عرض مشاركة واحدة
قديم 29-12-12, 11:37 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25


السلام عليكم ورحمة الله وبركاته
أسعد الله أوقاتكم يا حلووين

بسم الله الرحمن الرحيم

هنا البارت الخااااااامس
--------------------------




**************************************
في صباح فرنسا المثلج
لوليتا بعجل: يلا بسرعه الحين الطياره تفوتنا ولازم نشحن الشنط
سلمى بكسل: يوه منك اصبري شوي
لوليتا بنفاذ صبر: اقول بلاها عاد انا ماشيه
سلمى وهي تقوم : لحظة الحين بجهز
لوليتا منزعجه: يلا اخلصي على بال اخذ لي كم صوره في هالبيت
سلمى: اوكي
وتلف لوليتا على البيت كله وتتذكر ذكرياتها في الكوخ الصغير
اللي عملته هي وصحباتها
ايام الشتاء في السنه الماضيه وكان كل نهاية عطلة اسبوع يتجمعون فيه دمعة عيونها بس
ماوقفت دمعاتها وبهمس: ادمعي باللي تبين ماراح اوقفك يا دموعي
واتجهت للجهه الثانيه اللي هو المدخل الخلفي للبيت ولقت لوحاتها والوانها
لكن تركتهم وما اخذتهم خلتها ذكرى لها هنا من فرنسا وصورة
كل زاويه في هالبيت اللي قضت فيه اربع سنين هنا وعاشتها بمرها
وحلاوتها واخذت شهيق وزفير وابتسم بحزن ومشت
لان سلمى خلصت وتناديها وعلى طول للمطار
اللي هو اخر مكان في فرنسا تزوره ....



**************************************

#
فـــي أرض بـــلادي اتيت بشـــوقٍ كبير لــهم
اتيت من بلاد الغربه الى وطني الذي يضمهم
#

*قلمي
--
في قصره صحى بعد سفر طويل من النوم
أبتسم فيصل: اصبحنا واصبح الملك لله والحمد لله ولا اله الا الله
قام واخذ له شاور وبدل ملابسه ولبس له قميص وبنطلون جاكيت شتوي
الان الجو كان بارد عندهم ومشى للقصر أهله يسلم عليهم ومن حظه اليوم كان اجازه لهم
واول مانزل من السيارة ابتسم بإشتياق للمكان كثير يتذكر لما كان يهاوش ميسم على
صبغها للشعرها لانه ما كان يحب لونه الا لين صبغته بلونه الطبيعي قبل
فيصل: هههه يا زينك يا ميمو وحشتيني
وطلب من الخدم انها راح تكون مفاجأه لهم ودخل فيصل وكان بنفس الوقت
ميسم طالعه من الاصنصير وتفاجأة بوجود فيصل هنا وصرخت :فصوول انت هنا
فيصل انفجع من صوتها بقوة الا وهي تطيح بضحنه : اشتقت لك ياروح اختك وينك مختفي
فيصل ضمها بقوة : وانا اكثر يا بعدي وحشتيني يا روح اخوك
ميسم دمعة عينها بفرح بشوف اخوها اللي طول وماشافته فيصل: ليه هالدموع يالغاليه هذا انا الحمد لله شفتيني
ميسم وهي تبعد عنه : الحمد لله على السلامه يا فصول
فيصل ويمسح على خدها: الله يسلمك الا وين امي
ميسم وهي تمسك يده: تعال تراها ماتدري عنك انك هنا لكن بنسوي مفاجأه
فيصل ابتسم على فكرة ميسم : اوكي اللي تشوفينه
وطلعت ميسم من القصر واتجهت للمشب هناك الان امها موجوده فيه تتقهوى زي عادتها واغلب الشتاء
تتواجد فيه اكثر ..وصلت للباب : صباح الخير مامي
ام فيصل بحب وهي تضم بنتها : هلا يا صباح النور والسرور يا حبيبتي
ميسم وهي تجلس على طرف الكنبه وتعدل نظاراتها: امي عندي لك مفاجأة مره غاليه
ام فيصل : يوه من مفاجأتك اللي ماتخلص
ميسم بضحكه: ههههه يومه مو لهالدرجه بس بشرط غمضي عيونك كويس اوكي
ام فيصل وهي تغمض عيونها ...
وأما عن فيصل اللي فطس ضحك عليها لكن ماحب يخرب عليها
وميسم عند الباب : هيا يا هديتي الغاليه فلتتضلي الى هنا وتقتربي الى امي
وأم فيصل استغربت انها تتكلم المفاجأة وفتحت عيونها ام فيصل
وتلقى ولدها عندها ضناها خنقتها العبرة وبكت : هلا بولدي هلا بعيون امه
فيصل وهو يحضن امه: هلا فيك يا يمه
أم فيصل : وينك طولت الغيبه
فيصل: اعتذر يا يمه لكن ابشرك اني راح اكون عندك يالغاليه
ام فيصل بفرح كبير لولدها فرحه ماتوصف واخيرا جاء من بلاد الغربه
بعد شوق وحنين له حمدن ربها على وصول ولدها سالم وغانم
وأما عن ميسم فهي حزنتها للحظة اللقاء بينهم وبكت
وانضمت معاهم وبدى فيصل يحكي لهم ايش صار وايش سوى
وهيك وكانت وقت جميل بالنسبه لهم ..

**************************************

في ايطاليا ,,
#
مللت الانتظار ياحنيني اين انت انني افتقدك
آه اتعلمين ما بداخلي عندما اتذكر وجـــودك
نعم اعلم هذا لكن لقد تأخرت ومزّقني حنينك
#

* قلمي
-------------------------------------

حست بالطفش كثير هنا بتروح لاهلها لكن تذكرت انها
مافتحت الهديه وراحت تفتحها بشغف بتشوف ايش فيها وإنصدمت
انها صورته في المستشفى عليه الاجهزة بكل جسمه جلست على الارض
وبيدينها الصوره ويدينها ترتجف باللي تشوفه وتطالعه بالهديه كانت عبارة عن وردة
لكن اذبلت لانها مافتحت يوم وصلت لها الهديه ودموعها نزلت بغزاره : ليش يا قلبي تسوي فيني كذا
كان على الاقل تقولي مو يوم أنك رحت وقلت لي بالهديه آآه يا عامر المفروض ماتسوي فيني كذا ..
وقامت على حيلهاومسكت التليفون وطلبت من خدامتها الخاصه بالجناح تجهز
ملابسها والطيار يجهز الطياره لانها بتسافر بأسرع وقت ممكن
الى استراليا .. ولبست ملابسها وقوت نفسها انها ماتبين للاولادها ودعتهم
وحطتهم برعاية سوزي اللي هي المربيه لهم
مرأة كبيره بالسن مالها اولاد وماتجوزت لكنها حنونه
وكانت بمثابة الام يوم تغيب عبير ...
ركبت السياره وكان الصمت سيد المكان لها من يوم طلعت من قصرها
وماتبي تخبر أهلها باللي صار لزوجها
ووصلت للمطار تودع ايطاليا مثل ماودعها عامر ودخلت الطيارة ..وتم إقلاعها ..

**************************************

#
في لقاء الاحبه حلاوة لها طعم نادر ..لا يطعمها الا اصحاب اللقاء وقتها
#
*قلمي
..

---------------------------
في بيتها المتواضع وكانت الفرحه تعم بينهم لقدوم حبيبتها وبنتها وروحها لوليتا
ومرتب البيت وكلهم ينظرونها وكان ابوها هو اللي يجيبها من المطار بنفسه
ام ياسر: يا وليد تعال وانا امك
وليد: هلا يمه
ام ياسر :روح شوف الباب يدق وانا امك
وليد: ابشري يالغاليه
راح وليد وفتح الباب وكان يحسبها ام سمر جايه بالعاده
.. وهي تضمه: هلا بروحي وقلبي اخوي وحشتني ياروح اختك
وليد بصدمة : لولي انتي هنا ياقلبي عليك ..وهو يضمها بشوق لها من زمان ماسمع صوتها
وحشته كان يسمع اخبارها من امه لكن هالمرة هو لقاها
لوليتا بدموعها :الحمد لله اخبارك انت وشولنك عساك بخير ؟
وليد بسعادة مومصدق انه يشوف اخته: الحمد لله بخير انتي اخبارك ؟
لوليتا وهي تحط يدينها على خد اخوها: بخير يا روح اختك الا وين امي اشتقت لها
سلمى وهي تضم وليد بقوة وهي خوفته: هلا والله لودي وحشتني يا روح خالتك
وليد اللي مامسك نفسه ونزلت دموعه بشوفتهم هم الاثنين : هلا والله بسوسو تراك خنقتيني
سلمى وهي تضحك :ههههه هاه وش اسوي اشتقت لك يا الغالي
وسلموا على بعض ومن بعدها دخلوا داخل وكانت لوليتا اولهم
لوليتا بدموعها اللي ماتخلص : يمه انا جيت
ام ياسر اللي خانتها العبره وتضم بنتها بقوة: هلا بروحي هلا قلبي نورتي البيت ياروح امك
لوليتا ببكاء: هلا فيك ياماما وحشتيني
ام ياسر اللي تمسح دموع بنتها: وانا اكثر يا قلبي ليه هالدموع يا روحي
لوليتا: يمه احبك اشتقت لك خليها تدمع تراها دموع فرحتي بشوفتك يالغاليه
ام ياسر وهي تحضن امها بحب: يا قلب امك
وبعد السلام والاشتياق والحنين اللي كان كله لهم زال في لحظة لقائهم
سلمى :هلا بخيتي وش اخبارك ؟
ام ياسر: هلا والله فيك يا سوسو الحمد لله بخير بشوفتكم
سلمى : دوم يارب
أم ياسر : دامت انفاسك يالغاليه ,,
وبدت الحكايات عن رحلة اللي كانت في فرنسا تحكى لهم
وأما عن بطلتنا لوليتا اخذت جوله في البيت وكان زي ماكان ماتغير
وطلعت للحوش تشوف ورداتها اللي اغرستهم قبل لاتسافر وكانوا متفتحين
وكثيره وقطفت وحده واستنشقتها : آآه يا زين ريحتك يا ورداتي
وهي تدور في الحوش ومسكها وليد وضمها :وحشتيني يا روحي
لوليتا بخجل: وانا بعد كلكم وحشتوني
وليد ويمسك يدها : تعالي بوريك حاجه
لوليتا وهي منزله راسها: اوكي
ودخل داخل البيت وراح للغرفه قديمه كانت قبل مقفله وهو فتحها جددها
ومسك الباب وقال لها: غمضي عيونك
لوليتا وهي تغمض عيونها: تيب
ودخلها وليد الغرفه :فتحي عيونك الحين
لوليتا وفتحت عيونها : وااااااو مرة رهيبه والله وصرت خطير يا لودي
وليد ابتسم : تستاهلينها يا لولي
لوليتا بحب وهي تضم اخوها بقوة: مشكور يا أحلى اخ بالدنيا
وليد بضحكه: ادري هههههه
لوليتا :هههههه فديتك انا
تركها وليد عشان تاخذ راحتها في هالغرفه اللي كانت هديه لها
والغرفه كانت عبارة عن استديو صغير للتصوير وبلكونه صغيرة مطله للحديقة
ومكتبة صغيرة عند الشباك عشان تكتب خواطرها واشعارها فيها
ولاب توب لها ورود عن الشباك وكانت جدا مبسوطة بالهديه اللي اهداها لها وليد
وطلعت على البلكونه تشوف الحديقة وطلت تحت وتشوف وليد يلوح بيده ويبتسم لها
وردة لها الابتسامه ومعها بوسه له وضحك على حركتها وطلع من البيت
وحمدت لوليتا ربها على وصولها بالسلامه هنا لديرتها ولاحبابها
ونزلت تحت عشان تسولف معها أمها وسلمى ...

**************************************


.. سيدي تم تأجيل الرحله بسبب العواصف:
عصب عبد العزيز بقوة من الخبر وقفل السماعه : اووف ايش هذا والاخ فيصل ماصدق
على الله وراح للسعوديه بعد ماخلص اجتماع مع ابوي
ودخل للجناح وجلس على الكرسي ماسك راسه بقوة مصدع بقوة
وتسطح على الكرسي ونادى الطبيب الخاص له واعطاه مسكن عشان يخفف الالم
لكن حاول ينام ماقدر وحس الالم خف شوي وقام يغسل وجه بالمويه البارده عشان يصحصح
وحس بنشاط وبدل ملابسه وخرج من الغرفه لكن الفت نظره احد اللوحات الموجوده في الغرفه
واتجاه للوحه وظل يتأمل فيها ابتسم بحزن لما شافها حس بشوق لها كبير
تمنى انها ماراحت اوكانت قريبه منه بس للاسف صار اللي صار
ترك اللوحه هنا ذكرى له وخرج من الجناح بعد ماخبروه ان العواصم هدأت
وترك وراه القصر بالخدم اللي يديرونه ومشى..



**************************************

في المشب ,,
ميسم فرحانه وناطه عند اخوها وأمها
ميسم وهي تتنفس بسرعه الانها كانت تجري قبل: مامي فصولي ...
ام فيصل وفيصل بتعجب من ميسم: خير وش فيك ؟
ميسم: عزوز اليوم بيجي وأما عن ابوي لا صار عنده شغل وفي روسيا الحين
ام فيصل بحزن على ابو فيصل ومبسوطه بجية ولدها : ان شاء الله يجون بالسلامه
فيصل: ان شاء الله ايه ابوي قبل لا أمشي خبرني عن سفرته عاد الله يعينه
ميسم بحزن : وحشني بابا
فيصل بيلطف الجو شوي: هاه يا ميمو كيف ايامك بالدوام
ميسم وهي تضحك: هههههه الله ياخذ شرك والله ذكرتني بموقف بجد محرج بس ما بقوله
فيصل عقد حواجبه: وليش ماتقولي عناد ولا ايش
ميسم عارفه شخصية فيصل بالقوة لازم يعرف وهي تحاول تصرفه لكن حمدت ربها ان اخوها باسل توه دخل
ميسم تقوم وهي تضم باسل: اهلين بسولي انورت واسفرت
باسل :هيه شوي شوي خليني اسلم على فصول وبعدين انتي
ميسم بعناد مابي ومسكها فيصل ورفعها فوق
ميسم بصراخ: هييييه ابعد عني نزلني بسسرعه
فيصل وهو يضحك عليها: هههه هذا عقاب لك عشان بعدين ماتعاندين وتصرفين يا حلوه
ميسم انقهرت منه : بسول شوفه خله ينزلني ولا اطيره
فيصل يضحك:ههههه يلا طيريني
ميسم ببراءة: ماقدر من عضلاتك بس اقدر اشرحك ههههه
ام فيصل : يا ولد نزل اختك ايش فيك كذا عليها
فيصل وهو ينزلها : هاه تشريح انتي وماهر وبسول هههههه
ميسم انحرجت منه وقلبت الوان وطلعت برى قبل يلاحظ عليها
فيصل بصوت عالي :هههه فديت ام الوان انا
ميسم وهي تكشر : مالت عليكم يا عضلات
وطلعت ميسم زعلانه منهم لكن ضحكة على فيصل لما قال ماهر : حتى ماهر هنا نشبه ههههه
باسل وهو يمد يدينه: اهلين بحبيبي المدير فيصل
فيصل : اهلا بأبو تشريح هههههه الحبيب
وسلموا على بعض وكانت ام فيصل مبسوطة بلمة اولادها لكن الا عبير وعبد العزيز
مو موجودين عندها لكن ان شاء الله يجتمعون مره ثانيه ...


**************************************

.. : وحشتيني يا لولي
لوليتا: وانا بعد يا سمور
سمر ببتسامه: ياعمري الا كيف فرنسا واجوائها حلوه
لوليتا وتبتسم :الله خياليه ليتك معانا رحتي
سمر : وين اروح الله يهديك بس زين نجيب الكتب بحسابنا تبغيني ادرس برى هههه
لوليتا: ههههه الا كيف التمريض معك حلو
سمر : يجنن ليتك معانا
لوليتا خلاص ان شاء الله السنة الجانيه ناطه عندكم
سمر: ههههه ان شاء الله
لوليتا وهي تقوم: ايش رايك نطلع دحين
سمر : على وين ؟
لوليتا بتفكير: والله مادري اللي تبين بس اهم شيء نطلع مثل صديقاتك وهيك
سمر :ايه صح ذكرتيني فيه وحده من صديقاتي عازمتني على حفله وكذا ايش رايك تروحي
لوليتا بحماس: اوكي اتفقنا
سمر : لولي بس لازم شيء وكشخه عارفه لانهم مو من مستوانا
لوليتا بتأفأف: افف انا على بالي حفلة بنات وحركات واخر شيء طلعت بالهاي هاي
سمر: ايه عشان كذا بأكشخ
لوليتا:عادي انا عندي لبسين اشتريتهم من فرنسا بي مالبستهم وفيك تلبيسن الثاني وأعتبريه هديه مني لك
سمر : يا عمري انتي وه فديتك اوكي يلا خلينا نشوف
لوليتا: اوكي تعالي للغرفتي
ودخلت لوليتا وسمر الغرفه ولبست الفستان سمر وكان مره عليها روعه وماسك كان لون احمر حرير غامق تحت الركبه
وحزام ابيض تحت الصدر وسلسال ابيض لولو وكان معطيها منظر حلو وجذاب وانثوي اكثر وحذاء (اعزكم الله) اسود صندل
فيه لولو ضمت سمر لوليتا بقوة على هذي الهديه وكانت مره مبسوطه حيل لما البست واخذت شوي جات سلمى
سلمى عند الباب وحاطه يدها على خصرها : ايش تسون هاه يالخونه ماتقولون لي؟
وطلعت سمر ببتسامة رضى : هاه ايش رايكم حلو
سلمى ولوليتا بإعجاب : واااااااو يجنن يا سمور ياعيني صايره جذابه بقوة
سمر بخجل : مرسي خجلتوني كثير
سلمى وهي تغمز لها: فديت الخجولين انا الا ماقلتولي فين بتروحوا؟
لوليتا: بنروح لحلفة صديقة سمر
سلمى: بالله بروح معكم
سمر : حياكم الله بس لحظة بأتصل عليها ..
سلمى ولوليتا : اوكي خذي راحتك بس لانتسينا تيب ؟
سمر : من عيوني
وطلعت سمر برى الغرفه وأتصلت على ميسم
سمر : الو سلام ميمو
ميسم : اهلين سمور
سمر: هلا بك زود
ميسم: هاه ايش تبغي؟
سمر: ايه على طاري الحفله ابشرك اني راح احضر ومعي بنتين من قرايبي
ميسم وهي مبسوطه: وااااااو وناسه حلو حياهم الله بأي وقت و الحين اجهز الحفله وكذا عاد ابيكم كشخه اوكيه
سمر:ههههه اوكي ولا يهمك
ميسم: يلا بايو
سمر: بايات
وقفلت سمر من الموبايل ودخلت للغرفه تخبرهم وانبسطوا لوليتا وسلمى من زمان عن الحفلات
وجهزت سلمى نفسها ولبست فستان اسود ماسك تحت الركبه بدون اكمام وفيونكه على رقبتها
وسلسال لولو طويل وكان مره هادي وحلو عليها ومعطيها انوثه اكثر
أما عن لوليتا فكان فستانها سكري ماسك الين الخصر ومن تحت كلوش وكان نص كم
بأكمام منفوخه وعند خصرها فيونكه على جنب وكان فستانها مرة راقي وحلو
والميك أب كان خفيف فضلته يكون كذا وروج أحمر واي شدو فوق الرمش ذهبي فاتح وبعدها اسود
كان معطيه منظر حلو للعين وتسريه كيرلي وكان شكلها خطير فيه ..
سلمى فضلته ثقيل شوي روج احمر بوة وظل اسود بدرجات لون رصاصي وكان مره فخم ورفعت شعرها
كلها لفوق ولفته وستوت بنفس اللف بف وكان مره خطير على الفستان ومناسب له
سمر كانت الروج بنكي وظل احمر قاتم مايل لاسود ومعطيه شكل حلو لعيونها السوداء
ماحبته يكون ثقيل مثل سلمى وكان جدا راقي وتسريتحها عبارة عن كيرلي مثل لوليتا ابتسم برضى على شكلها ..
ونزلوا تحت ينتظرون وليد عشان ياخذهم ..

**************************************

في المطار وصل عبد العزيز لكن ماراح للقصر على طول
لا راح للفندق أخذ شاور ومن بعدها بدل ملابسه
ولبس ثوب وشماغ ..وتطيب وطلع من الفندق
للقصر اللي ينتظر أحبابه فيه وأبتسم برضى


**************************************

في أستراليا عند لقاء المحبين..
عبير وصلت للمطار لكن ماحبت تروح للفندق
على طول للمستشفى ..لما وصلت للغرفه اللي هو فيها
حست بضعف ماتقدر تشوفه على حالته كذا لكن تشجعت ودخلت للغرفه وهي مغمضه عيونها
وفجأة احد وراها وصرخت بقوة :فكنيي يا حقيير ابعد آآآآه ..

**************************************

هنا نهاية البارت
ماهي توقعاتكم
ماهي أحداث الحفله ؟
ايش صار في عبير ومين اللي مسكها ؟؟


قراءة ممتعه لا تنسون صلاة الوتر يا أحبه






لامارا غير متواجد حالياً   رد مع اقتباس