[Omima Hisham]

السلام عليكم ورحمة الله وبركاته

عزيزتي كاردينيا

يعطيك الف عافية على الموضوع هدا
وشكرا لمروى على فكرتها المميزة
واسمحيلي انتي وكل كاتبات القسم احكي الكلمتين هدول
طبعا في روايات بهدا القسم برأيي تفوووق روعة روايات مطبوعة ورقيا
وفي كاتبات مميزات جدا زي ما قلتي حضرتك

انا كنت من القارئات الصامتات وانا تاريخ تسجيلي قديم شوية بس ما كنت مهتمة في روايات الكاتبات هون كل تركيزي كان عالروايات الغربية
بس المهم لما بديت اقرا هون كنت صامتة جدا واكتفي باضافة رد جاهز
بعد هيك صرت اقل لحالي الكاتبات بتعبن في الفصول فمن حقهن عالاقل كلمة شكر او تعبير عن اعجابنا بقلمهن
بالاضافة انه الحوارات والمناقشات اللي كانت تصير بين القارئات كانت تجذبني جدا تعجبني جدا جدا


المهم اللي كنت بدي اقوله انه معك حق في موضوع انه الكاتبات يكملوا رواياتهم رغم قلة القارئات لانه هدا بترك قلق عن القارئات القلال اللي متابعات
بالاضافة انهن كاتبات مبدعات واسلوبهن رائع جدا

وزي ما قالت الالتزام بالفصول
وانا احم احم كنت اتابعك سابقا يا كاري عشان التزامك التام بالفصول كنت تنزلي فصلين تقريبا كل اسبوع واول ما بديت مهتمة اكتر بروايات حولتيهن لفصل اسبوعيا وهذا ان دل على شيء فهو يدل على نحسي الشديد :d :d
احم احم بس جدا الالتزام بيجذب القارئ اكتر خاصة اللي بتكون "بصلتهم محروقة"
وبتمنى من الكاتبات ما يوقفن هون الا ما ييجي وقت يزيد عدد المتابعين وهيك بتكون كسبت قراء حيرجعوا يقروا رواياتها القديمة

لانه لو دخلتي قسم الروايات المكتملة حتلاقي الروايات اغلبهن لكاتبات مستمرات فالقسم

طولت كتير ايش اسوي بلساني

بس عنجد في كاتبات بستاهلن كل خير
اي نعم الواحد احيانا بقصر في حقهن بس برضو الظروف بتحكم الحياة الواقعية بتجبر الواحد

تحيتي لجميع الكاتبات المبدعات.....