[rola2065]

اللى متعلق فوق ده طبعا نضال بعد موقف ايناس اليوم قررت الاستمرار فى تعليقه حتى اشعار اخر
مين ايناس دى كمان يا سى نضال هيه ناقصة انت ايه يا بنى مش سايب حد احسن خليك كده متعلق علشان تتربى
وايه عبارة غروب عن ان نضال غير ما اسما فاكراه ده بناء عن احساس عندها ولا حاجة هيه تعرفها عنه واسما متعرفهاش ...علاقة غروب بنضال غريبة مش عارفة احددها من اول فصل وكلامهم مع بعض كانهم فاهمين بعض وفيه سر او رابط مشترك بينهم مش قادرة احدده لغاية دلوقتى
اسما على قد ما غظتنى بحبستها لنفسها واغراقها فى الحزن على المتعلق فوق ده اللى ما يستاهل لا اسمه ولا صورته اللى كارى عملتهاله وكنت ناوية لو استمرت على كده اعلقها فوق هيه كمان علشان تفوق لنفسها بس الحمد لله هيه خلاص ادراكها الفصل ده ان نضال مش ليها وتقبلها لده حتى لو كان تقبل مؤلم بس ان حساه هيكون بداية مرحلة جديدة ليها تظهر فيها اسما القوية اللى لسه ما شفناها لغاية دلوقتى بس مستشعراها جواها بالانتظار الفصول القادمة لاتعرف على هذه الاسما الجديدة اللى كانت متغطيه بلبس العرايس تبع مامتها وبحب مصيره الفشل تبعها.
كوثر تعاطفها مع اسما لحظة ما اعترفت لها بحبها الحقيقى لنضال بعيدا عن الاموال والميراث خلانى احس جواها لسه فيه شوية انسانية يمكن تكون الظروف اللى حولتها تكون كده ام وحيدة مع بنتين تعتمد حياتها بالكامل على احسان ودعم الاقارب فكان اللى بتعمله محاولة لتدعيم بناتها وتوفير الامان اللى هيه شايفاه من وجهه نظرها والوحيد اللى عرفته وهوه ايجاد رابط داخل العائلة اكثر قوة وامنا لبناتها بس برضه ده لا يبرر اطلاقا تحطيمها ثقة بنتها بنفسها واسلوب كلامها معاها الفصل اللى فات بس شفت فى المشهد ده نقطة ضوء لسه موجوده وسط ظلام روح كوثر
بس كالعادة نيلتها بالموقف اللى حطه بنتها فيه يالهوى ايه يا شيخة ده خلاص بنتك وسمعتها وكرامتها مش فارقة معاكى للدرجة دى رغم نقطة الضوء دى برضه ربنا ياخدك ويريحنا منك ومن عمايلك السودا وانا بنفسى اللى ناوية ازوقك من فوق السلم (بليز بلو دخلينى جوه الرواية مشهد واحد بس بليز ازق المدعوقه دى واخرج على طول الا مدعوقة دى يعنى ايه؟؟؟)
المهم شكله كده بقى فيه تضارب بالاهداف بين اسما بعد ادراكها بالوضع وبين امها اللى لن تقبل وهتفضل عايشة بالوهم شكله راح تكون فيه مواجهات بينهم الفصول الجاية ولا انا غلطانة
لوتس حتى اصحابك اللى حواليكى مش عدلين محتاجة حد يفهمك ويحس بالبيبى المحروم المفتقد الثقة والامان اللى جواكى وسيبك من المنيل المتعلق ده انا بعد ما اخلص من تعليقه اصلا هخليه مشلفط على الاخر علشان هالوسامة اللى عمال يستغلها فى اللعب على قلوب بنات الناس تروح ومش هخلهولك نافع بنكله (وجه فخور بنفسه )
من الاخر لوتس وزى ما قلتلك من سابق الوحيدة اللى تقدرى توثقى فيها وتضمنى حبها ودعمها حتى الان هى فارديا لو شلتى الحاجز النفسى والتنافسى بينك وبينها كمان جمال لو شافك على حقيقتك و شيلتى عن نفسك هالقشرة اللى محاوطة نفسك بيها من ثقة وغرور هش ولا مبالاه تدارى جروح والام اكيد هتلاقى في صديق ويمكن كمان حبيب وفى مخلص بيحبك لروحك مش لشكلك ومظهرك
يا ترى يا لوتس الحالة المادية الجديدة اللى هتكتشفيها هتككشفلك مدى هشاشة وزيف اصدقائك وتفوقك لحالك لو هيه دى الحل فاهلا بالزمة المادية ارحم بكتير انها تكون ازمة مع المنيل نضال (ياربى مش قادرة اكتب اسمه مو لايق عليه متشفولنا كده اسم ينسبه ندال من ندالة يعنى ولا اللى ما يتسمى امممممم فكرولى كده فاسم اعلقه عليه فوق )
مين تانى مين اه سارى اخيرا شبح اسما يعلن عن نفسه ههههه خلاص اتفقست يا حلو وانت اللى عايشلى ومعيش البنية فى قصة من قصص احمد خالد توفيق
طيب يا بن الحلال انت كنت قلت سابق انك متعقد وما عندك ثقة فى البنات وكمان بعد كلام احلام ووصفها اسما بالعهر طبعا مع دخول اسما غرفة نوم شاب ده ممكن يزود كلاكيعك كولكعة ولا اتنين واحنا مش ناقصين احنا مصدقنا البنت فاقت لحاله وبعدين ايه سر ارتباطك بيها كل هالسنين يعنى انجذاب ولا اعجاب ولا الموضوع معاك كان لعبة وهتقلب بجد؟؟؟
نديم الغامض المجهول لسه مش باين له ملامح برضه يا ترى سؤاله عن سر البكاء اهتمام ولا تفقد لحالة الفريسة استعدادا للانقضاض
وليه بوكيه الورد اللى مبعوث لامانى عايز توصل امانى لفارديا وبالتالى تجر صلاح معاها ولا ناوى على ايه
لسه بقى فارديا ايه شكلك هتشيلى حمل ابوكى واختك وكل ده مع تدخلات الراجل الغامض بسلامته نديم فهمى
انتى قدها وقدود وربنا يعينك ويقويكى على اللى مستنيكى
بس كفاية علشان الحق اروح الشغل قبل ما يطردونى
ملحوظة سورى يا بلو كنت ناوية علشان خاطرك وطلبك انزله بس اهو انتى شايفة وشاهده على عمايله المنيلة كانت ناقصاها ايناس دى كمان فين نسرين سايباه كده ازاى ولا هما بنطبق عليهم مثل ماجمع الا ما وفق