#$#$#
{ آلـــبـــــآرت آلــرآبــــع }
نروح لبريطانيا ..
عند هند اللي أغمى عليها ووصلوا الإسعاف وخذوها للمستشفى ..
الدكتور بعد مافحصها وبلهجه بريطانيه : ما فيها شي بس الضغط كان نازل وامبين انها ماكانت تأكل فحطينا لها مغذي
ريناد مبين من ملامحها انها كانت خايفه على هند .. ردت عليه بلهجه بريطانيه : يعني مافيها شي
الدكتور ابتسم : ايه .. يلا مضطر امشي
وطلع الدكتور ..
البنات كلهم كانوا متواجدين بالغرفة وهويدا اتصلت على بدر علشان يجون ..
والبنات ماكانوا يدرون انه هويدا متصله عليه ..
ساره وهي تطالع ريناد : شو صاير
ريناد تنهدت : كانت متضايقه اشوي
ساره : قالت لك من شو ؟؟
ريناد : هاه ايه ايه علشان الماده اللي مختارتها صعبه
هويدا رفعت حاجب : شو هيدا هيه مابيصعب عليها شي
ريناد : وانتي شفيج جذي تتشمتين قولي الحمدالله على سلامتها اي شي شنو هم بعد اهيه رفيجتج يعني
هويدا تنرفزت : اييه شو قلت ماعم اتشمت فيها
ريناد تنهدت : خلاص مو وقته البنيه تعبانه .. (طالعت البنات ) بروح اييب ماي شنو تبون
الكل هز رأسه بلا .. وطلعت ريناد واشترت اللي تبغاه حاسبت الرجال وكانت بتحط فلوسها بشنطتها التفتت الا تشوف ابراهيم (جون ) وشلته .. تنرفزت وحطت الفلوس بجيبها ووقفت قدامهم بكل نرفزه : شتسوون اهنيه
بدر رفع حواجبه وقال : بنتطمن على هند
ريناد طالعت ابراهيم وقالت بلهجه بريطانيه : جون بكلمك شوي
بدر بحده اشوي : انزين قولي لنا اهيه وين
هند رفعت حاجب وقالت لهم هند بأي غرفه ..
بعد ماراحوا ..
ريناد من بين اسنانها وبلهجه كويتيه : شوف انا بقولك من الآخر إبعد عن هند لا والله راح يصير شي ماراح يعجبك
ابراهيم استغرب وقال بلهجه بريطانيه : شنو انا ما اتكلم عربي
هند اخذت نفس على غباء ابراهيم وكملت بلهجه كويتيه : خلاص انا عرفت وقالت لي هند كل شي
ابراهيم ضحك ..
ريناد رفعت حاجب : انا مو قاعده اضحك وياك إبعد عن هند احسن لك
ابراهيم بسخريه : والمطلوب
ريناد : المطلوب انك توقف عن سخافتك ولا ترى بنرفع عليك قضية تحرش
ابراهيم ابتسامة السخرية زادت : انا وايد كبير عليج يابابا واايد
ريناد عصبت : اللي مثل اشكالك ادوس عليهم انت فاهم
ابراهيم ابتسم وقال وكأنه يكلم طفل : لا لا انتي ماتدوسين علي انتي تدرين اني اقدر امحيج بلحظه ولحد درا عنج اللعب الوصخ انا ما احبه قضايا ولويه ما احب اقدر بلحظه وحده بس انهيج
ريناد بسخريه : انا حذرتك والبادي اظلم
ابراهيم ابتسم وقال وهو يتوجه لمكان الغرف وبلهجه بريطانيه وبصوت عالي : نشوف
#$#$#
بالكويت ..
تحديدا عند عايلة ابو عبدالله ..
فاطمه انهت مكالمتها وتوجهت لغرفة عبدالعزيز ولأول مره طقت الباب وبعد ما إذن لها عبدالعزيز دخلت ..
فاطمه وبكل برائة ولا كأنها سوت شي : عبدالعزيز شسويت
عبدالعزيز طالعها: انا شنو قلت لج انا قلت خلاص مالج دخل انا اتصرف
فاطمه وتحس بالفضول يقتلها: انزين فكرت بالكلام اللي قلته لك
عبدالعزيز طالعها بنظره حاده: مالج دخل يلا طلعي بره
مسكت اعصابها فاطمه وطلعت ماكنت تبي تخرب كل اللي سوته لو عصبت عليه ..
أما عبدالعزيز وقف وراح للتسريحه واخذ مفتاح سيارته وطلع ..
#$#$#
ببيت ابو راشد ..
عايلة ابو رائد وصلوا لبيتهم قبل المغرب بدقايق وسلموا عليهم وطبعا رغد تدور على راشد بعيونها بس مالقته طبعا الحريم اخذتهم السوالف رغم انه ام رائد ماتبلع ام راشد ابد يعني ماتطيقها اما وسن ماسكه ضحكتها على شكل رغد المستحيه وهي لسه اصلا ماشافته ..
وبالنسبه لأبو رائد وابو راشد كانوا قاعدين بالصاله لكن بعيد اشوي عن الحريم ..
اذن المغرب وبعد دقايق من اذان المغرب نزل راشد وهو يغني ووسن ابد ماهي قادره ماسكه نفسها وحاطه يدها على فمها تبي تضحك لما شافت رغد مستحيه ووجهها احممر
سلم راشد على الكل وجلس اشوي لما ابوه خزه علشان يجلس اشوي
وسن قامت وراحت جمب رغد وقالت بهمس : وشدعوه الوجه احمر اللي يشوفك يقول قاط عليك كلمه حلوه
رغد بهمس : جب مالك دخل
وسن ماسكه ضحكتها وقالت بنفس الهمس : لا بس جد يعني شكلك مو صدق هههههههه
راشد وقف : يلا استأذن انا .. ها رائد حاب تيي وياي
رائد : يلا معاك
وطلعوا رائد وراشد ..
وسن بهمس : يافرحه ماكملت
رغد تنرفزت وبنفس الهمس : وسون جب
وسن فتحت شنطتها وشافت ورقه عفستها بيدها وراحت للحمام واول ما ادخلت فتحتها وشافت
وسن انا عبدالعزيز ضروري تدقين علي علشان افهمج هذا رقمي *****
انصدمت كيف هذي الورقة وصلت لشنطتها .. تذكرت اليوم العصر كان الكل نايم ووسن كانت حاطة شنطتها بالصاله وراحت لبره تدخن وعبدالعزيز اول ماشاف شنطتها حط الورقه فيها ولما رجعت شافته يرجع شنطتها لمكانها ..
رجعت للواقع تنرفزت رجعت الورقه لجيبها واخذت نفس وطلعت بره الحمام
#$#$#
نروح للسعوديه ..
عند ألاء وحمد ..
ألاء كانت جالسه بالصاله وحمد كان نايم بالغرفة الثانيه وكانت تكلم امها ..
ألاء بصوت واطي يرتجف : يمه تكفين كلمي ابوي قوليله هذا خليه يطلقني تكفين
ام ألاء بعصبيه : وبعدين معاك ابوك زوجك علشان يسكت كلام الناس نزلتي راسنا
ألاء شوي وتصيح : ماسويت شي غلط والله ماسويت شي غلط
أم ألاء : بس بــس خلاص إسكتي يلا يلا شوفي رجلك وش يبغى بس حمدي ربك انه رضى فيك
ألاء بصراخ : يمه ماسويت شي انا كل اللي سويته حبيت ماغلطت والله ماغلطت
أم ألاء بعصبيه : ووجع ان شاءالله لا تصرخين يلا يلا روحي وسمعيني زين ان تطلقتي ولا جبتي سيرة الطلاق هذي موتك على يدي سامعه
وسكرت الجوال
ألاء تعبت محد راضي يصدقها انها ماغلطت تنهدت وامسحت دموعها ولما التفتت شافت حمد واقف عند غرفته ويطالعها راحت بسرعه لغرفتها وحمد راح للمطبخ اخذ نفس كلام جاسم صديقه بدأ يدخل براسه لكنه عصب مرتين يسمعها تقول انه تبغاه يطلقها وانها مو طايقته ابد راح لغرفتها بتردد وفتح الباب وشافها جالسه على الكنبه جلس على الكنبه اللي قدامها وألاء ارتبكت وعدلت جلستها ..
حمد : هذا اللي تبينه يطلقك اسمه حمد
ألاء خافت واسكتت
حمد : لهدرجه كنتي تحبينه !!
ألاء خافت اكثر وسكتت
حمد تنهد : يلا على قولتك مو حاسه انك زوجتي اكيد انك ماراح تحسين لأنه قلبك متعلق بشخص ثاني
ألاء بسرعه : لا السالفه مو ..
قاطعها حمد : بس بس
طالع فيها بنظرات كلها عصبيه وألاء نزلت عيونها خافت انه يقوم يضربها لكن فجأه حمد لقى نفسه يقارن بينها وبينه اسماء ( اسماء غير والله غييير ) رجع للواقع وراح للباب التفت وقال قبل لا يطلع : سمعيني زين لا تحسبيني تزوجتك حبا فيك ادري بزر ومراهقه بغيتي ولا مابغيتي انتي زوجتي مو طالبك تحبيني بس احترمي نفسك وخلي شوية دم فيك واحترمي كلمة زوجه ولا تقولين للناس كل شي
ألاء رغم قلبها اللي يرتجف من الخوف قالت ودموعها عالحافه : أجل طلقني انا ما اصلح لك لأنه بقلبي انسان غيرك
حمد عصب وش هالوقاحه اللي فيها : تحسبين ما ادري بسواد الوجه اللي مسويته (ابتسم بسخريه ) لو ذبحوك كان احسن
وسكر الباب بقوه
ما اقدرت تتمالك نفسها وراحت افتحت الباب وقالت وهي تصرخ وتبكي : انا ما احبك ولا ابيك انا كل اللي ابيه هشام
وانهارت على الارض من البكي
حمد عصب وده يقوم ويدفنها مسك اعصابه بالغصب وقال من بين اسنانه : لأنك حثاله
وطلع بره الشقه
#$#$#
برب ..