عرض مشاركة واحدة
قديم 12-10-13, 07:22 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


وهذي التكمله

****************
عليا اللي كانت تنتظر مواز فالحديقة الخلفية للبيت بمحاتاة:استغفر الله وينها هاي اففف بالله وردت مثل العاده عقب صلاة المغرب اش بسوي؟!
إلا بموزة تدخل عليها من الباب الخلفي بدفاشه وهي تلاهث..
عليا و مواز من شافو بعض انتقزو وشهقو بنفس الوقت..
مواز ويدها ع قلبها وهي تلاهث:بلاج واقفة هنيه خوفتيني؟!
عليا بعصبيه:الله جابج يالخبله.. يدي
مواز بسرعه جلست تفصخ الجوتي:بلاه شيبتنا؟
عليا وهي تسحبها وراها للداخل:بسرعه ادخلي بدلي لاننفضح
مواز ببرود:ليش اش صاير؟
عليا وقفت وبلهاث:يسأل عنا شكله يبا يقولنا شي بس حضرتج برا البيت
مواز فزت:و انتي اش قلتيلهم كيف صرفتيها؟
عليا بلعت ريجها:انا سمعتهم مخليه عمري راقده ودانه داخله تتسبح ومنى فالمطبخ تطبخ.. و على اساس انتي بعد منخمده
مواز بخوف:انزين محد شك؟
عليا:دانه.. بس قلتلها انج راقده فبيت الشجره ومهرة بعد رقعت معي
مواز تنفست الصعداء:ايه ايه زين وصدقت؟
عليا:صدقت بس انتي ادخلي بدلي بسرعه لاننفضح عاد من يفكنا من لسان منى و يدي؟
مواز:يدي مقدور عليه بس النشبه منازورا من يفكنا منها؟
مهرة جاتهم تلاهث:الحمدلله انج جيتي يلا ادخلي ادخلي..
ودخلن بحذر و بسرعه للغرفه..
دانه وهي توها طالعه وماخذه دش:و اخيرا شرفتي؟
مواز بعصبيه:ليش اش بغيتي مني؟
دانه ببرود:اسميج غبيه حد يشرد من البيت فعز القاليه؟
عليا و مهرة صدو صوب بعض امبققين عيونهم...
مواز شهقت:من انا؟!
دانه تكتفت:لا تحاولي تمثلين علي ترا اعرف كل شي ماني بغبيه ولاني بهيته
مواز تخصرت بعصبيه:بسم الله عليج يام اربع عيون
دانه وهي ترفع نظاراتها لعيونها بغرور:و أفتخر يام عقل فاضي
مواز عصبت بس مهرة و عليا وقفن بينهن لايتضاربن
مهرة:هيه هيه هدن
مواز بصراخ:حمدي ربج لو ما البنات كان انذبحتي
دانه وهي تنشف شعرها بعدم مبالاه:هه خوفتيني
مواز خلاص ارتفع ضغطها:انا اعلمج
عليا بسرعه:موااااز استهدي بالله وادخلي بدلي لاننفضح
دانه وهي تتخصر:هي بس إللي بتنفضح نحن وش علينا؟!
مواز تبسمت بخبث:هه لاه احسلج تأمني ع عمرج ان انفضحت بفضحكم كلكم
دانه بعصبيه:عشتوو..وتهدد بعد.. اقووول مشي بوووزج
مواز بثقة:ههههههههه لاه انا امش بوزي يااا راعية الشات
مهرة شهقت:شاااات؟!!
عليا صدت صوب دانه:قلتلج لاتتسببيلها.. هاج اتحملي إللي يجيج
وشهقت بس انتبهت:شاااااااااااات!!!!
دانه انقلب وجها ألوان:شات شو بعد؟!
مواز بثقة:مدريبج تذكري..ع العموم انا ناسية بس اذا حبيتي عادي اتذكر
دانه بوزت:ادخلي بدلي وااايد ابركلج
مواز بنصر:ههههههههاي وأنا اقول جذيه بعد
ودخلت الحمام وهي تتمخطر ودانه حدها مغتاضه..
عليا وهي تصد صوب دانه إللي واضح عليها التوتر:شات شو بعد يالعاقله؟
دانة تبرر:لا تسيئي الظن.. ماشات اسمه صندوق المحادثه فمنتدى الكليه
عليا بعصبيه مب قادرة تفكر:لا هو.. مشي فرق
دانه:خلاص عليا فكيها ولي يسلمج عقب بفهمج
عليا تنهدت:بنشوف اش عندج هه
مهرة إللي سمعت صوت منى إللي تناديهن:خلاص مب وقته
عليا صدت صوب مهرة بدهشة:وأنتي بعد تعرفي وساكته؟!
مهرة بلعت ريجها:هاه..لالا و انا اش بدريني؟!!
دانه وهي تنشف شعرها بتوتر:مادري كيف عرفت هالخبيثة
عليا تبسمت:تقولي الموساد
دانه تبسمت بمصخرة:هه..إلا ماتعرفتن يدي شو يبا منا؟
عليا من تذكرت يدها تنهدت:لا
دانه بحيرة:إلا هالمرجوجه شو ماسكه عليكن انتن بعد؟
عليا:هاه هه لا تحاتي بتعرفي
مهرة:بنقولج عقب
:لاه
البنات صدن وراهم:بلاج خوفتينا؟
مواز وشعرها يقطر:عقب اجتماع الجد بنعقد اجتماع مغلق فيه بنتفاهم اكثر ع كل شي ياعزيزاتي
البنات سكتن بعبوس..
مواز:هههههههههههه لاتعصبن ترا بس اريد مصلحتكن طبعا عقب مصلحتي هههههههههههههههه يلا مشينا قبل لايعصب الجد
مهرة:نشفي شعرج بالاول
عليا:ولبسي شي عدل بدل هاللبس
مواز وهي تتأمل نفسها:اممممممممممم زين
دانة تنهدت:الله يهديج
مواز:جميعا حبيبتي
مهرة:إلا انتي مصليه؟
مواز:هههههههههه ايه رحت المسجد صليت جماعه مع الشباب
مهرة شهقت:شوووووووو؟!!
مواز:هع لاطبعا ماصليت شردت عنهم
مهرة بتنهيده:حسبالي بعد
عليا:يلا بسرعه عيل صلي ولا بعدج مامتوضيه؟
مواز:يوووووه اكيد توضيت..هاتي السجادة
دانه وهي تهز راسها بتنهيده:الله يهديج يالمرجوجه
مواز قامت تهز كتوفها:ياعاشقين اسمعوو.. مواز عندها عذر
البنات:بااااايخه
مواز وهي تطبل فباب الكبت:جيت وش جابك حبيبي من بعد طول المغيبي
مهره:مووزووة اعقلي
موزه وهي تغايض دانه:قول اني ما اهمك يابرودك و..
منى طبت عليهم بعصبيه:انتو ماتسمعووون.. ساعه اناديكم؟؟
البنات:الا تونا كنا جايين بس مواز
منى صدت صوب مواز اللي طلعت قدامها وهي تدندن:لالاه لالالاه
منى:استغفر الله انتي متى بتعقلي؟؟!!
*********************************************
:لاتحلم حتى
عمر اللي فر الاوراق من يديه:والله حالة الشيبه صعبه
خالد بنبره حقد:شوي وبنجننه مثل ماجننا وهدم مستقبلنا انت بس اصبر
أحمد اللي تنهد:انتو مجانين تراه ماهو بسهل لاتتورطو فشي انتو مب قده
عمر عبس بعصبيه:حن قده وقدود انت ماعليك منا ماتبي تساعد لاتكسد
خالد بقهر:ايه هو اش حارنه ماهو حصللها ولاحد تحكم بحياته
أحمد وقف بيروح عنهم:هذا اللي قاصر بعد يتحكمو فيني
عمر بنص عين وبخبث:ههه ضحكتني..اقول بس كب على حلاك
أحمد عبس:اش قصدك؟!
عمر بابتسامه جانبيه:مثل ماجدي حرمنا من احلامنا ودمر مستقبلنا انت بعد صحيح ماقدر عليك بالاول بس عرف كيف يجيب راسك فالاخر
خالد يكمل على عمر:يعني حن على الاقل بكره بس ننجح ونفتك من تسلط هالشيبه نقدر نتحرر ونسوي اللي نبيه بس انت خلاص انعدمت
عمر وهو يحط رج فوق رجل:يعني بإختصار حن مثل المساجين فتره وان شاء الله بنطلع بس انت مؤبد
خالد:الا اعدام..بس عاد اذا انت حقير ونذل واناني بـ..
أحمد صرخ بخنقه فيهم:بسسسس خلاص شفتوني ساكت يعني خلاص تستلموني
ذياب:عيل اش له متنحس وماتعاونا؟!
أحمد وهو يلاهث:يكفيني اللي جاني منكم ابعدو عني ماعدت طايقكم كلكم
وجا بيطلع بس خالد صرخ عليه:تقدر..تساعدنا على الاقل تنتقم لنفسك
أحمد اللي فتح الباب وهو مستعد يطلع من دون لايطالعهم:انا مو حقود وصغير عقل افكر بالانتقام...انا وكلت امري لربي..هو بيردلي حقي وضعفه..الانتقام لصغار العقول امثالكم
وطلع وهو يسك الباب وراه بكل قوته..
عمر بغصه:الانتقام يسود القلب ويعميه
خالد بجديه وحماس:حن مابننتقم..لانه مارح نسمحله يبهدلنا اكثر وعيشنا فقهر اكثر عشان نحقد عليه ونفكر ننتقم..لازم قبل لايدمرنا نوقفه
عمر اللي تنهد:هو بقى شي فينا مادمره؟!
خالد:على الاقل انت ماحط فذمتك مسؤوليه روح وعايش فقلق وتوتر واعصاب مشدوده دوم..وصرت متبلد وبارد نفس أحمد أحمد ربك
عمر زفر بقهر:أحمد وأبوي وعمومتي وعماتي واحد واحد حتى جدتي ماسلمت من شره
خالد بقهر:عشان كذيه حن لازم نوقفه عند حده
عمر اللي طالع حماس خالد وتبسم:هههههههه مو نحن باديين لاه
خالد تبسم باريحيه:ورح ننجح باذن الله
:ان شاء الله
خالد وعمر اللي صدو وراهم:شهاااب!!
شهاب اللي دخل وسك الباب وراه وبيده ظرف اصفر:تفضو ياساده
خالد وعمر يطالعو فبعض وفالظرف واخيرا فشهاب بتشتت ينتظروه يفسر لهم..
شهاب ضحك على اشكالهم:ههههههههههههههههه اش فيكم؟!..جبت لكم قنبله من العيار الثقيل
خالد و عمر صدو يطالعو فبعض مبققين عينهم..
شهاب ماقدر يتحمل وانبط ضحك عليهم:ههههههههههههههههههه� �هههه يالاغبيا فتحو الظرف جبت لكم كل اللي يثبت رشاوي و فساد السيد المحترم فهد ال...
عمر شهق:شوووو!!!
خالد اللي بقق بعيونه وعفط للظرف يلتهمه بوحشيه:كذاااااااااااااب
شهاب دخل المطبخ يشربله ماي نشف ريجه:ههههههههه تأكد وشوف بنفسك
خالد وعمر اللي يطالعو فالاوراق ومندمجين...
شهاب رجع وحط رجل فوق رجل:هاه اش رايكم يابشوات؟؟
عمر وهو فاك حلقه:اه يالعفريت كيف سويتها؟؟!!
خالد بدهشه لاتوصف وفظول كبير:من وين جبتهم؟!
شهاب بغرور:من مصادري الخاصه..مو قلتلكم اعتمدو علي
خالد بوناسه:الله واخيرا واخيرا احسني بموت من الفرحه
شهاب:ههههههههههه طالع هالغبي ماكنه بيسجن جده
عمر وخالد اللي وضحت عليهم ملامح الصدمه وقفو يطالعو فشهاب بجمود..
شهاب:اش فيكم لايكون على بالكم هالاوراق رح توديه هاواي رحله استجماميه مثلا؟!..السجن ياحبيب السجن
خالد بلع ريجه:بس..
شهاب بجديه:واحد نصاب وريحه الفساد فايحه منه اش تنتظر تكون نهايته؟
عمر بعصبيه:ايه بس حن مانبي نسجنه..تراه مهما يكون هو جدنا
شهاب حط كوب الماي ع الطاوله اللي جنبه:والله انا مااجربتكم على شي..بس ابفهم اش تنتظرو نهايته؟!..يعني شاللي بتوصلوله؟؟؟؟!!
خالد:بس نبا نفهمه انـ..
شهاب قاطعه بضحكه قويه ساخره:ههههههههههههههههههه� �هههه مشي اسمه نفهمه انسى ياحبيبي انسى هذا جدك وانت ادرابه..الحين مدمر كل العيله وتقول نفهمه؟؟!!..مافهم اول بيفهم وقت مابدا يخرف؟؟؟!!
عمر بندم:بس هو جدنا مانقدر نأذيه
شهاب وقف بملامح شرسه:تذكرو قبل لانبدا قلتلكم تنسو انه جدكم... هالانسان قبل لايحترم كونه جد ويتحمل مسؤولياته دمر اهلكم قبلكم والحين يدمركم انتو..اذا تبو تستمرو وتتحروو من سلطانه لازم تنسو عواطفكم لانه انسان مريــــــض
وسحب الاوراق منهم بدفاشه..وكمل بعصبيه اكبر
:مثل ماذبح ابوك وامك انت وياه ويتمكم وحرمكم منهم انتظروه يسوي فيكم نفس الشي بس وقتها لاتجوني تطلبو مساعدتي
وجا بيطلع..
عمر:شهاب
شهاب وقف:نعم
عمر بغصه:هو دمرنا بما فيه الكفايه صح حرمنا انا نختار اللي نباه وتحكم فدراستنا ووظيفتنا ورواتبنا ومستقبلنا...بس ماله دخل فأهلنا
شهاب طالعه بنظره وبابتسامه جانبيه ساخره:انت ماعندك خبر انه مو بس حرم خالك وامك من السعاده..لاء هذا دمرهم من وقت ماعصوه ورفضو الحياه اللي رسمها لهم
و تركهم وراح..
خالد طالع فعمر المصدوم:عمر
عمر بتفكير:اش يقصد؟
خالد:صدقه يعني حن اش ننتظر نهايه جدي غير السجن؟
عمر....
خالد:لازم نفكر اكثر باللي نسويه هالحرب نهايتها ياحن نتدمر اكثر من دمارنا ياجدي يدمر
عمر....
خالد يكمل باندماج:يعني يايستخف يايدخل السجن وفالحالتين رح نأذيه
عمر بدون ملامح:يعني انت اش كنت تنتظر يتعدل ويتغير؟
خالد تنهد بأسف وخيبه:مدري
عمر زفر بقو:انا بلحق شهاب لازم اعرف اللي يعرفه
وجا بيلحقه..
خالد:لحظه
عمر صد لخالد:نعم؟
خالد وهو يدخل بوكه وتلفونه فجيبه:مشينا
عمر:اوووه تذكرت السويك
ورجع خذه من الطاوله
خالد:ههههههههه زين ذكرتك
عمر:والله مابقى فيني عقل
وطلعو مع بعض..
************************************
بهمس:الحين ساعد جالسين مقابلين بعض ليش؟!..جلسه تأمل مثلا
ردت عليها بمصخره:لا جلسه يوجا
مواز اللي جلست نفس جلسه اليجا وغمضت عيونها....
منى عبست:وه يابنت شاتسوين؟؟
عليا اللي قرصت مواز:هيه انتي شتسوين؟؟؟!!
مواز:اااي...مشي امارس اليوجا لاه
منى:اش عندكم تتهامسو؟؟
دانه بجديه:جدي اش هناك اش مستوي ساعه ننتظر ولا انت ناطق؟؟
منى فرتها بعلبه الكيلينكس:تأدبي يابنت يوم انج تكلمي جدج تكلمي باحترام
مهره اللي شارده ولاهي معهم..
مواز همست لعليا:طالعي السرحانين هناك
عليا تبسمت:شكلها المسرحيه جابت مفعولها ووصلتلها الرساله
مواز كشرت:ياليت وتحس هالغبيه
منى:انتو هيه بسكم تهامس ترا هذي تسمى قلت ادب
الجد:احم احم
الكل سكت...
مواز تكلم عمرها بصوت واطي:يالله ننتظر المرسوم السلطاني
عليا بلعت ضحكتها وهي تطالع منى اللي تتوعدهم...
الجد بجديه:والله يابنات بسافر علاج وبخذ عمتكم معي عشان تداريني بلاها انا مقدر اسوي شي
البنات خرستهم الصدمه........!!!!
منى كملت:ورح نبقى تقريبا بس اسبوع او اقل كلها فحوصات وراجعين
البنات..............
الجد:بس لو مادراسه كان خذتكم معي
دانه:تروح وترد بسلامه جدي
عليا راحتله وحطت راسها فحضنه:ماتشوف شر يالغالي
مواز راحت باست راسه:جعل عيني ماتبكيك....فديتك جدي حبيبي
دانه قامت معهم باست راس يدها ويده:الله يبقيك ويطول فعمرك لنا يالغالي
الجد تبسم وبعينه دمعه متحجره لهم:الله لايحرمني منكم ويسعدكم يابناتي
منى اللي تمسح دموعها...شافت مهره سرحانه:مهره
مهره تنهبهت:هاه!!
منى:ماودج تودعي جدج؟
مهره بتشتت:ليش متى بتسافرو؟
منى:بكره فجر ان شاء الله
مهره قامت لجدها ومواز ودانه راحو لمنى..
مواز:تروحي وتعجبج المانيا وتبقي فيها قولي امين
منى فرتها بالوساده اللي جنبها:برجع اجلس على قلبج يالمهبوله
مواز:ههههههههههههههه عسل على قلبي ياحلى عمي بنشتاقلج
ولمتها بدفاشه
منى بزور بعدتها عنها:بعدني عني خنقتيني وه
مواز:وهذا المطلوب وه
منى:انقلعي لا..
مواز ركضت برا المجلس بضحكه...
دانه باست راس منى:تروحي وترجعي باسلامه عمتي
فهد اللي يتأمل البنات ويده تمسح على راس عليا اللي بحضنه...
منى:وه عليوه بسج قومي عن جدج كربتيه
دانه:ههههههههههه اتلقاها نامت
الجد:خليها يامنى انا مرتاح
منى:بس يايبه..
الجد رفع يده يسكتها...
منى:عيل ابقوم ازهبب باقي الشنط
مهره:وانا بساعدج
وقامت معها... ولحقتهم دانه..
الجد بحنان:ماني مطول بروح وبرجع بسرعه
عليا رفعت راسها له:بشتاقلك
فهد لثم وجها اللي احمر من البكا:افا وليش الدموع ياروح فهد؟!
عليا تبسمت:الله لايحرمني منك
فهد وهو يسمح دموعها:يالله عاد مابا صياح اباج قويه دوووم
عليا رجعت حطت راسها ع صدره:دامك معي انا بخير
فهد لمها:لزوم ياروح فهد تقوي قلبج اكثر بوجودي وعدمه
عليا غمضت عيونها:ان شاء الله
:يووووووووووه ماخلصتو من افلامكم انتو؟؟؟
عليا وهي تبعد عن جدها:وجع اش هالالفاظ؟!
الجد تبسم لهم:ههههه هذا من الغيره
مواز تخصرت:غيره الطل
وعفطت صوب جدها لمته:انا بعد اقدر المك يالجد
وبعدت
:شفت كيف ماني غيرانه
فهد وعليا:ههههههههههههههههههه� �ههه
مواز انحرجت:اش فيكم؟
عليا:شوفو كيف ويهج محمر اول مره تسويها لاه
مواز عصبت:لاه
فهد:هههههههههههه
مواز عصبت:لاتضحكون علي هه
وطلعت منحرجه
عليا:ههههههههههههه انا بلحقها يلله جدي تصبح على خير
وباست راسه
فهد باس راسها:وانتي بخير ياروح فهد
عليا طلعت تلحق مواز باريحيه....من تسمعه يناديها روح فهد ترتاح اكثر واكثر...تعرف اش قد هي مميزه وحب جدها لها كبير من بين كل البنات..عشان كيه ماتترك فرصه الا وتنهل من حنانه وحبه...تعوض الحرمان والالم اللي عاشته...
*************************************
:من السبب؟
................................


يتبع...




لامارا غير متواجد حالياً   رد مع اقتباس