[اسطورة !]

الجزء الثاني والعشرون
...............................
في بيت ام مشاري
كل البنات موجودات تقريبا
جوري:معقووله العصر ولا جت
فوزيه:هو قال الصباح
ابرار:يمكن صار تأخير في السفر
جوري:حتى لو تأخير بيكون التأخير ساعه ساعتين مو 5 ساعات
فوزيه وهي تدق على ساامر
شادا:طيب دقوا على سامر
ابرار:امي تدق عليه
ايمان:والله اني ماني مرتااحه لهذي التأخيره
منار:قسم حتى انا
ايمان:ابرار انتي دقيتي على ارجوان
ابرار:ايه وجوري كمان بس ماترد
ايمان:الله يستر
فوزيه:ساامر وينك
سامر:هنا
فوزيه:وين هنا
سامر:قريب منكم
فوزيه:انت واارجوان
سامر:لا انا بس
فوزيه:يعني وديت ارجوان عند ابوها
سامر:لا
فوزيه:كييييييف وش قصدك بلا
سامر:انا رجعت للفندق ومالقيتها ولقيت الباب حق الغرفه مفتوح وشكل احد خطفها
فوزيه:ومن خطفها وكيف خطفها
البنات لما سمعوا كلمة خطف على طول جت ارجوان في بالهم
سامر:ماادري بس انا بلغت الشرطه وهم يتكفلون بالامر
فازيه:وليه رجعت وهي هناك
سامر:وش تبغيني اسوي انا الحين انتظر اتصال من الشرطه واذا جاء اي خبر برجع هناك
فوزيه:وليه ترجع هنا اصلا
سامر:عمتي لا تزودينها على الى فيني مكفيني شوفوني حطيت اغراض ارجوان عند الباب
فوزيه:طيب ادخل
سامر:ماني فاضي انا عندي اشغال
فوزيه:واارجوان
سامر:اذا دقوا على بعطيكم خبر وعلى فكره ياعمه انا طلقت ارجوان
فوزيه:وليييه؟
سامر:وش يضمن لي انها بترجع سليمه يلا مع السلامه
فوزيه وهي مو مستوعبه الى يقولها ظلت فتره ساكته وتطالع في الجوال
ايمان:وش صاار
فوزيه:طلقها
ايمان:ليييه؟
فوزيه:ارجوان انخطفت وهو بلغ الشرطه ويقول ان اغراضها عند الباب
جوري:لو صار شئ لااختي والله والله ان يندم وان يشوف شئ عمره ماشافه
البنات خرجوا عشان يجيبون اغراض ارجوان وقابلوا العنود عند الباب
العنود:ارجوان وصلت
ابرار:ادخلي
البنات قالوا للعنود كل شئ
العنود:مو رجال هذا
ايمان:امي قولي لمتعب
فوزيه:اخاف يسوي شئ لسامر
ايمان:فيسوي اصلا سامر يستاهل
.............................
متعب:والله ان يندم والله ان يشوف شئ عمره ماشافه
عناد:هد يااخي مافي شئ ينحل كذا
متعب وهو معصب:ايه انا بحلها بطريقتي والله ان يندم مدلل امه
رائد:اتصل عليه
سيد:اول كلم جهاد لان جهاد باقي هناك مارجع معنا امس
متعب انتبه لهذي النقطه ودق على جهاد
.............................
جهاد بعد مارجع من صلاة الفجر اخذ ارجوان وراحوا مطعم ياكلون فيه ورجعوا لشقه وبعد الظهر.جهاد اخذ ارجوان لمطعم عشان يتغدون
جهاد:وش تبغين
ارجوان:اي شئ انا قلت لك ماني جوعانه
جهاد:طيب انا بختار لك..وناد الجرسون واخذ طلبه
جهاد وارجوان جالسين ينتظرون الطلب
جهاد:ممكن اسألك سؤال؟
ارجوان:تفضل
جهاد:ليه رفضتيني بعد الى قالته لك لارا
ارجوان:لاسباب كثيره
جهاد:اكثر من هذا السبب
ارجوان:ايه
جهاد:طيب قولي لي يمكن اساعدك فيها
ارجوان:مااعتقد
جهاد:جربي
ارجوان:مع اني واثقه ماتقدر تساعدني لكن ابوي عرض على انه يجيب امي وياخذ لها بيت عشان جوري تعيش مع امي وانا مابغى اضيع هذي الفرصه
جهاد:وتضحين بسعادتك عششان جوري
ارجوان:اكييد
جهاد:وشوفيك الحين لما وافقتي عليه اعتقد حالتك صارت اسوء
ارجوان:هذا شئ مالك دخل فيه
جهاد:اسف..والاسباب الثانيه
ارجوان:جهاد
جهاد:هلا
ارجوان:ماتصورتك نذل كذا
جهاد يطالع في ارجوان مستغرب من كلامها :نذل؟؟
ارجوان:جهاد اذا كنت تحب مشاعل ليه مااخذتها ولا مشاعل ماضي وانا الحاضر او مشاعل لتسليه وانا نقطه في حياتك
جهاد بأنصدام:مشاعل انتي تعرفينها
ارجوان:ايه اعرفهاا
جهاد:بس انا مـ..وقطع عليهم الجرسون جايب الطلب
لما راح الجرسون دق جوال جهاد
جهاد:الوو
متعب:جهااد
جهاد:هلا متعب
متعب:جهاد..وقال له كل شئ قاله سامر
جهاد:طلقهاا؟؟
ارجوان طالعت في جهاد تبغى تعرف وش قال له متعب
جهاد:خلاص خلاص انا بتصرف من عندي ولا يهمك
متعب:اعتمد عليك ياجهاد
جهاد:ولا يهمك وانااخوك
متعب:اوكي واعطني الخبر اول بأول
جهاد:ابشر يلا مع السلامه
متعب:مع السلامه
جهاد قفل الخط:طلقك؟
ارجوان:من قال لك
جهاد:كنك سمعتي من اكلم انا
ارجوان:وش عرف متعب يمكن قالها بس عشانه يكره سامر
جهاد:ليه ماقلتي لي انه طلقك
ارجوان:وش بتسوي لما تعرف شوفك عرفت وش راح تسوي
جهاد:ماراح اسوي شئ على العموم يلا تحركي خلينا نرجع الشقه..وقام
ارجوان:ماابغى ارجع
جهاد:كييف؟
ارجوان:الى رد يعني سمع
جهاد:ارجواان اول تقولين ماابغى اخرج من الشقه والحين تقولين مابغى ارجع
ارجوان:كيفي ابغى اسوي الى ابغى
جهاد رجع يجلس:يلا ننتظر نشوف لوين تبغين توصلين
ارجوان:وين بوصل يعني ابغى اجلس هنا واشرب العصير عندك مانع
جهاد:لا.تفضلي كملي عصيرك
ارجوان:ابغى اروح مكان ثاني
جهاد:وين تبغين تروحين
ارجوان:ابغى اروح السوق ابغى اتمشى شوي
جهاد:يعني ماتبغين تشترين شئ
ارجوان:تشوف شنطتي معي
جهاد:بس انا هنا اقدر ادفع
ارجوان:مابغى..وقامت جهاد لحقها..ارجوان صارت تتمشى في السوق وتتلفت من هنا الى هناك وهي مي عارفه ليه تسوي كذا.رجعت الشقه وحطت راسها وطلبت من جهاد يوقت الساعه حقت جواله على الساعه 2 الفجر
..............................
صافيه الى كانت خايفه من الخطوه الى بتسويها كانت تنتظر خالد.لما دخل خالد صافيه راحت عنده
صافيه:خالد
خالد:نعم..مارجعوا البنات
صافيه:هااه لا باقي
خالد:وش في وجهك متقلب كذا
صافيه:هااه لا بس شوفت هذاالظرف عند الباب خدامه جابته
خالد اخذ الظرف وفتحه وهو يقرا فيه راح وجلس رفع راسه لصافيه صافيه خايفه من ردة فعله لان شكله صاير يخوف
خالد:من الجايبه
صافيه:مدري الخدامه لقته عند الباب
خالد قام بهدوء وراح غرفته صافيه حست انها سوت اكبر غلط في حياتها لانها اول مره تشوف خالد بهذا الشكل
..............................
عند البنات جالسين ينتظرون اي رد من متعب
ماكان في بيت ام مشاري الى جوري وابرار والعنود وريناد وحور وراما بما ان هذا بيت عمهم
ريناد:ماجاكم اي خبر من متعب
ابرار:لا جالسين ننتظر
راما:اوووف والله ان هذا السامر مايرح قسم
حور:وانا حسبالي انه رجال كفو طلع خرووف
العنود:من يومه خروف الله لا يوفقه
...............................
متعب وهو ينتظر اتصال من جهاد ويسولف مع الشباب
وكل شوي وهو يطالع في جواله مشاري كان معهم وهذي اول مره يقعد فيها مع الشباب بس عشان ينتظر اي خبر من جهاد
مشاري:متعب مادق جهاد
متعب:لا
بشار:انتم هدو وان شاء الله يجيكم خبر منه تعرفون جهاد بيسوي الى يبغى حتى لو يبغى يطلع ابره من كومة قش بيطلعها
متعب:ايه اعرف
...............................
جهاد يطالع في الساعه لما صارت 2 قام وراح دق على ارجوان
ارجوان مانامت كانت تنتظر الساعه 3 لما سمعت صوت الباب راحت بشويش تشوف مين لقته جهاد حطت الطرحه على راسها وفتحت الباب فتحه صغيره
جهاد:يلا ارجوان جاهزه عشان نمشي
ارجوان:ايه يلا..وخرجت وقفلت الباب بالمفتاح واعط المفتاح لجهاد
جهاد:يلا اسبقيني تحت بتلقين سياره سودا تنتظرك اركبيها هذي سياره من الشركه
ارجوان:طيب..ونزلت ولقت السياره وركبت فيها
جهاد بقي دقيقه وركب السياره
جهاد يكلم السواق:روح للمطار بسرعه
السواق:حاضر
ارجوان:بنرجع الحين
جهاد:ايه انا كلمة متعب وقلت له اننا جاين
ارجوان:متعب بيستقبلني
جهاد:ايه هو ومشاري
ارجوان وكأنها حاسبه بالراحه اخيرا بترجع للبيت
جهاد:ارجوان
ارجوان:نعم
جهاد:اذا تقدمت لك مره ثانيه بتـ..
ارجوان قاطعته:اكييد لا
جهاد:لييه؟ ماعندك الحين اي سبب ترفضين له
ارجوان:جهاد الله يخليك لا تجبرني انا لاغيه هذي الفكره من باالي
جهاد:اسف
...............................
مشاري:جاين
متعب:ايه يقول لقيها
مشاري:وين لقيها
متعب:ماادري لكن المهم انها بخير
مشاري:الحمد الله..خبر امي
متعب:طيب
..............................
بعد ساعه تقريبا جهاد واارجوان صاروا في الطياره
ارجوانجلست في المقعد الداخلي
ارجوان:بتجلس هنا
جهاد وهو واقف يطالع لاارجوان
كان فيه شخصين ياراقبونهم رجال وحرمه
الرجال(سعد):تبغى اساعدك في اي خدمه
جهاد لف لصاحب الصوت وشاف الحرمه جنبه
جهاد:اممممـ يمكن تقدر تساعدني
سعد:امر
جهاد:ممكن تخلي المدام تجي هنا
سعد:وليه ماتقدر تجلس جنبها
جهاد:لا مااقصد لكن انا ماني من محارمها هي زوجة اخوي واخوي عنده عمل وخلاني اجي معها
سعد:اهاا مي مشكله..ولف لزوجته..ملاك تروحين هناك
ملاك:ايه مي مشكله
ارجوان"اووف والله تعرف ترقع ياجهاد"
جهاد:اسف اذا كنت ازعجتكم
سعد:لا عادي مي مشكله
راح جهاد يجلس جنب سعد وملاك جنب ارجوان
ملاك:السلام عليكم
ارجوان:هلا والله وعليكم السلام
ملاك:كيفك؟
ارجوان:الحمد الله تماام
ملاك:انتم اجانب
ارجوان:لا سعودين
ملاك:هههه اسفه بس توقعتكم اجانب لان عيونك زرقا وعيون اخو زوجك ازرق فخمنت ان زوجك كذا
ارجوان:هههه لا سعوديين..وش اسمك
ملاك:انا اسمي ملاك
ارجوان:هلا والله ياملاك انا اسمي ارجوان
ملاك:هلا فيك
ارجوان:الى معك زوجك
ملاك:ايه سعد توني متزوجين
ارجوان:ماشاء الله كم لكم تقريبا
ملاك:اممممـ شهر
ارجوان:الله يوفقكم
ملاك:وياك يارب..وانتي وزوجك.كم لكم متزوجين
ارجوان:مالنا كثير
ملاك:اهاا الله يوفقكم
ارجوان جلسوا سواليف مع بعض من اول مااقلعت الطايره
جهاد:شكلهم مندمجات مع بعض
سعد:ايه زوجتي كانت طوال الوقت طفشانه وتبغى من تسولف مع احد
جهاد:ولقت الى تسولف معه
سعد:هههه ياحب الحريم للهدره
جهاد:يمكن لكن هي ماتسولف كثير
سعد:من تقصد؟
جهاد:الى جالسه جنب زوجتك
سعد:اهاا تقصد زوجة اخوك
جهاد:يب
اعلن الطيار ان الطايره راح تهبط ارجوان وملاك سوالفهم ماخلصت مااكتفوا بالسواليف اخذو ارقام بعض كمان ونزلوا مع بعض المطار
ملاك:يلا ارجوان اقابلك ان شاء الله قريب
ارجوان:ان شاء الله واول مااخذ جوال راح ادق عليك
ملاك:انتظرك..يلا مع السلامه
ارجوان:انتبهي لنفسك مع السلامه
جهاد:طيوبه هاه؟
ارجوان:يب غيرت نفسيتي
جهاد:حلو..حتى زوجها طيب
ارجوان:ايه..تدري تزوجة اخوك ولا اعرف عنه شئ طول وقتي معك
جهاد:ههههه اسف على هذي الترقيعه لكن وش بقول لهم
ارجوان:امممـ ترقيعه غبيه تقدر تقول زوجة صديقي
جهاد:مااتشرف اكون صديق هذاك القذر
ارجوان:ههههه
جهاد:كنت بقول زوجتي بس بيقول اجلس جنبها
ارجوان:زين انك ماقويتها
جهاد:ههه طيب خليني ادق على متعب اكيد ينتظرنا
جهاد دق على متعب وقال له انهم وصلوا
جهاد وارجوان خرجوا اكثر من المطار وقابلوا متعب ومشاري ينترظونهم عند الباب
متعب:جهاااد
جهاد:هههه كنك طفل شاف حلاوه
متعب:ارجوان وين؟.
جهاد:ماتشوفها
ارجوان:سلاام
متعب:الحمد الله على السلامه
ارجوان وهي طاايره من الفرح:الله يسلمك
مشاري:الحمد الله على السلامه
ارجوان:الله يسلمك
مشاري:انتي وجهك تبغين تعرفين معزتك عندنا
ارجوان:هههه يب يب
متعب:يلا امي والبنات ينتظرونك
..............................
في بيت ام مشاري
جوري:لقيوها
فوزيه:ايه يقول انهم في الطريق
ابرار:يالبيييه ماتوقعت اني بشتاق لهذيك الدبه ابد
العنود:حتى انا والله
راما:يالبيييه ياجوني
ريناد:متى تجي؟
حور:قالوا في الطريق
..............................
في السياره
متعب وجهاد وورا ارجوان وفي السياره الى وراهم مشاري
متعب:كيف لقيتها ياجهاد
جهاد:خل ارجوان تقول لك كل شئ..بعدين ليه مشاري جاب سيارته
متعب:لانه جاء بعدي
ارجوان:وين جوري يامتعب
متعب:عندنا حتى العنود وبنات عمي كلهم عندنا
ارجوان:اهااا
..............................
الصبايا كانوا بأنتظار ارجوان
متعب وقف السياره عند الباب
متعب:ارجوان انزلي بروح اوصل جهاد وارجع
ارجوان:اوكي..جهاد مشكور..ونزلت
جهاد:العفو
ارجوان دخلت الببيت ماحست الى البنات حاضنينها
جوري وهي تبكي:كلبه دبه حماااره ثوره غببيه
ارجوان:ههههه كل هذا شوق
ابرار:خوفتينا عليك
العنود:والله انك ماتستحين على وجهك
حور:بجد قليلة ادب خوفتينا عليك
ارجوان:ههههههه عندكم طريقه غريبه في تعبير عن شوقكم
دخلت ارجوان وقابلت ايمان وعمتها فوزيه
ايمان:وحشتينا يادبه خوفتينا عليك
ارجوان:لا زين انتي احسن منهم كلهم سبوني ولعنووني
ايمان:ههههه طريقتهم غبيه في التعبير عن شعورهم
ارجوان:وبقوووه
فوزيه:ارجوان جاك شئ
ارجوان:لا مافيني شئ
فوزيه ضمتها:خوفتيني عليك
ارجوان:ولد اخوك احقر مخلوق شوفته
فوزيه:يابنتي ماكان منتبه لك ويقول انه تأخر عشان كان عنده شغل
ارجوان:تأخر؟على ايش تأخر ماتدرين انه طردني من الغرفه
فوزيه:طردك؟هو قال انك انخطفتي
ارجوان:ويعرف يكذب بعد هو طردني من الغرفه وتقولين انخطفت كذااب..ماقالت لهم انه من دون عبايه وجهاد شافها من دون عبايه
ايمان:وكيف لقيك جهاد
ارجوان:جهاد هو الى حطني في شقه وراح حجز لي وتصرف في كل شئ مو ولدعمي المحترم
فوزيه:يعني ماانخطفتي
ارجوان:لا..عمتي..من هي ام سامر الحقيقيه
فوزيه حست ان مويه باارده انكبت فوقها
ارجوان:عمتي جاوبيني من هي ام ساامر
فوزيه:الى تعرفينها
ارجوان:تتوقعين انه الى اعرفها..انا بروح اكلم ابووي
متعب دخل للبيت والبنات كانوا مجتمعين
ابرار:هيييي متعب البنات هنا
متعب رجع لورا:سووري..دخلوا البنات الغرفه مابقي الى ابرار وجوري واارجوان وايمان
ارجوان:متعب ودني للبيت
متعب:الحين
ارجوان:لا يوم الدين ايه الحين
فوزيه:وين الحين
ارجوان:ابغى اعرف من هي ام سامر
فوزيه شكت ان سامر قال كل شئ لاارجوان خافت لا تصير مشكله لان اصلا هذي السالفه تقفلت من زمان وابو سامر مايعرف ان خالد هو الى احرق البيت عشان كذا قررت تروح معها عشان تغطي الى تقدر عليه
متعب اتصل على فواز عشان يجي ياخذ البنات
والعنود وفوزيه وابرار وايمان وجوري واارجوان راحوا عند خالد
...........................
في بيت خالد
صافيه:بسم الله انتم وش جابكم في هذا الوقت
فوزيه:وين خالد
صافيه:في الغرفه
ارجوان:ناديه
صافيه:خير وش فيه
جوري:صاافيه لا تخليني احط حرت الايام الى جلستيها معنا الحين روحي ناديه
صافيه مالها في المشاكل وراحت نادته
خالد:توكم الحين تجون
ارجوان:ابوي سامر طلقني
خالد بأنصدام:ايييش؟
ارجوان:الى سمعته
خالد:ولييه انتي وش سويتي
ارجوان:انا الى وش سويت ولا انت الى وش سويت
فوزيه:ارجوان خلي الكلام لبكره الحين انتي تعبانه وتحتاجين لراحه
ارجوان:جوري تدرين ان ابوك كان متزوج قبل امي
فوزيه:ارجوان خلي الكلام لبكره روحي ارتاحي الحين
خالد:ارجوان وش تقولين
ارجوان:جوري امي كانت زوجة ابوك الثانيه يعني صافيه زوجته الثالثه
خالد:صافيه الثانيه ياارجوان وش تقولين انتي
ارجوان:وام سامر ولا وش رايك مي ام سامر كانت زوجتك وتزوجتوا سنه وطلقتها ولما اخوك حمد تزوجها طلبت منه يطلقها لانك ماتبغى اخوك ياخذ طليقتك وانت الى احرق البيت تدري ان سامر يعرف كل شئ وانك انت الى قتل امه تدري ليه تزوجني الحين لانه يبغى بنتقم منك عن طريقي لكن من سوء حظه انك انت الحين في فتره غفله ماتدري انا وين ولا وين كنت ولد اخوك المحترم طلقني وطردني من الغرفه الى في الفندق وسمى نفسه رجال ورجع هنا وطلع بكذبه ان احد خطفني
خالد مو مستوعب الى يسمعه كيف ارجوان تعرف هذا كله وكيف سامر يعرف
ارجوان:اخوك حمد لو يدري الحين انك انت الى احرق البيت مابيخليك اكيد بيطلب بدم زوجته بس لا تخاف اذا طلب بدم زوجته بسوي لك تضحيه وبرفع لسامر قضيه مع انك ماتستاهل
ارجوان ماحست الى بكف طاير لها
خالد:احترمي نفسك انا ابوك وهذا الكلام كله كذاب من الى قالك عنه
ارجوان:متأكد انه كذاب متأكد
خالد:ايه متأكد
ارجوان:اجل ليه ماتروح تكلم حمد وتقول له انك تبغى حقك بكل هدوء وتفاهل وتخلي المحاكم..ولا صح هم مساكين والناس تلعب بمخهم مو هذا كلامك..ولا اصلا انت ماتبغى تطلب حمد في شئ ماتقدر عليه..انت خجلان من اخوك بعد السويته
خالد:ارجوان من الى قال لك هذا الكلام
ارجوان:البطل الى وثقة فيه وخليته زوج لبنتك هو الى قال لي كل شئ وهو مااخذني الى عشان ينتقم
خالد دخل الغرفه لبس ثوبه وطلع
فوزيه:خالد على وين
خالد طنشها وخرج
ارجوان:كنتي تعرفين انه هو الى احرق البيت
فوزيه:تبغين اوقف ضد اخوي
ارجوان:مافيكم اي اماانه تدرون من صار الضحيه احنى احنى ضحيتكم..وتأشر على ابرار والعنود وايمان وجوري..هذولا هم ضحيتكم الى من لحمكم ودمكم ضحيتكم
فوزيه نزلت راسها ماقدرت تقول شئ
صافيه الى حضرت الحدث كله دخلت الغرفه وراحت تدق على مشاعل
مشاعل:يعني قالت كل شئ
صافيه:ايه مشاعل اخاف خالد يكشف التزوير الى في الورقه
مشاعل:ماعليك حتى اذا كشفها مابيصر لنا شئ كلها بيروح عليهم الضرر وحتى لو اكتشف الكذبه بيتورط في الحقيقه
صافيه:مشاعل وش بيصير لخالد
مشاعل:هههههه ليه تخافين على حبيبك
صافيه:مشاعل مهما كان هذا زوجي
مشاعل:هههههه ضحكتيني والله من متى الحب ينمو في قلبك
صافيه:مشاعل حب ولا مو حب مو مهم انا اخاف على زوجي
مشاعل:ايه ايه طيب بااي
صافيه:لحظه مشاعل..مشاعل قفلت الخط في وجهها
...............................
خالد راح عند حمد البيت
خالد دق الباب وانتظر رد ودق مره ثانيه وثالثه اخر مرخ عامر فتح الباب
خالد:وين ابوك
عامر:نايم
خالد:قومه
عامر:طيب تفضل
خالد دخل المجلس وانتظر حمد..حمد دخل وشاف خالد
حمد:خير تجي في هذا الوقت
خالد احطى حمد الورقه
حمد:وش هذي
خالد:انا ماجيت عشان اعرف سبب طلاق ولدك لبنتي لكن ابغى اعرف من متى الشركه مكتوبه بأسمك ومتى ابوي الله يرحمه كتبه لك
حمد لما قرى الورقه انصدم:من وين جبتها
خالد:مو مهم من وين جبتها المهم انها قدامك
حمد:انا عندي ورقه مثلها لكن مافيها هذا االكلام
خالد:اجل وش فيها
حمد:فيها..سكت
خالد:كمل
حمد:المهم ان هذي الورقه مو حقيقيه
خالد:طيب ابغى اشوف الاصليه
حمد وخالد سمعوا صوت الباب حق البيت يتقفل
سامر دخل وانصدم لما شاف عمه موجود
خالد:حياالله سامر
سامر:ليه انت هنا؟؟
خالد:خايف اقول شئ عن بنتي تطمن زين انك طلقتها انا جيت بس اوضح امور بيني وبين ابوك
حمد:على اي حال خالد البيت له حرمات ومي حلوه تجي في هذا الوقت
خالد:ماني خارج لما تجيب الورقه الاصليه يلا اذا عندك صدق ورقه الاصليه
سامر:اي ورقه
حمد:عمك جاب هذي الورقه ويقول انها الاصليه
سامر:واذا كانت الشركه باسم ابوي..انت مدين له صح يااعمي
خالد:لا ماني مدين لااحد بشئ وهذي الشركه لي حصه منها
سامر:مفروض تعطي ابوي هذي الحصه مقابل اعتذار له
خالد:سامر انت لوين تبغى توصل
سامر:ولا مكان بس يعني ابغى انشط ذاكرتك شوي
حمد وهو يطالع لسامر يبغى يعرف لوين بيوصل ولده