سلام
أخباركم
وجبت لكم بارت
سيتضح خيط من خيوط أبطالنا
وسيكون هذا البارت جواب لمن يسأل
بارت ملئ بالأحدات ومشوق
قراءة شيقه
لاتحرموني من التوقعات لأنها تشجعني كثير
ممدخل
فارقت? فرقى ما هي بس شهور
فرقى عُمر ما عاد فيها تلاقي *'
قفلت الجوإل ع صوت خصام وصوت بدأ يرتفع طلعت من غرفتي واطالع حولي مافي حد قربت من الدرج وكان صوت مصعب عالي ويخاصم حد نزلت أجري وقفت بنص الدرج وكان مصعب ماسك الحارس من بلوزته ويصرخ عليه
أنا حاطه يدي ع قلبي من الخوف نزلت باقي الخطوات وقفت ورا مصعب أبي يفك الشخص بيموته
مصعب وايده ع الحارس/انطق متأكد تدري وش تقول
الحارس بصوت رايح/والله متأكد
مصعب يهزه/هذا اخوي شلون شلون قلي
أنا قال اخوي جسمي يرجف مو عارفه ليه ليكون متعب صار له شيء تقدمت وصرت جنب مصعب وقلت
روزا/متعب وش فيه تكلم
مصعب وإلغضب عمى عيونه خنق الحارس أكثر وصار يضرب فيه كفوف /انت اكيد تكذب مستحيل
مسكت يده واحاول يوقف ضرب بس دفني بقوه رجعت لورا أخذت نفس هذا بيموت الرجال ناديت الحراس كانو خايفين يتجرو بس أنا صرخت عليهم يوم شفت خوفهم ومو قادرين كانت في مزهريه بنص الصاله رحت لها وطيحتها ع الأرض أصدرت صوت عالي لف مصعب علي والكل طالع فيني نزلت للأرض وأخذت قطعه صغيره وعيوني ع مصعب قربت القطعه ليدي ؤقلت
روزا /والله لو ماابتعدت عنه بدخل هالقزاز بيدي
وصرخت انت مجنون تبغى تقتله مو كفايه أنا مصعب أبعد عنه
في الطرف التانيه مصعب دف الرجال ع الأرض وقال بنبرة تهديد /والي خلقني لو طلع إلي قلته غلط لتدفع الثمن غالي
لف ع جهتي ؤانا قمت بسرعه خفت ع نفسي وشلون سويت كذا قرب مني وجرني مع يدي نطلع فوق
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::
وإقفه بنص الغرفه وانا مقهوره من حركات موسى نزلت جسمي بالأرض ؤانا مأخليت سب إلا وقلتها يحب يرفع ضغطي لفيت الملابس إلي رماها عناد بالأرض وحطيتها فوق السرير عشان ارتبها وادخلها الدولاب لفيت ع صوته وهو خارج من غرفة التبديل والابتسامه ع وجهه بموته قسم بالله
موسى ببتسامته/أي طبقيها ودخليها زين بالدولاب ؤبعدها روحي غرفة التبديل رتبيها
بدريه وتجلس ع السرير/بس هي مرتبه
موسى/الحين حست فيها وصارت مو نظيفه
بدريه/نعم ليش طفل
موسى يحرك حواجبه/أي طفل ويحتاج راعيه
قرب مني وحرك حواجبه بزياده وطلع طرف لسانه دفيته بقوه وقفت
بدريه/أنا مو خادمه عندك مو جايبني أنظف عندك عندك اثنين خادمه تحت خليهم يجو ينظفو
موسى يضحك عشان يستفزني /ههههههههه مين زوجتي أنتي مو هم وبعدين ياحلوه أنسى الدلع وأنا الحين طالع مشوار مهم أرجع أحصل الغذا جاهز وبأنواع مختلفه وياويلك لو عرفت أمي أو آلجوهره أو الخادمه سوته راح أسود عيشتك
بدريه ترفع حاجب/انت تدري ماعرف أطبخ ولاتجلس تتآمر علي سامع
موسى يحط يده بجيب البنطلون وهو خارج من الجناح/خليني أرجع وقتها شوفي وش بيكون التصرف معاك يلا سي يو
رفعت الثياب إلي بالسرير ورميتها بالأرض من القهر وأنا ادعي فيه الكلب يبيني استغل عنده حقير هذا كله عشان ينتقم سمعت صوت الباب حد يدقه رفعت الثياب بسرعه وجريت ع غرفة التبديل رميتها ؤانا مفجوعه من شكل الغرفه أمس خلاني انظفه وكسر ظهري وشوف اليوم وش سوى النذل أوريك ياموسى أرجع بس
خرجت يوم سمعت حد يناديني ابتسمت ع طول
بدريه/هلا والله نور الجناح
آلجوهره/منور بوجودك اخبارك
بدريه تمسك يد آلجوهره ويجلسو ع الكنب/الحمدلله وانتي
آلجوهره/تمام
بدريه/وينك مختفيه
آلجوهره/تعرفي دوام
بدريه/الله يعينك
آلجوهره/أبي منك طلب
بدريه/غيوني لك
آلجوهره/تسلم عيونك زواج أخت صحبتي بكرا تجي معاي
بدريه/وين
آلجوهره/في دبي
بدريه/أها طيب بس مين يودينا
آلجوهره/موسى
بدريه/طيب أنا ماعندي لبس
آلجوهره/حتى أنا ننزل اليوم نشتري
بدريه/خلاص ثم
آلجوهره تبوسها/فديتك
بدريه/هههه فداك روحي إمممم عندي طلب
آلجوهره/أمري
بدريه/أبيك تنادي وحده من الخدم ينظفو معاي
آلجوهره توقف/خلاص الحين بنزل وخلي وحده فيهم تطلع لك
بدريه/تسلم ياعمري
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::
جالسه ع المكتب بغرفتي وفاتحه اللاب أزبط التصميم تبعي والدفتر جنبي وبيدي مرسام وبدأت أرسم وانسق مع التصميم إلي مسويته ياللاب رن جوالي رديت وخليت الجوإل بكتفي مثبت
روز/هاي
مايكل/أسف لم أعلم بتصالك كنت مشغول
روز /حسنا أين انت
مايكل/مع جين
روز/ماهذا الأزعاج
مايكل/حفله مقامه لعرض التزلج
روز تحط السيبكر وتخلي الجوإل بطاولة /واو جميل لم يخبرني حد
مايكل/أعرف بأنك مشغول بتصميم لهذا لم أخبرك
روز/أخبرني متى الرحله
مايكل/بعد ساعتين حجزت
روز/وحجزت لي شقيقتي
مايكل/نعم
روز/تستطيع ان تأتي أريدك بمهمه
مايكل/ماهي
روز/قابلني عند حديقة:::::::::: سأتي هناك واشرح لك
مايكل/حسنا إلي إلقاء
قفل مني وقفت قفلت اللاب ودفتر التصميم حطيته ع جنب سحبت المعطف ومفتاح الشقه وحقيتي وخرجت
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::
تقلبت ع فراشي مو راضي يجيني النوم وانا أفكر بوقفته ونظراته وسماره ابتسمت عدلت جلستي. وسحبت جوالي من الكمدينه ومتردده اتصل وألا لا بس انتهى ترددي بمجرد ماضعظ اتصال رفعته عند أدني انتظر صوته جاني صوته ألي باين انه نايم أحس قلبي من كثر مايدق بقوه ينسمع صوت النبضات كل إلي قدرت أقوله
::::::::::::/ أحبك
وقفلت الجوإل بسرعه رميته ع السرير وقفت انقز ع السرير من الفرحه ماتكلم معاي بس مجرد ماسمعت صوته أحس طايره من الفرح رميت جسمي ع السرير وحضنت الدبدوب بقوه
العنود/لازم يكون لي وراح يكون لي ونشوف
غمضت عيوني
:::::::::::::::::::::::::::::::::::::::::::::::::: :::::::::
في الطرف التاني مأقدرت أنام من بعد إلي سمعته من هذه رفعت الجوال عاشر مره اشوف الرقم واحاول أتذكر مين هذه وكيف يمكن تكون غلطانه بس من أمس تجيني رسائل كلها عن الحب معقوله تكون روزا مسحت وجهي وانا استغفر رحت الحمام(وانتو بكرامه)أصلي الوتر
:::::::::::::::::::::::::::::::::::::::::::::::::: ::::::::::
جايه ?سألين بعد م صدي?ي عام !
و بعد م نشف?ي بِـ الغيبا? دمي
كيف حالي ؟ و الله انا حالي ?مام
و كيف حالك ؟ هذا اخر همي ~o)
الأم/ها اتصلت ع مليحه
سلطام يقلب بالقنوات/ليش اتصل
الأم/وش ليش لاتنسى أنها زوجتك لازم تبين لها انك تحبها
سلطام/بس أنا ماحبها
الأم/سلطام لتصير طفل
سلطام/يمه تكفين لاتضغطي علي يكفي تزوجت وحده مابيها
الأم/وانت تبغى أم الرجال وقليلة الأدب تتزوجك
سلطام لف ع أمه وبعصبيه /يمه
الأم/لاتعال أضربني أحسن نعم الأخلاق هذه وانت ماتزوجتها رفعت صوتك علي
سلطام بنفاد صبر/يمه ممكن أسألك سؤال
الأم /أسأل
سلطام/وش قلتي لسلمى بعد الخطبه
الأم توقف/ماقلت لها شيء
سلطام يمسك يد أمه/لاتكذبي علي أنا فسخت الخطبه منها لأنه إنتي قلتي
الأم بمقاطعه/أسكت لاتجيب الماضي ومشاكله وأنساها تراها تزوجت وانت بعد متزوج ويم ملكة أختها كانت طايره من الفرح يعني بالمختصر هي نستك
سلطام وقف/صدقيني بيجي يوم واعرف وش قلت لها
الأم تطلع الدرج/اتصل ع مليحه تطمن عليها
جلست بالكنب أمسح ع شعري من القهر واستغفر فتحت ازارير الثوب ورجعت رأسي ورا واتذكر الموقف
كان محد قدي بهذا اليوم لأني خطبة سلمى خطبة حبيبتي وسويت احلى عشا بالاستراحه وناديت كل أصحابي ورجعت اليوم التاني البيت استغربت مافي حد سألت هيام
سلطام/وين أمي
هيام تتصفح المجله/قالت بتروج بيت سلمى
سلطام يجلس جنبها/ليش
هيام/ماقالت لي
سلطام يمسك يد أخته ويضحك/أحبك
هيام تحط يد ع جبهته أخوها/سلامات لتفكرني سلمى
سلطام/هههههه ياريت أنا كثير فرحان مو مصدق أني بتزوج سلمى
هيام تضحك/هههههه لاصدق
سلطام يرفع أخته ويدور فيها ويصرخ/أحبهههههها والله أحبها
هيام/نزلني ياغبي
سلطام ينزلها /ههههه أه قلبي يرقص
هيام تبتسم/جعله دوم يارب والله يوفقك
سلطام/أنا بحجز اليوم أو بكرا القاعه بسوي الزواج الشهر الجاي
هيام/ليش مستعجل
سلطام /اخاف تطير مني ياهبله
هيام/كيف تطير وهي الحين خطيبتك
سلطام/أقصد يصير شيء اخاف
هيام/فالك ماقبلنا
سلطام/ياجبي لك
هيام توقف/أنا بطلع أنام شوي
سلطام يشوف ساعة يده/دجاجه
هيام/من الصباح صاحيه
سلطام/عوافي
طلعت هيام وشوي أمي جت وكنت ابتسم بس اختفت ابتسامتي يوم شفتها ترمي العبايه بعصبيه الأم/اقسم بالله لو تفكر تتزوجها راح تنسى اني أمك
سلطام يوقف/مين تقصدي
الأم/سلمى
سلطام/يمه وش هالكلام
الأم/إلا سمعته
سلطام/أمس كنتي فرحانه وش فيك الحين قلبتي
الأم بعصبيه/كيفي مزاجي
سلطام /يمه أنا ابيها وخطبتها وزواجنا الشهر الجاي
ألام/سلطام أنا امك واعرف مصلحتك سلمى ماتنفع لك
سلطام/وليش ماقلتي من قبل
الأم/ الحين قلت ومابعد فات شيء
سلطام/بس أنا الحين خاطبها مستحيل إفسخ الخطبه
الأم/أسمعني أنا رحت وتفاهمة معاها بأدب وهي أصلا مجبوره ماكنت موافقه
سلطام/لاانتي جالسه تكدبي
الأم/سلطام تكذبني أنا امك خاف ربك
سلطام يجلس بالكنب وعيونه ع أمه/لاتكذبي هي تحبني وكانت منتظره هاليوم وانا مستحيل أفرط فيها
الأم تقرب من سلطام/والله يأسلظام لو ماتروح الحين وتقول لهم مابيننا نصيب والله يفتح لكم لا
مأقدرت أمي تكمل كلامها لأنها طاحت جلست بالأرض أضرب خذها ابيها تصحها صرخت بصوت عالي
سلطام/هيام هيام
جات الخادمه من صوت الصراخ ؤخافت/وش
سلطام/بسرعه جيبي بصل أو عطر بسرعه ونادي هيام
سلطام يضرب أمه بخفه/يمه تكفين قومي والله اسوي إلي طلبتيه بس قومي يكفي ابوي راح هيام مالها حد لاتخلينا والله بسيب سلمى عشانك بس قومي تكفين جات الخادمه وقرب البصل لي أمه وشوي شوي فتحت عيونها
سلطام يحضن رأس أمه/الحمدلله الحمدلله يمه خلاص الحين بروح إفسخ الخطبه بس أهم شيء يرضيك
الأم تهز رأسها/الله يرضى عليك
جت هيام وانفجعت /وش حصل
الأم/ولاشي بس تعبت
سلطام يمسح دموعه /خدي أمي ع غرفتها خليها ترتاح
هيام/طيب طيب وانت وين رايح
سلطام يطالع أمه/مشوار وبرجع
دخلت سيارتي وحطيت رأسي ع الدريكسون وخانتني دموعي نزلت ع حالي شلون تغير أمس فرحان واليوم وكل حياتي بتصير تعيسه أبيها ماقدر أسيبها وماقدر أتزوجها مابي أمي تعصب علي كيف بواجهه أهلها وش أقول بس أمي تقول سلمى ماتبعاني أمي وش مصلحتها تكذب اكيد صح كلامها رفعت رأسي مسحت دموعي وشطحت بالسياره لبيتها وقفت عند الباب أحاول ارتب الكلام أو ع الأقل وش أقول وش بيكون موقفي تنهدت بضيق ودقيت الجرس بعد كم دقيقه دخلت المجلس وابو سلمى وزكريا يرحبو فيني مايدرو ليش جاي
نزلت رأسي ودمعه نزلت مني زي مادخلت أمس بالشموخ والبسمه ماتفارقني الحين بطلع بنكسار ودموعي مسحت الدمع مابي حد يلحظ رفعت رأسي واتصنع الابتسامه
عبدالله/قول وانا أبوك
سلطام/مدري وش أقول
عبدالله/قول وان شاء الله خير
سلطام/أتمنى ماتزعلو مني وألا تفكروني أني العب ويشهد الله علي أني أعزكم واتمنى النسب بس
عبدالله/بس وش
سلطام وقف/مابيننا نسيب أنا وسلمى والله يفتح عليها ويلا سلام
خرجت قبل ماسمع تحقيقهم اكيد بيقولو ليش مابي أقول أمي السبب مابي يقول ضعيف شخضيه أنا مو ضعيف بس إلا أمي ماقدر أعصي كلامها طلعت من عندهم وماقدرت أرجع البيت
:::::::::::::::::::::::::::::::::::::::::::::::::: ::::::::::
هيام تضرب فخذه/هي وش فيك
عدلت جلستي وقف وانا أمسح دموعي /مافيني شيء
هيام/تذكرتها
سلطام بعصبيه/ماتذكرت حد والاتجيبي سيرتها مابي أسمعها فأهمه
وش فيه هذا كاني قلت شيء أكلني جلست بالكنب وافكر إذا يجبها ليش تركها ليش أخذ أختها أنا مو عارفه كل شيء أحس لغز بالبيت هذا
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
مسترخيه ع الكرسي المقابل للمسبح ومغمضه عيونها وتاركه دموعها تعبر عن حالها يمكن تقدر تبعد إلي بقلبها ولو شوي
يد مسحت دمعتي رفعت رأسي وناظرت فيها
مليحه/حنيتي
سلمى تطالع المسبح/ع شو
مليحه تجلس بالأرض جنبها/عليه
سلمى/مليحه تكفين مو فايفه للهبال تبعك
مليحه/ليش خليتيني أوافق عليه ليش ماعترضتي ليش ماقلتي انك للحين تحبي تصرفاتك وكل شيء يدل انك للحين تموتي فيه
سلمى /لاانتي اكيد انجنيتي
مليحه/هذا إلي تقولي مافي زيه يوم ملكتي ماانتظر يشوفني حط الدبله والهديه بالمجلس وطلع دخلت ماشفت أحد هذا إلي تقولي بيسعدك يوم اتصل علي مايرد علي مايعبرني حتى صوتي مايبي يسمعه يرسل بس رساله أرسلت مصروفك ناقصك شيء ارسلي وش هو وانا بجيبه
لفت علي وعيونها تجمعت الدموع فيها/ماتقولي كيف بعيش بسعاده وهو يفكر فيك وهو يوم اتصل برقمك رد بكل لهفه ينتظر صوتك بس تفاجأ انه صوتي مو صوت حبيبته مو صوت قلبه ليش خلتيني أوفق ليش ماحاولتي تمنعيني مارح أسامحك إنتي بسببك حياتي بتكون تعيسه
حطت يدي ع أذني مابي أسمع شيء. ؤانا أحرك رأسي
سلمى/بس بس يكفي مالي ذنب والله مالي ذنب إنا أتعذب أكثر منك أنا أموت باليوم إكثر من مره أنا ماعاد أبيه هو مايحبني هو دخرب حياتي هو مااهتم فيني هو تركني هو رفضني هو باعني هو خلاني ادخل المشفي هو هو ولاشي الحين
وصرخت ولاشي تعرفي يعني ولاشي مابيك تجيبي طاريه ودموعها نزلت سيل
قامت مليحه وحضنت سلمى تحاول تهديها وتقرا عليها قرآن
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
مصعب يقفل الزارير بلوزته /جهزتي الشنط
طاح العطر من يدي ولفيت/ها
مصعب/وش ماتسمعي
روزا/وين بنروح
مصعب/بنرجع جده خلاص نستقر هناك
روزا تلف ع المرأيه ومانطقت بكلمه شلون أهرب يارب مو وقت سفره يقطع سرحانه مصعب حضنها من الخلف ونزل رأسه ع كثفها/وش فيك مو هذا إلي يرضيك
روزا وعيونها بالمرأيه /بس أبي أهلي
مصعب يلفها لجهته ويرفع رأسها/اهلك أنا
روزا /إنت ليش شفت أب أو أم تحب تعذب بنتها انت كنت ولازلت شخص ماعرفه شخص مجهول ماعرف ليش أنا هنا وليش تزوجتني ومنتظره طلاقي
حط أصباعه ع شفتها يمنعها تكمل/راح تعرفي راح تعرفي
حضني بقوه غمضت عيوني تاركه دموعي تعبر عن حالتي قلت/مصعب
مصعب/عيونه
روزا/أبي أمي ليش مااهتمت فينا ليش تركتنا
مصعب/قلت لك أنا امك وانا أبوك
روزا /بس أمي غير محد يجي زي الأم ابيها وحشتني مصعب
مصعب/أمري
روزا/خلي حد من حراسك يعرف مكانها ابيها
مصعب/لاتشغلي بالك بتحصليها واوعدك
رفعت يدي وحطيتها ع ظهره وحضنته أكثر ودموعي مارضت توقف
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: :::::::::::::::::::
كنت نازله من الشقه ورايحه ألفندق لأنه زواج صحبتي وصاحبي معاي يعني بنفس الكلاس هم من البحرين بس يدرسو بأمريكا معاي واليوم زواجهم دخلت محل الهدايه وأخذت الهديه إلي كنت حاجزتها من زمان مشيت وانا رجولي توجعني من التعب الفندق كان بعيد وقتها ماكان عندي سياره وقفت بنص الطرق انتظر تاكسي وقف لي وقلت له العنوان وطلعت كان جو السياره مره رأيقه ثكيف وريحت الدخان واغنيه كلاسكيه غفيت وماحسيت بنفسي لأنه الفندق بعيد مره صحيت لأنه حسيت بزعاج فتحت عيوني
والصدم أن رجال شايلني وكان عيونه علي ويطلعني الدرج رفعت يدي أضرب صدره أبي يسبني ومن كثر حركتي كنت بطيح بس تمسكت برقبته وراسي ع صدره وهو يطلع الدرج بعدت عن رأسي واطالع فيه كلمته أنقلش مارد كلمته عربي طالع فيني
روزا/هي أنت وين مو ديني فكني شلون أخذتني أتركني
:::::::::::/انكتمي
روزا تضرب صدره/أتركني وين موديني أتركني
كان في حارس وفتح باب الشقه ويوم دخلنا رماني ع الكنب
أنا وقفت بسرعه وجريت ع الباب حاولت افتحه بس مو راضي يده مسكت يدي ولفها ع جهتي
روزا/أبعد عني ماتخاف ربك أبعد عني
مصعب/اخاف ربي قبل ماشوف وجهك
وسحبني من يدي ودخلنا غرفه وصدمتي مأخلتني أتحرك كان في شيخ واربع رجال طالعت فيهم ورجعت نظري لمصعب أبي يفسر
مصعب يجلس/ياشيخ أبد
الشيخ بدأ يأخذ البطاقات وتكلم مع مصعب ؤانا للحين تحت ثاتير الصدمه مو فأهمه شيء
الشيخ يبتسم/مبروك والله يوفقكم
هنا مأقدرت أسكت صرخت عليهم/هي أنتو وش مبروك أنا مو وافقه أنا مابيه ماعرف أصلا ليش أنا هنا وماعرف مين زوجي حتى ياشيخ انت تعرف مافي زواج بهالطريقه
مصعب مسك يدي وجرني عنده/تقدر تروح
طلعو من عندنا الشيخ والرجال إلي معاه لف لجهتي مصعب وحسيت من عيونه الشراره
مصعب/أسمعيني يوم اكلمك أنا صوتك مايترفع علي وعيونه تكون بالأرض وألا راح ادفنك بنفسي وانتي الحين زوجتي وبالسر
روزا /وش تقول أهلي هذا مو زواج ؤانا ماعترف فيه وألاوراق بلها واشرب مويتها
مسكني من رقبتي ودفني ولصقني بالجدر وقال
مصعب/والله ياروزا أن حاولتي تعصي كلامي لتكرهي حياتك
روزا/كيف عرفت اسمي
مصعب/أنا أعرفك واعرف من تكوني ولاتسالي كثير
روزا/إنتي انجنيت أنا ليمكن أرضى فيك
مصعب /ليش أنا راضي عليك
روزا/وليش تزوجتني
مصعب/كيفي ومالك دخل
روزا بصراخ /لامو كيفك انت أنسان حقير وماراح أجلس هنا ولادقيقه
أعطاها كف اختل توازنها وطاحت بالأرض رفع رجله وحطها ع رقبتها/إذا تتمني اليوم إلي تكوني بقبرك طولي لسانك علي وشوفي مصعب وش يسوي
دفني برجله وطلع من الغرفه بعد ماقفل الباب رفعت جسمي وجلست أضرب الباب أبي يفتح اكيد انجن وش فيه كيف زواج كذا وكيف يعرفني وانا ماعمري شفته
:::::::::::::::::::::::::::::::::::::::::::::::::: :::::::::::::::::::::::::::::::::::::::::::::::::: ::::::::::::::::::::
بسفرة الأكل
موسى يأكل /الله يجنن وتعرفي تطبخي ها
بدريه كنت اشرب مويه ويوم قال كذا كحيت بقوه ضربني ع ظهري
الأم/بسم لله عليك
بدريه تمسح فمها بالمنديل/أحم
موسى/بيدو ياكذابه ليش تكدبي
بدريه/أكذب بشو
موسى/تقولي ماعرف أطبخ ومسوي دلع وبنهاية يطلع طبخك يجنن
بدريه/من قال أني طبخته
آلجوهره /إلا لاتكذبي إنتي سويتيه
الأم/هههه أي هي سوته
بدريه تطالع فيهم/أنا ماعرف أطبخ وماطبخت شيء إلي طبخه آلجوهره وساعدتها الخدامه
موسى يشرب العصير ويحط الكأس بالطاوله ويوقف/بعد ماتخلصي الحقيني
يمه جسمي يرجف وش ناوي عليه غبي ياريتني مشيت الكذبه أوف وش بيسوي يعني صرت أكل أقل من مهلي آخر الوقت عشان ينام آلجوهره وعمتي قامو وجلست أنا بالطاوله أكل براحه تقولو خايف أتعور سمعت صوت وهو بنص الدرج كنت اشرب العصير طيحت الكأس من يدي من الخوف
آلجوهره/بسم لله تعورتي
بدريه/ها لا
الأم/خلاص الحين تجي سيتا تنظفه
بدريه توقف/الحمدلله
موسى/بدريه تعالي
بدريه تلف له/بساعد سيتا وبطلع لك
موسى/لإتعالي أبيك بموضوع خلي ألي بيدك
أخذت الجوإل وماخليت دعاء إلا قلته من الخوف الله يفجعه زي مايفجعني حشى مو إنسان
وصلت جنبه جرني من يدي ودفني ع الجناح قفل الباب بقوه رجعت لورا من الخوف
موسى/الحين وش اسوي فيك
بدريه/ماسويت شيء
موسى يصرخ/كلمتي شلون تطنشيها أنا عندك طفل عشان ماتهتمي لكلامي
بدريه/أنا ماعرف أطبخ ومستحيل أطبخ لك الحين لازم أتعلم
موسى يمسكها من يدها/ويبغالك سنه عشان تعرفي
بدريه/:::::::::: ولاترد
موسى يشد ع شعرها/انطقي
بدريه تحط يدها ع موسى/أخ موسى توجعني أخ
موسى دفه ع قدام/هذه آخر مره التانيه بموتك كلمتي تتنفذ مع غير اعتراض ومن الحين تروحي تتعلمي لأني بعد كذا إكلي إنتي تسوي واذا استغفلتيني ليكون آخر يوم بحياتك
جلس ع الكنب وسحب الريموت وخلها ع امبسي ون أخذت نفس أحاول أهدي الرعب إلي فيني والله يخوف بلد مالت
موسى/جيبي حقيبتي من السرير
أخذت الشنطه واعطيته هي فتحها وكانت ملفات وحطها ع الطاوله قدامه وبدا يشتغل فيها أنا رحت الحمام(وانتو بكرامه)استحم وأبدل أهدي الأعصاب شوي
:::::::::::::::::::::::::::::::::::::::::::::::::: ::::::::::
الهنوف /لاجد
العنود/إنتي اكيد انجنيتي
الهنوف/بتروحي وألا كيف
العنود/يابنت أعقلي وش قلبك
الهنوف/وربي يجنن أبي لي مالي دخل
العنود/أفرضي متزوج والا مايبيك والا يحب
الهنوف/أصلا يطول هو يحصل سمو الأميره تحبه وبعدين حتى لو متزوج بآخذه وحتى لو يحب غيري بآخذه وحتى لو مايبيني بآخذه
العنود/أعود بالله نشبه
الهنوف/هههههه ها بنت خالي تروحي والا كيف
العنود/لو أدري كان ماجيت مزعجتني تعالي تعالي وبنهاية عشان اروح معاك
الهنوف تحرك حاجبه/ايوا لازم
العنود/أولا إلي عرفته انهم ناس ع قد حالهم يعني يالله يحصله لقه يأكلوها وتانيا ولاهم أبوك وأخوك متعب إلي يكره تقولي قاتله قتيله مارأح يوافق ع الزواج
الهنوف/إذا ع موضوع حالته الماديه أصبري كم يوم وتسمعي باسمه بالجرايد والاخبار انه رجل الأعمال وبعدين ماتلاحظي شلون متعب يكره وهو كل مأسالت عنه قالو مع مشعل مع مشعل ماتلاحظي
العنود/اكيد في شيء بينهم وانتي وش عليك المهم وش قصدك بعد كم يوم يكون رجل أعمال
الهنوف توقف وتلبس العبايه/إنتي أسألتك كثيره وانا أبي اروح ماصدقت انه بالبيت هو
العنود توقف/يابنت ليش تروحي بيته وانتي مإتعرفي حتى أخته
الهنوف/خليها علي بس إمشي
قلت لي جنيف يوصلنا وانا وإلعنود مستغربين من الحواري والبيوت إلي لو بس تحط أصباعك تتطيح الصراحه حاره مقرفه بجد الله يعين إلي يعيشون فيها
العنود ثثلتم/يع الله يقرفك ياشيخ
الهنوف/ياشينك لاتتمصخري كلنا عبيد الله
العنود/ليش أنا أتمضخر ع الأشكال وألا ع الحاره
الهنوف/لو كان عندهم فلوس كان ماجلسو هنا دقيقه أحمدي الله ع النعمه إلي عندنا
العنود/الحمدلله
جنيف/هذا هو البيت
لفينا رأسنا وعيوننا ع البيت كان لاباس به مو مره معدوم فتح لي الباب ونزلت أوصف لكم شكلي
لبسه بنطلون سكينه أسود وبلوزه مشجره بلون أحمر واسود وإلعبايه إلي احطها بس كذا ماسكرها والطرحه بس بنص الشعر وماالفه على رأسي وشنطتي إلي ماسكتها بيدي
عاد عيال الحاره والناس تجمعت لأنه شافت ثلاث سيارات ورا بعض وحارسين وقفه وفتحو الباب لي ونزلت العنود إلي سوت لثمه من القرفه ع قولتها بس عبايتها مفتوحه ولبسه بنطلون جينز وبلوزه ورديه والشنطه لونها وردي وقفت جنبي
العنود/مطوله تتأملي
الهنوف/معاي خوف ومعاي ضحكه ع شكل الشعب إلي متجمع
العنود/شوفي كيف أشكالهم اللهم لاشماته
الهنوف تلف ع جنيف/اذهبو جميكم لااريد أحد هنا وعند الاتصال تعال
جينف/لكن لابد بأن يحرصك أحد
الهنوف/لست بطفله معي العنود اذهب
جنيف يكلم الحراس ؤبعدها تحركة سيارتهم وراحو
العنود/يلا بتوقفي كل هالوقت
الهنوف تمشي بخطواتها المغتره والشباب يمدحو ع جمالها وع النعم إلي هي فيها وقفت عند الباب أخذت نفس وابتسمت رفعت أصباعها ودقت الجرس بحركه سريعه سوت لثمه واستغربت منها انفتح الباب
نهاية البارت
أتمنى ينال ع إعجابكم
لاتحرموني من تعليقاتكم
دمتم بخير أحبتي