[bambolina]

المشاركة الأصلية كتبت بواسطة غزل

السلام عليكم ورحمة الله وبركاته

بامبولينا

يعطيك الف عافية الفصل راااائع جدا...
تطووور كبيير صار للابطال.. وخاصة غزل..


كرم وغزل..
الوضع بينهم كان ماشي تمام... ووجود ماريا كان منيح لفترة طويلة.. الخطة كانت ماشية لصالح كرم ولصالح غزل كمان.. عمايل كرم اللي زي ما وصفها بانه بينفخ على الجمر حتى ما يطفي.. كانت سبب رئيسي بانه غزل تخرج من قوقعتها.. قوقعة اليأس وكره الذات.. بغضب انثوي كانت بتحاول تثبت وجودها قدام كرم.. ومرحلة من المراحل نجح كرم وبوادر انتصار كرم كانت واضحة.. الا انه السحر انقلب على الساحر في نهاية المطاف.. انها تنقلب بالشكل المأساوي هدا.. ما كان في خطط كرم.. وما كان في توقعاتها.. بس لو اتطلع لاعمق من حالة غزل الحالية وانهيارها المفاجئ.. الا انه هدا الاشي لصالحها ولو حاول قد ما حاول مش كان حيوصل مع غزل لهادي المرحلة.. الي هي انه غزل ولأول مرة بتحكي عن كل اللي صار معها خلال الاربع سنين الماضية... بغضب قدرت تطلع كل الغل اللي جواتها... اختفت نظرتها لحالها بانها شايفة حالها نجسة... بطلت تلوم حالها.. صرخت بكل القهر اللي في قلبها عن الظلم اللي اتعرضتله..
اي نعم كرم ما له علاقة بكل هدا.. وانه هروبه منها ووجوده في بلد غريب يواسي نساء تانية.. ما بتقدر تلومه عليه.. لانه وقتها كرم كان مظلوم زيها واكتر منها كمان.. ومش معقول انه يفكر بعقله وقتها لانها هدا اشي منافي للمنطق..
بس كرم بعد سنين من كره النفس والحياة رجع الها.. اي نعم في بداية الامر كانت نيته سودا اتجاهها.. وانه ما رحمها في اول ايامه معها.. الا انه حاول بعد هيك انه يتجاوز ألمه عشان يعالج المها..
الحلو في كل اللي صار -بغض النظر عن الحال اللي وصلت الها غزل لاني انا شايفاها طبيعية- الا انه غزل فالنهاية اتكلمت.. فضفضت.. لاكتر شخص هي محتاجاله..


أحمد وسراب...
زي ما قلنا قبل هيك تمسك أحمد المرضي في سراب ناتج عن فشل علاقته السابقة.. وانها اعتبرته التاني في سلم اولاوياتها.. فكانت سراب الحل الامثل حتى يحس احمد انه شخص مهم ومرغوب..
بس كيف دلال تكون حامل وما تقول لاحمد؟؟؟؟ والموضوع هدا من اشهر كمان؟؟؟؟
حاجة تانية لو احمد عرف انه دلال كانت حامل ايش كان حيعمل؟؟...
سراب معها حق تشك وتفكر بهادي الطريقة.. فعلا اي انا الفضول دابحني اني اعرف لو كان بعرف انه دلال حامل وهو هالحين متزوج من واحدة تانية شو كان حيعمل؟؟
ملاحظة اخيرة... سراب ما اخدت حبوب منع الحمل.. صحيح؟؟... وللمرة المليون عاطفة سراب اتجاه احمد بتغلب على كل تفكيرها.. او ممكن تكون بدها تحمل عشان تكون هي اللي قدمت لاحمد كل اللي بدو اياه.. بانها احسن من زوجته الاولى... << ولا اصفي النية يا نيفو واقول انه سراب بدها تسعد احمد وما هان عليها تشوفه متضايق عشان نفسه في ولد....


نيفين
الفصل غاية فالروعة وقد ما حكيت ما راح اوفيه حقه
ما تطولي علينا بلييييييييز
منتظرين الفصل القادم
ويا حبذا تصبيرة من هون لا من هون
تقبلي مروري
تحيتي لكِـ...

آه حبيبتي صفي النية والله هي شفقت عليه وحبت تعوضو عن ابنه اللي راح!!
سعيدة انك حبيتي انفجار غزول
وكمااان مطالبة بتصبيرة جديييييييد