عرض مشاركة واحدة
قديم 14-07-11, 04:13 PM   #10

taman

نجم روايتي

 
الصورة الرمزية taman

? العضوٌ??? » 62057
?  التسِجيلٌ » Nov 2008
? مشَارَ?اتْي » 6,430
?  نُقآطِيْ » taman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond reputetaman has a reputation beyond repute
افتراضي

الــــ ج ـــــزا الــــثـــــــامــن ((( 8 )))
فــــــي مــــــــكـــــــــتـــب هـــــــــــــشــــــــــ ام
هشام: جالس بمكتبه الفخم وبكل اناقته وهيبته طالع بحمد حياالله ابو هجير
حمد: الله يحيك ويبقيك طال عمرك امرني مناديني أي خدمه انفذها لك من عيوني
هشام: طالع فيه وبابتسامه بسيطه رفع حاجب توعدني انك تساعدني
حمد: طق صدره ان كنت اقدر عليه من عيوني وانت ماراح تقصر معي
هشام: وقف ولف من عند مكتبه وقرب حتى صار مقابل لحمد
حمد: وقف له طبعا وضح قصره بالنسبه لطول وضخامة وهيبة هشام
هشام: تقدر عليها يابو هجير ومالك الا الي يرضيك
حمد: اجل من عندي اقولك الحين تم وضرب على صدره النحيل من كثر الدخان
هشام: ابطلب منك طلب ياحمد يكون سر بينا
حمد: تفضل ياطويل العمر
هشام: توتر شوي وتردد يقوله بس اخيرا قرر يقوله حمد ابعطيك الي شيك بمية الف بس تفك خطبت هجير من طلال
حمد: استغرب من طلبه قال ليه
هشام: عارف انك مازوجت بنتك الا علشانك محتاج والا مافيه اب يفسخ خطبت بنته من خطيب سليم ويزوجها رجال معاق الا انه محتاج
حمد: يتصنع الحزن الا ياطويل العمر بس الشكوى لله بس مادام هذا عرضك ابشاور البنت وارد لك
هشام:اكيد هجير ماراح ترضى
حمد: ناظره باستغراب
هشام: اممم قصدي بنتك ولاتستغرب ترا بنتك صديقة غاليه على حنين وحنين بحسبة بنتي
حمد: اها طيب ولايهمك ابستاذن الحين
هشام" اذنك معك
*********************
فــــي بـــــيـــــــت حــــــــــمــــــــد
حمد: جالس يتقهوى وسرحان
موضي: وين رحت؟؟؟
حمد: محيرني طلب هشام وراه مصمم يفسخ خطوبة هجير من طلال
موضي: تقول وراه زوج امه اكيد يكرهه ومايحب له الخير واضحه
حمد: طيب وش تبين اسوي الحين اخذ مية الف واسفط عليهم
موضي: اقول لاتنسى ان نوره ورا السالفه وربي ماتفوتها علينا نسيت انها مهددتك بالسجن
حمد: وش تبيني اسوي والا تعلمين نوره
موضي: لا ماراح اعلمها اخاف تظني افتن بينها وبين زوجها عوبا ماينجني من لسانها
حمد: والحل
موضي:علم طلال وشوف ان كان يبيها راح يدفع لك اكثر بعدين حنا مصلحتنا اكثر لو تزوجت هجير بطلال وش راح نستفيد من مية الف بس لو تزوجت هجير طلال راح نظل طول حياتنا مستفيدين
منها تبين اخلاصك لطلال وان احنا ماجيناهم على طمع
هجير: كانت تبي تنزل بس سمعت كلامهم كله رجعت لغرفتها وبكت قالت صرت مثل البضاعه يشتروني ويبعوني على كيفهم ياربيه ايش تبغى مني ياهشام ليه كل ماحاول انساك تطلع لي بطريقي ايش سرك
******************************
فــــــي قـــــصــــر اهـــل طـــــــــلال
حمد: انت مصمم تتزوج بنتي هجير
طلال: وهو لابسه النظاره السوداء وعلى كرسيه المتحرك قال بضيقه ايه وهو يقول بقلبه امي الي مصممه موانا من متى لي راي عندها
حمد: ابقولك شي موفتنه بس اتمنى تفهمني زين ولاتطلع السالفه لا لامك ولا لعمك هشام
طلال:ركز بكلامه قال خير ان شاءالله
حمد: كل الخير بس عمك هشام راحم حالنا وظن اننا مازوجاك بنتنا الا علشاننا محتاجين وحنا شارينك يابو فهد موعلى شان الحاجه وعرض علي مية الف لو فركشت الخطوبه
طلال: مسك حديد عربيته بقوه وصر على اسنانه وكره هشام اكثر
انا مصمم على هجير وملاكي الحين عليها يالله نروح نجيب الشيخ ولك الي يرضيك وبدال مية ابكتب لك شيك ميتين الف
حمد: طار من الفرحه قال بقلبه صدق انك ياموضي داهيه يالله مشينا
طلال: دق على سواقه الخاص وراح لبيت حمد وجاب صديقه راكان شاهد وحمد جاب شاهد وملكو على هجير
*********************
فــــــــي غــــــــــرفة عــــــبد الله
عبدالله: يلبس شماغه عند المرايه
اسماء: لابسه فستان برتقالي وروج برتقالي وحاسة نفسها اجمل العالم وتتصنع الخجل وين تبي تروح
عبدالله: بدون مايلتفت لها ليه تحقيق هو
اسماء: لابس انا زوجتك ولي حق اسالك
عبدالله: عندي طلعه وسهره شبابيه يازوجتي المحترمه
اسماء: وانا ؟؟؟ تراني ماعمري طلعت انا وياك سهرنا سو وشهر العسل ماسافرت زي الناس
عبدالله: انتي معززه مكرمه ببيتك ولايكثر وجا يبي يطلع
اسماء: اجل وديني عند اهلي من زمان عنهم
عبدالله: مافيه روحه الا الخميس امي محتاجه لك وطلع وسكر الباب
اسماء: جلست على الكرسي ونزلت دموعها هذا زواج او حبس كله منك يانذله هجير سرقتي قلبه وماعاد لي مكان فيه
عبدالله: بالسياره ليتني ماطعت امي ليتني ماتخليت عنك ياهجير رحتي خلاص وملكوك على طلال عارف ان قلبك معاي وانا يبي يظل قلبي معاك كله مني من جد انا مغفل خليت امي تتحكم بحياتي الخاصه احبك هجيرررر واعرف انك مازلتي تحبيني
**********************
فــــــــي قــــــصــــــــــر اهــــل طـــــــلال
على العشاء
طلال: يمه ابشرك
نوره: خير ان شاءالله
حنين وهشام رفعو عيونهم على طلال ينتظرونه يتكلم
طلال: اليوم ملكت على هجير واعتذر من عمي هشام (ورص على كلمة عمي لانه اول مره يقول عمي دايم يقول بس هشام )لاني ماخليته شاهد بس كان الامر كله بسرعه قلت خير البر عاجله وعارف ان عمي راح يطير من الفرح بملاكي على هجيررر لانه يحبني وبحسبة ولده ودايم يتمنى لي الخيرر
هشام: حمر وجهه بقوووه وحنين لاحظت هذا
نوره: حطت شوكتها وحطت يدها تحت ذقنها وليه العجله البنت ماراح تطير
طلال: افا عليك يمه خفت تطير تعرفي انا معاااااق والخطاب كثار وكل واحد يغريهم مع جهه
نوره: وي ياحسره قالو لك سندريلا نتفه من بيت حمد من يبغاهم يحمدون ربهم ناسبناهم
حنين: انقهرت من كلام امها قامت وباست اخوها مع راسه مبروك طلالي وعقبال الذريه
طلال: أي ذريه وانا معاق
حنين: ان شاءالله ماراح تظل معاق يالله تصبحون على خير
طلال: خوذيني معاك حنونه
حنين: من عيوني وراحو
هشام : رمى ملعقته بقوه ولدك هذا انجن مهمشنا مالنا راي ولاشي
نوره: بسم الله عليك حبيبي ليه معصب كلها ملاك وبس
هشام: قام وهو بشدة عصبيته انتي وولدك شايفن انفسكم مادري على ايش
نوره: وهي تحط رجل على رجل وعليها جلابيه فخمه وتناظره بغرور يحق لنا جمال ومال ودلال
هشام: غشوا نفسكم طول عمركم وراح وخلاها
نوره: وي هذا دايم معصب من اول ماتزوجته وهو معصب بس يجنن بكل حالاته كل صاحباتي منجنات على جماله وانا الي فزت فيه يحق لي نورة راشد مو وحدة سهله جمال ومال ودلال
*****************
هجير كملت تدريبها على التمريض وقرب زواجها
نوره: تكلم موضي الحين السواق يبي يجي يجيب فستان لهجير بعد ماخذت مقاساتها المصممه طلعته بس خليها تتاكد وتتقوسه المصممه تبي تجي مع السواق تتاكد
موضي: سمي ولايهمك
نوره: وانتي تقولها بقرف تراني فصلت لك ولبنتك اسماء وزوجك ثياب مابيكم تفشلوني عند صحباتي تعرفين يبون يحضرون حريم صحبات شان مابغاهم يضحكون على نسايبنا ويعرفون أنهم جايين من بيت فقر
موضي: وهي مقهوره منها ابد ولايهمك
نوره: طبعا انتي وبنتك راح تجيكم مصففه وهجير لها مصففه خاصه اوك
موضي: طيب ولايهمك سكرت السماعه وهـ قرفتني بكلامها
اسماء: وجع مانه علينا بهالزواج جعلها هي وهجير ماتتهنى فيه
موضي: قومي افتحي الباب شكلهم وصلو
رقو فوق وقاسو فستتان هجير وصار تمام عليها وطلعو
اسماء: يؤؤؤ غالي مره وفخم ااااخ يالقهر وانا فستاني ب300 ريال بس
موضي: جتك النعمه وعفتيها
اسماء: عجزت اتخيل نفسي اتزوج معاق
موضي: اجل اسكتي ولاتحسدينها
****************************
يـــــــــــــــوم زواج هــــــــ ج ــــــــــــــير وطـــــــــــلال

في افخم قاعات الرياض
نوره: كانت مره فخمه فستانها ب 30 الف وتسريحتها عند احسن مصممه
حنين/ بلبسها الناعم الي طلع ملامحها الطفوليه ووضح غمازاتها لابس لون يناسب لونها الاسمر الفاتح فرحانه لان هجير راح تكون زوجة اخوها وراح تعيش معاهم بس نفس الوقت حزينه لانها تحس ان هجير مجبوره على هالزواج
رنا: متكشخه ومقهووووره بس يطفي قهرها كل ماتتذكر ان طلال موطلال الاول معاق واعمى بس مازالت الغيره شابه فيها
بدت الـــــــــــز فــــــــــــــــه
نوره: كانت مجهزه كل شي بس هجير صممت ان زفتها ماتكون اغاني وعندت انها ماراح تطلع وغلبت نوره هالمره لان ربي معاها طبعا نوره جهزت زفه اسلاميه بدف علشان تطلع هجير مع انها ماعمرها شافتها وخايفه تفشلها لانها ماعجبها شكل اسماء ولا امها قالت اكيد شينه عليهم بس مومشكله انا جبت لها احسن مصففه ووصيتها طلعها قمر
طفو الانوار وشغلو الكبس وسلطوه على ملكة الحفل هجير الكل يطالع جهة الدرج ينتظرون هجير تطلع
هدى: تتوقعينها حلوه
رنا/ بلبسها الاحمر العاري من وين ياحسره شوفي اختها وامها جياكر
روان: هههههههههههه صادقه اختي جياكر بقوه
هدى: يمكنها شاذه عنهم نفس سندريلا ههههههههههههه
روان ورنا يمكن ههههههههههههه
حنين: بلبسها الناعم قربت للدرج تنظتر صديقتها وحبيتها هجير
نوره: متوتره يارب ماتفشلنا صحباتي يقولن نبي نشوف اختيارك يانوره وصارت تضغط على شنطتها المرصعه بالماس بدون ماتشعر
شوي الا تظهر ملكة الحفل هــــــــــــ ج ـــــــــــــــير
هجير: طلعت من تحت الستاره ووقفت شوي والنور مسلط عليها
رنا: طاحت شنطتها وفتحت فمها
هدى: هيه هيه ايش فيك
رنا: اخذت شنطتها لاعادي
روان: ترا موكل زين تلقينها من المكياج ونور الكبس
هجير: نزلت وهي مرتبكه وجواتها بس تدعي بالتوفيق وان الله يثبتها وكل ماتقرب يوضح جمالها اكثررررر كانت لابسه فستان ابيض مشكوك فوق الصدر وفتحته كبيره وماسك على جسمها بس من تحت يتوسه بقصة كلووش عريضه ورافعه شعرها بتسريحه تناسب وجهها ومثبت على شعرها تاج الماس ناعم بعدين نازله الطرحه مت تحت التسريحه وصايرة ذيل ومكياجها مبرو جمال عيونها وصغر فمها المصمه شافت ان جمال هجير حاد ماحاولت تكثر لها مكياج لان جمالها صارخ بس سوت لمسات ناعمه تبرز جمال ملامحها
نوره: ارتاحت ولانت قبضتها
ام ثامر: صديقة نورة ايش هالجمال كله نورة
ام سطام: صديقتها الثانيه من وين لقيتها هذي بوقت قصير
نورة : بكل غرور فرحت بكلامهم كيف من وين لقيناها هذا ولدي ماحد يرفضه باشارة بس كل البنات يتمنونه
ام يزيد: وربي اجمل الف مرة من خطيبته الاولى
نورة: الي يرفض ولدي يندم بالنهاية
هجير: وصلت للكوشه وشغلو الانوار
نوره: قربت منها بكل غرور وناظرتها من فوق لتحت قالت مبروك
هجير: وواضح جمال عيونها ومبسمها الصغير وجمال جسمها ورشاقتها الله يبارك فيك
ام فواز: صديقة نورة وتكرهها حيل اختيارك موفق من وين جبتي ملكة الجمال هذي مع ان ولدك ...
نوره: انا نوره ان بغيت شي اجيبه مايعصاني شي
رنا: قربت لها وهي تتمايل بمشيتها بفستانها الاحمر الضيق وقصير نصف الفخذ مبروك والله يقومه لك بالسلامه
هجير: قالت بكل هدوء امين
رنا: رجعت وهي ميته قهر ووجها محمر
هدى: حيلك كل هذا علشانها حلوه
رنا: مادلها كله مكياج
روان صح عليك رنو كله مكياج بس تغسل تطلع هوايل
هدى: جمال عيونها مكياج خشمها مكياج فمها مكياج لو المكياج يخلي كذا طلعتي قمر ههههههههههههه
رنا: اقول ضفي وجهك تراك ادوختيني
حنين: قربت من هجير ودموعها بعيونها
هجير: قامت لحبيبتها وصديقتها وضمتها بقوه
حنين: مبروك قلبي واصبري عليه ترا طلولي طيب بس الظروف الي يمر فيها صعبه
هجير: الله يعين
نوره: بعدتهم عن بعض خلاص تراكم فشلتونا يالله هجير روحي مع زوجك للفندق
هجير: وجعها قلبها بقوه ماتعرف ايش ينتظرها طلعت وغيرت ملابسها لبست فستان سكري ناعم حيل وركبت مع السواق الخاص فيهم
طلال: كان راكب قبلها وساكت حس بانفساها المتسارعه بس وريحة عطرها حمد ربه ان بينه وبين السواق حاجز والا كان يشم ريحة عطرها بس ماحرك بطلال شي لانه كاره لها وكاره لكل البنات غيرها
هجير: ركبت ولفت بعيونها بشويش عليه نست انه مايشوفها لو تشوفه كثير ماراح يعرف انها تناظره بس برضو كانت مرتبكه وخايفه اول مرة تركب جنب رجال غريب عنها غير ابوها حتى ابوها عمرها ماجلست جنبه دايم امها او اختها هي دايم ورا لصقت بالباب علشان تبعد عن طلال بس حست فيه انه معصب من جلسته وبعده الشديد عنها سكتت تنتظره يكلمها بس للاسف واضح انه متوتر ومعصب حيل
طلال: قال للسواق ودنا للبيت
هجير: استغربت لان امه قايله راح ترحون للفندق بس سكتت
وقفت سيارتهم بكراش القصر الكبير السواق دف طلال بكرسيه لداخل جناحهم
انتهى هالجزا
وبالجزا التاسع راح نشوف ايش يبي يكون بين هجير وطلال
واكيد فرحت وان امنيتكم تحققت وهجورة تزوجت طلولو

فائدة:
1 - اذا أردت أن تعلم ما عندك وعند غيرك من محبة الله فانظر محبة القرآن من قلبك .
2 - لأن من المعلوم من أحب محبوباً كان كلامه وحديثه أحب شيء إليه ؟وكيف يشبع المحب من كلام محبوبـــه ؟؟ كما قيل : إن كنتَ تزعــمُ حبي فلم هجرتَ كتابي ؟ أما تأملت ما فيه من لذيذ خطابي .
3 - قال عثمان : لو طهرت قلوبنا لما شبعت من كلام ربكم


taman غير متواجد حالياً  
التوقيع











رد مع اقتباس