[فيتامين سي]

الفصل الرابع عشر

وقفت اسيل و كلها خوف و توتر و لهفة , هي مشاعر غريبة تختلط بداخلها , تتمنى ان تركض الى باب القاعة , لترتمي بين يدي ابيها , وترجع تلك الفتاة الصغيرة , التي كانت بلا هموم او احزان او مخاوف , تلك الصغيرة التي كانت اقصى همومها كيف تجمع مصروفها لتشتري لعبة جديدة , تلك الصغيرة التي كانت تركض و تقفز و تقع لتقف بسرعة , تلك الصغيرة التي كانت تنعم بدفء اخوتها و كانت مدللتهم , كم هو جميل ان نعود صغار و نحن نقدر تلك الفترة و نستغلها خير استغلال , ربما لو عدنا اليها مع هذه المشاعر لما كنا اساسا صغار , و لما كانت تلك الذكريات جميلة ..

و بينما ملاك اميرنا سارحة بأفكارها حصل ثاني حدث صعقها بتلك الليلة , و يا كثرت تلك الاحداث , و يا طول تلك الليلة .

اسيل بصوت خافت : هاد عدي بيمشي ورا رعد و لا انا عيوني بتخوني ...

جواد مع ابتسامه : هي من ناحية عيونك بتخون فممكن , بس بهاي اللحظه ما بتوقع .

اسيل تلتفت الي و تركز نظرها بجانب وجهه : جوووووواد شو افهم من حكيك ؟؟

جواد : انه يلي بتشوفي صح

اسيل : يعني ...

ابو رعد : شو يا جواد سحرت البنت لدرجة يا دوب طلعت علينا و الباقي كل تركيزها سلبتها اياه

جواد : ههههههههههه و الله يا عمي لازم تحمد ربك على انها شالت عينها شوي عني و استقبلتكم

ابو رعد : ههههههههههههه الله يحفظكم

و بتلك اللحظات انتقلت اسيل بين صعقات متتالية , و لسانها لجم عن المشاركة , فمن صعقة ان وليفها و رفيق دربها و اخيها الحنون عدي هنا , الى صعقة السقوط بأحضانه , الى صعقة اكبر و اكثر مفاجأة , انها و هي حتى في احضان اخيها الغائب و الشوق الذي اكل من قلبها ما اكل ,و رغم كل ذلك , فتركيزها كله موجه الى الذي بجانبها و مزاحه مع ابيها ...

يبعد رعد عدي عن اسيل : يا اخي حكت لك خليها تشوفك قبل الصالة بلا ما تفضحنا قدام العالم و انت مصر , حركاتك المولدنه ما بتبطلها ...

عدي : هههههههههههه , و انت ليش محروووووووق , اختي ولكم يااااااا عالم اختي هاي .

رعد : بالله جد فاجأتني , ابعد شوي خليني ابارك لها و البسها , و انت كمان على فكره لبسها مو تضحك على البنت بهالكلمتين

عدي يلتفت الى جواد : شووووووووو ابو نسب , ما تحكي كلمة , يعني بحق العشره يا زلمة , ولك انا قلت بلاقي لي عزوه بهالعيلة لما دخلت بينا

صعقة اخرى لاسيل , يبتسم جواد و يرسل غمزه لعدي .

جواد : و الله يا عدي قضيتك خسرانه , و انا بتعرفني بحب اربح.

عدي : قول غيران يا زلمه بلا هالف و الدوران , قال خسرانه ...

يرد عليه رعد بينما يضحك الجميع : هههههههه , و الله انا على يلي انا بتذكره بيناتكم ثار مو غيره , بما انه يا عدي اكثر حد كنت تتسلط عليه كانت اسيل

جواد : له له له ياااااااااا عدي خساره فيك الصحبه , هيك يا زلمه ما لقيت إلا حصتي تبلش فيها

عدي : ههههههههههههههه اطوووووورنا يا جواد و صار فيها حصة كمان , و لا مين اختي ههههههههههههههه

جواد :و الله بدي احكي لك شي يركب على عقلك , و لا تغير الموضوع الثأر يلي بينا رح اخده , إلا اسيل ما حدا اله عندها شي

ابو رعد : يعني اتركها يومين ببيتك و بعدين اتملكها , بس و هي على اللوج بدك تسرقها منا ..

مع ضحك الجميع , اجاب جواد : خير البر عاجله , ههههههه , بعدين يا عمي سامع , بحكي لك متسلط عليها , هاد لا كف و لا كفين .

شعور اسيل بتلك اللحظات تفاوت فمن صعقة الى الاخرى فقدت تركيزها , ليمحى نهائيا بعد كلام الاخير لجواد , و تسيطر دقات قلبها على مجريات الاحداث بعقلها ..

عدي : حبيبتي اسيل .... اسيل يا بنت ... جواد شو عملت لها ... ههههههههههه

اسيل مع تصغير عينيها : حسابك بعدين ...

عدي مع بسمة : قال انت بدك حد يدافع عنك , اساسا انا بدي معك شركة محامين , مدي ايدك لشوف بدي تشوفي زوقي حياتي

اسيل مع بسمة جانبيه : عدي انا جد زعلانه منك .

عدي يلحق جبهتها بقبلة مثلما فعل ابيه و اخيه من قبل : و انا ما بهون لي زعلك , بس كل شي رح تفهمي , بعرف انك منصعقه , بس صدقيني هاد كله رح يضل ذكريات معك لأخر يوم في عمرك

اسيل و هي تحضنه : انا كثيررررررررر مبسوطة انك حضرت ...

عدي : على هاد الشي بدك تشكري جواد و ابوه

جواد : بلا غباء شو تشكر , ولك انت صاحبي و مو معقول ما تيجي تحضر عرسي و يلي هو عرس اختك ...
اسيل و وجهها محمر من الانفعال : جد مو عارفه شو بدي احكي

عدي مع ضحكة : ههههههههههه و الله احلى موقف بحياتي خايف ما يتكرر , اسيل ما تعرف تحكي !!!!

جواد : ههههههههه عدي حبيبي اكيد ما رح تعرف تحكي ما انت خنقتها و انت حاضنها

رعد : اااااااااااخ من الغيره

ابو رعد : حلو عن الزلمه اذا عليها ما بده يغار لكان على مين بده يغار , و ابعدوا خليني انا و امك البسها الطقم .

و بعدما ارتدت اسيل الطقم الذي كان هدية من امها و ابيها و اصبحت يديها و رقبتها مثقلة , اخذت الصور التقليدية مع عائلتها , اخفت دموعها بين ابتسامات و ضحكات رسمتها او رسموها لها بمواقفهم , رقصة معهم و مع من اطلقوا عليه اسم حاميها او محاميها , و لا تعلم لما استكانت الفرحة بين جوانب روحها مع تلك الكلمة !!!

و بعد خروج ابوها و اخوتها , عادت اسيل الى مقعدها برفقة جواد , الذي اجلسها و وقف ليخرج , ليتم اكمال برنامج الحفل , بينما هو بطريقه لمحت اسيل امل متوجهةَ اليها , و لكنها ابقت نظرها على جواد , فرأت الثعبانة مسرعة اليه , ارادت ان تذهب اليهما , و لن تعير اي انتباه لرأي احد من حضور , هي قالتها " إلا هو " , و ليكن ما يكون , و بنظرة الاصرار الظاهرة على عينيها , احست بيد امل تجمدها مكانها و تطمئنها , و لكن ما اراحها فعلا موقف عبير , التي قطعت على الثعبانه الطريق و الهتها الى ان خرج جواد , و هنا تنهدت مرتاحة .

امل مع ابتسامة : بتكون بنت خاله ..

اسيل مع التفاته الى امل : شووووووووووووووو ؟؟!!

امل مع نظرة ثقة : سهى بنت خاله لجواد

اسيل : لا لااااااا لا تقوليها ...

امل مع بسمة اسف : اه... شكلها هالبنت قدرك ..

اسيل : يا ربي ...

امل : ما تخافي انت مع ربنا , و حكمة ربنا وسعت كل شي , فلهيك حبيبتي وكليها لربك .

اسيل : من دون البشر كلهم هي تكون بنت خاله ليش ؟؟

امل : لا اعتراض على حكم الله

اسيل في قلبها " و انت ليش خايفه كلها سنة و بتخلصي من هالوضع "

و لكن لم تعلم لما هذا الخاطر اثار المها اكثر من فرحها , و لا تعلم لما احست فعلا ان سهى سوف تحقق نصرها اكثر لو ذلك حصل , كل ما شعرت به انها لا تريد ذلك ...

امل : اسيل ... اسيل .. هاي يا بنت

اسيل بتكشيرة الم و تنهيدة عميقة : اه امل ..

امل : بالله جد كل هاد خوف منها

تدخل عبير التي تحدثت مع امل و افهمتها ان اسيل و سهى كانتا غير متفقتان ايام المدرسة , لا اكثر ..

عبير ببسمة : اسوله حبيبتي , لا تخافي اساسا في العيلة ما حد بطيقها و بعبرها غير امي

اسيل : يسلمو , جد يسلمو كثير

عبير : ههههههههههه , كل هاد عشان بعدت سهى , خلص الك مني اكون مثل الحرس لجواد و ما اخلي حد يقرب منه ..

اسيل و خديها احترقا من الخجل : هههه , عبيـــــــــر

تتشارك امل و عبير الضحك , امل : لا جد يا عبير , اخوكي يا برحم البنت او ما يدخل احسن , لو شفتيها قبل شوي كانت بدها تقوم بفستانها بكوشيتها بالورد و تهجم عليهم

اسيل : امــــــــــــــــل , ارحمي حالك , جد بلا زناخه

امل : هههههههههههههه , طيب عيني بعينك و احكي ما كنت بدك تقومي

اسيل و هي تبتسم ابتسامه جانبية و عبير و امل لم تستطيعا كتم ضحكتهن تقفز رحيق : و الله و الله اذا سلوى ما بتنقلع من خلقتي لتشوف ...

عبير : بسم الله , انت شو جابك هون ؟؟

رحيق : ههههههههه, كنت بدي اعرف شو بصير هون , و لا هي مرة اخوكي و انا لأ ....

عبير : ههههههههههه , حبيبتي رح تعيش معك , بس انا يا حصره بدي استغل الثواني لأتعرف عليها
امل : خلص انا بعطيكم المقرر , مو محتاجه اكثر من ساعة

اسيل : لا جد , اساسا انا مجلد ....

رحيق : فعلا وافق شن طبقه ..

امل : ليش هيك بتحكي ؟؟

عبير : ههههههه , هي بنسبه الها , جواد مغروووووووور

رحيق : لا يا ويلك من الله , مو بنسبه الي , و الله البنات هيك بحكوا ..

امل : اي بنات ؟؟

ارادت اسيل ان تقبل امل لذلك السؤال .

رحيق : صحباتي , قرايبنا , بنات عندهم بالشغل ..

عبير : و انت من وين بدك تعرفي البنات يلي عنده بالشغل ؟؟

رحيق : جورجينا حكت لي

عبير : صحيح , ليش جورجينا ما بينت ؟؟

رحيق بنظرة حزن :يا حرام المسكينة امها تعبانه اليوم , و نقلوها على المستشفى ..

عبير بنظرة صدمة : لاااااااا بتحكي جد , و شو صار فيها المسكينة ؟؟

رحيق : لا الامور تمام , هي اتصلت و اعتذرت و طمنت ماما , و حكت انها بعتت فارس اخوها بس هي ما بتقدر تيجي

عبير : اه , تمام

امل : هو بدكم تعذروني بس و الله تشوقت اعرف مين جورجينا

عبير : ههههههههههه , لا عادي حبيبتي , هاي بتكون اختنا بالرضاعة , رضعت انا و هي , امها المسكينة ايامها كانت تعبانه شوي و دخلت المستشفى و ماما رضعتها , جوزها بكون ابن عم بابا , بس و الله العيلة كثير حبابه

امل : اااااااااااااه

رحيق : اساسا كلنا حبابين

ضحك الجميع , عبير : على فكره خنقنا اسيل و مطنشين الحفلة و قاعدين هون صح ؟؟

اسيل : لا عادي , اساسا و الله بتسلوني .

رحيق : رحوا انتوا , انا هسا وصلت بدي اقعد شوي مع عروستنا ..

امل : اوك

رحيق : شو رأيك اسيل أعرفك على بنات العيلة و نسوانهم من هون ؟؟ اوك يالله ..

تنقلت رحيق من فتاة الى اخرى , و من امرأة الى التالية , الى ان وصلت و قالت ...

رحيق : شايفه يلي لابسه ثوب عنابي هاي مرة خالي جميل

اسيل و هي تدقق النظر : اي وحدة ؟؟

رحيق : هاي يلي باخر الصالة يلي قاعدة جنبها ام فستان احمر

اسيل و خفقات قلبها بدأت تعلو : قصد ام سهى ؟؟

رحيق بنظرة تفاجئ : اه صح , بتعرفي سهى ؟؟

اسيل : كانت معي ايام المدرسة و الجامعة ..

رحيق بنبرة حذر : يعني صاحبات ؟؟!!

اسيل بنبرة حزم : لا ابدا

رحيق : اساسا ما بتوقع عندها حد مصاحبها او طايقها

اسيل : كانت عندها شلتها

رحيق : اكيد مثلها

اسيل : كيف مثلها ؟؟

رحيق ببسمة خبث : هههههههه , يعني غيورات و نذلات ..

قالتها مع التشديد و الإطالة بنطق الكلمات .

اسيل مع ضحكة خافته : و كيف عرفتي هالشي ؟؟

رحيق : هههه هو صح واضح , بس كانت كثير تعمل مع عبير اختي مواقف , المسكينة عبير ما كانت ترد لها اياهم , بس خفت شوي عنها , من لما حطت جو....

اسيل : حطت شو ؟؟

رحيق : انسي , انسي ..

اسيل : رحيق احكي عادي

رحيق : و الله مو هيك بس قصص قديمة

اسيل : ليش ما تحكي ؟؟

رحيق مع ضحكة مفتعلة : لا انسي , خليني روح ارقص و برجع , اوك ..

اسيل مع بسمة اسف : اوك , على راحتك .

رحيق : لا تحطي ببالك , يالله برجعلك .

بنزول رحيق , توجهت بعض العاملات مع اسيل في الشركة للمباركة لها , و لكن ما اثار استغراب اسيل حقا , انها لم تقم بدعوتهن , فهي لم تعر هذا الزواج الكثير من الاهمية , فهو مؤقت ,لكن ما جال بخاطر ملاكنا , ان امل من قامت بدعوتهن , و خاصة ان امل كانت متحمسة بشكل كبير لهذا الزواج .
ارتفع صوت العاملة المسؤولة عن تنظيم الحفل يطلب منهن ان يبتعدن عن ساحة الرقص , و بعد ان غطت امل اسيل , دخل الرجال , اولا رجال عائلتها من اعمامها و اخوالها , و كل من يريد ان "ينقط" العروس من طرف عائلتها , ثم دخل ابيه الذي اعطى العروس طقم فاخر اخر من المجوهرات , و من ثم اقارب العريس , و بعد ان دبك رجال قليلا داخل الصالة , خرجوا جميعا , و بذلك انتهت مراسم الزواج ...