[درة الاحساء]

البآإرت قبل آلآخيير


/


بالمستشفى ( بمكتب حسين )
احمد : يبه يبه الله يخليك لا تعذبني انت جذي تذبحني والله
حسين : أظن تكلمنا بهالموضوغ وانتهينا منه
احمد : لا ما نتهينا يبه انا ريال اقدر اخذ القرار بروحي وانا ما ابي عيااال قصب يعني
حسين : ما تبي ضنا يشيل اسمك
احمد : ابببي بس مو على حسابي انا وزوجتي .. يبه فاطمة لو درت بتنهار يبه تكفه كلش ولا فاطمة يبه انت تدري شنو بيصيير فيها .. فاطمة ما ترضى تعيش مع ضره يببببه ارحمني جذي تعذبني وتعذبها
حسين وهو منزل راسه على الأوراق يقراهم وهو فعليا مو معاهم ابد : جهز عمرك الاسبوع الياي تملج
احمد : الدنيااا فوضه
حسين : شوف يا احمد يا تتزوج يا والله لانت ولدي ولا اعرفك
احمد : ماااااااااااني متزوج على فاطمة وانت مصيرك بتفهمني يبه
وصكر الباب بكل قوته ركب سيارته ونزلت دمعه منه : ااااه يا غلااي شلون يبوني اسويهاا والله لتنهارين لو سمعتي الخبر يا رب رحمتك بعبادك
شغل السياره
قبل لا يحرك ابوه ركب يمه وصكر التلفون الي كان يكلم فيه : بدل خلني اسوق
احمد : وهو مو فاهم ليش ابوه مستعيل جذي : لييش ؟
حسين : ليوصلت اقول لك
--------
انتي شنو تقولين مستحيل احمد مااااا يسويها طلعوا برااااا برااااا ودخلت بنوبه بجي
فجر : ليش قلتي لها
رنا : اهي سمعتني وانا اكلم مريم وبصراحه قلت يمكن تقدر تسوي شي وتمنع هالمصخره
الي بتسير
مي : الله يستر انتوا شفتوا ويهها شلون قلب يا حسرتي عليج يا فطوم ما تستاهلين وال
--------------
: مستحيل اللي يصير يا دانه شي ما ينسكت عنه تسلط وين وصل
دانه : والله يا مها محد راضي اناا خايفه على فطوم لو درت
مها : الله يعيين بمر عليها العصر تيين
دانه : خلاص العصر مريني بدربج
مها : الاا شصار على السالفه
دانه : الله يستر صار لها 3 سنين ما يجوز نسكت اكثر
مها : خلاص اليوم عند فطوم نتفاهم
دانه : اوك
---------
فهد : يبه يعني انت راضي
بو فهد : خل احمد اي له ضنا
فهد : يبه وفاطمة
بو فهد : تفعد بيتها معززه مكرمه واحمد بيعدل بينهم
فهد : بنتي ما تقعد عليها ضراا اذا انت ترضاها يبه انا ما ارضاها هذي وحيدتي وبيت ابوها مو عايفها
بو فهد : والله يا فهد لو قعدت فاطمة بيتك ما تلوم الا نفسك
فهد : اسف يبه بس بنتي وابي راحتها
وطلع معصب لداخل البيت
منى : هاا شصار
فهد : الله يعيين شكله حسين غاسل مخه المهم قعديني لصلاه العصر
--------
وقفو عند العدل
احمد : لييش ينا هني ... رفع حاجب ليكون يبه
حسين : هذا بو عبد الرزاق جدامنا انزل خلصني
احمد : يببببببببه انت من صجك تدري اني مستحيل اسويها ليش تفشل عمرك مع الريال
حسين : انززل يلاا لا تفشلني
احمد : انت حطيت عمرك بهالموقف تحمل النتاج يبه انا زواج ما راح اتزوج
حسين : والله يا احمد لو ما نزلت وملجت الحيين لا انت ولدي ولا اعرفك
احمد : يببببببببببببه تكفه يبه لاا ، تدري انت تذبحني جذي
حسين : بنزل وعندك خمس دقايق اذاا تبيني اناا ابوك تنزل وراي مو تلحق ورا مره
احمد : صرخ من القهر : هالمره حبي دمي الي يمشي فيني .. سامحيني يا الغلا
وقف الكون عند احمد لين نطق : اقبل بهاا زوجه

دخل البيت واهو حده متضايق شافهم
قاعدين على طاوله الطعام يتغدون
احمد : السلام عليكم
: عليكم السلام
اشواق : تعاال يمه اكل لك شوي شوف ويهك شلون صاير
احمد : لا يمه مو مشتهي .. فاطمة ويين ؟
رنا : بجناحكم [ بتردد ] وترا احمد اهي درت
احمد : انت شنو تقوليين منو قال لهاااااااا
مريم : اهي سمعتنا واحنا نتكلم
ما سمعها شنو قالت صعد الدري ما يدري شلون شالته ريوله بس يبي يوصل لها بسرعه
بطل الباب واهو ايده على قلبه دخل غرفه النوم شافها منهاره على السرير
اهي رفعت راسها وشافته
فاطمة : اطللللللللللع براااااااااا ما ابييي اشووووف ويهككك براااا .. اكرهكم كلكم اكرهكم
احمد خانته دموعه وقعد يبجي معاها : غلاي والله محد له شغل زوااج ماني
فاطمة : بــــــس لااا تقول شي روح يا الغالي دعواتي لك بس الملاج الي ملج لك مسااع يطلقني منك تسمعععععع
احمد تقدم لها وضمها لصدره : حبي اهدي شوي الله يخلييج
فاطمة : وخرررررررر عني ورجعت تبجي ليييش ليييش يا احمد وتمسكت بصدره
انااا احبك لبش تعذبني جذي والله احبك تدري جذي موتي انااا اصلا حااا
وارنخت ايدها وطاحت
احممد : فااااااااطمة فاااطمة ردي علي
انتبه انها تنزف ويها قلب لونه
فاااااااااااااااااااااااا ااااااااااااااطمة
يوو كلهم يركضوون
اشواق : احممممد شصاايـ هـــئ يمممه فاااطمة احمممد قاعد تنزف بسرعه شيلها نوديها المستشفى
--------
احمد مو قادر يسيطر على عمره كل اللي يشوفه يصرخ بويهه صار لهم اكثر من 3 ساعات داخل ومحد راضي يقول له شصااير
حتى امه دخلت معاهم وبعدهي ما طلعت
ضاري : خلااص يا احمد ان شاء الحين يطمنونا انت بس اهداا
احمد : وين اهدا يا ضاااري وييين لووو صاار فيها شي ما راح اسامحهم واللللله
الكل كان متوتر وايده على قلبه يوم طلعت اشواق من العمليات وويهها ما يطمن وقاعده تبجي
راحت لاحمد اول شي : احمد انت مؤمن بقضااء الله وقدره وهذا مقدرر ومكتوب
احمد : يمممه بلا مقدمااات شصااااااااار
اشواق : الله مو كاتب له عمر
احمد : مااااااااااااااااااااتت روحي ماتت لااااااااااااااااااااااا جذب اهي وعدتني ما تخليني يمه اهي تحبني لاااااا انت تضحكين معااي يمه تكفه ترا ماكو غشمرهه بهالامور
اشواق : فاطمة الحمد الله الحين وضعها مستقر الياااهل مات فاااطمة كانت حاااااامل
احمد اول شي ما استوعب بعدين صرخ : عاااااااادي المهم اهي اهي عندي بالدنيا وفتح باب العمليات بدون ما يشاور احد لقاها ب بعدهي على السرير وويهها اصفر
: غلااااي ردي علي تدرين اني بغيت اموت لين امي قالت لي مو عشان الياهل لاااا والله ما اي ظفر ادينج يا الغلا بس كان حسبالي انتي .. فاطمة ردي علي شفيج ساكته
دخلت اشواق
فاطمة بصوت تعبان ومتقطع : خل يطـ لع بر اا
احمد : فااطمة فهميني اناا اصلا مو راضي على السالفه كلها
فاطمة غمضت عيونها ةمن التعب واثر اابنج نامت بدون ما تحس
اشواق اطالع احمد اللي مو قادر يتحمل حتى يوم فرجت سقطت وشكل الطريج مقطوع يا رب رحمتك

بعد اسبوعين
الحال ما تغيير فاطمة ما رضت ترجع البيت حتى بيت ابوها ما رضت وطول هالاسبوعين بالمستشفى واللي يكلمها ما ترد عليه مرات يشكون انها انخرست بس يسمعونها تصلي وتقرا قرءان .. وما تبي تشوف احد الي يدخل تلف ويهها عنه لين يمل ويطلع احمد كان اغلبيه الوقت عندها كان ما يبالي بتطنيشها ..
دخل واهو شايل ورده حمراا كالعادة
: صبآح الورد على الورد شلون روحي اليوم
لا رد كالعاده
تقدم وطبع بوسه على جبينها وقعد يمها مسك iايدها
: هااا روحي تبين ريوق ولا اقول شرايج. نتريق برا اممم تبين ايس موكاا ايب لج ولا بتقطينها نفس اممم تدرين حتى فلبينيه ستار بكس فقدتج امس لين رحت ايب لج موكا اسألت عنج .. زين بقولج شصار لي امس يوم طلعت منج
وهذا حالهم كل يوم مرت 3 اياام واحمد نفذ صبره طلب من السيستر تحط لها منوم بالمغذي لانها ما تاكل
طبعا مع البغشيش ولان ولد صاحب المستشفى وقرر ياخذها لشاليه او المزرعه بدون ما تدري لازم يصلح الوضع
وفعلاا سواها وقال للكل عشان لا يخافون لو ما لقوها بالمستشفى ،
وطول الوقت واهو يفكر شلون يخليها ترجع طبيعيه وتسامحه مع انه ماله شغل وهو سرحان ويطالع من الدريشه
فاطمة اقعدت واهي مستغربه الوضع شافت احمد جدامها وسرحان طنست بعدين درت انهم بالشاليه لان نفس الغرفه بس احمد قالبها فوق تحت راحت الحمام تكرمون وغسلت وصلت واحمد مو منتبهه ابد بعدين سمع صوت حركه لف لقا فاطمة توها مخلصه صلاه
احمد : صبااح الجوري والكادي وبسمه ترتسم على احلى ويهه
فاطمة طنشته وراحت السرير : لييش يايبني هني
احمد : روحي كارهه ترجع البيت وقلت ني هني نجدد شهر عسلنا بما انج تعبانه وما راح تقدرين تسافرين
فاطمة : رجعني
احمد : مو انتي ما تبين ترجعين
فاطمة : مو شغلك اخلص علي برجع
احمد واهو ينسدح على السرير ويلصق فيها مو قبل ما نصفي حساباتنا غلاتي
واهي ما صدت بس كانت كتله من البرود
-----------
اشواق : يا رب ينصلح حالهم والله شايل همهوم
منى : الله يستر يا اشواق شكلها بتكبر
ما علينا .. شصار على مرام
اشواق : والله ما ادري فيصل رجع كلم حسين قبل يوميين بس خالد مو راضي
منى : هالولد استخف البنت رافضته بس والله انه طالع على حسين عنيد واللي براسه يسويه
اشواق : الله يهديه
-----------
في البيت العود
ام عبد الرحمن : فارس يممه تعال وين بتروح
فارس : ماا ابي اقعد هني ابي بابا .. ديدو الله يخليج بروح مليت وانا قاعد بروحي
ام فهد : خل السايق يوديه يلعب مع حسون ولد علي
ام عبد الرحمن : الله يسامح ابوه بس
ام فهد : متى يرجع ؟
ام عبد الرحمن : باجر بس هم الخميس عنه رحله
ام فهد : اهو لو يتزوج بس الله يسامحه اذن من طين واذن من عين
ام عبد الرحمن : بس يرجع ما اخليه ولده المسكين شذنبه
فارس : يلاا ديدو
ام عبد الرحمن : خلاص ديده انا الحين اوديك لحسوني
فارس وهو يبجي : ابي بابااا ما ابي حسون الياهل ،
دخل بشار : السلام عليكم
: وعليكم السلام
بشار : افاا فروس ليش تبجي
فارس : ابي ابوي مليت كله قاعد بروحي
بشار : انت صرت ريال عيب تبجي وبابا مسافر دوام .. زين شرايك تروح معاي بروح النادي
هز راسه فارس علامه الموافقه وطار يلبس ملابسه
ام عبد الرحمن : ههههه يا ليتك من زمان يت يابشار
بشار : اهو خل يرجع ابوه بس وانا اعلمه
ام فهد : انا مزوجته مزوجته
دخل خالد الي كان بالديوانيه عند يده : منو الي مزوجته ليكون اناا
ام فهد : لا خالك رائد وانت يايك الدور
خالد : تدرون انا منو ابي
ام فهد : خويلد انت ما تيوز قلنا لك مالك نصيب في بيت عمك حسين
خالد وهو يطالع بشار ومبتسم : لاا غيرت راي ابي رناا
بشار : تخسيي الا انت
خالد : ههههههههههههههههههههههه خل رنوه لك هالخبله اناا طموحي عاليه والقلب غالي
بشار : قووم لا بدله الجاي هذي

-------------
قامت من كانها واهي صج مالها خلق
احمد : فاطمة
لفت بدون ما ترد
احمد : تراا صج مليت صار لنا اكثر من 4 اياام هني وحضرتج مو راضيه
فاطمة بعد صمت : رجعني
احمد : ارجعج زين حاضر ولا يهمج بس لبيتنا لعلمج
فاطمة رفعت حاجبها : لااا صج ليش نسيت استقبال ملجتك باجر واجلتها اسبوعيين فشلله وين تودي ويهك من العروس اخااف تزعل ولا عمي الغالي يتضايق ما راح اي له ولي العهد مبجر
سررع حبيبي بالسالفه عشان يمديها مرتك الغاليه تحمل
احمد صج عصب تقرب منها وهو صار على ضروس : فااااااطمة
فاطمة بطريقه سخريه : لبيه يا عيونها تروح لك فدا الي ما تربع بقلبك الا اهي
احمد : طوم انت تدرين منو انتي ولوو الف الكون ما سكنت قلبي وروحي غيرج والله ما ابيع ضفرج بكنوز الدنيا هالدور تبيني اتزوج غيرج
فاطمة وهي تلف عنه وتروح غرفه التبديل : مو انت سويتها وتزوجت يا قلبي .. بروح التجهز عشان نرجع
احمد عصصصصصصب مسكها من دينها لي درجه اثار اصاابعه انزعت بدينها : طالت وشمخت ياولد عمي ما يت ام ولي العهد وانت ماشاءالله تمد ايدك عيل لو يت شبتسوي
احمد : دنيتي
فاطمة : ما ابي اسمع شي خللصني تعبت برجع
وتركته وراحت وهو الدنيا صاكه فيه
----------
رجعوا بس فاطمة ركبت راسها الا تروح ببت ابوها وما رضت تروح مع احمد البيت
واحمد بباله ان ياخذها العصر من الليت العود لان اليوم جمعتهم هناك
واهي من دخلت غرفتها قفلت عليها الباب ودخلت بنوبه بجي يديده ما تتخيل وحده تشارك زوجها معاها كل ما تخيلت هالشي تقعد تبجي زياده .. هذا احمد حبيبها مستحييل لي تزوج ويابت له العيال يبيعها اكرهككككك يا عمي هدمت حياتي وذبحتني بيدينك ..
ققررت قرار لا يمكن ترجع فيه وقامت تنفذه بس قبلها اتصلت على هناء وبعدها قامت تلبس عشان تطلع
---------
تيمعوا بعد صلاه العشا والصمت كاد سيد المكان .. محد له خلق لشي وخاصه ان فاطمة من الظهر طالعه ومحد يدري وينها لي الحين جهازها مغلق
سمعوا صوت باب ااداخلي يتصكر لفو لقوها فاطمة
احمد من خوفه عليها صرخ : انتيييي وينج ، وليش مقفله الجهاز
فاطمة رفعت حاجبها وطنشته : السلام عليكم
احمد : انااا اكلمج تردين علي مو طنشيين
فاطمة : واذا ما رديت شبتسوي يعني
احمد : فاااااطمة لا تستفزيني
بو فهد : خلصت هواشك مع مرتك
فاطمة : ماني مرته الحيين بيطلق
احمد : تحلميييييين انتي صاحيه فطووم عقلي
فاطمة : اعقل منك ومن عشره من امثالك
رائد سحب فاطمة ودخلها داخل واهو معصب منها : انتي صاااحيه شلون تكلمين ريلج جذي ما لومه لو كفخج
فاطمة : هذا الي ناقص بعد راائد وخرر عني
الجوو بالصاله تكهرب اكثر واكثر واحمد طلع واهوو معصب وواصله معاهاا
طلعت فاطمة بعد ما هدت شوي مشت عليهم واحد واحد اولهم يدها : تسلم يا ولد الراشد تسلم يا الغالي تسلم يا تاج راسي ، ما بنسى موقفك وغلآك لا تخااف بيكبر ما راح يصغر وعد مهما سويت
باست ادينه وراسه وراحت لعمها حسين
: ههههه شنو اقول يا عمي يا سندي وعزوتي اقولك مشكور على اللي سويته ، اممم لا تنسى تسلم لي على ولي العهد لي شرف ، وبارك لولدك بدالي ولا تزعل زواجهه على حسابي مهر العروس انا بدفعه ، بقولك كلمه اخرها دمرتني يا عمي ..
راحت ليدتها باستها ومرت على واحد واحد من كبيرهم لصغيرهم واهم بعدهم مصدومين لييش تسوي جذي لين وصلت اسرار بنت ضاري نزلت لها وعندها بجت : لبيه بنت اخوي ما ادري يا سرور ببولد غيرج ولا بقعد عطاليه طول عمري وضحكت بين دموعها
قالت قنبلتها الاخيره : ذكروني بالخير وتاكدوا هذا احسن لي ولكم ، يمكن اي يوم وارجع ويمكن تكون اخر يوم اشوفكم فيه ، اعتبرو من هاللحظه اني مت وعرس احمد عزااي .. وصلت الباب مع السلامه .. وصكرت الباب الي ما توقعت بترجع تفتحه تمنت من كل قلبها احمد موجود بس مو كل الاماني تتحقق ،
ركبت سيارتها وحركت بسرعه جنونيه ودموعها تسبقها واغنيه راشد وصييه تتردد باذونها

والي داخل بعدهم تحت تاثير الصدمة مو قادرين يستوعبون اللي صار وكل قعد يبجي ويتهم حسين وانه السبب
منى : جااااسم يمه روح الحقها
جاسم : خليهاا يمه خليها بترجع بيوم متاكد بترجع
ضاري : ببتتعب لي قعدت هني
-----------
مرت 5سنين
وفاطمة مالها خبر من فتره لي فتره تكلم واحد من خوانها بدون ما يعرفون اهي ويين ولا شصار فيها
تعودو كل يمعه تكلمهم وصارو يتيمعون يوم اليمعه ينطوون اتصالها وتبا بعدها نوبات البجي
في جو باارد بدخل بالعظاام
قاعده طاللع من الدريشه ومو منتبهه
حست بايد على جتفها يوم لفت لقتها امييره
اميره : لي متى
فاطمة : ما ادري
اميره : جذي تتعذبين
فاطمة : اليوم عيد ميلاد احمد
اميره : وعيالج بعد
فاطمة : اميييره الحين تحتفل اهي بعبد ميلاده
ااااااه يا اميره احس بموت
اميره : شوفي فطوم كل سنه وانتي تسوين جذي ترا صج بكفخج بنتت عيالج مساكين ناطرينج تردين عشان اطلعينهم كملو 4 سنين
فاطمة : اتعذب لين اشوفهم كبروا وصاروا يشابهون ابوهم ،
اميره : فااااطمة تراا والله بكفخج
فاطمة تحاول تضحك واهي بداخلها تصرخ بكل مرادفات الالم : خلاص خلاص مشينا يا دكتوره اميره
اميره : ااي جذي يا بعدي والله يلاا للامام سر
رجعوا للعماره الي ساكنين فيها شقه فاطمة يم شقه اميره
اميره سعوديه الاصل بس تزوجت كويتي دكتوره تعرفت عليها فاطمة بالجامعه بلندن وصارت قريبه منها مع الوقت بعدين افتحوا عياده صغيره وكبرت شوي شوي بحكم انهم كانو بعدهم يدرسون كانت جارتهم دكتوره بريطانيا تساعدهم
فاطمة ليين سافرت بعد ففتره اكتشفت انها حامل عندها 3تؤام عبدالله وفهد و شهاب
كانت تشوف فيهم احمد نسخه منه ما خذوا منها الا لون البشره والعيون شاء القدر ينولدون بنفس عيد ميلاد ابوهم
بس حتى خوانها لين تكلمهم ما يدرون بشي كانت تكلمهم من النت اوتلفون محلات ما تدري ليش اشوي جذي بس ما تبيهم يشوفونها ناو
طلعت عيالها اهي واميره وبنت اميره فطوم
قضو يومهم غير روتين العاده ورجعوا بيوتهم تعبانين
فاطمة نومت عيالها وغطتهم عدل وراحت غرفتها انسدحت على السرير ومسكت صوره احمد الي يمها وقعدت تسولف معاه مثل كل ليله وهي تنزل دموعها ما حست الا شهاب ياي لها
فاطمة وهي تمسح دموعها : شهوب ليش ما نمت ماما
شهاب : ماما ليش تبجيين
فاطمة : لا ماما بس دخل بعيوني وصخ
شهاب : زيبن ماما متى نروح حق بابا
فاطمة قصت هذا سؤال عيالها دايما : لين اخلص دوام ماما وبابا عنده شغل ما يسيير نشغله
شهاب : ماما انا احبج واحبه وااايد مع ان اهو ما اينا بس نشوفه بالصور
فاطمة : شهووووب فرراشك يلاا باجر عندك سكول
شهاب : ماما تيجر دايما تقول انا اشطر واحد مو لازم اروح المدرسه باجر
فاطمة وهي تضحك على ولدها اللوتي غير عن خوانه : قصدك اشطن واحد يلااا شهابو لا اخلي دادا ما تعطيك اغراضك باجر
شهاب وهو يركض لسريره : لا لا لا لا انا نااايم ماما شوفيني مغمض عيوني
ابتسمت لو ما عيالها واميره وريلها جراح ودادا جان يمكن الحين اهي انتهت
راحت المطبخ تشوف شي تاكله فقدت دادا هالايام صارت تروح بليل تنام عند ولدها قبل لا يرد يسافر السويد
تذكرت احمد عندهم الحين 12 بليل بس يوم جمعه يعني سهرانين ما تتوقع نايمين
راحت للابها وشبكت عشان تتصل منه كل العاده تسمع صوته وتسده احمد يرد لان متاكد انها فاطمة بس للاسف مقطوع الامل من ان يعرف وينها
يوم رفع السماعه كان يضحك واهي بس سمعت ضحكته زااد بجيها اكيد يضحك معاها الحين سدته واهي كرهت عمرها والساعه اللي قررت تتصل فيها
------
احمد بضيقه : سدته
ضاري : ما تعودت يعني
احمد : اشتقت لها يا ضاري والله اشتقت لها
ضاري : منو مو مشتاق لها .. اذكر ربك يا احمد وقوم نروح انام
احمد : روح انت انا برجع البيت
ضاري دخل عند الشباب داخل يبي ينام
واحمد قعد شوي على البحر قبل يرجع بيته
اااه يا الغلا شكثر فقدتج محتااج لج فطوم والله محتاج لج ، يا ترا شلون عايشه كملتي دراستج ولا .. بعدني بقلبج ولا تناسيتيني .. احبج اي والله احبج ولا ولد ولا تلد اي بمقامج
----------
بطلت عيونها على صوت دادا تقعدها عشان تلحق على دوامها
: اوك دادا الحين بقوم بس لو ما عليج امر قعدي التؤام على ما اخذ شور واصلي لان طافتني الصلاه
خذت لها شور صباحي واستغفرت ربها وصلت لبست لها لبس عملي وطلعت الصاله تشوف عيالها لفتهم يتريقون نزلت على واحد واحد وباست : يلاا ماما عشان ما تتاخرون على السكول
دادا وهي تصب لها القهوه : ايه يا بنتي شوبدك على الغدا
فاطمة : دادا لا تتعبين عمرج بيب اكل من المطعم انتي ارتاحي
دادا : لااا شو ارتاح ما ارتاح وانتوا تاكلو من المطعم ما راح رد عليكي وبدي اطبخ وبدكن تاكلو
فاطمة : هههههههه ولا يهمج بس انتي لا تزعلين باستها وقومت عيالها توصلهم المدرسه
------------