[فيتامين سي]

الجزء الساااابع عشررر....,

.,.,.[أيـــــام غـــريـبــه عـلـى أرض الــحـــب].,.,.

.......بعد معاناه ودوخه بين المكاتب,لقت أسيل أخيراً,ظالتها,وعرفت من الموظفه وين الكلاس اللي راح تتوجه له,وفعلاً رااحت له,كانت تمشي بين الممرات وهي تناظر المكان بتعجب,هنا غييير لندن,بلندن الجامعه صاخبه وإزعااج بسبب الإختلاط,لكن هنا بعد ماتبدأ المحاضره يصير هدوء
تنفست بتأفف:أخيييراً,هذا الكلاس.....
{طقت الباب بهدوء ودخلت,تكلمت انجليزي بحكم العاده}good morning
الكـــل:!!!!
الدكتوره بعد استغربت:نــعـــم,ليه متأخره,وتتكلمين انجليزي بعد
أسيل:!!! Sorryأقصد,أسفه,نسيت
الكل:!هههههههههه
الدكتوره:أنتي تستهبلين؟..فيه أحد ينسى لغته!
أسيل زهقت وتعبت من هالوقفه الغبيه,قررت انها تنهي هالمهزله:دكتوره لو سمحتي,أنا أول مره أداوم هنا أوكيه,أما ليه أقول نسيت,فهذا لأني جايه من لندن,سو بلييز بتدخليني وإلا أمشي!
الدكتوره تفهمت وضعها:أوكيه أدخلي بس لاتتكرر
أسيل :لا ماراح تتكرر...(أفف)..
بنص القاعه ...بدور تكلم اللي قدامها :والله ذي شايفه نفسها
ريما بنت هاااديه:بالعكس,وش دراك عنها,أحسها عسل,
الجوهره:ريمي ماعليك من بدور,حتى انا أحسها عسل وفله
أسيل بتثاقل مرت تبي تلقى لها مكان:
ريما ببتسامه شافتها مرت من عندها أشرت لها:تعالي هنا
أسيل استغربت(متى المعرفه),بس بادلتها الإبتسامه وجتها وجلست:شكراً.
ريما مدت يدها تسلم:أنا ريما خالد
أسيل مدت يدها تسلم:أهلاً,أنا أسيل سلمان
الجوهره اللي جنب ريم,مدت يدها هي الثانيه,بلقافه وهي تبسم: هاي,أنا الجوهره فيصل,
أسيل انقبض قلبها من اسم فيصل:...هلا الجوهره
الجوهره:هههههه أدري اسمي طويل شوي بس معليه قولي جوجو وارتاحي
أسيل ابتسمت:اوكيه جوجو.
الدكتوره:الجماعه اللي بالنص, لو سمحتوا هدوووء
ريما:خلاص جوجو انكتمي,خلينا نسمع
الجوهره:بسس تكلمت الدافوره
الدكتوره:الجوهره تبين المحاضره وإلا هوينا
الجوهره:لا بقعد,ماصارت كل يوم اطلع,خلني اذكر اني حضرت لك محاضره كامله,
الكل:هههههههههه
أسيل ابتسمت غصب من هبال الجوهره,مو معقوله:
{وبعد ما أنتهت المحاضره طلعوا البنات,وجلست أسيل مكانها ومتكيه عالطاوله:..
الجوهره:أســيل ورى ماتقومين معنا
أسيل:تعبانه والله
الجوهره,ألتفتت على ريما,بنص عين:مثل تعب ريما
ريما:جوجو انكتمي
الجوهره:وانتي ماعندك غير انكتمي ياجوجو,
{ألفتت على أسيل}يابنت الحلال ريما توها حامل,وذبحتنا كل ماقلنا مشينا قالت تعبااانه,أخافك مثلها بس.
أسيل ارتبكت,تقول وإلا ماتقول,هذولا بالجامعه ومايدرون بشيء,عادي اقولهم:.....
الجوهره:هيييه أسيل شفيك سرحتي,أنتي حامل وإلا أصلاً مو متزوجه؟
أسيل بعد تردد:ههه,لا متزوجه وحاامل بعد
الجوهره:لااا كملت
ريما:الحمدلله انك زيي
أسيل:ههههه ليه؟
ريما:ههه عشان يرحموني ولا يجرجروني معهم
الجوهره:خلاص يعني بتقعدون ساعه كذا!,أطلعوا معي برى شمو هوا,وإلا بروح مع بدور.
ريما:روحي وحنا بنلحقك,,
الجوهره:أأوكيه,يله تشااااو
الكل:تشااو
ريما التفتت على اسيل وهي تضحك:هههه ياحليلها شرايك بجوجو
أسيل ببتسامه:ههه عسوله...تذكرني بفاطمه بنت عمي.
ريما:ههههه حلو يعني ما راح تفقدينها..........
{وجلسوا يتبادلون السوالف السطحيه لأنهم توهم متعرفين على بعض}
,,,,

.,.,.[أيـــام غـريـبـه عـلـى أرض الـحـب].,.,.
,

مها واقفه تناظرساعتهاوشكلها عندها شيء:....
هاجر وعاشقه جايين:السلام عليكم
مها:هلا وعليكم السلام
هاجر:هههه ووش فيك تقولينها مستعجله كذا
عاشقه: شكلك تنتظرين احد
مها: شيء زي كذا,أسيل بنت عمنا معانا بالجامعه وأبي أعرف داومت اليوم او لا.
عاشقه عبست وجهها بعدم الإهتمام:وإذا صار !
مها إستغربت برود عاشقه:!وشـــو؟!
هاجر لاحظت كره عاشقه لأسيل:أوكيه مها دقي عليها وشوفي إذا مداومه او لا وبعدين انتي ماقلتي لي هي بأي قسم
مها:جبتيها,الجوال,
{طلعته ودقت بدون تردد}......يوووه ماردت,مقفلته!
عاشقه لوت فمها وقالت بشماتهمااالت عليها)إلا مها ,هي وش أخبارها بعد الطلاق؟{لاحظو ما قالت أسيل,}
مها غمزت لها "يعني مو قدام هاجر":.......
هاجر:!!ليـــش تطلقت أسيل؟!!
عاشقه بلهجة شماته :يووه ليــش مادرييييتي,صــارلها فتــره من تطلقت.
مها انقهرت من موقف عاشقه,راحت وتركتهم وهي ساكته بعد ماعطت عاشقه نظرة زعل واحتقار:............
هاجر:!عاشقه,,وش فيها مها,كنها زعلت
عاشقه تطق علكه مو مهتمه:ماعليك منها,امشي بس.
,,,,
,,,
,
.
.
.

الساعه 2ظهراً:
البيت الكبير:
الشايب:فااااطمه,,فااااطمه
فاطمه جته تركض,وبغت تزلق بالسيراميك:لبيـــــــــــ� � تقولها فاطمه,
الشايب: شوي شوي يابنتي,حاسبي لاتركضين ترى بتطيحين وبتكسرين
فاطمه:لاا تخااااف انا قطوه ام سبعة ارواح على قولة فيصلوه مالت عليه.
الشايب:ههههه,إلا ماقلتي رجعت أسيل وإلا باقي؟
فاطمه:لا والله باقي,
الشايب:طيب متى بترجع؟؟
فاطمه:والله علمي علمك ,على حسب المحاضرات.
,,,{انفتح الباب },,,,
فاطمه سوت عجوز:هذي هي جت,ياااا مرحبــــا.
أسيل شقت الإبتسامه من فاطمه وترحيبها كنها عجوز,وأقبلت عليهم:السلام عليكم.
الكل:وعليــــكم السلام.
أسيل سلمت على جدها باسته بخده كالعاده وجلست:كيفك جدي اليوم
الشايب:ههههه الحمدلله,بس خلاص ماعاد فيه دادي
أسيل:هههههه ولا يهمك دادي,مثل ماتحب.
فاطمه:يله عاد أبي أحط الغداء مدام ان أسيل جات, عن أذنكم....
{راحت للمطبخ}
الشايب:هاه يابنتي كيف الدراسه معك هنا,عسى ماشيه معك تمام.
أسيل: ههههه,يوه داادي هذا أول يوم لي بهالجامعه,بس اللي وضح لي أن الأمور أوكيه ان شاء الله.
الشايب:زيييين الحمدلله,.........أنتي علميني كيف صحتك,ترى هاليومين منتي عاجبتني,
أسيل خافت تخونها عيونها صدت: لااا بالعكس دادي صحتي تمام, لا تحط ببالك
الشايب ماصدقها بس مشاها:طيب يابنتي ,بس انتبهي لصحتك
فاطمه بصوتها العااالي:يااااالربـــع الغداء عالسفره,تعالوا تغدوا
الشايب:يله يابنتي ياأسيل سنديني,خلينا نروح نتغدا
أسيل مافيها حيل تسند نفسها,وهو يبيها تسنده:أوكيه دادي هات يدك.(اللـــه يعين)
,
,
.
.
.,.,.[أيـــام غـريـبـه عـلـى أرض الـحـب].,.,.
((((((((


.
,
,

,
بالليل:
بيت عبدالله(بو محمد)
مها جالسه ترتب بغرفتها,وتضبط مكان للكتب الجديده,بهدوء:.....
{رن الجوال نغمة نوكيا المزعجه,,عاشقه ..يتصل بك}
مها عبست وردت بدون نفس:خيــــررر
عاشقه بالجوال:شدعوه ,السلام عليكم بالأول
مها بدون نفس:وعليكم.
عاشقه:لااا انتي مدري شفيك اليوم,شبلااك علي
مها بإندفاع:مدري عنك انتي
عاشقه تسوي نفسها بريئه:ليه وش سويت؟
مها:اليوم اغمز لك أقول اسكتي لا تتكلمين بطلاق اسيل من فيصل وانتي مسويه ماتشوفين, وتكلمين بشماته كنك فرحااانه بهالطلاق
عاشقه ببرود: ليه,وش فيها عاادي.
مهاعصبت:رجعت تقول عادي,عاشقه انتي الظاهر انهبلتي نسيتي ان أسيل بنت عمك ياغبيه واللي مطلقها بعد ولد عمك,شبتقول الناس,بكره الرياض كلها بتكلم عنهم, فيصل طلق بنت عمه قبل الدخله,ومثلك عارفه كلام الناس مايرحم
عاشقه بمكابره:أنا ماسويت شيء غلط
مها عجزت فيها:طيب انتي متصله شتبين؟ هااهـ
عاشقه:كذا ابي اسولف وأشوف شمنرفزك اليوم.
مها:اوكيه أي خدمه
عاشقه:لا
مها اوكيه باي
عاشقه:باي
مها سكرت الخط وهي زعلانه,من عاشقه اللي كانت بيوم من الأيام مثل النسمه وعسوله بس تحولت إلى شخص ثاني يحقد وأناني: الله يهديك ياعاشقه وترجعين مثل قبل.
,
,
((((
,
,

بخيمه بالثمامه بالليل:
الجو شبااب ووناسه,,,وجمعه فله,,,هـذا يشوي وهذا يطبخ وهذولا يلعبون كرة طايره والبعض يطعس بالدباب.بهالليل..تحت الأضواء الكاشفه..
,
داخل الخيمه...
ذياب:فيصل وراك ماداومت اليوم
فيصل متكي ويدخن السيجاره اللي أصبحت عادته,ورامي الشماغ على جنب:بكـــيفي,عندك شيء؟
ذياب استغرب لهجة فيصل:لا مافيه شيء
راكان: فيصل ترى هذي آخر سنه لا تخربها عالنهايه,الدنيا ماتسوى {يلمح}
فيصل تنرفز من كلامهم:أوووووه بتغيرون الموضوع وإلا أمشي,أشوفكم كلكم صرتوا امي
راكان:خلااااص بنغير الموضوع,بس تكفى يابو عبدالعزيز لاتعصب....ناآاايف شصار على الشوي
منصور داخل عليهم بصحن:شبااب والله الشوي رهييييب,
الكل تجمع عليه:........
فيصل:شباب ماشوف راشد من فتره وينه
ذياب:ههههه مادريت الرجال رايح للجنوب يحظر لزواجه اللي بعد سبوع وإلا نسيت تراه عازمنا كلنا
فيصل تذكر وغبطه:إيــه صح تذكرت
ذياب بنغزه:عقبالك عاد
فيصل التفت عليه بنظرات ناريه:وش قصدك هاااه
ذياب خاف يدري فيصل شري:ما أقصد شيء كلمه وكلن يقولها
راكان التفت على فيصل يبي يهدي الجو المكهرب:فيصل ورى ماتشاركنا, انطح فالك
فيصل قام متنرفز: لا مشكورين ,عن اذنكم انا مااشي..
{ اخذ شماغه وطلع على طول}
راكان:لاحوووول..... ,عيااال تدرون شلون؟
الكل:شلووون؟؟
راكان:الله يلعن الحب,
الكل؟:أميييين هههههههههههههه
,
,


,
ياروح روحــــي عليك الــروح,,, متولعه والزمن جــايــر,,
لاجيت يمك أبـي أروح,,,, حظي وقف لي على العــايــر....
أسهر وأعد النجم وأنوح,,,,والقلب من لــوعته طــاير....
ياليت عين الرقيب تشـوح,,وياليــتني عندكم زايـــر.........
**بســيارته مسرع ...وماسك الخط
فيصل,عيونه غارقه بدموع رافضه تنزل,نفسه تنازعه يروح للبيت بس الكرامه ترده,خــايف يرجع للبيت وما تستقبله اسيل مثل مايبي,خلاص هو جرحها اهانها بمافيه الكفايه:آآآخ جنيت على نفسك يافيصل, ياترى كيف تقضين ليلك اللحين يا أسيل,
{مسك الجوال ونوى يدق عليها,وفعلاً بدون تردد دق رقمها اللي حافظه عن ظهر قلب..وأستنى الرد على أعصابه خايف ماترد,يبي يتعذر يبي يسمع صوتها, حتى لو تسكره بعد كذا بوجهه مو مشكله..رن الجوال ورن ماردت}لاااسيل ليه مارديتي؟...
(أصلاً ماراح ترد,وش تبي بي خاين بنظرها وما أستاهل حتى الكلمه, بس كنت بعتذر وتقبلين اعتذاري لو تطلبين مني المستحيل لأسويه,بس مابيك تتركيني,) <<{كان فيصل بقمة ضعفه}
,
,
,
.,.,.[أيـــام غــريــبــه عــلــى أرض الــحــب].,.,.

البيت الكبير::
أسيل طالعه من الحمام وقفت عند المرايه تنشف شعرها, تذكرت ان جوالها دق وهي بالحمام تتروش,راحت تشوف مين المتصل (يمكن زياد),حطت يدها على فمها:فيـــــصل! لاااا
{طاحت دمعتها وزادت نبضات قلبها}حبيـــبي,آآخ يالقهرر.
.{ باست اسم فيصل اللي مسميته ""my loveعلى شاشة الجوال ودمعتها بعينها}اخيـــراً جيت على بالك أخيـــراً تنازلت ودقيت رقمي....,آآهـ ليــــتني رديت.....ابي اسمع صوتك يالغاالي, دق مره ثانيه بليييز دق,...........
(اللحين شافني مارديت بيحسبني متعمده بيقول حقرتني,وماتبيني اكيـــد ماراح يدق) افف وشهالحظ ياربي..
{أخذت الجوال وتكت راسها على راس السرير ومددت رجولها وهي تراقب الجوال وحاطه يد على بطنها و باليد الثانيه الجوال وتدعي(يااارب يدق) ,وظلت سهرانه ولسان حالها}
حبـــيبي مـــابــقى غــيرك,,,
وخـــايفه تبتــعــد عـــــني....
ماحــبيـت أنــا غــــيرك,,,,
وأنت قطــعه مـــــنــــي......!
,
,
..
.
.,.,.[أيــــام غـريــبـه عــلــى أرض الــحـب].,.,.
,
,
,
ومررت الأيــــام والأسااابيع والشهر,,,,,,,والحال على ماهو,,,
جفا..
اشواق مكتومه..
.حب يـحتضر...
حبيب ظالم...
سر إلى الآن لم يـكشف...
,
والدراسه كانت ماشيه تماام,

.,.,.[أيــــام غـــريــبــه عـــلـــى أرض الــحـب].,.,.

**في ساحة البيت الكبير..
فاطمه جالسه جنب أسيل بحديقة البيت الصغيره قبالة الملحق,الجو بدى يتحسن والجلسه برى حلوه وتراقبها وهي تذاكر بجد,جاها فضول تسأل
وماترددت:أقول أسيل
أسيل فرت صفحه بالكتاب:نعم يافطوم وش عندك؟
فاطمه:!!!ذاللحين انتي كذا دايم بتجلسين ثلاثة ارباع وقتك تذاكرين!!!
أسيل وعينها بكتابها:هههه أنا متعوده كذا,بالدراسه دراسه وباللعب لعب.
فاطمه:! اللـــه يعينك,والله أنا يوم كنت ادرس,ماأجلس عالكتاب عشر دقايق على بعض,كذا مدري كيف أحس تطري علي طواري كثيره إلا المذاكره مااتطري علي.
أسيل:ههههه أنتي كل شيء فيك غريب يافاطمه,
فاطمه:ههههه قولتك,والأغرب من كذا أني للحين ماتقهويت والعصر قربت نهايته بدون قهوه والله مشكله,..أنا بروح دقاايق أجيب قهوه ومعها شيء ناكله,
أسيل:إي والله على طاري الأكل فطووم بليييز أنا مشتهيه بيتزا اللحين,
فاطمه:!غــريــــــــبه انتي تطلبين أكل لنفسك!وش صااير بالدنيا؟
أسيل: كــذا أحس نفسي هافه عليها
فاطمه:!!أوكيه أحاول أني أسويها ولا يهمك وانا أختك,اللحين أحلى بيتزا لك,يله خليني ألحق واسويها.....
أسيل ببتسامه:تسلمييين يا أطيب قلب
فاطمه:هههه اسكتي لاتحرجيني وأهون ههه
أسيل:هههه. ...
{ودخلت فاطمه }
أسيل حبت ترخي جلستها تعبت وهي ماده ظهرها,وعورها بطنها البنطلون ضايقها وبطنها صار بارز شوي صار لها شهرين بالحمل:أأي,والله ضيق هذا إيش القصه.. ..هههه نسيت اني حامل وبطني لازم تكبر,أسفه حبيبي ضيقت عليك, بس ولا يهمك اللحين بريحك
{فتحت زر البنطلون وتنفست بعمق}واااو كنت مخنوقه كل هالوقت وأنا مدري,
{تكت ظهرها على الشجره وهي ماده رجليها والكتاب بين يديها وتذاكر,}
بهاللحظات والباب كان ربع مفتوح,دخل من دون أي صوت,مشى بخطوات هااديه,سمع تمتماتها وهي تذاكروألتفت ناحية الصوت,لاحظ اللي هناااك تحت الشجره,أبتسم تلقائياً,له حوالي الشهر ماشافها وهي متغيره,ومحلوه زياده عن قبل,وخدودها مورده على القميص التفاحي اللي لابسته والجينز الضيق ستايلها الدائم, مشى من دون مايحس لين وصل لها ووقف,وبصوت هادي : مسااالخير
أسيل أبعدت غرتها اللي طولانه شوي عن وجهها وناظرته من تحت لين فوق,شافته هو..الحبيب..الغالي...هذا اللي معذبهافراقه..,جاها حنييين ودها تقوم وتعانقه زي أول,بس ضغطت على قلبها وقامت وهي تخزه بإحتقار, وكانت نظراتها توحي بشيء واحد....,
[أبتعد عني ماعاد أحبك وش تبيبي,,
قدرك العالي رميته فالثرى.....
لاواحساااايف قولتي لك يــاحبيــبي,,,
يــوم قلـبي مــولـعٍ بــك,مــادرى
أنك الغـــادر وكــان قصدك تلتهيـــبي,,,
وإن الحب في حياتك يباع ويشترى.....]
{قررت تمشي وتترك له المكان,بدون ماتكلمه}
فيصل تجرأ ومسكها بيدها بس بنعومه هالمره بدون مايعورها مثل ماكان يسوي قبل: طيب ردي التحيه.
أسيل لفت عليه وهي عاقده حواجبها,ناظرت بيده اللي ماسكه يدها:لووسمحت ابعد يدك,مابيننا تحايا ولاكلام
فيصل بهدوء فك يدها,شاف زربنطلونها مفتوح ولاحظ بطنها,أبتسم بخفيف:فعلاً صادقه مابيننا شيء,بس حبيت أسلم,
أسيل انتبهت وانحرجت حاولت تغطي عليه بالقميص,وعطته ظهرها كأنها مو مهتمه ماتبيه يشوف الإحراج:طيب وسلمت وبعدين؟رجاااءاً,الظاهر مايصلح اقعد واقفه معك كذا وحنا متطلقين,صح؟
فيصل كان يغلي من جوى قريب منها لكن بنفس الوقت بعيد ,ولع سيجاره وسحب نفس منها,يبي يخفي توتره ويضغط على نفسه:صح,بس توك بالعده وهذي طلقه وحده,ولوبغيت رجعتك.
أسيل شمت ريحة الدخان وخافت,لفت عليه معصبه ومو مصدقه وشهقت :فيــــصل,أنت تدخن!
{بدون تردد سحبت السيجاره من يده ورمتها بالأرض وداست عليها,وسط دهشته} أنت غبي,السجاير مضره,ماتدري انها تسبب السرطان انت تبي تموت.{قالتها بعفويه والخوف واضح عليها}
فيصل أبتسم بخبث وقرب لها:تخافين علي؟..لهالدرجه أهمك؟
أسيل ماتبي تفرحه,:لااا,أنت ابد ماتهمني,بس أنا أكره ريحة السجاير
فيصل انقهر من ردها:والـــله,أشوى علبالي بعد.
أسيل بقوة عين:لا ولا يجي علبالك ولا شيء,أنت صرت ولا شيء بالنسبه لي, وأأكد لك,انت ماعدت تهمني .{كانت تقول هالكلام وتحس هالكلمات سكاكين تقطع قلبها }
فيصل قهرته بكلامها,ورمى عليها القنبله:الحمدلله يعني ماراح تتأثرين لو تزوجت؟
أسيل أخفت صدمتها ضحكت تهزء:هههه تتزوج!!..... ومين مانعك لاتسويها,تزوج الله يهنيك, {قالتها من ورى قلبها}
فيصل انصدم من ردها, ماعاد يهمها!:أكيــــد اتزوج وأنا مطمن؟!!
أسيل ضغطت على أعصابها,هدت نفسها,وبغت تقطع الكتاب بيدها:تطمن,ماعلى مثلك حسوفه..,يله عن اذنك الجو صار بارد,لازم ادخل.....
{صدت ومشت من قدامه, وعيونها غرقانه دموع,وتنفسها يزيد سرعه,ودقات قلبها تتزايد,كأنه بيطلع من صدرها والعبره خانقتها}.
فيصل حس بينقطع فيه عرق من القهر,وهي قدام عينه ومايقدريقرب لهاولا عالأقل يضمها,ولعن نفسه على الكلام اللي قاله لها بخصوص زواجه على غيرها,كان وده انها عيت او صرخت,أوعالأقل رفعت صوتها او بينت الزعل بس مابينت شيء للأسف وهو ميت يبيها,بس يبي تكون المبادره منها,سكت وعض على أسنانه وهي تصد عنه وتمشي مومهتمه:.....
{وكان لسان حاله يقول}
لاتصد هناك ياعمري دقيقه,,,,,
العمر محسوب بحساب الدقايق...
في بحرعينك تبينت الحقيقه,,,,
كل موجه تنقل لعيني حقايق.....
الهوى دلتني عيونك طريقه،،،،،
ثم سوت وسط قلبي لك طرايق.....
,
,
.,.,.[أيـــام غـريـبـه عـلـى أرض الـحـب].,.,.

,
فاطمه طلعت من المطبخ وشافت أسيل داخله:أسيـــل وش بلاك دخلتي,أنا جايه.
أسيل ماتقدر تكلمها والعبره خانقتها,صعدت الدرج بسرعه لغرفتها:....
فاطمه:لاحووول وش فيها,لا يكون سمعت خبر شين,لا يكون احد داق عليها,بس جوالها مو معها,,خلني اطلع اشوف وش شافت,
{طلعت بسرعه,}فيصلوووه,,
فيصل كان معطيها قفاه,مسح دمعته قبل لاتفضحه,وألتفت عليها:هلافاطمه
فاطمه جته ووقفت قدامه:أنت بالله ماتقولي شتبي من أسيل,
فيصل:؟ليش وش سويت لها,؟
فاطمه بعصبيه:وش سويتلها,أنت كل ماتقابلها لازم تبكيها,حراام عليك ياخي انت ماعندك دم,جرح المشاعر عندك عاادي,كفايه اللي سويته ورميتها بعده,
فيصل متضايق ويكابر,خاف تكون أسيل قالت لفاطمه شيء:ليه هي قالت لك عني شيء
فاطمه:لا ماقالت لي شيء,وهذا اللي قاهرني انها ماتعلم بشيء,بس أقص يدي أن كانك ماقلت لها شيء وزعلها,,,ليه يافيصل انت تغيرت وماعدت مثل قبل,صرت ما أفهمك,تصرفاتك كلها غريبه,انت بكبرك صدمتني
فيصل,حس بضيقه,وزودت عليه فاطمه,طلع وسكر الباب ولا عبرها:....
فاطمه ارتفع ضغطها:شوفوا الولد راح وخلاني اكلم نفسي,هين فيصلوه.
,,,,


أسيل بغرفتها رجعت تبكي وهي كانت مرتاحه لفتره,وهي ماتشوفه: (تبي تزوج يافيصل,الــله أكبر عليك ماقواك,وقدرت تقولها بوجهي عاآدي...,آآه ذبحتني,... شلون بعيش بهالدنيا بقلب ميت,وانت اللي ذبحته بدم بارد.)
{بكت ثم بكت بشهيق ,وبعدين مسحت دموعها بكفها} ماعلي منه,أصلاً ماعاد أحبه{هنا رجعت تبكي},
{قررت تقوم وتغسل وجهها وتنساهـ بعد ماطعنها أكثر من مره}
دخلت فاطمه وهي خايفه:أسوووله.....الحلوووه.... .وييييينك.
أسيل طلعت من الحمام وهي تبسم,ولا كأنها بكت:والله ماحلو إلا أنتي,
فاطمه:أشوووى,
أسيل:هههههه وشو إللي أشوووى,يله قدامي وين البيتزا,
فاطمه:ههههه مانسيتي؟
أسيل تصنع الضحكه:ههههههه لاعيوني مااانسيت,يله وينها
فاطمه تحك أصابعها السبابه ببعض ومسويه خايفه:بصرااااحه,
أسيل كاتمه الضحكه,وتسوي مثلها:إيووووه
فاطمه:بصراحه ما لقيت بالمطبخ جبنة موزاريلا ولا زيتونات,ولا خميره,قمت وطلبت بيتزا هت ديلفري.
أسيل:هههههههههههههههههههه� �هه
فاطمه:؟؟!!وش بلاك تضحكين
أسيل:هههههه وهذا اللي ملخبطك,يابنت الحلال عاادي شفيك ههههه
فاطمه:ههههه أشوى يعني مو مهم منين
أسيل:لا مو مهم,المهم اني مشتهيتها اللحين,يمكن بكره ما أحبها
فاطمه:!!ماتحبينها بكره!!
أسيل تضيع السالفه:ههه إيه على حسب حالة الطقس,وشفيك انتي تدققين بكل كلمه .
فاطمه:ههههه قولتك بس هذا الله يسلمك من الفضااوه,بس تعالي ننزل تحت ننكد على جدي هدوءه اللي يزعجني.
أسيل:هههههههه يله,
((((
,
,
.
,
,


,
عاشقه:مها,أفرديها عاد,كل هذا زعل
مها:لاحووول لك ساعه من جيتيني ,وماعندك غير هالسالفه,خلاص نسيت السالفه,كم لها ترى من شهر قلتيلي انك ماتقصدين,وانا صدقتك خلاص عاد
عاشقه:طيب ليه أحس انك متغيره علي
مها:تبين الصراحه.
عاشقه:إيه,أجل وشو؟
مها:أحسك متغيره,مو عاااشقه اللي قبل مرحه وتحب كل الناس,وإبتسامتها ماتفارقها
عاشقه:يوووه,أنتي تبالغين.
مها:أوكيه بما أننا فاضيين شرايك نروح بيت جدي,ونتونس مع البنات, من زمان عن فطوم وأسيل,وحشوني والله,هاه شقلتي؟
عاشقه تغيرت ملامح وجهها,مابقى إلا هي تزور أسيل اللي تحقد عليها:ودي بس مقدر,عندي شغل أمي تبيني بالبيت
مها:هاللحين توك تقولين فاضيه!!
عاشقه وواضح عليها التلعثم:إييه بس تذكرت أنه بكره بيجوننا ناس,بعد بكره ولازم نسوي ترتيبات بالبيت, مثلك عارفه.
مها:بعد بكــــره,يمديك طيب,
عاشقه,أخذت عبايتها مستعجله:لا مايمدي,يله انا رايحه,قولي لسايقكم يوصلني
مها,خلاص شفيك قمتي كنك مقروصه,لحظه خليني ألبس عبايتي,وأروح أوصلك ثم أكمل وأروح لبيت جدي بالمره.,
,
/
,
,
..
.

البيت الكبير
فاطمه:أخييييراً طرينا على بال اللغه العربيه وزارتنا,الحمدلله
مها:هههههه والله انكم دايم ببالي حرام عليك.
أسيل:ههههه ماعليك من فطوم ,بس بشرينا عنك اخبارك وأخبار خالتي ام محمد وماجده وبنتها
فاطمه تكمل:ومنيره الدبه وعبدالكريم زوجها متى بيرجعون السعوديه.
مها: والله أنا وأمي بخير,ومنيره وعبدالكريم مدري متى بيرجعون خبرك هم في بعثه دراسيه ثنيناتهم وماجده وبنتها بخير وأبشركم انها حاامل,
أسيل ببتسامه:واللـــه, مبروك,
فاطمه:أخيييراً راح يجي ليارا أخ,من جد فرحت لهم الله يبارك لهم
مها:تسلموون,ألا وين عمتي مزنه ماشوفها؟
فاطمه:عند الجيران مثلك خاابره قهاوي العصاري ماتنتهي,بس ورى مامريتي عاشقه,وجبتيها,هالبنت هذي قطعت فينا ,من زمااان مازارتنا,حتى جدي عتبان عليها,
مها:والـــله قبل لأجيكم كانت عندي,ولمن قلتلها خلينا نروح بيت جدي,تحججت بشغل البيت,وتقول انه راح يجونهم ضيوف مدري متى.
فاطمه:معليه ياعاشقه,مردوده.
أسيل,تدري ان عاشقه ماتبي تقابلها,بس هي ماعاد يهمها بهالدنيا أحد:يمكن صدق مشغوله شدراكم عنها
فاطمه:من أول عاشقه عندنا كل يومين ثلاثه,واللحين يمر الشهر والثاني ماتدخل بيتنا,بصرااحه مستغربتها منها هي بالذات.
مها:قولتك,الله يصلحها
فاطمه:أميييين.
(((((((((((((أنتهى الجزء السابع عشر)))))))))))))))
لــــكن السؤال اللــي يطرح نفسه هنا,,هل فعلاً راح يتزوج فيصل,أو أنه مجرد يبي يثير غيرة أسيل,أو يغيضها,؟؟!!
............راح نشـــــووووف,وش تخبي الأيــــام لأسيل من مفاجأت أخرى....,,,, ووش راح يصير لباقي ابطال الروايه؟؟
.,.,.[أيـــــام غريــبــبه عـلـى أرض الـحـب].,.,.

بوووح الحنين88