[لامارا]

السلام عليكم ورحمة الله وبركاته

،

دخل البيت ع ضو الشموع المعطرة و أنغام الموسيقى الهاديه و هو يتأمل الورد المفروش ع طول الارض مشكل سجادة حمرا طويله من الورد و ع الاطراف شموع..
تبسم بدون شعور والفظول بدا يذبحه..
سار لحد ماوصل لطاوله الطعام اللي الشموع و الورد الاحمر مزيننها..
وقف يتأمل بدهشه كبيره..
وهو يحاول يستوعب اذا هو ف حلم ولا علم..
مانتبه إلا لصوت الكعب إللي جذب نطراته للسلالم إللي ع يمينه.. شافها تنزل مثل الاميرات فعالم الاحلام بكل رقه.. وهي رافعه اطراف من فستانها الاحمر الحريري الناعم..
وخصلات من شعرها إللي تركته ينساب لخصرها و خصلاته طايحه ع وجها زادت اناقتها و جمالها جمال..
ومثل المسحور راح ووقف ينتظرها.. وهي ع اخر درجه ماد يده لها.. تبسمت بعذوبه وهي تحط كفها ع كفه..
وتوقف قدامه بخجل وهو يتأملها بغمرة..
سحبت يدها من بين اصابعه بهدوء وهي تنزل عيونها بتوتر للارض.. وبهمس:مساء الخير
مد يده لشعرها و ازاح خصلاته عن وجها.. حس بخدودها ولعو من حركته و نظراته إللي ما شالها..
تبسم وهو دايخ بشكلها و ريحه عطرها الانوثيه الساحرة..
تقرب منها وهمس بحب:شو قلتي ماسمعت؟
بلعت ريجها وهي تحس بانفاسه تلفح وجها لفح..
وقلبها يدق طبول.. تحس بدوخه من قربه.. و
بصوت شبه مسموع:قلت..مــ.. مــساء الخـ..يــر
بعد عنها وهو يحتضن كفها بين كفوفه:مساء الورد
و طبع بوسه حاره ع يدها إللي صارت قطعة جليد بدت تذوب من لمسها..
مارفعت عيونها عن الارض..وهي خلاص تحس بدوخة.. وماقادرة تتنفس..
صحاها من اوهامها صوته المبحوح:لااااا.. ترا بديت اغار من صدج
رفعت عيونها بعدم استيعاب..
طالعها بعتاب:كله اطالعين الارضيه.. ابا فهم اش فيها مميز يشدج اكثر مني؟!
بلعت ريجها وهي تحاول تسحب يدها منه و نزلت عيونها مره للارض:أنا .. أأ
قاطعها وهو يرفع وجها له ويرص ع يدها:طالعيني و انتي تكلميني
سكتت مثل المنومه مغناطسيا وهو يرجمها بنظراته.. وماقدرت تنطق باي حرف..
يحس بزحمه داخله.. زحمه حكي.. زحمة مشاعر.. بس ماعارف كيف يفسرها.. اكتفى بالصمت وهو يغرق ف بحر عيونها اكثر فاكثر.. قام يتمتم
استغربت:شو؟؟
تبسم بدوخه:مشي بس اقرا دعاء السفر
عبست بعدم استيعاب:كيف؟؟ ليش؟؟
ماتت ابتسامته وبجديه:هو حد يسافر مايقرا دعاء السفر؟!
رمشت تحاول تفهم..
كمل:لما اطالع ف عيونج اسافر بعيد بعيـــــــــــــــــــد
سكتت وهي تحس جسمها وروحها تكهربت من كلماته..
قطع عليهم صوت جهازه إللي رجعهم للارض.. للواقع..
طلع جهازه بكل عصبيه و رد بسرعه:الوووو
بلع ريجه وهو يغرس يده فشعره ويضحك:هههههههه ياشيخ
شافها وطت راسها وهي تفرك يديها بإحراج.. صد عنها بسرعه وهو:ههههه لالا اشوفك بكرة.. ايه مشغووول فمان الله
سكه.. وبنفس التوتر اغلقه بالكامل و رجعه لجيبه.. وصد لها بلهفه خايف يكون حلم و صحى منه..
بس..
حصلها بنفس النظرات تنتظره.. بنفس الشكل.. العيون.. الفستان.. فستانها الاحمر المولع وزايد الجو حرارة مو طبيعيه..
و خدودها المتورده من الخجل.. سرح فيها.. وهي تسأله بمحاتاه:خير اش صاير؟
زاح نظراته عنها يشتتها ع اشيا اقل اشعاع:لا.. ولا شي
مالت راسها بشك:متأكد؟
قرب منها وهو يتبسم بثقه:ايه.. يلا نتعشا قبل لايبرد الاكل
تذكرت العشا و الامسيه الحمرا إللي جهزتها شهقت:ايه صح
تبسم ع عفويتها إللي تذبحه و تأسره أكثر و أكثر..
ومشو جنب بعض للطاوله.. بس قبل لايوصلو وقف و مسك يدها..
ألتفتت له وبعيونها ألف سؤال..
تبسم بود:ممكن؟
عبست وهي خايفه من سؤاله:شو؟!
تركها و راح شغل موسيقى كلاسيكيه ناعمه ورجعلها.. وهي تحاول تستوعب طلبه..
ضحكت بعدم تصديق:ههه لاتقول..
ماكملت إلا وهو مادلها يده و كأنهم فمسرحيه:أتقبل أميرتي مشاركتي هذه الرقصه؟!
خذت نفس عميق قبل لا تهز راسها تنفض هالافكار منه:بس... انا ماعرف ارقص!!
ضحك وهو يشدها له:ههههههه ماعليه يعني انا إللي اعرف
تبسمت ع جنونه:هههههه بس..
قاطعها وهو يرفع يده:اعطني يدك ودعينا فقط ننسجم مع الموسيقى
وغمزلها..
:عاد بالزور رقعت هالجملتين بالفصحى لاتفشليني اكثر
ضحكت وهي تحط كفها ع كفه:ههههههههههههه
حاوطها بكل خفه و بدو يرقصو وهي تسايرة:شفتي كيف السالفه ماهي بكل ذيك الصعوبه؟!
عبست وهي موطيه راسها تحاول تناسق خطواتها مع خطواته:اممممم
:اوقفي ع ريولي
رفعت راسها وهي مفهيه:هـاااه؟؟
ضحك على شكلها:ههههههه يله ترا مامن ثقلج
بوزت:من قالك اني خايفه تعرف وزني..اما بس..
قاطعه:إلا إلا..
استفزها ومن دون تفكير سوت اللي قاله.. بس دقها الحس.. شهقت جت بتبعد إلا حضرته متحرك
استغل بسرعه زلتها وهو ميت ع قربها:ههههههه انتبهي لاتطيحي يالفيله
شهقت بقو:نعـــ..
ماكملت لانه سوا حركه سريعه فاجأتها وكانت تطيح
:هههههههه قلتلج انتبهي
وهي ميته خوف:مالت عليك كنت بتذبحني.. كان علمتني انك بتسوي هالحركه الغبيه ياراقص زمانك
حب يقهرها اكثر:راقص زماني هاه.. انا اعلمج
تمسكت فيه بخوف:لالا خلاص توبه
ضحك من دون حس:هههههههههه زين زين مارح اطيحج
بعدت عنه بخوف هي تمد البوز:لا خلاص مابي
ضحك من خاطره.. يحس عمره فحلم.. يحس قلبه يرفرف.. يحس انه بيطير من الوناسه:ههههههههههههههههه� �ههه لاتخافي ههههههه
ورجع مسكها:يالله عاد سايريني خلينا نسوي جو
تبسمت على كلماته:جو هاه.. والله انك مانت بصاحي
:هههههههههههههههههههههههه� �ه
باستغراب:ههههه استخفيت انت؟!!
بغمره:لا بس احس فيني ضحكه ههههههههههههههههههه
ضحكت معه غصب:ههههههههههههههههههههه� �ههههههههه
داخ ع ضحكتها وضحك معها:ههههههههههههههههه.. الله لايحرمني منج
تبسمت بخجل وهي تبعد عنه وخدودها توردت:ولا يحرمني منك
وهو دايخ فكل تفاصيلها:آميـــــــــــــ� �ــــــــــــــــــــــــ ــــــن
رمشت تحاول تتماسك لا اطيح من طولها من الفرحه واللي تعتريها..
وهو اكتفى ببتسامه مغمورة رسمها ع شفاه وهو يتأملها..
بس بدت الموسيقى تهدا و تخفت شوي.. شوي.. تعلن نهايه هالرقصه..
قرب منها و طبع بوسه رقيقه ع جبينها.. ولمها يتنفسها..
غاصت فيه.. فضلوعه.. غاصت لدرجه صوت نبضه كان قريب وواضح..
زفر وهو ينزل لاذنها وهمس:انتي...
طــالـــق
***********************************************
جلست مفزوعه ع الفراش وهي متكورة ع نفسها تحاول تستجمع إللي بقالها من قوه.. تحس بالخوف.. ورعب فظيع..
ترتجف.. من البرد ولا من خوفها.. وين هي اصلا.. وش هالمكان..؟؟؟
إلا تعرفه و تذكره زين بس.. لا لا لااااااااااا..
:عــــــــــليا..عليااااا.. عليـــــــــــــــااا..
فتحت عيونها وهي تلاهث بصعوبه.. ألتفتت حولها شافت البنات متجمعين..قامت جالسه تتطالع فيهم بستغراب:بلاكم اش صاير!؟
مهره بمحاتاه:انتي بلاج؟
عليا وهي تأشر ع نفسها:أنا؟!!
دانه وهي تحط يدها ع جبهت عليا:مامصخنه.. شكله كالعادة كابوسج الغريب
منى إللي دخلت عليهن ع كلام دانه:أي كابوس بعد؟!
مهره اخترعت:بلاج اش صاير طابه علينا فهالوقت؟!
منى:لا بس قلت اتطمن عليكن.. إلا اش السالفه عليا؟
عليا وطت راسها بسكات..
دانه:شافت كابوس بس
منى قربت منها وبحنيه:تعوذي من بليس و ردي رقدي.. مجرد كابوس مــ..
قاطعها صوت ناعس مزعوج:بلاكم اش صاير؟!
الكل صد صوب موزة إللي توها تنتبه عليهم وهي تفرك عيونها الناعسه:ماتردو علي
البنات:هههههههههههههههههه� �هه
دانه:خلف الله عليج
موزة ردت ترقد:يــــــــــــوووه أما صحيح انه ماعندكم سالفه
منى وهي تقلب كفوفها بتذمر:هالبنت أنا مادري على من طالعه؟!
دانه وهي ترجع بهدوء لفراشها:هذا أكيد عرق عماتها المصونات
موزة فزت مثل الملدوغه:نعــــــــــــــ� �ـــــــم اش بلاهن عماتي يامسوده الويه!!!
مهره بتذمر:يله بدينا..سكتوها ألحين
ورجعت فراشها تتأفف..
منى تحاول تهدي الوضع:مواز خلاص ردي ارقدي محد قال عنج شي
موزة بعصبيه:يااااهل انا تضحكون علي بكلمتين؟!!
منى بصراخ:ايه ياهل و يلا اشوف انخمدي
موزة بسرعه انسدحت ع فراشها وتغطت بالكامل:يــمـــه
عليا إلي نست خوفها و الكابوس:هههههههههه
منى صدت صوب عليا و بنفس العصبيه:و أنتي..
ماكملت إلا بعليا منسدحة هي الثانيه و متغطيه بالكامل..
منى بفخر:ماتجون إلا بالعين الحمرا هه
موزة وهي تكلم عمرها:أرجوووووج يااا منازورا
مهره إللي راقده قرب موزه وسمعتها:شوووو؟؟
موزة:منازورا على وزن جازورا
مهرة ماقدرت تمسك عمرها هي و دانه إللي كانت تسمع بسكات:ههههههههههههههههههه� �ههههههههههههاهههههههههه
منى بعصبيه:خيــــــــــــــــ� �ـــــر اش يضحك؟
موزة تحاول تكتم ضحكتها:هههههههههه اسكتي لا تاكلنا
منى عصبت:بتسكتون ولا؟
مهرة سكت حلجها بيديها وهي تكتم ضحكتها غصب..
منى:عبالي بعد مابتسكتون هه
موزة:ليش حضرتج تركتي لنا خيار ثالث.. يا.. نسكت.. يا.. ننأكل
دانه كاتمه ضحكتها:اششششششش اسكتي احسلج
موزة:حاضر دكتورة فوزية الدريع
مهرة انبطت مرة ثانيه ضحك:ههههههههههههههههههههه� �ه
منى بصراخ:وبعديــــــــــــن معاكن؟؟؟!!!
مهرة تحاول تشغل نفسها عشا تسكت.. وإللي كانت راقدة قرب عليا بعد:عليااا
عليا صدت صوبها:عيونها
مهره:تسلملي عيونج.. لا تحاتي من شي تمام؟
عليا تبسمتلها بذبول:تمام
منى:اسمع صوت بعدني
موزة:لا حول ولا قوة إلا بالله
منى قبل لاتطلع و تسك الباب وراها:مووووووووووووزوووه اسكتي احسلج
موزة بعصبيه:ان شاء الله هه.. سكتنا
منى وهي تطلع بعصبيه:هه بنات اخر زمن
موزة:صحيح يابنت زمن جدتي؟!
منى رجعت:شوووو؟!
موزة خلت عمرها نايمه وقامت تشاخر بصوت عالي.. خلا البنات ينبطن ضحك..
**********************************************
الشخصيات..

بترك لكم حريه اكتشافها من خلال الاحداث..

*********************************************
ذياب بعصبيه:اش له انطم هاه؟!
شهاب بغضب:ذيــــــــاب
ذياب بنفس الاصرار:لا تحاول تسكر الموضوع كل ماجيت افتحه
شهاب راص ع اسنانه:اش تبا ألحين بالضبط؟
ذياب:ليش تتصرف بكل هالانانيه؟!
شهاب صد عنه:ذياب ارجوك..انا تعبان
ذياب بإصرار:بتفهمني ألحين انك بترتاح ان سكت و طلعت عنك؟!
شهاب:ايه
ذياب:هه...ههههههههههاي
شهاب عصب وصد صوب ذياب:بلاك اش يضحكك؟!
ذياب:انت.. ياخي انت اناني بشكل ماتقدر تشوف فيه غيرك.. و حتى قلبك إللي فاضحنك تنكره.. تذبحه..وتتعذب.. بس بعد تنكر.. حرااام عليك حراااام
شهاب ضرب بيده ع الطاوله اللي جنبه بكل غضب:وبعدين معك انت ماتفهم؟!... اطلع براااااا لا اذبحك
ذياب:انا طالع ألحين بس بردلك.. مابودرك.. هه
شهاب أول ماطلع اخوه زفر بكل تعب:استغفر الله.. آآآآه
و فر جسمه ع فراشه يحاول يغط.. اول ماغمض عيونه باغتته صورتها الضبابيه.. بنظراتها و خجلها و هي تحاول ترقص معاه بإحراج بس عشانه.. وهي تتأمل خطواته وتحاول تناسقها مع خواطتها..وبسرعه ترفع عيونها له وهي ترسم ابتسامه عذبه على شفاها.. وكيف قدر ينسيها خجلها..و يغير الجو بينهم..
كيف حس انها مثل العصفور شوي و يطير وهم يرقصوا..مثل الطفل فرحان بلعبته وكل شوي يقهقه بوناسه مالها حدود.. قهقاتها إللي تخترق قلبه مثل السهم.. مثل البرق..
كيف يضحك معها بدون سبب يحس بفرحه غامره.. يحس قلبه يرفرف من يشوف بسماتها.. و يلمس حبها.. وكيف وكيف وكيف.. إلى مالا نهايه..
وبنفس اللحظة إللي منحته فيها هالسعاده.. ذبحها.. جرحها.. قتل فرحتها.. ذبل بسمتها.. ذوب قلبها..وانسحب تركها فصدمتها..من دون حتى مايفسرلها شي..
فتح عيونه بقو وغصه يحس بمرارتها ف حلقه.. يحس بكتمه ع صدره.. جلس وهو يلاهث و ينفض صورتها.. عيونها..بسمتها.. سحرها.. بقاياها من راسه من داخله..
بس ماجاه غير صوره لها فخياله.. عقب ماتركها.. وهي تأن تصيح بمرارة.. تشاهق.. تلاهث..
مجروحه.. مصدومه..مذبوحه.. كيف ذوب قلبها مثل الشموع اللي ذابت من حرارة المشاعر إللي خنقت المكان..تنهد وهو يستغفر ربه و يكتم غصته..
*************************************
ف مدرسة البنات...
موزة وهي تتكتف بضيق وبصوت مايسمعه حد غير إللي قريب منها:اففف ع هاللابله ابدا ماتسكت... عله
مها الجالسة جنب موزة و ربيعتها الروح بالروح:هههههههههههه وايد تحلمي
موزة بعصبيه:حشى تقولي بالعه راديو
مها:ههههههههههههه
الابله انتبهت لهم:موزة ومها..
مواز بفرحه:حماااس وأخيرا بننطرد ونفتك
و بصوت عالي:نعم أبله
الابله:ليش تضحكون؟
موزة ببرأة:متى؟
مها وقفت:أنا ضحكت تذكرت سالفة و ضحكت أبله.. موزة مالها شغل
موزة شهقت و فخاطرها:لا يالنذله.. مسويه فيها صديقه مثاليه هذا وقتج؟!.. أنا اريد انطرد معج.. انا اعلمج
الابله تماشيها بمصخره:وشو تذكرتي؟
مها تتصنع الاحراج:ضروري اقول ابله؟
موزة داخله عرض فالسالفه:ابله ولي يعافيج لا تحرجيها
الابله تخصرت:وأنتي اش دراج اش تذكرت وضحكها؟
موزة بثقه:اووووه ابله مايبالها ذكاء اكيد سالفه من سوالف ريلها المصون
مها فزت وصدت صوب موزة امبققه عيونها ولسانها انربط..
البنات شهقن...
الابله تفشلت:هههه..ماعليه مها اعذرني ماكنت ادري انج متزوجه
مها تلعثمت:معذورة أبله..
الابله:خلاص اجلسو خلونا نكمل الدرس..
أمل:بس أبله مابقى شي ويدق الجرس
إلا بالجرس يدق..
الابله:اووووووووه موقته ههههه
وشلت شلولها وطلعت..
البنات اول ماطلعت انفجرن ضحك:ههههههههههههههههههههه� �هههههههههههههههههههاهههه ههههههههههههههههههههههههه ههههههه
موزة:ههههههههههه صدقت!!
مها وهي تفر موزة بالكتاب:حسبي الله عليج زوجتيني و انا بهالعمر ليش اش مسويتلج انا؟؟!!
موزة وهي ميته ضحك:تستاهلي عيل مسويتلي فيها الصديقه مثاليه و تدافعين عني.. تبيها تطردج بروحج ليش؟.. وانا الفقيرة تحرميني من الحريه؟!!
أمل وهي ميته ضحك:هههههههههههههه مبروووك يالعروس إلا ليش ماعزمتينا ع عرسج؟
موزة:هههههههههه إيه صحيح يالخاينه نسيتينا من جا حبيب القلب صدج من قال من لقى احبابه نسى بنات صفه
البنات:هههههههههههههههههه� �هههههههههههههههههههههههه اهههههههههههههههههههههههه ههههههههههههههههههههههههه هههه
مها عصبت وبإحراج:انتي تشب ولا كلمه
أمل:هههههههههههههههه خلاص بسكم عاد
موزة بنص عين:ههههههههههههه إلا اش السالفه إللي تذكرتيها و ضحكتج هاه اعترفي هــ..
مها فرتها بالمقلمه بعصبيه قبل لاتكمل:تــــــــــــــشــ� �ــــــــــب
أمل تغير السالفه:إلا بنات سمعتو عن البويه إللي بالمدرسه؟
مها فزت:واااي يمه من هاي بعد؟!
ليلى:اسمها مودة وغيرته لجاسم
البنات شهقو بقرف:شووو؟!!
أمل:هي جديده منتقله للمدرسه من اسبوع وبالصف 12 رابع
مزوة بوزت:عافانا الله
ليلى:استغفر الله لو شفتوها وربي بتنقرفو
مها بخوف:والمديرة ماسوتلها شي؟
أمل:سمعت كلمو اهلها بس يقولو امها متوفيه وابوها استغفر الله سكار خمار
موزة بعدم مبلاه:هه عيل ماتنلام
مها بحيرة:بس هاي متعلمه ماتخاف ربها؟
موزة بجديه:هالاشكال ماتعرف الله ولا تخافه
مها بخوف:يــــــــــمــــــــ� �ـه
موزة بثقه:بلاج انتي لا تخافي منها المدرسة كلها بتكون ضدها وبنطردها من مدرستنا بعد
أمل بضحكة:هو على كيفج تطردينها!؟
موزة بعصبيه:شو عيل نشوفها وسطنا ونسكت؟!
ليلى:بعدووو عنها احسن شي
مها سكتت تفكر فهالبنت...
أمل:لا تحتكو فهالاشكال هي فطريق و نحن فطريق بس
طبعا البنات ماسكتو وبدت زوبعه كلاميه مالها نهايه..
************************************************
و ف مكان ثاني...
مسك راسه بنهيار يحس بصداع فظيع ماهو بعراف شالحل.. فجأه ومن دون أي مقدمات صارت كل ثروته مهدده تتبخر فثواني.. الفلل.. الاراضي ..ال****ات.. كلها.. مب قادر يستوعب شي.. كيف.. كيف وصل لهالمواصيل كيـــــــــف؟!
قطع عليه صوت جهازه إللي ماسكت من أسبوع..
رد ع المكالمه من دون حتى مايشوف من المتصل.. وبصوت مرهق:الووووو..
وصله صوت رخيم مميز يعرفه زين عمره مانساه:السلام عليكم..
فز وبقق بعيونه ع الاخر و وقف من دون شعور مفجوع وهو يلاهث:مــ.. مـــ.. مــ..
:هههههههههه بلاك علقت؟؟!.. ايه منصور منصووور يالدكتووور إلا وينك انت لا حس ولا خبر؟
بلع ريجه بصعوبه وهو يحس بخنقه فظيعه ومب قادر يتنفس:مــنــصـــوووووووور! !!
:ههههههههههههههههههه ايه منصور بلاك منصووووور الداااااااااااافووووور
انفجر يضحك بهستيرية:هههههههههههههههه� �ي حلوة هههههههههههاهههههههاي
:هههههه حد قال نكته؟!.. ياخي ضحكنا معك؟
قطع ضحته فجأه بعصبيه و صراخ:من انت ترا ماني بفاضي لمزاحك الثقيل؟
:ههههههههه اف بلاك انقلبت علينا مرة وحده يالدكتووووور؟!
عاد سؤاله بجديه اكبر:من انت؟
بعتاب:أفـــــــا يالدكتور.. أفــا يا فهد مسرع مانسيتني ونسيت صوتي؟!.. هذا و أنا اقولك اسمي ومن انا.. ناسيني؟!..
هههه بس ماعليه أكيد بتنساني قصدي بتتناساني لاني ازورك دوووم فأحلامك.. اقصد كوابيسك.. و أطل عليك يالقاطع بس هالمرة قلت ازورك بنفسي فالواقع و أسلم عليك يالقاطع ياللي ماتسأل اش دعوه لهــ..
فهد قاطعه بصراخ هستيري:من انت اقولك من انت؟؟؟؟؟!!
بكل برود:لا تصارخ مازين لك ترا كبرت وشيبت وصحتك ماعادت القبليه ياخوي
فهد شوي ويستخف:من انت من انت؟؟؟!!
ببساطة:انا منصور
فهد بصراخ هستيري:انت كذاااااااااااب كذااااااااااااااب منصوووور ماااااااااااااااات مات.. و اسمعني زين اياك تعيدها وتتصل لا اوديك فستين داهيه هه
وغلق الجهاز بالكامل وهو يلاهث و يرتجف بشكل ملحوظ..
:طال عمرك..
فهد صد مفزوع صوب سكرتيرة إللي مانتبه لوجوده خير شر:شو؟؟
فارس:لا بس انت قمت تصارخ فــ..
فهد فهم انه دخل يطمن عليه بسبت صراخه إللي هز الشركه هز:أأأنا بخير تطمن تطمن
فارس بقلق:اطلبلك السايق طال عمرك؟
فهد وهو يجلس بتوتر:هاه لــ..لــ..لــيش؟؟
فارس:طال عمرك وقت الدوام خلص ولازم ترتاح
فهد وهو ينتبه توه للوقت:اوووووه مانتبهت
فارس:تامر ع شي ثاني طال عمرك؟
فهد وعيونه ع جهازه:ايه خذ جهازي وشوف اخر مكالمه.. ابيك تجيبلي كل شي يخص صاحب الرقم فأسرع وقت
فارس:تم طال عمرك
فهد تنهد:اتصلت ع السايق؟
فارس:فالطريق طال عمرك
فهد تبسم بشحوب ابتسامه صفراء لهالشاب إللي يداريه و يراعيه ومهتم فيه كنه ولده إللي فقده:وانت ماتبي تروح ترتاح؟
فارس تبسم:باقي شوية اشغال بخلصها وبروح
فهد تنهد:رووووح روح البيت الشغل مايخلص
فارس:بس طال عمــ..
فهد قاطعه:اقولك روح وخل عنك العناد
فارس:بس طال عمرك وضعنا مايسمح أأجل أي شغل
فهد تذكر وضعه السيء:برايه.. روح ارتاح عشان نقدر باجر نكمل عسى نلقى الحل.. بس إذا سهرت ع الشغل بتتعب بسرعه و أنا اريدك جنبي قوي و نشيط وذكي و بكامل عافيتك
فارس تبسم مجامله:تم طال عمرك..
فهد تبسم بذبول كبير وهو يتمتم:جملة منــــــصـــور.... اخــوي.. هه
فارس:تبي شي طال عمرك؟
فهد صد صوب فارس بحزن:لا اكلم نفسي
فارس:طيب السواق وصل
************************************************
شهقت بقو ويدها ع قلبها:شووووو؟!!
موزة وهي تبلس جوتيها الرياضي:اسكتي لاتفضحينا
مهره وهي تخفض صوتها:شو بويته بعد؟!.. هذي اول مرة اسمع عنها؟!!
موزة وهي منهمكه فلبس الجوتي:عادي حبيبتي مثل هذوله إللي يطلعون فالتلفزيون صارو قدامنا فالواقع.. اليوم ماشفتيها بكرة بتشوفيها
مهرة بقرف:وع.. الله لايبلانا.. إلا انتي يالخبله لا يكون بس تعرفتي عليها؟
موزة عصبت:وع انا صحيح خبله بس عقلي بعده سليم اش لي اتعرف ع هالاشكال بعد؟!
مهرة تنهدت:الحمدلله
موزة وهي تلف شعرها:زين يلا باي ماوصيج عاد
مهرة عبست:وانتي لمتى بتمي تشريدين كل يوم فعز القايلة تروحين تلعبين كورة مع مخبل حارتنا؟
موزة وهي تعدل الكاب ع راسها بحيث تخلي اللي قدام ورا عشان شعرها مايبنان انه طويل وملفوف داخل الكاب:خلاص خلاااااااااص بسج حنه لاتفضحينا.. يلا فمان الله
مهرة بقهر:يعني ألحين شالفرق بينج والبويات؟؟؟
موزة عصبت:اقوول تلايطي.. أنا اروح اغير جو وحلمي الكورة بس عاد شاسوي مجبورة عشان ارفه عن نفسي اتنكر ولا ماطايحه مغازل مع البنات و هياته.. كل اللي اسويه ألعب كورة وأرد البيت وعند يهال ماشباب مالت عليج هه
مهره تكتفت:اففف اخرتج بتنفضحين ترا
موزة بعدم مبالاه:لاتحاتين دام انا ألعب مع هالعيال مابنفضح إلا عاد إذا جا غيرهم
مهرة بعبوس:كيف يعني مافهمت؟
موزة وبدلع وغنج:يعني إللي بيكشفني بتزوجه
مهرة شهقت بفجع:شوووووووووو؟!!
موزة نقعت ضحك على شكل اختها:ههههههههههههههههه بلاج من جدي ترا
مهرة وهي تلوي اذن اختها بعصبيه:موووووووزوووووة ترا هذي اخر مرة اسكت واطوف.. فأحسلج لاتتمادي اكثر وتعتزلي فأسرع وقت.. لا افضحج
موزة وهي تتألم:أي أي أي أيييي مهروووووه وجع.. يعوووووور
مهرة ودرتها بعصبيه:لاه يعور عيل شو بتقولي حق يدي يوم بتنكشفين مافكرتي إلا اش بيفكج من منى وربي لاتذبحج!؟
موزة بنزعاج:يــــــــــــــووو� �ه امداني اخرب متعتي و الاكشن اللي عايشتنه و اجلس افكر.. خير لوقتها.. وبعدين هييييه انتي اش له تهدديني ولا نسيتي سواد ويهج؟
مهرة عبست:شووو؟!
موزة بخبث:لاه اذكرج شو انا اعرف من اسرارج وان فضحتيني فضحتج؟
مهره سكتت وهي تتكتف بعصبيه....
موزة لمتها بقو:ههههههههههه فديتج والله دووومج توأمي العاقله الحنونه إللي دوم فصفي
مهرة بجديه:لاه.. أصلا اني مشتركة فجماعة المسرح مب سواد ويه.. بس عشان افك عمري من منووه ولسانها ساكتلج فعقلي ولي يسلمج
موزة طفشت:يــــــــــــوووه خلاص ولا يهمج بفكر.. عقب ما ادخل الثلاثين .. اش لي اسجن عمري من الحين واعقل هه؟!
وراحت من دون ماتترك لمهرة فرصه ترد عليها...
مهرة وهي تتنهد:ماقول غير الله يهديج..
***************************************
طول الطريق وهو يفكر فالاتصال.. من المتصل وشو يريد؟.. كيف يعرف نص اسراره و المرحوم منصور رفيج عمره؟..
تنهد وهو يتذكر..
كانو توهم بالثانوية لما كانو يرجعو و يروحو سوا للمدرسة و البيت.. لانه المدرسة فحارتهم وبيوتهم قريبه..
كان يضحك وهو يشوت الارض بقو:ويسجل البطل فهد هـــــــــــــــدف
وقام يصرخ بحماس:عــــــــــــــــــ� �ــــــاااااااش عـــــــــــــاااااش فهــد
كان يمشي وراه بهدوء:اووووووووووف بس خلاص قومت الحارة بكبرها
فهد:هههههههههههاههههههههه� � سجلت جوووووووووول لاه
منصور تنهد وهو يمشي بكل ثقة باتجاه فهد:رسبت فالامتحان؟
فهد:يالذكي تونا ممتحنين بعدهم ماصححو الاوراق كيف برسب بالله؟!
منصور بتنهيده:فهد
فهد كمل طريقه بعدم مبلاه:كنت امس اساعد ابوي
منصور بجديه:اعرف عشان جذيه رح تجي عندي اليوم بنذاكر سوا
فهد وقف وهو يصد صوب منصور:كـــــــــيف؟!!!
منصور تبسم فوجه فهد:امش خلنا نوصل بسرعه لانتأخر على الغدا عقبها بنريح والعصر بنبدا مذاكره
فهد بعبوس:بس عصر نلعب كووووره
منصور وهو يتجاوزه:انسى الكوره.. مستقبلك اهم.. احسن ماتلعب كورة وتذاكر وتنجح.. ولا احسن تروح تلعب كورة وماتذاكر وترسب وعقبها تتم طول عمرك تشتغل عند ابوك؟
فهد سكت يفكر...
منصور وقف وصد صوب فهد:يلا امش شو تنتظر؟
فهد تبسم فوجه منصور:مشينا..
وركض صوب ربيعه..
منصور وهم يمشو جنب بعض:طوف خبر يدتك انك بتم عندنا قبل
فهد بشرود:أكيـــد
منصور:هههههه بلاك؟
فهد وقف وهو يشهق:منصور..
منصور فز ووقف معاه:هاه
فهد:كيف بنذاكر للامتحان ونحن امتحناه اليوم؟
منصور:هههههههههه هذاك كان تجريبي بس الحقيقي باجر
فهد عبس:ياخي هذولا كله مسويلنا رعب وكارفينا كرف.. قال تجريبي قال
منصور وهم يكملو طريقهم:ههههههههههه وانت مامقصر فيهم
فهد:هههههههه ابرد فوادي ياخي
منصور:هههههههههه رح نثبت لهم انا متفوقين مابس مشاغبين
فهد مب مستوعب:اش جاب لجاب؟!!
منصور:ايه صح انت مشاغب وكل يوم انذار وفصل بس رح تنجح وتذهلم كلهم
فهد وهو يأشر ع نفسه بدهشه:من انا؟!!
منصور بحماس:ايه انت
فهد تحمس:ايه و رح اصير دكتور
منصور طالع فهد بدهشه:دكتور مرة وحده!!
فهد بحماس اكبر:ايه رح اصير دكتور ومايقولو العظمان تتسمع.. خلاص من اليوم نادني الدكتور فهد و عظماني مع عقلي رح يسمعو ويجتهدو واصير دكتور ويصيرن عظمان و عقل الدكتور فهد إللي هو أنا
منصور نقع ضحك ع خبال ربيعه:ههههههههههههههههههه� �هههههههه انت اش تلخبط وبالفصحى بعد؟!!
فهد وهو يصارخ بحماس:انا الدكتوووور فهد
منصور قام يصارخ معه:و أنا منــ..
فهد قاطعه:منصووور الدااافوووور
منصور:هههههههههههه يالدكتوووور
فهد:هههههههههه اهلا تفظل.. عندك مشكله؟.. شو يعورك؟
منصور وهي ميت ضحك ويده ع صدره:هههههههههههه قلبي
فهد لف يده ع رقبة منصور بمرح:هههههههههههههههه خلاص طلق حرمتك وبيرتاح قليبك ياخوي
منصور:ههههههههههههههههههه� �ههههههههههههههه
رجعه صوت السايق للواقع.. وصحاه من ذكرياته..
*********************************************
:شووووووووووووووووووووت شوووووت شوووت
سيف:بسررررررررررررررعه..
موزة وهي تحرس المرمى بتنهيده:اافففففففف وربي وقف قلبي
محمد بصراخ:سالم انتبه..
موزة مانتبهت إلا الكل يركض صوبها:بلاهم؟
سيف:ساااااالم
موزة بصراااخ:زيــــــــن اشوووفه لا تصرخ
زاهر:هههه بنشوف ياسويلم
وشات الكورة بس موزة قدرت تصدها..
محمد طاح الارض يلاهث بتعب:ااااااااااه تعبت
زاهر:اكيد بتتعب ياخي نحن معرف كيف جالسين نلعب فعز القايله تقول مخبل؟!!
سيف:هههههههههههههههههههه ونحن شو؟
عامر وهو حده طفحان خلاص:محمد نحن بنروح خلاص تعبنا
زاهرعصب:يوووه روح يالــ..
محمد قاطعه بسرعه:روحو بس لاتنسو بكره تجو
عامر:والله ماظن نقدر نصنا اهالينا منبهين علينا لانلعب خلاص الامتحانات قربت
محمد:اوه صح.. خلاص عيل فمان الله
موزة وهي واقفة تسمع بسكات فخاطرها.. يوووه الاولاد يفكرون بالامتحانات ماصدق هه
زاهر بعصبيه:هه اما انهم بيطلعو رجال ماقدرو يكملو ساعه لعب هه
محمد تبسم وصد صوب موزة إللي واقفة تتسمعهم:سالم
موزة فزت:سم..
سيف و زاهر صدو صوبها:سم الله عدوينك.. انت بعدك مارحت؟!
موزة:لا والله عاد فالطريق.. ليش انت اش شايف؟!
سيف:هههههههههههه
زاهر بجفاء:و اش تنتظر حضرتك؟
موزة بوزت:ماشبعت لعب..بلاهم راحو؟
سيف:هههههههههه تعبو الشمس حرقتهم
موزة بقرف:يــــوووه هذولا بنات ولا اولاد؟!.. ليش خيفانين ع بشرتهم مثلا؟!
الاولاد:ههههههههههههههههه� �هههههههههههه
محمد:لا بس اهلهم منبهين عليهم وبعدين الامتحانات قربت
موزة لوت بوزها:هه ارجوك لاتحاول تفهمني انهم الحين كلش متفوقين
سيف:هههههههههههههههه ياحليلك ياسلوووم وطلعت تعرف تبوز بعد
موزة بعصبيه:خير ليش اش قالولك عني؟!
سيف:ههههههههههههههههههههه� �ههههههههههههه
زاهر:يووووه اعصابك ياولد.. هدي ترا متعودين علي فلا اتعب اعصابك هذولا الاثنين بذات مايحسون
محمد:لا افا شهالكلام؟!!
موزة فخاطرها.. مافهمت شي.. اش يقصد؟؟
قاطع عليهم صوت اذان العصر..
محمد:الله اكبر.. يلا شباب مشينا صلاه
موزة بققت بعيونها وتلعثمت:هاه
زاهر:بلاك صلاه طوف قدامي بنروح نصلي جماعه فالمسجد
سيف:نحن دوم نروح ونجي سوا مسمينا فالحارة الثلاثي الرهيب
موزة ابتسمت بمصخره و فخاطرها.. ايه اعرفكم حد مايعرفكم انتو؟!!
محمد:شتحرصون يله عشان نلحق ع صلاه الجماعه
سيف:يلا مشينا
موزة تورطت:انا بروح البيت ببدل بسرعه ولاحقنكم
محمد:نحن بيتونا ع طريقنا بس انت وين بيتك؟
موزة ضربها ع الوتر الحساس:اااااا... انا بيتي بعده مابنيته هههه
سيف:ههههههههه يقصد بيت ابوك
زاهر:تتمصخر وويهك..البيت اللي عايش فيه وينه فيه؟
موزة تأشر وراها عكس اتجاه المسجد:هنااااك اخر شي بالداخل بالنص باليمين ع يساركم
الاولاد سكتو يحولو يستوعبو؟؟؟؟؟!!!
زاهر:اخر داخل بالنص؟؟!!
سيف:باليمين ع يسارنا؟؟!!
محمد:ههههههه شو هذا لغز؟!
موزة ترقع:هههه لا بس ماعرف اوصف ههه شاسوي بيتنا معوق هههه يلا بروح عشان نلحق ع الصلاه
و شردت بسرعه...
سيف:ههههههههههه بلاه؟
زاهر:شكله متأذي من ابوه
محمد:إلا شكله ابوه شديد ومنبه عليه لا يتأخر ع الصلاه
سيف:إلا تعالوا من ابوه؟
زاهر:صح وانا ابد ماشفته يصلي معنا
محمد:هذا الولد شكله جديد فالحارة بعدين في مسجد اقربلهم الصوب الثاني
سيف:ياحليله هالولد والله شكله طيب وولد حلال
محمد:هاه لايكون تبوه يصير منا و نصير الرباعي الرهيب؟
زاهر:هذي عاد يبالها جلسة مطوله
سيف:انا موافق
زاهر:مو قبل لانختبره مامنيه والطريق ندخله وسطنا
محمد:عادله اسبوعين يلعب معنا انت بلاك عليه؟
زاهر:انا اقول لانستعجل
سيف:ههههههههههه إللي يسمعكم يقول الحين كلش بندخله مجلس الوزراء
زاهر:هههههههه إلا احسن عنه
محمد:امشو امشو لا نتأخر ع الصلاه
**************************************
يتبع...