[Andalus]

صباح الخير يا أهل الخير
كيفك بلوووو ؟؟ اكتشفت إنهم بيقولولك يا زوزو .. ماشي يا زوزو

نبدأ بعون الله .. قلتلك إمبارح احتمال كبير تلاقيني بكرة بالغابة بتاعتك و أهو حصل
تم بحمد الله قراءة الـ 8 فصول و يا ريتني ما قريتهم .. يا ريتني ما قريتهم

إحم إحم نبدأ كده بالصلاة عالنبي ..
أنا مش فاهمة أي حاجة خاااااااااالص هههههههه " ضحكة علاء مرسي الشهيرة "

لا بجد .. بالردود أغلبها بيتكلموا عن أماني و أنتِ عارفة إني لا أعرف أماني و لا عطيات .. ما أعرفش غير بنت خالي .. تكون هي دي

كله عمال يقول أماني أماني أماني .. أماني راحت أماني جت .. أماني اللي بتصرخ و أماني اللي مصيرها أسود .. حاجة كده ما يعلم بيها إلا ربنا .. يمكن أنا في نعمة عشان ما أعرف شي عن أماني و إلا كنت أتجننت متلهم

إحم إحم إحم تعليقي على الأحداث اللي فاتت ..

في الواقع .. إذ ربما وحيثما و كل الحاجات المكلكعة دي .. فصول ناااااااااااااااااااااااا اار و رواية رووووعة من بدايتها .. أرواح و غابة و منزل غريييييب .. أحب أنا الحاجات اللي بيلفها الغموض .. ياااااااااااااي تسلميلي يا أما قلب شريييير

نديم .. و أقول نديم .. من غير ضرب و لا شتايم و لا حاجة من الحاجات دي لو سمحتوا .. أنا هأعترف إني حبيته .. حبيته .. وقعت بغرامه .. عشقته أي كلمة تصلح يعني ، مش عارفة بتكرهوه ليه و الله ده حتى عسل ههههههههه
بيلفه الغموض بشكل رهييييييييييييييييييب .. يعني هو حاجة كده .. حاجة مممم أقولها إزااي !!
حاجة واااااااااو .. إنسان بقى شبح روح كائن بدائي و لا يهمني بس فيه حاجة تشد كده .. غموضه بيخليه مثييييييييير .. مثير بدرجة غير عادية << مثير للاهتمام طبعاً بلاش الدماغ القذرة دي
ما يهم إيه اللي حصل بماضي عيلته المهبب أو الصرخات أو الغابة .. انتقامه العجيب اللي الواحد هيموت و يعرف ليه و ليه اختار فارديا بالذات كل ده مش مهم بتاتاً .. هنعرفه مع مرور الوقت
أهم حاجة يا جماعة ابتسامته المستفزة لما بيعذب فارديا معاه و لا لما تبعتله نظرة تحدي تخليه يتسلى مش عايزة أقول بتعذيبها بس هأقول بالحاجة اللي في باله .. يا خراااااااااااابي نديم ده قصة كده لوحده .. لوحة رسمها فنان اعتكف في كوخه عشان يوصل للتركيبة المثالية لكي يبثها في لوحته فيخرج منها شخصية كنديم .. إنسان ربما يراه الناس طاغية .. مستبد .. جبار و قاس رغم إنه فعلاً يمكن يكون كده بس ده جزء لا يتجزأ من جاذبيته .. حرام يا جماعة ده نديييييييييييييم ههههههه محدش يجيب سيرته بكلمة وحشة لو سمحتوا
ما تخَافِش يا وِلد فهمي وراك .. بنت قمراية هتدعمك في اللي بتعمله و لو إني حاسه إنه كفاية عليك زوزو مقوياك علينا بزيادة

نضال .. كل اللي أقدر أقوله إني حاساه بالنهاية هيلف ورا غروب السبع دوخات .. يعني من الآخر حاسه غروب هتشيبه ، اللي عمله بلوتس كان بتحريض من عماد العائلة نديم .. يعني ما كان غير بينفذ الأوامر .. و الله بريييييييييييء بريء كتير .. بجد بريء بغض النظر عن وسامته .. و يا ريت ما تقولوا عني شريرة بس حبيت التخطيط اللي عمله بلوتس .. طريقته للإيقاع بيها كانت بتاخد العقل .. متقنة و محكمة بطريقة .. أبدعتِ بلوو في الوصف بجد كان كل شيء بيعمله رااااااااااائع
صدمته لأسما و لوتس و نسرين بالمستقبل القريب .. مختلفة بطريقة ما ، حقاً رائعة

ساري .. شبح ليس بشبح .. غامض هو الآخر بشكل مثير .. للحيرة هذه المرة ، ماذا يريد من أسما ؟ أو بالأصح كيف يخطط ليأخذ ما يريد ؟ بغض النظر هو كمان عن أعماله و اللي عايز يوصله .. الواد يتحب .. آه يعني لا تقوليلي براد بيت و ليوناردو دي كابريو .. تحسيهم عيال جنبه كده هههههه نديم كان حاجة و ده حاجة تانية خاااااااالص لا يفوق نديم بغموضه و لكن أشك بسخريته .. يعني بصراحة كده اللي عمله مع أسما و الكلمتين اللي في جنابها دول عشان يفوقوها و ده يخليني أتنقل على آخر راجل بالرواية هههههه أعتقد بصبصتلهم كلهم يعني

جمال .. هادي كده و راسي .. الشخصية دي ما تجيش من الفراغ .. دي نتيجة شقا يا ماما .. من الواضح إنه التربية طمرت فيه .. أهو الواد أكتر واحد أوصفه براجل محترم .. بجد محترم .. ابسط يا عم بتلعب كورة و البنت لوتس متغاظة إنك مطنشها و شكله بوفارديا أخيراً هيشهد لحظات رومانطيكية

متبقي كده مين .. الحاج ربيعي أبو فارديا و ده مش مهم ههههه بصراحة يعني مش فارق معايا أوي ههههه .. إحم إحم لا بجد عجبني جداً موقفه مع فارديا و مصارحته ليها أبدعتِ فيها .. عندك الراجل الجتة اللي كان مع نديم بالعربية و ده لا تعليق عليه أكيد ههههه و كام زبون كده دخلوا المحل و أبقى شطبت على رجالة الرواية كلها مع العلم إنه ملاحظة كل اللي دخلوا زبائن .. مفيش زبونات ليه يا زوزو لو حتى عشان يضربوها عين يعني مش معقولة كده زبون داخل و زبون خارج ..

و ننتقل بين رحاب الرواية للفتيات .. هههه أغلبهم قاعد في دكة الاحتياطي يا عيني يا إما مجروح يا بينفذ الأوامر يا مغلوب على أمره ههههههه

أسما .. سلبية جداً .. عايشة دور السهوكة و كأنها شهيدة الحب العذري .. فيه إيه يا ماما ؟!!! لمي نفسك شوية يعني .. تماسكي كده و شدي حيلك .. اتعلمي من غروب .. حاولي تدوري عن جين آل فهمي جواك بدل ما أنتِ دفناه كده .. يا ويلتاه !! بقى أنتِ قريبة نديم !! يا شماتة العدوين فينا يا ولد فهمي ..

غروب .. انتِ الوحيدة اللي فيهم يعني مش قاعدة على دكة الاحتياطي .. أنتِ في الملعب من أول صفارة .. روحي يا شيخة و القلب داعيلك .. هي دي اللي أقدر أقول عليها بنت فهمي بجد .. حاسة سادسة و مشيبة الواد نضال وراها و كامل من ناحية و كل ده بمظهر صبياني .. أحبك يا ستموني مهما الناس لاموني
أنتِ إنسانة كده .. شخصية مرحة و كل شيء حزين ورا ضهرها مش زي أختها اللي على طول بتفكرني بأمينة رزق

لوتس .. تربية الأم أثرت فيها بشكل سلبي .. اهتمام الأم و الأب بفارديا جعلاها تشعر بنقص الثقة و الضآلة .. تنظر لأختها على أنها أفقر منها جمالاً .. و ماذا بها لتجذب رجلاً كنديم !! و لكنها نست أنا ليس كل ما في المرأة الجمال .. بل يجب عليها في بعض الأحيان أن تنظر إلى الروح قبل كل شيء و في هذه الحالة سترجح كفة فارديا بالطبع لخلوها من تلك الوساوس التي تعكر حياة لوتس بما لا يجدي .. لأني أجد بلوتس المواصفات المثالية لتصبح مثل أختها بل و أكثر لكنها مع الأسف لا تنظر لها .. لو فقط تنظر داخلها
بصراحة .. زعلت عليها كتير بالموقف اللي بالجامعة و راما و إيناس بيشمتوا فيها .. أعتقد فرصة بوفادريا لا تتاح لأحد سوى مرة بالعمر .. عليها اقتناصها و إلا فلا أعلم ما سيحدث ..

ندخل سريعاً كده على راما و إيناس و الشلة المدللة و من ضمنهم سيرين .. حسبي الله و نعم الوكيل في زمن جاب عاهات زيكم كده فقط لا غير

متبقي مين قبل ما أدخل على المجلة بنت المبجلة

ممم الأمهات جميعهم و ليس كلهم هع هع .. والدة القطة نسرين و والدة أسما و والدة نضال و والدة فارديا .. أحمل لكل واحدة منهم قليل من الكره و البغض لبعض الأفعال بعضها أجده صالح و لكن ليس بطريقة سليمة و البعض غير قابل للصلاح .. يعني من الآخر كده يا هوانم .. و لا واحدة فيكم مالية عيني

الجدة .. يا تاج راسي أنتِ ههههه بقى عارفة كل حاجة و سايبة ولد فهمي يرمي بفارديا في التهلكة .. حرام بردو صحيح هتبقى زهرة في غابة الأرواح .. بس هتكون ذبلت و كده المعادلة تفسد و أنا لا أحبذ هذا مطلقاً .. يلا يا قمر اعترفي إيه اللي مخبيه ولد فهمي للغلبانة .. دي فارديا بردو
ألا صحيح يا جدة هو أنتِ اسمك إيه ؟؟

فارديا .. أنتِ بنت فوق الخيال .. جمال ذهبي و عرفنا .. شعر إيه و جيد إيه و قد إيه و قلنا ماشي إنما كمان ذكية أكثر مما ينبغي و قوية ده كده افترا ههههههه أنتِ شكلك فعلاً لازم تتحطي فمتحف و يكتبوا ممنوع الاقتراب أو التصوير .. مش هأقدر أقولك كلمة يا بنتي .. قلبي معاكِ يا بنت ربيعي .. اصمدي .. اصمدي .. اصمدي
و آخر كلمة .. اصمدي

نسيت حد أنا كده ؟؟ أماني و لا أعرفها فمش هأتكلم عليها .. كفاية الرغي اللي فوق ده ..لو افتكرت حد هأبقى أتكلم عنه يلا .. هو الكلام بفلوس يعني

على العموم 8 فصول و مقدمة .. يحلوا من على حبل المشنقة يا زوزو و القادم .. أكثر غموضاً .. شرير بزيادة .. يعني بالمختصر المفيد .. القادم من صُلب بلو

و هكذا أختم كلامي يا سادة .. سمعت إن الفصل التاسع نزل .. هأروح أقرأه و أرجعلك