[لامارا]

نرجع لموزة وفيصل...
فيصل اللي مو مستوعب ردت فعلها قرب منها بهدوء يحاول يهديها بس هي كانت منهاره تماما.. حسها انهارت لدرجه ماتصورها.. هذا بس سحب الغتره من راسها مرة ثانيه.. شك انه هالبنت صاحيه..
حست به فزت على طول وهي تلزق فالباب ودموعها تنزل:والله ماني اللي فبالك..
وهي تشاهق..
:والله.. والله انا ماني بويه.. بس كنت..
ماقدرت تكمل ورجعت تصيح بلوعه.. تقطع القلب.. وهي تمش دوعها بدفاشه ورجفه..
وصلها صوته:زين زين والله مارح اقرب صوبج بس كنت امزح....اسف
موزة فرحت من بين دموعها:افتحلي عيل
فيصل كسرت خاطره شكلها ابدا ماتمثل عليه لو صدج بويه مارح تنهار بهالشكل وتكون بايعه نفسها بس هذي شكلها تلعب بنار واول مره تنحرق:زين خليني اوصلج
موزة هزت راسها برفض:لا
فيصل كره اللي سواه فيها هو ابدا مامن اخلاقه يستنذل فبنت:بس ترا انتي حتى وين نحن ماتعرفي كيف بالله بترجعي البيت خليني اوصلج
موزه وبعدها تصيح:افتح
فيصل عوره قلبه وضميره يأنبه:زين انتي هدي بالاول
موزة:لا افتح
فيصل سكت عنها وعفط قدام.. حرك السيارة.. وهو يتصل بسلطان:الو سلطان
سلطان:هلا وينك انت؟
فيصل:لا بس الولد هذا اللي اسمه مدري ربيع اخوك اظن سالم نام الله يهديه وماعرفت بيته وين ورقاده ثقيل ياخي ساعه احاول فيه مارضا يصحى
سلطان:هههههههههههههه والله وشغلوك هالبزران دريول
فيصل اللي صد ع موزة اللي بعدها على حالتها:ههههه اي بزران هذول عاد شباب
سلطان:لا والله بعدهم مراهقين الواحد فيهم ماكمل ال20 لايغرك الشكل
فيصل:زين خلنا من هالكلام وعطني المفيد شوف اخوك ولا عطني رقمه يوصفلي بيت ربيعه
سلطان:احيد ماعندك قلب عادي عندك تقطه بالشارع اش الطاري؟
فيصل ماهمه غير مواز مو فاضي يناقر سلطان:لاه شكرا اقول لايكثر بس وتصرف
سلطان:ههههههه شكله هالبزر خذ عقلك
فيصل فز:هاه!!
سلطان:ههههه اش فيك والله انك غريب!!!
فيصل يبرر:ولا شي بس حرام شكله اصغرهم عاد انا ما مجرم لدرجه اني بقطه بالشارع وبروح.. وبعد شكله صخن من جو البر يله عاد تصرف ورد علي بآي
سلطان اللي سك فيصل فوجهه باستغراب:هذا بلاه ؟؟!!
فيصل اللي صد على مواز شافها هدت حرك السيارة للسوق
مواز اللي ماتطيق حد يشوف دموعها حتى خواتها.. جلست موطيه راسها متفشله تحس بمشاعر متلخبطه داخلها تحس عمرها فكابوس ماراضي يخلص..تنهدت بقو
جاها صوته رفعت راسها بهدوء شافته صاد عنها وماد لها كيس..
فيصل:هاج البسي
موزة صدت ع برا.. شافت السوق والاوادم.. هذا متى وقف ومتى نزل..
جاها صوته:يله انكسرت يدي
موزة خذت الكيس وبطلته بهدوء وسكات وهي تحس عيونها يتحارقو من الدموع... ووجها مولع... حصلت عباه وشيله... تذكرت انه شعرها مكشوف وعلى طول لبستهم بفشه...
فيصل صد صوبها اول مالمحها بهم تبسم:كذا احلى
مواز وطت راسها بذبول...
فيصل حس بتأنيب الضمير اكثر:انا اسف والله عبالي بويه وبعدين قلت أأدبج اش دراني بطلعي مراهقه خبله
مواز وطت راسها اكثر بسكات...
فيصل:اففف شوي شوي على رقبتج لاتنكسر
مواز.........
فيصل:هاج كلي
وهو يمدلها كيس ثاني
مواز خذته وهي تلمحه صاد عنها وغاظ البصر بس بعد شو.. حتى ولو بويه مابويه تظل بنت واللي سواه غلط..
فتحت الكيس حصلت بس قرطاس رفعت راسها باستنكار هذا بلاه عطاها زباله.. وشكله عشاه بعد.. تنهدت وفخاطرها:غبي
تبسم:كيف الاكل؟
مواز فخاطرها:سخيف
فيصل صد صوبها اول ماصد فزت وصدت عنه:هههههههههه اش فيج؟
موزة.....
فيصل:تبين اطعمج وحضرتج خربتي علي احلى كشتات الشباب؟!
موزة...
قطع عليه صوت تلفونه ورد على طول..
موزة صدت صوبه شافته لاهي بالمكالمه.. وفخاطرها:الحين هذا اللي بتاخذينه مستقبلا ياموزوه.. وع ايه مو انتي تبين حياتج اكشن وفله نفس الافلام هاج ياج الخير زين انه استوعب فاخر لحظه اني مو من النوع اللي طراله.. زين بس استاهل ياما حذروني البنات بس مالت علي ماصطاخ.. هههههههههههههههه بس اكشن والله شي مايتصدق
فيصل بعصبيه:ارسله ياخي
سلطان وهو يلعب ورق:يسد خربت علي اللعب اكتب ماني براسل شي وبسرعه اكتب
فيصل بقهر:اففف انت اش ناوي عليه اتجنني؟؟!
سلطان بنذاله:دام هامنك هالبزر شله رقده عندكم فالبيت
فيصل بقهر:انا اعلمك.. بس لحظة
سلطان بمصخره:شو بتي تذبحني؟؟
فيصل اللي يدور ع ورقه وقلم:لا بس ادور ورقه وقلم
وصد ورا اول ماتذكر انه حاط مذكره ورا.. بس اول ماصد شاف ابتسامه موازاللي كانت تتطالعه بشرود.. تبسم على شكلها.. طالعه جميله وغير بالحجاب و العباه.. شكلها ملائكي..
سلطان:اوووه اقول لحد ماتحصل الورقه اتصل ابلعب باي
وبند وفيصل ولاعلى باله
مواز انتبهت له وصدت بسرعه و باحراج عنه..
فيصل ببتسامه:لو سمحتي ناوليني المذكره
مواز بهمس:وينها؟
فيصل سمعها بس صوتها فيه بحه الصياح عجبته:هاه؟؟
مواز بلعت ريجها وبصوت اعلى شوي:وينها؟
فيصل حب يستنذل:هاه؟؟
مواز عصبت بس كتمت:المذكره وينها؟
فيصل وهو يأشرلها:شوفها فالسده...او تحت السيت
مواز فتشت السده ماحصلتها.. نزلت تدور تحت السيت وهو جلس يدور قلم من قدام..
مواز حصلتها تحت سيته وصارت وراه جالسه..
تحمحمت ومدتها له..
فيصل خذها وهو فرحان انها صارت وراه صار يشوفها من المرايه بوضوح وعلى راحته بدون ماتحس..
مواز سندت ع السيت بهدوء.. وشردت تفكر اش تقول للبنات اكيد مابيمرر غيابها ببساطه عن البيت..بس حمدت ربها انه يدها ومنى مسافرين...
شافها شردت وشكلها متورطه.. عرف على طول فشو تفكر تبسم وهو توه يلاحظ انه سلطان مبند.. تنهد ورجع اتصلبه..
فيصل صرخ بعصبيه خوفت مواز:قوووول ياحمار
سلطان:هههههههههههههههههه زين ياكبش
فيصل كتب بقهر:اصبر علي ان مارديتها فيك
سلطان:ههههههههههههههه بصبر بصبر هههههههههههه تصدق عاد حبيت هالطلعه لاني بكون السبب فدخولك وذياب مستشفى الامراض النفسيه
فيصل ماحب يطول معه السالفه يعرفه مابيسكت:مالت عليك..
اول ماملاه العنوان سك فوجهه.. وحرك على طول السياره..
مواز تذكرت انه محد يعرف بيتهم ياترى عنوان شو عطوه؟..
فيصل وصل الحارة بسرعه لانه اصلا مابعد وايد:الا بيتكم اي صوب؟
مواز تورطت:مو وصفوه لك؟
فيصل بخبث:لا طبعا اش دراهم ببيكتم عطوني عنوان الشارع اللي دوم حضرتج تنتظري شلة الاولاد عندها
مواز وقف قلبها:هو هذا العنوان انت ماعليك بس وصلني له ومشكور
فيصل بلعانه:لا اسف ماقدر
مواز تأففت منه:ليش عاد؟
فيصل بنص عين:نص الليل بنزلج فالشارع؟؟
مواز حدها منقره منه وهي كاتمه غيضها:ايه عيل تنزلني بيتنا يكون سيده انذبح
فيصل بلعانه واستنذال الا ينشف دمها:احسن هلج يذبحوج ولا غيرهم بعدين لاتنسي انتي م بالثوب عشان تاخذي راحتج
مواز انقهرت منه وبعناد:لا
فيصل بقهر من عنادها:شو لا بعد؟؟!!
مواز بعناد واصرار وقهر:مابدلك بيتنا لاني ماعرف ادل
فيصل بنذاله:كيفج عيل بشلج بيتنا
مواز صرخت بفجعه:لا
فيصل بكل برود:يابيتكم يابيتنا اما انزلج فالشارع لا
مواز بوزت ودها تقوم تخنقه:انت ناوي على اخرتي؟
فيصل بجديه:والله انتي اللي جبتيها لعمرج تحملي نتائج تصرفاتج
مواز عبست:زين بس مو انذبح ابن ادم خطاء والله يسامح
فيصل بابتسامه جانبيه ساخره:ليش حضرتج تبتي؟
مواز بقهر:ايه غصب تبت
فيصل رفع حواجبه:كيف هذي بالله مافهمتها؟
مواز بعفويه:ماهو انا حالفه ان جا واحد صادني و كشفني احرم البس الثوب والغتره
وهي شوي وتصيح من الغبنه..
فيصل كتم ضحكته عليها..وفخاطره:صدجه سلطان انهم يهال
مواز تفشلت وهي تشهق باحراج وتغطي حلجها...
فيصل مات ضحك عليها خاصه انه وجها صار احمر:هههههههههههههههههههه� �هههههههههههههههههههههههه ههه
*****************************************
كانت جالسه فالصاله بقلق اول مادخل عليها تبسمت وتهلل وجها وهو يقرب منها ويسلم:وعليكم السلام والرحمه هلا ببعد قلبي...وينك فيه اليوم مختفي؟!
احمد اللي جلس بعد ماباس راسها:والله طلعت مع الربع البر وتوني راد
امه:زين والله تغير جو...وليش ماتميتو اكثر؟
احمد تبسم لامه بسخريه:هم تمو انا جيت عنهم
امه عبست:هووو!!... ليش يمه؟!
احمد صد عنها:ههههههه يمه مايصير اتم هم عزابيه مشي وراهم انا ماقدر انتم اخلي..
امه قاطعته وهي تسب عمرها على هالغلطه نست زوجته:ايه يمه وانت الصادج بتمرض احسن
احمد رفع حواجبه بابتسامه جانبيه:ايه صح جو البر بارد يمرض
امه:ايه ينخر العظمان مازين
احمد تنهد بقو وهو يغير السالفه:الا خالد وينه؟
امه:خالد وعمر توهم رادين من الشركه وصعدو يرتاحو
احمد بتكهم:ايه
امه:تدري يمه كل الشغل على روسهم من سافر جدك
احمد تبسم بسخريه:ايه ايه
وفخاطره...اي شغل هذول يخططو يدمرو الشركه مايعمروها والله لو يشم جدي خبر عنهم كان جاب اخرتهم
امه:هوووو احمد انا اكلمك وين سرحت؟
احمد:هاه لا يمه بس راحم عيالج
:لو انك راحمنا صدج بتساعدنا
ونط جلس عدال امه:كيفه قمرنا اليوم؟
امه:وه وراك مانمت؟
خالد:والله يمه ماجاني نوم من سمعت حس ولدج المدلل... قلت اجي انكد عليه...هو اللي خسر جدي اكبر صفقتين عشان يطفش منه ويخليه يشتغل اللي يباه ماحن الدلوخ ماعرفنا كيف نلعبها صح.. وكانا مودرين دراستنا وشهاداتنا ونشتغل فشركه الجد وفتخصص ماهو بتخصصنا...ونكرف كرف والاخ مكيف ومرتاح
الام عصبت:اسكت ياولد انت بعدك ماعقلت؟
خالد:يمه انا مابعقل دام جدي هذاهو....كيف ابعقل وجدي مريض نفسي؟!
امه ضربته على كتفه بتوبيخ:وه تأدب ياولد هذا جدك
خالد صد بعدم مبالاه:مالت عاد والجد...تقول فرعون
امه بصراخ:خالد
خالد:طيب اسف
احمد يبا يهدي الوضع ويغير السالفه:يمه جوعان
امه فزت:الحين ازهبلك من اللي يحبه قلبك
وراحت عنهم...
خالد بقق بعيونه:جووووعاااااااااااا� �ن!!!!...ابفهم انت متزوج لا بالاسم؟!!
احمد كشر من جا طاري الزواج:ايه
خالد:مالت عليك لو مكانك بكون اسعد واحد...عيل اطلع افتك من تسلط جدي واتزوج بنت قبيله وشيوخ ومافرح؟!... والله انك غبي ونحيس
احمد تكتف بعصبيه وضيق:هه انا افتكيت على قولتك من تسلط جدي بس عرف كيف يعاقبني قام بلشني بهالزيجه
خالد منقهر من اخوه:اش فيها هالزيجه؟!...شايف شي على البنت ولا تحب غيرها؟!
أحمد باختصار:لا
خالد وقف بقهر من اخوه وهمجيته:ياخي انت وجدك واحد مشي فرق بينكم
أحمد طالعه بتظره استنكار..
خالد كمل بكل قهر:قلنا اول ماتزوجت بعدك مصدوم وتحت تأثير الغضب بس عادلك شهرين مكشر ومبوز واقص يدي اذا تتبسم فوجه الفقيره...تصدق عاد جدي مو بس عاقبك الا هزمك وطلع حقيقتك انك انسان ضعيف وفاشل وحن اللي كنا مخدوعين فيك
وجا بيروح بس رد وعق كلمتين زياده لاخوه:بدل لاتستسلم وتعيش بهالشكل والنكد وتخلي الكل يشفق عليك...وري جدي انك مانهزمت وانه عقابه كان احلا هديه فحياتك...لاتشمت فيك العذال اكثر..ارجع اخوي الكبير اللي دوم اعتبره قدوتي وافتخر فيه....طمن قلب امك عليك...انت ماشبعت شفقه من الناس؟!!
وراح عنه...
أحمد وكنه حد صفعه وقومه من الكابوس اللي كان فيه...توه يحس انه بدا يحس بشي غير القهر والظلم والغضب...شي غير...احساس التحدي بدا ينبض داخله من جديد...كلمات خالد صحت فيه احساس قتله جده..وفجر بداخله الامل
وقف بسرعه وامه تناديه على العشا...
أحمد وهو يطلع:لا يمه انا بتعشا فالبيت
وراح..
امه بققت بعيونها:فالبيت؟؟!!
خالد اللي ماصعد وظل جاس فالدرج اول ماشاف ردت فعل اخوه استانس ونزل لامه:ههههههههههه ابشري يالغالي ولدج بيرجع االاولي
امه مافاهمه شي:هووو ايش تقول انت؟!!
خالد وهو يجلس:جوووعان
اممه:لحظه بقوم عمر
خالد:مابحرص حد
وبدا ياكل بشراهه...
***********************************