[لامارا]

*************************************
وعند فيصل والشباب....
سيف اللي جالس وسط مواز وزاهر اللي يتهامسو...
زاهر:فيك الغتره الغبي شال تلفون الريال؟!....ألحين زين يوم انه سبك؟!
مواز منتفخه حدها و مغتاضه:انت تشب محد طلب رايك
زاهر يستفزها:بعد هذا اللي قاصر احرصك تطلب رايي
مواز بغيض:اصلا يوم سعدك يوم اني بطلب رايك تحمد ربك يومها وتشكره الا تسجد سجده شكر انا سالم طلبت رايك
زاهر عصب وبقرف:اقول لايكثر بس كل تبن
مواز صدت صوبه بغضب:نعم؟!!
سيف اللي تصدع منهم:خلاص اسكتو فضحتوناااااا
زاهر:انا مافضحت احد هالدلوع هو السبب لو ماهو كان تمينا فالبر ولا ازعجنا حد
مواز كشرت:زين اشيمه لاتخبر حد
محمد اللي جالس قدام جنب فيصل...تنهد بفشله من ربعه وفيصل اللي يسوق ومستمتع حده بمناقرتهم وهم يحاولو مايرفعو صوتهم لايسمعهم:فيصل ماعليك امر مر الشيشه ماكلينا شي من الغدا
فيصل تذكر انهم من وصلو البر محد عبرهم:ايه صح نسيت
ولف للشيشه:هاه اش تبو؟
محمد جاب ينطق الا بزاهر يصرخ:نبا اكل جوعانين...
محمد قاطعه بسرعه:على كيفك
فيصل:ههههههههههه تمام
وراح عنهم
زاهر كشر:هيه شو على كيفه بنزل انا اشتري اللي اباه
محمد صد صوبهم بعصبيه:اقول انثبر وبسك فضايح
زاهر:وليش معصب عليي انا بس وهالدلوع ماتقوله شي ولا مرفوع عنه القلم؟
مواز تغيضه:لاتقارن نفسك بي يا استاذ ولا رح تطق بحرتك
زاهر شهق:نعم؟؟!!
سيف تنهد بضجر:اخخخخ بس سكتو صدعتوني
محمد بجديه وصرامه:واحد منكم يجي قدام بدالي انتو مابتسكتو الا اذا فرقتكم اما اتمو ورا اثنينتكم بننفضح بننفضح
ونزل...
مواز انفجعت:لا والله ماركب قدام عدال هالغثيث
زاهر تكتف:ولا انا..راكب اولكم يعني ماتزحزح
سيف:والله عاد محمد من يعصب مايتفاهم
وفتح محمد باب موزه:انزل سالم
موزه فزت:لا
وجت بتحتمي بسيف بس تذكرت اخر لحظه ودقها الحس....ياربي اش اسوي؟؟!!
محمد بجديه:سالم
موزه بلعت ريجها ياستسلام ونزلت...
محمد ركب مكانها وسك الباب بقوه تدل على غضبه منهم...
سيف:شوي شوي ع سياره الريال يزاته مودنا؟!
محمد بدون ملامح:مانتبهت
مواز اللي وقفت تتحرطم ولا ركبت:اوووف الحين بالله اش هالحاله كله مني غبيه ولا ماطلع عند اولاد اغبيا ودوني البر والحين يركبوني جنب غريب وغثيث بعد هه
وركبت بغيض..
زاهر اللي ملاحظ غثه مواز من فيصل:اقول سلوم
مواز صدت عنه:لا تكلمني ماعرفك انا
زاهر ماعبرها:اقووول دام مغتث من ثقيل الدم فيصل ايش رايك نغثه؟
محمد صرخ فيهم:زاهر
مواز صدت صوب زاهر اللي سكت وتبسمت....
الا بفيصل راكب وبيده كيس كل واحد اكبر عن الثاني....
سيف وفيصل يناوله كيس:هاك وزع
سيف تبسمله بامتنان:تسلم
فيصل:الله يسلمك...الا انتو صف كم؟
زاهر وهو يفتش الكيس اللي بحضن سيف:حن سنه اولى جامعه
فيصل وهو يناظر زاهر اللي راكب وراه من الجامه ورافع حاجبه:صدج؟!
سيف عبس وهو يشل شبس:لا حن اخر سنه ان شاء الله السنه اليايه نصير جامعيين
فيصل:اهاه ثانويه عامه يعني
سيف وهو معصب من تصرفات زاهر:ايه
فيصل صد صوب مواز وهو يناولها كيك وعصير:تفضل
مواز صد عنه برا:لا مشكور متلوع مالي نفس
فيصل كشر:سلامات
مواز بدون نفس:الله يسلمك
زاهر دخل عرض وهو يشرب عصير:ايه والله فيصل ريحه سيارتك تقرف
فيصل بقق بعيونه:شووو؟!!
سيف صد صوبه بتوبيخ:زاهر..
مواز تكمل على كلام زاهر:ومش مريحه تكسرت ظهورنا....هذا ان دل على شي فيدل على ذوق صاحبها السيء
زاهر يكمل عليها:جدا
فيصل تبسم بسكات...
سيف عصب:زاهر...سالم خـ...
مواز قاطعته:الا انت بكم شارنها؟
فيصل بابتسامه عريضه:ماسيارتي اللي شارنها صاحبها وهو سلطان
مواز وزاهر اللي طاح وجهم من الفشله...
سيف عبس:لا عادي كملو كملو اعتبروني ماموجود ولاني اخوه
فيصل نقع ضحك على اشكالهم:ههههههههههههههههه� �ههههه
زاهر وهو يتحرطم:اوريك يالغثيث
محمد ساكت وهو شارد بافكاره...
مواز عصبت منقهره بتردله الصاع صاعين:الا فيصل
فيصل صد صوبها:هلا
مواز:انت اش اسم ولدك؟
فيصل عبس باستغراب:انا عزابي
مواز شهقت:كبير شو عزابي...لالا اكيد تمزح شكلك كبير وايد وعندك عيال درزن
فيصل تبسم ابتسامه جانبيه...
زاهر فهم عليها:شكله تزوج وطلق
محمد اللي انتبه لهم وبتوبيخ:زاهر...سالم
زاهر صد عنهم بتكشيره:هه زين سكتنا
فيصل تبسم بعذوبه:لا والله بعدني ادور بنت الحلال
مواز مصره ماتودره الا تبرد فوادها فيه:زين الله يوفقك عبالنا متزوج...اعذرنا مامنا يوم انه شعرك ابيض
فيصل بقق بعيونه:شعري ابيض؟!!
زاهر استانس على فجعه فيصل:سالم الله يهديك شكلهم ماملاحظ لاتصدمه
مواز ببراءه مصطنعه وداخلها مبسوطه:الا شكله ملاحظ بس يصبغه
فيصل......
سيف بجديه وعتاب:خلاص انزين
مواز استانست على شكل فيصل اللي خسر هالجوله ضدهم:اقول وراه ماتسوق واقفين من ساعه ليش؟
فيصل بهدوء:ماحب اسوق واكل...قلت بخلص اكل عقب بكمل سواقه مشي عايلنا
مواز صدت عنه:هني وعافيه
فيصل صد قدامه يحس شي غريب فهالولد بس ماعرف شو.....
سيف اللي لاحظ شرود محمد:فيك شي؟
محمد تنبه:لا
وفخاطره....هالسالم حركاته وتصرفاته مو طبيعيه حتى انه قال تافهه عن نفسه معقوله؟!...لالا...الا فيه شي...مو اي غلطه عاديه انا طوفتها بس ربكته شككتني فيه....لالا انا متأكد سمعتها صح مايتهيألي
********************************
:لا يتهيألك
ذياب بعصبيه:لاه زين
شهاب بقق عيونه:زين اسكت
ذياب صد عنه بتكشيره:بوني ساكت بس لا اسألك
سلطان اللي جا وجلس معهم:هاه مارد فيصل؟
ذياب بدون نفس:لا
سلطان:وانت ايش فيك قالب خلقتك؟!!
شهاب:مافيه الا العافيه
سلطان بحماس:الا تعال تذكرت....كيف الانتقام؟
ذياب بقق عيونه وصد لاخوه يدور جواب لسؤال واحد يتردد فراسه...
شهاب طالعه:ايش فيك؟
ذياب وقف بعصبيه:انا رايح ادور شبكه مليت منكم
وراح عنهم
سلطان:ههههههههههههههههه فكيتك من حنته
شهاب تنهد:الا فتحت علي باب ايش يسده...ماكان يعرف انك تعرف
سلطان:ههههههههههههههههههه� � شفته كيف انفجع
شهاب تنهد:الله يهديك ياسلطان الحين ايش يفكني منه؟
سلطان ببساطه:سلطان بيفكك منه مثل مافكك الحين...الا قولي ايش اخر التطورات؟
شهاب:مشي سويت اللي علي وباقي عمر وخالد يسوو اللي عليهم ويلقو طريقه ويجيبو العنوان
سلطان بحماس:تهاييه بيحصلوه؟
شهاب:اكيد عمر ذكي وخالد لاتنسى انه كان بيصير متحري لو مافهد حسبي الله عليه...كل واحد يصلح لهالشغله احسن من الثاني
سلطان تبسم:والله وعرفت تلعبها صح ياشهاب...بس تهاييه بتحصل البنت عند خالتها؟
شهاب غص من جا طاري عليا:اكيد هو مايأمن ولا يثق الا ببنته اللي بقتله ف هالدنيا
سلطان:وهو ماشك بشي؟
شهاب:لا هو سافر لموعد علاجه الشهري وانا استغليت الفرصه رتبت مع صقر وعلمني بكل الاوقات بالضبط ورتبت الامور
سلطان تنهد:يعني الحين كل شي معتمد وموقف على عمر وخالد؟
شها:ايه
سلطان بحماس:عيل اتصل فيهم احمسهم
شهاب:هههههههههههههههههههه� �ههه مجنون وربي
سلطان وهو يقوم:بسير ادور شبكه وانت سير لاخوك فهمه لاينتحر علينا
شهاب قام بكسل:اوووف منك راعي مشاااكل
شهاب وهو يتعبث بفونه:انا مسكين
شهاب:الا سكين
وراح عنه يشوف ذياب
********************************
وعند فيصل اللي وصل محمد وسيف وزاهر كل واحد قدام باب بيتهم...وتورط بمواز اللي نايمه ولا حاسه بشي...بغا يقومها بس محمد منعه اول مادخلو الحاره قاله بيتهم فاخر الحاره لاينغص رقادها مازين وهي مريضه...
فيصل وهو يهزها:سالم سااالم
مواز فتحت عيونها بكسل:همممممم
فيصل:قوووم دلني على بيتكم
مواز دهمانه:مدري
ورجعت بتنام...
فيصل رجع هزها بقووو:سااااااااااااااالم صحصح معي
مواز بانزعاج:اوووه دانه خلينا نعرف ننام ولو يوم واحد...كله زاعجينا اول منازورا والحين انتي شو تتناوبن؟!!
فيصل اللي تأكد انها قايمه بس ما ف وعيها:ساااااالم انا فيصل قوووم
مواز صدت صوبه بعصبيه:يوووووووووووه وبعـــ...
وشهقت:انت من؟!!
فيصل:هههههههههههههههههههه� �ههههههههههه حلوه انا من؟!!
مواز تذكرت وصدت ورا انفجعت محد فسياره غيرهم ورجعت صدت لفيصل:وين راحو؟؟!
فيصل حب نظره الخوف فعيونها:ذبحتهم وجا دووورك...لانهم ترجووني انك اصغرهم ما اعذبك فقلت اخليك اخر شي
مواز ترمش برعب تحاول تستوعب:هااااه
فيصل ماقدر يتحمل اكثر على تناحتها:ههههههههههههههههه� �هههه شكلك للحين دهمان
مواز وهي تحاول تستوعب:شوووو؟؟!!!
فيصل:ههههههههههههههههههها� �هههههههههههههههههههاهههه ههه
***********************************
:بسك ضحك ياخي ماقلت نكته انا
زاهر ويده على بطنه:ههههههههههههه تقول سالم بنت وتقول مانكته؟!..اي بنت بهالدفاشه...الا اي بنت بهالجرأه والجنون؟!!...هي الدنيا سايبه وين اهلها عنها؟؟؟!!....انت تتوهم
محمد بجديه:انا شاك انتو اش فيكم...وخبرتكم بايش افكر عشان تساعدوني احسني بستخف
سيف ببساطه:بسطها ياخي ليش معقد السالفه؟!...هذي مجرد شكوك
محمد:وكيف نتأكد؟
زاهر شهق:لا من جدكم انتو؟!!...الحين شكو فأي شي الا انه بنت استغفر الله شي مايدخل العقل؟؟!!!
محمد:انا بس تخيل انه بنت بتحصل انه شكي فمحله تصرفاته مو تصرفات ولد ودلعه ضابطنه
زاهر باستنكار:اما ادله
سيف وهو يفكر:صح ركب عدالي ويتجنب يصير اي احتكاك بينا حتى لما جيت تنزله كان بيحتمي فيني بس تردد ونزل باستسلام معرف ليش
محمد بحماس:وانا جلست عداله مره وفز مثل الملدوغ
زاهر يسمعهم بصدمه:لالا خلووو عنكم... سالم ولد ومابصدق لو اشوفه بعيوني!!!!!!!
سيف يحلل ويستنتج:الغتره والكاب...بعد دليل...ولا مره شفنا راسه بلا شي...كله يغطي شعره...وكله يلعب حارس ولا مايلعب
محمد وهو يحلل مع سيف:وملابسه واسعه وساتره دوووم
زاهر صرخ فيهم:بسسسس لاعت جبدي من جدكم انتو.؟؟؟؟!!!
محمد:بكره بس نشوفه رح تشوف كيف بنثبتلك جديتنا
سيف:بس كيف؟!
محمد:ودي بس اعرف ليش متنكره كنها ولد؟؟!!
زاهر:هيه هيه انتو لا تتمادو بعدنا ماتأكدنا من نتأكد سألوه
*************************************
صدت صوبه بفزع:هاه!!
فيصل تبسم بخبث وثقه لا متناهيه:مثل مــاســـمــعــــــتـــــي
وشدد على الياء
مواز حست قلبها وقف...
بلعت ريجها وهي مبققه بعيونها:انت من تكلم؟
فيصل صد صوبها وهو رافع حواجبه بسخريه وباتسامه جانبيه:انتـــــــــي
موزة صدت عنه بضحكه وربكه:ههههه اش فيك تهاذي؟؟!!
فيصل بضحكته الساخره:ههههههههههههه اخر شي تخيلته فحياتي اقابل بـويه لا واتعرف عليها هه... والله حاله
موزة خنجر وانغرس فصدرها صدت صوبه تحاول تستوعب كلمه وحده قالها و صداها يتردد فراسها..
فيصل شافها اطالعه تبسم بسخريه واحتقار:ههههه اش فيج انصدمتي؟
موزة اللي ماعادت تسمع شي غير كلمة((بويه)) تتردد فراسها..