي متفاجأه :...
ياسر: لاتستغربين أي حبيبتي انتي كنت في بالي من يوم كنتي صغيره والحمدلله صرتي من نصيبي كنت خايف ارجع بعد دراستي احصلك متزوجه لكن ربي كاتب تكونين لي باس ايدها وهي تحس بالعار من سوايها قبل
ياسر: صحيح اني ملتزم مو مبين علي اني احب لكن في الاخير انا لي قلب وملكتيه
رهف حمدت ربها على هالزوج الطيب بس قررت تتكلم لانها ماتبي تخدعه وتبي تكون واضحه معه
: ياسر؟
ياسر انبسط انها تكلمت معه: عيونه
رهف: بغيت اصارحك بشي عن حياتي قبل وياليت تسامحني كنت مراهقه ومالقيت اللي يوعــ
قطع عليها ياسر: اشششششش لاتتكلمين عن شي فات كل انسان فيه عيوب وانا يهمني انك عرفتي عيوبك وصلحتيها
رفعت عيونها مستغربه يعني يعرف انها كانت مو زينه اول لهالدرجه سمعتها شينه ولهالدرجه راضي بعيوبها: بس
ياسر قبض على يدها : خلاص رهف انا شفت بعيني انك متغيره وان شاء الله اقدر اسعدك
رهف حست ان الدنيا مو ساعيتها من الفرحه
ياسر: يالله نروح الفندق لان طيارتنا الفجر
راحت رهف وسلمت على اهلها وهي متطمنه من علاقتها بياسر على احسن مايكون
/
/
/
رجع سلطان للبيت وخذ اغراض وملفات من السياره كان حاطها بالسيت اللي ورا
لكن شاف بوك مايدري من هو له قرر يفتحه
كان البوك فيه صور عمه وفارس وصور بنتين صغار شاف بطاقه صراف وبطاقه جامعه وشاف الصوره قبل يقرا الاسم كانت صوره بنت مملوحه واكثر شي حلو فيها عيونها العسليه الناعسه قرا الاسم وعرف انها ريناد
تذكر يوم طاحت شنطتها
سلطان: اوووه صار لها اسبوع معقوله مافقدتها
ابتسم وجلس يتأمل الصوره مايدري ليه ماغض البصر
خذه وعطاه ليان اللي كانت تكلم شوق وتقولها تفاصيل ملكه رهف
ليان : شوي شوق
هلا سلطان
سلطان: خذي هالبوك شكل ريناد ناسيته صارله اسبوع
ليان وهي مستغربه: ناسيته ؟
سلطان: أي في السياره يوم زواج الريم
ليان : اهااا خلاص بكره بتجينا حطه على المكتب بعطيها مشكور
سلطان: تصبحين على خير
ليان وهي تكمل محادثتها وانت من هله ياقلبي
/






جرح الذات غير متواجد حالياً  
التوقيع
رد مع اقتباس