عرض مشاركة واحدة
قديم 13-02-09, 09:39 PM   #6

انجال

كاتبة في قسم قصص من وحي الاعضاء

 
الصورة الرمزية انجال

? العضوٌ??? » 50556
?  التسِجيلٌ » Sep 2008
? مشَارَ?اتْي » 120
?  نُقآطِيْ » انجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond reputeانجال has a reputation beyond repute
افتراضي


الـــــجــــــــزء الـــــــــثــالــث
***********************
في بيت ابو عبدالله .. الكـــل مجتمع .. الساعه 6 المغرب ..

اخوان ابو عبدالله عنده في البيت .. ابو عبدالرحمن .. وابو عبد العزيز .. جالسين في المجلس

وام عبدالله ومن خبرووها وهي طاايحه في المستشفى ..
ورهاام بنتهاااا ضغطها مرتفع من
يوم خبروها بالسالفه .. زوج رهام (عادل) ضابط في المباحث مع خالد اخوها..
ولهم يومين ما طلعوا
وهم شايلين قضية خطف ريم ويدوورون في السجل عن بصمات تطابق بصمات الخاطفين ..
لكن للاسف مرت اربع اياام من خطفها ولا احد يدري عنها ولا عن جديدها ..
ام عبدالله صار فيها انهيار عصبي شديد .. وهي في المستشفى تصيح بصووت حزن تنادي بنتها ريم
ريم يمه وينج .. انتي حيه ولا ميته .. انت بخير ولا مريضه ..
انتي تاكلين ولا جوعانه ..

رهاام .. يمه ادعي ربي يحميها وانشاءالله راح يلقوونها ..
ام عبدالله .. متى يا رهام .. ؟؟ ريم بزر وش يبغوون منها ؟؟ حرررام عليهم .. ما يخافون ربهم ..
ساره .. عمتي اللي يسوي كذا ما فيه ذرت خوف من ربه ..

ام عبدالله .. كـــل يوم تجيني في الحلم تصحيني وتناديني بصراخ .. واشوفها في الحلم تبكي وتتعذب
وانا ما بيدي شي يا رهام . وتقول يا يمه انا تعباانه وجها كله ظرب .. وتمد لي يدها لكن ما اطولها واحس
انه كل يوم تبعد عني اكثر يا رهاام .. (وهي تبكي بصدر بنتها رهام.)

ساره .. طاحت دمعتها وما تدري وش تقول ..
الجازي وعهد يدخلون عليهم .. السلام عليكم ..
الكــل .. وعليكم السلام ..
الجازي .. اشلوون عمتي اليوم ..
رهاام .. مثل ما تشوفين تصيح وما تاكل شي ..
الجازي تقرب من عمتها .. عمتي اكلي لك لقمه .. عشان اذا رجعت ريم تنبسط منك .. عمتي انشاءالله راح
ترجع .. قولي امين ..

ام عبدالله وهي تتنهد .. امين يا يا بنتي ..
عهد .. عمتي عندي لكِ ابشااره حلوه .. راح تفرحين فيها ..
الكــــل .. بشرينا يا عهـــد ..
عهــد .. انا قلت عمتي هههه ,,
الكـــل .. عهد مو وقته الضحك ..
عهــد .. ابشـــركم قال لي فهـــد لقوا بصماات اثنين منهـــم وقاعدين يدوروون عليهم .. يعني انشاءالله
راح يلقووهم .. ونلقى ريم بخير وعافيه ..
ام عبدالله تبكي .. الله يبشرك بالخير يا عهد مثل ما بشرتيني ..

***************************

في بيت ابو عبدالله تحديدا في مجلس الرجاجيل .. كاان نقااش حاد بالمجلس.. بين ابو عبدالله
واخوانه واعيالهم .. << ابو عبدالله عنده اخو كبير اسمه سالم .. ابو تركي .. ميت له سنتين..وهو ابو
الجازي زوجة عبدالله ولد ابو عبدالله .. واهم اخوان جوار بعض في البيوت ..


ابو عبدالله .. وش تقوول يا ابو عبد العزيز ..
ابو عبد العزيز .. اللي قلته سمعته .. ابو فلان يقول ان بنتك هي اللي راحت معهم برجولها..
وهي لاهي مخطوفه..
ولا يحزنون .. يعني بالعربي حنا ساترين عليها .. لكن ما سكت له وربك مسكته عند الرجاجيل وقلت له
بنتنا ما تمشي بطريق الردى.. وحنا عرفين بنتنا وطباايعها ..
ولو هي ماهي مخطوفا ما شفت الدريشه مكسوره
ولا شفت السايق مذبوح وملفعها مرمي مع جوالها في السياره ؟؟

ابو عبدالله .. هذا اللي كنت خاايف منه ..
جراح يقاطع ابوه بصراخ .. والله ثم والله لو احد تكلم عن اختي شعره لذبحه .. اختي ما مشت في طريق
الردى ..ولا راح تمشي فيه ..

عبد العزيز .. هد اعصابك يا جرااح المشكله ما تنحل كذا .. ما تنحل في قال وقيل .. خلوا الكلام بعدين ..
وخلونا في المشكله .. الحين فهد في الخفجي وعبدالله في الدماام يسالون عنها .. وخالد وعادل
ماسكين القضيه كلها .. وانشاءالله راح تنحل ..

ابو عبد العزيز .. يا ولدي كلام النااس يجرح وهذا شرف بنت يعني شرف بنات العايله كلها ...

عبد الرحمن ..يا عمي صح كلام عبد العزيز اذا اهتمينا لكلام الناس ضعنا .. انتوا خليكم في المشكله
ولا تهتمون فيهم ..

ابو عبدالله .. تعبنا وهنا نسمع كلام يجرح القلب .. الحين لها اربع اياام ولا ندري وينها .. هي حيه ولا ميته
ولا ندري وين مكانها .. ولا حال امها اللي يقطع القلب وهي تناديها ..

عبدالرحمن .. الله يكون في عونكم يا عمي وصدقني حنا معك ماراح نتركك بروحك .. وحنا اعيالك ..

ابو عبدالحمن .. عفا ياولد هذا العشم فيك ..

ابو عبدالله بدمعه.. والله يا اخواني ما ادري وش اقول .. يسكت وهو يبكي ..

ابو عبدالرحمن وهو يقرب منه.. لا لا يا ابو عبدالله لا تبكي مثل الحريم .. وش خليت للحريم ..
واعيالي هم اعيالك .. امرهم وخلهم لو يرحون لقصى العالم يدورون عن بنتك .. لكن لاتتضايق وتبكي ..

ابو عبد العزيز ... يمسك كتفه .. يا ابو عبدالله ادعي لربك هو سامع دعائك .. وما يخلي عبده ..
والله اذا حب عبده ابتلاء يا ابو عبدالله ..

ابو عبدالله .. ونعم بالله ونعم بالله يا اخوي ..

جرااح يبوس راسه.. يبه ماهان من يطيح دمعتك ولا تتضايق يا ابو عبدالله .. انا رايح بكره جنووب ادور عليها..

ابو عبدالله يتنهد..لااا يا جراح .. لا انت اقعد هنا خلك جنب امك .. وحريم اخوانك واختك..
جراح .. يبا اخواني كل واحد يدور عليها ليش ما تبغاني ادور عليها ريم اختي يا يبه مثل ما اهم
اخواني ..
عبد العزيز .. جرااح ابووك محتااجك معه وامك بعد .. لا تنسى انك الرجال الوحيد في البيت عقب ابوك
ولازم تساند ابوك يا جراح ..

جراح ويتنهد ..اااااااااااا والى متى راح تنحمــــل يا عزيز ..
عزيز .. تحمل واصبر صبر ايوب .. وترى الدنيا ما قامت بيوم وليله ..

عبد الرحمن يضحك.. عبد العزيز والله وتتكلم بحكم ههههههه يا ولد يا خطير ..
ابو عبدالرحمن .. اي فلووها وربكــــم يحلهـــا .. لا تعقدوون السالفه .. وانشاءالله راح نلقااها قريب ..
الكـــل .. الله يسمع منك وامين ..
يدخل تركي ولد سالم عليهم مع بندر ولد ابوعبد الرحمن ..
تركي .. السلام عليكم يا عماني ..
الكــل وعليكم السلام والرحمه..
بندر..كيف حالك يا عمي سعود .
ابو عبدالله .. انا بخير اشلوونك انت يا بندر ..
بندر .. انا بخير يا عمي نسال عنك ..
تركي .. اقول عمي سعود اايش رايك نروح للمزرعه نغير جو اشوي ..؟
ابو عبدالله .. والله يا ولدي تركي مالي نفس اطلع من البيت .. خير شر ..
بندر .. كح كح ويمسك صدره ..
ابو عبدالرحمن .. بندر انت ما تبطل شرب الدخان السم هذا ..
بندر.. يبه قلت لك الف مره ما اشرب دخاان .. بس انت تعرف ربعي كلهم يشربون وانا اجلس معهم..
ابو عبد العزيز .. اجل يا نبدر لا تجلس عندهم صحتك اهم من جلستهم يا ولدي ..
تركي .. عمي ابصم لك على العشر انه بندر ما يشرب دخان لكن يمز شيشه ..
ابو عبد الرحمن .. وشهوو شيشه تركي ..
بندر يصرخ .. انت هيا وش تقوول شيشه تبيني اكسر راسك يا تركي .. يبه لا تصدقه لاشرب لا شيشه ولا دخان..
يكذب عليك تركي ..
تركي يرفس من الضحك على الكذبه.. هههههههههههههههههه
وقاام الكل يضحك .. ههههههه


انجال غير متواجد حالياً   رد مع اقتباس