آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
27-01-21, 02:00 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  وضاقت الأرض بي الجزء( 1 ــ 2 ) للكاتبة/ لبنى الموسوي "عراقية" (مكتملة)
التعديل الأخير تم بواسطة فيتامين سي ; 22-04-21 الساعة 09:04 PM | |||||||||||||||||
|  |
|
27-01-21, 02:29 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــــــــ ـا #وضاقت_الأرض_بي قريبااااااا عندما تجتمع مجموعه من الوحوش الجائعه على فتاة صعبة المنال تكون النتيجه كارثه بشريه اغتصاب جماعي وعادات متخلفه وظلم لا متناهي وأًناس لا ترحم ان كانت السماء تنصف فكيف السبيل الى الخلاص على الأرض #وضاقت_الأرض_بي #مقتطف #وضاقت_الارض_بي للكاتبه #لبنى_الموسوي لا تظلمن اذا ما كنت مقتدراً فالظلمُ مرتعهُ يقضي الى الندمِ تنامُ عينيكَ والمظلومُ منتبهٌ يدعو عليكَ وعينُ الله لم تنمِ ( علي ابن ابي طالب عليه السلام ) كنت اظن ان الحياة طفوله فـ تعلم فـ زواج فـ انجاب وهكذا لم اكن اعلم بأن للقدر لعنة مباغته قد تقلب الايام رأساً على عقب لأصبح فيها ضحية لفعل مجرم لم ارتكبه اطلاقاً ان اخر الظلم هو مُحاسبتكِ على امر كان الاجدر ان يحاسب عليه غيركِ لأنه وببساطه لم يكن بيدكِ حيله لتدفعي الأثم عن روحكِ ومن هنا اصبح قتلكِ واجبا لمحو العار عن غيركِ فقط لأنكِ خُلقتِ فتاة في مجتمع شرقي ذكوري صرختُ فـ اسكتوني ومن شرفي جردوني ولذاك العار البسوني رغماً عني مضيتُ بألمٍ يحرق الروح قبل الجسد فإذا بأقرب الناس حاربوني ضيعوني شردوني فقد ضاقت الارض بي اينكَ ؟؟ انقذني من ضياعي __________________ فتحت عيني بس اكو وجع براسي قوي وكأني ماكله ضربه علي مدا اگدر اركز بشي بس دا اسمع اصوات يمي ممفهومه واحس بروحي طايره مو ع الگاع شويه وبدت الصوره تتوضح گدامي باوعت للمكان وين اني ؟!! گمت بسرعه صارو مهيمن وحسن وعلاء بوجهي وسعت عيوني من الخوف والصدمه صرت ارجف بشكل فضيع لدرجة وگعت من طولي لأن رجلي متحملني بعد تقربوا مني بنفس اللحظه ... رجعت ليوره زحف وعطت بصوت عالي بلكت الله يطلع كل هذا كابوس واگعد منه الگه نفسي بحضن امي للاسف چان هذا كابوس بس بالواقع مو بالمنام مهيمن.. لتصيحين ولتعبين نفسچ لأن محد يسمعچ وانتي بنص الچوله حچيت بصوت يرجف ودموع تمطر : شتريدون مني وليش جايبيني هنا علاء.. تدرين كلش زين شنريد منچ غسق.. لا ما ادري والله ما ادري وغطيت وجهي اشهگ بحرگه لأن ما اريد اصدگ الشي الموجود بعقلي حالياً حسن.. باعي لچ سنتين وانتي تبعين شرفيات ومثليات براسنه اجه الوقت النسحل بي شرفچ بالكاع ونسحگه باحذيتنه القذره غسق.. لا عفيه لا ابوس حذائك لتسوي هالشكل خلي الله بين عيونك قبل لتفكر تأذيني حسن.. راح تبوسيها وانتي الممنونه تقرب مني گمت اعيط واضرب بي .... عطت عطت عطت لحد ما حسيت بلاعيمي تجرحت وصوتي اختفى تماماً ظليت ادفر بي وعيني على مهيمن عسى ولعل يرف گلبه عليه مثل ما خله گلبي يرف علي ويحبه بس ماكو واگف هو وعلاء يتفرجون وما حركوا ساكن بديت افقد مقاومتي حسي راح وجسمي تعب من الحركه السريعه والنتيجه گدر يسيطر عليه ويقيدني نزعني حجابي ومد ايده على قميصي لزمت ايده ابوس بيها وأأشرله براسي بمعنى لا لأن صوتي ميطلع بعد كل الصياح الصيحته بس ما فادتني دموعي ونظرات الخوف الواضحه على وجهي بشي واستمر بالديسوي جردني من ملابسي وتقرب مني بوحشيه والمصيبه گدامهم وهم بكل صلافه واگفين يباوعون غمضت عيني بقوه وظليت اصرخ بصوت مخنوگ من الخارج بس من الداخل يهز اكبر جبل على وجه الارض حسيت بوجع حقير وشعور احقر ... طول ما هو فوگايه مستمره بمقاومته باشكال الطرق بس مقاومتي ضعيفه يم قوته وحيونته المو طبيعيه ما اعرف شصار وشسوه گام فجأه مني ولبس ملابسه ردت اجر قميصي استر روحي بي ما بيه اتحرك من الصدمه وتفاجأت بعلاء وگف گبالي وبده ينزع بملابسه رجعت اصيح وابچي چنت متصوره خلص اخذ حسن شرفي وانتهي الموضوع بالنسبه الهم بس للأسف الشغله اكبر مما تصورتها تقرب مني ردت ادفعه ما گدرت واكتفيت بالصياح والبچي لأن الم روحي سيطر على الم جسمي وشل حركتي للأخير ابتعد مني واجه مهيمن سوه نفس الشي بس هنا اني انتهيت كلشي ما احس بعد غير بصوت يشبه الصفاره بأذني وعيوني بدت تغوش بدموعها گام مهيمن واني الدنيا تفتر بيه وكلشي گدامي اسود بأسود گوه گدرت اسمعه من گال مهيمن.. هاچ هاي فلوس حتى ترجعين للبيت بيهن وخلي ببالچ لازم تمشين مسافة ربع ساعه يلا تگدرين توصلين للشارع حتى تحصلين سياره وشمر الفلوس على وجهي علاء.. وها اسمعي قبل لا نروح اذا فكرتي تحچين بالشي الصار ترحين بيها الله وكيلچ ترى احنه ٣ وانتي وحده يعني محد راح يصدگچ وتصعدين تنزلين تظلين مو گدنه خلي هالكلام يرن بأذنچ حتى لا تندمين حسن.. سمعتي يا شاطره وباسني بالهوى طلعوا من المكان زاد صوت الصفير بأذني وعيوني بدت تقفل لا ارادياً وراها محسيت بشي بعد... ________________ صباح الخير غوالي ❤ انتبهولي رجائاً هاي القصه 👈👈 نزلتها حتى احفظ حقوق النشر الي لأن ما اريدها تروح من ايدي صراحه لذالك خلوها ببالكم مراح ابدي بيها إلا بعد فتره اكمل (مذاق الحرمان) وراها اتفرغ الها اذا الله خلانه طيبين القصه حقيقيه مميزه من كل الجوانب مثل بقية قصصي المتعودين عليها وراح تعيشون ويايه ايام متفارق ذاكرتكم اثناء سرد احداثها وطبعاً الابطال موجودين وياكم بالتأكيد انتظروني قريباً اختكم لبنى الموسوي #وضاقت_الأرض_بي #اعلان مساء الــ🥀ـورد على عيونكم متابعيني الكرام هواي منكم ديسألوني عن هاي القصه بالخاص وبالتعليقات -- ليش لحد الأن ما بلشتي بيها وليش نزلتيها وتركتي كتابتها ؟؟ والكثر من الاسئله الغير محدوده وصار لازم ارد عليكم حتى اخصم موضوعها اولاً/ يا حبايب گلبي مو تعرفون بيه ملتزمه وياكم بقصة (مذاق الحرمان) حالياً فـ شلون تردوني ابدي بهاي القصه بنفس الوقت ثانياً/ هالقصه بالذات متعبه جداً بالنسبه الي وترددت اقبل بيها اول الامر وراح اگلكم ليش قصه خطيره تتناول جوانب متعدده بحياة اكثر من شخص بيها القتل إتقاءً للعار بيها الاغتصاب بيها الخيانه الزوجيه الخطيره بيها الغدر والانكار بيها العادات والتقاليد العشائريه الجائره والكثير من الامور الواجب تسليط الضوء عليها بطريقه او بإخرى لذالك هاي القصه تحتاج مني جهد كبير حتى توصل بصوره سليمه ترضي المتابعين وتبقي الستار مسدل على الابطال حتى لتنكشف شخصيتهم الحقيقه ويوگعون بمشاكل هم في غنى عنها بمجتمعهم تحديداً اما عن موضوع القصه فـ اعيد واكرر القصه حقيقيه ١٠٠٪ واجتني من بنت موجوده وياكم بالواتباد وهي احدى متابعيني القدماء اذا كان المضمون يتشابه مع قصه اخرى او عمل تلفزيوني معروض سابقاً فهذا الشي طبيعي جداً لأن مثل متعرفون (الاغتصاب) من اكثر الجرائم انتشاراً على مستوى الوطن العربي بشكل عام والعراق بشكل خاص واكيد متابعين الاخبار وتشوفون بالفتره الاخير الاغتصاب تجاوزت حدوده حتى الاطفال الصغار مع الأسف لذالك اترجاكم لتقارنون هذا العمل باي اعمال اخرى من خلال (المقتطف) لأن احداث القصه قويه جداً وغير متوقعه في نفس الوقت يعني باختصار متشبه غيرها ولا بأي شكل من الأشكال واليرفض تصديق مثل هذه الحقائق فلأفضل يتابع بصمت او ليتابع من الاساس احسن من تكذيب المقابل ❤ وفي الختام انتظروني قريباً في هذا العمل اختكم الكاتبه لبنى الموسوي التعديل الأخير تم بواسطة فيتامين سي ; 22-04-21 الساعة 08:52 PM | ||||||||
|
| |
|
27-01-21, 02:31 AM
| #3 | ||||||||
| مراقبة عامة ومشرفة منتدى الروايات المنقولة
| #وضاقت_الأرض_بي لبنى الموسوي اعلان+مشاهد ......... ﺍﻧﻬﻀﻲ ﺛﻮﺭﻱ ﻻ ﺗﺴﻘﻄﻲ ﺍﺻﻨﻌﻲ ﻣﻦ ﻧﻔﺴﻚ ﺷﻲﺀ ﻳﺴﺘﺤﻴﻞ ﻛﺴﺮﻩ ﻛـ ﺍﻟﺤﺪﻳﺪ ﻣﺜﻼً ﻧﻌﻢ ﻳﺎ ﺣﻮﺍﺀ ﺍﻧﺖ ﺍﻟﺘﻲ ﺍﺧﺮﺟﺖِ ﺁﺩﻡ ﻣﻦ ﺟﻨﺘﻪِ ﻫﻞ ﻣﻦ ﺍﻟﻤﻌﻘﻮﻝ ﺍﻥ ﺗﺴﻤﺤﻲ ﻟﻪ ﺍﻥ ﻳﺪﺧﻠﻚِ ﺍﻟﻰ ﺟﺤﻴﻤﻪ ﻛﻼ ﻳﺎ ﺁﺩﻡ ،، ﺣﻮﺍﺀ ﻟﻢ ﻭﻟﻦ ﺗُﻬﺰﻡ ﺳـ ﺗﻘﻒ ﺑﺸﻤﻮﺥ ﺳـ ﺗﺤﺎﺭﺏ ﻛﻤﺎ ﻳﺤﺎﺭﺏ ﺍﻟﺸﺠﺎﻉ ﺳـ ﺗﺎﺧﺬ ﺍﻟﺤﻖ ﻣﻦ ﻓﻢ ﺍﻟﺴﺒﻊ ﺛﻢ ﺗﻘﺘﻠﻪ ﻟﺘﻐﺘﺴﻞ ﺑﺪﻣﺎﺋﻪ ﺳـ ﺗﻘﻮﻝ ﺩﺍﺋﻤﺎً ﻭﺍﺑﺪﺍً ﻓﻲ ﻛﻞ ﻣﻜﺎﻥ ﻭﺯﻣﺎﻥ ﺍﻧﺎ ﺣﻮﺍﺀ ﺍﻧﺎ ﻧﺼﻔﻚ ﺑﻞ ﻛﻠﻚ ﻛﻤﺎ ﺍُﻋﺪ ﻛﻞ ﺍﻟﻤﺠﺘﻤﻊ ﻭﻟﺴﺖ ﺑﻨﺼﻔﻪ ﺍﻧﺎ ﺍﻣﺎ ﺍﻛﻮﻥ ﺍﻭ ﻻ ﺗﻜﻮﻥ ﺍﻧﺖ ... ....... ﺍﻟﻤﺸﻬﺪ ﺍﻷﻭﻝ .. ﺻﻮﺕ ﺍﻟﺼﻴﺎﺡ ﻋﺒﻪ ﺍﻟﻤﻜﺎﻥ ﺍﺑﺎﻭﻉ ﺍﻻﺑﻮﻳﻪ ﻣﺜﻞ ﺍﻟﻤﺼﺪﮒ ﺑﻜﻼﻣﻬﻢ ﺑﺲ ﻣﻴﺮﻳﺪ ﻳﻌﺘﺮﻑ ﺑﻘﻴﺖ ﺑﻤﻜﺎﻧﻲ ﺍﺭﺍﻗﺐ ﺷﺮﺍﺡ ﻳﺼﻴﺮ ﻛﻠﻬﻢ ﻳﺼﻴﺤﻮﻥ ﺗﺘﺰﻭﺟﻬﺎ ﻭﺭﺟﻠﻚ ﻓﻮﮒ ﺭﺍﺳﻚ ﺇﻻ ﺳﻴﻒ ﻭﺍﮔﻒ ﺑﺤﻴﻞ ﺻﺪﺭ ﻭﻳﺼﻴﺢ ﺑﻴﻬﻢ ﺭﻭﺣﻮﺍ ﺷﻮﻓﻮﺍ ﺷﺮﻓﻜﻢ ﻣﻨﻮ ﻟﻌﺐ ﺑﻲ ﻗﺒﻞ ﻟﺘﺬﺑﻮﻥ ﻣﺼﺎﻳﺒﻜﻢ ﻋﻠﻰ ﺭﺍﺳﻲ ﺍﻧﻲ ﺍﺩﺭﻱ ﻫﻮ ﺍﻟﻐﻠﻄﺎﻥ ﺍﻱ ﺍﺩﺭﻱ ﻭﻣﺼﺪﮔﻪ ﻛﻞ ﻛﻼﻡ ﺷﺠﻦ ﺑﺲ ﻣﻨﻮ ﺭﺍﺡ ﻳﺴﻤﻌﻨﻲ ﺍﻭ ﻳﺴﻤﻌﻬﺎ ﻋﻠﻰ ﺍﻻﻗﻞ ﻇﻞ ﺍﻟﻜﻼﻡ ﺑﻴﻦ ﺍﺧﺬ ﻭﻋﻄﺎ ﺣﺎﻭﻟﻮﺍ ﻭﻳﺎ ﻫﻮﺍﻱ ﺑﺲ ﺑﺪﻭﻥ ﻧﺘﻴﺠﻪ ﻷﻥ ﻣﺎ ﻋﺪﻫﻢ ﺩﻟﻴﻞ ﻋﻠﻲ ﻏﻴﺮ ﻛﻼﻣﻬﺎ ﻛﻼﻡ ﺣﻮﺍﺀ ﺍﻟﻴﻌﺘﺒﺮﻭﺍ ﺍﺿﻌﻒ ﺷﻲ ﺑﺎﻟﺪﻧﻴﺎ ﻣﻨﻮ ﺭﺍﺡ ﻳﺼﺪﮒ ﺑﻴﻬﺎ ﺑﻮﺟﻮﺩ ﺍﺩﻡ ﻭﺟﺒﺮﻭﺗﻪ ﺍﻟﻤﻴﻨﺘﻬﻲ ﻃﻠﻌﻮﺍ ﻣﻦ ﻳﻤﻨﻪ ﺑﻌﺪ ﺍﻟﺘﻬﺪﻳﺪ ﻭﺍﻟﻮﻋﻴﺪ ﻋﻔﺖ ﺑﺎﺑﺎ ﻳﺮﺯﻝ ﺑﺴﻴﻒ ﻭﺻﻌﺪﺕ ﺍﻟﻐﺮﻓﺘﻲ ﺣﺘﻰ ﺍﺗﺼﻞ ﺑﻴﻬﺎ ﺭﻥ ﺍﻛﺜﺮ ﻣﻦ ﻣﺮﻩ ﻣﺎ ﺭﺩﺕ ﻗﺮﻳﺐ ﺍﻟﻌﺸﺮ ﺩﻗﺎﻳﻖ ﺭﺟﻌﺖ ﺍﺗﺼﻠﺖ ﺑﺲ ﻓﺘﺤﺖ ﺍﻟﺨﻂ ﺳﻤﻌﺘﻬﺎ ﺗﺒﭽﻲ - ﻫﺎ ﻭﻟﭻ ﺷﺒﻴﭻ - ﺣﺎﭼﻴﻨﻲ ﺷﺼﺎﺭ ﺑﺲ ﺍﻟﻠﻪ ﻳﺨﻠﻴﭻ ﮔﻮﻟﻲ ﺷﻲ ﻳﺒﺮﺩ ﮔﻠﺒﻲ - ﻣﺎ ﺍﻋﺘﺮﻑ ﻟﻸﺳﻒ - ﺍﻟﻠﻪ ﻳﻨﺘﻘﻢ ﻣﻨﻪ ﺍﻟﻠﻪ ﻳﻄﻠﻊ ﺣﻘﻲ ﻣﻦ ﺑﻴﻦ ﻋﻴﻮﻧﻲ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ﺑﻲ ﺑﻘﻴﺖ ﺳﺎﻛﺘﻪ ﻣﺎ ﻋﻨﺪﻱ ﻛﻼﻡ ﺍﮔﻮﻟﻪ ﺑﻤﺜﻞ ﻫﻴﭻ ﻣﻮﻗﻒ ﻓﺠﺄﻩ ﻫﺪﺃ ﺑﭽﻴﻬﺎ ﺻﺤﺖ ﺷﺠﻦ ﺗﺴﻤﻌﻴﻨﻲ ﺷﻮ ﻫﺎﻱ ﻋﺎﻃﺖ ﺑﺼﻮﺕ ﻃﺎﻟﻊ ﻣﻦ ﺍﻋﻤﺎﻕ ﮔﻠﺒﻬﺎ ﻭﺭﺍﻫﺎ ﻓﺼﻞ ﺍﻟﺨﻂ .... ﺍﻟﻤﺸﻬﺪ ﺍﻟﺜﺎﻧﻲ ... ﻣﻦ ﻳﻤﻮﺕ ﺷﺨﺺ ﻋﺰﻳﺰ ﻋﻠﻰ ﮔﻠﺒﻚ ﺗﺴﻮﺩ ﺍﻟﺪﻧﻴﺎ ﺑﻌﻴﻨﻚ ﺗﺼﻴﺮ ﺗﺘﻤﻨﻰ ﺍﻟﻤﻮﺕ ﺣﺘﻰ ﺗﺨﻠﺺ ﻣﻦ ﺃﻟﻢ ﺍﻟﻔﻘﺪﺍﻥ ﻓـ ﻛﻴﻒ ﺍﺫﺍ ﻛﺎﻥ ﺍﻟﻤﻴﺖ ﻫﻮ ﺍﺧﻮﻙ ﺍﺑﻦ ﺍﻣﻚ ﻭﺍﺑﻮﻙ ﻫﻨﺎ ﺭﺍﺡ ﻳﻨﻜﺴﺮﻟﻚ ﻇﻬﺮ ﻳﻨﻬﺪﻣﻠﻚ ﻋﺎﻣﻮﺩ ﺗﻮﮔﻊ ﺧﻴﻤﺘﻚ ﻋﻠﻴﻚ ﺑﻌﺪ ﻣﺎ ﭼﻨﺖ ﺗﺤﺘﻤﻲ ﺑﻴﻬﺎ ﻣﻦ ﺷﺮ ﺍﻟﺪﻧﻴﺎ ﻭﻣﺼﺎﻳﺒﻬﺎ ﺻﺒﻴﺤﻪ .. ﺧﺎﻳﺒﺎﺕ ﻭﻳﻦ ﺑﺎﻗﺮ ﻳﺎ ﻳﺎ ﻭﻟﭽﻦ ﺍﻟﻔﺮﺥ ﻃﻠﻊ ﻟﻠﺤﺪﻳﻘﻪ ﻭﺣﺪﻩ ﻣﻨﭽﻦ ﺗﮕﻮﻡ ﺗﺠﻴﺒﻪ ﻟﻴﺼﻴﺒﻪ ﻣﻜﺮﻭﻩ ﺑﺎﻭﻋﺖ ﺍﻟﻤﺮﺕ ﺍﺧﻮﻳﻪ ﻣﻨﺘﻬﻴﻪ ﻓﺎﻗﺪﻩ ﻭﻣﻮ ﺑﺤﺎﻟﻪ ﺗﺴﻤﺤﻠﻬﺎ ﺗﺪﻭﺭ ﺍﺑﻨﻬﺎ ﻭﻳﻦ ﺳﺤﺒﺖ ﺷﺎﻟﻲ ﻋﻠﻰ ﺭﺍﺳﻲ ﻭﻃﻠﻌﺖ ﺑﺎﻭﻋﺖ ﻣﻨﺎ ﻭﻣﻨﺎ ﻣﺎ ﻫﻮ ﻳﺎﺭﺑﻲ ﻭﻳﻦ ﺭﺍﺡ ﻫﺎﻟﻄﻔﻞ ﺧﻔﺖ ﻛﻠﺶ ﺭﻛﻀﺖ ﺑﻜﻞ ﺣﻴﻠﻲ ﺍﺩﻭﺭ ﻋﻠﻲ ﺭﺣﺖ ﺍﺷﻮﻑ ﻭﺭﻯ ﺍﻟﺒﻴﺖ ﻭﭼﺎﻥ ﺍﻧﺼﺪﻡ ﺷﺠﺎﺑﻪ ﻫﺬﺍ ﻟﻬﻨﺎ - ﺍﻟﺒﻘﻴﻪ ﺑﺤﻴﺎﺗﭻ ﻣﺎ ﺟﺎﻭﺑﺘﻪ ﺳﺤﺒﺖ ﺑﺎﻗﺮ ﻣﻦ ﺣﻀﻨﻪ ﻟﺰﻡ ﺯﻧﺪﻱ ﺟﺮﻳﺘﻪ ﺣﻴﻞ - ﺩﻳﺮ ﺑﺎﻟﻚ ﺗﻜﻤﺸﻨﻲ ﻣﺮﻩ ﺛﺎﻧﻴﻪ - ﺑﻌﺪﭺ ﺷﺎﻳﻠﻪ ﺑﮕﻠﺒﭻ ﻋﻠﻴﻪ - ﻻ ﻭﻳﺎﻫﻮ ﺍﻧﺖ ﺣﺘﻰ ﺍﺷﻴﻠﻚ ﻣﺸﺎﻋﺮ ﺑﺼﺪﺭﻱ ﺍﺻﻼً - ﻋﺸﺮﺓ ﻋﻤﺮﭺ ﺣﺒﻴﺒﭻ ﺍﻟﻔﺘﺤﺘﻲ ﻋﻴﻨﭻ ﺑﺎﻟﺪﻧﻴﺎ ﻋﻠﻰ ﻋﻴﻮﻧﻪ ﻭﺻﺮﺗﻲ ﻣﺮﻳﺘﻪ - ﺳﺎﻋﺔ ﺍﻟﺴﻮﺩﻩ ﺍﻱ ﻭﺍﻟﻠﻪ ﻟﻮ ﺍﺩﺭﻱ ﺑﻴﻚ ﺣﻘﻴﺮ ﻭﻭﺳﺦ ﻭﻣﻮ ﺭﺟﺎﻝ ﻓﻼ ﭼﺎﻥ ﺿﻴﻌﺖ ﻳﻮﻡ ﻣﻦ ﻋﻤﺮﻱ ﻭﻳﺎ ﺷﺨﺺ ﻣﺜﻠﻚ - ﻟﺘﺘﺠﺎﻭﺯﻳﻦ ﻭﻟﭻ ﻻ ﻋﺒﺎﻟﭻ ﻣﺘﺴﺒﻌﻪ ﺑﺄﺧﻮﺗﭻ ﻭﺍﺑﻮﭺ ﺗﺮﻯ ﻛﻠﻜﻢ ﺍﺩﻭﺳﻜﻢ ﺑﻘﻨﺪﺭﺗﻲ ﺍﺫﺍ ﻃﺨﺖ ﺑﺮﺍﺳﻲ ﺗﻮﻧﻲ ﺍﺭﻳﺪ ﺍﺟﺎﻭﺑﻪ ﺳﻤﻌﺖ ﺍﺣﺪ ﺻﺎﺡ ﺣﻴﻞ ﺩﺭﺕ ﻭﺟﻬﻲ .. ........... ﺍﻟﻤﺸﻬﺪ ﺍﻟﺜﺎﻟﺚ ... ﻇﻠﻴﺖ ﺭﺍﻳﺤﻪ ﺟﺎﻳﻪ ﺍﻟﻮﺏ ﺍﺭﻳﺪ ﺍﻋﺮﻑ ﺍﻟﺴﻤﻌﺘﻪ ﺻﺢ ﻟﻮ ﺑﺲ ﻫﺪﻓﻬﻢ ﻳﺤﺮﮔﻮﺍ ﺍﻟﮕﻠﺒﻲ ﻧﺺ ﺳﺎﻋﻪ ﻭﻃﺐ ﻟﻠﻐﺮﻓﻪ ﺑﺎﻭﻋﻠﻲ ﻭﮔﺎﻝ ﺷﺒﻴﭻ ﻣﺴﺤﺖ ﺩﻣﻮﻋﻲ ﻭﮔﻤﺖ ﺑﺄﺗﺠﺎﻫﺎ - ﺭﺍﺡ ﺗﺘﺰﻭﺝ ﺑﺎﻭﻋﻠﻲ ﻣﺼﺪﻭﻡ ﺑﺪﻭﻥ ﻣﻴﺠﺎﻭﺏ ﺍﺣﭽﻲ ﻟﺘﺴﻜﺖ ﺻﺪﮒ ﺭﺍﺡ ﺗﺘﺰﻭﺝ ﻟﻮ ﻻﺍﺍﺍ - ﻫﺪﻱ ﻳﺒﻮﻱ ﺑﺲ ﺧﻠﻨﻲ ﺍﻓﻬﻤﭻ - ﺷﻨﻮ ﻳﻌﻨﻲ ﺍﺍﺍﺍﺍﻫﺪﻱ ﻓﻬﻤﻨﻲ ﺷﻠﻮﻥ ﺗﺮﻳﺪﻧﻲ ﺍﻫﺪﺃ ﻭﺍﻧﻲ ﺗﺒﺸﺮﺕ ﺍﻟﻴﻮﻡ ﺑﺨﺒﺮ ﺯﻭﺍﺟﻚ - ﺍﻟﺴﺎﻟﻔﻪ ﻣﻮ ﻣﺜﻞ ﻣﺎ ﻓﻬﻤﺘﻴﻬﺎ ﺍﻧﻲ ﺍﻟﭻ ﻭﺭﺍﺡ ﺍﻇﻞ ﺍﻟﭻ ﻟﺘﺼﺪﮔﻴﻦ ﻣﺮﻩ ﺗﺎﺧﺬ ﻣﻜﺎﻧﭻ ﺑﮕﻠﺒﻲ ﺣﺎﻭﻟﻲ ﺗﻬﺪﻳﻦ ﻭﺗﺴﻤﻌﻴﻨﻲ ﺍﻧﻲ ﻣﺎ ﮔﺘﻠﭻ ﺑﺎﻟﻤﻮﺿﻮﻉ ﻉ ﺍﻟﺘﻠﻔﻮﻥ ﻻﺟﻠﭻ ﻷﺟﻞ ﺍﺑﻨﻲ ﺍﻟﺒﻄﻨﭻ ﻣﺎ ﺍﺭﻳﺪ ﺍﻟﺸﻲ ﺍﻟﺼﺎﺭ ﻳﺄﺛﺮ ﻋﻠﻴﻜﻢ ﺍﻭ ﻳﻤﺴﻜﻢ ﺑﺄﺫﻳﻪ ﺗﺮﺍﻛﻢ ﻣﺘﻬﻮﻧﻮﻥ ﻋﻨﺪﻱ ﻗﺴﻢ ﺑﺎﻟﻠﻪ ﺑﺎﻭﻋﺖ ﻋﻠﻲ ﻭﺿﺤﻜﺖ ﺑﻬﺴﺘﺮﻳﻪ ﺩﺭﺕ ﻭﺟﻬﻲ ﻋﻨﻪ ﮔﻠﺒﻲ ﻣﺤﺮﻭﮒ ﻣﺎ ﺍﻋﺮﻑ ﺷﺴﻮﻱ ﺣﺘﻰ ﺍﺭﺗﺎﺡ ﻭﺍﻃﻔﻲ ﻧﺎﺭﻱ ﺑﻲ ﮔﻤﺖ ﺍﺷﻴﻞ ﻭﺍﺷﻤﺮ ﺑﺎﻟﻐﺮﺍﺽ ﺷﻜﻮ ﺷﻐﻠﻪ ﺻﺎﺭﺕ ﮔﺪﺍﻣﻲ ﺷﻤﺮﺗﻬﺎ ﻋﻠﻲ ﻭﻫﻮ ﻭﺍﮔﻒ ﻳﺘﻔﺮﺝ ﺑﺪﻭﻥ ﻣﻴﺤﺮﻙ ﺳﺎﻛﻦ ﺍﺧﻴﺮ ﺷﻲ ﺻﻌﺪﺕ ﻉ ﺍﻟﭽﺮﺑﺎﻳﻪ ﭼﻨﺖ ﺭﺍﻳﺪﻩ ﺍﺭﻭﺡ ﻟﻠﻄﺮﻑ ﺍﻟﺜﺎﻧﻲ ﻋﻠﻤﻮﺩ ﺍﻟﻐﺮﺍﺽ ﺍﻟﻲ ﻋﺎﻟﻤﻴﺰ ﺑﺲ ﻫﻮ ﻋﺒﺎﻟﻪ ﺍﺭﻳﺪ ﺍﺷﻤﺮ ﻧﻔﺴﻲ ﻣﻦ ﻓﻮﮔﺎﻫﺎ ﺭﻛﺾ ﻟﺰﻣﻨﻲ ﺷﺘﺮﺩﻳﻦ ﺗﺴﻮﻳﻦ ﺗﺴﻮﺩﻧﺘﻲ ﻭﻟﭻ ﺧﻮ ﻣﺎ ﺗﺴﻮﺩﻧﺘﻲ - ﻭﺧﺮﺭﺭﺭﺭﺭﺭ ﺍﻳﺎﻧﻲ ﻭﺍﻳﺎﻙ ﺗﻠﻤﺴﻨﻲ ﺑﻌﺪ ﺍﻟﻴﻮﻡ ﺗﺴﻤﻊ ﻟﻮ ﻻﺍﺍﺍﺍ - ﻣﺎﺷﻲ ﺑﻮﻳﻪ ﻣﺮﺍﺡ ﺍﻛﻀﭻ ﺑﻌﺪ ﺑﺲ ﻫﺪﻱ ﺍﺗﺮﺟﺎﭺ ﻫﺪﻱ ﺗﻮﻧﻲ ﺍﺭﻳﺪ ﺍﺣﭽﻲ ﺣﺴﻴﺖ ﺑﺤﺮﺍﺭﻩ ﻧﺰﻟﺖ ﻣﻨﻲ ﻋﻔﺘﻪ ﻭﺭﺣﺖ ﻟﻠﺤﻤﺎﻡ ﺍﺭﻛﺾ ﺍﺟﻪ ﻭﺭﺍﻳﻪ ﻳﺪﮒ ﻉ ﺍﻟﺒﺎﺏ ﺣﻴﻞ ﺣﺘﻰ ﻣﺎ ﺟﺎﻭﺑﺘﻪ ﺑﺎﻭﻋﺖ ﺍﻟﻨﻔﺴﻲ ﻻ ﻳﺮﺑﻲ ﺩﺍ ﺍﻧﺰﺯﺯﺯﺯﺯﺯﺯﺯﻑ .... ٠٠٠٠٠٠٠٠٠ ﺛﻼﺙ ﻓﺘﻴﺎﺕ ﻛﻞ ﻣﻨﻬﻦ ﻣﻦ ﻋﺎﻟﻢ ﻣﺨﺘﻠﻒ ﺟﻤﻌﻬﻢ ﺍﻟﻘﺪﺭ ﻛﻲ ﻳﻮﺍﺟﻬﻦ ﻣﺼﻴﺮ ﻭﺍﺣﺪ ﻟﺘﺼﺒﺢ ﺣﻴﺎﺗﻬﻢ ﺣﻜﺎﻳﺔ ﺗﺮﻭﻯ ﻣﺴﺎﺀ ﺍﻟــ 🥀 ـﻮﺭﺩ ﻣﺘﺎﺑﻌﻴﻨﻲ ﺍﻟﻜﺮﺍﻡ ♥ ﻫﺎﻱ ﺍﻟﻤﺸﺎﻫﺪ ﻧﺰﻟﺘﻬﺎ ﺍﻟﻜﻢ ﺣﺴﺐ ﻃﻠﺒﺎﺗﻜﻢ ﺍﻟﻤﻜﺮﺭﻩ ﺍﺩﺭﻱ ﻣﺮﺍﺡ ﺗﻔﻬﻤﻮﻥ ﻣﻨﻬﺎ ﺷﻲ ﺑﺲ ﻫﻮ ﻫﺬﺍ ﺍﻟﻤﻄﻠﻮﺏ ﻫﺎﻟﻘﺼﻪ ﺍﻛﺜﺮ ﻗﺼﻪ ﺗﻌﺒﺘﻨﻲ ﻳﻮﻣﻴﻪ ﺍﮔﻮﻝ ﺍﺑﺪﻱ ﺑﻴﻬﺎ ﻭﺍﺑﻄﻞ ﺑﺴﺒﺐ ﺻﻌﻮﺑﺘﻬﺎ + ﺍﻟﻮﺍﻫﺲ ﻣﺎ ﺍﻋﺮﻑ ﺷﻮﻛﺖ ﺍﺑﺪﻱ ﺑﻴﻬﺎ ﻳﻤﻜﻦ ﻧﻬﺎﻳﺔ ﻣﺤﺮﻡ ﺍﻭ ﺑﻌﺪ ﺍﺭﺑﻌﻴﻨﺔ ﺍﻷﻣﺎﻡ ﺍﻟﺤﺴﻴﻦ ﻋﻠﻴﻪ ﺍﻟﺴﻼﻡ ﻭﺍﺣﺘﻤﺎﻝ ﺍﻛﺜﺮ 🤭 ﻫﺎﻟﺸﻲ ﺭﺍﺟﻊ ﺍﻟﻜﻢ ﺷﺠﻌﻮﻧﻲ ﺣﺘﻰ ﺍﺑﺪﻱ ﺑﻴﻬﺎ ﺳﺎﻋﻪ ﻗﺒﻞ ﻷﻥ ﺍﻟﻨﻔﺴﻴﻪ ﻭﺍﻟﻮﺍﻫﺲ ﺻﻔﺮ ﺍﻟﻠﻪ ﻭﻛﻴﻠﻜﻢ ﻳﻌﻨﻲ ﺑﺄﺧﺘﺼﺎﺭ ﻟﺤﻮﺍ ﻋﻠﻴﻪ ﺣﺘﻰ ﺗﺠﺒﺮﻭﻧﻲ ﺍﺑﺪﻱ ﺑﻜﺘﺎﺑﺘﻬﺎ ﻭﺍﻧﻲ ﺭﺍﺿﻴﻪ ﺑﺎﻟﻤﻠﺤﻪ ﺑﺲ ﺑﺪﻭﻥ ﺗﻬﺠﻢ ﺍﻟﻠﻪ ﻋﻠﻴﻜﻢ 🌚 ﺍﺩﻋﻤﻮﺍ ﺍﻟﻘﺼﻪ ﺑﺎﻟﻤﺸﺎﻫﺪﻩ ﻭﺍﻟﺘﺼﻮﻳﺖ ﺷﮕﺪ ﻣﺘﮕﺪﺭﻭﻥ ﻷﻥ ﺍﻟﻘﺼﻪ ﺗﺴﺘﺎﻫﻞ ﺍﻟﺪﻋﻢ ﺻﺪﻗﺎً ﺍﺣﺒﻜﻢ ♥ | ||||||||
|
| |
|
27-01-21, 02:33 AM
| #4 | ||||||||
| مراقبة عامة ومشرفة منتدى الروايات المنقولة
| البارت الأول #وضاقت_الارض_بي للكاتبه #لبنى_الموسوي مساء الــ🥀ـورد متابعيني الكرام الكل يعرف اني ممستعدة ابدي بالقصة حالياً لكن بسبب الحاحكم علية ونتيجة للأستفتاء السويتة الكم بگروب الفيس بوك بديت بيها اليوم وعليه النشر حيكون (بين يوم ويوم) مؤقتاً لحد متتعدل ظروفي ونرجع يومين نشر بيوم استراحة متابعة شيقة ❤🥀 من منكم لا يملك عائلة اب ام اخ اخت بيت دافئ خارجياً ومن خلف اسواره اسرار لا يعلم بيها سوى افراده من منكم لا يواجه مشاكل في حياته خبث حقد حسد غيرة انانية جشع طمع اعداء يتربصون له في كل ومكان وزمان ليحاسبوه على اخطاءه واخطاء غيره من منكم لا يملك جراحاً موجعة خذلان نيران طعن قتل سكين مغروسة بـ دقة دماء تسيل من القلب قبل البدن وفي كل يوم يجد قريباً او بعيد يمر من جانبه ليرشق الملح على جراحه ثم يرحل كـ من لم يفعل شيء قط تعالوا معنا..... لـ نفتح لكم بيبان احد البيوت العراقية باباً لطالما حلفوا به وبالذين يقنطون خلفه متناسين بل متجاهلين ما يحدث داخله من ظلمٍ وجورٍ وحقدٍ وضغينة الحـلةة (بـابـل) 2012/1/12 الـساعـةة 7:10 صباحاً غيداء.. يمة تعالي خلي لگمة بحلگچ قبل لترحين ادري شلون تمتحنين وانتِ على لحم بطنچ مو حتى دماغچ ميستلم بعد غسق.. ماما ما الحگ الخط وصل ولازم نفتر ع البنات هاي كية مو تكسي مسلم.. وشبيها الكية ست غسق اذا ما عاجبتچ گولي حتى ابطلچ منها واخليچ ترحين للجامعة مشي هم رياضة من الصباحيات حتى يخف وزنچ وهم توفرين علية غسق.. لا بابا تعجبني ليش متعجبني يعني عفتهم وطلعت واگفلي ع الكلمة حسرة اتنفس وياهم حچاية واختها ذبلي بسمار على وزني ادري قابل اني خلقت نفسي هيچ لو الله خالقني شجن.. ها سقة شبيچ تدردمين من الصبح غسق.. شو تدني خلي اگعد يمعودة - اگعدي يمچ لأن فاطمة متداوم اليوم - بعد احسن - طبعاً حتى تاخذين راحتچ يا دوب يكفيچ كرسي نفرين انتِ وهالشحم هذا هههه - شجن تسكتين لو لااااا - شبيچ متتحاچين داتشاقى وياچ - ما احب الشقى بهالموضوع واتصور انتِ تعرفين هالشي كلش زين - مراح اناقشچ هسه راجعي للأمتحان ومن نكمل نحچي بلكي تغيرين من نفسچ شوية - ما اريد احچي ولا اريد اغير من نفسي ارتاحيتي - مو بكيفچ ولتلغين كافي اريد اراجع المادة راح ارسب من وراچ باوعتلها صفح وفتحت الملزمة بديت اراجع وياها وصار الوقت يمشي ما حسيت إلا واحنه بباب الجامعة كملت الامتحانات وطلعت رحت للنادي اراجع اجوبتي بين متجي شجن ربع ساعة وشفتها دخلت من الباب - يعني ما گدرتي إلا تاكلين چان انتظرتيني اجي ونطلب الاكل سوة لو البيچ ميخليچ - جوعانة هاي شجاچ مماكلة شي من البارحة لليوم وترديني انتظرچ - اي عادي اني هم مماكلة وعندي استعداد ابقى بلا اكل لحد منرجع للبيت بس المشكلة بيچ انتِ مو بلأكل ترى - شجن ليش تحاچيني هالشكل يعني بهاي تصرفاتچ راح تخليني ابعد عنچ لأنچ متفرقين عنهم شي وبنفس اسلوبهم دتجرحيني - سقة انتِ تدرين بيه شگد احبچ لو لا - والله صرت اشك انتِ تحبيني - انچبي عاد ترى اني من احچي متعمدة حتى تضوجين وتصحين على نفسچ بلكي تتغيرين شوية يعني عاجبچ وضعچ هذا عاجبتچ قلة الثقة بالنفس والكلام الجارح التسمعي يومية من فلان وعلان لو الملابس التحتارين بيها فوگ ما اهلچ نقة وميعجبهم العجب سمنچ هذا المخرب حتى جمالچ وممخليچ تعيشين حالچ حال كل البنات المن عمرچ اصحي غسق ترى مو صعبة والله تگدرين تنزلين وزنچ واني مستعده اساعدچ شگد متردين بس اقتنعي وابدي بالرجيم - المن يمعودة ليش هم بيت عمچ يخلوني اتنفس شو واحدهم عبالك شمر لا بالوجه نور ولا بالگلب رحمة - الچ للأنسان الراح ترتبطين بي بعد فترة - وهذا يا غبي راح يباوع الوحدة مثلي - انتِ ضعفي وشوفي شراح تصيرين والنبي كل بنات الجامعة يگومن يتحسرن على جمالچ وگولي بت عمي گالت - الله كريم - شنو يعني وافقتي تسوين رجيم - الله كريم - راح اضربچ على وجهچ والله اكو واحد يگول رب العالمين بخيل طبعاً كريم بس اريد جواب يشفي الگلب - اي اسوي بس مو هسه بالصيف - وشمعنى بالصيف - هسه باردة والليل طويل - واذا ؟!! - لچ اجوع الليل كله بس اكل عبالك معدتي مزروفة - هههه عمي الله يساعدها المعدتچ اليگول بير شگد ما تخزنين بي ميفول ولا يشبع - رجعنا للتصنيف ترى والله ابطل وما اضعف - لا لا سكتت اوگفي موبايلي ديدگ يمكن اخوچ - يلا ردي حتى اخلص من لسانچ - ها سيف اي الحمد لله جاوبت واختك هم مبين مجاوبه لأن نفسها مفتوحة ع الأكل - كافي سخافة - هههههه لا مو يمك دتحچي علية اي حبيبي نص ساعة ونرجع بين ميكملن باقي البنات ماشي ان شاء الله اخابرك واني هم احبك حياتي الله وياك بقينا نسولف اكثر من نص ساعة وراها اجن البنات ورجعنا للبيت صليت وتغديت وبديت اقرا للأمتحان الجاي للعصر صبيت الچاي ورحت للصالة چان بابا گاعد يحچي بالموبايل بس عصبي ما عرفت ليش ولا اهتميت اصلاً اخذت ملزمتي وگعدت يم الصوبة بـ ايدي الكعك وگدامي الچاي اكل واقرا سمعت زمان يقلد علية سويت نفسي ما اسمعة بس لح هواي لحد ما ضوجني زمان.. كافي تاكلين مو راح تصيرين فيل يوسف.. ههههه ليش هي بعدها مصارت فيل بشرفك سيف.. عوفوا البنية شجاكم عليها قابل ماكلة من جيبكم والله حلوة هاي زمان.. وانت شدخلك بالموضوع غيداء.. كافي عاد عيب عليكم تتلاسنون گدامنه وعوفوا اختكم بحالها مسلم.. ولد الكلب متشوفوني داحچي بالموبايل شجاكم انچلبتوووا غيداء.. شبيك عصبي اكو شي مسلم.. ابوية مريض كلش سالم يگول شكلة ديودع لأن حتى مو بوعية ويهلوس - متروح تشوفة - لا - ليش مو هذا ابوك اكو واحد ميشوف ابو وهو دينازع - معليچ لتتدخلين - مسلم حرام عليك انت عندك ولد وباچر الله يردها الك وانت على فراش الموت - ليش تخليني اهينچ گدامهم خليني محترمچ ولتتدخلين بشي ميعنيچ فاااهمة - اي براحتك اني شكو داضوج عليكم باوعت الماما ضاجت كلش اصلاً عادي شنو الجديد من يوم يومه ميحترمها لا بيناتهم ولا حتى گدامنة اخذت ملزمتي وگمت ما اگدر ادرس بهاي الهوسة ولا عندي غرفة مثل العالم واخذ راحتي بيها تقربت من امي همست بـ أذنها - ماما عادي اروح ادرس بغرفتچ لأن هنا هوسة - اي حبيبتي واني هم راح اجي وياچ الملم الكنتور بين ميطلع ابوچ من البيت رحت قبلها للغرفة گعدت بالگاع احاول اقرا بس بالي يم كلام بابا لحد ما طبت وراية - اگول ماما - گولي - ابوية واخواني ليش يضوجون من جدي مع العلم ما اذكر هيچ چانو قبل - ما سامعة المثل بنتي الفلوس تغير النفوس وفعلاً غيرتهم - يا فلوس - مو جدچ انطانة هذا البيت من قررنا نعزل عنهم - اي - بالبداية گال الأبوچ هذا الك فترة واحولة بأسمك وراها غير رأية وما حولة وحتى گال اذا اموت يدخل البيت بالورث ويتقسم بينك وبين اخوانك - اي هو هذا الصح غير هم ورثة ولازم يتقسم الورث بينهم بالتساوي - مو جدچ كتب البيت الثاني بأسم عمچ سالم وهذا الشي ضوج ابوچ - ياااا يعني بيت عمي هذا هو ملك الجدي - چان لأن تنازل عنه العمچ من زمان - من هاي بابا يضوج من عمي سالم وما قبل سيف يخطب شجن إلا بالشافعات - اي يگول هو غيرة علية ولعب بعقلة حتى يتنازلة عن البيت وتالي ياخذ حصته من بيتي ع الحاضر - وانتِ شنو رأيچ - كلام ابوچ صح بيت عمچ من يوم يومهم طماعين وعينهم على اللگمة الي بحلگ غيرهم بس مع ذالك يظلون صلة رحمكم ميصير نشيل بگلبنة عليهم على شي هو مو حقنة من الأساس - اي صح كلامچ بعدين جدي املاكة هواي ما شاء الله بعد طولت العمر الة راح يصير البابا بيت احسن من هذا بألف مرة - الله يطول بعمرة كافي تفكرون هيچ الرجال بعدة عايش حتى ميجوز - اي ماما ما گلت شي بس حچيت حتى بابا ليفكر بالموضوع ويشيل بگلبة على جدو وعمو سالم - ادرسي يلا لتضيعين الوقت - مو لازم نروح نشوف جدو - اذا هو ابوچ ميروح تردين يقتنع ويودينا نشوفة الله يهديچ - احچي ويا اني - غسق عوفي هالموضوع تدرين بأبوچ عصبي وميتفاهم واذا حچيتي مراح تحصلين منه غير الرزالة الناشفة - اي صح - يلا ادرسي اريدچ تصيرين انجح محامية بالدنيا وتثبتين الهم بت غيداء مو فاشلة مثل ميگولون عنها - وتتصورين راح انجح ماما - خلي عندچ ثقة بالنفس ليش دوم تقللين من قيمتچ وتستصغرين من روحچ بهالشكل هذا - بسببهم ماما متشوفين بابا واخواني شلون يعاملوني ويرزلوني ع الطالعة والنازلة عبالك لقيطة ولاگيني گبال باب الجامع مو لحمهم ودمهم - حد عقلهم بعد اريدچ تثبتيلهم العكس اريد يعرفون هم الفاشلين مو انتِ خليهم يمشون ويتباهون بيچ تالي بدل ميستعرون منچ - ميفيد ماما لو مو انجح لو اصير عالمة ذرة هم يظلون ينتقصون مني ويتمنون مموجودة بحياتهم - ميخالف نجاحچ النفسچ ونفسچ اولى بيچ منهم - عود ليش خلفتيني اذا بابا ميحب البنات - ليش هي بـ ايدي يا ماما لو بـ ايد رب العالمين چان كلما يصير عندي حمل ادعي ربي يجيني ولد لأن ادري بـ ابوچ ميحب خلفة البنات وعبالك عايش بزمن الجاهلية بعد سيف قررنا نتوقف ورى خمس سنوات ع المانع صرتي انتِ هواي دعيت يجيني ولد بس الله قاسم تجين للدنيا لو علية فرحانة بيچ الله يعلم شكبر معزتچ بداخلي اخوانچ كوم وانتِ كوم ثاني بس ضايجة عليچ مو هينة اشوف ابوچ واخوانچ يعاملوچ بهالشكل وعادمين شخصيتچ بأسلوبهم المستفز واوگف ساكته - وانتِ هم ممرتاحة ماما مو بس اني - الحمد لله على كل حال هاي قسمتي وراضية بيها بس دوم ادعي رب العالمين تكون قسمتچ احسن من قسمة امچ بألف مرة باوعتلها ونزلت دموعي انسانة مشافت يوم حلو بحياتها عاشت يتيمة تزوجت انسان لا عندة اسلوب ولا بگلبة رحمة عيالها ذوقها المر ولدها طالعين نسخة من ابوهم بأخلاقهم وشخصياتهم الله يساعدها شلون تحملت هالحياة اني مصارلي 22 سنة عايشة وياهم وتعقدت لا بقتلي شخصية لا ثقة بالنفس لا عندي امل بالحياة ولا احلام مثل باقي البنات هي شلون لعد صارلها فوگ الـ 50 سنة عايشة ويا هالناس الهمج لا تگدر تحچي ولا تتجرأ تشكي ويطلع صوتها حتى تدافع عن الباقي من كرامتها الـ نمسحت باوسخ گاع بسببهم - غسق لتصفنين اقري يمة ما ظل وقت بس الليلة وباچر عندچ - اي ماما هسه نفضت الأفكار من راسي وبلشت ادرس بعد يومين گعدت الصبح على صوت المنبه لملمت فراشي ورحت اغسل طلعت من الحمام صارت ماما بوجهي - صباح الخير - صباح النور بنيتي يلا ما طول بعد وكت فوتي بدلي وتعالي اكليلچ لگمة - لا ماما ما الحگ والله بس اريد فلوس ما عندي حتى اكل بالنادي بعد ما اطلع من الأمتحان صاح ابوية من يمة - ماكو فلووووس تردين تتزقنبين تزقنبي هنا متردين يطبچ ألف عرج تسمعييييين باوعت الأمي اشرت براسها تعالي وراية راحت قبلي للغرفة رحت وراها لگيتها دتطلع فلوس من جنطتها - لا ماما ما اريد اخاف بابا يعرف ويسويلچ مشكلة - الزمي ولچ هذني مو فلوسة فلوسي اخيط واضرب العالم ابر علمود اعيش واعيشچ بلا منيت احد رحت حضنتها حيل وبست راسها - الله ليحرمني منچ ومن طيبة گلبچ يا احن ام بالدنيا - ولا يحرمني منچ بنيتي - ماما اريد اطلب منچ طلب - گولي حبيبتي - بعد ما ارجع من الدوام اريد امر اشوف جدو - لا بنيتي خاف ابوچ يعرف وشيخصلنا منه - والله ما اتأخر خمس دقايق بس اشوفة واجي ع السريع حبابة - ماشي بس هااا خمس دقايق متزيد دقيقة وحدة - صار - يلا روحي بدلي بسرعة ليجي الخط رجعت بستها وطلعت سريع اخذت ملابسي من الصالة ورحت بدلت بالحمام بعدني البس بحجابي دگ السياق هورن اريد الفه عدل ماكو خبص الدنيا بالهورنات لحد ما خله ابوية يصيح اخير شي شمرته على راسي شلون مچان وطلعت - صباح الخير شجو - صباح النور سقة شو متأخرة شعجب خو ماكو شي - عمچ غير المهم جدو شلون صار ما تحسن شوية - لا والله تعبان كلش ويوم عن يوم تسوء حالته اكثر - اليوم اجي وياچ حتى اشوفة - هلا بيچ بس شعجب محد اجه من اهلچ يشوفه - على اساس متدرين - لا أدري بس يظل ابوهم والرجال بين الحياة والموت معقولة هيچ الحقد والغيرة تعمي بني أدم - اي حبيبتي معقولة ويا اهلنة لا يوجد شيء مستحيييل - الله يهديهم - امين ديلا راجعي للأمتحان بعدين نسولف كملت الأمتحان وطلعت قبل شجن گعدت بالنادي انتظرها ما طلبت أكل حتى لتحچي علية بعدين ظليت صافنة ع الملزمة اراجع بـ أجوبتي شوية ورفعت راسي باوعت المهيمن طب للنادي هو واصدقاءة مرات يجي لهنا لأن هو غير كلية انتبه علية اباوعلة عافهم واجه بأتجاهي دنگت خجلانة - ها غسق شو وحدچ - مو خلصت امتحان ومنتظرة اختك - اكلتي شي - لا بعد - لعد عزيمتچ علية - شكراً لتزحم روحك هسه بس تجي شجن ناكل سوه - شنو هالحچي عيب عليچ بعدين شبيچ مرتبكة ترى اني ابن عمچ مو غريب وواگف يحچي وياچ - بس محد يعرف انت ابن عمي - تردين اكتب على گصتي اني ابن عم غسق حتى ترتاحين - لا مو قصدي بس گعدتك وياية محلوة بحقي ياريت تتفهمني - اي فاهمچ زين لعد راح اطلب الچ اكل على حسابي واروح اگعد يم جماعتي هناك - تمام عافني وراح يجيب الأكل چانن صديقاتي گاعدات قريب علينة بس راح اجني يركضن سمية.. ها غسق هاااا كبلتي واحنه ما عدنة خبر - كافي سخافة شنو هالمفردات المقززة هذا ابن عمي اخوها الشجن باوعت عليهن وحدة گامت تضحك بوجه الثانية اشرت براسي خير چان تگول ياسمين لا هيچ سلامتچ اميرة.. باوعي والله گلتلهم غسق مو مال هالسوالف بعدين صارلها سنتين ويانة محد صارحها ولا باوع عليها بنظرة حلوة يجي هسه هذا يحبها سمية.. اي صح الولد حلو ومرتب مو ذوقة هذا - شنو تقصدين ؟!! سمية.. لتفهميني غلط يعني الولد من يرتبط اكيد يختار الي تناسبة بكل شي شكل جسم شخصية مو صح ياسمين.. لتزعلين غسوقة احنه نعرف انتِ متنطين مجال للولد لذالك حچينة هيچ اميرة.. هههههه ليش يحسرة هو اكو واحد صارحها حتى متنطي مجال ياسمين.. كافي اميرة زودتيها گمت من مكاني ضايجة توني اريد اطلع من النادي صار مهيمن بوجهي - وين رايحة - اختنگت اريد اطلع برة - والأكل هذا المن طلبته لعد - انت وجماعتك اكله بالعافية - شنو هالحچي انتظري شوية حسسسسن علاءءء طالع اني ربع ساعة وارجعلكم حسن.. ماشي ننتظرك طلعت قبلة رحت للحديقة اجه وراية جاب كراسي اثنين انطاني واحد وگعد ع الثاني مقابيلي - مهيمن اني شگتلك - هاي شبيچ محد يشوفنة هنا - ميخالف عفية گوم - ع الاقل خل تجي شجن - هاي اجت شوفها - خوش هاچ هاي اللفات جبت الچ لفتين والشجن لفة ضجت من كلامة ادري هي هاي الحقيقة واني اكل هواي بس ما احب احد يواجهني بيها ليش ما ادري اخذتهن بدون ما اباوع علي - ها مهيمن شجابك هنا - اجيت للنادي ويا جماعتي وهسه رايح - الله وياك رفعت راسي شفته راح شمرت اللفات ع الكرسي شالتهن شجن وگعدت بمكانهن - شبيچ ضايجة - مضايجة - لا ضايجة وراح تطگين من القهر مبينه ذيچ وينچ وجهچ صاير دم من العصبية ردت احچي اختنگت - ليش الكل يقلدون علية شجن ليش اني محلوة - ليش شصار منو قلد عليچ احچي - الكل شجن الكل نسيتي الحچي اليحچوا علية ولد الكلية ويوصلي بأي طريقة ابسط مثال هسه سمية وأميرة بقوا يستهزئون بية بس لأن شافوا اخوچ واگف يمي بالنادي - شنو حچن جاوبي سولفتلها كل شي اول ما كملت كلامي گامت بعصبية ونترت بصوت عالي - وان شاء الله سكتيلهن ثولة - اي طبعاً قابل اتعارك وياهن بنص الطلاب - لا مو تتعاركين بس عندچ لسان وتگدرين تاخذين حقچ منهم ليش هيچ انتِ ضعيفة شخصية باوعتلها بدون ما اجاوب عافتني وراحت بقيت اصيح وراها ما ردت علية طبت للنادي عشر دقايق واجتني - ولچ شجن شسويتي - انطيتهن المقسوم - خو متعاركتي اخوچ وجماعته جوه ترى - اي مو اني ثولة مثلچ - احچي عاد - بهدوء وبصوت ناصي رزلتهن رزالة غسل ولبس بحيث ما گدرن يباوعن بوجهي بعد غسق كافي ضعف شنو ناقصچ حتى تصيرين ملطشة للرايح والجاي - ناقصني هواي شجن ناقصني اصير بنية حالي حالهن يعترفولي اسمع كلمة حلوة من أي واحد حتى لو بالچذب ما اخاف من اهلي واني واگفة ويا اخوچ ليرحون يعرفون ويبطلوني من الكلية ارجع للبيت الگاهم يضحكون بوجهي يحترموني ميتنمرون علية حالهم حال الغربة اريد احس اني انسانة مو حيوانة بس للشغل لا كيان ولا صوت مسموع - فوگ كل هذا الحچيتي انتِ دتدمرين روحچ اكثر لمن تدفنين نفسچ وتلغين شخصيتچ والله انتِ حلوة مشكلتچ بس السمن اذا ضعفتي حتى ثقتچ بنفسچ راح تقوى وتصيرين غسق ثانية غير الگاعدة گبالي هسه شوفي هسه بهذا شكلچ ومهيمن يحبچ - بس حچت هيچ وسعت عيوني عليها - اي لتباوعين هالشكل مهيمن يحبچ اخوية واعرفة كلش زين بس انتِ ثولة باوعي سقة لا مكياج لا حفافة لا ترتيب لا ملابس حالچ حال باقي البنات لا جسم متناسق ماكو اي معالم للأنوثه بيچ ومهيمن حبچ شلون لعد اذا ضعفتي تخيلي شراح يصير بي والله اذا ما گام يعشق حتى خيالچ ما اتسمى شجن - كافي اسكتي اجن البنات - هاي اللفات من مهيمن مو وغمزتلي باوعتلها وابتسمت بعد نص ساعة طلعنة من الجامعة گعدت بالكية من جهة الشباك وصفنت ع الشارع يمكن كلام شجن صح اني داحس بأهتمام مهيمن بية بس مشكلتي ممهتمه النفسي حتى اهتم الغيري شلون اهتم وهذا حالي طول عمري محرومة من الكلمة الطيبة والنظرة الحلوة مهيمن اول شخص ابتسم بوجهي بدون استهزاء اول ولد يحاچيني بنبرة حب مو بكلام مسموم مثل غيرة بقيت افكر لازم اغير من نفسي حتى لو الكل ضدي يجوز فعلاً تتغير حياتي مثل مگالت شجن وصلت البيت عمي سالم دخلنه اني وشجن سلمت عليهم وطبيت الغرفة جدو چان مفتح عيونة بس مو بوعية حاولت احچي ويا ما رد لزمت ايده وصرت امسح على راسة بهدوء دخلت شجن شافتني يمة گعدت مقابيلي ولزمت ايدة الثانية - من شوكت هو هيچ - صارلة كم يوم - ابد ميتحرك يعني - ااااابد درت وجهي علي ابچي چانت عيونة تتنقل بيني وبين شجن نظراتة غريبة كلش ما عرفت سببها هل ديودعنه بـ هالنظرات لو ديحچي شي منگدر نوصل التفسيرة حالياً فجأة لزم ايدي حيل باوعت الشجن هي هم تباوعلي لأن لزم ايدها وياية بنفس الوقت - شجن دتحسين - اي ولچ هاي اول مرة يصدر هيچ رد فعل اصلاً اعصاب ما عنده - يعني ان شاء الله راح يصير زين موووو ومسحت دموعي - اي ان شاء الله ياااا رب گمت بسرعة - لازم ارجع للبيت قبل ليجي بابا ويلگاني ماكو - مهيمن اجه خلي يوصلچ - لا ميحتاج هو الطريق خطوتين قابل وين رايحة بست جدي وطلعت سلمت عليهم داروح نزل مهيمن من غرفتة - وين - ارجع للبيت - ابقي تغدي ويانة الأكل جاهز - لا والله ما اگدر - لعد اني اوصلچ اوگفي - ميحتاج - لتعاندين گلت اني اوصلچ بس ابدل واجي گعدت بالصالة وهو صعد يغير ملابسة خمس دقايق ونزل طلعنة نتمشى بدون منحچي قريب منوصل لبيتنا باوعت علي - كافي مهيمن اني اكمل - خلي اوصلچ للباب - لا هيچ احسن بابا ميعرف اجيت يمكم خاف يشوفك وياية وتصير مشكلة - اي فهمت يلا دطبي اني انتظرچ هنا - شكراً عفتة ومشيت سريع وصلت للباب فتحتها ودرت وجهي لگيتة واگف ينتظرني اشرت سلام ودخلت للبيت - ها ماما خو ما اجو - لا بعدهم ليش تأخرتي ايدي ظلت على گلبي من وراچ - مو مهيمن اصر يوصلني فـ انتظرتة بين ما غير ملابسة وجابني - زين لعد ولو توچ جايه وتعبانة بس فوتي سوي التمن لأن اليوم تعبت كلش وگوة گدرت اكمل شغل العالم - اي صار تتدللين اخذت ملابسي وغيرت ع السريع رحت للمطبخ صفيت التمن ونظفت الكاونتر والسنگ بعدني داشتغل سمعت ابوية يصيح طلعت اركض لگيته يتعارك ويا امي علمود الغدة مجاهز وهي ساكته حتى ما دافعت عن نفسها وگالتلة بسبب الخياط تأخرت ابتسمت بحزن اگول اني عليمن طالعة ما بيه خير النفسي فجأه گام يكسر بالغراض ويفشر على اهلها هنا ما گدرت تسكت صاحت بصوت عالي - لتغلط على اهلي مو ميتين حرام عليك هي گالت هيچ لو انگلبت الدنيا ما اشوف إلا رفع ايدة ضربها ركضت سحبتها من عندة الحضني - وخري لچ بت الكلبببببب - بابا خطية ما لحگت بسبب شغل العالم وهسه الأكل راح يصير خمس دقايق مو اكثر - من دنعل ابوكم لابو الاكل مالتكم دفرني حيل برجلة وطلع بقيت صافنة ورى شنو من أنسان هذا والله راح يخبلني للعصر اجانه خبر وفاة جدي حيل تأذيت بيومها چنت متعلقة بي كلش لأن الوحيد الچان يوگف بوجه ابوية من يأذيني صارت الفاتحة ببيت عمو سالم بحساب هو چبير اخوتة وتوفى جدو بنص بيته واگفة بالمطبخ ويا بنات عمامي نسوي چاي للنسوان سمعت صوت مرت عمي الصغير وراية درت وجهي باوعتلي وضحكت - لچ غسق هاي شصايرة والله ما عرفتچ عبالي جيرانهم يمعودة مو راح تطگين شجن.. عمة شله داعي هالحچي هسه - علمودها غير صايرة عبالك برميل منو ياخذها اذا تظل هيچ اخرتها تعنس على گلبكم انهار.. ليش عمة منو ياخذها صح هي سمينة بس بيضة وشگرة كافي شعرها يخبل - ههههه شعرها الأحمر صار يخبل والله يا الله شجن.. عمة يمكن امي دتصيحچ - صدگ ما سمعت - اي دروحي شوفيها بعدين فشلة من النسوان شيگولون عليچ عايفة عزة عمچ وجاية تسولفين ويانة طلعت من المطبخ بدون متحچي رجعت اغسل بالستكاين صارت شجن بصفي وهمست - سقة لتضوجين تدرين بيها مسمومة ومحد يسلم من لسانها - لا عادي تعلمت على كلامهم قابل الشغلة جديدة علية خلصت الفاتحة وخلصت امتحاناتي ما اعرف شلون بعد اسبوعين تقريباً اجتنه مرت عمي سالم هي وشجن بقوا بيومها للصلاة وگفت بالمطبخ اسوي العشى ويا شجن ونسولف - هنيالچ شجو عندچ اخت تدرين شگد اتمنى عندي اخت اشكيلها وتشكيلي - ليش واني لعد مو اختچ بعدين كلها شهرين ونتزوج اني وسيف واجي اعيش يمكم - هو هذا المصبرني على ضيمي واخيراً راح تجين بس من هسه اگولچ مو تشتغلين الي بسوالف مرت الأخو ترى والله اموتچ - ههههه اذا ما اشتغلتي الي بسوالف الحماة اوعدچ اصير عاقلة - ههههه تدرين اني ما بية حظ ولا احب المشاكل سيف.. هلا والله هاي حبيبي هنا واني ما ادري - اي اجيت علمودك شسوي حارمينه من الطبة والطلعة صرت اتحجج بأي شي علمود بس اشوفك ولو من بعيد - هسه تصيرين يمي وانعل ابو اليدزچ الهم بعد - لا حياتي شنو هالحچي يظلون اهلي - اي اهلچ ما گلت شي بس نفس ما سوو وياية راح اسوي وياهم يعني اطبق عليهم نظرية المعاملة بالمثل - اكيد تتشاقى - اي حبيبي طبعاً اتشاقى باوعت الشجن تقربت مني وهمست - راح اروح ويا سيف بغرفتة شوية مو تخلين امي تحس فدوة الطولچ - هههه مو تتدللين ابتسمت بوجهي وطلعوا من يمي گبل رحت قفلت الباب خاف امي لو مرت عمي يجن للمطبخ وميلگنها هنا كملت العشى ورحت الغرفة سيف دگيت الباب فتحتها شجن بس باوعتلي ضحكت - يلا تعالي العشى صار جاهز - اي روحي هسه شوية واجي وراچ - مو تتأخرين - لا ما اتأخر بس لتلطشين بروح جدچ - هههههه مرت الأيام ورجع دوامنة صرت اشوف مهيمن هو وجماعتة يتردد بأستمرار للنادي مالتنه حسب ما سمعت هذولة اصدقاءة كلش مو زينين اتعجب شلون يمشي وياهم چان يعجبني احچي ويا علمود يعوفهم بس ما عندي الجرأة الكافية حتى افتح ويا مثل هيچ مواضيع چان عدنة غرفة فوگ نخلي بيها الغراض الزايدة حچيت ويا ماما ورتبتها حتى اگعد بيها على الأقل ادرس بعيد عن الهوسة وافقت ورتبتها وياية صح كلها غراض ومتناسب البشر بس تظل احسن من نومتي بالصالة گدام الكل الخميس العصر چنت گاعدة ويا ماما بالصالة نخيط فجأة طب ابوية يرعد واخواني ورى نريد نفتهم شبي ماكو اخذنة بصياحة وغلطة قريب الساعة يلا عرفت السالفة رايحين البيت عمي سالم علمود الورث ومكتشفين 3 قطع وعمارة من املاك جدي مموجودات بالورث ومن سألوا عمي گلهم هذني ملاتي وبأسمي مو ملك ابوية الله يرحمة طبعاً الكل يعرف هن ملك جدي وحتى عمامي الباقين مقبلوا على عمي سالم بس محد منهم گدر يحچي شي او يثبت العكس بوجود الأوراق الرسمية مسلم.. الله لا يوفقك سالم هاي تاليتك تاكل حرام سم بفادك وافاد بزرتك يا نگسسسسسس مازن.. شفته يابة شسوه فوگاها يگول مستعد احلف بالقرأن هذني املاكي يوسف.. وولدة كلهم مأيدين كلامة طابخيها عدل حتى ياكلون حقنه وحق عمامي الباقين مسلم.. شسوي فهموني بهاي الحالة لازم نطلع من هذا البيت والورث الراح يجيني ميجيب حتى قطعة گاع بمنطقة زينة غيداء.. گول يا الله إلا ما ربك يفرجها بس خلي عينك بعينة مسلم.. ها سيف ما سمعتلك حس يعني درت وجهي على سيف گاعد ع التخم ومدنگ چان شكلة ميقل عن شكل ابوية واخوتي اذا مو اكثر مسلم.. اسمع لك من باچر تطلگ شجن ما اتقبلها مرة الك بعد كل الشفنا من عمك وولدة غيداء.. حرام يرجال البنية مالها ذنب بعملة اهلها ليش تحاسبها بمكانهم - حچاية وما اتراجع عنها هالزواج ميتم إلا على جثتي واريد اشوف يا رجال يعاندني - صير احسن منهم ابو مازن تدري ابنك شاريها وهي خوش بنية ليش تتدمرهم بعنادك سيف.. لا يمة كلام ابوية صح شجن بعد متفيدتي - ولك يمة حراااام تالي وياكم انتو مترتاحون إلا ما ربكم يگلبها بينة عفتهم يتصايحون وصعدت الغرفتي دخلت وقفلت الباب اتصل بشجن حتى اعرف الوضع يمهم - توني ردت اخابرچ همزين اتصلتي - بشري شجن شنو الأوضاع يمچ - عمامي بعدهم هنا لچ الدنيا محترگة ما ادري شلون راح تفض - واحنه هم - سيف شگال - ما گال شي الحچي كله لأبوية ومازن - شنو رأيچ غسق الصار راح يأثر على علاقتي بأخوچ - ان شاء الله ميأثر لتتشائمين عفية - الله يسمع منچ والله كلش خايفة ظلينة نسولف بالربع ساعة حچينة بكل شي بس رغم هذا ما گدرت اگولها بكلام سيف لأن ادري بيها شگد تحبة ومتتحمل خسارتة مر يومين بالمشاكل كله علمود الورث وصلت بيناتهم للدم وصار واحد يهدد بالثاني من اكبر عم لحد اصغر ولد بحيث حتى العالم تورجت على مشاكلهم اما شجن چانت تتصل بية تسأل على سيف لأن ميجاوبها وچنت اتحجج الها بالهوسة واگولها ماله خلگ يرد انطي مجال خل تخلص الطلابة هاي واكيد يجاوبچ السبت العصر گاعدة يم ماما بالصالة هي تخيط واني ادرس لأمتحان باچر دگ جهازي شجن دتتصل - ها ولچ فوتي درسي مو وكت سوالف - غسق حچتها بشهگة قوية - شبيچ شجن صاير شي - سيف اخذني غسق ولچ اخوچ اااااخذنننننننني...... يتبع لتنسووون ⭐⭐⭐⭐⭐ | ||||||||
|
| |
|
27-01-21, 02:34 AM
| #5 | ||||||||
| مراقبة عامة ومشرفة منتدى الروايات المنقولة
| البارت الثاني # وضاقت_الأرض_بي للكاتبة #لبنى_الموسوي شجن.. سيف اخذني غسق ولچ اخوچ اااااااخذنننننننننني بس سمعتها هيچ حچت گمت من مكاني باوعتلي امي ها وين؟؟ - هسه اجي ماما بس اشرح هالموضوع الشجن صعدت الغرفتي ع السريع قفلت الباب وهي مستمرة بالبچي اريد احچي وياها بس تشهگ اخير شي عطت بيها بكل صوتي - كااااافي عاااااااد اسكتي شوية خلي افتهم شلون صار هالشي - ولچ غسق غسق حچتها بشهگة وبچت حيل - شجن الله يخليچ كافي ابوس ايدچ اهدأي شوية مو نشفتي دمي من الخوف - اتصل بية قبل ساعتين - ااااي - جاوبتة بسىرعة لأن تعرفين هو ميحچي وياية ولا يرد على اتصالاتي من صارت المشكلة ولليوم - ادخلي بالموضوع يرحم امواتچ - گتلة سيف وينك ليش مترد علية بس لا ناوي تعوفوني بسبب الصار رد لا ما اعوفچ شجن بس محتاجچ هواي گتلة واني هم محتاجه الك رد وين انتِ بالبيت لو طلعتي ويا اهلچ اني هنا استغربت امي وانهار راحن البيت جدو بس اني بقيت بالبيت علمود ادرس للأمتحان جاوبته وانت شعرفك احنه طالعين گلي اني شفت اهلچ من طلعوا بس ما انتبهت اذا چنتي وياهم لو لا - وبعدين كملي لتبچين عفية - اني الغبية گتلة ظليت بالبيت ولچ گتلة بالبيت عسى لساني بـ الشلل قبل لا احچي هالحچاية - شجن كملي فدوة عوفي البچي وكملي السالفة قبل ليجي احد ويطب عليچ لو علية - من عرف گال راح اجيچ اني رفضت گتلة ما اگدر وحدي بالبيت بس هو بسرعة صاح بية واذا وحدچ قابل اني غريب وظل يرزل شفته زعل گتلة تعال غباء مني ما ادري ثقة بي المهم گتلة تعال .... بچت - كملي دخيل الله كملي - ما تأخر خمس دقايق ودگ الجرس فتحت الباب عبالي يحچي بالممر ويروح شو هذا گبل طب طبعاً خفت بس ما بينت اله حتى ليزعل گعدت ويا ظل يشكيلي من مشاكلهم وموقف ابوچ بالتحديد من زواجنا وراها بشوية تقرب مني عادي يعني مثل اي مخطوبين ومو أول مرة تصير بيناتنا شو ما احسه إلا گام يتجرأ بدون مقدمات حاولت ادفعة ماكو حچيت ردت عالجت سيف اصحى سيف ميصير الدتسوي ماكو غسق تحول وحش حيوان نكرة اعتدى علية غصباً عني لحد ما اخذني يلا ابتعد دخلت بحالة هستريا عود حچه شي اعتذر صخم لطم لا ولا يمة اصلاً لبس ملابسة وطلع بدون ميتنفس بحرف واحد او يبرر عملتة ع الأقل لچ شسوووووووي احچي شسوي والنبي راح اموت من قهري مصدومة غسق مصدووووومة - شجن اهدأي هسه لتحچين شي لأهلچ خلي نشوف سيف شيگول وبعدين نتصرف - ليش اني اگدر احچي على اساس متعرفين بيت عمچ والله يذبحوني عكس القبلة بدون ميرف الهم جفن - ميصير شي ان شاء الله هسه تتزوجون انتِ وسيف وينتهي كل هالموضوع لأن هو يحبچ ومستحيل يتخلى عنچ - هالحب هم ما اريدة بس خلي يصلح عملتة وانعل ابو الـ تباوع بوجها القذر بقيت احچي وياها والصدمة مسيطرة علية قبل يومين گال گدام اهلي شجن متفيدني وما ارديها بعد واليوم رايح معتدي عليها،، على شنو ناوي سيف بس الله اليستر من حقدكم سديت الخط منها بعد نص ساعة نزلت جوة والملزمة بـ ايدي شگد حاولت اقرا ما گدرت بالي كلة يم شجن اذا اني هيچ هي شحالها لعد لليل اجه ابوية واخواني جهزت العشى الهم ووديته للصالة من الخوف الچنت احس بي بساعتها ما گدرت اكل حتى اهلي تعجبوا وظلوا سين وجيم لأن مو بالعادة ما اتعشى وياهم انتبهت السيف ما اكل زين شوية وگام بقت عيوني تراقبة اخذ ملابسة من الغرفة وراح للحمام يسبح روحي شاغت من القهر لازم احچي ويا ضروري اعرف بشنو ديفكر وعلى شنو ناوي گمت من يمهم للمطبخ حطيت الچاي ع النار وصرت انظف بالكاونتر حتى يمشي الوقت بسرعة ويطلع سيف من الحمام علمود احچي ويا عشر دقايق وسمعت صوت الباب انفتح صبيت الچاي ركض وديته للصالة واخذت استكان السيف دگيت الباب علي صاح تفضل دخلت لگيته ينشف بشعرة اريد احچي ويا ماكو ماعندي الجرأة الكافية حتى افتح مثل هيچ موضوع حساس باوع علية صافنة - ها شجن تردين شي احچي - لا سلامتك - دانطيني الچاي وسدي الباب وراچ حطيت الچاي ع الميز وطلعت شلون ياربي صعب علية احچي ومستحيل اظل ساكتة واني اشوف شجن تتعذب بسبب حقارتهم بيومها للصبح ما نمت من التفكير اجه الخط سلمت على ماما وطلعت ع السريع چانت شجن گاعدة من جهة الشباك صرت يمها دغيتها بـ زندها ما باوعتلي سحبت وجها بـ ايدي وانصدمت عيونها منتهية من البچي والخشم صاير احمر باوعتلها وسكتت صعبه افتح الموضوع بهيچ مكان واكيد بس احچي كلمة راح تنهار على حالتها هاي بقيت ساكتة لحد ما وصلنة للجامعة چان الأمتحان ثاني محاضرة اخذت شجن ورحت گعدت بالحديقة - شجو قريتي هزت راسها بمعنى لا زين لعد اني راح اشرحلچ انتِ بس حاولي تركزين وياية ما اريد منچ اكثر من هالشي بديت اشرح وعيوني عليها ادري بالها مو وياية بس كل دقيقة اسألها حتى تنجبر تركز بالشرح صار وقت الأمتحان ما گدرت اجاوب زين لأن بالي مشوش گمت داسلم الورقة انتبهت الشجن طالعة قبلي استغربت مو بالعادة دوم اني اسرع منها وينشلع گلبي علما تخلص وتجيني لأن كلش فاهية طلعت من القاعة ادور عليها چانت گاعدة بالحديقة وايدها على عيونها عرفت دتبچي گعدت بصفها وخليت ايدي على ظهرها - كل شي راح ينحل شجن بس خلي عندچ ثقة برب العالمين - ميجاوبني غسق من البارحة لليوم سيف ميرد على اتصالاتي شنو يعني فهميني ؟!! ليش ميجاوب حتى يبرر عملتة حالياً ماكو اي تفسير ببالي يگدر يطفي نار گلبي - ما ادري والله ما ادري بس صدگي سيف يحبچ ومستحيل يگدر يأذيچ يجوز سوة هيچ لأن ندمان او يمكن خجلان منچ لأن اعتدى عليچ بطريقة وحشية وما عنده كلام يگدر يقدمة حتى يعتذرلچ عن الي صار البارحة - اتمنى هيچ الشغلة اصلاً ما اريد افكر بغير شي لأن ساعتها اموووت - اسم الله عليچ حياتي وابد لتنسين سيف قاتل حتى تصيرين من نصيبة فـ شلون تتوقعي يگدر يتخلى عنچ بسهولة - ولچ هو هذا الراح يخبلني - اي بشري شلونچ بلأمتحان - يعني - واني هم يعني بس يلا عادي المهم ننجح - ان شاء الله - يلا گومي ناكل شي ترى ميته جوووع - ههههه متبطلين من سوالفچ - دسكتي يمعودة من وراچ البارحة لأول مرة بالتاريخ العربي ما اتعشى حتى بيت عمچ دخلوا بحالة صدمة وظلوا فاتحين حلوگهم علية بس گلت ما اشتهي - حقهم ينصدمون غير صارت معجزة ببيتهم - ههههه دگومي ناكل وهااا من هسه اگولچ عزيمتي عليچ ترى - تتدللين مر يومين بلا جديد سيف ميرد على اتصالات شجن وهي كلما جالها تذبل اكثر وتتعب اكثر واكثر ثالث يوم چنه راجعين من الجامعة وصلنه للفرع شفت سيف على دراجته فات من يمنه - شجن باوعي منو - اااااااي اجه والله جابه درات ع السايق عمو نزلني هنا بلا زحمة عليك - شراح تسوين شجن - اسكتي معليچ نزلت من الكية سريع حتى غراضها عافتهن نزلتهن وياية ونزلت وراها چانت واگفة گبال سيف تتعارك وتحچي بعصبية بحيث جهال المنطقة ظلوا صافنين عليهم غسق.. شجن منا العالم شجن.. وطززز بالعالم اذا اخوچ اليوم ميحچي ليش سوة بية هيچ احرگة هنا سيف.. لزمي لسانچ احسن لا ابتلي بيچ غسق.. كافي شبيكم طبوا بالبيت واحچوا مو فضحتونة سحبت شجن ودخلتها للممر اجه سيف ورانة عفتهم ورحت يم الباب الداخلية اراقب الطريق خاف امي تطلع وتسمعهم شجن.. احچي سيف ليش سيف.. شنو ليش - تعرف شنووو تعرف سيف لتغشم نفسك وتحرگ روحي بـ اسلوبك هذا - شجن يا تحچين بوضوح يا تولين لأن تعبان كلش - لك اااانت شنووووو شهل البرود العندك بحيث تحچي ولا كأن صاير شي بيناتنا - وليش هو شصار بيناتنا - يااااا ررررربي منو الأعتدى علية قبل يومين انت لو غيرك بس حچتها جر ايدها حيل - اعتدى عليچ شنو شدتخربطين شجننن صفنت على صفنتها لا يربي كل شي ولا الي افكر بي يطلع صح - سيف !!!!! - لچ ساااقطة ويامن سويتيها اااااحچي - شهگت بصوت عالي اااانت سيف صار صوتها يروح ويجي من البچي والله ااانت انت يوم السبت اجيت لمن چانو اهلي ببيت جدي واعتديت علية - لا يا ساقطة تعملين عملتچ وتذبيها براسي ويامن ااااحچي منو هذا الخنتيني ويا وانطيتي شرفچ بالحرااااام بالجامعة مو اكيد بالجامعة لعد وين زين شلوووون؟؟ شلون سويتيها يالـ بلا شرررررف غسق.. سيييف سيف.. انچبي ولچ ما اريد اسمع نفسچ وحسابچ وياية بعدين متفقة وياها ودتساعديها حتى تذب عملتها السودة براس اخوچ شجن.. لك انت شدتحچيييي عبالك سويتها وراح تفلت بعملتك لا والله لااااا اني الك اليوم اذا ما اخلي اخواني يذبحونك ما اتسمى شجن راح تدفع ثمن عملتك غالي سيف غااااالي كلشششش - لچ اني الراح أذبحچ مو العكس انتِ بيچ خير روحي احچي وشوفي شراح يصير بيچ من عندي قبل اهلچ دفعتة وطلعت تركض صحت وراها هواي ما ردت علية اني عرفت سيف وين يريد يوصل بس شجن من العصبية عقلها وگف عن التفكير وراح توگع بالطعم النصبة الها بدون متحس طبيت للبيت اركض حتى ما گدرت اسلم على امي صعدت الغرفتي اتصل بيها وايدي ترجف ردي شجن ابوس رجلچ ردي ولچ رررردي تخبلت گمت افتر على روحي والخوف مسيطر علية بيت عمي حالهم حال اهلي بالتخلف والهجمية اذا مو اكثر منهم شسوي يربي شلون اتصرف هسه وهي مدتجاوبني اخذت جهازي ونزلت جوة لگيت ابوية واخواني جاين غيداء.. ها يمة شو ما بدلتي غسق.. هسه ابدل خلي اساعدچ بالغدة ادري بيچ تعبانة من شغل الخياط - الله ليحرمني منچ بنيتي - ولا يحرمني منچ ماما رحت للمطبخ اجهز بالمواعين لازم اتصرف ميصير ابقى ساكته واني ما ادري شجن شصاير بيها هسه شفت امي دخلت للمطبخ ركضت سديت الباب - ها خير شبيچ - ماما اريد اگولچ شي مهم - احچي خوفتيني - سيف سيف اخذ شجن ومديعترف بعملته - صخاااام الصخم وجها ولچ احچي شلووون؟؟ شوكت؟؟ منين عرفتي؟؟ - ماما على كيفچ اهدأي شوية حتى نعرف نتصرف صح مسلم.. الغدددددددة غيداء.. اي جااااين غسق.. عفية ماما خلي انكمل الغدة ونحچي احسن ما بابا يسويلچ مشكلة - ليش هو منو يشتهي ياكل بعد الي سمعته منچ - المهم انسكتهم صبيت الغدة وگعدنا ع السفرة لا اني ولا ماما اشتهينا ناكل وكل شوية وحدة تباوع للثانية بخوف لملمت الهوسة ورحت للمطبخ سويتلهم چاي وصبيته توني اريد افوت للصالة اندگ الجرس حيل گامت الباب تندگ بقوة كل جسمي صار يرجف من الخوف اكيد شجن سوتها وحچت طفر يوسف يشوف منو شوية وصاح يا الله سوو طريق ركضت لبست حجابي ورجعت للصالة شفت عمي وولدة طبوا من الباب ووجوهم متتفسر من العصبية مسلم.. خير خير سالم.. ليش انتم يجي من وراكم خير - احجي عدل سالم - هذا ابنك الساقط واشر على سيف - شبي ؟!! - معتدي على عرضة - ما فهمت - ماخذ خطيبته قبل الزواج سيف.. شدتحچوون انتممممم رضا.. ولك لتغشم روووووحك سيف.. مصاااار هالشي هو اني وين اشوفها حتى اخذها شغلوا عقلكم شوية محمد.. السبت سيف انت جاي البيتنا يوم السبت من چانت شجن وحدها وسويت عملتك سيف.. وشنو اليثبت ؟!! مؤمل.. انت مخابرها العصر وشفت المكالمة بعيني سيف.. اي عادي خطيبتي واتصل عليها وين الاشكال اني اريد تثبتون الي صدگ جاي البيتكم ومعتدي على بتكم حسب متگولون مهيمن.. شنو يعني ؟!! سيف.. يعني اني مسويتها روحوا نظفوا عاركم وشوفوا منو دنسه قبل لا تشمرون بلاويكم ع العالم چان ذبحتها والله بس ما اريد اوسخ ايدي بيها هي كلمة انطقها وينتهي كل شي ولا بارك الله بالساعة الفكرت بيها تصير مرة الي وام الجهالي وهي ××××× طفر مهيمن لزم من ياخته - اختي ااااااشرف منك ومن كل عشيرررتك سيف.. ههههههه والله ممستغرب لأن الياكل حرام كل شي يسوي مو بس ينطي شرفة رضا.. الله لا يوفقك سيف سيف.. ماطول راح اعوف اختك الساقطة فـ يوفقني حبيبي سالم.. لك هاي بت عممممك سيف.. واذا يعني بت عمي تردوها تلعب شاطي باطي وتذب شرفها لولد الشوارع واخير شي تلبسوها براسي مهيمن.. يعني تعترف انت ابن شوارع سيف.. گلتلكم مو اني روحوا دوروا على غريمكم بعيد عني وچفوني شر بلاويكم مسلم.. سيف ميسويها سالم.. لعد بنتي التسويهااااا سيف.. والله بنتك وانت اعرف بيها بس حچاها طفروا الولد علي تلازموا بيناتهم واخواني يحاولون يفاككوهم لحد ما صاح بيهم عمي بصوت رج الشارع مو بس البيت سالم.. كااااااااااااافي لحد يتدخل خلوني اني احل الموضوع ويا محمد.. متسمعة شلون ديحچي يابة سالم.. اسمع بس مع ذالك لتتدخلون مؤمل.. صار منتدخل في حال احترم نفسة واعترف بعملتة وإلا سالم.. عمي سيف شجن قبل لتكون خطيبتك هي بت عمك لحمك ودمك وعرضك يعني تشوف الدتسوي هسه بينه وبيها صح سيف.. شوف عمي احمد ربك واشكرة لأن شجن مو ببيتي واذا اني ساكت هسه فـ لأن اعرف وراها رياجيل يسدون عين الشمس فـ روحوا شوفوا عرضكم منو الدنسه وفكوا عني ياخة عليكم القرأن اذا تعرفوا طبعاً رضا.. ولك انت شنو من بشررر ليش متقبل تعترف بعملتك وتستر على بت عمك اي عااار سيف.. مو اااااني السبت من العصر لليل چنت ويا اصدقائي ومستعد اجيبهم يشهدون علي كلامي حتى تتأكدون سالم.. اي ليش لا سيف.. خوش العصر يصيرون هنا عود جيب ولدك وتعال حتى تتأكد بس وراها ما اريد اشوف خلقت اي واحد بيكم ولا اسمع بسيرة بتكم الشريفة العفيفة مهيمن.. لكككك راد يهجم علي لزمة عمي بسرعة سالم.. بيش ساعة نجي سيف.. بالخمسة سالم.. يصير خير سيف سيف.. كل خير بس كون اخلص من طلايبكم باوعلة عمي وطلع راحوا الولد ورى،، شوية وطب بابا من برى سد الباب واجه يم سيف بقيت اراقبهم واحد صافن بوجه الثاني ما احس إلا رفع ايده ضربة راشدي قوي من قوتة وگع سيف ع التخم الورى مازن.. يابة مو هيچ مسلم.. ااااسكت ااااانت لك ناقص وصلت بيك تعتدي على عرضك سيف.. ما اعتديت ليش صدگتهم بسرعة قابل متعرف تربيتك - سگط والله تربية سگط ويا حيف تعبت عليكم يا حيييف اني گتلك طلگها ما گلت روح اخذ شرفها علمود والله تذل عمك وولدة - يابة مو اااني البنية بالجامعة وتدري ببنات الجامعة كل شي يطلع منهم الله اليعلم منو مقشمرها ولمن خطبتها كيفت حتى تستر على نفسها اصلاً هي استغلت الخلاف الصار بينه وبين اهلها گالت ليش انتظر يوم العرس وافضح روحي خلي اشمر الشغلة على سيف بحجة المشاكل وهيچ راح اخلص ويلبسوني براسه غصباً علي - ما اگدر اصدكك - ليش متصدگ مو هذولة بيت عمي الخلصوا عمرهم ياكلون حرام هو الياكل حرام شتترجى منه كل شي يگدر يسوي مو بس ينطي شرفة مثل ما سوت بتهم المصون مازن.. سيف احچي الحقيقة اذا انت مسويها حرام عليك ترى عندك عرض وباچر الله يطلعها بيك يوسف.. كلام مازن صح ما بيها شي انتم مخطوبين ومو حرام اذا تقربت منها كل ما بالموضوع بس تعلن زواجك منها وتنهي السالفة سيف.. يابة مو اااااني شلون يعني أأذن بالجامع حتى تستوعبون لو تردوني اتزوجها وغيري لعب بيها لحد ما شبع غيداء.. الله اكبر على هالكلام سيف.. رايح اخابر جماعتي حتى يجون وراها اناملي ساعة ما اريد احد يزعجني منا للعصر غسق.. باوعت علي فات من يمي عيوني چانت تجري بلا وعي بسبب كلامة ليش سيف طول عمري اگول انت احسن اخواني تالي اليوم اكتشفك اسوء مما اتخيل وما بيك ذرة غيرة ولا رجولة عفتهم وصعدت فوگ توني سديت الباب دگ جهازي شجن دتتصل - ها ولچ شجن - غسق شصار - انتِ شصار يمچ خو ما اذوچ - عادي ضربوني وراها اجوكم هسه گوليلي شصار يمكم وسيف شسوه ردت احچي صاحت اجو اجو سدي الخط بعدين نحچي بقيت الوب لا اگدر اتصل بيها خاف يمهم الموبايل ولا اگدر ارتاح واني ما اعرف شحالها هسه قريب الخمسة سمعت صوت هوسة جوة اخذت حجابي دا انزل اتصلت شجن جاوبتها ع السريع - ها شجن بشري شلونچ - مو مهم عفية ابوية واخواني طلعوا ديجوكم اريدچ تظلين واگفة قريب منهم حتى تسمعين شيگولون وخابرني اول ما تنتهي الگعدة - اي حبيبتي صار - انتظرچ فدوة مو تنسيني - لا شلون انساچ سديت الخط ونزلت ع السريع چانوا اصدقاء سيف جايين باوعت الأحذيتهم يعني 3 رحت للمطبخ لگيت امي دتجهز بالچاي - ماما صار شي - غسق شتعرفين احچي - صدگي سيف سواها شجن قبل لتكون بت عمي صديقة طفولتي واعرف عنها كل صغيرة وچبيرة ماما شجن تحب سيف من زمان واتصور لاحظتي هالشي من تصرفاتها فـ شلون تعقليها تسوي مثل هيچ شي - لا استغفر الله البنية مترباية ونعم التربية بس ما ادري دماغي مديشيلها اخوچ يسوي هالعملة وفوگاها ينكر تعرفين شنو يعني ينكر معناها البنية راح تروح بالرجلين واذا صارلها شي لا سامح الله ذنبها يظل معلگ برگبة اخوچ اليوم الدين - الشر برة وبعيد الله ليگولها ماما كل شي ولا شجن لا لا ان شاء الله سيف يرجع العقلة والله يهدي ويعترف بعملتة - الله يسمع منچ بنيتي ما ادري اصدگ منو واچذب منو حرت والعالم الله - شجن اطهر من الطهارة نفسها ابد لتشكين بيها ماما اترجاچ صدگي سيف سواها وحتى هي خابرتني بنفس اليوم تذكرين السبت من چنت ادرس يمچ مو هي اتصلت بية وگمت ع السريع حاچيتها بغرفتي - اي گلتي رايحة اشرحلها موضوع بلأمتحان - بالضبط هي هنا حچتلي كل شي چان هستوة داگ الناقصة بيها اعتدى عليها تدرين قشمرها بحجة محتاجچ واهلچ ما هم ومن دخل وصار بنص بيتهم اخذها بالغصب - ليش ما حچيتيلي - وحچيت شتريدين تسوين قابل بعدين لا اني ولا شجن چنه متخيلين توصل النذالة بسيف الهاي الدرجة دنحچي اندگ الجرس عفت امي ورحت وگفت يم الباب شوية وطب عمي وولدة گام بابا دخلهم بالصالة وسد الباب شلت صينية الچاي ورحت دگيت الباب بهدوء طلع يوسف اخذة مني بقيت واگفة بمكاني لازم اعرف شراح يحچون بس يارب كون الحچي منصف وميضيع حق شجن شوية وسأل سيف اصدقائة - السبت العصر احنه وين چنه تتذكرون جاوبة واحد منهم - اي بالنادي نتمرن - بيش ساعة هالحچي - بالأربعة ونص تقريباً - وشوكت عفتكم - بالتسعة وشوية - ها خو سمعتوا بـ أذنكم سالم.. ولدي انتم متأكدين من هالكلام - اي عمي بس خير سالم.. لا سلامتك شوية وسمعت اصدقائة گاموا ركضت للمطبخ انتظرناهم يطلعون وراها رحنه اني وامي للصالة صار حچي يجيب حچي ما گدرت اسكت اكثر شيسوولي قابل احچي والله كريم - بابا ممكن تسمعوني - شكو - شجن بريئة والله ممسوية شي غلط وسيف هو الأعتدى عليها صدگوني سالم.. رحم الله والديچ عمو ع الأقل لگيت واحد يحچي ضميرة بهذا البيت مسلم.. ما سمعت اصدقائة سالم - اي سمعت بس بنفس الوقت متأكد بنتي متطلع منها العيبة - لعد ابني التطلع منه العيبة سيف.. عمي شنو المطلوب زواج ما اتزوجها مو لعبت شاطي باطي وتالي تردون تلبسوها براسي مهيمن.. مداصدگ والله العظيم ما اصدگ معقولة هذا انت سيف شهل حقارة الطلعت منك فجأة سيف.. والله الحقارة منكم مو مني يومية داگين بينة الناقصة واخير شي تحاولون تلبسوني اختكم الساقطة وتعال يا سيف اعترف بشي انت ممسوي هو حچة هيچ لو انخبصت الدنيا صوت الصياح عبه المكان اباوع الابويه مثل المصدگ بكلامهم بس ميريد يعترف بقيت بمكاني اراقب شراح يصير كلهم يصيحون تتزوجها ورجلك فوگ راسك إلا سيف واگف بحيل صدر ويصيح بيهم روحوا شوفوا شرفكم منو لعب بي قبل لتذبون مصايبكم على راسي اني ادري هو الغلطان اي ادري ومصدگه كل كلام شجن بس منو راح يسمعني او يسمعها على الاقل ظل الكلام بين اخذ وعطا حاولوا ويا هواي بس بدون نتيجه لأن ما عدهم دليل علي غير كلامها كلام حواء اليعتبروا اضعف شي بالدنيا منو راح يصدگ بيها بوجود ادم وجبروته المينتهي طلعوا من يمنه بعد التهديد والوعيد عفت بابا يرزل بسيف وصعدت الغرفتي حتى اتصل بيها رن اكثر من مره ما ردت قريب العشر دقايق رجعت اتصلت بس فتحت الخط سمعتها تبچي - ها ولچ شبيچ - حاچيني شصار بس الله يخليچ گولي شي يبرد گلبي - ما اعترف للأسف - الله ينتقم منه الله يطلع حقي من بين عيوني حسبي الله ونعم الوكيل بي بقيت ساكته ما عندي كلام اگوله بمثل هيچ موقف فجأه هدأ بچيها صحت شجن تسمعيني شو هاي عاطت بصوت طالع من اعماق گلبها وراها فصل الخط تهسترت حيل ايدي صارت ترجف اريد اسيطر على روحي ما اگدر بعد نزلت اركض كل اهلي موجودين بالصالة ملتهين بالصياح ويا سيف عفتهم وطلعت مثل المخبلة بكل شي ما فكرت وقتها المهم عندي انقذ شجن من ايديهم قبل ليسوون بيها شي وصلت البيت عمي چان الباب مفتوح طبيت بسرعة سمعت صوت صياحهم تارس غرفة شجن تقربت بخوف عمي واگف يم الباب ومرت عمي وانهار يمة يبچن ويتوسلن بيهم اما ولد عمي مثل الذئاب كلهم يحاولون يهجمون على فريستهم بأستثناء مهيمن واگف بالنص فاتح ايده گبالها صاير حاجز بينهم وبينها يحاول يحميها من ظلمهم باوعت من بعيد لو اني تخبلت سچينة مغروسة بظهرها وملزمة بچتف مهيمن حتى تگدر توگف على رجلها،، لهذا صيحت قبل شوية بچيت حيل باوعت العمي فدوة عمو ساعدها ابوس ايدك ساعدها بس سمعت صوتي دارت علية باوعتلي ابتسمت بوجها ودموعي تجري - لتخافين شجن مهيمن راح يخلصچ منهم ركض رضا ما اعرف وين راح شوية وصاح جيبها للمطبخ مؤؤؤؤؤمل سحلها مؤمل من شعرها ومحمد لزم مهيمن حتى ليمنعة گبل مرت عمي وانهار لحگوهم اما عمي ظل واگف بمكانة ركضت علي شلت ايدة ابوس بيها - الله يخليك عمو لتخليهم يأذوها ابوس ايدك عمو ابوس ايدك ما اهتم الكلامي عفتة ورحت للمطبخ اركض لگيت محمد مچتف مهيمن ومؤمل لازم امة واختة وهن يتصارخن صياح وبچي درت وجهي وانفجعت رضا شايل جلكان البانزين ويشمر على شجن اما هي واگفة تباوع على مرت عمي وتبتسم بدون متدافع عن نفسها صحت بأعلى صوتي لا رضاااااا فدوووة لااااااااااا إلا الحرگ يأذي والله يأذذذذذذذذذذذي ردت اركض عليها ما احس إلا مؤمل مدلي رجل انچبحت على وجهي حيل رفعت راسي حتى اگوم شال رضا الجداحة من الكاونتر جدحها بحركة سريعة وشمرها على شجن گبل گبت النار بيها من فوگ ليجوة..... يتبع لتنسووون ⭐⭐⭐⭐⭐ | ||||||||
|
| |
|
27-01-21, 04:18 PM
| #6 | ||||||||
| مراقبة عامة ومشرفة منتدى الروايات المنقولة
| البارت الثالث #وضاقت_الأرض_بي للكاتبة #لبنى_الموسوي بسم الله الراحمن الرحيم ( وَإِذَا الْمَوْءُودَةُ سُئِلَتْ * بِأيّ ذَنْبٍ قُتلَتْ ) صدق الله العلي العظيم كـ حمامة بيضاء اقف على شرفة المنزل اشاهد جسدي الصغير وهو يحترق يتسابق بـ المهِ هنا وهناك يلوذ بالفرار من نيران حقدهم الدفين طالباً المساعدة هيا انجدوني يا ملجئي حين تضيق بي الأرض ويا عزوتي وسندي حيث لا سند لي غيركم امي لا تبكي ابي سامحك الله اختي وصديقتي صبراً اخوتي إولم تعلموا معنى الحديث النبوي الشريف لـ زوال الدنيا أهون على الله عز وجل من سفك دم مسلم بغير حق من منكم يطفئ ناري انا اتألم هل لكم ان تريحوني من هذا العذاب لا يوجد من يستجيب حسناً سـ أرحل سامحكم الله وعفى عنكم ولكن هيهات ان يسقط من رقابكم دين الأمانة التي سلبتموها من غير وجه حق وداعاً لي الشهادة ولكم الدنيا بخزيها وعارها والملتقى يوم الحساب رفعت راسي حتى اگوم شال رضا الجداحة من الكاونتر جدحها بحركة سريعة وشمرها على شجن گبل گبت النار بيها من فوگ ليجوة سحب السچينة من ظهرها وصاح بمحمد - طلعهم بسرررررررعة ركضنا عليها اني واختها گبل منعنه محمد صرت اصرخ بكل حسي اريدهم بس يهدوني عسى ما احترگ وياها المهم احاول اساعدها مؤمل ميقدني وعيني على شجن اباوع عليها روحها تفرفح من الألم مثل الطير المذبوح تفتر بالمطبخ وتصيح من كل گلبها اخوانها واگفين حاجز بينة وبينها حتى يمنعونة نساعدها ماكو ثواني وتكومت بالگاع تمرغل بروحها المسحونة من لهيب نيرانهم الحقيرة عسى ولعل تخمد وترتاح من ألمها الفضيع عيوني صارت على رضا ديتحرك منا ومنا مثل اليخطط الشي باوعتله فتح الفرن الغازي وشمر السچينة بالداخل وراها طلعونة من المطبخ بالقوة هنا مهيمن تهستر حتى كفر صار يكفر من غير الفشار المو طبيعي عليهم وعلى سيف صاح بي محمد - كافي لك اسكت عار وانغسل واحذرك تحچي لأن ساعتها انت أول واحد راح يروح بيها عيوني غوشت من الدموع اباوع الدنيا انخبصت بالبيت والصياح ترس المكان أنهار تملخ بخدودها وشعرها مرت عمي متكومة بالگاع لا حس ولا نفس بس من الهوسة محد منتبه عليها طلع رضا من المطبخ وسد الباب ثواني وصدر صوت قوي يشبه صوت الأنفجار اندگ الجرس سريع العالم يصيحون برة بيتكم ديحترگ اكو احد جوة لو نكسر الباب باوع رضا علينة اني وانهار وگال - اذا حچيتن حرف واحد من الي صار مصيرچن يصير مثل شجن اذا مو اتعس وهاي اني حذرتچن ركضت انهار لغرفتها لبست حجاب وجابت الصاية ذبتها على مرت عمي دخلوا العالم مخبوصين ولد عمي هنا صار واحدهم مثل الثعلب الماكر مسوي روحة مذهول وگلبة على اخته الدتشتغل وطگ عليها الطباخ محمد.. اختي جوه يااا نااااااس ساعدوووونه - جيبوا بطانية بسرعة رضا.. هاي هاي جبتها مؤمل.. النار قوية شلون راح تطبون - هسه ندبرها انفتحت باب المطبخ عبارة عن نار بنار ركضوا ولد المنطقة للشارع منهم رجع بـ ايده رمل ومنهم سطل ماي دخلوا اهلي بهلأثناء حتى امي وياهم ركض ابوية على عمي مفزوع شصار سالم شلون احترگ بيتكم سالم.. الطباخ انفجر على شجن يوسف.. لا اله إلا الله شلون صار هالشي وشحال شجن هسه مازن.. احچي عمي باوع عمو على سيف وگال - بالموت شجن بالموت عافهم سيف وركض للمطبخ اما باقي المنافقين واگفين يتفرجون منتظرين نتيجة فعلهم تتم حتى يرتاحون انسحنت روحي من القهر اريد اصرخ بعالي صوتي وگدام كل الناس اريد اصيح هذولة الوحوش هم حرگوها بس للأسف ما اگدر صوتي ضعيف منو ممكن يسمعني واذا لگيت واحد سمع صوتي هل يا ترى راح يصدگني طفوا جزء من النار وطبوا يركضون شوية وطلعوا لافين شجن بالبطانية وسيف شايلها باوعت علي بحقد الله لا يوفقك سيف الله يطلع حوبة هاي المظلومة بيك وياخذ حقها من بين عيونك الصلفة انخبصوا اخوانها رضا واگف يبچي بدموع التماسيح ومؤمل يگولة لتخاف راح تعيش ان شاء الله صوت الأسعاف صار قريب توهم طبوا للبيت اجت الاطفاء وراهم البيت بعده ديحترگ غاز ونار وبانزين والمطبخ بظهرة صايرة حديقة گبل الزرع لگف النار اجوا المسعفين شالوا شجن ومرت عمي وطبوا اهل الأطفاء طلعونة من البيت حتى يخمدون النار مسلم.. ام مازن اخذني بنتچ وانهار وروحن للبيت غسق.. بابا الله يخليك خلي اجي وياك مسلم.. تنجبين لا تشوفين مني شي ممتوقعته وما ناسي حسابچ وياية بعدين اراويچ شلون تطلعين من البيت بدون علمنة غيداء.. امشي يمة نروح ندعيلهم احسن من وگفتنه هنا رجعنا للبيت وانهار اجت ويانة اول ما دخلت للصالة باوعت داير مدايري صرخت اي صرخت صرخت بصوت يعادل وجع گلبي بهاي اللحظات ركضت امي علية - اسم الله بنيتي شبيج - ولچ يمة حرگووووووووهااااا بهاي عيني شفت رضا دار عليها البانزين وحرگهاااا يمة گبال عيوني احترگت يوم ما شفتيها شلون گامت تلوب بروحها من الوجع وچ ماما تروح وتجي منا ومنا تريد واحد شريييييف،، واحد يمة بس واحد ما لگت تدرين لييييش لأن ما بيهم شريف كلهم ×××××× شلون جاوبيني شلون گلبهم ما اذاهم وهم يحرگون دمهم ولحمهم ما هزهم ضميرهم الـ ××× من سمعوها تصيح ساعدوووني وتستنجد بيهم الزاد التسمموا وياها على سفرة وحدة ما غزر صوتها من چانت طفلة وتصيح اسمهائهم بـ لسان مكسر ما رن بـ اذنهم وحرك مشاعرهم ولو شوية هسه هذولة اخواني الچلاب شگد مأذيني شگد يمدون ايدهم علية ويستهزئون بيه ع الطالعة والنازلة بس والله ما اتمنالهم الشر ولا اگدر اشوفهم يتأذون گدامي واوگف اتفرج لعد اخوانها شلون گدروا شلون تحملوا يشوفونها تحترگ گدامهم وبـين ايدهم وميحركون ساكن ولچ يمة اااااااخ اخ بس لو شايفتها شلون تتوسل بيهم حتى يطفوها تلوب يمة تلوب النار تاكل بيها وكلهم يتفرجون حتى امهم الوگعت بالگاع ما اهتموا الها تدرين شسوه رضا الكلب فجر الطباخ حتى يگول طگ عليها ويطمطم عملتة واخير شي هددنا اني وانهار اخاف نحچي للعالم عن جريمتهم النگسة احچي وامي صافنة بوجهي صرت ادگ على راسي احاول استوعب الصار ماكو أما انهار شمرت نفسها بالگاع وگامت تصرخ بوجع بدون متحچي كلمة وحدة ساعات مرت واحنه مفجوعين امي گابلت القرأن وگعدت اباوع عليها تقرا وعيونها تمطر بالدموع تعبت كلش منظر شجن وهي تحترگ انحفر بگلبي بحيث حسيت روحي دتطلع بمكان روحها يا دوب گدرت اصلي بقيت بالصالة اسمع امي دتقرا القرأن بصوت متموج بسبب خنگة صدرها وعيوني مثل الشلال بالتسعه ونص طب ابوية واخواني ورى ركضنا عليهم مفزوعين وداخلي يدعي رب العالمين تكون شجن عايشة غيداء.. ها مسلم بشر مسلم.. شبشر متگوليلي شجن عايشة بس حالتها خطرة ومرت اخوية انشلت شلل نصفي وذيچ وينها نايمة بالمستشفى - عزة العزاني ان شاء الله ومنو لعد ظل يمهم بالمستشفى اذا هيچ الوضع - سالم وولده موجودين وخالات شجن هم بس سمعن بالحادث اجن بنفس اللحظة غسق.. هذا مو حادث بابا هاي جريمة مسلم.. شدتحچين غسق - مثل مسمعت بسبب ابنك الواگف بصفك اخوانها حرگوها وحتى يتسترون على عملتهم گالوا حادث بس حچيتها طفر ابوية جرني من زندي - منيلچ هذا الحچي - نسيت اني چنت يمهم - اسمعي لچ صلفة طلعتچ من البيت بدون علمنه راح احاسبچ عليها اما سالفة شجن اياني واياچ اسمعچ تحچين بيها حتى لو ويا خيالچ تسمعييييين - شنو يعني ؟!! راح تسكتون الهم مثل ما سكتوا السيف وتضيعون دم هالمظلومة بسهولة - معلينة بيناتهم يتجازون وما طول بتهم لبستهم العار فهذا اقل شي يسووا حتى يغسلون عارها - ههههه زين وعار ابنك شوكت تغسلة لعد لو حلال علي وحرام عليها بس حچيتها ضربني راشدي باوعت على سيف وابتسمت گبل نزل راسة مني - ها خوية ندمان اي اكيد ندمان بس متگدر تحچي لأن ساعتها تفضح روحك ويخرب انتقامك من بيت عمك الشرفااااء مسلم.. لچ صلفة منين اجاچ هذا اللساااااان - منننننننكم من ظلمكم وحقدكم ومشاكلكم المتتتتتخلص گبل جرني من شعري ظل يكفخ بيه ويغلط وامي تتوسل بي حتى يعوفني اخير شي شمرني ع الدرج گمت من مكاني اشرت لأنهار وصعدت الغرفتي اول ما طبيت اجت وراية انهار.. غسق - نعم - لتحچين شي كافي - شلون يعني تردين انتِ هم تسكتين وتعوفيهن حق اختچ يضيع - الحچي ميفيد انتِ تعرفين احنه مو گدهم هذولة شياطين ومستعدين كل شي يسوون مقابل سمعتهم وشرفهم - ليش هم عدهم شرف من الأساس - المهم اسكتي راح يأذوچ اذا ظليتي بهاي العقلية وحتى مستقبلچ يضيعوا - وشجن - الله ياخذ حقها لتتصورين رب العالمين يقبل بالظلم وكل انسان راح يلاگي نتيجة افعالة بيوم من الأيام ان الله يمهل ولا يهمل باوعتلها بدون ما اجاوب بقينا نبچي بيومها للصبح ماكو شي يبرد گلبنة غير الدموع يومين واني منايمة كلما تشكل عيني من التعب افز على كابوس شجن وهي تحترگ گبالي وتصرخ ساعدوني الأخبار مثل ما هي كل يوم ابوية واخواني يرحون للمستشفى من العصر لليل علمود گدام العالم واگفين ويا بيت عمهم وهم بالحقيقية مجرمين حالها حال اهل شجن باليوم الثالث واگفة اجهز بالغدة اني وامي وانهار منشتهي العسل بس هم ياكلون عادي ولا كأن صاير شي سمعت ابوية يحچي ويا مازن من كلامة فهمت شجن البارحة حست وسألت على امها بس عرفت هالشي ركضت على امي - ماما - ها بنيتي - حبابة قنعي بابا بلكت يقبل نروح للمستشفى علمود نشوف عمتي وشجن انهار.. اي عمة فدوة اني هم اريد اشوفهم راح اموت - وشلون يقتنع بلا - ماما ذبيها براس انهار گوليلة خطية تريد تشوفها امها واحنه هم لازم نروح الهم شيگولون اهل جنان علينة ما زرنا اختهم وبت اختهم وهم بالمستشفى - دصبي الغدة خل ياكل وراها احچي ويا رحت ع السريع صبيت الغدة وظليت احسب الدقايق انتظرهم يخلصون ربع ساعة وصاحتني امي شلت السفرة ويا انهار وحطيت الچاي ع النار شوية واجاني الفرج - ها ماما بشري - بالگوة اقتنع علمود انهار وعلمود اهل مرت عمچ وإلا شيقنعة بروحتنا - المهم اقتنع بيش ساعة نروح ما گال - بلأربعة ونص جهزوا روحكم مو تخلوا يصيح ليروح يبطل ومياخذنة - بلأربعة تلگينة جاهزات اخذت انهار وصعدت الغرفتي عيوني ع الساعة والصراع اشتغل بين دگات گلبي وميل الساعة ياهو اليتحرك اسرع من الثاني طلعت روحنا علما صارت الاربعة بس لبسنة الصاية ولفينة الحجاب شلون مچان ونزلنة جوة ننتظر ابوية واخواني حتى يخلصون وصلنه للمستشفى قريب الخمسة گلبي صار يدگ سريع اريد اشوفها وخايفة بنفس اللحظة گال ابوية ميصير تطبون الها سوة انهار وامي راحن يشوفن مرت عمي ويا مازن واني وابوية واخواني رحنا الشجن اول ما وصلت صاروا اخوانها بوجهي باوعتلهم بحقد واگفين يعدون الدقايق الخبر موتها بس وين تروحون من عقاب رب العالمين رضا.. شجاب غسق لهنا مسلم.. جبت مرت عمك وانهار هم حتى يشوفوهم - ليش جبتهم عمي مو تدري الزيارة هنا ممنوعة - وحدة بعد وحدة يدخلن ميأثر ان شاء الله - زين لعد خل اطب اگول لخالتي حتى تطلع وتدخل غسق مكانها - يلا روح بقيت انتظر على اعصابي ما أعرف ليش تأخر خمس دقايق يلا طلع هو وخالتة سلمت عليها ولبستني وراها دخلت وحدي باوعت عليها ونزلت دموعي جسمي كله صاير ينفض واني اشوفها ملفلفة من فوگ ليجوة وتون من الألم تقربت منها صاحية باوعتلي وابتسمت يعني عرفتني بچيت بصوت عالي ونزلت گبالها گعدت على ركباتي - شجو تسمعيني - موجوعة - سودة علية ياريت لو اگدر اشيل عنچ ولو جزء من هذا الوجع والله مچان قصرت بس راح تگومين اي ان شاء الله راح تگومين لأن غسق مالها غيرچ وميهون عليچ تعوفيها وحدها انتِ اختي وصديقتي الوحيدة اترجاچ لتعوفيني وترحين والله اضيع بدونچ - راح البس البدلة البيضة السيف بس حچتها شهگت بحرگة سودة علية مو بوعيها وإلا مچان جابت سيرة هالنذل على لسانها - قوي نفسچ شجن اترجاچ قوي نفسچ باوعتلي وصارت تون من الألم دخل رضا على صوتها - يلا كافي طلعي خليها ترتاح - تؤ تؤ باوع دموعي شلون نزلت من حنيتك الماكو منها - لچ سمعيني صلافة ما اريد وديري بالچ تفكرين مجرد تفكير تلعبين ويانة والله ساعتها ما ارحمچ باوعت الشجن نظرة اخيرة وطلعت ياريتني ما اجيت لأن شوفتها بهاي الحالة زيدت النار بية بدل متهديها رحت ويا ابوية شفت مرت عمي وچان حالها يبچي الكافر هم بتها احترگت گدام عيونها وهم انحرمت من السؤال عنها ع الأقل بعد ما انشلت ووگعت بالفراش رجعنا للبيت بالسبعة بس انهار ظلت ويا خالاتها صليت وگعدت اقرا قرأن منظر شجن وهي بالمستشفى مديقبل يروح من بالي لثمانية ونص سمعت ابوية اجه استغربت مو بالعادة يومية تعبر التسعة يلا يطبون للبيت طلعت اركض چان واگف يم باب الصالة ووجها ميتفسر گبل خليت ايدي على گلبي لا ياربي كل شي ولا تفجعني بيها غيداء.. شبيكم احچوا صاير شي مسلم.. شجن انطتكم عمرها بس گال هيچ وگعت بمكاني صرت ابچي بحرگة موتها مثل الضربة القاضية بالنسبة الي مالي غيرها هي وامي بالدنيا حتى من اضوج من اهلي چنت بمجرد اروح اشكيلها يخف عني كل حمل ما اگدر اوصف حالتي بمثل هيچ يوم ولا اكو كلمة بـ هالوجود تعبر عن كم القهر العشته بذاك الوقت انعزلت بغرفتي ابچي روحي طلعت من جسمي وراحت حضنت روحها مثل ما چنة طول العمر جسدين بروح وحدة بقت الجثة بيومها بالمستشفى ثاني يوم من الصبح رحت ويا امي لبيت عمي لأن گالوا راح يجيبون جنازتها حتى نودعها وصلنة هناك چانت مرت عمي متمددة بالصالة حالتها تصعب ع الكافر فوگ مرضها وعجزها اخذ الموت بتها بـ ابشع طريقة نص ساعة وجابوا الشهيدة طلعت للممر اركض حافية ودموعي تجري شفت الرياجيل دينزلون جنازتها من السيارة بس خلوها بالگاع ركضن خالتها وانهار شمرن نفسهن عليها تقرب منها وگوة اشوف طريقي من الدموع لزمت طرف الجنازة ورفعت الغطى بـ ايدي الثانية چان وجها من جهتي مديت ايدي اتلمس ملامحها المحروگة ها شجو تالي سويتها ورحتي لچ ليش رحتي مو تدرين ما عندي اخت غيرچ بـ هالدنيا تعرفين بية ضعيفة وانتِ مصدر قوتي شلون انطاچ گلبچ ترحين وتعوفيني تايهة من بعدچ گومي فدوة خلي نكمل الجامعة سوة خليچ وياية تدرين شلون كلهم يتنمرون علية وماكو غيرچ يوگف بوجههم وياخذلي حقي من اول يوم تعبت شجن من اول يوم صرت افكر اذا اضوج او احد يقهرني منو راح يسمعني ويخفف عني بس ميخالف خليني متعذبة المهم انتِ ترتاحين بالعافية عليچ رحتي شهيدة والله ينتقم من كلمن ظلمچ ووصلچ للتابوت هذا احچي وياها وفاقدة من البچي حسيت عليهم رفعوا التابوت بسرعة گمت على حيلي هذا هو رايحة شجن رايحة يا صديقة طفولتي واختي الوحيدة رايحة وعايفتني يم هالوحوش وحدي بدون متفكرين شلون راح اكمل حياتي بلاچ باوعت السيف يبچي الله ينتقم منك عسى دموعك هاي تيزاب تنزل على وجهك يا حقير طلعوا جنازتها من البيت وروحي طلعت وياها سودت الدنيا بعيني وضاق صدري من القهر الحسيت بي يومها نصبوا الفاتحة ببيت جدها 3 ايام بقيت هناك مگابلة صورتها وابچي نار بصدري وعقلي مديستوعب كل شي انتهى وشجن نامت جوة التراب وعافتني حاولت اتخيل حياتي بدونها ما گدرت بعد بيمن اتصل من اضوج والمن اشكي من انقهر شلون اشوف مكانها فارغ لمن اصعد بالخط وويامن امشي بالجامعة واني ما عندي صديقة غيرها معقولة اگدر اكمل حياتها بدونها اي يگولون النسيان نعمة ورب العالمين ينطي الصبر للأنسان لمن يفقد عزيز على گلبة بس هسه شلون هسه منين اجيبة للصبر وشلون اگدر اخفف ولو شوية من الوجع الداحسة يحفر بصدري بغيابها ما لگيت اجوبة الأسئلتي غير الدموع ولا اكو شي برد نار صدري غير الحلم الحلمتة بيها وهي واگفة تبتسم بوجهي فرحانة خلصت الفاتحة ورجعنا البيتنا بقيت اواسي نفسي بصورها واگول تحملي غسق المهم هي مرتاحة مو قليل العذاب الشافتة طول الـ 3 ايام بسبب الحرگ واذا عاشت شلون راح تواجه العالم بجسمها المشوه وشرفها النسلب بسبب اخوية الحقير شلون راح تعيش بدونه ويا اهلها الوحوش الما بگلبهم ذرة رحمة بعد السابع رجعت الحياة طبيعية للكل إلا اني صرت حتى ما اهتم الأبوية واخواني اذا ضوجني ولا انقهر من كلامهم مرة من المرات كالعادة اشتغل واني صافنة قدمت الچاي الأبوية وبدون ما انتبهت شمرته علي حار شسوه بية حتى ضرب ضربني من غير الغلط والأهانة رغم كل شي ما اهتميت ولا انقهرت مثل قبل يمكن لأن گلبي مات گعدت بـ الصالة اسمع الحديثهم رجعوا على سيرة الورث ومشاكلهم ويا بيت عمي ولا كأن راحتلهم بنية بعمر الورد بسبب حقدهم والطمع التارس عيونهم ثاني يوم رجعت للدوام صعدت للخط باوعت المكانها فارغ حسيت نفسي ضاق حچيت ويا وحدة من البنات وبدلت مكاني وياها وصلت للجامعة الكل صار يعزيني بس بالي مو وياهم كل مكان وكل زاوية هنا يذكروني شجن اول يوم چان صعب علية ممتعودة امشي وحدي ولا عندي الجرأة ارفع راسي واباوع بعيون الطلاب ويا كل هالنقص البية ما گدرت احضر غير محاضرة وحدة عفت كل شي ورحت گعدت بالحديقة اداري دموعي وضعفي من عيون الطلاب مدنگة اشغل نفسي بالملزمة حسيت احد يمي رفعت راسي شفتة مهيمن گال شلونچ مجاوبتة سحب الكرسي وگعد گبالي - ممكن نحچي - لا - ليش - لأن طلعت جبان حالك حالهم شلون سكتت عن عملتهم مهيمن والله راح اتخبل - شتريدين اسوي اخبر عن ابوية واخواني وبهاي ايدي اطببهم للسجن واقفل عليهم الباب انتِ تسويها جاوبي لو اخوچ فعلاً غلطان وبس انتِ تعرفين الحقيقة راح تحچين بيها - اي واخوية فعلاً غلطان بس حچيتها صفن بوجهي فاتح عيونة اختك بريئة وانت واخوانك تعرفون هالشي كلش زين بس مع ذالك ما گدرتوا إلا على هاي المسكينة - وانتِ ليش متأكدة من برائتها - لأن شجن اختي معاشرتها من طفولتي واعرف عنها كل شي والأهم من كل هذا اعرفها متربية صح ومستحيل تطلع الغلطة منها - يعني سيف ورى السالفة - اي يلا گوم اخذ حقها منه ومن اخوتك لو راح تظل ساكت حالك حال غيرك - لا راح اخذة وعيونچ - يعني راح تخبر عنهم - لا - لعد شلون تاخذة ؟!! - تعرفين اول وتالي بس المهم سيف راح يدفع ثمن عملتة غالي - واخوانك - شبيهم - متحاسبهم - الله موجود هو اليحاسبهم - گوم مهيمن گوم روح الحچي وياك مابي نفع - ابوية بالنص من كل عقلچ تردين احاسبة - والله اليغلط لازم يتحاسب ماكو فرق لو مو ابوية بس للأسف ما عندك الشجاعة الكافية حتى تواجههم - لتلغين لغوة زايدة هذا لسانچ السليط روحي طلعي على اخوچ العار مو جاية تتشطرين براسي صفنت علي كلهم نفس ××× اريدلي واحد بي حظ ورجال بهاي العائلة ماكو گمت اخذت غراضي ومشيت بقيت اروح واجي بالممرات حايرة شلون اتصرف حتى يرتاح گلبي فكرت هواي معقولة دم شجن يضيع معقولة حقها ينداس والمظلوم يتوسد التراب والظالم يعيش رغد بهذا الزمن املي چان بمهيمن بعد ما شفت خوفة عليها وحرگة گلبة من سواية اخوانة گلت راح ياخذ حقها كلها ايام بس يخلص السابع ويطلع من صدمته راح يتحرك ويحاسبهم على جريمتهم القذرة بس للأسف چانت هاي مجرد ظنون وأن بعض الظن أثم تعبت من المشي شمرت غراضي بالگاع وسندت نفسي ع الحايط صار صوت شجن بـ اذني لچ لترجعين ع الحايط مو ملابسچ تتدمر نزلت دموعي بخنگة ما اتصور يا شجن راح ارتاح وانتِ حقچ ضايع لازم اتصرف بأي طريقة اخذت غراضي ورحت للأمنية سألتهم كم سؤال وتمشيت لباب الجامعة بعد نص ساعة على موعد الخط اگدر اتصرف بيها ان شاء الله طلعت خارج الجامعة مشيت مسافة 500 متر شفت ولد من بعيد راكب دراجة تجرأت اوگفة هاي اول مرة اسويها واحچي ويا شخص غريب او اطلب طلب منه،، حتى زملائي بالجامعة ما اختلط بيهم تجاوزني لأن چان يمشي سريع ثواني ورجع الدراجة علية خفت ممتعودة اكون بـ الهجرأة بس لازم اكون - نعم صحتيني - اي اخي - خير محتاجة مساعدة - اي مثل متشوف اني طالبة جامعة والخط مالتي تعطل وللأسف صدفت موبايلي خلصان شحن اذا ممكن بس تنطيني موبايلك اخابر اهلي دقيقة مو اكثر - اي خوية تتدللين مد ايدة الجيبة رجع باوعلي خفت كلش بس لا شك بية چان يگول - اذا ما عندچ كروة اني انطيچ ليش تظلين تنتظريهم والدنيا باردة عليچ - لا لا عندي بس هم صعبين شوية ما عدهم بنية ترجع وحدها - اذا هيچ براحتچ فتح موبايلة وانطانيا باوعت علي بتردد افتهم علية اخذ دراجتة وراح بصف الحايط دگيت الرقم وايدي ترجف يارب ساعدني يارب ما عندي غيرك اخذ حق شجن من اهلها وطلعني من هالسالفة بدون مشاكل انطيت اتصال رن مرتين بالثالثة انفتح الخط حسيت گلبي انفتح ويا - نعم تفضلوا - السلام عليكم - وعليكم السلام -اريد اخبر عن جريمة قتل... يتبع لتنسوووون ⭐⭐⭐⭐⭐⭐ | ||||||||
|
| |
|
27-01-21, 04:19 PM
| #7 | ||||||||
| مراقبة عامة ومشرفة منتدى الروايات المنقولة
| البارت الرابع #وضاقت_الأرض_بي للكاتبة #لبنى_الموسوي وظـلمـةة القبـرِ اهـون من ظـلمـةة النفسِ ولـ ظـلمـةة اللـيل اشـكي مـا بالـروحِ من بـأسِ كـفاكـم مـن لَـهيـبِ الـحـقـدِ مـغـرفـتـاً امـا شـبعـت بطـونـكـم مـن ما جـرى امـسِ امـا اهتـزت ضـمائـركـم عـمـا فـعلتـم بـنـا فـ ما حصل لا يرضي الخلائق جنٌ كانوا ام انسِ عـظيـم الـرزيـة كـانـت مـا اقـترفـتـم فـعلـهِ والأعـظـم مـن هـذا الـفـعـل مـا تلـقـون مـن درسِ *********** انطيت اتصال رن مرتين بالثالثة انفتح الخط حسيت گلبي انفتح ويا - نعم تفضلوا - السلام عليكم - وعليكم السلام -اريد اخبر عن جريمة قتل - تكلمي - اكو بنت انقتلت بدون ذنب حرگوها اهلها يعني اقصد ابوها واخوانها وادعوا الطباخ انفجر عليها وماتت هذا العنوان ×××××××××××××××××× - منو المقدم البلاغ ومنين دتتصلون فصلت الخط بسرعة خفت لا اطول اكثر بالمكالمة وانكشف ما اعرف السويتة راح يعدي على خير لو لا بس چان لازم اسوي هيچ حتى ارجع ولو جزء بسيط من حق بت عمي الضاع هدر رحت للولد صاحب الموبايل ع سريع چان واگف يم دراجتة ومنطيني ظهرة انقهرت علي بداخلي اعرف تورط وياية بس ماعندي غير حل لو متصلة من موبايلي اكيد يكشفوني بسهولة وساعتها محد منهم راح يرحمني لا اهلي ولا حتى بيت عمي حذفت المكالمة وصحت علي - خوية بلا زحمة - نعم خيتي - هذا موبايلك مشكور زحمتك واي شي راح يصير اعتذر منك مقدماً علي - لا العفو بس ما فهمت قصدچ ؟!! - مو ضروري تفهم المهم اكرر اعتذاري الك حچيتها ومشيت ظل صافن وراية مستغرب كلامي ما اهتميت رجعت امشي سريع للجامعة الوقت تأخر وخاف الخط يعوفني ويروح وصلت لگيتهم ديتحركون همزين لحگت عليهم صعدت بالكية والكل صار يحچي علية بسبب التأخير اما اني فما جاوبت أي احد بيهم حطيت راسي ع الجامة ونزلت دموعي ما اعرف شگد راح يطول هالعذاب ولا اعرف ذكرياتي وياچ شوكت تفارق مخيلتي وتريحني بس يارب اگدر اخذ حقچ شجن يارب يتحاسبون اهلچ على الشي الصار وياچ اما سيف فـ كافي علي عذاب الضمير الداشوفة كلما اباوع العيونة وعذاب رب العالمين حيكون اشد وامر من عذاب ضميرة الطريق كله دموعي تجري مخنوگة بشكل وعيوني تحرگني من قلة النوم وكابوس شجن وهي تحترگ وتستنجد باهلها مديروح من راسي الخدران من التفكير وصلت للفرع چان الشارع هادئ بس جيرانة واگف يرش گبال باب بيتهم وابنة يلعب بالطوبة بصفة توني دانزل سمعت صوت سيارة الشرطة خفت كلش فتحت الباب وطبيت حتى بدون ما اباوع شراح يصير تلگتني امي تستفسر عن الصوت جاوبتها ما ادري وصعدت الغرفتي گبل بدلت وتوضيت وصليت كل هذا ابوية واخواني ما اجوي بعد بقينة ننتظرهم ع الغدة لـ 3 وهم ماكو اخير شي امي ظل بالها توها گامت حتى تتصل بيهم انفتحت الباب وطبوا سوة غيداء.. هاي وين صرتوا متگلولي مسلم.. خليها سكتة يمعودة - شكو صاير شي - اي - شصار خوفتوني احچي - دنرجع من الشغل لگينة الشرطة يم بيت سالم رحنه دنشوف شكو طلع ما ادري منو مقدم عليهم بلاغ عن موضوع شجن الله يرحمها بس گال هيچ بلعت ريگ بخوف ما اعرف وين اودي وجهي وشلون اكون طبيعية حتى لحد يشك بالموضوع چانت الصالة مخربطة شوية گمت شغلت نفسي بترتيبها واذني يمهم اريد اعرف شسوت الشرطة بهذولي المجرمين - اي كمل وتالي - ماكو كشفوا ع البيت وراها اخذوا سالم وولدة وبقت بس ام محمد وانهار بالبيت - وشراح تسوون هسه - صبي الغدة بسرعة علمود ناكل ونروح وراهم للمركز وانتِ هم اخذي غسق وروحي يم مرت اخوية خطية مريضة وبتها طفلة مو مال يبقون وحدهم - اي واجب كملنة الأكل ع السريع طلعوا ابوية واخواني من البيت واحنه قفلنا البوب ورحنه البيت عمي داخلي چان يضحك من بعد اسبوعين من القهر والظلم حقت الحقيقة حتى لو كانت هالحقيقة مؤقتة المهم خليهم يعرفون الله بالمرصاد وميعوف حق عبدة ضايع وصلنة للبيت وضع مرت عمي باقي مثل ما هو ولأنهم مخبوصين بموضوع شجن محد اهتم الوضعها وراجع بيها الطبيب علمود العلاج الطبيعي گعدت امي يمها شوية واخذت انهار رحنة الغرفتها المشتركة ويا شجن الله يرحمها اول ما طبيت الها اختنگت صار گبال عيني منظرها من چانوا ديهجمون عليها والسچينة مغروسة بظهرها نزلت دموعي بحرگة لو شما احاول وشگد ما اسوي هم ما تخمد نار گلبي عليچ يا اعز ناسي - شفتي شصار غسق - شفت انهار شفت - شتگولين منو اشتكى عليهم - ما ادري هسه سولفيلي شصار بالضبط - چنة دنتغدة سمعنة صوت سيارة الشرطة وراها اندگت الباب سريع طلع مهيمن يشوف منو ثواني وصاح سوو طريق گمت لبست حجابي ورجعت طبت الشرطة گالوا مقدمين عليكم بلاغ بخصوص جريمة قتل ولچ ما شفتي منظرهم شلونة واحدهم ظل صافن ع الثاني ووجهم صار ينطي الوان من الخوف سألوا كم سؤال شلون صار الحادث ووين ومن هالحچي وراها گاموا كشفوا ع البيت واجو اهلچ بهلأثناء گلبوا البيت شبر شبر وأول ما خلصوا اخذوا ابوية واخواني وطلعوا من البيت - تزعلين متزعلين بس حيل بيهم حوبة شجن متتعاداهم وگولي گالتها بت عمي - شبيچ والله فرحانة هم مو اهلي بس والله ما اتمنى شي بالدنيا بگد ما اتمنى ياخذون جزائهم عن الشي السوو بأختي الوحيدة - راح ياخذوا صدگيني بعدهم ما شايفين شي من العدالة الألاهية ترى رب العالمين ما عندة عصى يضرب بيها الناس - ونعم بالله بس اموت واعرف منو هذا السبع البلغ عليهم - هسه منو مكان المهم بلغ رحم الله والدي - اي والله ألف رحمة على والدي بس شلون عرف اوگفي غسق فكري وياية منو يعرف بهاي السالفة غيرنة وغيركم لحظة معناها واحد من عدنة وبينة شتگولين منو ابوچ لو مازن معقولة سيف ؟!! لا لا ولچ بس لا مهيمن لان هو الوحيد الما قبل بعملتهم وبعدة يلوم بيهم لهذا اليوم اسمع الها واهز براسي وين تريد تصير خلي تصير ما اهتم حتى لو انكشف المهم صار الي لازم يصير من يوم ما اقترفوا جريمتهم الشنيعة وقتلوا اختهم بدم بارد يومين وهم بالمركز قيد التحقيق كل هالفترة واحنه ببيت عمي علمود لا يظلن مرتة وبنتة وحدهن بالبيت باليوم الثالث گاعدين بالصالة امي تقرا قرأن وانهار تمسح جسم امها بالكلينس المرطب سمعنة صوت عمي صاح يا الله گمزت من مكاني خايفة لبست حجابي واحچي ويا روحي يربي هذا شطلعة من السجن باوعت للباب طب هو وولدة واهلي وياهم هنا اني جمدت بمكاني قلق على حيرة على خوف من المجهول المنتظرني چانت اثار التعذيب واضحة على وجوههم حتى عمي ضاربي وياهم لأن بالگوة يتحرك حتى يگزل بالمشي تلگتهم انهار مصدومة مثلي سوت روحها خايفة عليهم بس بالحقيقية خايفة منهم مو العكس انهار.. ها بابا شصار سالم.. مصار شي - شلون يعني مصار شي رضا.. انهار لتلحين صديق اخوچ محمد ضابط وياهم وطلعنة من الموضوع بطريقتة - خوش الحمد لله زين ما عرفتوا منو مقدم البلاغ باوع عمي على مهيمن بخزرة وگال لا صفنت عليهم شنو هذا الداشوفة بعيني ؟!! ليش ديباوع على مهيمن هالشكل معقولة عرفوا بالموضوع بس مرادوا يحچون گدام اهلي علمود ليأذوني ظليت طول اليوم عايشة برعب منا خوفي من كشف الحقيقة ومنا قهري على طلعتهم بهالسهولة ولا كأنهم كاتلين روح بريئة كالعادة ما گدرت انام بالستة ونص گمت بدلت ونزلت بالمطبخ چانت امي واگفة تسوي ريوگ لأبوية - يلا يمة تعالي اكلي - ما اشتهي - بس ميصير هالشكل صار فترة اكلچ مو تمام راح توگعين تالي ومحد يبتلي بيچ غيري - اكل بالجامعة ماما ليظل بالچ - والله ما اصدگ شوفي لونچ شلون صاير بعدين احچي هالحچي - اسكتي راح يجي بابا مالي خلگ المحاضراتة من الصبح - غسق الخاطر امچ اكلي - والله اكل ماما بس مو هنا بالجامعة يلا اروح البس حجابي قبل ليجي الخط ويثبرنا بالهورنات لبست الحجاب وطلعت للجامعة اول ما نزلت من الخط شفت مهيمن واگف بالگراج وشكلة چان ينتظرني لأن بس شافني اجة باتجاهي يمشي سريع - ها مهيمن خير - امشي وياية بسرعة - وين ؟!! - لتسألين امشي وانتِ ساكتة احسن مشى قبلي مسافة دار وجها شافني صافنة باوعلي بخزرة گبل تحركت من مكاني اكيد عرف اني مبلغة عليهم واجة يحاسبني وصلنة المكان معزول اشرلي اگعد ع المصطبة وطلع جگارتة يدخن - ممكن اعرف ليش سويتي هيچ - ليش اني شسويت ؟!! - لتغشمين روووووحچ عرفت انتِ المبلغة علينة لأن الأتصال من بنية بس الرقم مو الها الولد غريب وطبعاً من حققوا ويا گال وحدة ما اعرفها وگفتني يم الجامعة طلبت جهازي علمود تتصل بأهلها بحجة خطي عطلان واريدهم يجون ياخذوني لچ يا غبية عرفوچ تدرين شنو يعني عرفوچ لو لاااااا لأن بكل بساطة ماكو غيرچ يعرف بالحادثة الصارت وبس افتهموا البلاغ جاي من بنية وقريب الجامعة گبل گالوا غسق ماكو غيرها - لعد شعجب سكتوا - لأن اني شلتها عنچ گلتلهم اني دزيت زميلة الي تبلغ عليكم وعلية حتى لتشكون بالموضوع وراها انطيت للضابط مواصفات تشبه مواصفاتچ حتى يطلع الولد الورطتي وياچ بالسلامة بعد ما اتبهذل بسببچ يومين بالمركز - وشلون طلعوا هيچ - ههههه عود عبالچ تگدرين عليهم ولچ هذولة يودوچ للشط ويرجعوچ عطشانة بكل بساطة محمد گال الصديقة الضابط اني مطبب جليكان البانزين للمطبخ وعبالي نفط لأن يتشابهن بالشكل علمود اترس الصوبة ولمن انفجر الطباخ چان الجلكان بمكانة وگب ويا النار وصار الي صار وهيچ طلعوا منها مثل الشعرة من العجين ويا الواسطة طبعاً باوعت علي بقهر - اذا هسه فلتوا منها فمن رب العالمين مراح يفلتون واي اني بلغت مخايفة حتى لو عرفوا المهم حاولت اخذ حق شجن منهم وما اسكت مثل ما سويت انت - حق اااااختي اااااني اااااخذة انتِ لتتدخلين او بلأصح روحي حاسبي اخوچ ال×××× وعوفي اهلي بحالهم - لتصيح احنه بنص الجامعة - اسمعي لچ قسماً بالله العلي العظيم اذا مرة ثانية لمحتچ متصرفة تصرف ولو ممقصود بموضوع شجن متلومين إلا روحچ واحمدي ربچ اني موجود وإلا چان هسه انتِ گاعدة بالبيت بصف امچ هاي اذا ما خلوچ جثة ع الفراش - لتهدد تسمع مخايفة لا منك ولا منهم وميحتاج تگولي شنو راح يسوون بية اذا عرفوا لأن اني اكثر وحدة ادري بيهم شگد مجرمين وميخافون ربهم لعد اتقي شرهم وشري احسن الچ ركزي بدراستچ ولتظلين تتصرفين بطيش لأن ما اريدچ تبطلين من الجامعة صفنت على كلامة كل ظني چان خايف علية لان عمري بحياتي متخيلت ممكن مهيمن يتصرف بنذالة تفوق نذالة سيف وحقدة بدت الأيام تمشي مر اسبوعين على موت شجن والغصة بصدري بعدها وكأنها البارحة ماتت گبال عيني حياتي باردة بدونها ماكو شي يعوض غيابها حتى دراستي الچنت احلم بيها طول عمري ما عوضت مكانها الخالي بيوم من الايام چنت گاعدة بالحديقة مال الكلية الملزمة بـ ايدي احاول اقرا للأمتحان حتى اگدر اجاوب ولو شوية فجأة حسيت احد صار يمي رفعت راسي ولد ما اعرفة بس شكلة مو غريب كأني شايفتة من قبل - هلو غسق شلونچ - منوو ؟!! - اني اسمي حسن يمكن متعرفيني لأن من غير كلية بس اني شايفچ هواي لأن اتردد بأستمرار للنادي مالتكم صفنت علي احاول اتذكر هناك وعرفتة هذا واحد من اصدقاء مهيمن گبل گمت من مكاني - ها ها شبيچ - عندي امتحان لازم اروح - بس بعد عشر دقايق للمحاضرة - اخي شرايد ممكن افهم - رايد نتعرف - اني مو مال هالسوالف اترجاك تحل عني علمود لا اتصرف وياك تصرف ميعجبك - شبيچ هذا كله لأن گتلچ نتعرف ما ادري على شنو شايفة روحچ ترى كلچ خلگ ××× حبيت اجربها جسمي قشعر من كلامة عفتة وركضت للقاعة احس گلبي يريد يوگف من الخوف هاي اول مرة يحچي ولد غريب وياية ومو اي كلام طول عمري يسموني معقدة محد گدر ياخذ مني ولو كلمة وحدة طول هالسنتين تالي متالي يجي واحد مثل هذا ويتفوه بهيچ كلام قذر خلصت الأمتحان وكل شي مگدرت اجاوب منا اني ما دارسة زين ومنا كلام حسن المثل السم شتت كل تركيزي رجعت للحديقة بعيد عن عيون الطلاب گعدت ع الكرسي والدموع تحرگ بعيني وينچ شجن تعالي شوفي شديصير بية بعد ما رحتي بچيت كلش احتاجيتها بهيچ موقف والأهم اشتاقيتلها اشتاقيت الضحكتها الكلامها التشجيعها الي الدفاعها عني للرزالة الاحصلها من عدها كلما تشوفني اكل حسيت احد قدملي كلينس رفعت راسي وانصدمت بصديقهم علاء گبل تذكرتة بعد ما شفت حسن اليوم - ليش تبچين بس لا هذا الناقص ضوجچ بكلامة احچي والله اروح اعدمة العافية - انتو شبيكم وياية اليوم !!! - اعصابچ كل الموضوع شفتة واگف يمچ ولأن اعرف بيچ خوش بنية واعرف بصديقي شنو من شي اجيت حتى انصحچ تبتعدين عنة قبل ليورطچ بعلاقة فاشلة - گلتها الة وراح ارجع اگولها الك هم اني مو من هذا النوع ولا حتى عندي هالسوالف لذالك اترجاك تبعد عني انت وصديقك ترى ميصير خير اذا وصل الموضوع لأهلي - فوگ مدانصحچ يعني - شكراً ياريت توفر النصيحة النفسك وتبعد عن طريقي انت وصديقك المحترم حچيتها ومشيت متفاجأة من نفسي ومن القوة الاجتني فجأة قبل لو حچة عني ولد حچاية وحدة اصير ارجف وما اعرف اجمع كلمتين على بعضهن حتى ادافع عن نفسي ودوم شجن ترد عني بس هالمرة غير ما اعرف شنو السبب ولا اريد اعرف المهم صرت ادافع عن نفسي وطلع لساني العاش كل عمرة اخرس ومالة اي صوت اسبوع كامل تكرر هالشي وياية يجي حسن يذب كلام مثل السم وعلاء ينصحني ابتعد عنة لأن مو خوش ولد بس اني ما اهتميت لا الهذا ولا الهذاك يوم الخميس بالعشرة چنت گاعدة بنفس مكاني سمعت صوت علاء بس شفتة ردت اگوم چان يلزم جنطتي حيل گبل خزرتة - بس شوية نحچي شبيچ - شرايد اخي ترى زودتها حيل - اني معجب بيچ والله بالحلال بس انطيني فرصة خل اتعرف عليچ وراها اتقدم الچ حسب الاصول - واني ما اريد اتزوج هي گوة - ليش سامعة عني شي لذالك دترفضيني - واني وين اعرفك حتى اسمع - اي لعد دانطي النفسچ فرصة تتعرفين علية باوعتلة بخزرة ومشيت لازم احط حد الـ هالثنائي لأن يوميا جاين واحد يتجاوز والثاني يدگ ناعم وشنو هدفهم من هالشي مداعرف وصلت للبيت قريب الـ 2 ساعدت امي بالغدة وچنت ناوية افتح الموضوع ويا ابوية علمود يشوفلي حل وياهم للعصر اندگت الباب حيل گمت للمطبخ ويا امي شوية وصارت هوسة بالبيت صوت عمي وولدة يتعاركون ويا ابوية بقيت اركز بالكلام حاولت افهم شديصير بيناتهم ماكو بس الصوت العالي وصياحهم ترس المكان بحيث حتى حس مهيمن سمعتة طلعت من المطبخ لباب الصالة وگفت اسمع شوية وانصدمت بكلامهم ابوية مهدد عمي بسالفة شجن علمود يرجع حقة وحق عمامي من ورث جدي هنا ما اعرف شـ احجي بعد عالم عاميها الحقد،، والفلوس هي همهم الأول والاخير حتى لو على حساب ارواح المنهم وبيهم شوية واجو عمامي الباقين صارت هوسة شگدها ووصلت بيناتهم واحد يهدد الثاني يومين وهم بالمشاكل بلأخير قرر عمي يتنازل عن البيت الگاعدين بي مقابل سكوت ابوية عن الموضوع ما اعرف شلون افسر الشي الصار اشمأزت نفسي منهم نفر نفر بحيث اتمنيت روحي ميتة ويا شجن ولا اشوف هالشجع والطمع الشفتة عليهم هسه يوم الأحد گعدت الصبح واني منايمة غير ساعتين نزلت جوة چانت امي واگفة بالمطبخ باوعتلها بخنگة ما اعرف شنو هالشعور الداحس بي - ماما - ها بنيتي - اريد ريوگ من ايدچ - يا يا صلوات واخيراً قررتي تتريگين وتفرحين گلبي باوعتلها مبتسمة گعدت ع الميز سوتلي الريوگ واجت گعدت بصفي بديت اكل وعيوني عليها ما اشتهيت بس جاملتها اخير شي شلت المواعين غسلتهن ورجعت يمها چانت گاعدة تثرم بالشبنت اخذت السچينة منها وگعدت مقابيلها باوعتلي وضحكت - ها شبيچ يمة - اريدچ تحضنيني - خير مو عوايدچ - هسه مو زين احبچ - اني الاحبچ يمة تعالي جنچ على حضن وفتحتلي ايدها شمرت نفسي بحضنها ابچي بقت تسألني شكو وشبيچ بس ما گدرت اجاوبها لحد ما هدأت وراها تحججت بموضوع شجن - يمة كافي بالعافية عليها ماتت شهيدة مظلومة وراحت يم رب رحيم - اي صح يلا صار لازم اروح ماظل وقت راح يجي الخط - ديري بالچ على نفسچ ولتخوفيني عليچ بنيتي - لتخافين ماما بتسها وطلعت من يمها بسرعة حتى لا ارجع ابچي احنه هسه بنص شهر الثالث وامتحانات الكورس الثاني مستمرة واني مداجاوب بسبب حالتي النفسية الدتتأزم يوم بعد يوم بيومها ما شفت لا حسن ولا علاء صح استغربت لأنهم اسبوع ما تركوني بحالي بس بنفس الوقت فرحت لأن حسيت روحي خلصت منهم خلص الدوام بالگوة اخذت ملازمي وداروح للكراج صار مهيمن گبالي استغربت من جيتة بس مشيتها عادي - تعالي اريد احچي وياچ - خير شكو - امشي وهسه تعرفين - الخط ينتظرني مهيمن - منتأخر الموضوع يخص شجن ولازم تسمعي بس جاب اسمها گلبي انعصر صدگت بكلامة ومشيت ويا واني مأمنة ما اعرف وين ماخذني بس لا يمكن اشك بي ولا بأي شكل من الأشكال طلعنة برى الجامعة بقينة نمشي وهو ساكت بس چان شكلة مو طبيعي شكيت اكو شي بس ما اجة ببالي غير اعترافة على اهلة بهذيچ اللحظات وصلنة الفرع چانت ببدايتة واگفة سيارة عالية گال اوگفي هنا نحچي باوعتلة مستغربة ليش جبتني لهنا مهيمن ممكن تفهمني ظل يباوعلي مرتبك حسيته دايخ وعيونة حمر توني اريد احچي انسد حلگي بقطعة قماش وراها غبت عن الوعي فتحت عيني بس اكو وجع براسي قوي وكأني ماكله ضربه علي مداگدر اركز بشي بس دا اسمع اصوات يمي ممفهومه واحس بروحي طايره مو ع الگاع شويه وبدت الصوره تتوضح گدامي باوعت للمكان وين اني ؟!! گمت بسرعه صاروا مهيمن وحسن وعلاء بوجهي وسعت عيوني من الخوف والصدمه صرت ارجف بشكل فضيع لدرجة وگعت من طولي لأن رجلي متحملني بعد تقربوا مني بنفس اللحظه رجعت ليورة زحف وعطت بصوت عالي بلكت الله يطلع كل هذا كابوس واگعد منة الگة نفسي بحضن امي للاسف چان هذا كابوس بس بالواقع مو بالمنام مهيمن.. لتصيحين ولتعبين نفسچ لأن محد يسمعچ وانتي بنص الچوله صار صوتي يرجف ودموعي نزلت لا ارادياً -شتريدون مني وليش جايبيني هنا علاء.. تدرين كلش زين شنريد منچ -لا ما ادري والله ما ادري وغطيت وجهي اشهگ بحرگه لأن ما اريد اصدگ الشي الموجود بعقلي حالياً حسن.. باعي لچ سنتين وانتِ تبعين شرفيات ومثليات براسنه اجه الوقت النسحل بي شرفچ بالكاع ونسحگة باحذيتنه القذرة غسق.. لا عفيه لا ابوس حذائك لتسوي هالشكل خلي الله بين عيونك قبل لتفكر تأذيني حسن.. راح تبوسيها وانتي الممنونه تقرب مني گمت اعيط واضرب بي عطت عطت عطت لحد ما حسيت بلاعيمي تجرحت وصوتي اختفى تماماً ظليت ادفر بي وعيني على مهيمن عسى ولعل يرف گلبه عليه مثل ما خله گلبي يرف علي ويحبه بس ماكو واگف هو وعلاء يتفرجون وما حركوا ساكن بديت افقد مقاومتي حسي راح وجسمي تعب من الحركه السريعه والنتيجه گدر يسيطر عليه ويقيدني نزعني حجابي ومد ايده على قميصي لزمت ايده ابوس بيها وأأشرله براسي بمعنى لا لأن صوتي ميطلع بعد كل الصياح الصيحتة بس للأسف ما فادتني دموعي ونظرات الخوف الواضحة على وجهي بشي واستمر بالديسوي جردني من ملابسي تقرب مني بوحشية والمصيبة گدامهم وهم بكل صلافه واگفين يباوعون غمضت عيني بقوة ظليت اصرخ بصوت مخنوگ من الخارج بس من الداخل يهز اكبر جبل على وجه الارض حسيت بوجع حقير وشعور احقر طول ما هو فوگاية مستمرة بمقاومتة باشكال الطرق بس مقاومتي ضعيفه يم قوته وحيونتة المو طبيعية ما اعرف شصار وشسوة گام فجأه مني ولبس ملابسة ردت اجر قميصي استر روحي بي ما بية اتحرك من الصدمة وتفاجأت بعلاء وگف گبالي وبده ينزع بملابسة رجعت اصيح وابچي چنت متصوره خلص اخذ حسن شرفي وانتهى الموضوع بالنسبه الهم بس للأسف الشغله اكبر مما تصورتها تقرب مني ردت ادفعة ما گدرت واكتفيت بالصياح والبچي لأن الم روحي سيطر على الم جسمي وشل حركتي للأخير ابتعد مني واجة مهيمن سوه نفس الشي بس اني هنا انتهيت كل شي ما احس بعد غير بصوت يشبه الصفارة بأذني وعيوني بدت تغوش بدموعها گام مهيمن واني الدنيا تفتر بية كل شي گدامي اسود بأسود گوه گدرت اسمعه من گال - هاچ هاي فلوس حتى ترجعين للبيت بيهن وخلي ببالچ لازم تمشين مسافة ربع ساعه يلا تگدرين توصلين للشارع حتى تحصلين سيارة وشمر الفلوس على وجهي علاء.. وها اسمعي قبل لا نروح اذا فكرتي تحچين بالشي الصار ترحين بيها الله وكيلچ ترى احنه ٣ وانتِ وحدة يعني محد راح يصدگچ وتصعدين تنزلين تظلين مو گدنة خلي هالكلام يرن بأذنچ حتى لا تندمين حسن.. سمعتي يا شاطرة وباسني بالهوى طلعوا من المكان زاد صوت الصفير بأذني وعيوني بدت تقفل لا ارادياً وراها محسيت بشي بعد فتحت عيوني ظلمة حيل كل شي ما اشوف گدامي وين اني وليش مداشوف شي معقولة عميت !!! فجأة تذكرت الصار گمت ابچي بحرگة ومن كل گلبي المكان اظلم صرت ازحف واتلمس الگاع ادور على جنطتي علمود الموبايل صارلي شگد هنا بيش الساعة ووين هذا المكان معناها صار الليل ماطول الدنيا ظلمة هالشكل بقيت ابچي وادور ساعة ادعي رب العالمين وساعة اصيح وينچ ماما تعالي خلصني من هالمكان لحد ما لگيت الجنطة طلعت الموبايل شغلتة ما اشتغل اكيد خلص شحنة هو بلأساس بطاريتة تعبانة كلش بقيت اتلمس بالگاع لگيت ملابسي بصعوبة لبستهن وذبيت الحجاب على راسي گمت من مكاني رجلي ترجف اريد اوگف عليها ما اگدر بحيث بالگوة لزمت بالحايط ومشيت صرت ادور ع الباب اريد اطلع من هذا المكان بس وين والمن اروح ما ادري دقايق واني تايهة تعبت مثل الاعمى ويدور على مخرج وين يلا لگيت الباب واخيراً فتحتها هم چانت ظلمة بس ارحم من الداخل الصوت چان يرعب كلش،، شي حيوانات شي اصوات غريبة اول مرة اسمعها بعمري مشيت ودموعي تجري مثل الشلال طريق مجهول ومصير معلوم وبين هذا وهذا انتهت حياتي بعدني امشي بخوف سمعت صوت كلاب تنبح بمكان قريب مني وشوية شوية الصوت بدا يقترب اكثر واكثر رجف جسمي من هالصوت اصلاً اني جبانة وحتى من انام اترك الضوة معلوگ لأن اخاف من الظلمة شطلعني لهنا ما ادري درت وجهي ومشيت سريع بس اريد ارجع للمكان اقلها هناك اكو باب تحميني لحد ميطلع الفجر ركضت بسرعة وبسبب خوفي من هاي الأصوات المرعبة كل حيلي رجعلي بعدني اركض احاول ارجع للمكان احتمي بي ما احس إلا وفجأة تقيدت حركتي من الخلف جمدت بمكاني ... يتبع لتنسووون ⭐⭐⭐⭐⭐⭐ | ||||||||
|
| |
|
27-01-21, 04:22 PM
| #8 | ||||||||
| مراقبة عامة ومشرفة منتدى الروايات المنقولة
| توضيح #وضاقت_الأرض_بي للكاتبة #لبنى_الموسوي مساء الــ🥀ـورد عليكم غوالي ❤ رجاءاً اقروا هالكلام بتركيز وللأخير حتى الأسئلة متتكرر يومياً توضيح مهم عن القصة اولاً/ المشاهد النزلتهن الكم مو ضروري يكون كل مشهد منها البطلة مختلفة.. ممكن تكون جميعها البطلة وحدة او موزعة بين البطلات لكن مو بالتساوي ثانياً/ لتاخذون من المشهد بس راس الخيط وتوگعون دگ غلط ومسبة ع العالم بدون متعرفون السبب او أساس الخلاف ممكن يكون هالكلام الي انسرد بلسان البطلة ناتج عن سوء فهم او خلاف محلول او الغلط من الأساس يكون منها هي مو من المقابل لذالك اترجاكم انتظروا الحدث التابع للمشهد يظهر بالقصة وبعدين حكموا ع العالم مثل متحبون واغلطوا مثل ممتعودين 🌚💔 ثالثاً/ اساسية القصة 3 بطالات لكن اكو بطلات غيرهن راح يشاركوني بالسرد وحياتهم اكيد مراح تكون اقل اهمية من حياة باقي الأبطال الموجودين بالقصة وممكن يكون اي مشهد من المشاهد النزلتهن تابع الوحدة منهن رابعاً/ كل المشاهد النزلتهن الكم للحماس اولاً ولتخفيف الصدمة عن المتابعين ثانياً كـ مشهد اغتصاب غسق لأن مثل مدتتشوفون الاحداث قوية وخطيرة واذا فاجأتكم بيها الله اليعلم شراح تحچون !!! هو اني سويت هالشكل وبيكم من يرفض التصديق وكأن العراق خالي من الاغتصابات وهتك الأعراض بين الأهل وغسل العار والطمع والشجع وانعدام الضمير الخ... من المآسي والمحن لذالك اقروا المشهد وانتو ساكتين من يجي وقتة وتشوفون بيمن الغلط وشنو سبب هالكلام ساعتها الكم حق تغردون منا لما يرتاح گلبكم خامساً/ عندي خلل لا والله مو احد ألف خلل بالواتباد - ميصوت - يلغي نشر القصص - يلغي نشر البارتات - يلغي المتابعة - يصوت بكيفة على قصص اني مداخلة عليهن اصلاً - يعيد نشر البارت ويوصللكم الأشعار واني مو يم الموبايل اصلاً - مينشر البارت بسهولة - الأبلاغات مستمرة - مرات يصفن وميفتح لساعات بحيث اضطر اكتب البارت بمكان ثاني وبعدين انسخة هنا - يلغي التصويت من وحدة فـ يا حبايبي الحلوين ❤ من يوصللكم اشعار لبارت قديم مو مني الخلل والله يأما الواتباد يلغي نشر البارت واضطر اعيدة يأما من وحدة يدزلكم الأشعارات سألت كذا كاتبة محد عرفت السبب واكو منهم يعانون مثلي من بعض المشاكل بالواتباد سجلت خروج ورجعت غيرت الرمز حذفت الواتباد ورجعت نزلتة كل شي سويت وما فاد ولا تصلح الخلل وصديقتنا Zoza_hadi واخوها استاذ احمد يشهدون على كلامي اخير شي راسلت الشركة ومنتظرة ردهم وان شاء الله يتصلح الخلل عن قريب ونخلص من هالمشاكل يعز علي تهجمكم في حال وصول اشعار بأعادة النشر لأن اني داعاني اكثر منكم الله يشهد فـ تحملوني واتحملكم واذا ظل الحساب هالشكل يمكن اضطر اغيرة واخلص سادساً/ النشر بين يوم ويوم مؤقتاً مثل مدتشوفون القصة كلش صعبة وبس رب العالمين وحدة يعلم شلون داكتبها وهذا كان اهم سبب يخليني اتردد ابدي وبيها واستغرق مني وقت طويل يلا قررت كتابتها بلأخير وحتى بالبداية رفضتها بسبب بعض احداثها المؤلمة للعلم القصة وصلتني من نهاية 2019 لذالك اتحملوا شوية خلي تمشي الأحداث وارجعلكم بنظام ( يومين نشر يوم استراحة) لأن دا اواجه صعوبة بالسرد الله شاهد ولو ما قوة احداث القصة وعيوني التعبانة كان نشرتلكم يومي لأن متعتي بالكتابة وميمنعني عنها وعن متابعيني الغالين غير الشديد القوي سابعاً واخيراً/تصويتكم اكثر شي ممكن يفرحني المشاهدات عالية والتصويت هابط هي نجمة ⭐ متخسرون شي اذا تضغطون عليها حتى تخففون تعبي وتفرحوني والأهم من هذا حالوا تشاركون القصة شگد متگدرون علمود اكرمكم بالنشر شگد ما اگدر لأن القصة تتناول قضايا مهمة بمجتمعنا العراقي وموجود في قالب اغلب بيوت عوائلنا من الشمال الى الجنوب وتستاهل اكثر من هيچ تفاعل وان كانت في بداياتها ما اعرف اذا نسيت شي هذا كل التذكرتة حالياً وميهون علية اشوفكم تسألون او تستغربون شي معين واترككم بدون توضيح احبكم جداً ❤🥀 | ||||||||
|
| |
|
27-01-21, 04:23 PM
| #9 | ||||||||
| مراقبة عامة ومشرفة منتدى الروايات المنقولة
| البارت الخامس #وضاقت_الأرض_بي للكاتبة #لبنى_الموسوي بعدني اركض احاول ارجع للمكان احتمي بي ما احس إلا وفجأة تقيدت حركتي من الخلف جمدت بمكاني خايفة اباوع وراية كل الافكار السلبية راودت عقلي بهذاك الوقت منو ممكن يكون لزمني معقولة واحد من عديمين الشرف سمعت صوت الكلاب بدت تقترب كلش درت وجهي سريع واشوف تنورتي مشكلة بأسلاك شائكة ممدودة على طول الگاع لذالك تقيدت حركتي دنگت حتى افتح السلك منها ما اشوف إلا الكلاب اجت تركض علية جريت تنورتي حيل بحيث انشگت وصرت اركض بكل قوتي وهن يركضن وراية انگطع نفسي من سرعتهن الأصوات چانت مرعبة مبين جوعانات وما صدگن يشوفن فريسة گدامهم ترحمهن من هذا الجوع الدنيا ظلمة ومداشوف الطريق گدامي عثرت بالصخرة وگعت على وجهي اخذن ملابسي بأنيابهن صرخت خوف بكل صوتي يا رب ساعدني ياااااا رررررب شلت حجار من الگاع ضربت عليهن بقوة رجعن خطوة للخف گدرت اگوم واركض لحد ما وصلت للمكان طبيت سريع وقفلت الباب ظلن بالمكان ينبحن قريب الخمس دقايق اما اني فـ ما اگدر اسحب النفس الصدري من التعب الچنت احس بي وقتها شوية واختفى الصوت معناها راحن جريت نفسي بالگوة احاول اشوفلي مكان اگعد بي حتى ارتاح چان جسمي ثگيل بشكل اسحب بي بالگوة مثل النملة التحمل الطعام على ظهرها علمود تخزنة وتحافظ على حياتها من الموت اما روحي فـ شي ثاني ثقلها چان يعادل ثقل السماوات والأراضين ورغم كل هذا اصرت تتمسك بجسمي ومتغادرة علمود تشاركة تعب هالدنيا الظالمة گعدت يم الحايط وسندت نفسي علي والله وكت هاي الظلمة الچنت اخاف منها طول حياتي هسه صارت متهز مني شعرة نزلت دموعي بحرگة فجأة انعاد الشريط گبال عيني واني اتذكر شلون اغتصبوني واحد ورى الثاني لا ارادياً گلبت معدتي الله لا يوفقك مهيمن الكلب لك شلون گدرت تسويها راح اتخبببببل؟! شلون قبلت غيرك يعتدي على عرضك گبال عيونك وتوگف تتفرج !!!! انهاريت بالبچي ودموعي تسابقت على وجهي صرت اشهگ بحرگة واحچي ويا روحي لحد ما تعبت وانگطع نفسي حسيت جسمي ثلج الگاع باردة وملابسي مو ذاك الثخن شوية وگمت ارجف من البرد اريد شي يدفي جسمي ماكو بين وجع روحي والألم اليحفر بگلبي مر الوقت طلع الضوة واني منايمة دقيقة وحدة طول الليل افكر شلون ارجع الأهلي وشراح يكون مصيري بعد هذا اليوم باوعت الملابسي مو عدلات سندت نفسي وصرت ورى الباب عدلتهن ولبست حجابي وطلعت المكان مثل ما گالوا چولة عبارة عن صحراء وبس الحيوانات منتشرة بيها رجعت دخلت وسديت الباب مو مال اتحرك بهيچ وقت لأن مراح استفاد شي خلي يصير الصبح ع الأقل حتى احصل واحد يساعدني باوعت دايري مدايري ما اعرف شنو هالمكان لا هو خرابة ولا هو غرفة ينعاش بيها صارت جنطتي گبالي شلتها من الگاع وحاولت اشغل موبايلي ماكو ولا بي حس طبعاً ميشتغل اكيد اهلي حارگين الجو علي بلأتصالات لحد ما خلص الشحن وسكت شفت الجيب الداخلي للجنطة ما عندي بس ألفين دينار حتى ميكفن ارجع بيهن للبيت فلوس مهيمن مشمورة گدامي بالگاع حچيت ويا نفسي بعصبية لو اعرف ارجع مشي ولا اصرف منك فلس واحد يا ساقط يا عار يا غيرة سززز باوعت للألفين وبچيت من طلعت من البيت امي انطتني خمسة گالت خاف تحتاجين شي اشتريب بـ 3 ملزمة وبقن هذني مچنت اريد اخذها منها بس لو ادري ماخذة اكثر ولا هالحيرة الأني بيها هسه تذكرتها وصرت اشهگ شحالها هسه على غيابي وبابا شسوة بيها ؟!! اكيد ذب كل حرگتة هو واخواني براسها مثل ميسوون دوم بقى القهر ياكل بگلبي لحد ما صار الصبح ما اعرف بيش الساعة بالضبط بس الضوة صار واضح بالمكان اخذت جنطتي وطلعت احاول اقوي بنفسي حتى لا انقل خوفي للحيوانات الموجودة واخليهن يركضن وراية بقيت امشي مسافة طويلة وين يلا وصلت للشارع ما بي غير بس سيارتين وحدة حمل والثانية تكسي ترددت اوگفها عمري ما صاعدة تكسي وبعد الي صار انعدمت ثقتي بشكو رجال على وجه الكرة الأرضية رفعت ايدي ردت أآشر بطلت باوعت علي وگف بصفي ونزل الجامة ما ارتاحيت الشكلة گبل عفتة ومشيت ظل يصيح وراية تعالي وين ما اهتميت بقيت امشي لحد ما تعبت لازم اصعد تكسي لأن الطريق طويل ومستحيل اخلصة مشي اجة رجال چبير بالعمر بس شفته اشرت سريع وگف يباوعلي بأستغراب وحقة يستغرب شتسوي بنية بـ هالمكان وبمثل هيچ وقت - عمو ممكن توصلني وياك - وين رايدة تذكرت ما عندي بس ألفين - اي مكان قريب منا المهم بي بشر - اصعدي اوصلچ الـ ×××××××× فتحت الباب وصعدت ما اعرف المنطقة الگال عليها بس ما عندي غير حل لازم اروح ويا عسى ولعل الگة هناك واحد ابن حلال يساعدني ردت احاچي بلكت يوصلني لأهلي بس سكتت نظراتة نحسة بحيث بس حچيت ويا تذكرت ابوية حتى بالچذب ما گلي محتاجة شي تردين مساعدة المهم يسترزق وبس عشر دقايق تقريباً وگال نزلي هنا - شگد الكروة - 3 - بس اني ما عندي غير ألفين - جيبيهن عمي جيبيهن وامري الله انطيتة الفلوس ونزلت ما اتصور اكو ولد حلال بالدنيا بعد الشفنا اني وشجن الله يرحمها من مهيمن وسيف چان اكو سوگ بداية المنطقة طبيت بي علمود الهوسة لأن ملابسي مشگگة واستحي امشي بيها بنص الشارع بقيت اباوع بالوجوه ويامن احچي والمن انطي وجهي والأهم شراح يكون موقف اهلي اذا رجعتلهم هسه اكيد مراح يكونون اوعى من بيت عمي المتخلفين يمكن يحرگوني بنص الشارع وگدام العالم بدون ميرفلهن جفن ولا تاخذ بية رحمة اكثر من مرة ردت احچي وبطلت مداشوف الأنسانية بوجوه الگدامي ومستحيل الگة واحد يقبل يساعدني لله في الله انتهى السوگ وما انتهت حيرتي باوعت للشارع هواي سيارات شيصير هسه لو تنتهي حياتي تحت وحدة من هالسيارات السريعة استغفرت ربي وعبرت الشارع لتفكرين هيچ غسق الله زرع هالروح بجسمچ ومحد ألة حق يسلبها غير رب العالمين حسيت جسمي صار يرجف من البارحة مماكلة لگمة ولا شاربة مي مستحيل اگدر استمر بالمشي اذا ما الگة حل الـ هالمشكلة دگيت باب واحد من البيوت طلعت مرة بالثلاثينات باوعتلي من فوگ ليجوة وگالت خير - اريد شي اكلة جوعانة كلش - الله ينطيچ - زين بس مي ع الأقل - گتلچ الله ينطيچ شنو متفهمين بالحچي درت وجهي عنها ونزلت دموعي تذكرت امي من چانت تجي فقيرة جوعانة تترس علاگة من كل شي شوية وتنطيها تگول خطية كل شي بالدنيا ينعز ع البشر إلا الأكل رجعت امشي واباوع ع البيوت يا باب ممكن ادگة ويرحمني بلگمة اسند بيها طولي قبل لا اوگع بنص الشارع تعبت كلش رجلي ترجف وبالگوة حاملتني قررت اگعد شوية ع الرصيف علمود ارتاح چان اسمع صوت مرة تصيحني من ورى - يمة بلكي تعينيني بالمسواگ - باوعت عليها مرة چبيرة بالعمر والوجه نوراني تذكرت أمي بيها ونزلت دموعي لا ارادياً - شمالچ حبوبة عليش تبچين - لا خالة ما بية شي بس الدنيا باردة وعيوني بيها تحسس لذالك دمعت - سلامتچ ييمة وهسه تگدرين تعينيني لالة - اي من عيوني - سالمة العيون الحلوة شلت المسواگ وياها وبدينة نمشي بالبداية ما حچت شي بس اول ما طبينة بالفرع سألتني - وين اهلچ حبوبة - بـ ××××××××× - چا شموصلچ لهنانة ولويش وحيدچ - سالفتي طويلة خالة - هااا يلة وصلنة اهنانة حطي يحليوة عاشت ايدينچ - باوعت عليها فتحت الباب وسحبت المسواگ گبل صحتها قبل لتطب - خالة عفية - خيرچ يمة - عطشانة وجوعانة بلكت تنطيني لگمة اكلها - يحبوبة سودة علية صدگ چذب جنچ على زاد واحنة الگضينة عمرنا نعزب بالعالم فتحت الباب واشرتلي - خشي للداخل ييمة ماكو احد بالحوش بس بنيتي طبيت جوة بس چنت مترددة شفت بنية بعمري تقريباً دتنظف بالصالة بس شافتني شمرت المكنسة من ايدها وظلت تباوعلي - السلام عليكم - وعليكم السلام منو انتِ ؟!! جاوبتها المرة من بعيد - خطار ربچ يبنيتي لتسألين عافتني وراحت الها بقيت اباوع للبيت چان بسيط كلش ومبين من الديكور ناس فقرة وعلى گد حالهم گعدت ع التخم انتظر المرة تجي صارت الساعة گبالي چانت 8 ونص وخمسة درت ع الميز اكو شاحنة تشبه شاحنة جهازي ما صدگت شفتها گدامي عشر دقايق واجت المرة بـ ايدها صينينة الأكل باوعت للصينية حايرة شمسوية حتى كباب مگلية تشكرت منها واكلت على گد سد جوعي مو اكثر - حبوبة اشو ما اكليتي شي - لا خالة اكلت عاشت ايدچ بس ممكن الشاحنة اريد اشحن موبايلي بلا زحمة عليكم - يمة هنيوة جيبي الشاحنة للبت خل تشحن نقالها - اي يمة صار جابت الشاحنة والسيار وياها ثبتتة بالنقطة واخذت الجهاز مني خلتة ع الشحن شوية واجت المرة بـ ايدها صينية بيها عصير وكيك وبطل مي - خالة شنو هالزحمة والله شبعت - اكلي واشربي ييمة ولعني بني امية - عاشت ايدچ بقت گاعدة هي والبنية گبالي ماكو حچي يجمعنا لا هم تطفلوا ورادوا يعرفون قصتي ولا اني عندي شي واحچي وياهم اخير شي قررت اقطع الصمت وسألتهم - هاي بنتچ خالة - اي بنيتي واسمها هناء - الله يخليها الچ - ويخليلچ اميمتچ (امچ) هناء.. ليش لابسة اسود - على بت عمي مصارلها شهر من ماتت - هااا الله يرحمها بس شلون ماتت اختنگت بعبرتي وسكتت هي هم حست وغيرت السؤال - بالكلية انتِ - اي مرحلة ثانية قانون - اني تربية بس تخرجت العام يعني اكبر منچ - يمة هنيوة ماتگومين تركبين الغدة لايجي ابوچ على وكت وشيفكنة منة ورتبي المسواگ من طريقچ - صار يمة باوعت ع المرة عينها ورى بتها بس طلعت طفرت من مكانها سدت الباب ودارت علية - شني سالفتچ بنيتي من سؤالها نزلت دموعي بحرگة دنگت ابچي اجت يمي لزمت ايدي ومسحت دموعي بشيلتها - احچي ييمة ولا تخافين بلكي اگدر اعينچ ما مش مشكلة بالدنيا ومالها حل إلا الموت - واذا المشكلة حلها الوحيد الموت - سترك ربي احچي يمة تراچ وغوشتيني باوعت عليها حسيت براحة مبينة مرة طيبة واني هم محتاحة احچي البگلبي لأن بهذا وضعي ما اگدر اتصرف صح ولا الگة مخرج للمصيبة الوگعوني بيها ولد الحرام حچيتلها كل شي من بداية المشكلة ع الورث ومقتل شجن لحد اليوم الصبح من التقيت بيها وساعدتها بالمسواگ بقت صافنة بوجهي اباوع عليها لونها انخطف حتى خفت لا يصيرلها شي بسببي هزيتها من چتفها - خالة خالة بيچ شي - الله اكبر يحبوبة ليوين وصلت بينة الدنيا عالم ما تحتام بعد غير للفلوس لا ظل شرف لا ظل ناموس لا ظلت غيرة حتى ضمايرهم باوعوها وتالي متالي يصيحون ليش رب العالمين گالبها بينة ما يگولون من عمايلنة السودة من سود الله وجهم بالدنيا قبل الأخرة ما عرفت شجاوبها هي هم سكتت شتگول يعني بمثل هيچ مصيبة حتى متگدر تساعدني لأن تخاف وحقها سالفتي مو هينة اخذت موبايلي فتحتة صارت الرسائل ترگع اريد الحگ اشوف منو وشوكت ما اگدر من گد مچانن هواي - شراح تسوين بنيتي - اتصل بأهلي خالة - حبوبة خاف يحرگونچ مثل بت عمچ - ما عندي غير حل شسوي دگ ابوية بهلأثناء باوعت للموبايل وكل جسمي يرجف انطيتة رد اجاني صوتة يصيح والهوسة يمة للضالين - بابا وبچيت بشهگة - ××××××××××××××× لچ وينچ اليوم بس توگعين بـ ايدي إلا اعدمچ حياتچ - بابا الله يخليك اسمعني والله اني بريئة الصوچ كلة بمهيمن السافل هو سواها وحدة بوحدة ويا سيف وانتقم من عندة بية - ضيعتي شرفچ موووو ضيعتي ساقطة وجاية تتبچبچين بعد ما نزلتي روسنة بالگاع - بابا فدوة اوگف وياية ما عندي غيرك اذا انت متصدگني منو يصدگني لعد احچي وارجف من البچي صارت هوسة شكبرها ما اعرف شديصير يمهم شوية وسمعت صوت زمان گال غسق تسمعيني - اي خوية اسمعك - وين انتِ - ما ادري وين بالضبط والله ما ادري - احد يمچ - اي - گوليلهم خلي ينطوچ العنوان بالمضبوط ودزي برسالة حتى اجي عليچ - اي صار سديت الخط فرحانة صوت زمان طمني مچان عصبي وكلامة رزن معقولة لگيت واحد من عدهم يفهمني ويوگف وياية - ها حبوبة شني ما شني - اريد العنوان خالة اريد ادزة لاخوية حتى يجي ياخذني - والله يمة مااعرفة هسه اندهلچ بنيتي هي تعرف بهالسوالف احسن من يمي صاحت بتها وبدت تردلي العنوان اثناء مدا اكتبة بالجهاز صارت امي تتصل علية رفضتها مرتين بالثالثة گالت المرة ردي يمة اكيد شي مهم فتحت الخط اجاني صوتها مفرفرحة من البچي بحيث بالگوة سمعت كلامها - يمة غسق لتجين ولچ يمة يردون يذبحوچ گدام عيني ابوس راسچ لتجييييييين - ماما لعد شلون - بدون شلون هاي وينهم گبالي گاعدين يخططون الذبحچ ظلي عايشة يمة متشردة ولا اغسلچ بالمغتسل بـ ادية الثنين گمت ابچي بحرگة وهي تبچي وياية اخير شي اخذت المرة موبايلي مني حتى تعرف شديصير لأن دتسأل وما اجاوبها - الووو خايبين الووو وينكم مو جاي احچي هناء.. يمة جيبي ارفع السبيكر لأن متسمعين فتحت السبيكر ورجعتلها الجهاز صاحت الو ردت امي الله يخليچ ساعدي بنتي ما عندي غيرها - بعيوني خية بس تظلها بنيتكم شلون يعني تذبونها بالعگد - لا يردون يشمروها بالواااااادي وبچت بصوت عالي وراها انسد الخط يمكن ابوية لو اخواني انتبهوا على اتصالها - يمة اگعدي لا تدزين العنوان - لعد شلون خالة - انة وحيدي هنانة ماكو بس بنيتي هالتشوفيها گبالچ ورجلي رجال چبير بالعمر ابقي يمنة فرد يومين بين ما تهدا الأوضاع وامشي لأهلچ اجس نبضهم قبل لا تردين هناء.. اي احسن ترى اذا رحتي هسه صدگ يذبحوچ - وانتِ شدراچ يمگموعة - چا يمة غير يمكم وسمعت كل شي - اي بس لتحشريها الروحچ بشي ميعنيچ - صار عود اغلقي جهازچ خاف يوصلون للموقع عن طريقة - وشني هذا الموقع - يعني المكان يمة - هاااا چا اذا هيچي واجب تطفي ردت اغلق الموبايل اتصل زمان علية فصلت الخط ع السريع وسديتة ما ادري صح هالشي لو غلط بس ما عندي غير حل خصوصاً بعد ما سمعت امي تتوسل بية حتى لا ارجع للبيت باوعت الملابسي ضايجة من نفسي رفعت راسي شفت المرة تباوعلي وشكلها فهمت علية راحت ما ادري وين شوية ورجعت بـ أيدها دشداشة سودة ومنشفة - هاچ يمة خشي للحمام اسبحي - رحم الله والديچ خالة - تعرفين شلون تتعلين لو لالة باوعتلها ودنگت راسي چان تگول الله ينتقم منهم ان شاء الله بنيتي باوعيلي لا تستحين خلني اعلمچ حتى تنظفين من قذارتهم گعدت تعلمني وراها دخلت للحمام شبعت بچي اثناء مداسبح لدرجة صرت اتمنى احرگ جسمي بـ ايدي علمود ليذكرني بيهم وبعملتهم الحقيرة طلعت خجلانة ما اعرف وين اروح اجت المرة تلگتني وگالت نعيماً جاوبتها الله ينعم عليچ خالة - تعالي يمة خشي الحجرة اختچ ترتاحين بيها اكثر من نص الحوش دخلت للغرفة وياها انطتني مشط وسشوار وطلعت وسدت الباب وراها نشفت شعري وگعدت ما عندي شي اواسي بي نفسي غير الدموع ظليت ابچي اكثر من ساعة صرت افكر بمصيري شنو راح يكون وشيسكت اهلي عني حتى لو بردت السالفة مستحيل يبردون لأن اعرف بيهم شلون يفكرون وشنو موقفهم من سالفة البنية وشرفها للضهر سمعت صوت الأذان توني اريد اگوم طبت البنية للغرفة فرشت السجادة وگالت تعالي وياية حتى تتوضين كملت صلاتي وطلبت منها قرأن بقيت اقرا لحد الوحدة ونص سمعت صوت رجال چبير بالعمر يمكن ابوها طلعت تشوفة شوية وسمعت صوتة يدردم رجعت يمي وصارت تحچي وياية بصوت عالي حتى تشتت بالي من كلامة وما اسمعة شيگول عرفت بي ضايج من وجودي او يمكن خايف بالحالتين حقة محد يحب دوخة الراس ولا اكو عاقل يشتري المشاكل النفسة ما اشتهيت اتغدة هواي حاولت المرة وياية هي وبتها علمود يخلوني اكل بس بدون نتيجة بقيت بالغرفة طول اليوم المرة تروح وتجي تسأل خاف محتاجة شي اما بتها ما عافتني غير بس وقت الشغل تگوم تسوي وترجع تگعد يمي بلليل قريب العشرة صار البيت هدوء اصلاً ماكو احد يمهم وذبتهم الضاهر مثل العرب بس يتعشون ينامون طبت البنية للغرفة وسدت الباب حسيت عليها تريد تحچي بس مترددة اخير شي ما گدرت إلا ما تسألني - شنو قصتچ احچيلي - مو سمعتيها اليوم - بس ما فهمت كل شي - احسن واني هم ما احب احچي بيها عفية لتسأليني - تمام انتِ نعسانة لو شنو - لا - چا خل نتعرف - انتو من الجنوب - اي بس مو كلش - شلون يعني مو كلش - اهل ابوية من بغداد انتقلوا للبصرة وهناك صار ابوية واخوانة ولمن شب تزوج امي وانتقل هو وياها للحلة وصرت انة هنا يعني انة من بغداد والبصرة والحلة هههههه - اي واضح لأن لهجة امچ متشبه لهجتكم انتِ وابوچ - اي صح امي بصراوية قح اما احنه خليط بصرة على حلة على بغداد - زين عندچ اخوان خوات - اخوان لا بس خوات اي عندي 3 كلهن متزوجات بالبصرة باوعتلها وسكتت گالت وانتِ ما حچيتيلي شي عنچ درت وجهي تمددت ع المخدة وغطيت راسي بالحجاب - شبيچ متحچين - اني وحيدة ما عندي غير امي - چا مو سمعتچ تحچين ويا اخوچ - اي عندي اخوان بس بلأسم مو اكثر - وخوات - ما عندي - نامي حبيبة شكلچ تعبانة مراح اضغط عليچ عشر دقايق وحسيت عليها نامت بقيت گاعدة للفجر ابچي البارحة چنت بالخرابة واليوم ببيت الغربة باچر وين بس رب العالمين وحدة يعلم طبت المرة شافتني ابچي گعدت تصبر بية وما خلت شي ما حچتة اخير شي گومتني توضيت وراحت تصلي يومين واني يمهم كلش چانوا ناس طيبين ما شفت منهم إلا كل خير باليوم الثالث اخذت المرة عنوان بيتنا وراحت علمود تحچي ويا امي وتشوف الأوضاع يمنة فهمتها شغل امي شنو حتى تتحجج بالخياط وتگدر تشوفها وتحچي براحة بدون ميشكون اخواني بيها بقيت انتظر رجعتها على اعصابي قريب الساعة طبت والوجه مگلوب كلش خفت واول شي فكرت بي هي امي ليكون صارلها شي بسببي - خالة شكو - يمة مالچ ردة لأهلچ بعد - شصار گولي - ناصبين چادر فاتحتچ على طول فرعكم بس سمعت هيچ نزلت على ركباتي بچيت وبچيت وبچيت لحد ما صرت اجر النفس بصعوبة يعني لو يقتلوني بـ ايدهم لو ينهون وجودي من حياتهم واني عايشة واشتم الهوى باوعت للمرة تبچي على بچيي - خالة شفتي امي الله يخليچ جاوبي شلونها - اي يمة شفتها چانت گاعدة ويا النساوين وهن دايرات عليها يعزنها بيچ شاورتها انة من طرف غسق عاد گامت واخذتني ليجاي بوحدة من حجر حوشكم - وبعدين - كضتني تحب براسي الحرمة وضعها فرد نوب تعبان على ساعة وتطيح من عدهم وهم لا ذمة ولا ضمير گالت بقيها يمچ گلتلها اليمتة گالت شتريدين انطيچ وانة اتكفل بمصرفها گلتلها السالفة موش صرف وفلوس بس انة هم عندي رجال وما اظن يقبل بحرمة غريبة تظل ببيتة بلاية سبب لا اگلچ ولا تگليلي انفطر گلبي عليها خطاية هي ام واني ام ومحد يهيس بوجعها بگدي گلتلها ولا تحتامين غسق امانة عندي وراح ادبر عيشتها المهم انتِ تظلين بخير الخاطر هالمسيچينة اسمع الكلامها ودموعي تجري رجعة لأهلي مستحيل ارجع ومال ابقى هنا صعبة لأن الرجال ممتقبل وجودي ببيتهم وكلام مرتة هسه اكد هالشي رحت للغرفة اخذت حجابي وطلعت صارت هناء گبالي بس شافتني البس بالحجاب صاحت الأمها بسرعة - يمة غسق تريد تروح - وين مولية حبوبة - ما اگدر ابقى هنا خالة كافي هواي ثقلت عليكم - اگعدي خايبة لا تخليني ابتلي بيچ انتِ امانة برگبتي ومو بت مريدي التفرط بأمانتها - والى متى خالة اعرف عمو ضايج من وجودي هنا وانتم هم ممجبورين بية لازم اشيل نفسي من اليوم ورايح - تشتغلين - ياريت خالة ياريت - تنوعي حبوبة اكو دكتورة نعرفها بالمنطقة تريدلها وحدة تربي فروخها وفرد نوب تعينها بشغل الحوش - الله وايدچ قابلة كل شي اشتغل المهم ما اذب حملي على اي بشر - چا من كونچ موافقة العصر اشبخ الها واتفگد رايها بالموضوع وفعلاً للعصر راحت للدكتورة وافقت تشغلني ببيتها ومن عرفت ما عندي اهل قبلت تنطيني غرفة بالطابق الفوگ بعد ما ضمنتني يمها خالة ام هناء رجعت المرة ومشترية الي ملابس سود شگد شكرتها واحس نفسي بعدني مقصرة بحقها صار الغريب احسن من اهلك بهذا الزمن ثاني يوم الصبح رحنا البيتهم چان البيت كلش چبير وما بي احد غير الدكتورة وزوجها صيدلاني وعدها 4 اطفال اكبرهم 8 سنوات واصغرهم سنتين وصتها علية وعافتني وراحت اختنگت وحسيت بغربة مو طبيعية بس لازم اتأقلم ويا حياتي الجديدة حتى اگدر اعيش اول ايام واجهت صعوبة بكل شي خصوصاً تعاملي ويا الأطفال بس شوية شوية بديت اتأقلم وعرفت شلون اتعامل وياهم ظلت ام هناء بين يوم ويوم تجيني تتطمن علية من الباب وتشوفني خاف محتاجة شي واذا مرتاحة بشغلي او لا وتخلي وتروح اليوم اربعين شجن الله يرحمها نومت الجهال ولملمت العابهم وراها صعدت الغرفتي حتى اختلي بنفسي فرشت السجادة واخذت القرأن گعدت اقرا سورة يس ودموعي تجري بلا وعي كل شي مر گبال عيني كأنما اليوم صار شفتها شلون احترگت گدامي وشلون تتوسل بيهم حتى يساعدوها وشلون نزلوا جنازتها بالممر ونزلت يم راسها اتوسل بيها حتى تگعد وتحاچيني خلصت الليل بالدعاء الها تمنيت لو حياتي منتهية مثل ما انتهت حياتها بعدين استغفرت ربي لأن ميصير احچي هالشكل ثاني يوم الضهر چنت گاعدة يم الجهال اغديهم سمعت الباب انفتح بالبداية عبالي الدكتورة گمت للمطبخ اجيب ماي لزيوني سمعت الجهال يصيحون اجة بابا اني ادري بي مسافر بس مچنت اعرف اليوم رجعتة لبست حجابي ع السريع وطلعت من المطبخ صار بوجهي هو رجال بداية الأربعينات وشكلة مرتب سلمت علي وسألني انتِ المربية مالت الجهال جاوبتة اي گال اني دكتور مؤيد صاحب البيت رديت اهلاً وسهلاً وعفتة ومشيت الغرفتي بعد رجعتة تغير الوضع صرت احس بي يهتم بأبسط التفاصيل الخاصة بية ويتحجج حتى يطلب مني شي صح ما تجاوز حدود وياية بس حيل انزعج اثناء تواجدة بالبيت وارتاح كلش من يطلع الشغلة فد يوم الصبح اجتني الدكتورة دگت الباب على غير العادة فتحتها والنوم بعيني - خير دكتورة جنان.. اني اليوم عندي ندوة ببغداد احتمال چبير اتأخر ويمكن ابات فديري بالچ ع الجهال ما اوصيچ - اي بعيوني بس ابوهم وين راح يبقى - هو هم مسافر راح تظلون وحدكم شيصير اتصلي بية من الأرضي خليت رقمي تحتة اخاف تحتاجي - ترجعين بالسلامة - الله يسلمچ حبيبتي ما گدرت ارجع انام گمت خلصت شغل البيت وراها گعدوا الجهال وانشغلت وياهم مر اليوم عادي بلليل خابرت الدكتورة گالت راح ابات ببغداد قفلي البيبان زين واذا صار شي اتصلي علية قفلت البيت ورحت يم الجهال بقيت العب وياهم لحد ما تعبوا وناموا كلش مؤدبين ويسمعون الكلام احسهم غير عن الجهال الشفتهم بحياتي طفيت الضوة وطلعت من يمهم چان البيت هادئ باوعت للصالة وخفت اتخيل يطفر الحرامي علينة يبوگ الفلوس والذهب ويذبحنة اني والجهال ويشرد نفضت الأفكار من راسي اووووي شبيچ غسق شنو هالتفكير تخبلتي خو ما تخبلتي داحچي ويا نفسي دگ الأرضي خفت منو يتصل بهيچ وقت معقولة الجني صفنت على نفسي خبال اي والله غير جني هذا اليتصل حتى ياخذ اذنچ قبل لا يطلع عليچ رحت رفعت الخط صحت الو اجاني صوت غريب ومشوش - شلونچ يا حلوة اكيد ما عرفتيني بس اني اعرفچ كلش زين.... يتبع لتنسوووون ⭐⭐⭐⭐⭐⭐ | ||||||||
|
| |
|
27-01-21, 04:26 PM
| #10 | ||||||||
| مراقبة عامة ومشرفة منتدى الروايات المنقولة
| البارت السادس #وضاقت_الأرض_بي للكاتبة #لبنى_الموسوي في دجى الليل تسير باحثةً عن امل تحاول الهروب منهم اولئك الذين لا يعرفون من الحياة شيء غير الشرف عن اي شرف احدثكم شرف البنت الذي اذا تهاوى تهاوت معه بـ أيدهم وان سقط اسقطوها ارضاً قائلين كقطرة حر كانت على الجبين محيناها اولئك الذي لا يعرفون من الدين سوى المرأة عورة المرأة التي انجبتهم وربتهم وجعلتهم رجال قالوا عنها مجرد متاعاً يهون علينا تعب السنين لا يا عزيزي عقل الرجل هو العورة فكره المتخلف هو العورة وعار على امة العرب ان يكون بينهم اصنافاً من الذكور كـ مثلكم - رحت رفعت الخط صحت الووو اجاني صوت غريب ومشوش - شلونچ يا حلوة اكيد ما عرفتيني بس اني اعرفچ كلش زين - منووو !!! - انتِ غسق مو - منوووو اااانتَ ؟!! - اعصابچ حبيبتي مو گتلچ متعرفيني بس اني اعرفچ عدل ابوچ مسلم اخوانچ زمان ويوسف وسيف العار وانتِ طالبة جامعية مرحلة ثانية قانون بس الله يرحمچ حالياً سديت الخط بخوف منو هذا وشلون عرف عني كل هالشي والأهم من هذا شلون حصل رقم الأرضي !!! رجع دگ مرة ثانية لح كلش بلأتصال لا اگدر افصل الأرضي خاف الدكتورة تتصل ويظل بالها ولا اگدر اتركة يدگ ويگعد الجهال رفعت الخط - نعم شترررررريد - هههههه شبيچ عصبية ممبين عليچ كل هلأعصاب صفنت ويا روحي معقولة هذا دكتور مؤيد ؟!!! بس المشكلة مداميز اذا چان هو لو لا لأن صوته مو كلش واضح - ها شو سكتي - دكتور مؤيد ؟؟ - هههههه لا شاطرة والله خوش تحللين استاذة غسق - انتَ لو لااااا - وتتوقعين الدكتور فارغ يلعب ويا وحدة مثلچ - باوع راح اسد الخط اتمنى متتصل مرة ثانية وإلا انطي خبر للدكتورة وتشتكي عليك - ميخالف ما اتصل بس شرط - لا يربي فوگاها يتشرط - تسمعين لو لا - احچي - اتصل بيچ من تكونين وحدچ وتجاوبيني - الله كريم روح يلا - ما جاوبتي يعني - گتلك الله كريم - مجبورة تردين حبيبتي حتى لا افضح قصتچ يم الناس الحاويچ ببيتهم ومأمنين بيچ وهم ميدرون شنو من مصيبة وراچ ولا يعرفون حجم الخطر الحطوا نفسهم بي بسبب گعدتچ يمهم سديت الخط بوجها يربي يعني اني ناقصني قهر منو هذاااا وشجابة علية بهالساعة الگشرررة بقيت بالصالة ما گدرت اصعد فوگ طول الليل ما اجاني نوم منا افكر بكلام هذا الغريب ومنا خايفة من بقائي اني والجهال وحدنة بهيچ بيت چبير بـ السبعة رحت گعدت الجهال ريگتهم وجهزت كل شي واجة الخط عليهم راحوا الدوامهم الچبير بالمدرسة والباقين روضة وحضانة بديت الملم بالبيت قريب التسعة سمعت الباب انفتح جريت حجابي على راسي ورحت للشباك شفت الدكتورة دتدخل سيارتها بالممر شوية وطبت تلگيتها من الباب - الله يساعدچ دكتورة - هلا حبيبتي شلونكم خو مصار شي بغيابي - لا الحمد لله كل شي تمام - الجهال راحوا الدوامهم - اي - خوش لعد رايحة اسبح وراها انام شوية اذا اجة مؤيد گعديني - صار عافتني وراحت تسبح لـ 11 سمعت صوت الباب عرفت الدكتور اجة بقيت واگفة بمكاني اريد اشوفة يحچي شي من يدخل علمود اعرف هو المتصل لو لا طب باوعلي ونزع حذائة - الله يساعدك - الله يسلمچ اجت جنان لو بعدها - اي اجت من زمان وهسة نايمة - زين لعد استكان چاي بلا زحمة عليچ راسي كلش يوجعني - اي صار عفتة ورحت للمطبخ يربي شو هذا عادي ممبين علي هو المتصل حتى اسلوبة وياية جامد خليت الچاي ع النار ووگفت يمة انتظرة يتهدر عشر دقايق وصبيته چنت مسوية كيك من البارحة جهزتلة ماعون واخذتة للصالة چان مرچي راسة على ظهر التخم ومغمض صحت دكتور الچاي باوعلي وگال حطي يمچ وروحي گعدي جنان عفتة ع الميز ورحت لغرفتهم ظليت اگعد بيها وبالگوة يلا گعدت لأن تعبانة گامت تغسل واني رحت للمطبخ اصبلها چاي ويا رجلها مر اليوم عادي ما بين على الدكتور شي وحتى چان متغير مو مثل كل يوم بحيث ما طلب مني اي شي مثل عادته گلت يجوز تعبان من السفر ومالة خلگ لليل گاعدين هو ومرتة ع التلفزيون واني متكترة بزاويا من زوايا الصالة العب ويا الجهال حتى ليسوون هوسة دگ الأرضي گام هو رفع الخط صاح الووو الووو رد يا حشرررة سد التلفون بعصبية حچت الدكتورة منو جاوبها ما ادري ورجع گعد بصفها بقيت صافنة ويا روحي معناها صدگ مو هو المتصل لعد هذا منو يا الهي راح اتخبل شلون عرفني وعرف عنواني ورقم الأرضي خمس دقايق ورجع الرقم يتصل گام الدكتور رفع الخط هم ما ردوا ظل يغلط ويسب اخير شي رگع السماعة بعصبية وفلت الواير من الارضي جنان.. منو هذا مؤيد.. واني شعرفني باوع علية بخزرة وگال بنبرة كلها شك انتِ منطية الرقم الأحد من معارفچ لو شنو - لا والله ما انطيت الرقم الأحد - لعد هذا منو الديتصل وميحچي وشمعنى هسه صارت هالحالة سنين صارلنة بهالبيت ما فد مرة اتصل رقم وما رد - مؤيد شبيك البنية ما عدها احد كل اهلها بالخارج المن تنطي يعني - والله ما انطيتة لأحد ولا حتى اعرف رقم الأرضي شنو - لتحلفين حبيبتي مصدگيچ گومي اخذي الجهال الغرفهم خلي ينامون وراهم دوام گمت والدمعة بطرف عيني ما اعرف اضوج من شكة بية لو اخاف من هذا المجهول الما اعرف منو هو وشجابة علية ايام مرت والوضع مثل ما هو من اكون وحدي يتصل ما ارد اصلاً ومن الدكتور موجود هو اليرفع علي الخط وهم ميحچي كالعادة بحيث گال راح اشتكي عليهم اريد اعرف منو هذولة وشعدهم يتصلون بأستمرار فد يوم الضهر دگ الأرضي چان الدكتور هستوة ديريد يروح الغرفتة باوعلي بخزرة ورفع الخط - الووو اي منو انتِ ها اهلاً وسهلاً هاي موجودة مد السامعة من بعيد صفنت بوجها گال شبيچ تعالي مكالمة الچ - منو - هناء بنت الحجية رحت بسرعة اخذت السماعة باوعلي وراح الغرفتة باوعت للرقم ارضي منين دتتصل - الووو - ها غسق شلونچ - هلو هناء بخير انتو شلونكم - الحمد لله - منين دتتصلين - امي خبصت ابوي إلا تشد ارضي اريد اتصل على بناتك بالبصرة وهي چذب علمودچ لأن تعبت كل يوم والثاني رايحة جاية عليچ - ههههه فدوة الگلبها خالة - هاي وينها تريد تحچي وياچ - اي جيبيها - ها حبوبة شلونچ - هلا خالة بخير اسأل عنچ انتِ شلونچ - تسأل عنچ جنة عدن ييمة عساچ مرتاحة ان شاء الله يم الوادم - اي خالة مرتاحة الحمد لله - الحمد لله احچي يمة رايدة شغيلة منا منا - اي ولو ازحمچ - لا يحبوبة انتِ بحسبة هنيوة ربي يشهد علي - رحم الله والديچ خالة بس بالي يم امي اريد اعرف شخبارها راح اموت - حگچ ييمة باچر من صباحيات ربچ اشبخ الحوشكم اتفگدها وميكون خاطرچ إلا طيب - اعرف تعبتچ وياية هواي - بسچ من هالحچي گتلچ انتِ بحسبة بنيتي ومامش ام تتعب من ضناها - وانتِ هم صرتيلي ام الله شاهد - هذا رغمنا (رقمنا) عودن سجلي يمچ خافن تعتازيني بشغيلة - اي ماشي سلمي على هناء وعمو هواي - يوصل وانتِ هم سلميلنة اعلة اهل الحوش - يوصل خالة سديت الخط ورحت الغرفة الجهال جبت ورقة وقلم كتبت رقمهم ورجعت الارضي المكانة رجعت باوعت علي خلي اشوف الارقام الدتتصل بلكت اتوصل الشي گعدت ع التخم وخليت الأرضي بحضني ظليت اگلب بي كل رقم شكل مو رقم واحد تقريباً اربع او خمس ارقام واحد بيهن ارضي والباقي موبايل منو هذا اموت واعرف وليش ظل ساكت كل هالفترة مو گال اذا مجاوبتيني افضحچ يم الدكتورة ورجلها وهاي اني مداجاوبة من يومها بس ما سوة شي ثاني يوم الضحويات داشتغل بالبيت وحدي اندگ الجرس لبست حجابي وطلعت صحت منو اجة صوت خالة ام هناء ركضت فتحت الها الباب اكيد جايبتلي خبر عن امي - السلام عليكم - عليكم السلام خالة شبيچ ليش وجهچ احمر هالشكل - تعبانة فرد نوب يمة افسحيلي الدرب خن اجر النفس شويونة - اي خالة تفضلي طببتها للصالة گعدتها ورحت اجيب ماي گلبي يلعب شكلها جايبة خبر مو زين والـ هالسبب تعبانة وحايرة شلون تفتح وياية الموضوع انطيتها الماي وگعدت بصفها بس شربت سألتها خالة صار شي ببيتنا الله عليچ - اي بس خليچ سباعية بنيتي كل احنة اعلة هذا الطريچ - ابوية صارلة شي لو اخواني - لالة كلهم بخير - وامي - رحت تفگدتها ما اريدن تطيحين اعلية خليچ گوية - احچي خالة فدوة احچي - اميمتچ تنازلت عن عمرها الچ ومشت يم الكريم - شنو يعني !!! - الله يرحمها برحمتة الواسعة هم السابقون ونحن اللاحقون لو مو اليوم باچر هي گالت هيچ لو اني انهاريت اريد استوعب كلامها ماكو،، شنو يعني امي ماتت !! زين ليش؟! شوكت؟! شلون؟! هي مو تدري ما عندي غيرها بـ هالدنيا شلون گدرت تعوفني وتروح چانت خالة ام هناء فوگ راسي واگفة تحاول تهدأ بية بس ولا كأني اسمعها نار ومشتعلة بصدري ويامن يطفيها عفتها وصعدت الغرفتي اركض سديت الباب وصرت اصرخ بكل صوتي صرخات طالعة من اعماق وجع گلبي ماكو احد بالبيت طلعي قهرچ غسق طلعي ولتسكتين كافيچ من السكوت الما جابلچ بس القهر وأوجاعة باوعت للمرايا منو هاي؟!! هاي مو اني كل شي بية متغير شكلي ملامحي طولي حتى روحي ما عادت نفسها القديمة لچ يمة وووووين رحتي ليش رحتي وعفتيني وحدي بهالدنيا والمن عفتيننننني ارجعي الله يخليچ ارجعي ارجعي خلي احضنچ قبل لترحين ارجعي خلي املي ريتي بعطرچ الطيب حتى اگدر اعيش على ريحتچ العمر كله ارجعي ماما اني بحاجتچ شلون ترحين قبل لا اشبع عيوني بشوفة عيونچ شلون ترحين وتظل شوفتچ حسرة بگلبي المتلوع عليچ شصار بيچ ومتي شگد تعذبتي بفراگي الما تحملتي وعفيني بين الوحوش ورحتي بدون متفكرين بقيت اصرخ لحد ما صوتي اختفى شگد بچيت وبعد بية بچي مال ألف سنة ليگدام سحبت حجابي ونزلت صارت خالة ام هناء بوجهي گاعدة ع التخم وحاطة شيلتها على عيونها تبچي - شوكت ماتت - ها يحبوبة شلون صرتي - شوكت ماتت خالة - بسچ عاد ارحمي رويحتچ الصغيرة - فدوة اروحلچ جاوبيني - من اسبوع - وليش ماتت - طاحت منهم ومن اخذوها للمشفى گالوا گلبها كف عن النبض - يعني سكت گلبها بسببي ماتت من حسرتها علية وحرگتها على ضيمي مووو - گولي يالله يمة الحرمة هذا يومها وكل احنة على نفس الطريج لا تكدرين روحچ هيچي خطاية اميمتچ تراها تحس وماتهجع بترابها ولا ترتاح - منو بلغچ بالخبر خالة - وحيد من اخوانچ - وصفيلي شكلة ابيضاني وصغير ها وعيونة زرق ورق - سيف الكلب الله ينتقم منة ان شاء الله كل الصار والراح يصير هو السبب بي مو غيرة - بسچ يمة لا تطيحين علينة شلون اردن للحوش وهذا حالچ - روحي خالة ما بية شي ليظل بالچ - لا والله فلا رد انطر الدكتورة هنا واخذنچ وامشي - لا وين خليني هنا ما اريد ازحمكم وياية - بسچ عاد ليمتة اظلن اعيد وازيد انتِ مثل هنيوة رحت حضنتها وبچيت عافتني براحتي واني هم ما قصرت بالبچي بحيث صدري انتهى للضهر اجت الدكتورة استأذنت منها خالة وگالتها امها ماتت بالخارج والمرة هم ما گالت شي انطتني اسبوع اجازة لميت ملابسي وطلعت ويا ام هناء وصلنا البيتهم فتحت الباب ودخلتني صارت هناء بوجهي دتكنس بالممر بس شافتني ركضت حضنتني الضاهر خالة منطتها خبر بموت امي بقيت يمهم اسبوع كامل چانو بالنسبة الي اهل واكثر ما فديوم سمعوني كلمة محلوة وحتى عمو ابو هناء الچان ممتقبل وجودي ببيتة صار يروح يجي يسأل عني شلونها وشلون صارت طول هلأيام انعزلت عن الكل لزمت القرأن وگابلت السجادة اصلي واقرا الروح امي ع الأقل ترتاح بگبرها بعد العذاب الشافتة ويا ابوية واخواني خلصت اجازتي وصار لازم ارجع ع الشغل اخذتني خالة ام هناء من الصبح دگت الباب طلع دكتور مؤيد سلمت علي وراحت ردت اطب سمعتة صاحني درت وجهي باوعتلة چان يگول البقية بحياتچ ان شاء الله - البقاء لله - صدگ بالخارج ماتت - اي - الله يرحمها برحمتة الواسعة - ويرحم امواتك حچيتها وطبيت چانت الدكتورة تبدل لأطفالها بس شافتني گامت بوستني وصارت تواسي بية مرت الأيام بتعب صرت احس حمل الدنيا كلة على ظهري من يوم ما ماتت شجن لحد موت امي تغيرت غسق وتغير كل شي بيها مو ذيچ الضعيفة الماعدها شخصية ولا ذيچ التخاف من ضلها اذا لمحتة وراها حتى شكلي تغير بديت اضعف اكثر واذبل يوم عن يوم اكثر واكثر أما الأكل الچان كل شي بالنسبة الية صرت ما اذكرة إلا وقت الحاجة حتى اگد ابقى واگفة على طولي واعيش نفسي مشت الأيام وصار على موت امي اربعين يوم نومت الجهال بلليل وسويت نفس الشي السويتة بأربعين شجن خلصت الليل بالصلاة والقرأن الها للفجر غفيت على السجادة حلمت بأمي دتگعديني بنفس هاي الغرفة فتحت عيوني شفتها گبالي مبتسمة گمزت من مكاني حضنتها حيل ماما هاي انتِ - شلونچ يمة مرتاحة - لا ماما محتاجتچ ليش عفتيني - صيري قوية اني ما گدرت اعيش بدونچ بس انتِ تگدرين وأهم شي ديري بالچ على نفسچ من الذيابة الداير مدايرچ - منو يعني ؟!! - فتحي عينچ وانتِ تعرفين منو فجأة اختفت من گدامي فزيت مرعوبة شتقصد من هالكلام ما اتصور ابوية واخواني لأن مستحيل ارجعلهم بعد ما راحت هي وعلنوا خبر وفاتي بقى كلامها يرن بـ اذني مر اسبوع والثاني بالثالث اجت الدكتورة بلليل چنت دانوم اطفالها طبت للغرفة جنان.. غسق حبيبتي - نعم دكتورة - باچر عندي ندوة ببغداد واحتمال ابات - واحنه شلون - عادي مثل هذيچ المرة مؤيد راح يسافر وياية وانتِ والجهال تبقون وحدكم قفلي البيبان زين ورقمي يمچ شيصير اتصلي علية حتى لو بوقت متأخر - توصلين بالسلامة - الله يسلمچ وهاچ هذا راتب الشهر الفات ويا الاكرامية الوعدتچ بيها - مشكورة دكتورة - تتدللين حچتها وطلعت من الغرفة باوعت للفلوس منطتني 600 ألف يعني الزيادة 100 ألف نومت الجهال وصعدت فوگ ضميت الفلوس ويا فلوسي القديمة وصرت افكر شسوي بيهن وشلون استثمرهن حتى يفيدني اذا صار شي وخسرت شغلي هنا لا سامح الله هسه عندي مليون ومية خلي يصيرن فد 4 ملايين واشتري بيهن بتوت ذهب مثل ما امي چانت تعلمني بس تذكرتها بچيت چانت تشتغل وتجمع علمود تأمن مستقبلي تخاف اصير مثلها وتدري ابوية واخواني ما بيهم خير لا الها ولا الي ومثل كل يوم نمت ودموعي على خدي الصبح فزيت على صوت الباب گمت لبست الحجاب وفتحتها ع السريع چانت الدكتورة - صباح الخير اسفة دكتورة ما ادري شلون راحت علية النومة وما حسيت ع المنبه - صباح النور لا حبيبتي بعد وكت بس لازم اطلع هسه لذالك گعدتچ - اي ماشي هسه نازلة - ما اوصيچ ع الجهال بعد - بعيوني لتوصين حريص ابتسمت بوجهي وراحت باوعت للساعة بعدها ستة ونص طلعت غسلت وجهي ونزلت لگيتها هي وزوجها رايحين ومحد بالبيت غير الأطفال جهزت الريوگ وگعدت الأطفال ريگتهم وطلعوا للدوام بقيت اشتغل بالبيت للضهر دگ الارضي باوعت رقم بيت خالة ام هناء - الوو هناء.. ها غسوقة شلونچ - هلا بهناوي بخير الحمد لله وانتِ - الحمد لله امي جاي تسأل عنچ مدري شبيها من الصبح تلوب اتصلي ما اتصلي - حبيبتي خالة گوليلها اني بخير ليظل بالها يمي - سمعتي يوم غسق بخير سمعتها گالت جيبي خن احچي وياها - ها حبوبة شلونچ - هلا خالة بخير اسأل عنكم انتِ شلونچ - تسأل عنچ جنة عدن شنهي ما شنهي حاچيني بيچ علة - لا والله خالة كل شي ما بية ليش تسألين - مااعرف بس كوبست بيچ چن چاعدة على تلة عالية وتنوحين حيل لا بية اصعدلچ ولا انتِ النازلة حتى اعرف اليوجعچ شني وارتاح - خير ان شاء الله ليظل بالچ الحمد لله اموري تمام ومرتاحة بشغلي - عساچ بنيتي مرتاحة - رحم الله والديچ خالة اگول عندي فلوس اريدچ تضميهن عندچ اذا متصير زحمة - زحمة شني جيبيهن ولترطنين زايد ولچ - هههههه خوش لعد من تفرغين تعالي لهنا - چا من عين باچر تلگيني مزروعة بحذاچ - كل الهلا بيچ حبيبتي - وبيچ اكثر بنيتي سلمت عليها وسديت الخط ما انكر كلامها خوفني بس حاولت ابعدة عن راسي حتى لا اخلي الخوف يسيطر علية واني وحدي بالبيت صار الليل نومت الجهال وقفلت البوب مثل المرة الفاتت قررت انام بالصالة مو مال اصعد فوگ واعوف الجهال وحدهم فرشت الفراش بالگاع وشغلت التلفزيون صعدت صوتة حتى يصير نفس بالبيت وتمددت گبالة اگلب بالقنوات بين ما انعس وانام توها شكلت عيني دگ الأرضي فزيت مرعوبة منو هذا اليتصل بمثل هيچ وقت باوعت الساعة فوگ الوحدة گمت رفعت الخط اخاف الدكتورة ويظل بالها اذا ما ارد - الووو - ها يا حلوة شلونچ - انت منو متحچي وتفضني - ليش مچنتي تردين على اتصالاتي - وانت منو حتى ارد عليك راح اسد الخط ودير بالك تتصل مرة ثانية ترى دكتور مؤيد اخذ ارقامك حتى يعرف منو واذا گدر يوصل الك راح تورط روحك بمشاكل الها اول مالها تالي - ههههه حبيبتي الگلبها علية داجاوبة ما احس إلا ايد لمست رگبتي درت وجهي مخروعة چان انصدم بدكتور مؤيد من الصدمة انشليت بمكاني حتى ما اگدر اتحرك بعد - هههههه شنو هالشعر الحلو صبغ لو طبيعي - باوعت للسماعة وباوعتلة مصدومة هز راسة بضحكة وگال اي هذا اني واعرف عنچ هواااااي - شتريد مني حچيتها بصوت مكسر والعبرة بصدري - اريدچ وهذا راح يكون ثمن سكوتي عنچ مو بس گبال جنان لا حتى گبال اهلچ الگاعدين يدورون عليچ حالياً - الله يخليك لا كافي خلي عندچ ذرة رجولة وغيرة ليش تستغل وحدة ضعيفة علمود ساعة شيطان تتندم عليها بعدين - اني احب ساعات الشيطان كلش وما اتندم لتخافين حچاها وتقرب علية حط راسة يم رگبتي دفعتة حيل وسحبت الحجاب على راسي صار التخم حاجز بيني وبينة - سلميني نفسچ احسن انتِ تعرفين شيصير بيچ لو عرفوا اهلچ بوجودچ هنا - دكتور اترجاك وبچيت - گولي مؤيد - دكتور - گتلچ گولي مؤيد - مؤيد - عيونة - عوفني بداعة جهالك اني مو مال هالسوالف - هههههه لعد ليش شردتي من اهلچ وعلنوا موتچ اذا مو مال هالسوالف - ظلم والله ظلم - اي عادي كلچن تسون العملة وراها تحچن نفس الحچي - وروح امي المالحگت اشبع منها اني مظلومة - كافي تبيعين شرفيات براسي هسه راح اتأكد انتِ مظلومة لو لا لمن اتقرب منچ واشوفچ بت بيت لو بت شارع حچاها وهجم علية ردت اركض ما لحگت لزمني من طرف التشيريت انشگ بـ ايدة وعثرت على وجهي ذب نفسة علية يضحك - گولي اني هم اريدك ليش تسوين هلأفلام الهندية - اترجاك عوفني عوووووفني - تعالي للغرفة ليگعدون الجهال على صوتچ الحلو وغمزلي شهگت حيل - بروح كل عزيز وغالي عليك لتأذيني دكتور - لا حبيبتي ما أأذيچ صدگي صار يجر بية واني اسحب نفسي منة داتخيل شلون يعتدي علية مثل ما سووها الحيوانات القبلة وروحي تطلع من الوجع وصلني الباب غرفتة لزمت بالحايط يسحب بية واني اتمسك اكثر ما عندي غير دموع عيني وصوتي اليتوسل بي علمود يرحم بحالي ويترك الباقي من شرفي حتى اگدر اعيش بي ما گدرت اقاوم اكثر ايدي تعبت وعيوني غوشت من الدموع سحبني للغرفة وسد الباب صار وراها ينزع بقميصة وكل جسمي يرجف خوف باوعت على رجلة لازم تقوين روحچ غسق حتى تطلعين منا بسلامة امچ وصتچ تديرين بالچ على نفسچ ولازم تنفذين وصيتها حتى تنام مرتاحة تقربت منة باوعلي وفتح ايدة يضحك رفعت رجلي ضربتة ع المنطقة الحساسة بكل قوتي نزل بالگاع متوجع گبل طلعت من الغرفة صعدت فوگ وقفلت الباب علية خمس دقايق واجة يدگ بالباب ما خلة شي ما سوا لحد الفجر وهو يحاول ساعة يتوسل ساعة يهدد ويتوعد لحد مصار الفجر تعب عافني ونزل بقيت گاعدة وادعي بداخلي كل شوية اتخيل يكسر الباب ويطب بس مستحيل يسويها هم الجهال نايمين وهم ينفضح گدام مرتة مدري شلون صار الصبح سمعت الباب انفتح خفت انزل لا يطلع هو شوية وصار صوت دكتورة جنان بـ اذني تصيح غسق وينچ ذبيت حجابي على راسي ونزلت اركض - ها دكتورة الحمد لله على سلامتچ - الله يسلمچ شوكت اجة دكتور مؤيد ؟!! - ليش هو اجة ما ادري چنت نايمة - ماشي گعدي الجهال علمود يرحون لدوامهم - دكتورة لحظة دارت علية - نعم - اني مضطرة اعوفكم ما قصرتي وياية رحم الله والديچ بس بعد وفاة امي بيت جدي رادوني يمهم والبارحة اتصلوا بخالة ام هناء وبلغوها راح يجون ياخذوني من بيتها - لااااا والله تعودت اني والجهال عليچ مو خوش خبر - واني تعودت عليكم بس شسوي مجبورة - على راحتچ حبيبتي واي شي تحتاجين اني موجودة اعتبريني مثل اختچ - متقصرين راح اريگ الجهال واروح بعد ميطلعون لدوامهم - ما عدنة حساب مو - لا متصافين - ماشي الله يسهلچ - اجمعين عفتها ورحت اركض گعدت الجهال ريگتهم وعيني ع الطريق يمكن نايم مالة صوت لازم اطلع من البيت قبل لا يگعد الحقير صعدت الغرفتي اركض لميت ملابسي واخذت الفلوس ونزلت چانت توها طالعة من الحمام رحت اسلم عليها - دكتورة اني رايحة - البيت ام هناء موو - اي - سلمي عليهم - يوصل ان شاء الله درت وجهي ورجلي گالت الله بس وصلت للباب صرت امشي بركضة اريد اوصل لبيت ام هناء بسلامة قبل لا يگعد ابليس ويخرب علية وبعد ما انگطع نفسي وصلت واخيراً دگيت الباب حيل طلعت خالة بس شفتها شمرت روحي بحضنها ابچي بحرگة - يا يا شمالچ يمة ما گدرت اجاوبها طببتني للبيت واخذت الغراض من ايدي راحت گعدت هناء سوت الريوگ وبقت مگابلتني تريدني اسكت حتى تفتهم السالفة ماكو اخير شي صاحت بية - بسچ عاد هيدي خن افهم علتچ شني - خالة الحقير راد يسوي مثلهم راد يعتدي علية مقابل سكوتة عن حقيقتي - انة بنتچ يفخرية هذا ياهو ولچ وغوشتيني سولفتلها كل شي صار بالحرف الواحد بس كملت گامت تلبس بعبايتها جريتها من ايدها واني اتوسل - لا خالة الله يخليچ لا - لا تكضيني ولچ خلني اروح اربي الهل ابن الحرام - خالة يعرف عني كل شي انتِ تتخيلين لو يسويها عناد ويروح لأهلي شنو حيكون مصيري ابسط شي ما عندي غيركم ومؤيد الحقير يعرف هالشي وهيچ راح يوصلون الي بكل سهولة ويذبحوني صفنت علية واني امسح بدموعي اخير شي شمرت عباتها وگعدت على طرف التخم تفرك براسها وتفكر بالمجهول گعدت گبالها وهناء سحبت راسي الحضنها بقينة بحالة صمت وبس شهگتي تنسمع من بين الهدوء الچان مخيم ع المكان رفعت راسها باوعتلي وگالت - ضاگت بيچ ارض الحلة يبنيتي لازم تهجريها هذا الـ ×××× ميهيد اذا ميسويلة كولبة شگدها طول ما انتِ هنانة ميهجع ويظل يدگ برجلة حتى يخلص منچ گبل لا تخربين حياتة - وين اروح خالة وبچيت - من أول فكرت بيها بس كل ضني ترتاحين بشغلچ هنانة مچنت اعرف يطلع كل هذا من هالناقص - شنو هي الفكرتي بيها - اخذچ لأهلي بالبصرة تنزلين دخيلة عد شيخ عشيرتنة والدخيل عدنة اهم من اهل الحوش باوعتلها وسكتت ما عندي كلام اگولة وين متصير خلها تصير هي ظلت ع الغربة شو اني بيها وبلياها عايشة غريبة وعد غرب بس لازم اطلع من الحلة ما طول سري صار عد مؤيد الكلب بقت تسولفلي عن اهلها طول اليوم لليل سمعتها تحچي ويا عمو ابو هناء چان معترض على روحتها بشدة بس ما اعرف شلون قنعتة بلأخير گعدت الفجر صليت وجهزت ملابسي لگيت هناء تحضر بالريوگ لليل وهي تتوسل بأمها حتى تجي بس ما اقتنعت على ابو شلون تعوفين ابوچ وحدة - صباح الخير - صباح النور يلا تعالي نتريگ ما ظل وكت لازم نطلع - ليش اقتنعت امچ تجين ويانة - حتى رجلها حبيتها يلا وافقت - هههههه يلا عاد همزين تجين ونس بالطريق - تعالي نتريگ بعدين نسولف طلعنة من البيت للكراج وصلنة لهناك اجرت خالة ام هناء تكسي علمود لنتبهذل وانطلقنة بالسفر باوعت المخرج الحلة ونزلت دموعي مدينتي الما تخيلت بيوم من الأيام راح افارگها ولو ساعة هسه اني على اعتابها اودعها للأبد الطريق طويل وميقبل يخلص ام هناء گضتها دگ سوالف ويا ابو التكسي عن ايام زمان وهناء تكرز حب وتشرحلي عن البصرة اما اني رايحة بغير عالم افكر بمستقبلي المجهول شراح اشوف هناك اكثر من الشفته هنا وشلون راح اگدر اعيش بمكان مو مكاني ويم ناس مو ناسي وصلنة للبصرة بعد طريق متعب نزلنة يم مكان غريب متروس زلم عرفت من هناء هذا مضيف الشيخ صاحت خالة ذبن على وجوهچن ييمة رفعت الشال غطيت وجهي واني مستغربة تقدمت خالة واحنه وراها گالت للولد الواگف بالباب اخذلي طريچ اريدن اشوفن الشيخ طب الولد سمعت صوتة گال شيخنا حرمة بالباب تنشد عليك رد علي - ما گالت ياهي وشنهي نشدتها دفعت الباب وطبت - بت مريدي يشيخ ضاري هو وهيبتة وگعدتة بشموخ وسط المضيف ما گدر إلا ما يطفر من مكانة اول مشافها گبالة.... يتبع لتنسووون ⭐⭐⭐⭐⭐ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
