04-05-10, 05:28 PM | #81 | ||||
| فدار ايمان... -دنيا: صرعتيه بصراحة..واعر -ايمان :ايمان هاذي و اجرك على الله ..خذيت راحتى, حتى قاديت كلشي -ليلى: و جبتيه مع رمضان.. ما غتحتاجيش تخملي ملي يقرب العيد الهضرة كانت على الصالون البلدي ديال ايمان اللي اختارتو بذوق عالي ,جامع بين الاصالة و المعاصرة الخشب ديال السدادر ( جمع سداري و هو الاساس الخشبي للصالون المغربي) فلون غامق و منقوش نقش بلدي بسيط و المضارب (جمع مضربة بتسكين اول ثلاثة احرف و هي الفراش نفسه) عراض و ما عاليينش باش يكونو مريحين و الطلامط (جمع طلميط و هي اغطية الفراش) بموف بارد مخلوط بالبيج و الخاميات (الستائر) كذلك و الزربية كيف العادة حمرة بيت النعاس اختارتو بناموسية ما عالياش و واسعة و الخشب فااتح و اصرت على امين يصبغو جدران الغرفة باخضر فاتح بصباغة تدلاكت الصالون الصغير او بيت الجلوس فرشاتو تقليدي حتى هو بثوب مختلط, فيه الوان كثيرة, جا البيت مشروح و مريح و البيت الاخر بقا خاوي حتى يجيب الله اللي يعمرو..بقا المراح بالكنابي اللي فيه, حتى هو خاوي, بين ما رشقات ليها تخرج تشري ليها شي كنابي على ذوقها.. -ليلى: صافي بركة من الهضرة, تهزو للكوزينة..الشباكية محتاجة الوقت و الجهد كانوا متفقات يوجدوا الشباكية الكافية لرمضان ليهم و ايمان و مريم, غيصاوبوا حتى ديال دارهم كيف العادة -ايمان: شكون فيكم غتصاوب السلو?..انا ما غنصاوبوش, ماما غتعطيني منو -عزيزة : حتى انا.. -ليلى: انا غنصاوبو هاذ العام..وجدت كلشي زنجلان, لوز ,كلشي, خصني غنجمعو.. -دنيا: انا اصلا ما عنديش معاه -عزيزة: و لكن الا كان تيعجب محمد, لا بد تديريه -دنيا: لا لا, ناخذ شوية من عند ماما و لا نشريه -حنان: و الحريرة كي غتديروا ليها و انتوما خدامين? -ايمان: الحريرة حالها ساهل, انا غنطحن مطيشة و نفرقها فخنيشات مع الكرافس و القزبر و المعدنوس و نطيب القطاني و نفرقها على الخنيشات و هانا ساليت..ملي نرجع نسخن و نطيب الدقيق و ها الحريرة واجدة -ليلى: بخير , حتى انا ذاك الشي اللي تندير و المسمن حتى هو تنطيب ديال سيمانة -ايمان: لا, انا المسمن ,ما تيعجبنيش هكذاك..جرباتها مرة ماما , ما عجبنيش..المسمن و البغرير يتصاوب فنهارو احسن -دني: لا عادي, تيجي لذيذ ..غير انتي خليه ابيض فالطيبة الاولى, حتى تبغيه, عاد حمريه -ايمان: ما عرفت, دابا نجرب -ليلى: وا صافي دابا من الهضرة...كيفاش غنتفرقوا? -ايمان: 2 يعجنوا الشباكية فجوج قصعات, انتي ا عزيزة و دنيا..و ليلى و انا , نصاوبو عجينة اللوز للبريوات و مريم تقطع الورقة ديال البسطيلة و حنان تمد لينا اللي خاصنا -حنان: دايراني خدامتكم ا القردة? -ايمان: نتبادلوا? ..راك انتي اللي مبرعة! -ليلى: ششش, على أي, ضروري غنتبادلو مرة مرة, حيث الشباكية خصها الجهد.. دخلوا للكوزينة و عجبااتهم الجلسة اللي وجدات ليهم ايمان يخدموا فيها فرشات زربية فالارض و حطات عليها مخدات و حداهم طاوة (صحيفة معدنية الخاصة بالحلوى), جمعات فيها كاع اللي غيحتاجو و فوسط الزربية القصعات و البلاطوات -عزيزة: هههههه ما عندي ما يتسالك..موجدة مسرح العمليات -ايمان: هههه ايوا قلت فخاطري, ناخذو راحتنا..النهار غيدوز طويل دوزوه ممتع النهار..شحال هاذي ما تجمعوا.... -دنيا : هوما فالشمال تيديروا.. -ليلى: صافي, طيبتي لينا القلب بالشمال..عرفناك دوزتي فيه لون دو مييل مطرطقة -دنيا : مالك, جاتك الغيرة? -ليلى: الغيرة?!!! ههههه علاش غنغير و انا كنت فاكادير فنفس السيمانة بوحدي?!! و الراس فالراس مع.. -ايمان : صافي انتوما غتعاودوا لينا قصة حياتكم?!!..عرفناكم تبرعتوا ! صافي سكتونا! ..قولي ليا, هاذ البريوات محمرين ياك?..بركة عليهم -ليلى: تسناي شوية ما زال vibra تلفونها, كان ميساج من يوسف "صافي بركة عليك..النهار كلو بزاف عليا! توحشتك grave (بخطورة)" ابتسمت بفرح و ثقة..اخيرا حسات بيوسف زمان بدا يرجع..غيرات من راسها بزاف و من تصرفاتها وولات كتبين اهتمامها بيه بطرق متجددة و متغيرة كل مرة.. جاوباتو بميساج "حتى انا توحشتك بزاف و كل تفكيري فيك مون اموغ و لكن خصني نكمل شغلي" -عزيزة: شي ناس معانا جالسين تيغشوا -ليلى :هههههه بصحتي و راحتي -ايمان: اجي عاونيني قالاك بصحتي.. -ليلى: انتي بالضبط ما تهضريش..24 ساعة على 24 مع ...و تتقلدها: امين -ايمان: بصحتي و راحتي دفعاتها ليلى و خذات بلاصتها... -ايمان: بشوية لا تطيحيني و يجي ليك -عزيزة: اه, ردي البال, راه ياكلك الا قستي ليه ....و تتقلدو: sa princesse ..و عاد هو من نهار حملات و هو عاد ما زاد داير لينا عليها الطيارة -ايمان: هههههه, يخليه لي لي mon bébé -حنان : حقا , ملي غتولدي ان شاء الله, خصك تبدلي ليه السمية و لا غنبداو نخلطوه مع البيبي ديال بصاح -ايمان: هههه, البنات دعيو معايا يكونو توام ولد و بنت دعاو معاها كلهم فدقة وحدة... -ايمان بحرارة: امييييييييين صونا تلفونها و على الشاشة بانت: mon bébé -عزيزة :شدي, ton bébé الكبير تيعيط ليك -مريم: غنسميوهم بيبي جونيور و بيبي سنيور باش نفرقوهم هههههههههه خرجات ليهم ايمان لسانها و خرجات تجاوب.. -امين: الو ma puce , فين وصلتو? -ايمان : ما زالين خدامين..عاد بدينا نطيبو - امين: وا ما تنساوناش فالعشا -ايمان : كيفاش فالعشا?! دبروا راسكم باللي كان! -امين: لا , عشانا عندكم...ماشي شغلي سمعات صوت يوسف: او!!! هاذو باغين ينكرونا حتى فالعشا?!!! -ايمان : قوليه راك كبير و عندك جوج ايدين , دبر بيهم لراسك -امين اللي ولف على مناقرتهم و بطريقة غريبة , جاتو نفس الحالة مع ليلى: خليك منو و ركزي فيا انا..فيا الجوع و ما غناكل الا تما..غنجيو كاملين نتعشاو ...و بحال والو كل واحد يمشي لدار.. - قاطعاتو: حلموا!! ..حنا غنباتوا مجموعين.. و زيدون معانا حنان و مريم.. -امين : ايوا هي بعدا ..العشا -ايمان بغيظ : تسنى نشوف مع البنات و نجاوبوكم.. مشات لعند البنات و قالتها ليهم.. -عزيزة: خليهم يجيو انا نوجد العشا - ليلى: دغية توحشتيه?!! هاذ الشي غير عاطيك درس فليلتك قاطعاتها بالزربة بتهديد: ليلى!! ضحكوا عليها البنات..... -دنيا :صافي خليهم يجيو ..يتعشاو و يدردبوا مع الدروج - ايمان : اوووف, ضروري يخشيو راسهم..سيفطات ليه ميساج بموافقتهم جاوبها "je t'adore" ابتسمات بفرح و راحة.... ************************************************** **************************** ملي ذاقوا لرجال شباكيتهم و بريواتهم, عجبوهم بزاف, و دعاو ليهم بالصحة على اللذة اللي طلعات فيهم... كانوا جالسين فالكوزينة نيت تيتعشاو فجو مرح و ممتع .... -امين لليلى اللي قرصات ايمان : جمعي ايدك على مراتي و ولدي - ليلى: انت ولدتيها و ساليتي و متاكد ولد?!..و زيدون مالني اش درت ليها ?انا قرصتي خفيفة , ما تخافش - ايمان : عنداك !قرصتها واعرة - يوسف: انتي واخا يقرصك فيل, ما تحسيش - امين : هضر على مراتك الله يخليك..مراتي ماشي بحال شي ناس, متوحشين - توفيق: هههههه يوسف, ما قدكش الفيل تزادك الفيلة ههههههههههه ضحكوا كاملين.. - ايمان و هي باغية تغيظ يوسف: ياسمين اجي عند طاطا ناضت ياسمين بصعوبة من حداه و هي غادية لعندها و تلاحت فحضنها و هي مبتسمة.. - يوسف: انا هاذيك خليتها ليك..عرفتك لحستي ليها الدماغ ..هاذا اللي جاي, الشوفة ما غنخليكش تشوفيه - ايمان: ههههههه غير لقيتيني غنكون مشغولة, اما اش جاب ما يفكك مني - يوسف لامين : احسن حاجة درتي انك خذيتيها و فكيتيني منها..وا صاحبي مقاسمة معايا فمراتي - امين : خوك حاس..هاذيك اللي عندك حتى هي دايرة ليا عليها الطيارة - محمد : زيدوني عليكم ..فين ما ندخل نلقاها فالتلفون و لا فالمسن... مع من ا دنيا ? مع صحاباتي! - توفيق: ديرو بحالي.. داير ليها ممنوع على كلشي -دنيا: مممم باينة و اليوم? -توفيق : و اليوم غير على قبل هاذ الشهيوات اللي وجدتوا لينا مريم كانت ساكتة منين دخلوا و هي محرجة من هشام, لكن هنا, ما قدراتش تمنع راسها من التعليق -مريم: شفتهم بحال الا تيتفقوا عليكم و انتوما ساكتات!! -هشام: علاش? انتي عاجباك القضية? -شافت فيه لثانية و هي مرتبكة و تشجعات: معلوم عاجباني! - محمد: ههههه هزك الما ا السي هشام, من دابا دير بحسابك على الصبر - دنيا : مريم برافو..هكذا نبغيك..لا للعنف ضد النساء..و بغمزة لعزيزة: ماشي بحال شي ناس - توفيق اللي تحرج بالرغم انه ما عارفش باللي البنات فراسهم كل شي : واك واك ..غيلبسونا تهمة .. - ايمان: ليلى واقيلا غلطنا ملي رحمناهم و عشيناهم - يوسف: راه حنا اللي خصنا نقولو لا للعنف ضد الرجال!.. عشا غيذلونا عليه! ضحكوا كلهم و كملوا عشاهم ضحك و هضرة ,و هوما متاملين خير فشهر الرحمة اللي قريب يدخل عليهم و متمنيين من الله يدوم بينهم المحبة و الصفا , و يقويهم على مشاكل الحياة اللي ما كتخلى منها حتى دار ...و فداخلهم, كل وحدة من البنات ,مرتاحة لانها ماشي بوحدها; معاها اخوات تقدر تعتمد عليهم فالحزن قبل من الفرح........ THE END | ||||
04-05-10, 08:44 PM | #82 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| na3ouma Maroc تسلم إيديكى المبدعة على الرواية الأكثر من رائعة ... فعلاً الصداقة كنز لا يفنى خصوصاً بوجود صديقات أكثر من الأخوات مقربات و حبوبات و عم بيفضلوا صديقاتهم على أنفسهم ... ما فى أحلى من الصداقة ... ربى يديم لى صديقاتى و لا يحرمنى منهم أبداً ... na3ouma Maroc نهاية رائعة و الحمد لله أن الأمور تمام و تصلحت بين الكل ... na3ouma Maroc فى إنتظار جديدك و أتمنى ألا يطول الإنتظار ... ربى يوفقك و يسعدك مثل ما أسعدتينى بروايتك الرائعة ... | |||||
05-05-10, 12:15 PM | #83 | |||||
| اقتباس:
امييييييييين هبة و يوفقك و يحميك حتى انتي و يديم ليكي و ليا و للكل ان شاء الله اصحابو و احبابو اشكرك عزيزتي هبة على تواجدك الدائم و تشجيعك المتواصل لي للمواصلة فطرح روايتي و سعيدة جدا جدا انها نالت اهتمامك و اعجابك ان شاء الله لي عودة مع رواية جديدة موفقة حبيبتي لك | |||||
15-05-10, 02:33 AM | #85 | ||||
| chokran okht na3ouma ua3tik sahha ma3andi maytsal lik rabbi ikhalik riwayab raw3a o li zadha jamal"l wasfak l marasim l3ors almaghribi chokr khas lik okht HIBA ana mo3jaba bik bzzaf o bmotaba3tik lkol ariwayat o tachji3ak ala3dae wllah tmanit nat3araf 3likE E | ||||
15-05-10, 11:22 AM | #86 | ||||||
روايتي مؤسس ومشرفة سابقة وقاصة في منتدى قصص من وحي الاعضاء
| اقتباس:
شكراً لكلماتك الطيبة التى أسعدتنى ... و ربى يديم الصداقة و المحبة بين كل الأعضاء لأننا أفراد أسرة واحدة >>> أسرة روايتى <<< | ||||||
24-03-11, 01:36 AM | #90 | |||||||||||
نجم روايتي وقاصة بقصص من وحي الأعضاء وكاتبة في قلوب أحلام وكاتبة ومحرر لغوي بقسم وحي الخيال - مقيم التسالي - منسق المجلد الأول لوحي الخيال - م
| عزيزتي شكرا علي القصة ونهاية حلوة ورومانسية كتير يسلمو عليها بانتظار جديدك دائما | |||||||||||
أدوات الموضوع | |
انواع عرض الموضوع | |
|
|