[فيتامين سي]

الجــزء الثانــي والعشـــرون
الفصـــــل الأول

(..النـدم يـا عـاذلي طـــول كثـــــير...والرجوع أصبح عذابه مستحيل...وفر الأعذار وتأنيب الضمير...ابــــتعد أرجوك أنا جرحي خطير...تجربة وبالحيل كانت قاسيه...يا خسارة كل لحظة في هواك...غرتك دنياك ادري غيروك...فرقونا يا حبيبي والخيانه علمــوك...واقنعوك أني عذابك والحزن...ضـــاع تقديري ودفعت أنا الثمن...تجربة وبالحيل كانت قاسية..)


:فيك شــي يالأخـــو ...؟!
:هاه لااا ...
:أجل حــرك عطلت السيـــروراك ..
حرك سلطــان اللي كان مــوقف عنـد الأشاره بس ماتحــرك يوم فتحــت ...
صدمــة الصــور للحيــن مأثره فيــه مخليته هايم على وجــهه مثل المجنـــون مايدري ويــن رايح ولا من ويــن جاااي ...
تذكــر الصوره اللي فيهــا وهج وشخص غريب ضامهـــــــا اا .. لف سيارتـــه بقوه من قســـوة الشعـــور ,, وآآآآآآآآه لااااااااااا....
-----------------------------
ضرب الطــاوله بيده من القهــر اللي يحس فيــه ليش سلطــان مارضى يوريــه اللي بالمغلف مع أنه مــرسل له فالأساس .. أكيــد فيه شــي كايد ولاممنـــع عنــه ..
انتبــه على نغمــة جـواله شافه سلطــان رد عليــه مباشـــره بس جمــد الدم فعـروقه يوم ماسمــع صوت سلطـان وسمــع صوت شخص أخـــر ...
ناصـــــر بعــد ماتمالك نفســــه سأل بدون مايعبر الكــلام اللي كان يقوله الرجل :نعم من أنت وينـــه سلطــان ..
الرجـل :هدي يأخوي صاحب هالتلفـون سوى حادث بسيط ...
ناصـر بصدمـه:حادث ... كيف وشــلون وويـــن ..؟!
الرجل:الحادث فالشـارع الـ ....... ونقلوه للمستشفــى ........
ناصـــر :مشكــور ماقصـرت بس متأكد أن الحادث بسيط ...
الرجل :ايه والله بسيط حتــى أنه كان صاحــي يوم نقلــوه بالأسعاف وطلب منــي أتصل عليك ...
قفل ناصــر من الرجل وهــو حيران يتصــل على أهل سلطـان يخبـرهم عن الحادث ولا يطمن عليه فالبدايــه بعدين يبلغهم ... أختار الاقتراح الثانـــي وطلع يشوف سلطــان بالمستشفـــى وكلــه ندم على أخــر موقف كان بينهم لوسلطـان صار فيه شــي لاسمــح له بيكـــون فراقهم مـــر وهم علــى خلااف ... بــس وش سبب هالحادث يعــرف سلطـان ماهــو متهــور ودايم حريص على ســلامته معقــوله النقاش الحاد اللي صار بينهم هـذي نهــايته ...
وصل للمستشفــى وسأل عنه فالاستعلامات ...
لقاه فغـرفة العمليــات هذا والحادث بسيط ياحسـرتي عليك ياسلطــان
جلس ناصــر قريب من غرفة العمليــات وهناك لقى الرجل اللي اتصل فيــه وتعرفوا علــى بعــض ...
الرجل :خبرت اهله ..
ناصــر :لاوالله ماخبرت أحد بنتظــر أتطمــن عليه أول ...
وجلس ناصر يتأمــل بالرجل اللي جالس جنبــه كان واضح عليــه الصلاح ,, ملتحـــي والنور يشع من وجهـــه حس أنه شايفـــه من قبل بس مايدري ويـــن ...
ناصـــر :هاه كلمتنـــي ...
الرجل بأبتسامــه :ايه أقول ماودك تأخذ جوال خـــويك ...
أخذه ناصــر منه وأول ماصار فيده دق الجــوال (وهج عمـري) يتصـل بكـ ...
يوه وش هالوهقـــه اللحيــن وش أقولها هذي أحسن شــي مارد عليهــا ... بس الجــوال أستمــر يدق لويقدر يقفلــه بس هذا بيجيـب له مشاكل هو فغنــى عنها بالاخيـر حطـه على السايلنت وخلاه يأخذ راحتـه بالدق ..
طرى فباله مشهـــد من زمان شايفه بـــس نسـاه ومع هالوجـــه تذكــــــره تأكد ويــن شايفه مع فارس الشــاب المهستـــر اللي يكــون ولد جارهـــم اللي لاهـــي بالدنيــا الأعمال عن بيتــه وعياله تذكــر أنه كان يمنـــع جنى أتروح لأختـــه لأن بيت فيه مثل هالنــوع من الشباب مايبشر بخيــــر ,, بــس الرجال هذا شكلــه ملتزم والنور يشع من وجهه... سأل الرجــل :تعرف فارس الـــ ............
ارتبك الرجال يوم سمــع الاسم بس نفـــى تكــون له اي صله مع هالأنســان واستأذن بعــدها وطلع وهذا اكـــد لناصر أن بينهم صلـــه ...

--------------------------------
سالي :خلاص وهج والله دوختينـــي معك ...
وهج والدمعه بعينها :طيب قولي ليش مايرد علــي ...
سالي :وانا وش درانــي لارد عليك أسأليه ...
وهج :اوووف منك .. وقامت واخذت شنطتها وعباتها ..
سالي بالتعجب:على وين يالحلــوه ..
وهج وهي تلبس عبـاتها :بالرجع للبيت ...
سالي بالصرخـــه :ااااا يـــش .. وحطت يدها على خصرها :لاحبيبتــي حنا ماتفقنــا كذا ومــو ذنبي أن سليطيــن مايرد عليك بتجلسين معي لين تخلص العزيمــه أنا مأتحمل أجلس مع فطــوم وخواتها وحدي ومامعي أحد ...
وهج :تكفيك عبيــر مو عزمتيها عشـان هالمهمــه ...
سالي :بس عبير لحالها ماتنفــع كفايه جنــووه موجايه ...
وهج :يعني شلون ..؟!
سالي :يعنــي خلي هالورعنه عنك وتعالي اجلسي عشـان يحلـو التخطيط ...
وهج رمت عباتها :يارب فوت هالليله على خيــر ..
سالي بضحكــه :دامــي فيها ماتوقع تمــر على خيــر ...
بعد صــلاة العشــاء كانت سالي ووهج لابسين وجاهــزين للعزيمــه موناقصهم غيــر ينزلون تحـــت ..
نادت سالي خدامتها جــولي اللي تقضي معظم وقتها فوق بالجنـاح سالي عشـان لوأحتاجت أي شـــي .. وطلبت منها تنزل تحـت وتشــوف الأحــوال ...
ومثل ماتوقعت خالات ياســر وبناتهــن كلهم جايين ...
سالي :يالله ننزل ..
وهج بأرتباك :أنتي متأكده من اللي بتســوينه ..
سالي بملل :وأنا وش بســوي كل اللي بســويه بوقفهم عنــد حدهم يالله أنزلي ...
وهج بالتردد :طيب خليني أخذ معي لوطــرحه للضروره ...
سالي دزتها عشـان تنزل السلم :امشي بــس بتخربين الخطــه بغبائك ...
نزلــوا تحــت طبعاً سالي بكــل تكبـر سلمــت بكــلام موجــه للجميــع وجلست بعكــس وهج اللي سلمت على جميــع الحاضريــن .. ومايخفــى عليكم ان فطــوم أرتفع الضغط عنــدها لأن سالي تعمــد تهيــن ضيوفها بطريقتها هذي ...
وهج بعد ماخلصت سلام وجت تجلس جنب سالي :عيب عليك وش هالحــركه هذي بعد ليه ماسلمتــي عليهم ...
سالي بالصوت مسمــوع :كل أربعاء وانا مقابلتهم يعنــي ماله داعي هالمجامــلات ..
وهج باحراج :ساااالي ..
سالي بصوت منخفض :جب أنتي ولاكلمــه ويالله تجهــزي أعرفها فطـــوم اللحيــن بتنادي ياســروه يسلم على خالاته بس احذرك تحــركين من محلك ..
وهج :لامأقدر ..
سالي بقهــر :وأحنا وش أتفقنا عليــه أنت بس أقضبي مكـانك وصدقيني ياســر مستحيل يدخل أذا درى انك موجوده لو ايش ...
وهج :يعني بتفهمينــي أنه بيخاف منك وماراح يدخــل ...
سالي لكزتها مع بطنها :غبيه أنتي المتوحش هذا مايخاف يخــوف بس بعد بيحتــرم وجودك ومستحيــل يدخل بعدين أنا اعرف كيف أتعامل بهالمــواقف ...
وهج :يعني هوعادي عنـده يدخل وكل هالكم الهائل من البنات موجـودات ..
سالي :ايه عادي وش فيهــا بعدين ترى كلهن يتغطــن لادخل ...
وهج :اجل ليش كل هالمـؤمراه ...
سالي وهي تحط رجـل فوق رجــل وهذاخلى التنــوره القصيره تقصر زياده :بس كذا لعانه بأحرج فطــوم مع خواتها ...
وهج :طيب عدلي جلستك اللي حتــى هيفاء وهبي تستحــي تجلسها ...
سالي جت بترد عليهـــا بس سكتت يوم سمــع ياســر يتنحنح وفطــوم تقــول :أدخل ياســر يمه مافيه غير خالاتك وبناتهــن ....
سالي بالصــوت غطى على صوت فطــوم :لااا ياســر لاتدخل ...
ووجهت كلامها لفطــوم :اللي يهديك ياعمتي وش يدخل ماتشوفين وهج جالســه ...
فطــوم بقهر :وهج جالسه وش تحتــري تطلــع ماتشوف الرجال بيدخــل ...
سالي :لاوهج رجلها منمله ماتقدر تحرك عليهــا ,, بس عشــان خاطركم بحـاول أساعدها عشان تاقف .. ومسكــت يد وهج بتوقفها بس وهج صرخت من الالم لان سالي وطت على رجلها :آآه ياعمــري وهج خليك جالسه لاتحــركين ...
ياســـر اللي صـوته باين عليه العصبيــه :ياولد .. يمــه .. سالي ..
سالي وقفت بالسـرعه وطلعت له عند الباب :هلا ياســـر ...
ياســر :ساعه عشــان تجيــن طلعت بنت أختك ...
سالي :قصدك بنت عمك لاماطلعت رجلهـا أوجعتها مره وحده وماتقدر تحــرك ...
ياســر بدون تفاهم :سالي بتطلعينها وبتطلعيــن معها ...
سالي بقهر :وليش اطلع معها عشــان يخلالك الجـــو ..
ياســر :جو أيش يامتخلفــه .. تطلعيــن معها عشـان بندر والزفت ريان بيدخلــون معي يسلمــون ..
سالي اللي تعرف أن ياســر مايواطــن ريان فاستغلت هالنقطــه عشـان تثير أعصابها :ياحليله ريان من زمان مارجــع للبيت كله بالأستراحات ...
ياســر مسك مع رقبتها وجــرها لين لصقت فيـــه وعيــونه يتطاير منها الشرار قالها بصوت منخفض بس مليــان غضب :عيدي مثل هالكــلام وشوفي وش أسوي فيك ...
سالي كانت واقفه على اطراف اصابعها لأن ياســر بمسكتــه هذي رافعها عن الأرض :فكنــي يامتــوحش فكنــي ..
ياســر فكها لأن صوتها كان مرتفع شـــوي .. وراح للمجلس وهو يقــول عشر دقايق وراجــع ومعي العيال ...
سالي التفت بتدخل وانصدمــت يوم شافت بسمــه وراها وشكـلها شايفه كل اللي صــار وأول ماشافت سالي تطالع فيها دخلت بالســرعه وكأن اللي شافته مأعجبها ..
دخلت سالي بعد مارتبت شكلها جلست جنب وهج وقالت لها :هاه وهج وشلونك اللحيــن أحســن .. ياســـر راح وبيرجــع بعد عشــر دقايق ..
وهج بهمــس :يعني شلون أقوم ..
سالي :ايه قومــي .. وحطت يدها على رقبتها من ورى المكــان اللي كان ماسكها ياســر منــه :بغى يكســر رقبتي ولد أمـه يعسـى رقبته للكســر ...
وهج بالضحكــه :أحسن مسـويه فيها تعرفيــن تخططيــن بعد كلها جت على راسك ...
سالي :تحسبين بفـوتها له والله لدفعه ثمــن هالطقــه لاواللي يقهــر ان بسمــوه شافتنا ..
وهج :أشوف البنت ماهي على بعضها وتنافض ...
سالي :توقعتها تعلق بس ماقالت شــي ... خلينا منها وقومــي نطلع فوق قبل مايجــي ولد أمــه ...
وقامـن وطلعن ..
فوق بجنــاح سالي ..
سالي :هاه وش اخـبار جهازك ...
وهج :تسالين ولاكأنك ماشيه معي خطـوه خطــوه ..
سالي :أنا أسألك عن الأغراض اللي طلبتيهامن برى ...
وهج :اها اتفاقنا بعد اسبوع ...
سالي :ايه حلــو الله يوفقك ...
وهج :طالعه من قلبك ...
سالي :بحـياتك ايه بالزواج مأدري ...
وهج :ساااالي وجع توقعتك تحبينـي وتمنيــن لي الخيــر ..
سالي :أحبك وأتمنــى لك الخيــر بس ...
وهج :لابس ولاشـــي يالله عيدي الدعــوه وقولي بالزواجك بعد ...
سالي :طيب أمــري لله .. الله يوفقك ياوهج فحياتك وبزواجك بس من واحد ثاني مو مع سلطـان ..
وهج بالصرخة أعتراض :سااااااالي لااا حرام عليك والله أحبه ...
سالي تقلدها :لاسالي حرام عليك والله احبــه ... حبته القراده ...
وهج منقهــره صدق لأن سالي ماتسب سلطـان تسبها هي :لاتقولين عنــه كذا مارضى عليـــه ..
سالي :رضيتي اولا ماهميتنــي يالله ننزل أكيــد طســوا بس أوريها فطــوم والله لأرد لها الصاع اثنيــن ...
نزلـوا سالي وهج وهم بالنص السلم سمعـوا صوت العيال للحيــن موجوديــن ..
سالي :اجلسي بالنشــوف اخرتها معهم ...
وهج :أجلس هنا مستحيــل وش قالوا لك قطــوه ..
سالي :بتجلسين ولاارميك من هنا ...
وهج بخــوف :أعرفك مجــرمه تسوينها ...
سالي :أجل خليك بنت محترمــه وأجلسي ...
جلست وهج وظلــوا محلهم يسمعــون السوالف اللي داريــه تحــت ...
سالي بعد ماسمعت ضحكــت ياســر :يمل الضرس ان شاءالله الضحك لهم والتكفخ لــي ...
وهج :يحليك مجــروحه ..
سالي ضربتها على راسهـا :أذا عدتيها والله لأنفذ تهديدي ..
وهج :لاخــلاص توبــه والله مأعيدها ...
ظـلن فتره على هالحـاله لين طلعــوا الشباب ودخلـــن ...
وبعد ماجلســن ..
وهج بهمـس لسالي :وش عنـدهم من دخلتي وعيونهن عليك ...
سالي بعدم اهتمام :يتأملن جمالي البهــي ...
ضحكــت وهج بصوت عالي شـوي وجذبت كل الأنظارلها ...
سالي :لاتحمـرين ترى من قهــرين من ضحكتك ... وجلست تضحك ...
وهج :سخيفه أنا مأدري وش جايبنــي معك ...
سالي :اللي قاهرني الغبيــه هذي ليش ماجت للحيــن ...
وبهاللحظــه دخلت عليهم عبيــر وقامت لها سالي ترحب فيها وعلى وجها أبتسامة انتصـار ...
وبعد ماجلسـوا ..
سالي :وش فيك تأخرتي ..؟!
عبيــر :السواق الغبي ضيع العنــوان حمـار ماتعــود على الأحياء الراقيــه .. وبحمــاس :يالله سالي متى بتوريني جناحك ...
سالي بلكزه :وجع أركدي سوي نفسك ثقل لومــره وحد بحيــاتك تراك تحت التقيم ...
عبير بالضحكـه غبيــه :ليه داخله عرض ازيـاء ...
سالي بقهــر :أنطمـ،ــي ..
بعد هالكلمــه جلست عبيــر محتـرمه وردت بكل أحترام على الأسئله المــوجهه لهـا ...
وهج :يؤ ذولي وش فيهــن كانهن ماصدقن يشـوفن احد يستجـوبنه...
سالي :للحين ماشفتي شـــي ..
دق جوال وهج وردت عليه كان ناصر اللي طلب منها تتصل عليه لابغت ترجــع عشان يجــي يأخذها ...
سالي بعد ماقفلت :هذا نصور ..
وهج وللحيــن مندهشـه من طلب ناصـر :ايه ناصر مأدري وش عنده يقول أذا خلصت ادق عليه عشـان يجي ياخذني ...
سالي :حلو حلو أجل أنا بروح معك عشان يعرف يســـور يمد يده علي مــره ثانيـــه ...
وهج :قصري صوتك لاتسمعك عبير ...
عبيــر :سمعتها وخلاص ... بس لحظــه ,, وكأنها توها تنتبــه على اللي قالته وهج وبالدهشــه :ياســر يطقك ..؟!
جواب سالي كان نظــره جمــدتها بمحلهــا ...
بعد ماطلــعوا كل الضيوف طلعت سالي مــع وهج بعد ماتركـت لياســر رساله تخبــره أنها زعلانــه لأنه طقهــا وقدام أختــه وأتهمته أنه كان شايف بسمــه وتعمــد يعامــلها كذا عشــان يهينها ... طبعاً هالكــلام خالي من الصحــه وهي متأكده من هالشي بــس أكتبته عشــان تغيض ياســــــر ...
بالسياره وهم راجعيــن مع ناصــر ...
ناصــر كان يحاول يفاتح وهج بمــوضوع سلطـان والحادث اللي سواه خصوصاً أن فيه كســور بيطـول شفائها ويمكــن يتأجل الزواج اللي مابقى عليه غير شهـر بسببها ...
وجتــه الفرصه على طبق من ذهــب يوم سألته سالي :وين كنت قبل ماتجــي مومن البيت صح لأن شكـلك مره معسـوف ...
ناصــر :لاكنت عنــد سلطـان غثني هالمهبــول وكل ماجيت بالطلع من عنــده مسك فينـــــي ...
وهج نزلت الدمــوع يوم سمــعت كلام ناصر يعنــي كان فاضي مــو مشغول ومـع كذا ماكان يرد على اتصـالاتها وهي اللي جالسه توهجــس فيه وخايفه من اللي ممكــن يصير وخاصه أن شغله فالمباحث خطيــر .. بس طارت كل أبراج عقلهــا يوم سمــعت :مع أن مــوعد الزياره أنتهي بس هولصق لي هنـا وأشر على حنجـرته ...
سالي بأستغراب :زياره وش زيارته ...
ناصــر :يوووه أنا ماقلت لكم أن سلطـان سوى حادث بسيط ..
وهج بالصـرخه :لااااااااااااااااااااا ...
ناصــر أرتبك :وش فيك وهج هدي أقولك حادث بسيط والله بسيط حتى أني طــول الوقت جالس عنده وظاربينها سوالف ...
ناصــر صح طــول الوقت كان عنــد سلطـان بس مو ظاربينها سوالف مثل ماقال لأن سلطـان طــول الوقت اللي كان فيه ناصــر عنده كان للحيــن تحت تأثير التخدير ماصحــى ..
ناصر كمـل :والله صدقينــي صياحك ذا ماله داعي لأن سلطـان مافيه أي شــي وبكـره أن شاءالله طالع ...
وهج كان ودها تصدق كــلام ناصر بس قلبها ناغزها لأنه لو صدق سلطــان مافيه شــي كان رد عليها يوم تتصـل عليه ....
سالي بعد شكت بكــلام ناصـر وخافت يكــون سلطـان صار له شــي ووهج أكيد ماراح تحمــل هالشي ..
أول ماوصلوا للبيت أنزلت وهج بالســرعه من السياره بس سالي ماتحركت من محلهـا ...
ناصـر بأستهبال :وش فيك جالسه تبغيني أرجعك للبيت رجلك ...
سالي :سخيف قلي صدق وش صار لسلطــان ...
ناصر بالتنهيده :الحمــدالله جت سليمــه كان ممكــن يروح فيهــا بس الكســور اللي جات له ماهــي هينــه وخصوصاً اللي فالقفص الصدري ...
سالي بالصدمــه :ياويلي عليك ياوهج أكيد بتنهبل لودرت ...
ناصــر :لودرت مره وحد أكيد بتنصدم بس لودرت بالتدريــج ماعليها خـــوف وهذا اللي أبغاك تسـاعدينـي فيــه ...
هزت سالي موافقه على كــلامها وكل تفكيــرها بوهج المسكينــه وردت فعلها على هالصدمـــه ...
---------------------
دخل ياســـر جناحــه على السـاعه كعادتـه كل أربعاء كان مشتاق لها حيييييييل وعارف أنها بتغلبه اللحيــن فالدلعها وزعلهــا بعد الموقف الأخيــر اللي صار بينهم بس غصباً عنه موبيده دمــه يفور لاسمعها أتكلم عن شخص ثانـــي وده يذبح هالشخص ويشرب من دمــه ... واللي يقهــره زياده أن كل الناس عنــده طيبين وحليلين على قولتها الا هـــولأنه بنظــرها شرير متوحــش وياما رددت هالكلمــات على ماسمــعه ... أنتبه ياســر على أن الجــو هادي معقــوله نامــت مو من عادتهــا دخل للغـرفة النــوم شاف الغــرفه فاضيه يعنــي وين راحت هالوقت معقــوله عنــد بسمــه بس ماتوقع لأن علاقتهم مولذيك الدرجــه بعدين بسمــه هالوقت أكيد فالسـابع نومـــه كان مقرر ينزل تحت يدورها يوم أنتبه على ورقــه مطــويه على التسريحـــه فتحها وكانت من سالي عفس الورقــه بيده بقهـر بعد ماقرأ اللي فيهـــا سوتها وراحــت رغم كل تحذيراته لها ماتطلع من البيت بدون أذنـــه ومع كل هالشــوق لها تكــون ماهي موجوده أنا وريك ياسالي بس أرجعــــي رمـــى نفسه على السرير وحاول ينـام بس كل ماغمض عينــه طلع له طيفها وهو يبتسلمــه بمكـــر وكأنها رغم بعــدها حاسه فيــه أنه مايقدر ينــام فغيابهــا بالأخيــر أستسلم لفكــرة انه مايقدر ينـام وأخذ جــواله وأتصـل عليهــا ...
سالي كانت جالسه تسولف مع جنــى ووهج يـوم أتصــل عليها ترددت أترد أولا بالأخيــر قالت توكلي على الله وردي أصلاً هو موعنـدك عشـان تخافين منــه يعنــي خذي راحتــك ...
سالي بميــوعه:الوووو...
ياســــــربصوت هادي :وينك ...
سالي (لايكـــون يحسبنــي عنــده فالبيت يؤ شكـله مادرى اني طالعــه والله الوهقــه ) :طلعت مع وهج مادريت ...
ياســـر بقهر :وشلون أدري وحظــرتك ماتعبتي نفسك وخبــرتيني ...
سالي :أحسن اصلاً أنا مأبيك تدري ولو سمحت لاترفع صوتك علــي ....
ياســر :احلفي أنتي أحل كيف تبغيــن أتكلم معـــك ...
سالي :لو ماتتكلم معــي أبد أحســن ..
ياســر :وكيف بنعيش مع بعض أذا ماكلمتــك ...
سالي :مولازم نعيش مع بعــض طلقنـــي ...
ياســـــر :ارجعــي وشوفي أذا ماذبحتك على هالكلمــه اللي مصدعــه راســي فيهـا...
سالي بخــوف :ماصدقك انك تكــرهني لدرجــة أنك تقتلنــي والله العظيم أنك مجــرم ...
ياســـر (أنا أكــرهك ياليت ): واكثــر بعـــد بس أنتي أرجعــي ...
سالي :احسن انك علمتنــي عشـان مأرجــع ...
ياســــر (يووه هذي صدقت ):أذا مارجعتــي بتكــونين أنتي اللي جنيتــي على نفسك لأنـي ماراح اكتفي بذبحك وبــس ...
واستمـــرت المكالمــه بينهم على هالحـاله حـرب بارده ...
فاليــوم الثاني يوم الخميس صحــى ياســر على جـواله يدق ...
كانت أمــه اللي طلبت منــه ينزل تحــت بتكلمــه بمـوضوع ...
نزل ياســر تحـت وماله خلق لأنــه للحيــن نعسـان كانوا كل أخــوانه تحــت يوم شاف ريان كشـر فوجهــه وجلــس ...
ياســر :بسمــه صبيلي شاي ..
بعد ماخذ الفنجـان اللي صبتله بسمــه سألت أمــه :وينها مــرتك ..؟!
ياســــر :فبيت أهلهــا ...
فطــوم بشهقه :فالقصيم ...
ياســـــر :لاويــن فالقصيم أقصد بيت أختها ...
فطــوم :وعجبك اللي ســوته أمــس ...
ياســـــربملل من هالمـوال الشبه يومي :وش سوت أمــس ...
فطــوم :فشلتنـي قدام خالاتك حتــى سلام ماتسلم عليهــن مثل خلق ربــي ولاأذا أحد كلمها ترد عليهـا من طـرف خشمهـا وبالأخيـر الحـركه اللي سوتها هي وبنت عمها عشـان ماتدخــل تسلم على خالاتك ...
بسمــه :لايمــه حرام عليك بهذي شكلــها صادقه أصلاً وهج مستحيل تســـوي حركــه مثل هذي ماسمعتيها يوم صرخــة ...
ياســــر بعصبيــه لأن أمــه جالس تشهـر بزوجتـــه قدام أخــوانه :خلاص يمــه انا أتفاهم معهـا ...
وقام واقف ..
فطــوم :بس ..
ياســر قاطعها :يمــه ارجــوك وراي شغل كثير ... وطلع من الصاله وهو يقــول مع الســلامه ...
فطــوم بتحســر :لاحســه مخه بنت صالح الله لايبارك فيهـا ..
والتفتت على ولدها بندر اللي كان دوره دور المستمـــع :وأنت ماهـو ترى تملك لي على وحــده وتقـول هذي زوجتــي ...
بندر :لايمــه من هالناحيه تطمنـي أنا ماراح أتزوج اللي أنتي تخطبينها لي ...
فطـوم براحــــه :الحمدالله طلع واحد منكم عاقل ...
ريان :يعنــي أخيراً غيرتي رايك بيسورر ...
فطــوم بقهــر :انطم انت وش يســور هذي أحترم أخــوك الكبيـــر ...
ريان :وانا اللي قلت خربت العــلاقه بينكم ... وسكت شوي :تصدقيــن يمــه أن هالسالي قدعــه اللي بتفرق بينك وبين البعبع ...
وقفز من محلــه لان أمــه كانت بترميــه بعلبة الكلينكــس
------------------------
فبيت ابوناصــــر كان البيت هادي الكــل نايم ماعدا أثنيــن كانوا يلعبــون باسكت بول بالحـديقه قدام البيت ...
هديل :لاأنت طــويل لاغش غش ...
سعــود :اششش انتي يالقزمــه وش أسوي فيك عشـان تطــولين ...
هديل :اوووف أنا موقزمـه قصيره بس ...
سعـــود بالضحكــه :طيب قصيـره وش فرقت ... وسكت يوم سمــع صوت جرس الباب ..
هديل :يوووه من الغبــي اللي جاي الساعه ونظـرت بالساعة يدها وكملــت :عشر الصبح ...
سعــود يقاله بيخـوفها :يمكـن الحـرامي اللي خطف البنات القزمـات ...
هديل :جب زيــن وأمش نروح نفتح الباب لأن هذا شكلــه مصـر ..
فتح سعــود الباب وهديل واقفــه وراه ..
سعــود بعد ماشاف اللي ورى الباب :هذا أنت ياهــلا والله ...
هديل طلعت غصب مع فتح صغيره بين سعــود والباب :هــذا انت ...
سعــود ضربها علــى راسهــا :عيب يابنت أدخلي ...
هديل :خالتي سالي نايمــه ...
سعـــود :هدول وجع ادخلي .. ادخل ياســر حياك ..
ياســر وهو متسند على سيارتـه :لامستعجل مافيني أدخل تجي معي بالروح المزرعــه ..
هديل بلقافه :مزرعتكم الكبيـره الحـلوه ..
ياســر بالضحكـه :ايه مزرعتنا الكبيـره الحــلوه اللي ماعندكم مثلها ...
هديل بقهــر :بقول لناصر يجيب لنا مثلها ناصر أحلى منك ...
سعــود :القرد بعين امه غزال ...
هديل بتهديد :قصدك ناصـر قرد طيب طيب ...
سعــود :هدول ترى بقص لسانك ..
هديل :ماتقدروش قالوا لك ماعنـدي ام وأخو أسمــه ناصـر وخاله أسمها سالي ...
سعــود بتطنــز :واخو أسمـه عادل وثاني أسمــه سامي واخت أسمـها وهج وثانيــه أسمهـا جنــى وشغاله أسمها ميــري وثانيـه مأدري وش اسمها وسواق أسمـه راجــو وخال اسمــه سعـود ولد عم أسمــه ياســـر .....
هديل ميتــه من الضحك وياســر من شكلها وهي تضحك جلس يضحك سبحـان الله كوبي من خالتها ...
ياســــر :يالله سعـود بتجــي معي ...
هديل :وأنا أبي أروح معكم ...
سعــود :خبله أنتي وين تجيــن معنا ...
ياســر بمكــر :لاعادي تبيــن تجين معنا تعالي بس لازم أحد كبير يجي معك ...
هديل :والأحــد الكبير هذا أكيد خالتي سالي صح ...
ياســـر :صح ..
هديل دخلت تركض: طيب أنتظروني عشـــر دقايق وراجـعه ..
سعــود :من صدقك انت ..
ياســر :لاامزح معك أكيد من صدقي حرام خلها تطلـع معنا ...
سعـود :حرام ولامتهاوش مع بعض ناس وخاطرك تراضيهم ...
هديل طلعت فوق وجلست تحــن على راس سالي لين صحتها وطبعاً ماقالت أنهم بيطلــعون مع ياســر وسعــود كل اللي قالته ان سعــود بيطلعهم مشـــوار ...
سالي قامت وهي فاتحـه عيــن ومقفله عيــــن ...
هديل :أمسكـي خالتي ذولي ملابسك طلعتهن لك يالله بالســرعه ألبسيهن بنتظـرك عنــد الباب ولاتبينــي أساعدك ...
سالي :هديل انقلعي ...
بعد مالبست سالي ولبست العباه طلعت لهديــل ..
هديل :خالتي ماغسلتي وجهك ...
سالي :عشــان مايطير النــوم لأني بالنام بالسياره ...
هديل ماعنــده مشكلــه كانت ماسكــه يد سالي وتدلها الطــريق ركبــوا السياره ولكــل ساكــت سالي مع أنها السياره سيارة ياســر الا أنها مالاحظـت لأنها مألوفها لهــا وماهي نعسـانه فما تدقق ...
هديل قربت من ياســر وسعــود :لاتكلم ترى ماتدري عنــك ...
وطالعت بالسالي اللي كانت نايمــه وقالت بالصوت عالي :لاخلاص سولفوا نامــــت ..
سعـــود :بل مالها ثانيــه من ركبت السياره نامــت أنا أجلس ثلاث ساعات بالفراش ولايجــيني نوم ...
ياســر ضربه على كتفـه :قل ماشاءالله لاتنظل أختك ...
هديل لياســــر اللي كان مشغل محمد عبــده :لاتكــون بس تسمــع لعبده هذا ...
ياســر بأستغراب :ايه مأسمـع الا لمحمــد عبــده وكمل باستهزاء :وانتي لاتكــونيـن تسمعين لكاظم مثل خالتك ...
هديل :كاظم ميــن اللي يقول أحبيني بلا عقداً ...
ياســر :ايه هـــو ..
هديل :من قال خالتي تحبـه اصلاً ماتواطنـــه ولاتحـب اغانيــه وكله تمصخر عليـــــه ...
سعــود :قاصه عليك أجل ...
ياســــر :هين اوريها أذا ماشتريت كله البوماته وصجيتها فيهــن ....
هديل :انا جــوعانه ..
سعــود :يوهـو بدينا حركات الأطفال ليش مأفطــرتي فالبيت ..
هديل :افطرت بس اللحيـن جعت ...
سعــود جاء بيتكلم بس ياســر قاطعـه :خلها على راحتها حتــى أنا جــوعان مأفطرت فالبيت وسالي لصحت اكيد تبي فطــور..
سعــود :خلاص استسلم غلبتــوني ...
اخـذوا على طريقهم فطــــور وطلعــوا على المــزرعــه ..
--------------------------
ناصــر صـحى على الساعه عشــر ونص نزل تحت وشاف امــه جالس تقهــوى بعد ماسلم عليهـا قالت له :شفت أختك وش مسـويه ..
ناصــر :أي أخت وهج ..
أم ناصـر :لاوين وهج ابوها للجنــه اقصد هدول ...
ناصــر :وش مســويه ...
أم ناصر :رايحــه هي وخالتها لمزرعة عمك ...
ناصــر :وشلون من اللي موديهم ..
ام ناصـر :الخدامـه تقول بابا سعــود ..
ناصــر :يعنـي الخدامه اللي مخبرتك هي ماقالت ...
أم ناصــر :عارفه أني برفض ..
ناصــر :لا ان شاءالله ماعليها خـوف دام سعــود وسالي معها ...
أم ناصــر :وانت وين رايح لشغل ...
ناصـر :بمــر على سلطـان بعدها بطلع على الشغل ..
أم ناصر :يالله ياكـريم تشفيــه ... وانت لوتقاعد من هالشغله وتريح قلبي ...
ناصـر :يمه الله يخليك لي للمره المليون أقولك حادث سلطـان حادث مرور ماله دخل بالشغــل وأذا تبغين تأكدين بعيــونك تعالي معي تشوفينه ...
ام ناصر :اكيد بروح أشوف بس ماهو اللحين العصر هالوقت ماعنــده الا اهلـــه مانبغى نضيق عليهم ...
ناصــر :على راحتك .. يالله مع الســلامـه وطلع ...
وبالنفس الوقت نزلت وهج من فــوق وشكـلها معفــوس ...
ام ناصر :تعالي تقهـوي ولاقبل تبغين تفطـرين ...
وهج :لايمــه مابي شي ...
أم ناصر :على راحتك بس غريبه صاحيـه هالوقت ..
وهج :اصلاً أنا نمــت ..
أم ناصر بخــوف :ليه وش فيك ياكافي الشـــــر ...
وهج :حلمت حلم شين بالسلطـان ...
أم ناصر :لايمــه لاتخافين هذي بس من هوجستك فيـــه ولاهو مافيه الا العافيــــه حتـى ناصر توه طالع بيمــر عليه وأنا بروح لهم العصر أذا تبين تروحيــــن معي ...
وهج :لايمــه أستحي أروح وأهله فيــه بعد ناصــر مايرضى ...
أم ناصر :ماعليك منــه اذا بتروحيــن بأخذك معي وخليه يفتح يمــه ...
وهج :لايمــه مأبي بعدين ناصر يقول أنه بيطلـع اليوم ...
أم ناصر بأرتباك :ايه صح يمكــن اليوم أوبكــره تعرفين الكشوفات والأشعه تأخذ وقت ...
وطبعاً وهج اللي على نياتها مانتبهت لأرتباك أمهــا ولافكــرت أن فيه أحد مخبي عليها الحقيقه وكل تفكيــرها بالسلطــان اللي مارد عليها أمس رغم أنه يقدر بس أكيد أذا دقت عليه اليوم بيرد عليها ويعتذر بعد .... >> مــررره طمـوحه البنت خخخخخ ...

-------------------------------
راح ناصر لسلطــان فالمستشفى ولقاه صاحي وعنــده كل أهله من الرجال طبعاً .. سلطان كان شكلــه مره تعبان لدرجــة انه مايرد عليهم الا بكلمــه او ثنتيــن وحتى الكــلام يتعبــه .. بالأخير طلعــوا كل المــوجودين مابقى الاناصر وأخـو سلطـان اللي كان مرافق معــه وهذا بدوره استئذن بينزل يجيب له شي من سيارته تحت فخلى الجـو لناصر وسلطـان ...
ناصرطلع جوال سلطــان وحطـه على طـواله جنبــه :هذا الرجل اللي ساعدك عطنياه ...
سلطـان وضح عليه الأرتباك لأنه يوم نقلوه للأسعاف طلب من الرجل يأخذ الظرف اللي بالسياره ومايعطيــه احد أبد غيره ولو لاسمح لله مات يحــرقه بدون مايشوف اللي فيــه :وماعطاك شي ثاني ..
ناصــر:لابس الجــوال واغراضك الباقبـه أكيد مرفوعــه بعد الحادث كل اللي بالسياره يحتفظـون فيه الشرطه ...
سلطـان تنهد بالراحــه يعني ماعطاه الظرف بس حتى هالتنهيــد المتـــه ...
ناصــر :وش فيك تألم ...
سلطـان :الله لايوريك هالألم حتـى الـ آآآه توجعنـــي ...
ناصــر بتردد :سلطـان ادري أنك تعبان بس ممكــن تلبي لي هالطلب ...
سلطـان عرف انه بيكلمـه عن شي يخص وهج بس وش هالشـي مايدري :تفضل ولو ...
ناصر :وهج من أمس تدق عليك .. (سلطــان عارف أنه بيتكلم عنها ومع هذا حس بحرقه يوم أنذكر أسمها قدامــه الخاينــه) ...والجـوال كان معي فماكنت أرد عليها ويوم رجعت للبيت خبرتهم عن الحادث بس هي قلت لها أن الحادث بسيط لأنها مره تأثر بس سمعت أسم مستشفى وقلت لها أنك بتطلــع اليوم أوبكــره فأرجوك اذا كلمتك ترد عليها أدري هذا يتعبك ..(آآآه ياناصــر ماتدري أي تعب بتعبـــه لو كلمتها تعب نفسي أكثر منــه أنه جسدي الخاينــه للحيــن صورها ماهي راضيه تطلــع من راسي )... وأنا بطلب منها ماتطــول عليك ...
سلطـان انت معــي ..
سلطـان :ايه معك .. آآآآه ..
ناصــر بخــوف :سلطان وش يعــورك ...
سلطــان :كل جسمــي ياناصر كله أحس شاب نار وبالأخص ضلوع صدري ...
ناصــر :بنادي لك الطبيب ...
سلطـان :لاناصر تكفى بيعطــوني ابره تنوم وأنا مأبي أنام ..
ناصــر :بالعكس أحــسن تنام وترتاح عشـان تشافى بالســرعه ...
(تشافى ضلوعي بس اللي داخلهـــــا بيبقى مجــروح ) ...
سلطـان كان هايم بأفكـاره وماحس بالممرض اللي دخل وعطاه أبره ليــن ظلمت الدنيــا فوجهـــه .. كذا أحســن ياسلطــان ترتاح من كـل أوجاعك الجسديــه والنفسيــــــه ...




نهــاية الفصل الأول ...