ّّّبدايه الفصل الثانيّّّ
طاحت الكيمرا من ايدها بعد ماشافتها اختل توازنها وطاحت من على الخيل وراحت تركض من بين الخيول وهي تركض
بسرعة تبي تلحق عليها اول ماشافها نقز من على الخيل بسرعة وترك الخيل يركض وراح اهو الثاني ورها
رهف يخوف: ريم فيك شي تعورتي
طاحت لثمتها نزلت دموعها على خدها وهي تون وتصيح بصوت خفيف:رجلي!!يارهف رجلي تعورني حيل
كانت أمل واقفة عند خط النهايه تصور الفائز اما راشد فنزل على طول يركض بس سبقه خالد الي نقز من على خيلة
جاهم خالد الاول وشاف ريم وهي ماسكة ايدها على رجها والايد الثانيه في ايد رهف
رجع على روى كم خطوة واعطاهم ظهرة وعيونه على الارض طايحة لحد ما تعدل حجابها الي طاح منها بعدها التفت عليهم
خالد:عسى ماشر تعورتي ؟؟؟تبين مستشفى
ريم وهي تبكي: خالد: نادى على راشد بسرعة تكفى
رهف:اصبري.. اشوفه جااااي بسرعة
وصل راشد في الوقت الضايع وهو يلهث من كثر الركض لان الحديقة كبيييييرة وواسعه
راشد: ريم!! فيك شي تعورتي
ريم:راشد رجلي تعورني
راشد شال جواله ويدق على السايق
راشد: الووو بسرعة ياحيوان جهز لي السيارة برى الحين بطلع
اما الباقي
فاز الاول وبدون منازع فيصل والثاني كان المفروض راشد وريم بس صار الي صار وماجد وفجر في المركز الثاني
مازن الثالث رائد وسمر الرابع كمان المفروض خالد في المركز الخامس بس بعد ماشاف ريم طاحت ترك السباق وصاروا ريان وليان اهو في المركز الخامس ريماز وباسم بعدهم واخير مشاري ولميس
الكل نزل من على خيله لانهم خلصوا السباق وما احد لاحظ على الباقي غيابهم بس مازن رجع بخيله بسرعة لانه اهو الوحيد الي لاحظ خيل خالد يركض بدون فارس او خيال وصل عند راشد وهو شايل اخته بين احضانه
مازن: خير عسى ماشر ويش فيها ريموو
رهف: ريم طاحت من على الخيل والظاهر رجلها انكسرت
مازان: راشد شرايك تشيلها على الخيل وبكذا بسرعه راح تصل لا اقرب بوابة
راشد: اوكيه انزل انت الحين
ونزل مازن
وطلع راشد وبعدها مازان ورهف رفعوا ريم لراشد صارت متعلقه في رقبته وهو مبتسم على اشكالهم
ولان مازان رياضي ويرفع اثقال مع ان ريم اكبر منه في العمر بس بعضلاته ومساعة اخت الصغيرة رهف قدروا يرفعوها راشد
وطار فيها مسرع في الحديقة طلع على بوابه تفتح على حوش بيتهم
وكانوا اهلهم الحريم طلعوا مجتمعين ويتقهون ويقطع عليها راشد باخته وبصوت حوافر الخيل تضرب في الارض بكل قوتها
ومر من عندهم وهم مستغربين منهم وخاصة من ريم لييه قاعدة قدامة وماسكة في رقبته بهل الطريقة؟
عند رهف ومازان وخالد
رهف: خالد الله لايهينك بلغ فجر والباقي بلي صارلريم بسرعة انا ومازن راح نلحق راشد
اما راشد..؟
وصل للبوابه ونزل من على الخيل ونزل ريم بحذر وخفة وركبها السيارة ومن السيارة الي اقرب مستشفى
عند اهاليهم طبعا ماكانوا يدرون مين الي ملثمة ومتربعة قدام راشد لانه مر من عندهم بسرعة
دخل مازن ورهف يهرولون بسرعة
امهم انشغل بالها كانت تقول: على وين ؟؟ رايحين
ماردوا عليها كانوا مستعجلين
ركبوا على السيارة وعلى طول ورى راشد
اما الباقي من البنات والعيال
دراو كلهم وطلعوا من الحديقه بس من بوابه ثانيه ركبواسيارتهم
عند فجر.......؟
فجر:دق على راشد شوف اهو باي مستشفى؟؟
ماجد: حاضر بس انتي اسكتي من هل الحنه!!
فجر: شوف عاد الا ريوم بحن عليك لحد ما اطمن عليها
واتصل على راشد وقال بمكان المستشفى
عن البوابه
رائد: انا بسوق!!
ريان: لا انا
سمر: تكفى رائد لاتسوق
رائد: انا الكبير وانا الي بسوق
سمر: يوووه سوق وفكني بس هاااااااا بشرط
رائد:قولي بسرعة
سمر: احلف بالله ماتسرع فينا
رائد: ياربيييه يعني لازم
سمر:لازم والا بقول لفيصل!!
رائد: اقسم بالله ماراح اسرع الا بحدود ارتحتي خربتيها علي
سمر: ايوه ارتحت..ليان اركبي ورى انتي وريان وانا بركب مع رائد
هههه واخير حلت سمر مشكله السواقة و خوفها من سرعة رائد
واتجة الكل ومابقى غير مشاري ولميس وريماز وأمل وفيصل وخالد
رجعوا الخيول لمكانها وقعدوا في الحديقه يفكرون كيف يواجهون اهاليهم؟؟
فيصل: خلاص انا بشيل مسؤليه الشياب الاربعه!!
خالد: ههع الله يكون في عونك
ريماز: الباقي خلوهم لنا كم دمعتين من دموع التماسيح ونقنعهم اننا مالنا ذنب بلي صار واننا مو بيدنا
لميس: اوكيه بس نبي نقول لهم سالفة وحدة يعني انا اقول شي وانتوا تقلون شي نبي كلمة وحدة نقنعهم فيها
فيصل: اوكيه راشد يدق علي
راشد:فيصل اسمع الي بقوله لك اعمامي لاتقولون لهم شي لحد ما ارجع من المستشفى
فيصل:لالا انت عليك الحين باختك الشياب انا الي بتكلم معاهم في هذا الموضع
راشد: يافيصل لاتقول شي لاحد انا ماراجع وبقول لك اوكيه باااي اتهرب منهم انت والباقي
فيصل: بااااي دق علينا وطمنا باختك الكل منتظرها حتى ماطلعنا من الحديقة الكل هنا مايقدر يواجهم
وياخوفنا احد يدخل منهم الحين
راشد:اقول روح وماعليك منهم انت وياه بااااي
وصل لمستشفى وفعلا كان عندها كسر وكان ندمان لانه اهو الي اقنعها تركب معاه
دخل ماجد واختة فجر ولقوا راشد قاعد ع كراسي الانتظار
فجر: ريم وينها؟؟
راشد بصوت مخنوق: داخل الغرفة عند الدكتورة تشوف رجلها
دخلت فجر بسرعة على الغرفة
وماجد قعد مع راشد
ماجد: خلاص راشدويش فيك متكدر
راشد: انا الي قلت لها تركب كله مني انا.. الحين ويش اقول لهم؟
ماجد :مادري الا هل الشايب انا ما اقدر عليهم
راشد: الحين اهم مانعين البنات مايركبون الخيول لان امهاتهم يخافون عليهم
أمي .. ويش اقول لها الحين
ماجد: اهم شي سلامتها الحين ماعليك في الباقي
وشوي تطلع فجر وريم على كرسي متحرك متجهين الى غرفة ثانيه عشان الجبس
واخير يصلون الباقي ورائد طول الوقت ماسك في اعصابة ويقول في نفسة الله يسامحك ياسمر
سمر بقلق:ويش قالوا ؟ رجلها فيها شي؟؟
راشد: مادري بس الظاهر كسر اهي وفجر راحوا على ذيك الغرفة
سمر:الحين بروح وبشوفهم
راشد: شوفها واطلعي طمنيني عليها
ليان: وانا بقعد مع الشباب!!
سمر: بكيفك طز
ريان تضايق شوي لانها غير عن البنات
الشباب يسلفون عن الشياب وهي ماسكة جوالها وتسجلهم وهم مايدرون مسويه نفسهاتلعب بجوالها
دخلت سمر وشوي وطلعت
راشد: هااا ويش قالت الدكتورة
سمر: تمام الحين قاعدة توصيها براحة وعدم المشي عليها بستمرار ....الخ
راشد:طيب وريم كيفها الحين لساتها تبكي؟!!
سمر:لالا دام فجر وياها اتاكد ماراح تنزل لها ولادمعه
راشد:خلاص انا بطلع برى وبروق شوي وبعدها بتصل على الوالدة لازم تدري!!
ماجد:ايوه هذي امها لازم تدري
رهف:خلوني انا باقول لاامي
راشد:لالالا انا بقول لها بطريقة احسن
مازن: ابوووي لودرى؟ ويش اقول له
ماجد: يوووه ابوك قفل جوالك لحد ما نلقى حل بسرعة
مازن: اوكيه بقول الجوال الشحن انتهى
رهف انا بروح عند ريم وانت يامازن اشترى شي خفيف او سوائل لها تشربها بطريق الرجعة
مازن: الحين بروح احد يبي شي؟؟
ليان: ياليت شيبس كبيير ليز
ريان: مو قتك ابد
ليان: امزح معاكم..ويش فيكم كذا
وراح مازن
وبعد فترة قصيرة طلعوا البنات
وطلعت ريم وكانت عيونها عليها اثار دموع لقيت راشد والكل منتظرها
راشد: معليش ريوم انا السبب ياليت انا ال طحت وانكسرت رجلي ولا انتي
ريم بابتسامة: لا تقول كذا وبعدين هذا مكتوب علي انا حتى لو ما ركبت معاك الخيل مكتوب تنكسر رجلي بهل اليوم
فجر: ياجعلها ربي اخر الآمك
ماجد:والحين استعدوا للمواجه الحاسمة
فجر: نبي نحلها اليوم ممنوع احد يهرب الكل يجتمع في مجلس ابوي في بينا مع هل الشياب كلامي للكل بنات
وعيال
ورجعوا على البيت وسمرورائد حالف انه مايسرع
دخل الكل مجلس ابو فجر بنات وعيال والامهات وقفين عند الباب يسمعوا
اجتمع الكل حتى الي في الحديقة
انقفل الباب
هدوء تام ونظرات حادة تقتل
ابو راشد:راشد!
راشد:سم يبه
ابوه راشد:سم الله عدوينك تعال هنا على جنب
وراح راشد
ابوراشد بصوت اغلظ: ريم!!
ريم من الخوف فزت من مكانها بس ماوقفت على رجلها:هلابيه
ابوها : تعالي جنب اخوك
وساعدتها فجر الي ان وصلت جنب راشد ورجعت بخطوات كلها ثقة وكتفت ايدها وتناظر فيهم بحتقار اما الباقي كل عيونهم على الارض
ابوراشد:رهف!! مازن
وجوا عنده يهرولون
ابو راشد:اوقف جنب اخوك وانتي جنب الثانيه
وقفوا صف قدام ابوهم ريم كانت مستندة على راشد
وابوهم واقف قدامهم بكل هيبته وحاط كل ايدينه على ورى
ابو فجر بصوت كله عصبيه: فجر!!أمل ماجد!! كلكم تعالوا هنا بسرعة اشوف
وكلهم وقفوا مكان ما اشر ابوهم باصبعة
ابو مشاري: مشاري ريماز باسم وخالد لميس
وقفوا مكان ماشر اهو الثاني
واخير ام فيصل: فيصل سمر ليان ريان رائد
الكل استغرب منهم ومن كل واحد ينادى على عيالة
ام فيصل: انت يا الفارس يا الخياااااااااااال يا العاقل.. ياالكبير يطلع منك كذا؟
فيصل:تدرى انتو فاهمين الموضوع غلط..
قاطعته امة: اوووص انت ما تقول شي اصلا انا الي غلطانه انا اشريت لك الخيول الشره موعليك على
انا الي ماعلمتك كيف تحافظ عليها
فيصل: بس..
قاطعته: انت تثبر...ماعندنا بنات يركبون خيل !! لا وبعد كيف ترضى لاختك
وانت يارائد انت وسمر حسابكم بعدين
ريان: امي ما فيها شي؟
امه: اوووص ما ابي احد يتكلم وانا اتكلم تفهم انت وياه والست ليان بعد راكبه على الخيل
تستغفلونا كلنا وترحون تركبون ليش ؟؟بعدنا مارحنا حتى تلعبوا على هواكم
ليان بدلع تبي تلطف الجوا: مامي لا تقولين كذا ياجعل يومنا قبل يومك
امها: ليان!! انتي وسمر لا عاد اشوفك او اسمع انك ركبتوا الخيل انتوا بنات
راح يأثر عليكم في كل شي
فيصل:خلاص اوعدك مار اح تركب ولا بنت على خيولي
امه:رائد!!
رائد:هلا باتاج راسي وراس الكل
امه مدت ايدها:هات مفتاح السيارة اشوف!! والحين
رائد:لالا يا امي الا المفتاح خليك حنونه ودمقراطيه خلنا نتفاهم وبلاش المفتاح انتي ماتسوقين حتى تشيلنه
امه: قلت هات المفتاح!! اسبوعين ما راح تسوق
رائد:لالالا اسبوعين كثير
امه: شهر واذا اعتر ضت اكثر بخليهم سنه!!
رائد بيأس:خلاص ليش اعارضك كذا او كذا خسار السيارة والمفتاح!!
امه: والحين برى واذا مره ثانيه ركبت انته واختك على الخيل بخليك تنسى السواقة تفهم
رائدهز راسه بمعنى : حاضر
امه: والحين انقلع برى بشوف شغلي مع الكبير
طلع برى المجلس وعيونه على الارض ويمشي بخطوات متثاقله خطوات يأس وخيبه امل
والتفت الى فيصل
امه:وانت كمان مفتاح الاصطبل مفتاح العلة الي عليت راسي فيه
فيصل: ليييييييش؟؟
امه: من بكرة ترك الخيول وتنساها وتشتغل في الشركة
فيصل:لا يمة لا تحرمني منها خذي سييارتي ..جوالي .. كل شي الا روحي الا خيولي يمه الله يخلك انتي اكثر وحدة تدرين بمدى حبي للخيول انتي تدرين ابوى ايش كثر يتمنى اصير مثله الله يرحمة اهو الوحيد الي غرز فيني حبها
من طفولتي لييه؟؟ انتي قاسيه كذاا
امه:خلاص خلصت انتهى كلامك!! اسمع كلامي ما اعيده عطني المفتاح بالطيب والا والله والي خلقني ابحرق الاصطبل بالي فيه تفهم!!
فيصل:طييب والله راح اعطيك المفتاح بس طلب اخير!!بس ابعرف ويش بتسوين فيهم ..اقصد مين راح يهتم فيها؟
مين راح ياكلها ..ينظفها....؟؟
امه: في غير محمد !! راح يهتم فيها هل اليومين لحد ما اسفرها واتاجر فيها
فيصل:تاكدي يايمه انك حرمتيني اغلى شي وراح تحسين باليوم الي تفقدينا كلنا انا واخواني
امه: يلا عاد لو صار في بنت اخوي او احد من اخواتك شي ساعتها راح تقول خسرتيني وما خسرتي هااات المفتاح
اشوف وبسرعة وانقلع مع اخوك برى بالي ما يردكم كلم انشاء الله
اعطاها المفاتيح وعيونه غرقانه بالدموع وطلع من المجلس يركض
امه ابتسمت والتفت الى الباقي:ريان!!
ريان بلع ريقه:نعم يمه!
امه:مفتاح الدباب وبدون نقاش بسرعة
ريان بدلع خفيف: يامووووا لييه تبين الجوال خذيه مفتاح غرفتي خذيه بنام اليوم باقرب زباله اهم شي دبابي لالالا
امه: المفتاح والا بتنام باقرب مستشفى
اعطها اهو الثاني المفتاح وكان شكله يكسر الخاطر ويطالع فيها بنظرها على امل انه يكسر خاطرها
ويمشي بخطوات ثقيله
امه:لحظة!! ياوليدي
التفت بفرحة: عيون وليدك فيدتك انا والله هلا امري
امه: وين موقف الدباب!!
هنا الكل ماسك الضحكة على وجة ريان كيف صار الون
ريان بخيبه امل: يعني وين دايم انا احطة طبعا بالقراج واذا مومصدقه ارسلي حارس الفله يشوف سلام
وطلع
والتفت الي البنات وعيونها تطلع شرار
ليان بهمس في اذن سمر:لا الظاهر رحنا فيها مثل اخونا
سمر: اسكتي والي يعافيك الله يستر منها الظاهر ناويه على شي موزين لنا احنا الثنتين بذااات
ليان: ابعرف لييه تتطالعنا كذا؟؟
سمر: الله يستر من هل النظرات اخاف منها حيل
امهم: بقى انتوا اساس البلى كم مرة انا قايله لكم الخيول.. والدبابات.. والا لعاب الي ماتصلح لكم لا تركبوهاا
هذا اخر تحذير لكم فاهمين
ليان وسمر بصوت:واحد فاهمين
ومشوا حسب بالهم السالفة مرت على كذا وبس
امهم: لحظة على وين؟؟
سمر: على بيتنا
ليان:بنام اليوم بدري
امهم: بدري من عمرك انتي وياها.. الجولات قدامي على الطوله
عطوها الجولات وهم ساكتين
امهم:الجوالات والابتوبات والاي بادات الحين قدامي على الطاوله
تنهدت ليان وراحت وجابتها لها
ومشوا طالعين
امهم: لحظة!! باقي اشياء
سمر:يمه الله يهديك مابقي شي يتاخذ ايش بقى مثلا احنا تاخذينا وتقفلين علينا في الدولاب متى مابغيتي طلعتنا
امها: ايووااا انا بقفل عليكم بس بطريقتي انا اسمع مني زين طللاعات برى البيت مافي اعراس كمان مافي طلعة لها
ليان: بطقاق انا ما احب الاعراس!!
سمر عقدت حواجبها:طيب اوامر ثانيه ترى اقسم بالله زهقت!!
امهم: من المدرسة الي البيت غير كذا ابكسر رجل الي تطلع فاهمين حتى التلفزوين ممنوع وتلفون البيت كمان ممنوع والحين برى
بعد ماطلعوا التفت على اخونها الشايب وعيال اخونها
ام فيصل:شفتوا يا اخواني هذي انسب طريقه للعقاب الصح والحين راويني شتسون بعيالكم وبذات البنات!!
ابو مشاري:مشاري!!
مشاري:نعم!يبه
ابومشاري:ترى محتار ويش اسوي فيك انت الكبير اعاقبك مثل المراهقين احرمك من سيارة او دباب !!والا احبسك في البيت مثل البنات!! انت اختار انت مشاء الله عليك رجال متزوج وعندك ولد ابيك تقول لي لو ولدك سوى شي موزين
ويش تسوي كيف تعاقبه؟؟
مشاري:اممم طبعا ما راح اكفخه اواستعمل العنف وياه امممم راح اكتفي بكم تهزيئه بسيطة وهذا يرجع الى حسب الشي الي سواه وكيف طريقه التعامل معاه ...اعتقد لو هذا اختبار كان جبيت امتياز اجابتي نموذجية
ابوه:يالهنوووف!!
جت الهنوف تركض بخوف
الهنوف: امر عمي
ابوا مشاري: هذا زوجك وعاقبيه بطريقتك بس ترى بفكر كيف اعاقبك زين يلا روح بشوف الباقي
الهنوف تمسخر:يلا اشوف قدامي على الغرفة
مشاري حك راسه بحيا وابتسم والتفت وقال للباقين: الله يكون في عونكم وعوني معاكم سلام
وطلعوا سوى
ابومشاري: لميس معهدة الا نجليزي خلاص انشاء الله ماعاد عرفتي ولا لغة ريماز نادي البنات الي تروحين له
كل يومين انسيه كمان ممنوع الطلعة لاي مكان الا لحاجة وبكون معاكم والجولات الحين قفلوها وحطوها قدامي
على الطاوله وخالد وباسم مفتايح السيارت كمان واي احد يجادل او يعارض بزيد العقاب
اتجهوا للطاوله وحطوا اغراضهم مع الباقي وطلعوا
ابومشاري: خالد!!
خالد قبل لايطلع التفت: سم يبه
ابوه: خاب ضني فيك كيف تسمح لاخواتك يركبون الخيل!! اطلع وما ابي اسمع منك ولا كلمة
خالد طلع
بعدها التفت الى اخته
ابو مشاري: هااااا كيف اعجبك؟؟
ام فيصل:كفوا زين سويت واذا مشاري انا الي بقول لك العقاب المناسب له
ابومشاري:طيب بس اول بشوف عقاب الباقين
ابو ماجد:ماجد!!
ماجد: عيونه آمر
ابوه: من بكرة تطلع معي على الشركة وتشتغل ابخليك تعرف الشغل على اصوله وبعطيك اسواء شغل ومنصب عشان
تحس بقيمة الدلع الي عيطتك طول هل السنين كيف تنام في البيت وانا اقول لامك خليني اعلمة الشغل اش له بقعدة البيت؟؟ تقول الولد بعدة صغير خله على هواه لحد مايقتنع بالشغل ... اقسم بالله بعامك حالك زي حال أي موظف
تفهم والمصرووووف انت تصرف على نفسك من راتبك اثبت جدارك لي ولى نفسك برى اشوفك بكرة في الشركة
ماجد: بس..
قاطعة ابوة: قلت برى قبل لا امد ايدي عليك
ماجد: خلاص بطلع اصلا انتوا تدورن الزلة علينا عشان تاخذون كل شي
وطلع
ابوماجد: امل!!
امل:امر وتدلل يبة
ابوماجد: الجوال والابتوب وكل شي عندي على الطاولة
امل: بيه والله ماركبت الخيل؟؟
ابوماجد:قلت قدامي!!بسرعة
فجر:بيه أمل ماركبت الخيل لاتكون ظالم مثلهم!! والله حرام اش فيك
ابوماجد: خلاص اموولة بعفيك من العقاب بس بشرط
امل: امر
ابوها اشر على خدة:اعطيني حبة هنا واوعدني تكونين دايم عند حسن ضني فيك
امل بفرحة:ولو بعطيك ثلاث حبيتن على الخدين ووحدة على جبهتك
وباسته
امل: بيه اوعدك يااغلى انسان اكون دايم عند حسن ضنك وبخليك فخور فيني ورافع راسك
وطلعت فرحانه
بقت فجر واقفه تبيه يقول عقابها بسرعة لانها متربكه باقي راشد وريم واخوانه ماتعاقبوا
ابوها:بقى انتي ماراح اقول لك هاتي جوالك اوشي من اغراضك بس الطلعه ممنوعة منها حتى شغلك مافي
فجر: اوكيه طلعة ماراح اطلع بس شغلي راح اداوم
ابوها: قلت الشغل لا
فجر بعناد: وانا قلت بروح
ابوها: فجر لاتعاندين قلت روحة لشغل انسيها
فجر:راح اروح حتى لو مشي....انت ليييييييه؟تبي تحرمني
ام فيصل:خلاص فجر ابوك قال كلمة ومستحيل يرجع فيها
فجر:انتي بذات لاتدخلين ياالسوسة انت الي غيرتي ابوي علي
ام فيصل:احترمي نفسك!!
فجر: انا محترمة نفسي قبل لا احترمك رجاء ما ابي ملاقيف يدخلون بيني وبين ابوي
ام فيصل: انتي وحدة قليله اد ب!!
فجر:ماراح ارد عليك انا الحين شغلي مو معاك مع ابوي
والتفت الي ابوها
فجر: ابوي راجع نفسك ومافيها شي لو عدت النظر في روحتي للشغل وبعدين اوعدك من البيت الى المستشفى ومن المستشفى الى البيت ماراح اروح ولامكان لحدماتوافق لي بالطلعة اعتبرني اروح المدرسه وراجع للبيت
ابوها حك راسه بتفكير
ام فيصل:هيييييه انتي باي حقك تحقريني
فجر: عمتي انتي ما سمعتي بالي المثل يقول الحقراااااان يقطع المصرااااااان
بشوف مصارينك كيف الحين تقطع وعلى فكرة انا موقليله ادب انا متربيه زين والي ما يحترمني ما احترمة
ابوها:فجرانثبري وانقلعي برى ومافي شغل كل ما عاندتي ازيد انا كمان في العناد
فجر بقهر وعيونها كلها دموع: لا ما راح انثبر ولاراح اسكت وراح ادوام بكرة!!
ابوها وبدون مقدمات اعطها كف على خدها طاحت على الارض
ابوها: كم مرة قلت لك لاتجادلين في الي اقوله بس انتي ماتفهمين وهذي اخرتها انتي الي خليتني اسوي الي سويته
هل المرة مابكت ولا نزلت دموعها حطت ايدها على مكان الكف بالم وقفت
فجر:تبي تضربني اضرب!! زيد الثالث كمان تبي تذلني وتهيني قدام الي يسوى والي مايسوى ارفع نعالك واضربي وشد شعري والا اقول لك جيب مويا مغليه اوزيت وكبها فوقي بس..شغلي ماراح اتركه الا بارادتي بكيفي
متى ماجاني مزاج اتركه تركتة !!
رفع ايده عشان يزيدها الثالث قفلت عيونها بخوف وغطت وجهها عشان تحمي نفسها
انتظرت الكف بس ماجاها غربيه فتحت عيونها الا وتشوف راشد قدامها ومسك ايد ابوها
راشدبعصبيه: عمي اكسر الشر وحلها انت وفجر بدون ضرب او عنف
فجر بستغراب: راشد!
راشد: عمي ماله داعي ابد تحرمها من شغلها
ابو ماجد: بس يا راشد انا ما احب الي يعاند
راشد:عمي سمي بالرحمن واقعد شوفها ليش ماتبي تتخلى عن شغلها وانت لازم يكون عندك سبب اقوى عشان تحرمها
من شغلها مو عشان اتفه الامور عشان ركبت خيل وبعدين مع اخوها ومو مع احد ثاني
ام فيصل: انت الحين مع من؟؟
راشد: انا مع الحق بس كلم غلطانين في طريقه العقاب وليه اصلا يتعاقبوا بهل الطريقه انتوا اصلا ما اعطيتونا هل الاشياء الا عشان تاخذها على ابسط الامور واتحدى في احد منكم شالها عشان مصلحة ولدة
فجرفرحت راشد بصفها : صح كلامك انتوا ماتشلون الاغراص الا عشان تحرمونهم منها بس هاااا انا غير انا مو مثلهم تبون تشيلون الجوال تحرموني من كل شي ما عندي مانع الا شغلي في المستشفى
ابوماجد: ويش تستفدين منه؟؟
فجر:افيد وطني وأفيد امتى بيه !!انت ماتقدر قد ايش مرضاي يحتاجون مساعدتي!!تكفى يبه لاتحرمني
ترى تكفى تهز الرجال
ابوهاابتسم:طييييب افكر
راشد:عمي بعد هذة ما يحتاج لها تفكير أي او لا
فجر:يبه بلييييييز
راشد:عمي مافيهاشي لو وافقت
فجر:يلا بيه والله ما انسها لك
ابوها: خلاص وافقت
فجر بفرح:اكيييد
ابوها:اكيد
فجر:مشكووور وانت بعد يا راشد مشكور
وطلعت من المجلس وهي فرحانه رغم الكف الي حصلته منه
وراشد كان مبسوط لانه ساعدها وهو مايدري انه اول غلطة غلطها وراح يتحسف عليها
بقى عقاب راشد واخوانه
وبختصار راح اقوله لكم
راشد اعفي من العقاب لان ريم حاولت بقدر ماتستطيع ان راشد مايتعاقب
ريم كان عقابها مثل البنات لاجوال ولاطلعة
اختها رهف اعفت من العقاب لانها ماركبت
اما مازان فكان عقاب خفيف وسريع لمد اسبوع بس لانه تستر على اخواته البنات
واخذوا جميع الاغراض واعطوا ام فيصل تخبيها في بيتها لاحد ما تنتهي مدة المتفق عليها
اخذت ام فيصل كل الاغراض من جولات ومفاتيح سيارات ودخلت بيتها قبل عيالها ما يدخلون البيت
قعدوا البنات في غرفة فجر والعيال عند ماجد كلهم الا فيصل
طلع برى
عند البنات
سمر: ظالمين
فجر: يعني لازم آكل كف لما اواجهم
لميس: ياحظكم أمل ورهف
أمل:هههههههه تستاهلون
ليان: والله شي يقهر حرااااااااااااام
ريماز:قاسين حتى النادي حرمني منه
فجر: احمدي ربك جت على كذا ولااخذنا وحبسونا في اقرب دولاب احنا وجوالاتنا
رهف:هههههه اتوقها منهم كمان
فجر:ههههههههه اهم شي ماقدروا يحرمني من شغلي اهم شي من الجوال والاخرابيط
لميس: والله انك قووويه قدامهم ودي اكون مثلك
فجر: تقدرين بس راح تاخذين كف كل ما واجهتي احد منهم اوكلهم
لميس:امااا اليوم ابوك على طول مافي تفاهم
فجر:يلا راح نعيش وناخذ غيره دام هذا ابوي ماباليد حيلة
سمر:الحمد لله وانا ماكنت موجودة كنت بابكي بدالك
فجر: قويت قلبي وضغط على نفسي ومابكيت ابد
ليان:انت تعجبيني من كل البنات
فجر:هههههههه بوريهم مين هي فجر كفايه تملكهم لنا لازم احط حد لهل العبوديه
ليان: رغم اني مسترجلة لكن ما اقدر اواجهم
فجر: ماعلينا الحين ويش بتسون على ايش ناوين؟
ريم: ناويه اخذ لي اجازة من شغلي لحد ماتطيب رجلي
لميس:انا ناويه اقنع في ابوي او اعدل اخلاقي عنده لحد مايفك اسري
ليان:بحاول مع امي بس مايجب نتيجة لذاك بخلي الامور تهدى وبسوي نفسي عادي متأقلمه مع العقاب وبعدها راح افتش عن جوالي لحد ما القاه وبشيله ساعات غيبها عن البيت
أمل: دام احترمتوا من الطلعة زورا بعض كل اسبوع تتجمعون في بيت احد
رهف: ليان نصيحه مني امك ماهي بسلهة عقلها يوزن بلد
ليان:والله اجيب الجوال حتى لو اضطريت اجيب لي واحد بسرقة ماهمني فيها اهي وباقي الشياب
فجر:تمام خليك كذا لاتهمين باحد
ليان: من اليوم بعلن التمرد ضد هل الشياب وأولهم ماما أهي بذات!!
فجر:واااااااااي فرحتيني.. في احد بيكون معنا؟؟
هنا اشكال البنات وحدة تلعب بشعرها والثانيه تعدل في بلوزتها والثالثة تطالع في ساعتها
فجر بخيبة أمل:اوكيه براحتكم صدقوني خوفكم منه او الي خلاهم يستعبدونكم
عند العيال
كلهم متعصبين وراشد دخلهم على غرفة ماجد
الي اقتحم الغرفة ورفس الباب ودخل والي لقى اقرب مزهريه ورماها على الارض والي ضرب
بأيده في الجدار والي يصارخ
ماجد: ويش رايكم تكسرون كل عفش غرفتي؟؟!!
باسم بقهر:أأأأأخ منهم
مازن: الحين كيف اروح للنادي وانا بدون سيارة
راشد:اسكت ترى مو وقتك انت وناديك
ريان:كل شي الا الدباب!!
ماجد:انا ابفهم الحين ليش عاقبونا بهل الطريقه الموضوع مايستاهل
رائد:انا خلااااااااااااص انتهيت انا بدون سيارة بموت ناقص عمر
خالد:طيب انا ويش مسوي حتى يعاقبوني انا الحمدلله ماركبت احد من البنات وكمان قلت لي ليان لاتركب
بس عاندت وركب الكل من وراها
راشد:شباب لحظة! انتوا فكرتوا بفيصل اهو اكثر واحد كان عقابه مؤلم بالسنبة له
مازان:والله كسر خاطري
باسم:يا عيال تعالوا شفوه كيف واقف عند المسبح
الكل اتجه الي الشباك الي واقف عندها باسم
ريان:اماااا يبكي عشان كم خيل
ماجد: شفتوا كيف يمسح دموعه بصراحة اول مرة اشوفه بهل الحالة
راشد:ترى غلاتهم عنده اكثر من مجرد خيول!!
رائد: والحل ويش نسوي؟؟
راشد: انا بقول لكم
وقال فكرته للكل وراح ينفذها عن قريب
خلوني اعرفكم بباقي العيال
رائد اخوا فيصل وسمر والتوئم ريان وليان انسان متهور جدا مايفكر ابد يحب يفحط ويحوس بشوراع الرياض
وحتى معروف بالقاب خاصة فيه
باسم راعي مقالب ومشكلجي شوي بس دمة خفيف اهو طويل وابيض بعكس اخوانه خالد ومشاري يفكرون في الشي مليون مرة قبل لايسونه
مازان شاعر وانسان كتوم بقوة وكل ماضاق صدرة يمسك قلمة ويكتب ولا احد يدرى عنه انه شاعر دايم يروح للنوادي رفع الاثقال ووجه دايم بشوش بعكس اخوه راشد اذا عصب
اما رايان اخو ليان:ذكي شوي وخبير بالهكرز كل العيال يدرون فيه الا اهله والبنات ولا احد يدري فيه يحتى في المدرسة مايدرون فيه عشان يعلقون عليه يغير الاطورا
وبكذا قلت لكم شوي عن العيال والباقي راح تعرفونهم في باقي الاحداث
الساعة7 الصباح الكل منطلق الى الدوام او المدرسة
فجر ركبت في السيارة مع سايقها وانطلقت الي المستشفى
ماجد تجهز واخذ ملفة وراح اهو وابوه على الشركة
امل ورهف ركبوا باص المدرسة
راشد طاااار الي دوامة بعد ماشاف اميرة قلبه تركب مع سايقها
نفس الشي للكل الي في الشركة والي في المدرسةوالى في الجامعات
خلوني اقول لكم فجر ويش بيصير لها مع وليد الي في المستشفى
كعادة بعد ماخلصت شغلها قعدت تلف وتدور بالغرف خاصة ان ريوم موموجودة والملل ذابحه بغيابها
على فكرة ريم قبل كذا كانت ماتبي نفس تخصص فجر ابوها جبرها انها تختار نفس التخصص وهي تتمنى تدخل قسم هندسة ودخلت نفس قسم فجر وسافرت معاها الى الخارج حتى تكون قربيه منها حسب طلب ابوها منها
دخلت جناح وليد ولقت نفس الممرضة ابتسمت لها وعدلت حجابها وكانت بتدخل غرفة وليد تسوي نفسها غلطانه بالغرفة مسكت مقبض الباب وتسمع...
وليد: دكتور تركي انا في ورطة البنت الممرضة كانت في غرفتي وشافتي
د.تركي:طيب قول لي ويش صار
وليد بخوف: شافتني وانا اكل بكل طبعتي
د.تركي: توقع ويش ومصلحتها انها تخبى في نفس الغرفة
وليد:ياخوفي تكون معاها كميرا او شي والله بروح فيها للسجن تكفى ساعدني
بس ابعرف مين هى؟ وبعطيها كم فلس وبخليها تسكت
د.تركي:افرض معي لو وحدة ابوك اهو الي قايل لها واعطيتها كم فلس الي تقول عنهم وكشفتك وبتروح على السجن وبعدها على القصاص ورحت انا معاك؟؟
وليد:تركي بس ترى الي فيني مكفيني
وقفت فجر عند الباب تفكر في وليد هذا
فجر:ياربيه سجن ..قصاص...وليد انسان عاقل...د.تركي ويش هي سالفته مع وليد ؟؟ ومين يكون ابو وليد؟وليه خافين منه؟اكيد وراهم سالفة كبيرة وراهم شي خطير لازم اعرف سرهم قبل لايعرفة اني انا الي دخلت غرفته
ويقطع عليها د.تركي طالع من الباب الا في وجهها
على طول سحبها من ايدها ودخلها عند وليد في الغرفة وقفل الباب!!وكان شكله معصب
ويقطع عليها د.تركي طالع من الباب الا في وجهها
على طول سحبها من ايدها ودخلها عند وليد في الغرفة وقفل الباب!!وكان شكله معصب
فجر: اعوذ بالله؟! خلوه اثنين مو واحد!!
ّّنهايه الفصل الثانيّّّ
****