[فيتامين سي]

الفصل الخامس عشر

و بينما فكر ملاكنا مشغول , و بالها حائر , كانت السيارة تسير بها , ما اثار استغراب اميرنا , الذي دهش , لأنه اعتقد ان تتوتر او على الاقل تتصلب بمشيتها , و لكن ما واجهه خضوع و عقل سارح , ذلك الامر ازعجه , او بالأصح جعله يشعر بالاختناق , فربما الان هي سارحة بخيالها في ليلة عرسها المزعوم لرامي .

لذلك قرر ان يقطع افكارها بما انه لا احد غيرهما في السيارة , و يخرجها من اوهامها , فهي الان زوجته هو لا احد غيره , حتى لو كان وضع مؤقت برأيها و لكن تفكيرها بغيره خيانة .

جواد : اسيل ...

اسيل : ممممم

جواد : اسيل , انت معي ؟؟

اسيل بعد ان التفت اليه و سرحت بملامحه و كأنه شخص يركز و مستغرق بفكره ما : جواد

جواد : ايوه جواد

اسيل : لا مو هيك قصدي , انا كنت بنادي

جواد : الحمدلله , فكرتك اساسا بدنيا غير هالدنيا

اسيل و بعد ان انتبهت انها بالسيارة و لوحدهما و الطريق لا يؤدي الى منزل احدهما : جواد , احنا وين رايحين ؟؟

جواد و بعدما تأكد انها كانت معه جسدا لا فكرا و تعهد لنفسه ان يملكها روحا و جسدا : ممممممم , وين فكرك؟؟

اسيل : و الله ما بعرف , بس متأكده انك رح تبرد لي ناري و تقولي ..

جواد : ما في شي ببلاش ..

اسيل : و بقولوا يا خبر بفلوس بكرا ببلاش

جواد : لا كمان 10 دقايق ببلاش

اسيل : الله يطمن بالك ..

جواد : اميـــــــــــــــــن

اسيل : جواد , جد وين رايحين ؟

جواد : على الفندق .

اسيل برعب : ليش ؟؟؟

جواد : شو يعني ليش ؟؟

اسيل : كيف شو يعني ليش ؟؟ , ليش رايحين على الفندق ؟؟

جواد : اولا لأنه جناحي اجريت عليه تعديلات بتناسب طريقة حياتنا الجديدة , لهيك طلبت ديكور و عفش جديد , و لان لهسا ما جهز , قررت انه نبات اليوم بالفندق , و بكرا عندنا طيارة و مسافرين على لبنان ..

اسيل و هي تشعر بالتردد و التوجس : ضروري كل هاد ؟؟

جواد : اكيد , بدنا نقنع الكل بأنه هاد زواج حقيقي , و لا انسيتي ؟؟

اسيل : في كثير ناس ما بروحوا شهر عسل ..

جواد : بكونوا مو قادرين يروحوا بسبب الماديات , بس انا الحمدلله , الله منعم و مفضل .

اسيل : طيب انا ما اخدت اجازه من الشغل

جواد : اذا على هاي بسيطه , كل شي تمام و الاجازة من زمان اخدتيها .

اسيل بفكرها " حتى هاي يا امل ما قصرتي فيها " : طيب متى مروحين من هناك ؟؟

جواد : اسبوع مو اكثر

اسيل : اااااااااااااه

سرحت بموجة افكار تختلف عن تلك التي غرقت بها منذ قليل , و عادت لتستيقظ على صوت جواد .
جواد : يالله اسيل وصلنا .

و ما ان اتجهت بنظرها الى باب السيارة , إلا وجدته مفتوحا , و جواد يقف امامها , مدا يده لمساعدتها للخروج , و ما كان منها إلا ان اعطته يدها , و خفاقات قلبها مضطربة , لا تعلم لما .

جواد : يا الله منكم يا هالبنات , بدي اعرف ليش بتلبسوا اشياء مش مريحة ؟؟!!

اسيل و هي تصغر عينيها : انت يلي بدك يكون العرس متقن و مقنع و حقيقي .

قالتها بستهزاء , اخفى جواد بسمته , و اكمل بطريقة جدية , و هو ينزل الحقائب : لا , انا بحكي على المبدأ بشكل عام , يعني شو الفايده من فستان ابيض و طرحة , و مش عارف شو كمان , اه و تسريحة , يوووووووووه ..

اسيل و هي بقمة انفعالها تقترب منه و تجيب : لأنه يوم واحد بالعمر , و المفروض ما يتكرر, و لأنها بنت لازم تبين بأحلى ما عندها , يعني انها المسكينة بدها تفرحه , و بنفس الوقت تحس لو لمرة انها اميرة و الكل مهتم فيها , و السبب الاهم لأنه اخر يوم و هي مرتاحة , و رح تستقبل حياة كلها قرف و هم و نكد ..

جواد و هو مستمتع جدا بانفعالها , يمسك بيدها و الحقبتين الصغيرتان المعدتان لليلة واحده باليد الاخرى : اااااااااااااااه , يعني بتعترفي انكم جنس نكد , و بتخططوا للنكد من اول يوم بعد ليلة العرس , مممم ..

اسيل و هي تحدق بجانب وجهه بحقد : لااااااا , انا ما قلت هيك , يالله منك , انا ..

قطع كلامها بعد ان اقترب من اذنها :شششششششش , بمزح معك , بس احنا حاليا بالفندق , و المفروض عرسان , و ما بصير نختلف و اصواتنا تطلع من اول يوم .

ترك يدها و تقدم لكي يطلق الحرية لبسمته , التي لم يعد قادر على كتمانها : اذا بدك استني هون لأخد المفاتيح من الرسبشن .

التفت اسيل حولها ترى الوجوه المحدقة بها , و لم تعلم هل كان بسبب انها ترتدي فستان الفرح , ام لأنه صوتها كان مرتفع . لم تستطع تحمل التحديق لوحدها اكثر من ذلك , فما كان منها إلا ان لحقته و التصقت به و هو يقف عند زاوية الاستقبال .

جواد و معالم المرح مكتسحه وجهه : اه , حلو نمثل دور العريس و العروس , بس اتوقع هيك مبالغ فيه , هههههههههه .

اسيل و هي تبتعد عنه قليلا : بالله شو , ليكون مفكر اني ميته عليك ...

جواد : لاااااااا ابدا , بس بدك كثير تدريب لحتى ...

التفت و اخذ المفتاحين من المضيف : اه , يسلموا

المضيف : لا الشكر لحضرتك , رح يساعدك محمد اذا بدك ؟

جواد : لا ما في مشكله , اي غرفة حجزت لي ؟

المضيف : انا فهمت من المدام انك بشهر عسل !

جواد ببسمة : امي اتصلت عليكم ؟؟

المضيف : نعم , و اكدت الحجز لغرفة العرائس .

جواد : اااااه , يعطيك العافية , ما في داعي تغلب محمد بعرف الطريق لحالي , شكرا علي .

المضيف : لا ولو , هاد يوم المنى , صدقا فرحنا لك كثير .

قالها بمشاعر واضحة , مما استدعى ان يقابله جواد بمشاعر بنفس الود : ان شاء الله عقبالك يا علي , و الك مني جناح العرائس اسبوع , و شهر عسل .

المضيف : اذا بكرا بدي اتجوز .

جواد : ما في مناع , المهم انت انوي .

اكمل جواد و هو يلتفت : يالله ما بدي غلبك اكثر , و الله يعطيك العافية .

اتجه نحو المصعد و لحقت به اسيل , التي اثارت المحادثة فيها الفضول : جواد

جواد : مممم

اسيل : جواد , انت بتعرف هاد الشب ؟

جواد : اه ليش؟

اسيل : ما بعرف , بس حسيت انه انت و عيلتك بتعرفوا .

جواد : ههههه , الفضول النسائي ما بتغير ..

اسيل و عادة لتصغير عينيها : اه اقنعني انه كمان انتم الرجال الفضول معدوم من عندكم .

جواد : لا مو معدوم , بس مش مصرح به , و لا كمان بشكل مباشر .

اسيل : لأنكم بتحبوا التعقيد , الطريق المباشر اقصر طريق .

بعد ان دخل جواد : بس نتائجه غالبا مو مضمونه .

اسيل : المهم انك حاولت , و اثبتت موقفك , هسا اذا غيري بده يغلب حاله هو حر .

قالت جملتها الاخيره مع رفعت كتف للأعلى و انزاله , نقر جواد رقم الطابق : بجوز يفكر انه الك نية ثانية من طريقتك المباشره , ممممم , او انه يتفاجأ اساسا و ما يعرف جواب , و غير هيك يمكن نواجهه بشي اساسا عمره ما فكر في , لهيك بعطينا اجابه متوقعها , و مو ضروري تكون صحيحه , لأنه ما واجه حاله بهيك شي .

اسيل : ممكن , بس هو بيعرف موقفك على الاقل , و اذا غير رأيه ممكن يرجع و يوضح .

جواد : بجوز يخاف يوضح لانه ممكن و غالبا هاد صعب لأنه فقدك او انه ما بهمه يوضحه .

قال جملته الاخيرة بتركيز غريب , و كأنه منحنى الكلام لديه تغير .

اسيل شعرت انه الكلام اخذ محور اخر , و كأنه جواد يتحدث عن شي حدث فعلا , ربما يتحدث عن تجربته السابقة مع حبيبته .

فتح المصعد و خرجا , اكملت اسيل حديثهما رغم انها شعرت بالضيق مما سوف تقوله : مع هيك الاستسلام و تخاذل مرفوض , على الاقل انت بتدين بحق حالك انه توضح موقفك و تكون صادق امام نفسك قبل الطرف الاخر , و من الاخلاق اذا انت ندمت او غيرت رأيك , على الاقل تبرر موقفك اذا ما احتاج الموقف للاعتذار .

جواد و هو يريد ان ينهي النقاش , فما قالته اسيل اشعره بالانزعاج و قليلا من الخوف : يلي بسمعنا شو بنحكي هسا بينصدم انه حجزنا غرفة العرايس , هههه , و غالبا بدلنا على غرفة الاجتماعات .

اسيل بضحكة مغبونة : هههه , مش غلط لأنه اساسا عقد عمل اكثر منه زواج .

جواد بعقله " شكرا كثير بكل لحظة بتذكريني بغبائي " : اكيد .

و بعد ان وقف امام باب غرفة و فتحه , افسح لها لتدخل واشار بيده الى الداخل مع انحناءة بطريقة مسرحية : تفضلي سيدتي .

اسيل مع بسمة على وجهها : شكرا لك سيدي .

ترمي حذائها من قدميها , فبسببه قدميها تورمت , ثم تنزل غطاء العباءة الذي سبب لها اعاقة الرؤية كثير , و تدير نظرها بالغرفة التي كانت واسعة جدا , و يحتل السرير الملوكي فيها مكان كبير , و كأنه خارج من قصة الف ليلة و ليلة , بل الغرفة و ديكورها اقرب الى القصص الرومانسية ,بمعنى اخر هو حلم كل اميرة يترجم واقعا .

جواد : كملتي يومك الملوكي ؟؟

اسيل : يومي الملوكي ؟؟!!

جواد : اه , مو انت حكت لي لازم تكوني اميرة بيوم عرسك ؟؟

اسيل : لا انا ما حكت عن حالي , انا حكيت البنات هيك بدهم ؟؟

جواد و هو يرمي نفسه على الكنبة , و يرمي ربطة عنقه بجانبه بعد ان فكها من على رقبته , مع بسمت على وجهه : افهم من هيك انت مو بنت ؟؟

قالها بطريقة متفاجأة , اسيل و ملامح الانفعال على وجهها : بتغير الكلام و بتمحوره على كيفك , انا ما قلت هيك , انا قصدي انه ما بعتبر هاد اليوم مثل ما البنات بعتبروه ..

جواد مع رفعت حاجبه : ليش ؟؟!! , انا بعرف انه اتفقنا يكون يوم من الاحلام , و نقنع الكل هيك .

اسيل : اه صح , بس انا فعلا ما بهمني , يعني بتكيف مع الموجود .

جواد بعد ان اخذ نفس عميق : فيك تروحي تاخذي حمام , ألا اذا بدك اخد الحمام قبلك .

اسيل بتردد و خوف : انت وين بدك تنام ؟؟

جواد : وين الناس عادة بناموا ؟؟

اسيل : جواد انت عارف انا عن شو بسأل .

جواد : هههههههه , بما اني عارف عن شو بتسألي , ما في داعي للسؤال اساسا , شايفه الكنباية شو حلوة ؟؟

قالها و هو يتلمس الكنباية بطريقة مضحكة , اسيل : هههههههههه , ما رح اكون مضحية و ابدل معك طبعا , انت الرجل و لازم تضحي .

قالتها بطريقة مغرورة , لا تعلم لما كانت تريد ان تؤذيه بأي شي , كل ما تعرفه , انها تريد ان تشعره بقليل من القهر الذي تشعر به .

جواد : هههههههه , ما توقعت منك شي غير هيك .

هنا انقلب السحر على الساحر , قهرت اكثر , اسيل : فيك تاخد حمامك قبلي لاني بدي افك تسريحتي .

جواد و هو يقف باستعداد و تأهب : اااااااخ ريحتني , لانه جد ما في ببالي ألا حمام اريح حالي في .

اسيل مع بسمة مجامله ترسمها على شفتيها : لا ولو تفضل .

ادار جواد ظهره و تناول حقيبته من على الارض و توجه الى الحمام : يسلمو كثيـــــــــــــــر يا اميرة .

رفعت اسيل فستانها و مشت باتجاه المرآة , و لكنها التفت بعد اوقفها صوت جواد الذي قال : اه صحيح اسيل

اسيل : خير .

جواد مع رفعت حاجب : مالك ؟؟ شو في ؟؟ ليش طريقة كلامك هيك ؟؟

سيطرت اسيل على انفعالاتها بعد ان تنهدت قليلا : لا ما في شي بس سرحانة .

جواد : اه , المهم بدك افك رباط البرنس ؟؟




برأيكم هل سوف تنسى اسيل رامي و تحب جواد؟؟!!