[nouranosh]

آآآآآآآآآآآآآآآآآآآآه يسرا بجد حرام و الله عيوني دمعت من مشاعر أركان حزنه و حبه و ألمه ليه انتي شيريرة كدا حرااااااااااااااااااام ايووووووووون حراااااااااااااااام الولد دا مشفش حاجة حلوة في حياته

يسرا بجد بلال دا ايه نوعه عايزة افهمه يعني مش معقول العيل الصغير يحس و بلال لأ مش عارفة ليه حساه شخص معندوش مسئولية و انه متباعد في فكره و في مشاعره و انه باني لنفسه عالم ملوش دعوة باللي حواليه يمكن يكون السبب انك بتتكلمي عن لسان أركان بس انا شعوري غير مريح من ناحيته حساه انسان اناني و على فكرة دا من الفصل اللي فات لكن انا قلت خليني ساكتة احسن بس خلاص بقى مش هسكت
مش عارفة يسرا اعبر عن اللي حساه تجاه بلال لكن اتمنى اعرفه عن لسانه يمكن اقدر احكم صح لكن حاليا فهو في قائمة الويتنج لست يا اما احجزله سويت في قلبي يا اما هرميه في الشارع يدور على فندق تاني يلمه


صلاح انسان جميل فعلا محب و حساس و شجاع و الاهم انه صريح حبيت هجومه على أركان لما قاله انه جبان و انه مدافعش عن حبه و دي حقيقة وقف عاجز محاولش حتى يقولها انه بيحبها برافو صلاح انا بحب الشخصية اللي زي دي شخص فاهم و واعي
بس بردو عايزة اعرف هل الموقف الاخير بينه و بين اركان هو اللي كان يقصده الاخير من جملته في الفصل الاول اصل انا قلبي بيقول نووو ؟؟


ليل كنت هقول في الاول ان معاملتك لاركان نابعة من افتتانك بيه و مع شخصية زي شخصيتك فانتي بتستخدمي التجاهل و الهجوم عشان مشاعرك مش تبان لكن في الاخر لخبطيني و فهمت ان الموضوع نابع من خلاف قديم وقفتي عنده و حددتي مشاعرك بناءً عليه
ليه انتي قاسية زي ما شمس بتقول و ايه اللي حصلك فهستنى يسرا تجاوب ؟؟ اما في سؤال عايزة اسأله جوازك من بلال ايه سببه ؟؟؟ هل جواز و السلام ولا شخص مقبول و ارتاحتيله ولا عشان تعندي و خلاص ولا.....؟؟؟؟


أركان بص بقى انا هعترف بمخاوفي اللي مش رضيت اقولها في الفصل الاول اسم جماعة اسلامية مع الاستاذ رشاد و اختيارك انت بالذات للبعثة و كمان ذكرها لتاني مرة في الفصل دا و كلمتك انك مهتمش تعرف و كان هدفك تحقيق حلمك بيخوفوني جدااااااااااااااا يا يسرا قولي ناوية على ايه ؟؟؟

جبااااااااان زي ما صلاح قال وقفت قدامها لا اتكلمت ولا قلت حاجة رايح بكل غضب و حقد تقولها مش هتتجوزي اخويا انا لو مكانها كنت اديتك قلمين و قلتلك انت مالك بدل ما تروح و تعترف باللي جواك يعني موقفك غبي جدا و بعد كدا سبتها تقول اللي قالته و وقفت تتفرج اشرب بقى نتيجة سكوتك و استنتجاتك الغبية دي

يسرااااااا انا اه هزئته بس لا يمنع اني بحبه خفي عليه ارجوكي انا مش عارفة كاتبتنا مالهم بالابطال ايه التعذيب دا كل واحدة ماسكة بطل مبهدلاه و معذباه و قهراه و واجعة قلبي عليه


طلال انا للحظة وقفت بلمت قلت طلال مين مش طلال دا أد اركان و توأم و جمعت اخيرا ان الفرق حرف وصفك للمشهد و موته و الحزن عليه وجعني رجعني لسنة 73 اينعم كنت لسه مجتش اصلا بس حسيت اني معاهم وقتها و حسيت بالالم اللي حسوه و الحسرة على موت شبابنا ابدعتي يسرا

مشاعر أركان لما نزل من الطيارة اووووووف انتي عارفة اني احيانا كتير بفكر زي أركان و اقعد اقول انا مش هعيش في بلدي و ان حياتي برا افضل و المستوى احسن و ان بلدي اصلا رافضة ولادها و انها بتهدم احلامنا و كلام من النوع دا لكن لما افكر للحظة و اتخيل نفسي في بلد تاني غير مصر بحس ان في حاجة غلط صعب مفيش بلد فيها دفء زي مصر ولا شعب زيها مش هلاقي ولاد بلدي في مكان تاني مش هلاقي الجدعنة و الاصل و الحب اللي موجود هنا حسيت بكل كلمة قالها عن اشتياقه لوطنه
دا الواحد لما بيبقى مسافر في مدينة جوا بلده بيشتاق لبيته و لمدينته و لاهلها كانه كان متغرب

الحتة اللي ضحكتني من كتر حقيقتها و ألمها ساعة لما اخدوه عشان يتحروا عن بعض المعلومات معاه حق لو كان طلع جواز سفره الامريكي كان هيختلف كانوا جابوله واحد يشيله عشان ميتعبش نفسه و يمشي على الارض

صحيح نسيت اقولك انا كمان حبيت شمس و طبعا دا من كلام أركان فانا كل ارائي مبنية نتيجة لكلامه حسيتها شخصية عفوية و بسيطة اجتماعية و دا بيخلق عندي الف سؤال عن ليل ؟؟


جورج كلامه عن الوطن و افتقاده اقشعر بدني له و تهلُل وجه لما عرف ان اركان عربي احساس رائع انك تحسي بقريب ليكي في الغربة بينطبق عليه مثل ( انا و اخويا على ابن عمي و انا و ابن عمي على الغريب )

" وتعلق بفتاة هناك صمم على الزواج منها عند تخرجة ولكن الأقدار تلاعبت به كعادتها "

ايووووووووون انا عايزة اعرف الاقدار عملت ايه مع جورج هو كمان ؟؟؟ انتي مش راحمة حد كدا يا يسرا خالص الاقدار ماسكة في اركان و جورج كدا كتيرعلى قلبي الضعيف


سامحيني يسرا التعليق ملخبط و بجيبك مرة كدا ومرة كدا لكن انا مشاعري اتلخبطت من الفصل
انا عارفة ان اسئلتي كتيرة لكن في سؤالين اول واحد اركان في اول الفصل كان راجع بعد ما سافر تاني مرة بعد جواز ليل و بلال صح ؟؟

السؤال التاني جملة اخيرة "ولكن للأسف أقلعت طائرتى من مطار سيناء عائداً الى دراستى بعد أن ضعف جسدى وتدهورت صحتى ولم ينضب حبها من قلبى ولو مقداراً ضئيلاً "

دا معناه انه لما اوهمهم انه مسافر وراح سيناء تعب مش نفسيا اقصد جسديا ؟؟؟


تسلم ايدك على الفصل و سؤالي المعتاد امتى القادم ؟؟؟