في غير الزمان
في نفس المكان
مرتني الذكرى وانا واقف
في نفس المكان في غير الزمان
في ذا ضحكت ايام لكني بكيت
في ذا حلمت احلام لكني صحيت
منها ابتديت
وفيها انتهيت
الامن الذكرى
في نفس المكان في غير الزمان
قالت لي الذكرى كلام عني
كلام والله بغيت انساه
وصاحة ربابة شوق واثر النغم مني
يشكي وانا شكواه
وغنى صوت في ليلة فرح
وهلت عين وقلب انجرح
في صوتها جرح وتعب
وفي عينها نظرة عتب
وشفت ابتسامه عليها هلت الدمعه
ونظرة ملامه من الماضي على ربعه
وانا مع الذكرى
في نفس المكان في غير الزمان
تعطيني الذكرى ولا تاخذ ابد
تحكي لي الذكرى ولا تسمع لـــ/ حد
وانا عندي كلام ممنوع حتى عن الخاطر
لا ياخذه امسي ولا يقبله باكر
ماقدر اوضح غايم الصوره
ولا ازود للمساء نوره
الله ياذكرى ياما فهمتيني خطا
ياما قدم رجلي على جمرك وطا
واليوم هيضني هواي
اشكي ولا ادري وش بلاي
هو من شقاي اللي مضى والا هناي
وانا مع الذكرى
في نفس المكان في غير الزمان