28-06-19, 12:03 PM
| #1 | ||||
 
|  لقد بكى من اجلك ......قلمي همس مبتسما عيون المها ...هالعيون الا فتنتني من يوم النظره مانسيتها تصدفين؟ ا نا مو مصدق ان كلها شهر ويجمعنا بيت واحد يارهف .. صمتت وبنظرتها جمود غريب ..اجابته بجفاء .. انا بستاذنك ماجد عندي شغل والله ... تجهم وجهه :رهف وش بيك ..ليه احسك تتهربي مني .. كل ما اتصل جوالك مقفل .. ارسل واشوفك متصله ..ماتردي انا سويت لك شي..؟؟ رهف انا اموت في النراب الاتمشي عليه ... زاد جمودها بقلك من رخصتك فيني صداع.. غادرت غرفة الجلوس ..وطلعت .وهو ينظر لها .. ولتلك الهدية الرائعة التي سهر عليها طوال الليل لجل يكتب ارق كلمات الحب عليها ...وكيف تناولتها منه كأي شي لا قيمة له.. حتى انها لم تكلف نفسها بالنظر اليها .. بل تركتها ع الطاولة ونسيت اخذها .. بقي ماجد محدقا بالفراغ ... تسلل صوت عمه لأذنه وهو يانب رهف ..وش ذا يابنت انت دخلت تعطيه بس ااشاهي وتطلعي؟؟ ...اجلسي شوي معاه .. الرجال يتصل ماتردي ويجي تعتذري ... ماودك تتفقوا ع تفاصيل العرس ...وكانه اصابها بلكمه في معدتها .. فرت من امام وجه ابيها لغرفتها وهي تحبس دموعها ... حين دخلت غرفتها وضعت وجهها بين كفيها وهي تبكي ... ياربي ما ابيه وش السواة ...ماابيه ..اكرهه .. صوت من الخلف رهف لمتى؟؟؟ لازم تصارحي ابوي بكل شيء.. الهنوف ؟؟؟ ايه كل مرة تضغطي على نفسك وتجلسي معه تجيك حالة اكتئاب.. كذا هذي عشرة عمر مو يوم ولا ساعة .. ليتني سمعت كلامك يالهنوف لما قلت طالما قلبك نفر منه لا توافقي.. بس انت يارهف ماسمعت كلامي طيب وش السواه شفت كل الأهل وووو ووو وش يارهف طول عمرك ضعيفه تحاولي ترضي الجميع حتى لو ع حساب سعادتك.. خلاص دكتور والا نادل مطعم المهم انك تحسي بالمودة تجاهه مو نفور قلبك كذا... ازداد بكاء رهف حين سمعت صوت طقة الباب معلنة الهنوف احتجاجها وهي تقول : مشكلتك ولازم تلقي لها حل حرااااااام هالرجال كذا؟؟؟... ماجد ..دكتور الجامعه العريق النسب ...ابوه هامور من هوامير الديره ... بطوله الفارع وعيونه الي كل البنات يتمنوه ... الدكتور ماجد ..الا كان يدخل عليهم المحاضره ..واول ماتحط عيونه بعيونها يرتبك ... وبعدها جا يخطبها ...وتم كل شي .. مع احساسها بنفور منه بس الكل انبهر فيه ووافق كيف تقول هي لا؟؟؟؟ ومن اول ليله بالملكه كرهته ...قلبها زاد نفوره منه من دون سببب ..تزاد كره له.. وعلى الطرف الاخر... وين رايح ياماجد وش بيك ضايق خلقك؟ العرس كله شهر ويتم.. مو ذي رهف الا كنت ترد البيت وكنك طفل صغير .. تتذكر ياماجد كيف تحكي عن عبونها تقول ...لو تشوفيها ياخيتي من ورا النقاب .. تطيحك وانت واقف .. وش بلاك ياماجد؟ اخخخ يانوره ..مدري رهف احسها ماتبيني تتهرب مني .. لا ياخوي انت واهم بس انت عارف البنت تستحي وانت اثقل اثقل شوي .. لا تصير لزقه ... والله يانوره منت حاسه الا انا حاس بيه.. اقترب موعد العرس .. رهف تزداد حالتها سوء ... عيونها تذبل يوم ورا يوم ..ولونها يزداد اصفرارا ..وطاحت مريضه بالفراش ابوها وامها حيرتهم حالتها .. الاطباء يقولون مابها شي والحاله تزداد سوء.. دخل والدها ..امسك يديها بحنان وامها تضع يدها ع راسها .. رهف قولي وش بيك ياعين ابوك ؟؟؟ شهقت وانفجرت بالبكاء ..احتضنها والدها وهو يقول بسم الله وش بيك؟؟؟ يبه ما ابييه طلقني منه يبه ..انا في رجاك يبه ... عما عيني شوفته ...ماقدرت ..كرهته والله كرهته .. بس عشانك انت وامي .. بس والله والله يبه ماعاد فيني .. ما أطيقه ما أطيقه... صمت الاب وضمها لصدره بحنان وقال مايصير خاطرك الا طيب .. عاد الاب باليوم التالي وهو صامتا يكسو وجهه التالم .. دخل غرفة رهف وهو يقول خلاص ماجد طلقك يارهف ... لقد بكى يارهف بكى ماجد من اجلك .. وقال لو راحة رهف بموتي ..عمري يرخص لها كيف بطلاقها مني؟! انطلقت رهف في البيت مالفراشه وهي تدور حول الازهار وتضحك بمرح .. قلمي قلم رند حمود القحطاني (ومضة أخيرة) ان القلوب اذا تنافر ودها مثل الزجاج كسرها لا يجبر | ||||
|  |
 |
| أدوات الموضوع | |
| انواع عرض الموضوع | |
|
|
العرض العادي
