وبعدها ضم حنان بيد ودانيه بيد قال بصوت ثابت : الارض طلبت اهلها
استدعوني للجنوب
شهقه من حنان ودانيه
ابتسم لهم : ازعل اذا شفت دمعه انا را يح وابيكم تدعون لنا نرجع لكم
منصورين انا بإذن الله راجع ياشهيد بكفن وقتها ابيكم تفرحون انا رحت
شهيد نزلت دموع ام محمد وهي تحاول تمسحها بطرحتها حنان ودانيه بعد
بكو ضمهم اكثر :خلاص انتي وياها ويمكن ارجع طيب مافيني شي حرام
تخربون هالمكياج الحلو غمز لهم :غطيتم على العالم اشرت ام محمد لدانيه
وطلعت معها بقى حنان وتركي ضمته اول مطلعو مسح على راسها حاولت
تمنع دموعها رفعت راسها ناظرته :تكفى تركي انت ابو وامي واخوي
ودنيتي كلها ارجع ليا لاتخليني في هالدنيا بروحي انا بدونك مااعيش
مااعيش ورجعت ضمته حاول يمنع دمعه بتخونه فرحان انه يعني لها كثير
لكن زعلان عليها سمع جواله يدق اكيد بينطلقو الكتيبه بعدها عنه ومسكها
من عضده وبصوت مخنوق حاول يكون قوي :ابيك تكونين اقوى واعرفي
اني دايما معك بلقبي وروحي علشان خاطر لاتعبي حالك لاتخربين فرحتهم
تكفين ماعليك الا تدعين لي باس راسها وعطاها ظهره وهو متوجه للحد
الجنوبي رايح يحارب مشى بخطوات ثابته بلبسه العسكري وقلبه متعذب
على امه واخته وزوجته لكن الدين والوطن يناديه وهو له ملبي وحاضر
عند الحريم بالقاعه
مسكتها هاله اختها :هذا اخوي ناصر راح معه خليك اقوى علشان عيالك
يامنيره انت يذقتي حزن زوجك واللي يسمعك يقول ميت ماكنه رايح
الحرب ويمكن يرجع سالم
سكتت ام محمد وهي تمسح دموعها :مو بيد ي ياوخيتي هذا ولدي حشاشة
جوفي مو بالساهل يهون علي
عند المنصه
مسكتها رون :يابنت هذا عمي ناصر بعد راح ندعي لهم وربي يوفقفهم
ويرجعهم لنا سالمين ترى امك بحاجتك توقفين معها قوميبس عدلي مكياجك
ويلا نروح نصلي العشاء وبعدها نفتح القاعه غمزت لها ونبداء نفلها رقص
وهز بهز لك هزه ولانبيله عبدو ضحك دانيه عليها وقامت معها تعدل
مكياجها وتصلي
حوست البنات كل وحده ادور عبايتها تصلي اللي تلف طرحتها بشوي
علشان التسريحه واللي تلبس عبايت الثانيه لان عبايتها مقفله من قدام
ماتعرف تلبسها خلصت هدى بدري طلعت من عندهم دق جوالها شافت
رقمه ابتسمت بخجل وردت :هلا
مروان :يااحلى هلا يافديت الهلا بصوتك هدى ابي اشوفك اللحين
مشتاااااااااااااااااااااا ااااااااااااااااااااااااا ااااااق
استحت هدى بخجل :مافيه مجال زحمه وناس
مروان بهمس : انتظرك بصالة الطعام بسرعه مفيه احد دقايق اشوفك هناك
قفل الجوال
عدلت هدى شعرها العسلي اليوم جعدته وتركته ماحبت تسوي تسريحه
لانها امس مسويه وفستانها لونه سكري عاري منفوق عليه جاليه من
الدانتيل ربع كم
ومن تحت الصدر شريطه قصيره طويل ضيق ومن عند الافخاذ ينزل
واسع ومن تحت عادي متساوي بدون ذيل مكياجه الاسود مدموج مع البيج
بروج اورنج كان خطير باختصار رائعه مشت بخطوات خجوله متردده
دخلت الصاله شافت ظهره همست بخجل :مروان
لف لها بقى فتره يناظرها بدون ولا كلمه قرب منها وابس خدها :انتي
تذبحيني قرب منها اكثر حرك انفها بانفه :كل مره اشوفك فيها كنها اول
مره انفاسه علىوجهها قريب مره وانفاسها المرتبكه على وجهه ارتبكت
زود جرئ مره يذبحها بس تمووت فيه
بالقاعه
طلعو كل البنات شغلو الدي جي باعلى شي شغلو اغنية ياهلا باغلى الحبايب
يا هلا بأغلى الحبايب
يا هلا بريحة هلي
كان بدرك عنى غائب
بان في طلتك لي
نزل اهل العرس يرقصون دانيه ورون وموني اللي جت مع مريم وريوف وحتى هدى رجعت و مها معهم
لاتغلى وانت ذايب تدعي قلبك خلي
ظني بك ماكان خايب انت تتغلى علي
ياما في الحب العجايب فيه ياما مبتلي
منك راسي صار شايب وفيك همي ينجلي
خاطرك بيكون طايب دام انا لك وانت لي
الله يكفينا المصايب ونجمنا دايم علي
رقصو من كل قلب وكل وحده تقول الزود عندي القاعه كلها قلبت تفصفيق وحماس
فيه غرفتين
غرفة لمريم وغرفه لرغد
غرفة رغد
كان معها حنان وخالها نواف اللي توه دخل علشان التصوير
نواف يعدل شماغه :والله منتي هينه يارغيد طالعه قمر
ابتسمت رغد بغرور :طول عمري احلى قمر
ناظر بحنان الساهيه :حنون ياقلب خالك خلاص لاتعذبين نفسك ادعي
يرجع لك بالسلامه
تنهدت حنان نواف :يلا وين المصوره ابي اطق لي كم صوره اشرفك ان
نواف بن مطلق مصور معك
ضحكة رغد :وتقول عني مغروره الغوره كله انت
انفتح الباب دخلت المصوره وكان معها هند وموني اللي ماكانو يعرفو ان
فيه احد هند رجعت بسرعه قبل مايشوفها لكن موني ماقدرت تتحرك انبهر
فيها وماقدر يشيل عيونه هند مدت يدها وسحبت موني بسرعه رغد ناظرت
اللهفه والشوق بعيون نواف اللي نسى الكل وعيونه مكان ماكانت موني
عند الباب هند بنفعال :ايشفيك يابنت مسكت يدها ترجف وهي بحالة صدمه
خافت عليها موني ايش فيك
حاولت تعدل وقفتها وتهدي حالها :مافيه شي حاولت تغطي بس فشله تنحت
واقفه تدرين مااعرف اتصرف بهالمواقفيعني داخله عليه مكشخه وبفستان
وفاغره بوجهها تلاقي الرجال انخلع
ضحكة هند وراحت معها موني اللي قلبها باقي يرجف ليش تركت الرقص
كانت ترقص على الاغنيه شاللي نزلها ليش جروحها تنزف
انخلع ايه انخلع قلبه من جوفه وطار وراها واقف وكانه مو موجود حنان
علامات الاستفاهم ورغد حزنانه على حاله قالت بهمس :ليش تعذب حالك
وبيدك تاخذها
نواف بصوت تعبان عكس المرح الليقبل شوي لحظه وحده قلبته قدرت
بثواني تقلب مزاجه وموه :صعب يارغد صعب
حنان ماحبت تتدخل بس اللي فهمته ان فيه شي بين اماني بنت عمها وخالها
نواف وبطبيعتها ماتحب ادخل نفسها بشي مالها فيه
رغد مسكت ذراعه ابتسمت :يلا انعدل ياحلو غمزت له :خلي الصور
تتشرف فيك
ضحك نواف واعتدل جنبها يصور معها
بعد كم صوره ناظرته رغد وهمست له ماتبي حنان تسمع :اسمع تكفلى
طلبتك
نواف بحميه :جاك
رغد بهمس :ابيك تخلي عبد العزيز يدخل القاعه لمن تدخل انت
ابتسم بخبث :ودامك تبينه ليش ماجبتيه يصور معنا
ضحكة رغد وبصوت هامس وهي تتذكر حركت ساره لمن رقصت بملكتها
تبي تردها :لا فيه حاجه بنفسي تدري فيني مااحب انكسر وطلبتك ماتطلع
من القاعه الا انا وهو معك اخاف تنرد الحركه
نواف باستغراب :موفاهم شي بس لعيونك يهون كل شي
اندق الباب وكانت الصدمه جدها مطلق راحت له وهي تتعنقل بفستانها
الكبير :هلا والله وغلا بجدي الغالي باست فوق راسه ودخلته ابتسم لها
بحب سلم عليها وعلى حنان حس عيونه بتدمع ذكرى زواج بنته من غير
ذكرى ثانيه داهمته
قبل 50 سنه
بنفعال :انا مااقدر اوقف بوجهك صح انا مسؤل عنك بس انا مجرد ولد عم
ياصالحه بس لاتنسي اني بوقف معك دايما صالحه لازم تعرفين ان عزام
متزوج وسار له اكثر من 10 سنوات وعنده عيال
صالحه بصوتها القوي :انا اتحمل كل شي ياولد عمي ولاتنسى حنا عيال
شيوخ ماينكسر لنا ضلع انا راضيه بعزام ولد الذيب بس تبقى يامطلق
اخوي
الى هاليوم وكلمة اخوي براسه ناظر رغد نسخه من جدتها اللي كانت بنت
عمه واللي تزوجها عزام الذيب ولو عبد الرحمن مو ولد صالحه مازوجته
بنتي الوحيده
ناظر برغد فرحتها كبيره بوجوده ناظر بحنان اللي باين عليها التعب قرب
منها وربت على اكتافها
نواف يتريق على رغد :يلا هناك بس كانك مهرج
ابتسمت رغد بغرور وبصوت قوي ثابت :انا رغد بنت عبد الرحمن عزام
الذيب