[Mai sherif]

المشاركة الأصلية كتبت بواسطة bestqueen

اه يانى اه

معلش بقى مش بقدر اعلق يوميا لانى بتابع كذا فصل مع بعض نظرا لعدم اتاحة النت من المنزل والاستيلاء على جهاز العمل

براحتك يا كبييير

المهم بسى بقى يا مى انا بصراحة عجبنى قوى قوى قوى موقف ندى مع مسرومسز نميمة ضربة معلم بصراحة كتيير منا لاوقات بيحصل كدا فى اماكن العمل وبيتعمل منها افلام وغالبا الرد بيكون تجاهل لكن ندى ابهرتنى بصراحة بتصرفها وقفتهم عند حدهم بس للاسف النميمة هتكبر اكتر واكتر خصوصا بعد تقدم سى اسامة رسميا لها كده بقى هتبقى حفلات مش حفلة وزاحدة وهمز ولمز وحاجات كتيير ياترى ندى هتتعامل معاهم ازاى بقى

حفله وايها حفله ولا راس السنه

انا عجبانى شخصيةندى واقعية وبتتبع عقلها فى تقدير الامور وخوفها طبيعى جدا وتقريبا كل البنات بتفكر فيه ياترى هنجح ولا لا
بس فى حاجة بقى هتشيلنى يا مى
هو اسامة حب ندى امتى ان شاء الله



اكتر حاجة بكرها فى حياتى واحد يجى فجاءة كل الناس شايفين انه الشخص المنشود كده على طول بدون مقدمات
يافرحتى قريب الغتت وصاحب خالها هى ديه كل المعلومات عنه ونازل على اذنها بعبارات العشق والغرام خلاص بقى المفروض انها تقول يالا بينا نتزوج
مقابلة واحدة فى بيت خالها ومرة فى قراءة الفتاحة
البنت ماقعدتش معاه واتكلمت كلمتين على بعض ان افكاره ارائه اهدافه اى حاجة مشتركة او تتمسك به وتقول ده بداية كويسية
ده حتى جوزات الصالونات المقابلة الاولى والى بعدها بيكون فيها الكلام مع الناس الى زى ندى على الاقل المقصود بالى زى بالبنات الى ندى البنات الى بتفكر بعقلها مش هتموت على الجواز اى حد يخبط على بابهم بيقى العريس المنشود
ماشى حلوة قوى الحركات الرومانسية بتاعته سى اسامة بس اى الجوهر اسامة
وسوال ندى واضح وصريح هو سيادتك وقعت فى غرامها امتى ان شاء الله ، انا بحاول احلل الاحداث يمكن اعجبت بشخصيتها الحازمة معك مثلا ممكن بس ده مش مبر للعاطفية بتاعتك الاوفر ديه كانك طول عمرك تعرفها مثلا
وبعدين ايه مشوار الخطوبة بعد كام يوم من املوضوع ده مش فيه كام مقابلة كده لمعرفة مدى توافق العرسان او بمعنى اصح بعرفوا بعض لو حاجة طفيفة علشان يقدروا يكونوا فكرة ويحددوا يمشوا فى مشوار الخطوبة ولا لا
مش عارفة بس انا مش مستريحة لرومانسية اسامة الاوفر خصوصا والبنت متعرفش عنه اى حاجة

طنت اعتماد ديه اه يانى فى صور منها كتير فى الواقع
فرحة مامتها وبابها بها طبيعية وتصرفات امها بخصوص الشبكة نموذج مصرى اصيل هههههههههههههههههههه
انا بقى منتظرة اشوف بعد الخطوبة ايه الى هيحصل بالضبط
وبعدين تعال هنا ياعم الحاج كام شهر ايه لا متقوليش
هو البيه نظام بحبك بموت فيكى وشهرين نتجوز وخلال الشهرين تجهزى نفسك ولا نعرف نتكلم مع بعض غير عن الجهاز وبعدين ابوا جواز ابوا شخصيتك تظهر :7r_001::7r_001::7r_001::7r_001::7r_001:


محبى اسامة معلش سامحونى بس اليوميات واقعية جدا لبنت عاملة فى جيلنا بتقابل كتيير وشخصيتها العاطفية مخبيها وقافلة عليها بفقل حتى ياتى ابن الحلال ويكون زوجها ساعتها تفتح الباب مش قبل كده ولا حتى فى الخطوبة اعتقد ان ديه شخصية ندى
نرجع تانى لمحبى اسامة حركات اسامة الرومانسية حلوة وجميلة ولطفية حلو قوى ياترى بقى ديه طبيعته ولا هيتحول لكائن نمطى بعد الزواج محبب للروتين فاقد لمعانى الدلال مش الرومانسية حتى وده مش تجنى عليه الواقع بيقول كده الى بيكونوا مخطوبين وعاملين قيس وليلى بعد الزواج بيقوا نكد قديم للبيع لانهم ببساطة غرقوا فى عبارات الغزل والغرام ونسوا يعرقوا بعض كويس او يجدوا نقاط مشتركة ما بينهم بالتالى البنت رسمت لنفسها حياة السندريلا حتى الزفاف ولم تفكر بعدها والود فكر فى نفسه انه شهريار باتبعها لكل كلامه وانه سبع الرجال بفرض سيطرته عليها وده الى غالبا بيحصل

للاسف الحالة ديه منتشرة بكثرة لان البنات بيقا همهم الطرحة والفستان وانتهى والرجل عاوز يبقى عنده بيت واطفال وانتهى محدش منهم فكر هيوصلوا لهدف البيت السعيد المستقر
ديه بتيقى نتيجة الناس الى هايمين على نفسهم بدون تفكير فى المسئولية الى هيوجهوا او اى شىء اخر
فى حين هناك اخرين برضوا بيتعرفوا على بعض بطرق تقليدية بس بيخدوا فترة الخطوبة انهم فعلا بعرفوا بعض ويرسموا حياتهم القادمة ازاى مع مسئوليات الحياة علشان متحصلهمش صدمة لما يبقوا مسئولين عن بيت واسرة وفى نفس الوقت بيكونوا حلوين ورومانسيين بس بطريقة مقبولة

فى انتظار القادم :c hirolp_krackr:

اه وشكوزات على الوسام مع انى لا استحقه

معلش انا اسفة كتييير لو كلامى ضايقك باى طريقة هو انا كلامى طوبى يابنتى اسالى البنات يقولك ده العادى بتاعى مووووووووووووووووووووا

تسلمي على التعليق الدقيق الرائع ده
مستنيا ردورك المميزه