[فيتامين سي]

البارت الخامس

.......................

لينا حالتها حاله تبكي من قلب مو مستوعبه اللي صار يعني منحرجه حدهاا عناد بالنسبه لها شي غيييير اكتشفت بهاليومين انه حب الطفوله والمراهقه جالس يكبر بداخلها وهي ماكانت معطيته فرصه يخرج ويبين نفسه لحد ماقابلت عناد بالمجمع وكل مشاعرها فاضت
مو قادره تفكر هني وبثواني اتصلت بالسايق يجيها حتى راح يجيها بدون ريتا
جلست تلبس عبايتها وهي مازالت تسمع صوت خالتها او ( ماماتها ) ام عناد
ام عناد بالصاله الثانيه كانت موصله حدها يعني حست نفسها خجلانه من ام لينا خجلانه من اعز صديقتها بعد اللي صار صح هو ماصار شي لدرجه انها تعصب هالكثثر بس عندها لينا بغلاة عناد اللي من قهرها ومن حرجها قمات تصارخ عليه من غير شعور وماهي حاسه باللي تقوله : انت اكيد استخفيت جالس تناظر بالبنت ولا على بالك انها مو محرم لك حتى مافكرت ولا حاولت تغض النظر هذا اللي ربيتك عليه
لكن الغلط مو مني ولا من تربيتي الغلط من جلوسك خمس سنين ببلاد الغرب تتطبعت باطباعهم ونسيت نفسك
كان صووتها عالي جدا وتصارخ لاول مره على عناد بعد ماصار اطوول منها
عناد مستغرب من كلامها ومو عارف شلون يبرر موقفه اللي قاهره انها تصارخ وتهاوش وهالشي مو مخليه يعرف يتفاهم معها
فجأة هدت امه وناظرت فيه بانكسار مابي اشووف وجهك وخرجت من الصاله وراحت للينا بالمجلس الثاني
شافتها مستعجله وهي تلبس غطوتها وخارجه
ام عناد : سامحني يمه يالينا والله انه
قبل تكمل ام عناد لينا تكلمت وصوتها رايح فيها : يمه واللي يسلمك مايصير اللي سويتيه انا عارفه ومتاكده انو مو قصده وانتي بعد متاكده اكثر مني
لانك تعرفين انتي ايش مربيه رجال من ظهر رجال وعمره عناد لاغلط لا عليك ولا على ضيوفك
فديتك يالغاليه انتي عصبتي عليه وشديتي معه لما شفتيني بكيت بس والله بكيت من الاحراج لا اكثر
اذا رجع وطلب رضاك عارفتك مابتكسيرين بخاطره وبتشرحين له مووقفك
ام عناد وهي تلمها لحضنها : ربي يحفظك لي < بوستها ع راسها
لينا : خجلت وباست يد ام عناد وهي تقولها : لازم اخرج السايق برا
ام عناد : طييب يابنتي الله معاك
........
بغرفة عناااد مو قادر يستوعب الثواني اللي مرت ؟ هو ايش صار لذا كله حاول يقلب الافكار بمخه ماقدر لحد ماسمع صوت اذاان الظهر راح توضأ وتجهز للصلاه وخرج من البيت وماقابل امه
..........
وبوقت ماكان عناد يفكر ويستفكر ولينا وصلت ع الباب شافت اخوها معاذ تو خارج من سيارته وقف قلبها
معاذ : من وين جايه ؟
لينا : من السوق اقصد بيت صديقتي < ماتعرف تكذب وخايفه بعد
معاذ : تستهبلين انتي
كل هالنقاش بنص الحوش
لينا وهي تراجف لانها عارفه معاذ لاعصب مايعرف امه : كنت عند صديقتي ورحنا السوق ورجعت حتى اسال خالتوو
معاذ طنشها وماعطاها وجهه : وهذا السكووت قبل الاعصاااااار

ثاني يووم الصباح صحى عنااد وتجهز ونزل للفطوور شاف امه جالسه تفطر قرب حب راسها شافها ماصدته

عنااد وهو يسحب الكرسي ويجلس : صباح الخير والسرور
ام عناد : صباح النور وهي تكمل : وين رايح من صباح ربي
عناد ومع سالفه امس نسى يخبرها انه بيداوم : الدوام توظفت بالمشفى
ام عناد : وهي تبتسم وكانه ماصار شي امس : بذمتك يابعد قلبي الف مبروووووك الله يووفقك ويفتحها بوجهك
عناد وهو يبتسم : امييين ويخليك لي مرووقه دايم وغمز لها
ام عناد فهمته وقبل ترد : جا وحبها على راسها وخرج قبل تقول شي
من امس تفكيره يودي ويجيب هو واثق فيها بس طبعه مايحب الحال المايل يخاف عليها من كل شي واي شي
هالزمن ماينظمن وهو يخرج ويشووف ويعرف بلاوي بعض شباب هالزمن مايتركون لا شريفه ولا ...
حاس بالتقصير من ناحيتها قام وقبل يشيل الفكره من باله اتصل بخوويه بالعمل
معاذ : الو السلام عليكم
: وعليكم السلام هلا وغلا معاذ
معاذ: هلا فيك شعلوومك وشعلووم مشعل
: كلنا بخير ونعمه بفضل الله خير ان شاء الله غريب متصل فينا هالوقت سالت عنك هنا قالو ماوصلت مو بالعاده تتاخر عن الدوام
معاذ : لا خيير ان شاء الله بس شووي حاس نفسي مو رايق للدوام بلغ ابو سلطان لو ماعليك امر
ابو مشعل : سلامتك ماتشووف شر ان شاء الله ببلغه لاتشيل هم
معاذ : تسلم والله ماتقصر
ابو مشعل : لاتقول كذا يارجال الناس لبعضهم وانت اغلى الناس
: معاذ : ماتقصر والله نردها لك ان شاء الله ياللى انا مضطر استاذن
ابو مشعل : فمان الله
معاذ : فمانه
في مكان تاني لينا مخها خلاص بينفجر خالتها من ساعه وهي تحن على راسها ليه اخوك ماجا اكل اكيد فيه شي مو عادته انتي مسويه مصيبه ومو طايق يشوفك ومدري شنووو وتعييد وتزييد في الكلام
لينا وهي تجاريها : لا والله ماسويت شي انتي شفتيني جيت من بيت صديقتي ورحت المطبخ وجدولي اليومي كان عااادي وهو من دخل معي ماجا لسانه على لساني
ام معاذ : شااااايفه انا قلت وراك مصيبه
لينا : والله ماسويت شي
ام معاذ وقبل ترد وتكمل كلمتها دخل معاذ
معاذ وهو يقرب لامه ويحب على راسها : صباح الخير يمه
امه ببابتسامه : صباح النور والسرور ويييينك يايمه مابينت من الصبح < تكلمه وهي تشوف لينا وقفت تصبح عليه
معاذ جلس ومسك يد لينا وجلسها بجنبه
لينا وهي مستغربه وتناظره وتناظر خالتها ؟ كانها تقول وشفيييه ؟
معاذ وهو يبتسم لها : وش رايك دام امي الحين بتروح لجارتنا ام محمود نخرج سوا
لينا بعدم استيعاب وبضحكه : جدد ونااااسه يالييييت
ام معاذ وبدت الغيره تشتغل : لا يا لينا الله يهديك انتي ناسيه ايش وراك
معاذ وهو عارف حركات امه : ماراح نتاخر يمه بنتمشى شووي ونرجع
ام معاذ باستسلام طيب بس ماتتاخروون
لينا ماصدقت : نطت وبوست معاذ على خده ثوااااني واجهز يااحلى اخوووو
معاذ وهو يضحك على خبالها وتفاجا من حركتها : الحين صرت احلى اخوووو وقبل شنووو
لينا وهي تصعد لغرفتها : قبل حلوو والحين احلى خخخخخخ
( معاذ كان جسمه حلو ورياضي كان لازم قبل يرووح دوامه يعمل رياضه كان يحس انه الرياضه اهم شي وبحكم طوله وعرضه جسمه مخلي له هيبه رغم صغر سنه يشتغل بالبنك والمظهر كان شي اساسي لقبوله بالوظيفه
جماله خلقه من ربي كانت بشرته قمحيه
وملامحه هاديه فيها جديه وضحكته دايم ابتسامه راكز وبنفس الوقت كان وقت المزح مزووح بس برزانه يحب شغله كثييير ويحب عائلته اكتر غيوووور جدااا )

جهزوو ولينا طبعا بعابايتها ومعاذ كان لابس