[روح روحي بوفيصل]

الـبــارت الـثــالــث
وفي العشاء رحت تمشيت بالشيلة حقتي وإلا في وجهي يطلع ...جاسم..جاسم ولد خالي محمد..
نزلت عيوني وحطيت الشيلة فوق راسي..
جاسم:مكان قصدي العفوا..يابنت الخالة
سارة"متفاجئة انه عرفني":عذرك معك يالولد الخال"وهو يطالع فيني ومنزل عينه عني"...
جاسم:عن إذنك..يا سارة..
في هذه الوقت استغربت مليوون مرة كيف عرف اني سارة مو ريم ولا حنان ولا...ولا...ولا وحده من الضيوف شكيت قلت يمكن شافني او يعرفني من خواته..
سارة بدلع عفوي:اذنك معك..
وسرت قدام ودخلت المطبخ... شفت امي تعمل مع خالتي منيرة وغادة مشخول باللحم.. وانا جيت بقعد يم البنات تدرون كلا في المطبخ..إلا مسكتني غاده.. غادة:على وين؟؟
ساره:بجلس اسولف مع الصبايا..
غاده:لا ماحزرتي..بتساعدينا ع العشاء يلا..وش تبين تسوين؟؟
سارة"ابتسمت في وجهها":اسوي معكرونة بالباشميل...
غادةبمزح:حلو..وبعد.. ولامنتي مسويه بعد..
سارة حسيت انها بتضربني وباندفاع:إلا وبسوي البف باستري بالجبن..وحلى
غادة:أي ع بالي بعد..لازم الحلى...
سارة:أي هذه اهم شيء عن الرجال..
غادة:أي والله..فهد يحب الحلى موووت...
سارة:اي "وانا ابتسم"..
وغادة مقصرت ساعدتني في البف باستري والحلى.حسيت اني جايه كلا لطبخ وبس..كنت بعارض بس حسيت انها مصره اني اسوي شيء...
وفي الصاله..
كريمة: حنان... ماما تبيك احين...
حنان:انزين بروح..
ام فيصل:من الاكبر فيكم انتي ولاحنان..
ريم:لا هي اكبر مني باربع سنوات..
ام فيصل: أي ماشاء الله..
رغد:وانا الصغرى فيهم..
ام فيصل:اها..وساره بعدك ياريم.. رغد:صح..
ريم حست شوي ان ام فيصل تبي تقول شيء بس متكلمت ريم(ليه ام فيصل مهتمه باسارة كذا..ليكون بس)وقامت تضحك مع نفسها..
رغد"تساسرها":وش بلاك..صرتي مجنونة..
ريم:اسكتي..انتي مالك خص فيني اضحك ابكي ابتسم انتي مالك..
وفي مجلس الرجال..
ابو عبدالله:اقول طلبتك لاتردني ياابو جاسم..
ابو جاسم:انت تامر..
ابو عبدالله:طلبت بنتك نوف لولدي عبدالله..
ابو جاسم:وهذه الساعة المباركة..
ابو حمد:خير مخترت يالمبارك..بالمبارك
منصور"يسلم على عبدالله":مبروك يابو الشباب
عبدالله"مبتسم حده":الله يبارك فيك..عقب بالك..
منصور طالعه من قلب:آآمييييييين..
الكل:ههههههههه
ورن جوال ابوجمعان..ابوجمعان:هلا.. خلاص اخلي ماجد وعبدالله يجيكم..يلا
ابوجمعان"بصوت شبة عالي":عبدالله..عبدالله ماجد وينكم ياعيال..
عبدالله ولد مبارك: ع بالي انا بعد..
ابوجمعان:لا قصدي اولدي انا..
فهد:ليه الاسماء متكررة عندكم..
ابوحمد:على اسم الجد..
فهد:ههههه اجل بتعانون خصوصا أن عبدالله كلهم موجودين..
ابوعبدالله:أي والله وانت الصادق...
وفي المطبخ...منيرة:كريمة يلا نادي البنات يسعدونا..
لبست ريم الشيله مشان تعطي عبدالله وماجد الصحون..
ورحت انا قومت مرت خالي عائشه من النوم مشان تاكل..ورحنا كلنا..
وجات الساعة 8:30 قدمنا الحلى، حلى انا سويته وحلى سوته ريم بمساعده حنان وغادة عملت حلى بعد..
وقدمنا لرجال والنساء..طبعا ما يخلى من الضحك والسوالف..
اليوم الثاني..صحيت الساعة 9:25 دقيقة رحت استحميت وسرحت شعري ولبست بنطلون رمادي علا الدين وبدي بيضاء فيه رسوم وكتابات باللون الرمادي وسيحت شعري وحطيت الكريم اليوم اولاي..وحطيت كحل وغلوس ناعم من نيفيا وتعطرت ولبست صندالي لونه ابيض وفيه حركه ع شكل هارت باللون الاسود..ولبست حلق دائري ساده..

كان شكلي رهيب نزلت شفت غادة ونوف و خالتي منيرة ومرت خالي عواطف صاحيين نزلت عندهم..
غادة:ماشاء الله..وش هل الجمال عندك..
ام جمعان:تبارك الرحمن..
سارة"استحيت":لا لاتبالغون..
غادة:والله منبالغ انتي غير بالجلابية والبنطلون صايره كيووت مرة..
سارة:ومن الاحلى الجلابية ولا البنطلون..
غادة:والله الاثنين..
ام عبدالله:عيني عليك باردة..إلا مصحت عفراء واسماء..
سارة:والله مصحوا تبيني اصحيهم..
ام عبدالله:أي والله يابنتي..
غادة"وهي تقوم":لحظة بروح وياك..
ورحنا قومناهم وبالموت قاموا..ورحت المطبخ وشفت سارة بنت متعب ونورة تحظر الفطور..
سارة:وش تسوون..
نورة:بيض وجبن و...و....
غادة:بس.. وش رايك تسوين لهم حمص..
سارة بنت متعب:انا معرف..
نورة:ولا انا..ساعدينا سارة بليز..
سارة:انا اسفة يوم انتهى وابي استانس كلا متنقعى في المطبخ وبس..
غادة:وش السالفة..
سارة:حنا مخططين ان اليوم الاول لي مع ام فيصل مع امي وخالتي منيرة واليوم الثاني بنات خالتي منيرة مع اخواني ومرت عمي عائشه..
غادة:احسن يلا سووا بل حالكم..انعبوكم التيوس صارت تركض مو تمشي في زنودكم..<<ههههههه
سارة بنت متعب:ولا منعررف وش نسوي..
وإلا بدخله حنان ووجهها كلا نوم:وين الفطور..
سارة:جات المنقذه..
نورة:أي والله تعرف تسوي..
سارة:أي مو زيكم انتي مع اختك..اختي تعرف.."مسكت يد غادة" وانا ادلع:يلا حبيبتي خلينا نستانس..
غادة"وهي تمرر شعرها باصابعها":أي والله صادقة مرت اخوي..
نورة:مرت اخوك طير
غادة:يطرك..
سارة"تفاجئت من هذه الكلمة":مر..رت اخوك
غادة:أي وش فيكم"وهي تاشر بالسبابه"كيفي اسميها الي ابيه
سارة"ومن الكلمة ذي عرفت انها قالتها كذا":يلا خلينا نروح..
ورحنا وحنا حاطين الشيلة فوق راسنا وحنا نمشي،هي كانت لابسه بجامة ناعمة ومريحة.. ورحنى عند الحيوانات عند الفروخ ناخذ البيض منهم ونطعم الخرفان والبقر والله وناسة الا اشوف احد ياشر بيده وراحت غادة له..قلت يمكن اخوها..
وجات غادة سارة:من هذا اخوك؟؟
غادة:هههه لا هذا زوجي فهد..
سارة:زوجك..وش يبي؟؟
غاده:لا بس يقول خلي حد ينظف المجلس..
ونزلت الشيلة ورحت وياها مشان ننظف المجلس مجلس الرجال بعد متأكد ان المجلس مافيه حد والكل نايم..ورفعت الكنب ونظفته ومسحت الاثاث.. والمرايا الي في الحمام"وانتوا بكرامه"
غادة:وللل تعبت..انا بجيب المكنسة وجيك..
سارة:اوكي....وماحسيت ان احد دخل في المجلس، وشافها..ويتأمل في جمالها ألي ماله مثيل..
سارة"اتنهد":ااااه ظهري…
):في خاطره سلامتك من الاه)...وهو يطالع فيها بأعجاب..
سارة"وانا ارفع يدي فوق ورجع ظهري لورى":غادة...غادة مصارت مكنسة..
غادة:أي جايه المكنسة ثقيلة..تعالي ساعديني..
سارة"اقتربت منها مشان اشيل المكنسة":أي والله ثقيل حشى..اوووف
غادة "انتبهت"":فيصل!!
سارة"وانا متلفتة":من فيصل!!
وطاحت عيني عليه....