[لامارا]

**********************************
:الا ابو البياخه والسخافه وع وع وع
مهره رفعت عينها لدانه اللي سكت اللاب بدفاشه:بلاج؟!...شوس شوي عليه لاتكسريه؟!
دانه تتكتف بقرف:جالسه اقرا روايه قمه البياخه اش هالكاتبه السخيفه...اتلقاها مراهقه
مهره وهي ترد تتابع حلقتها:كل الروايات نفس ستايل...مليت منهم
دانه:ايه لزوم البطل كشخه الغني والبنت الملاك الحوريه الفتنه وينغصبو على بعض وعقب الاهانات والضرب تحبه وتغفرله...
وفزت على حيلها بغضب:والله لو يمد يده علي اخلعه...ماهو برجال اللي يمد يده على حرمه
مهره تنهدت:اعصابج....بعدين احيدج ماتنزلي مستواج للروايات ماتعجبج تحبي الكتب والروايات الراقيه على قولتج؟
دانه تخصرت:قلت اشوف لاي درجه وصلتو....بس انفجعت بالـ...
مهره قاطعتها:مو كلهن لا تعممي
دانه جلست:نادر...نادر تحصلي روايه صاره وتحمل رساله
عليا دخلت عليهم بلهاث:الحقووووو موووزوووه جابت العيد
البنات فزو:ايش سوت؟!
مهره بقلق:صح هي عادلها فتره مختفيه!!...وينها فيه؟
دانه تحاول تستشف شي من عليا شي يطمنهم:رجعت تلعب كورة؟
عليا شوي وتصيح:ياريييت
دانه وقف قلبها:عيل؟!!....تكلمي نشفتي دمنا
عليا بلعت ريجها وبلهاث:رسلت لي مسج...قبل شوي...تقول راحت البر مع الشله
دانه شهقت بفجعه:شوووووووووووووووووو� �وووووووو؟؟؟؟!!
مهره بققت عيونها على الاخر:اش وداها عندهم؟!...استخفت هالبنت؟!
دانه وهي ماسكه راسها بفجعه:الله واكبر عليها من بنت!!
عليا تناقز بمحاتاه:مدري تقول غصبن عنها...المشكله مب كيه المشكله جدي اكيد بيرسللنا حد يطمن علينا فاي وقت
دانه مقطبه حواجبها:مب مشكله بنغطي عليها الحمدلله انه جدي ومنى مسافرين كان رحنا وطي
مهره:هيه انتو نسيتو صقر
دانه فزت:بلاه؟!!
عليا:اش جاب طاريه؟؟؟!!...مسافر ولانعرف شي عنه؟!
مهره تخصرت:اكيد منى بتخبره عشان يتم عندنا ويستغل سفر جدي
عليا ودانه شهقو:صح والله
مهره عبست:ياخوووفي يجي ومواز ماردت بعدها...ساعتها اش بنغطي لنغطي؟!!
دانه وهي تحاول تركز:لالا بنلقى حل
مهره جلست:الله يستر بس
عليا وهي تحس بصداع:مشي غير ندعي توصل قبله لاتجيب العيد
دانه بقهر:كم مرة اناصحها ماتفهم ولاتنتصح
عليا بعصبيه:هالمره بنأدبها....احسن تفضحنا ولا تضيع
دانه تنهدت:يصير خير خليها هي ترد بالاول
مهره:الله يسهل هالليله وتعدي على خير
البنات:آميـــــــــــن
***********************************
جلس ورا مكتبه يقتل ملله وكرهه للمكان:ههههههههههههههههه الله يغربل بليسك قتلتني ضحك
عمر دخل بتكشيره:خويلد انت داق سوالف وانا حالتي حاله؟
خالد اللي يتكلم ع الفون:طيب يالله باي اكلمك بعدين
وسكه..
:سلامات انت بعدك مارجعت البيت؟!
عمر فر الاوراق اللي بيده قدام خالد:هاك دقق فهالكشوفات
خالد مسك الاوراق وعيونه على عمر المنهد حيله:مافهمت!!
عمر وهو يفر جسمه ع الكنبه بتعب:اخخخخ مشي بس جا عبالي انه جدي اكيد فاتح حساب لخالتي منى واكيد يحول لها...فقلت بشوف الكشوفات...والحين بعد ماجبتها بالدس والحوف دورك تدقق فيهم
خالد وهو ينزل عيونه للكشوفات:والله عليك تفكير
عمر وهو يطالع فالسقف بشرود:جلست افكر لو اني مكان جدنا وش بسوي
خالد:ههههههههههههه والله فله
عمر بنص عين عبس:وش الفله؟!
خالد فر الاوراق وبحماس:تخيل كيه اصير مليونير وهامووور واتسلط على عيالي واحفادي وكلمتي هي اللي تمشي والله لا ابدع فيكم
عمر صد عنه بنرفزة:وقت طنازتك هاه
خالد وهو يحط يده على خده:هههههههههههههههههههه تصدق توني بس اكتشف اني ورثت من جدي حب التسلط
عمر قام عنه بضيقه:اقول اشتغل بسكات ولا تضيع الوقت فاحلام اليقضه ترا بس ان شم جدي ريحتنا رحنا فيها
خالد بمصخره:تسبح وتعطر ومارح يشم اي ريحه خايسه
عمر عصب وطلع عنه...
خالد صرخ له:عمووور لاتنسى تحلمني
عمر رجع له بغيض:خلووود والله ان ماصطلبت لا اذبحك
خالد ببراءه:انت ليش تنازعني انا مسكين ماسويت شي؟!
عمر عفط صوبه بعصبيه:انا اوريك يالمسكين
خالد قام فز على حيله:ههههههههههههههه لالا كله ولا الدكتور عمر يعصب والله لاتشرحني ببرود دم
عمر ببابتسامه بلهاء وهو حده معبان ومنزعج:ههههههههههه اضحك مثلا؟!
خالد بسخافه:جرب لاه....بعدين ماقلت شي غلط مانت دارس تشريح؟!
عمر:غبي مايعني دارس تشريح بشرحك
خالد بنص عين:ذكرتك بالحلم هاه؟!
عمر تنهد:اه بس لو جدي ماموقف فوجه دراستي كان انا الحين دكتور
خالد بابتسامه خبث:متأكد الدراسه ولا الدكتوره أمل؟
عمر تبسم:اه بعدك تذكر
خالد:شاسوي هلكتني وانت تغلط تناديني باسمها
عمر فز بفجعه:قووول والله
خالد نقع ضحك على شكل عمر:ههههههههههههههههههههه
عمر عصب:نذل
*************************************
:الا ابو النذاله مو بس نذل
أحمد فاطس ضحك:ههههههههههههههههههههه� �هه
ذياب وقف معصب:اوقف اوقف
سلطان ببراءه:ليش؟!
ذياب بعصبيه:عشان الاوراق اللي داسنهم يطلعو
سلطان بقق عيونه:اي اوراق؟!... بسم الله علينا من ظلمك
ذياب بنفس العصبيه:اوووقف عشان نشوف من الظالم لاه
سلطان وقف بكل براءه:هاه شوف
الا باوراق بالهبل يتناثرو ع الارض حوله:اووووه
أحمد:ههههههههههههههههه وليه انت حتى اوراق السحب داسنهم؟!!
ذياب صرخ بانتصار:هــــــــاااه شفتووووو غشااااش واحد
سلطان وهو يأشر على عمره ببراءه:انا غشاش حرام عليك
ذياب منقهر من استعباط سلطان:عيل هالاوراق جوك من وين؟!...سوو ريول وجو لعندك؟!
أحمد يتقلب من الضحك عليهم:هههههههههههههههه اخ يابطني ههههههههههههههههههه
سلطان يستعبط:اش ذنبي اذا انا حليو وجاذبيتي تذبح...حتى اوراق اللعب سوت ريول وجاتني ركض
ذياب فار دمه:بااااايخ وسخيييف وثقيل دم
سلطان رجع جلس بكل بساطه وبهدوء يذبح ذياب:من انا؟!
ذياب عصب اكثر على مصخره سلطان وضحك احمد اللي خربوه عليهم موده تماما:انا مابلعب معكم حرمت العب معكم....
وشاف على احمد...
:وانت هيـــه بسك ضحك
سلطان وهو يلم الاوراق:وانت اش حارنك خليه يضحك الضحك مابفلوس
ذياب طفش منهم:لعبو بروحكم وقابلو بعض ياثقيلين الدم انا بروح ابركلي هه
سلطان:ايه روح قابل تلفوووناتك
ذياب صد بيروح عنهم:مشي شبكه للاسف
أحمد اللي وقف ضحك:عيل روح دور شبكه
ذياب راح عنهم:ايه عشان اعيل(اغيب) فهالبر نص الليل
سلطان بابتسامه خبث:توها الساعه سبع يالجبان اي نص ليل؟
ذياب اللي دخل عنهم الخيمه وعطاهم طاف...
أحمد وهو يطلع فونه:مشي شبكه
سلطان وهو يرتب الاوراق والعفسه اللي سووها:تو الناس
أحمد زفر:يالله عيل تأخرت من الصبح وانا بدون شبكه
سلطان عبس:حن من العصر هنيه والشبكه قطعت لامن وصلنا
أحمد وهو يوقف ويدخل فونه فجيبه:لا انا كنت مبند الشبكه اريح الجهاز...يله بروح عاذرتك
سلطان:ياريال اقعد تو الناس ماسهرنا لاتخليني بروحي مع هالياهل ذياب يا اذبحه يايذبحني
أحمد تبسم:هههه لا تأخرت على البيت وايد
سلطان تذكر وضع احمد:ايه نسيت يله عيل فمان الله
وفخاطره...يالله زين انه المسكينه بنت عمي طاحت لريالـ(ن) زين ولا لو غيره كان ماعبرها وتم عندنا ان شاء الله اسبوع
أحمد وهو يطل على ذياب فالخيمه:انا رايح لا تتذابحو فاهم
ذياب اللي يعابل فونه:على وين؟!
سلطان طل من ورا أحمد:زعل منك
ذياب كشر:انت اسكت محد سألك
أحمد:هههههههه هاه توني مارحت لاتبدو
ذياب بترجي:اقعد روح بس يرد فيصل ولا والله بنتحر
سلطان شهق:افاااااااااا
أحمد:هههههههههه والله اول مره اشوف اثنين مثلكم 24 ساعه على هالحاله
ذياب كشر اكثر:ماعليه شرهه هالعاقل الكبير هه
سلطان عبس:اقول انطم اصلا انا عازم اخوك اللي خانا ولا جا رسلك وفصيل بداله
ذياب وقف بعصبيه:الا انا الغبي اللي طاوعته وجـ...
وشهق:شوووو مابيجي؟!!...هو قالي اسبقوني وبلحقكم
:وكاني جيت
أحمد صد وراه بفجع:بسم الله الرحمن الرحيم
سلطان فز:شهاب!!
شهاب ببرود:لا الجني
سلطان:قل اعوذ برب الفلق
ذياب عفط صول اخوه:واخيرا اخوي وصل
سلطان يقلده بمصخره:وااي واخيرا جات النجده
أحمد وشهاب:ههههههههههههههههههه� �ههههههه
ذياب كشر:انت لاتكلمني غشاش وثقيل دم
سلطان ببراءه:من انا؟!!
ذياب عصب اكثر:سلطان تراك تلوعبي من تسوي هالحركات مالايقه عليك
سلطان يغيضه ببراءه وهو يكشر كنه ياهل:ليش حرام عليك
احمد وهو يطلع عنهم:هههههههههههههههههههه� �هه بروح عنكم انا يله عاذرتكم
شهاب:هههههههههههههههههههه� � تعال على وين؟
أحمد وسلطان مستلم ذياب يرفعله ضغطه:لا والله تأخرت على الاهل
شهاب:اجلس شوي انا جيت وانت تروح
أحمد يتعذر:والله ماقدر اسمحلي
ذياب بصراااخ:شهاااااب ياتكلم هالسخيف يبعد عني يا اهج مع احمد
شهاب:ههههههههههههههههههه ياله درب السلامه بشوف هالمخبل
أحمد:هههههههههههههههههههه يله
وراح ركب سيارته...
وهو يتنهد بقهر وهو يشغل سيارته:اه ياجدي دمرت حياتي لو ماكنت الحين مامتزوج..كنت بتم عند ربعي....اخ بس اخ
:تم عندنا شوي لحد مايرد فيصل ونشبع منك عقب توكل
أحمد:والله ماقدر ذياب
ذياب برجا:الله يخليك ماواحينا نتجمع
سلطان اللي لحق ذياب:هيه انت وين شارد هاه؟
ذياب كشر بقرف:اخخخخ لاتقرب
وراح ركض عنهم...
أحمد:هههههههههههههههههههه� � ول مسببله رعب
سلطان:ماعليك منه ههههههههه...هاه رايح؟
أحمد زفر بضيق:ايه
سلطان تبسمله يخفف عنه:ماتقدر تطول شوي بعد؟
أحمد زفر بضيق:ماريد اصير ظالم مثل جدي يسد اللي اسوي فيها بقصد وبدون قصد
سلطان عوره قلبه:بكره تفرج وانا اخوك اصبر
أحمد بقهر:ونعم بالله ... بس والله ياسلطان هالسالفه صعبه ومعقده ماقدر اتصرف ولا افكر باي حل...السالفه فيها حياه انسان
سلطان سكت يطالع فربيعه وهو من تورط فهالزيجه وحالته حاله...
و تبسمله:ماعليه بنت عمي تراه بعد هي طيبه ان شاء الله تتفاهمو وتتأقلمو مع بعض
أحمد طالع سلطان بأمل:صدج؟!
سلطان وهو يرفع حاجب:ايه صدج...اش فيك حرمتك وماتعرف انها طيبه؟
أحمد صد بضيق:لا اش دراني
سلطان يشجعه:والله يا احمد هالبنت من بد كل بناتنا احسن واطيب وحده...تقرب منها ترا مشي حيله لمتى بتظلو على هالوضع تعذبو بعض؟!...وقفو مع بعض فوجه هالزمن لا يوقف الثاني والزمن ضد الاول
أحمد:هههههههههه عاشت الفلسفه
سلطان عبس:عاد انت افهمها
أحمد:ههههههههههههههههههه هامتنك بنت عمك انت بس
سلطان باطمأنان:ايه اكيد بس مطمن عليها معك
أحمد تبسم بخيبه:عسى خير...يله فمان الله
سلطان بعد عن السياره:فمان الله
أحمد حرك سيارته مبتعد عنهم...وهو شارد بعقله لورا...للماضي....يوم دخل جده عليهم فمجلس وقدام كل الرجاجيل اعلن صلح قبيلتهم وقبيله ال...(قبيله ربيعه سلطان اللي عمره ماهمه نزاعات القبيلتين والثار اللي بينهم لانه يعتبره تخلف وتعصب قبلي همجي وهو انسان متعلم وعارف ربه ويرفض يرجع لعصر الجاهليه)....اللي بين القبيلتين من ثار وغيرها والكل انبسط على هالخبر والصلح اخيرا...بس جا على حسابه...وحساب حياته... وحياه انسانه بريئه مالها ذنب حالها من حاله....الحظ ماكان متعلق او يحب انسانه غير...ولا كان مات من قهره....
تنهد بقو وهو يشوف الشارع العام قدامه...
*************************************