[bambolina]

المشاركة الأصلية كتبت بواسطة princess sara

سوري على التأخير يا نيفين
انا قريت الفصل اول لما نزل بس معرفتش اعلق غير دلوقتي معلش

الفصل بقى رائع جدااااا

كرم كل مرة بيبقى قاسي اكتر واكتر
بس شكلي هقلب عليه قريب بسبب تصرفاته القاسيه مع غزل
عارفه انه مجروح جدااااااااا وفاكر نفسه انخدع زمان وبيعمل المستحيل عشان مينخدش مرة تانيه ويقع تحت سحرها من تاني
بس هو مفكرش ثانيه انها مجروحه وبتتعذب اضعاف هو ما بيعذب
بس ازااااااي وهو فاكر انها عملت كده عشان تخدعه وتطلعه بصورة وحشه قدام اهله
بس غزل هتقدر تواجهه لوحده ؟؟
اذا كانت وهي وسط اهله وهو بيسمعها كلام زي السم ومستني اي فرصه عشان يجرحها ويفكرها باللي عملته
اللي هي اصلا بتحارب عشان تنساه
بس في نفس الوقت برضه كرم هيتجنن ويستسلم لغزل لانه بيحبها وهو عايز ينسى كل اللي حصل ويريحها ويريح نفسه
بس للاسف اللي حصل اكبر منه ومنها ومن كل حاجه

عجبني كلام كرم مع عمر
كان لازم يعرف سبب تغير اخوه ناحيته
والحمدلله كان سبب بسيط ... هو خايف على غزل لتتعب وترجع تسيبهم زي ما حصل قبل كده
بس اهو عرفه اللي بيحصل وهيحصل
وكمان عرف يرضيه وينسيه اللي كان بيفكر فيه
احسنت يا كرم ... بس احسنت في الجزء ده فقط

بس عمر صعب عليا وهو محتاس كده ومش عارف يضيف مين الاول ولا يعمل ايه
ههههههههههههههههههههههههه ههههه صح هو هيعرف من فين مين الكبير ومن الصغير ومين اللي لازم ياخد الاول الجو ده
ما في الاخر الكل هيشرب القهوة مع بعض
انا برضه بحتاس لما اتحط في الموقف ده
بس بعمل نفسي عبيطه ولا كأني واخده بالي

سراب انا خلاص فقدت الامل فيها
البت هتموت على احمد ومش قادرة تنساه ولا تطلعه من دماغها
ضعيفه قدامه .... بس معذوره هي بتحب وما صدقت انه ممكن يكون ليها زي ما كانت بتحلم

ويظهر ان احمد برضه مكنش قادر ينساها حتى وهو متجوز
يبقى لازمته ايه التفكير الكتير ... روح على طول واطلب ايديها قبل ما تتجنن وتروح تطلبك هي

الفصل روعه يا نيفين ... تسلم ايديكي
في انتظارك ان شاء الله

اهلا سارة
تصدقي اني مسجلاكي غياب وعليكي علامة اكس!! لأصلي غلاوية وبحقد!! بس ما تقوليش لحد
طبعا بمزح معاكي حبيبتي اهلا وسهلا فيكي بأي وقت انتي وتعليقاتك اللطيييفة
بستمتع جدا وانا بقراها
عفكرة يعني سراب ممكن تعملها جدا جدا ومفيش حاجة غريبة عليها
كرم أنت ظالماه هو لطيف وكييوووووت خاااالص بس محدش حاسس بيه
ربنا بسامحكم بقة!!