[فيتامين سي]

السلام عليكم ورحمة الله وبركاته

ياحيالله ام رنا وياهلا بالحامل والمحمول منوره المنتدى يالغاليه
بدايه مشوقه وتعد بالكثير والأجمل

عليا
الله يجزاها خير على برها ورعايتها لأمها وواضح إنها عاقله وما أظن تطلع منها العيبه لكن هل متزوجه من ياسر أو مجرد خطبه أو ملكه وتركها بعدها

ياسر
ماعجبني في تركه لأمه وهي في عز الحاجه له ولا تصرفه مع عليا وعندي إحساس إنه ماغلطت عليا وإنه ظالمها لكن هو جبان ماقدر يواجه بندر وكذب عليه وهو ماعنده نيه يرجع مثل ماقال له لكن اللي مافكر في أمه بيفكر في غيرها

عليان
غلطان كان لازم يخبر عليا بسوات الخدامه والمفروض يسفرها اليوم عرضت نفسها عليه بكره تعرض نفسهاعلى غيره أو تعمل له سحر الله يكفيهم شرها

فايزه
العقل والعاطفه تخليها تتزوج زوج أختها خاصه لو مافيه شيء يعيبه لأن الغريبه ماراح تكون أحن على عيال أختها منها وهو مستحيل يجلس بدون زوجه صحيح هي صعبه على الإثنين وخاصه فايزه لكن ممكن تنجح حياتهم
لو عندهم الرغبه في إنجاحها وفي الواقع مرت علي حالات مثل فايزه

أبوساري
عسى يده للكسر مستقوي على الضعيفه ووقدام الناس مسوي ماله ذنب لكن الشرهه على قمرى اللي ساكته له وعلى أهلها شافهم ساكتين قال أسوي اللي أبغى ماحد راح يردني نسي إن كل قوي فيه أقوى منه

قمرى
الله يكون في عونها ويعوض صبرها خير وينصرها على ابو ساري
أم رنا تسلم يمينك منتظرينك يالغاليه