ويبـــقى الحبـ~ لو كان بوداعك آخر انفاسي ... مكتملة

[ترحااال 77]

مرااااااحب .. مساءكم جوري ومسك ..

.. روايتي ...
بين ايديكم .. كامله ع الملف اذا اعجبتكم كملت الباقي هنا










ويبـــقى الحبـ~ لو كان بوداعك آخر انفاسي







الشمس قربت تغيب والصحراء خاليه .. كل شي فيها جاف تناظر دانه لكل الجهات ماتشوف غير رمل وجبال كانها ابعدت عن اهلها ~ يووه حسبي الله عليك يابدروه كلها منك خذاني التفكير كيف بافتك منك لين ما وصلت هنا.. ياربي.. انا وين الحين
" فكرت و فكرت وقررت تتبع اثرها لين يوصلها لاهلها ناظرت دانه للارض ماكنها مشت خطوه الريح القويه ماسحه كل اثر فقدت آخر امل
ممكن يرجعها لاهلها حست بالضيق وكملت تمشي كانه مافيه احد غيرها بهالصحراء الواسعه ..



دانه 20 سنه حلوه وطيبه شخصيتها عفويه خفيفه دم تموت على شي اسمه مقالب قاعده بالبيت بعد الثانوي لاشغله ولامشغله يحبها ولد عمتها بدر وهي تشوف الموت ولا تشوفه ، خطبها عدة مرات آخرها قبل يومين واخوانها حاولوا يغصبونها عليه وقامت من عندهم معصبه ع الآخر ومن كثر ما كانت تمشي و تفكر بالموضوع ما استوعبت انها ابعدت عن اهلها وخوالها الي مخيمين بالبر من 3 ايام


اخوانها 2
الكبير عبدالعزيز
30 سنه زوجته مريم توفت بعد ولادتها لبنتهم اسيل قبل سنتين ولها توأم اسمها مرام وهي وحده من بنات خالتهم فايزه كان متزوجها عن حب


والثاني
يوسف
25 سنه جذااااب اسمر شوي مو كثير .. وهو اقرب شخص بالعايله لدانه و مافي بينهم اسرار

بعده
اختها ندى 24 سنه علاقتها بدانه سطحيه

ابوهم"ناصر" متوفي من كانو صغار لهم عمات 2 بدريه ومزنه قاسيات مره لدرجه بعد ماتوفى ابوهم كان الوكيل عليهم زوج بدريه عمتهم اتفق هو وياها وخذوا ورث اهل دانه من بعد ابوهم كله وتقاسموه مع مزنه عمة دانه الثانيه وانكروا كل شي ومن ذاك الوقت وعلاقة العوايل ببعض من اسوأ ما يكون..



جدتهم ام ناصر "فزه" ام ابوهم ساكنه معهم بنفس البيت "متسلطه" وماتشوف خطا بناتها ابدآ


ام دانه : طيبه بزياده لدرجة ان شخصيتها ضعيفه وتطيع جدتهم بكل شي

ع فكره بدر الي يحب دانه هو ولد بدريه عمتهم وهو اطيب قلب بين اهله دايمآ واقف ضد امه وقسوتها وخاصة اذا كان الموضوع يخص دانه ..


الجــــــ الاول ــــــــزء

~ماقويت اكتم شعوري كيف بصبر لو كتمته ..
منهو الي لا رحلتي ماتهل الدمع عينه ..~


عند العوايل
ندى اخت دانه اخذت امها ع جنب : يمه دانه راحت زعلانه و للحين مارجعت
ام دانه : زعلانه ..؟ لايكون فتحتوا معها موضوع بدر من جديد
ندى : يمه البنات يحبون يمزحون معها بس هي الله يهديها تحسب اننا بنغصبها عليه
ام دانه : ياويلي على بنيتي وين راحت الحين
ندى : يمه تكفين قولي للعيال يدورونها مو عادتها تطول كذا

بخيمة العيال
يدق جوال يوسف اخو دانه
يوسف : هلا بالغاليه
ام دانه بخوف : يوسف والي يسلمك دانه راحت تمشى لحالها ومارجعت تكفى روح دورها
يوسف : اووه من هالدانه ياكثر مشاكلها .. اكيد انها حولكم دورتوها زين
ام دانه : ايه بس مالقيناها .. طالبتك يايوسف اركب سيارتك وشف وين راحت بتغرب الشمس واختك مارجعت

سكر يوسف من امه ويروح لسيارته
فواز صديق يوسف كان معهم : شفيك يوسف وين رايح
يوسف : لابس فاقدين وحده من خواتي و بشوف وين راحت "يركب سيارته "
فواز بخوف : ان شاء انها ما ابعدت بس..!
يوسف : ان شاء الله
فواز : بروح اقول لعزوز وابراهيم يركبون يدورونها
يوسف : يالله بسرعه "يحرك سيارته "
يركبون العيال بسياراتهم كل واحد يروح بجهه من البر

يوسف خذا نص ساعه يلف المكان ولا شاف لها اثر يدق على ابراهيم ولد خالته
يوسف بخوف : ها.. ابراهيم ماشفتها؟
ابراهيم : لا احسبكم حصلتوها
يوسف : لا توي مكلم فواز وقالي نفس الكلام

بجهه اخرى من البر
فواز بسيارته قاعد يفكر وعلى طول طرت عليه ايمان اخته تخيلها مكانها : ياربي استر ع البنت ورجعها لاهلها .. لا حول ولاقوة الا بالله يارب قدرني والقاها ..

"بعد فتره يناظر زين كانه يشوف شخص بعيد ..


دانه عيونها غرقانه دموع فقدت الامل انها ترجع لين ماشافت جيب بعيد جاي باتجاهها وصارت تركض وتنادي مو منتبهه ان ماكان على راسها غير طرحه بس من الخوف ما كان ببالها غير انها ترجع لاهلها

فواز انتبه ان الشخص الي شافه بنت واكيد ارتاح لانه تاكد انها اخت يوسف الضايعه كانت رافعه يدينها وتركض باتجاهه

: وووقـــف..! وووقـــف..!

"مشى شوي ووقف بجنبها
دانه وهي هادها التعب وبصعوبه تتنفس : وقــ..ف اه اه
" ينزل من السياره
ويشوف بنت لابسه بنطلون جنز وبلوزه طويله وواسعه ومو مغطي شعرها وجسمها من فوق غير طرحه ووجهها رغم انه مليان دموع بس .. جناااان

دانه انتبهت انه فواز
فواز استحى من نفسه وصد عن وجهها : انتي اخت عبدالعزيز ويوسف؟
دانه بصوت واطي مخنوق : ايه وصلني لهم الله يخليك
فواز من غير ما يطالعها : اركبي اوصلك اهلك مشغول بالهم عليك
وبتردد ركبت وتوها انتبهت لنفسها وبسرعه تغطت "
فواز يدق على يوسف : الو هلا يوسف .. خلاص لقيتها .. ايه معي قل للعيال يرجعون وطمن اهلـ....
دانه تسمع كلامه واول مره تحس بالامان لهالدرجه

بعد مامر اليوم الصعب
من بكرا شالوا خيامهم ورجعوا لبيوتهم


بعد شهر ..
ندى خلصت صلاة العصر وقاعده على سجادتها ، دانه كانت تقرا مجله وسكرتها

دانه: اوف طفش حفظت كل كلمه من كثر ما قريتها ياربي بسولف ابي بشر ابي ناس ابي كائن حي أتكلم معاه
ندى تبتسم : انتي اذاماسكتي 5 دقايق تملين! طيب روحي سولفي مع جدتي واكسبي فيها اجر
: لا اعوذ بالله فزه ان جلست عندها دقيقه اجمع ذنوب خلق الله واجي بس تحش
ندى بجديه: دانه! مايجوز انتي الحين قاعده تغتابينها بعدين هذي جدتك
دانه تسوي نفسها تبكي : اووف وينك ياهيوف تشوفين حالتي " تتغير ملامحها" ها؟.. ايه والله ندوش شرايك نروح لبيت خالتي فايزه اليوم ؟
ندى : لا لا فكينا انا بقعد هنا مافيه احد بعمري
: يالله عاد الي يسمعك يقول عجوز ترا الفرق بينك وبين مرام سنتين بس
ندى : .....
:ايه.. كيفك انا بروح اقول ليوسف يوديني وبآخذ اسوله معي .. " اسيل بنت اخوها عبدالعزيز " .. وانتي سولفي مع الجدران ترا كلهم طيبين بس هذا الي عند الباب احسن واحد هههه
ندى بإستهزاء: ها ها ها بايخه
دانه تضحك : عقد! .. عقد!
ابتسمي ع الاقل!
ندى : اقول اطلعي وسكري الباب وراك
" تسكر الباب "

..و تروح عند امها وجدتها الي يتقهوون
: يمه وين يوسف ؟
جدتها : وبس كذا يا دوين تدخلين ماتقولين اسلم على جدتي واقعد عندها و اشرح صدرها
دانه بداخلها ~ بدينا ~
ام دانه : تعالي وانا امك سلمي على جدتك
دانه بتجاهل: يمه يوسف وينه
"امها تناظر لها يعني طيعيني"
: خلاص انا بروح اشوفه اكيد بغرفته
تروح وهي تسمع صوت جدتها : بنتك هذي يبيلها تربيه من جديد ماتحشم احد ابد "تعلي صوتها"الله يرحمك ياناصر لو كان عايش عرف شلون يربيها زين..."
دانه بهمس : لو تموتين ماذل نفسي لك ههه
يوسف يشوفها : دانه انجنيتي تضحكين مع نفسك
: لا .. لا .. بس زين الي شفتك
يوسف : ليش شتبين..؟
: ابيك توديني لبيت خالتي بموت من الطفش..
يوسف :بعدين ماني فاضي
: لاعاد تكفى الله يخليك شف اسيل مسكينه تبي تستانس! "كانت شايلتها بحضنها"
يوسف : خلاص عشان اسوله مو عشانك ههه
: احلف ! يعني بتوديني ؟
يوسف يبتسم وتبان غمازاته: ايه!
: الحين بروح اتجهز "وتروح تركض"
يوسف : لحظه خذي اسيل وين تركتيها ههههه
: ايه صح " ترجع تشيلها وتروح لامها
: يمه بروح لبيت خالتي تروحين معي
ام دانه: لا وين اروح جدتك من يقعد عندها
: امشي معي ماعليك هي اصلا بعد شوي بتنام
ام دانه : يالله عاد لا تسمعك وتسويلنا سالفه بعدين ليش ماسلمتي عليها قبل شوي وارضيتيها
: يمه هذا لو كانت تقدر وزي باقي الجدات اللي ماينسمع حسهم يمكن!بس هذي تسوين خير وترمينه ببحر انتي شلتيها وبناتها واكرمتي الصغير والكبير عمرنا ماشفنا عماتي بعد الي سووه جو يسألون عنك ولاهي الي رضت عليك تبينها ترضى عني مارح اذل نفسي لها
ام دانه : مو ذل هذا احترام
: طيب ليش هم ما يحترمونا؟
ام دانه: خلاص.. خلاص.. اسكتي اقول لا تسمعك
دانه تضم امها : انا باسكت عشانك يالغاليه .. يابعد عمري يمه لا يهمك شي بالدنيا غير راحة بالك "وتروح"

بعد ساعه
يوصلون لبيت خالتهم فايزه الي عندها
ابراهيم 25سنه نفس عمر يوسف
بعده 4 بنات ثنتين منهم توأم مريم ومرام ، مريم هي زوجة اخو دانه الكبير الي توفت والثانيه مرام تدرس تمريض وبعدها هيفاء 20 دبدوبه وخفيفة دم مره
آخر العنقود رنيم11 سنه


"يوصلون البيت وتشوف ولد خالتها الكبير ابراهيم واقف عند الباب
تنزل دانه وتدخل البيت وهي شايله اسيل واغراضها

يوسف كان قاعد بالسياره يسلم على ابراهيم الي واقف "
ابراهيم : انزل! تقهو !
يوسف : ودي بس مستعجل
ابراهيم : يارجال انزل ..!ولاتكبرت بعد السياره الجديده "ويحط يده عليها "
يوسف : فيه احد يتكبر عشان سياره تصدق احيان احس ان عمرك 10سنين مو25 هههه
ابراهيم : اضحك على كيفك اهم شي تاخذني معك
يوسف : وين ..؟
ابراهيم: ودي اروح السوق مواعد خويتي
يوسف : لا.. كني اسمع تطوراات.. في احد عطاك وجه انت وخشتك ..!
ابراهيم : وانت الصادق ماحد طقلي خبر بس اقول يمكن اذا رحت القى
يوسف : ههه اركب اركب اوصلك
" ابراهيم يركب السياره ويمشون
يوسف : منهي هذي الي بتشوفها ..؟ هي نفسها الي كنت تقولها انك محامي
ابراهيم مستغرب : انا عمري قلت اني محامي..؟
يوسف: اكيد من كثر ضحاياك نسيت.. ذيك الي كان اسمها.؟ ياربي شسمها.. ايه اظن .. منال؟
ابراهيم: ههه ايه منااال ههه ياقدمك هذي من 3 شهور تاركها مليت منها كل ماقول اطلعي تقول اخاف فقلت لها اني بهاجر كندا بادرس ماجستير
يوسف : ماجستير مره وحده انت ثانوي وبطلعة الروح خلصتها
ابراهيم : شتبيني اسوي بافتك ..!
يوسف : ليه طيب من كلامك قبل عنها انها صادقه و تحبك ؟
ابراهيم : المهم اسمع ترى تنزل معي
يوسف : وين انزل بعد .. لا لا انا مالي بهالسوالف
ابراهيم : ارحمنا عاد
يوسف بجديه: انا وراي خوات ومثل ماارضى عليهم مارضى على بنات الناس
ابراهيم : احلااا! من وين سامع هالكلام خواتك ماعليهم راقبهم وشد عليهم ولا يصير الا كل خير
يوسف : بس الدنيا دواره بعدين ليش اشد عليهم وش هالتفكير الخايس ..!
ابراهيم : انت انزل معي واذا شفت الزين بيصير تفكيرك اخيس مني
يوسف : انا قايلك من البدايه بانزلك واروح وانت كيفك
ابراهيم : يويسف انزل طيب ليش انا ركبت معك كان رحت بسيارتي
يوسف : لا حوول ولاقوة الابالله خلاص بنزل ارتحت!
ابراهيم يبتسم


في بيت خالتهم
"مرام استقبلت دانه "
اسيل تضحك بقوه اول ما شافت مرام
مرام : هلا والله بحبيبة خالتها "وتحضنها" ياحلاة البنت ياحلاتها زين الي جبتيها "وتناظر لدانه " بس وين ندوش ماجت معك؟
دانه ماتدري شتقول : ايه ندى قلتلها بس تعرفينها اذا بغت تروح مشوار تاخذلها سنه على المرايه وانا مافيني صبر على شوفة الخبله هيفوه
مرام : دام مافيك صبر بروح اناديها لك
بهاللحظه تدخل ام ابراهيم : هلا بنتي وين امك وندى ماشوفهم معك ..؟
: هلا فيك!خالتي امي بالبيت ماتقدر تخلي جدتي وندى قاعده عندها
ام ابراهيم : ايه بسلامتهم بس انا كان ودي اشوف امك
: حتى هي والله ودها تشوفك بس عشان جدتي تعرفين..
ام ابراهيم : ايه .. امك بارة فيها اكثر من بناتها .. الا ما قلتي لي شلون عبدالعزيز اخوك لهالحين لايروح ولايجي
: ايه والله ياخاله على حالته معتزل الدنيا من بعد مريم الله يغفرلها فاقدها حيل
ام ابراهيم تناظر لاسيل : مريم ..! ومن الي مافقدها "تدمع عينها وتوقف" انا عاد اخليكم تاخذون راحتكم
"وتروح من عندهم"
هيفاء تضرب دانه على كتفها بخفه : دوييين وش هذا؟ "وتطالع بوجهها" ماشاء الله صرتي بنت..!
:ووجع ان شاء الله احد قايلك اني غير كذا..؟
هيفاء: لابس شفت الاساس والروج وقلت مادري دايم تجيني كنك مريضه ولانقطة مكياج بخشتك !
: و مرض ان شاء الله..! لا حبيبتي لازم تعودين بعد تشوفيني كل يوم بشكل جديد
هيفاء تحرك حاجبهاوبخبث: ليه وش الطاري شايفة لك شوفه تحبين دانوه؟
: الحمد لله والشكر! هيه انتي يالدفشه تحسبين ما يكشخ الا الي يحبون ..!
هيفاء : وانا اقول مامن ورا هالوجه خير بس تصدقين دانه كل ما اتذكر يوم ضعتي بالبر زي البزران اموت ضحك تذكرين..؟
: وانا اقدر انسى يمه يالفشله كلش ولا فواز حفظ ملامحي
هيفاء : صدق كيف تجرأتي ركبتي معه
: والله للحين مستغربه من نفسي بس من الخوف تسوين كل شي..عزوز ويوسف ذبحوني بالتهزيئ بعدها
هيفاء : ياختي اهم شي سلامتك ..
رنيم تدخل بابتسامه : دانه عندنا ولا تقولولي..؟
دانه بصوت واطي: بدينا!
هيفاء : جت الملقوفه!
رنيم : سمعتك !
هيفاء:واذا سمعتي يعني! يالله
برا روحي شوفي دروسك ونامي
رنيم : ماني جايه عندك جايه عند بنت خالتي الغاليه! ها دانه ماقلتيلي شخبارك وش عندك علوم وش فيه سوالف جديده؟
: انا بخير بس ماعندي سوالف بعمرك ههه
هيفاء : سمعتي حتى دانه ماتبيك يالله روحي
رنيم بكل ادب: حاضر"وتروح
" يناظرون بعض "
: غريبه رنموه تقول حاضر؟
هيفاء : هذي حال الدنيا
:ههه وش حاله الله يصلحك صدق احيان احس انك محششه

بعد ثواني
"تدخل ام ابراهيم ومعها رنيم"
رنيم تسوي نفسها تبكي: يمه قولي لهم يخلوني عندهم!
ام ابراهيم : حرام عليكم يابنات خلو رنومه تقعد عندكم
رنيم تبتسم من ورا امها
مرام : وانا اقول غريبه تقولين حاضر رنموه تطلع بهدوء !
رنيم : شفتي يمه ماحد يبيني
ام ابراهيم : لاخلاص اقعدي ولا احد بيقولك شي!
" تروح رنيم وتقعد بالغصب بين هيفاء ودانه "
رنيم: عشان مره ثانيه تفكرون زين قبل تطردوني
: الشكوى لله راضين يارب راضين!
هيفاء : هههه امشي بس خلنا نروح ندق على عاليه ونخليها تجي
دانه بحماس: ايه والله ودي اشوفها

" عاليه بنت خالهم الوحيد صالح عمرها 21 سنه تدرس ثاني سنه جامعه فيها جمال ونعومه تحب يوسف اخو دانه
عندها
اخ واحد اسمه علي 15 سنه بثالث متوسط اصغر ولد بالعايله
بعده
نجود10سنين

دانه : اسمعي اذا بتجي قوليلها لاتجيب نجود العله معها
هيفاء ماسكه الجوال : طيب
خلاص دق


بالسوق
"كان فيه بنتين يتمشون"
ساره ماسكه الجوال وتكلم بدلع
ساره : لأ.. مابي.. حبيبي عشان خاطري لاتسافر..ايه.. اكيد وليش ما ازعل
"حنان صديقتها تأشر لها يعني سكري بسرعه"
ساره تناظر لها مستغربه: خلاص غناتي .. انا مشغوله الحين بعد شوي اكلمك .. باي "تسكر"
ساره: نعم شتبين شفيك اشغلتيني؟
حنان : شوفي الزين الي قدامك ياااي شي! شي!
ساره : وينه ذاك المصري ؟
حنان : اي مصري شوفي الثنين الي واقفين هناك ع اليمين "كانوا ابراهيم ويوسف"
ساره تناظر وتصرخ : واااو وش هذا كانه عارض ازياء ياليت يناظرلي
حنان : اقول لا تفكرين ولا يخطر ببالك سامعه؟ انا شفته قبلك هذا لي انتي لك الشين الي جنبه!
ساره : ياسلام !
حنان: ما علي منك
ساره: خلاص اسمعي عندي حل !
حنان : ايش؟
ساره : نفتح البلوتوث ونرسل ارقامنا و اول وحده يرد عليها يكون لها
حنان : موافقه..!
ساره تناظرله زين : لحظه.. لحظه.."تحط يدها على خدها" هييئ !
حنان : شفيك؟
ساره: هذا هو .. هذا يوسف والله يوسف!
حنان: مين؟ تعرفينه!
ساره: امشي بسرعه امشي !
حنان: شسالفه؟
ساره: امشي الحين وانا اقولك


جلسوا باحد الطاولات بالسوق
حنان : احلااآ تعرفين كل هالزين وساكته منهو يوسف هذا
ساره: هذا يوسف ولد خالي ناصر الله يرحمه
حنان: ولد خالك..؟ طيب ليش ماعرفتيه من اول ماشفتيه؟
ساره : اهلي واهله ما شافوا بعض من زمان بسبب مشاكل قديمه بينهم عشان كذا ماعرفته بالبدايه
حنان: اهااا عرفت الحين بس ولد خالك شييي!
ساره : تصدقين انا وياه كنا نحب بعض زمان بس لما تطورت المشاكل بين الاهل تفرقنا مادري يحبني للحين او لأ
حنان: وانتي للحين تحبينه؟
ساره تضحك بقوه: ههه احبه؟ من عقلك تسألين هالسؤال وانتي تشوفيني معاك كل يوم كيف احبه وانا قدامك ماخليت احد ماكلمته
حنان : اها هذا يوسف الي اخوك يحب اخته دانه
ساره : ايه هذا اخوها مادري بدر وش شايف فيها .. خطبها بنت الفقر و رفضته هي لاقيه مثله بس هو الغبي يستاهل
حنان : خلينا من اخوك الحين و امشي معاي مارح يعرفك امشي نهستر فيه شوي
ساره: لأ .. وع عفته يوم دريت انه ولد خالي ماوراه الا الفقر
حنان : ههه بس اذا تبين نصيحتي حاولي تجذبينه لك من جديد
ساره : وليش ان شاء الله؟
حنان : انتي ما ودك تزوجين؟
ساره : الا ..
حنان : خلاص هذا انا اشوف انه انسب واحد لك شكله حلو و مايدري ببلاويك اكسبي قلبه باسلوبك قبل لايروح عمرك
ساره: اممم.. ايه صادقه هو ماعليه شكله حلو وانيق بس وع ماتخيل اشوف خواته قدامي
حنان: وانتي شعليك من خواته..! بعدين انتي قلتي اهله على قد حالهم احسن تصيرين الآمره الناهيه روحي الحين قبل يطلع تكلمي معاه بسرعه
ساره: شقوله طيب ..!
حنان: اسمعي.. "


يتفرقون يوسف وابراهيم لان ابراهيم راح يدور بنات ويوسف راح يشتري له عطور بهالوقت


باحد المحلات
ساره وهي مغطيه عيونها بطرحتها كانها مستحيه منه وبصوت واطي: يوسف..؟
" يوسف يلتفت لها وكانه تمنى يسمع هالصوت من زمان بس يحاول يتذكره"
ساره : ماعرفتني ؟
يوسف : مين؟
ساره: امشي معاي وانا اقولك من انا
يوسف بتردد : طيب احاسب واطلع



بهالوقت
وصلو عاليه ونجود لبيت عمتهم

نجود : انا جيت وين رنيم
: رنيم داخل
نجود : حلو انا رايحتلها
"راحت"
هيفاء : ليش جبتيها معك انا شقايلتلك
عاليه : ادري انك قلتي بس شاسوي بامي قالت ماتروحين الا اختك معك.. "تناظر لدانه":دانه شخبار جدتك؟ للحين انتي وياها توم وجيري ههه
دانه حاطه يدها على خدها : تكفين فكيني من سيرتها كني اشوفها الحين
البنات : هههه


بهاللحظه ببيت دانه
ام ناصر تفرك يدينها بعصبيه: بنتك ماجت لهالحين ؟
ام دانه : لا والله ماجت بس البنت ببيت خالتها مو صاير لها مكروه ان شاء الله
ام ناصر : هذا البلا انها بنت والبنت ماتطلع بدون اهلها هالحين كم الساعه يام عبدالعزيز؟
ام دانه : تونا الساعه الحين 10
ام ناصر تحط يدها على راسها: 10! ياكبرها! دقي.. دقي عليها خلها تجي وش يقولون الناس عنا كلميها الحين
ام دانه : ان شاء الله الحين اكلمها
"تقوم من عندها "


بالسوق
" يوسف وساره قعدوا بطاوله مغلقه بعد اصرار من ساره طبعا"
يوسف : من انتي و ليش مصره نقعد بها المكان
ساره : انا .." تفك الثمه " ماتذكرتني ؟
يوسف قعد يناظرها وبداخله: هذي هي هذي عيونها و ملامحها بس كبرت..كبرت كثير واحلوت"
"يوسف خانقته العبره من زمان مانطق اسمها بصوت مسموع": ساره..؟
ساره: ايه ساره
"يرد بعتب ومن ورا قلبه": ليه رجعتي؟ ليه بعد ماحاولت افهم ليه تركتيني رجعتي..؟
ساره : ومن قال اني تركتك قاصده هالشي بالعكس يايوسف انا ماقدرت انساك بس انا وياك ضحية خلافات الكبار قلي وش بيديني والكل كان يمنعني اروح لبيتكم او اشوف بنات خالي يوسف انا للحين مو مستوعبه اني اشوفك الحين احس الماضي والحب القديم الي بيننا تجدد لما شفت الي كنت احبه قدامي
يوسف : كنتي ..؟




الجـــــ الثاني ـــــــزء

انت مو قد الكلام
كل يوم ولك كلام
انت تلعب بالقلوب
انت جاهل بالغرام

ساره تذكرت: ها..كنت وللحين احبك لو ماحبك ماتكلمت معاك الحين
يوسف يمسك ايدها وكانه محتاج بالحيل يمسكها : اآه ياساره ياكبر ذنب الي فرقونا فينا حتى انتي تتعذبين مثلي وانا بعد هالسنين فقدت الامل في شوفتك
"يدق جوال ساره بهاللحظه وكانت ام ساره عمة يوسف"ترد"
ساره: اهلين مامي
ام ساره: هلا حبيبتي وينك؟
ساره عذرها الدائم : قاعده اتسوق مع حنان
ام ساره :حاولي ترجعين بدري ابغى اشوفك بالبيت قبل انام
ساره: ok‏ برجع الحين باي
"تسكر"
يوسف : هذي عمتي؟
ساره: ايه تبي ارجع البيت تشوف يايوسف الدنيا كيف جمعتنا وبتفرقنا من جديد
يوسف : هالمره مارح نسمحلها تفرقنا بناخذ ارقام بعض ونكلم بعض على طول
ساره : واذا ..؟ وش بتنتهي فيه هالمكالمات واهلنا واقفين بطريقنا
يوسف بجديه : ضيعوك مني سنين مارح اسمحلهم الحين وبنحطهم قدام الامر الواقع
ساره: لهالدرجه تحبني ..؟
يوسف : واكثر بعد

"خذوا ارقام بعض وتوادعوا راحت ساره وركب ابراهيم ويوسف السياره"


بسياره يوسف
ابراهيم : وين بتروح اذا نزلتني
يوسف : بروح لفواز يبيني بسالفه صارله فتره وهو يقولي بس انشغل والحين بنزلك ببيتكم وبروح له

"فواز هو الي شاف دانه يوم ضاعت بالبر عمره25 من الجماعه واقرب صديق ليوسف ودايم مع بعض اهله ساكنين بمحافظه كبيره تبعد 500 كيلو عن الرياض وهو ساكن بالرياض مؤقتا بحكم دراسته بأحد الكليات فيها


ابراهيم : طيب خذني معك
يوسف : الظاهر اني عطيتك وجه زياده عن اللزوم اقولك يبيني بسالفه يعني شي بيني وبينه .."يوقف السياره" ..انزل .. انزل يالله هذا بيتكم
ابراهيم بإستهزاء : احلف هذا بيتنا؟ توي ادري بس مردوده يايويسف انا اوريك! "ينزل من السياره ويسكر الباب بقوه"
يوسف يضحك ويروح


بعد فتره
ام دانه تدق على يوسف
يوسف يرد وبجنبه فواز : هلا يمه
ام دانه : هلا بك .. يوسف دق على اختك ورجعها البيت
يوسف : ليش فيه شي؟
ام دانه : لا بس خلاص من المغرب وهي عند خالتك .
"يوسف كان بيقول : واذا كان؟ بس عرف ان جدته ورا السالفه واختصرها " : بس يمه انا ماني فاضي الحين
ام دانه :خلاص اجل خذ راحتك ولا تسرع !
يوسف : ههه طيب في امان الله "وسكر"
فواز : ليش تضحك؟
يوسف : لا بس الوالده توصيني عن السرعه دايم احس اني بزر من كلامها
فواز: وش تقول عن الي عندي تروح المكالمه كلها صياح
يوسف : ههه ليه ..؟
فواز :تقول اترك دراستك وتعال تبيني ارجع للديره واترك دراستي بس عشان تشوف وجهي كل يوم
يوسف : ههه الله يعين.. الا .. ماقلت لي وش تبي فيني لك اسبوع
فواز : ايه صح بقولك ان الكليه فاتحين التسجيل اذا بتسجل بدل هاللف بالشوارع
يوسف : وإذا سجلت مارح يقبلوني
فواز : وليه مايقبلونك
يوسف : ماعندي واسطه
فواز : شف انا عندك دخلتها بدون واسطه
يوسف : وانت تقارن نفسك فيني انت ونسبتك الي 100 الا شوي ههه
فواز : اعوذ بالله اذكر الله ع الاقل هههه
يوسف بجديه : عاد تبي الصدق انا سجلت فيها وبغيرها بس عارف زي كل مره
فواز : تفائل وماتدري يمكن خيره
يوسف : يمكن ..


بهاللحظه
بالسوق
"ساره رجعت لحنان"
ساره: يووه يا حنو ماصدق ماصدق ..!
حنان : شفيك حمستيني قولي شصار وبالتفصيل الممل
ساره: وانا احسب الامور معقده وبيقلعني اول مايشوفني طلع الأخ هايم بحبي وللحين عاشق حبيبة الطفوله الي هي me‏ ‏..!
حنان : حلو.. الامور طلعت سهله والله شتبين اكثر حلو وشاريك بعيوبك
ساره بعصبيه : عيوبي..؟ ليه انا شناقصني بعد
حنان:ههه نسيتي نواف؟ ومشاري؟ وسعود؟ و...
ساره: مسويتلي بريئه يعني حتى انتي مثلي ترا بعدين خلاص خلاص خليها مستوره احسن ههه
حنان تبتسم: مراهقه وعدت صح!
ساره:لاتضييع وقت !
حنان:اهم شي المعنى واحد الحين ركزي على يوسف ، يوسف وبس صدقيني مارح تلقين انسان يحبك وصادق كثره بس لازم تقولي لي شقالك بالضبط!
ساره: هذي سالفه طويله بكرا بالكليه اقولها لك
حنان: اوف خساره ليش؟
ساره: تأخرت وتعرفين امي ماتنام لين ارجع
حنان: وحيدتها اكيد بتخاف عليك
ساره:...

ببيت ام ابراهيم
عند البنات
يدق جوال دانه كان داخل بالشاحن وعاليه كانت قريبه منه
تسمع صوت دانه : عاليه بالله افصلي جوالي من الشاحن وجيبيه
هيفا : وجيبي لي كوب عصير معك وانتي جايه
عاليه : الظاهر اني اشتغل عندك انتي وياها أ... "ناظرت الاسم وتغيرت كل الآحاسيس فجأه فيها قلبها يدق بسرعه كانت متلهفه ودها تسمع صوته ماقدرت تستحمل فتحت المكالمه وحطت اذنها على السماعه"
يوسف : الو
" ودها تقول احبك بصوت عااااالي..
يوسف : الو دانه .. دانه
"تمنت تنطق بس خافت وسكرت "
راحت لدانه..
عاليه بتوتر : دانه معليش انا مادري شضغطت وقطعت المكالمه
دانه تناظر السجل : عادي هذا يوسف الحين ادق عليه
هيفاء : لا تدقين اكيد بياخذك

بهاللحظه
جت رساله لجوال دانه منه "اطلعي انا عند الباب"
: عاد هذا هو وصل مقدر ارجعه
هيفاء : عادي قولي له انك بتنامين عندنا
: اوف اوف ياكبرها القى جدتي مجهزتلي محاضره شطولها عشان هالساعتين الي قعدت عندك وانتي تبين انام
هيفاء : ياهالعجوز الي عالتنا انا اول مره اشوف جده متسلطه .. طيب ماتروح تقعد عند وحده من عماتك وتريحكم..!
"دانه تلبس عباتها" : ودي والله ودي ياخذونها اليوم قبل بكرا بس يدرون انها عله
هيفاء :طيب قولي ليوسف هو طيب وبيوافق
: يوسف ما ....
"عاليه صارت بعالم ثاني ليه اذا جا طاريه كل شي يصير غير كل شي احلى ليه"
دانه : يالله عاد مع السلامه "وتبوس هيفاء ، تناظر لعاليه"
: هيه يالإخت وين وصلتي
عاليه : ها .. معك.. معك..
هيفا ودانه : هههههههههههه
: يالله مع السلامه



من بكرا
الساعه 10: ص
ام دانه تدخل غرفة عبدالعزيز الي كان يلاعب بنته هو كذا يقضي اغلب وقته من توفت مريم ..
ام دانه : صباح الخير ..
عبد العزيز: صباح النور
ام دانه تناظر لولدها الي نحف جسمه حييل : افطرت ؟
عبدالعزيز: لايمه مالي نفس
تسكت امه شوي : عبدالعزيز لمتى بتبقى على هالحال ؟
عبدالعزيز: اي حال..؟
ام دانه : هالعزله الي حابس نفسك بها
عبدالعزيز من غيراهتمام: لين الله ياخذ امانته و الحق الغاليه
ام دانه: بسم الله عليك لا ياعزوز لاتقول كذا، بنتك بسم الله عليها من لها بعدك مريم راحت عساها بجنات النعيم وانت اطلع عش حياتك وتزوج ..
عبدالعزيز: لا يمه.... طابت نفسي من الحريم بعدها
ام دانه: طيب شرايك بتوأمها مرام ماكنها الاهي أخلاق ودين
وتامنها على بنتك ..
عبدالعزيز بعصبيه: خلاص يمه .. قفلي ع الموضوع انتم تعرفون رايي فيه من زمان انا .. انا اصلا ابعرف شي واحد انتم ماتحسون ماعندكم احساس المخلوقه مالها سنتين متوفيه وتبون انساها
ام دانه: لا وانا امك قلبي ماهو حجر انسى بنت اختي بس كل ماشفت حالتك يتقطع قلبي ودي اشوفك تعيش شبابك و اشوف عيالك حولك ..
"وقف عبدالعزيز وترك امه من غير مايرد عليها كالعاده اذا انفتح هالموضوع ..طلع الشارع وقبل يركب سيارته شاف بدر ولد عمته جا ووقف
عند بيتهم سلم عليه ودخل بدر عشان يسلم على جدته

تجي ام ناصر بالمجلس
بدر : شخبارك جده ..؟
ام ناصر : تعباآنه احس اني بموت .. هالضغط والسكر ..
بدر : جده انتي معك ضغط.؟!!
ام ناصر : كل شي فيني ربو وعيوني ما اشوف ..
بدر يضحك : اعوذ بالله كل هذا ياام ناصر وانا كل ما جيتك ما خليتي مرض ما قلتيه فيك ههه
ام ناصر بعصبيه : اعوذ بالله منك هذا بدال ما تقول الله يشفيك ..!
بدر : ههه الله يشفيك ويعافيك ان كان فيك مرض بس طالبك يا ام ناصر افزعي لي
ام ناصر : وش تبي قل ..
بدر : جده توسطي لي عند الزين الي داخل حاولي فيها يمكن تسمع منك وتوافق
ام ناصر : انت ماتمل وش حادك على هاللي رافعة خشمها عليك .. ليه ماتخلي امك تخطبلك احسن منها
بدر بجديه : جده يعني شلون الحين بتحاكينها ولا اروح
ام ناصر : باحاكيها الشكوى لله ..
بدر بفرح: بعدي والله يام ناصر
"ام ناصر تدفه بعصاها وتروح"

بعد فتره
: لا انا مو موافقه مابيه غصب يعني
ام ناصر بخبث: لا مافيه غصايب بس من تحرين يجيك احسن منه
دانه بعصبيه : ما اتحرى احد بس مابيه .. قال تحرين قال ..! "وتقوم وتخليها"

بعد ماراحت جدته وقالت له..

ركب بدر سيارته وكان مقهور ع الآخر ~ ليش يادانه ليش ..! شاللي يرضيك واجيبه لك ليش ترديني وانتي عارفه مكانك عندي وغلاااك ليه ..! ~


بهالوقت
يوسف ماسك ملفه ومن مكان لمكان قاعد يدور على وظيفه وهو واقف بسيارته على شارع عام وكان في زحمه بالشارع والسيارات واقفه للإشاره
يوسف كان يكلم فواز بالجوال"
يوسف : تعبت والله يافواز من كثر ماشيل هالملف ولا اشوف نتيجه
فواز : خلاص .. ابشر يايوسف
يوسف : بشر عسى خير
فواز : تو كنت اقول لخويي
عن سالفتك وقالي انه يقدر يوظفك
يوسف بفرح: والله ..! الله يبشرك بالخير.. !
فواز : من بكرا تاخذ ملفك و تروح لـ...."


بعد ساعات
ع الغداء
ببيت ابو عاليه

عاليه : يبه بطلبك طلب
ابو عاليه : اطلبي
نجود مستانسه
عاليه : يبه انا والبنات ودنا نطلع للمزرعه الي بالديره
ابو عاليه : اي بنات..؟
عاليه : بنات عماتي هيفاء ودانه
علي : يبه تكفى وافق
ابو عاليه : والله انها فكرة طيبه حتى انا ودي اشوف نخل اجدادك الله يرحمهم واشوف الجماعه
عاليه بفرح: والله يبه..!
علي : متأكد يعني بنروح !
ابوعاليه : ايه بس لازم اشوف لابو ابراهيم اذا يبي يخاوينا
عاليه بإبتسامه : لا من هالناحيه اضمن ان هيفاء مرابطه عنده الحين ماتخليه لين يوافق
ابو عاليه: ههههه الله يكفينا شركم


" وفعلا بهاللحظه هيفاء قالت لابوها ولو ان ابراهيم سوا كم سالفه بحجة ان البنات مالهم راي ولا ينطاعون بشي حتى لو كان تافه بس ابوه كالعاده وقفه عند حده ، دانه بعد قالت لاهلها والكل اتفقوا يمشون يوم الإربعاء الصبح "


يوم الثلاثاء ..
الكل مشغول يجهز اغراضه
ندى : دانه وين حطيتي روجي الفوشي ..؟
دانه وهي تخبيه بشنطتها: وانا شدارني عنه
ندى شافته وتحط يدها بشنطة دانه وتطلعه: وهذا ايش ماتدرين شلون جا بعد..؟
دانه ميته ضحك : ههه ياربي شاسوي فيك انتظرتك تقولين خذيه هديه وطولتي ماقلتيها قلت يمكن نسيتي واخذته
ندى : ليه .. فقيره .. عليك صدقه؟مو ذنبي ان الي بيدك تضيعينه على شرايح جوال واستهبال على الناس مع هيفا وعاليه
دانه :يمه يمه يالبخل اعوذ بالله خلاص اصلا عندي مابي بس الماركه ذي بالذات مقدر اقاومها والحين كرهتيني فيها بس زين الي ذكرتيني خلني آخذ شريحتي الجديده في كم شخص حاطتهم ببالي "وتضحك بخبث وبصوت عالي" : نياهاهاهاهههههه
ندى : اووه فجرتي راسي انتي وهالضحكه البايخه
دانه : ليه ماعجبتك ؟ "تعلي صوتها اكثر" : نياهاهاهه
وتسمع صوت جدتها ام ناصر : وقطع لها الصوت ان شاء الله!
تغيرت تعابير وجه دانه: ندى سمعتي ؟! سمعتي !!
ندى : لا تعاندينها ..
دانه تطلع : تدعين علي ياعجوز النار .. ها!
و توقف بالمجلس الي قاعده فيه جدتها وتشغل التلفزيون وام ناصر تناظرها مستغربه
دانه : جده تبين احط لك على قناة الجزيره ؟
ام ناصر بعصبيه : لا
دانه وهي ماسكه الريموت : ليه جده يمدحونها يقولون ان عندهم اخبار تطير العقل وترفع الصوت على آخر شي :
. . وأكد مصدر مسئول ان ..
وتناظرها وتضحك كان الصوت عالي مرررره
ام ناصر : دوين وعلة تعلك اقصري البلا الي عندك .. ام عبدالعزيز يام عبد العز...
"دانه يوم حست ان امها قريبه سكرت التلفزيون وراحت بسرعه وهي تضحك "



"طبعا ام ناصر قالت لام دانه الي صار والي ماصار من قهرها من دانه"

ام دانه راحت لها معصبه ع الأخير : دانه وش الي تقول جدتك
دانه وهي واقفه ترتب ملابسها بالشنطه بكل براءه وهدوء : وش تقول الله لايحرمنا منها
ام دانه تقرب منها بعصبيه:مادري انتي اعرف والصوت الي رجيتي البيت فيه ماتدرين عنه بعد
: اي صوت؟
ام دانه: بتجنني هالبنت..! ادري انك تسوين نفسك ماعندك خبر بس عيب يابنيتي عيب تعاندين جدتك مهما سوت
: يمه تدعي علي قهرتني ..! تقول الله يقطع صوتك
" ام دانه ماسكه نفسها ودها تضحك " : تحملي وانا امك ياما شفت منها وسكت
: مارح اتحمل ويا انا يا هي!
ام دانه : هههه ما حد خذا عنادها من عيالي غيرك
: هذا انتي اعترفتي يعني مو بيدي وراثه
ندى و ام دانه : ههههه

ابراهيم ويوسف يسولفون مع فواز
ابراهيم : ها .. فواز ماتبي تخاوينا بكرا
فواز : وين اخاويكم.؟
يوسف : بكرا ان شاء الله ماشين للديره
فواز : انا اصلا ماشي بكرا انا كل نهاية اسبوع اروح لها ماصبر عنها
يوسف : زين اجل امش معنا
فواز : ومتى تمشون؟
ابراهيم : ابوي وخالي اتفقوا الصبح 8 او 8:30
فواز : ولو اني احب مشي الليل بس يالله نغير هالمره
يوسف : خلاص اجل ترى بيجتمعون عند بيتنا تجينا هناك


اتفقوا ومرت الساعات والكل راح لبيته


ببيت عاليه وتحديدا بغرفتها
عاليه طايره من الفرحه لانها بتشوف يوسف وكانت تبستم و بعالم ثااااني ~
نجود تناظر لها
نجود : عاليه ..!
عاليه ماترد
نجود: هيه..عاليه..وين وصلتي
عاليه انتبهت : ها .. شتبين
نجود:ليش كنتي تبتسمين قبل شوي خبله ..؟ ههه
نجود : خبله بعينك.. بعمرك انا تقوليلي هالكلام؟ يالله طفي النور ونامي ورانا سفر بكرا
نجود : انتي تحبين يوسف صح؟
عاليه متفاجأه : نجودوه من وين لك هالكلام والله ان عدتيه مره ثانيه لأخلي امي تفاهم معك سامعه
نجود خافت : لا لا خلاص انا ماقصدت بنام الحين
عاليه بداخلها:"آه يا يوسف الكل درى بحبي لك حتى نجود وانت ماحسيت متى يجي اليوم الي تبادلني فيه نفس الإحساس متى يجي اليوم الي تدري فيه اني مارفضت غيرك الا عشانك "
بعد تفكير طويل ...

..انطفت الانوار والبيوت هدت وناموا العوايل


يوم جديد و صباح حلو
9:00 الصبح
السيارات كلها مجتمعه وكل شي جاهز ماعدا فواز ماوصل للحين متاخر
يوسف قاعد بالبيت ينتظر فواز
ابو عاليه: وين خواتك ياعبدالعزيز
عبدالعزيز: داخل الحين اقولهم يجونك
ابوعاليه : لا انا بدخل عندهم عطهم خبر
عبدالعزيز: ان شاء الله.. "عبدالعزيز يناديهم" : دانه ندى يادانه
: ها عزوز .. آمر
عبدالعزيز: خلي ندى وبنات خالتي ام ابراهيم يجون خالي صالح بيسلم عليكم انا طالع الحين روحي ناديهم وانا بقول لخالي يدخل
دانه: ok
"راحو البنات يسلمون على خالهم وبعدها راحوا يلبسون عباياتهم لان فواز وصل "


الكل ركبوا السيارات
" البنات هيفاء ودانه وعاليه قرروا يركبون مع علي البزر عشان يأخذون راحتهم
ونجود ورنيم ودهم يركبون معهم عشان يسمعون السوالف
بس البنات قفلوا ابواب السياره عشان مايدخلون لين ماتأخر الوقت وابو عاليه غصب نجود بنته ورنيم يركبون معاه "

ندى ومرام مع ابو ابراهيم وام ابراهيم
والشباب كلهم بسيارة فواز ماعدا عبدالعزيز لانه يسوق و امه وجدته واسيل معه

.. اتجهت السيارات كلها بطريق الديره

بسيارة علي
"علي البزر مستانس اول مره يسوق بطريق سفر والبنات انواع الضحك عليه"
عاليه: عليوي شوي شوي ليش طاير
هيفاء : ماباقي الا ندخل بالبصل الي قدامنا
" كان قدامهم شاحنه محمله بصل "
البنات : ههههههه!
علي: بس..! ماباقي الا البنات يعلموني السواقه
هيفاء : جانا ابراهيم الثاني البنات والبنات..
"عاليه تدور بالاشرطه وتطلع واحد"
عاليه: علي هذا ايش؟
ياخذه منها ويشغله:

لا تعذبني وإلا
سرت وتركت المكلا..

اغنيه يمنيه..!!
وعلي داخل جو مع الكلمات الخايسه
البنات بصوت واحد: ووووععع
عاليه تناظر اخوها : وش هالذوق عليك!
هيفاء معصبه متقرفه من الصوت: انا بس بسألك انت يمني؟
علي : لأ .. ليش شفيكم
هيفاء : طفيه عاليه تكفين طفيه
" دانه تضحك على علي زعلان صدق عاجبه "
: خلاص لاتشغلون اغاني حنا بسفر وماندري لو يصير لنا شي الله لا يقدر "
عاليه تناظر قدام: عليوي شف كنهم بيوقفون

"علي يدق جواله" : هلا يبه
ابو عاليه: هلا بك ترا بنوقف نصلي الظهر قدام شوي هد السرعه
علي: طيب

"بالرغم من ان الوقت كان الظهر لكن الجو كان مغيم وفيه بروده شوي لانه بداية شتاء"

بعد ما نزلوا عشان يصلون ..

ابراهيم يدق على هيفاء:
هيفاء : الو ..؟
ابراهيم معصب: تعالي بسرعه ..
"ويسكر"

"تروح ورا السيارات وهي خايفه الكل كانوا مشغولين تتلفت وتدوره وفجأه يمسك ذراعها من ورا"
هيفاء : بسم الله "تلف" شتبي خرعتني؟
ابراهيم : ابي اتوطاك وادوس راسك بعد!!
هيفاء: ليش شسويت؟
ابراهيم : شسويتي ؟ كاشفه وجهك عند علي ياقليلة الحيا!
هيفاء : الحمد لله! وانا احسب عندك سالفه " جت بتروح ويمسك يدها "
ابراهيم : تغطين سامعه ولد خالك تراه مو اخوك
هيفاء : شفيك انت تكلم عنه كنه شايب توه بالمتوسط ترا وحتى دانه ماتغطى عنه ليش اخوانها ماقالولها شي
ابراهيم بعصبيه: وانا وش علي من اخوانها
هيفاء : اذلف عني بس .. ابوي ما قال شي
ابراهيم : والله والله لو كنا بمكان ثاني لاتشوفين شي مايسرك
"ويروح للشباب لانهم بيقيمون الصلاة وهيفاء تركض تروح للبنات تبكي"

دانه :هيفاء شفيك؟
هيفاء تحاول تخفي دموعها عن الحريم الكبار : ابراهيم!
عاليه: شفيه بعد ضربك زي دايم!
هيفاء: وده يضرب بس المكان مايساعد حتى بالسفر مو مخليني بحالي
دانه :يوه ياهيوف خلاص طنشيه حنا جايين نستانس
هيفاء : على قولتك

هيفاء هدت والكل صلى "

: بنات انا ذابحني الفضول في واحد ودي اشوفه !
هيفاء : مين؟
: فواز! شرايكم نروح نشوفه
هيفاء : شتشوفين فواز القراوي!
عاليه : وع ! "بعدها تذكرت عاليه ان يوسف معهم فرصه تشوفه وتكمل": او اقول ماهي شينه الفكره نضيع وقت
هيفاء : يالله اجل بس احسن شي سيارة علي لان كلها مضلله ونشوف على راحتنا

"ركبوا البنات السياره وشافوا فواز قاعد يضحك مع يوسف"

هيفاء بصوت واطي : شوفي بشرته بيضا انا ماحب الابيض
عاليه: ايه والله صادقه لو كان اسمر شوي احلى
: مو ابيض مره عادي وصدق ملامحه عاديه لكن مو مهم بالرجال شكله اهم شي اخلاقه
هيفاء : حكم !
دانه تستهبل: تصدقون عاد عاجبني يهبل
هيفاء : تحبينه ! هههه دانوه تحب فواز
عاليه: اما دانه لو تزوجه يجتمعون عاد المجنونه والقروي
:ايه مجنونه بحبه ليش شفيه فواز!
يناظرونها بإهتمام
هيفاء :دانه انتي صادقه !
عاليه: تحبينه؟
: ههه طالعوا وجيهكم اكلتوا المقلب ياحرام ههه
هيفاء بجديه: كذابه تحبينه!
: والله استهبل عليكم ماني ناقصه بكرا يسكني بالديره ههه
بهاللحظه..
رنيم ونجود يفتحون باب السياره : شتسوون؟
عاليه: بسم الله الرحمن الرحيم!
دانه توطي صوتها: ماجو الا بوقت شوفتي لحبيبي ههه
رنيم سمعت : من حبيبك؟
: في احد قال شي!
هيفاء وعاليه : لأ
نجود : صادقه رنيم حتى انا سمعتك تقولين حبيبي
رنيم : تفرجون ع الرجال صح!
هيفاء وصلت حدها من هالسوس : انقلعي برا انتي وياها ..!
نجود : اصلا حنا بنركب معكم بالسيارة
رنيم :و بنكمل الطريق معكم!
طردوهم البنات بسرعه وقفلوا الابواب


بهالحظه


عند الشباب
" فواز خذا جواله وابعد عنهم
يوسف مستغرب منه دايم يكلم عنده "
فواز : سعد اسمع قل لابوي اننا بالطريق قربنا وخلهم يشوفون...
يوسف سمع المكالمه بس الباقي ماسمعه لانه ابعد كثير
ابو ابراهيم : يوسف وين راح خويك بنمشي تأخرنا
يوسف : راح يكلم .. هذا هو جا!
فواز : السموحه اخرتكم .. ها مشينا ؟
ابو ابراهيم : مشينا !
ابو عاليه : يالله ياعيال

وكملو الطريق..

الساعه 3:30
المزارع يمينهم ويسارهم والجو جنااان
عبدالعزيز: يمه دخلنا الديره يازين هالجو
ام دانه : ايه والله يازينه
"تفتح ام دانه شباك الباب عشان يدخل الهوا النقي و ريحة المزارع عندها "
ام ناصر: اييه الله يرحم اجدادكم الله يرحم اهلها الأولين..
ام دانه: آمين


بسيارة ابو عاليه
ابو عاليه : هذا الهوى الزين
ام عاليه : ماشاء الله
"ندى ومرام مبسوطات يطالعون الزرع والنخل بكل مكان "


بسياره علي
عاليه : بنات .. شوفوا وصلنا
: ياالله ياني مشتاقه لهالمكان
هيفاء : حتى انا اشتقت له لنا اربع شهور ماجينا


"يطلع ابو فواز من بوابة مزرعته المجاوره لمزرعتهم درى انهم جايين من مكالمة فواز ولده "
ابو فواز : ياهلا يا هلا يامرحبا
ابو ابراهيم يرد بصوته العالي : هلا بك هلا بابو سعود
توقف السيارات
وينزلون الرجال كلهم عشان يسلمون عليه ويدخلون الحريم
داخل "
ابو فواز : الحمد لله على السلامه
ابو عاليه : الله يسلمك
ابو فواز : القهوه ياسعد " سعد هو اخو فواز الي اكبر منه بسنتين توه متزوج وسعود هو الكبير عنده 4 عيال "
ابو ابراهيم : يابو سعود لاحقين ع القهوه نبي ننزل اغراضنا
ابو فواز : فنجال مايأخر !
ابو عاليه: ماتقصر مره ثانيه ان شاء الله نبي نريح الحين
ابو فواز :اجل ريحوا وترا عشاكم اليله عندنا
ابو ابراهيم : الليله ما..
ابو فواز : مالكم عذر العشاء اليله وعزمت الجماعه كلكم تجون انتم والأهل
ابو عاليه : ليه الكلافه يابو سعود
ابو فواز لزم عليهم واتفقوا ان العشاء اليله عنده

في الداخل
عاليه : بنات بتروحون اليله؟
هيفاء: ايه اكيد بنروح لانه لنا صعبه نقعد
عاليه: مالي نفس اروح وانتي دانه؟
دانه تستهبل : انا بروح معهم لاهل حبيبي وانتم كيفكم
عاليه وهيفا: هههه
: تبون الصدق ! فواز ماشاء الله عليه احس تصرفاته اكبر من عمره شوفوا كيف حاسبلنا حساب وقايل لاهله ومضبط كل شي قبل نوصل مع انه بالعاده تصير عزيمتنا بكره مو اليوم
هيفا : فعلا ماشاء الله عليه آخ لو ان ابراهيم يتعلم السنع منه
عاليه : ابراهيم ..؟ ادعي بس انه مايخربه وانتي تبينه يتعلم
هيفا ترفع يدينها : يارب تحفظ فواز من ابراهيموه ومايصير مثله صايع
عاليه تضحك : انا اول مره اشوف بنت تقول عن اخوها صايع
هيفا : ابراهيموه لو اسبه من اليوم لبكره ماكفاه ما انلام تعودت على حنانه ورقته
البنات: هههههههههههه!
: المهم عاليه بتروحين معنا؟
عاليه: ايه اكيد اذا بتروحون انا شيقعدني


مرام وندى يدخلون عندهم
ندى : بنات ماتبون نتمشى بالمزرعه
: لاتونا ماخلصنا ترتيب اغراضنا
مرام : حسافه الجو يطير العقل امشوا الحين قبل اليل
عاليه : روحو انتم حنا بكرا لاحقين عليها السفر هد حيلي
ندى: كيفكم امشي مرام نتمشى

"عبدالعزيز كان قاعد باحد مجالس الرجال كان واسع و فيه بابين باب بآخره يفتح ع الزرع وباب باوله يودي لقسم الرجال
ندى ومرام طولوا يتمشون وندى تعبت من المشي ورجعت داخل فكملت مرام تتمشى لحالها "
عبدالعزيز مل من القعده بالمجلس و فتح الباب الي للمزرعه
رفع نظره وتفاجأ هذي هي هذا شعرها هذي ملامحها هذي ابتسامتها
عبدالعزيز ينادي: مريم ! ..







,,, ارائكم اتقبلها بكل صدر رحب ؟؟؟

[بلا عنوان]

يسعدني التواجد في صفحتك

لي عودة بعد القراءة

[غرام العيون]

تسلمي ترحاال على البدايه الموفقه
ام ناصروبناتها ............حسبي الله عليكم باموال اليتمى......................
دانه.................ياترى مين بيكون عريس المستقبل .........بدر او فواز............
يوسف ..........انشاء الله تشوف حقيقة ساره قبل ما تتورط معها.................
عبد العزيز ....................ممكن مرام تكون تشبه مريم بس اكيد شخصيه تانيه .........ربنا يجمعكم على خير
مشكوره ترحال ومتابعينك

[هبة]

أهلاً و سهلاً بك ترحااال فى أسرتنا الكبيرة روايتى ... أتمنى أن تجدى كل ما تبحثى عنه من إهتمام و متابعة و نقد هنا فى روايتى ...


دانة ... شخصيتك القوية عجبتنى و عجبنى رفضك للزواج عن غصب >>> رغم إن بدر مبين إنه إبن حلال و شاريكى لكن قلب على قلب ما بينغصب ... لكن فى شيئ نقدتك فيه و هو معاملتك لجدتك مهما كان هاى جدتك أم أبوكى ما بيصير هيك تعامليها ...


عبدالعزيز ... معقولة ترضى تتزوج مرام لتكون بديلة عن مريم بعد ما شفت الشبه اللى بينهم >>> هيك أتوقع ...


يوسف ... الله يسترك من سارة و مخططاتها



ترحااال متابعاكى و شكراً لك

[ترحااال 77]

الجـــ الثالث ـــزء

كنت أظن هالدمعة إلي بوسط عيني
وانت رايح جت معاي تودعك
لين طاحت مني كأنها ما تبيني
من غلاتك ودها ترحل معك


عبدالعزيز ينادي : مريم ! مريم!
"مرام مانتبهت له لين ما حست انه فيه رجال جاي من بعيد لجهتها "
عبدالعزيز والابتسامه ماليه وجهه : مريم !
مرام عرفته واتخبت ورا نخله قريبه : انا مرام ياعبدالعزيز ارجع مامعي غطا روح !
عبدالعزيز حس بالوضع وصد نظره : اوه اسف لاتفهميني غلط انا بس.. للحين ماستوعبت صدمة وفاتها
"رجع و هو مو قادر يركز من كثر التشابه الكبير بينها وبين مريم "

مرام ماهتمت بالموضوع و راحت للبنات ركض لانها تأخرت ماتجهزت للعزيمه والجو بدا يظلم


بعد ساااعات..
الكل رغم تعب السفر اتجهزوا ودخلو مزرعة ابو فواز المجاوره

بقسم الحريم
"دخلوا البنات واتفاجأو بالامم الي مجتمعه ماكانه باقي احد ببيته الديره صغيره و بسرعه
انتشر خبر جيتهم"
ام فواز بإبتسامه: ياهلا والله تفضلو حياكم" تسلم عليهم
ام عاليه : الله يحييك شلونكم شخباركم... الخ
...
"البنات تكسرت رجولهم من السلام "
ايمان اخت فواز : ياحيا الله البنات تو مانور المكان
ندى: منور بأهله
ايمان : امشوا داخل عن العجز!
هيفا : ليه شحلاتهم حتى دانه تحبهم صح دانه؟
دانه تناظر هيفاء بتهديد : ها.. ايه ليه شفيهم ؟
ايمان : لانه يقولكم المثل كل مابعدتو عنهم كل ماسلمتو من كلمة هاتي وودي ههه
عاليه: ايه والله صدقتي الله يعينك ههه
مرام : ههه

ايمان أخت فواز الصغيره والوحيده بعد 5 عيال كلهم متزوجين ماعدا فواز عمرها 24 توها متزوجه من 5شهور حبوبه ودمها عسل وحتى حريم اخوانها طيبات ماعدا وحده منهم وهي للأسف دلال بنت مزنه عمة ندى ودانه "

يدخلون عند البنات وبسرعه تأقلموا معهم مع انهم مايعرفونهم زين بس يشوفونهم بالمناسبات الكل انبسطوا و دانه بطيبتها وعفويتها سحبت الكل حولها الا دلال بنت عمتهم مزنه واختها امل بعيدات كالعاده وبآخر المجلس

بوقت ما البنات ضحك و سوالف ..
دلال بصوت واطي: عله تعلها >تقصد دانه> هي واختها الي ماهي مخليه شي الا وحاطته على وجهها
امل ماليتها الغيره: عساها السوس هي وهالضحك مشتغله مهرج
دلال : شوفي شلون مسويه نفسها خفيفة دم يعني كانها تقولهم شوفوني انا عفويه والي بقلبي على لساني
امل : شرايك نرفع ضغطهم ونكسر خشومهم الي رافعينها
دلال : يالله

تروح دلال واختها وتقعد بين بنات الجماعه
ندى ودها تصفي القلوب : تعالي دلال انتي وامل ، هنا مكان فاضي "تاشر بجنبها"
دلال : لا هنا مرتاحين اكثر
امل : بس تصدقين ندى ذاك اليوم طريتوا ببالنا انا ودلال قلنا ياليت بنات خالي يجونا ويسهرون عندنا مع اننا نشوفكم بكل مكان ومافيه مناسبه الا تحضرونها بس قلنا اكيد مشغولين الا صدق وينكم ماتجوننا؟
" ندى بهت وجهها من سؤال بنت عمتها الي مثل وجهها ودها ترد عليها وتقولها انهم السبب >> بعيون ندى عتب كبير بس شترد شتقول والمجلس فيه اقل شي 15 بنت من الجماعه لو طلعت الي بقلبها قدامهم رح تطلع اسرار العايله ومارح تكون حلوه انها وبنت عمتها يتراددون عند الاغراب"
دانه تداركت الوضع وحولت السالفه عليهم : تصدقين امول ان قلوبنا عند بعض نفس تفكيرنا
امل باستهزاء: ايه.. الله يديم المحبه

تعكر جو المجلس فطلعت ايمان وطلعت معها دانه وسوالف برا لين ماقربوا يحطون العشاء ونادوا ايمان / دانه اصرت تساعدهم ووافقت ايمان بعد عناد دانه
بوقت ما البنات مشغولين بالترتيب وتوزيع العصيرات و كاسات الحلا و..و..
يفتح الباب الثاني ..
فواز : ما..خلصتوو..! "ويشوف ذيك البنت النعومه الي لابسه بلوزه لونها بيج مايل ع الذهبي وتنوره بنيه مره غامقه وبايدها اساور روعه وشعرها بني فاتح ومموجه خصلات منه ورافعه بعضه والباقي طويل طايح عليها بإهمال .. ستايلها الغجري معطيها اناقه و زايد جمالها كثيير
دانه متجمده مكانها ..!
ايمان : فواز اطلع ماخلصنا!
يسكر الباب بسرعه ويطلع
ايمان مرتبكه: معليش دانه مادرا هذا هو دايم كذا عجول و على وجهه لاتواخذينه
دانه واضح عليها الإرتباك : ها.. لا عادي ليش اواخذه مو قاصد
"دانه تطلع وكانت ساهيه طلعت وهي حاسه بمشاعر غريبه تجاهه مع انها شايفته قبل وحافظه ملامحه بس كأنها توها تشوفه صح انه مو ذاك الزود بالجمال بس اذا كان قريب فيه هيبه ماشافتها بغيره "

فواز بالمقابل قاعد يفكر فيها مو مستوعب الإحساس الي شده لهالبنت الي دايم الصدف تجمعه فيها وتذكر اول ماشافها يوم كانت تبكي بالبر .. يقطع تفكيره صوت ابوه الي يناديه
ابو فواز: فواز !
فواز :سم..! سم يبه!

بعد فتره ..
عند البنات ..
تدخل زوجة سعود اخو فواز الكبير "سحر" بإبتسامه ووجهها الي يرد الروح فرق عن دلال
سحر : تفضلوا بنات عالعشاء انتم دايمآ كذا سوالف سوالف لين تروحون ماتعشيتوا
هيفاء باسلوب يضحك : من الي يقول بنروح ماتعشينا
سحر : هين انتي ماينخاف عليك كل ماشوفك زايده كم كيلو عن قبل " سحر خافت انها زعلت هيفا بكلامها وكملت" : ترا امزح
هيفاء : لا بالعكس عادي اصلا كلامك فتح نفسي ع الاكل
المجلس كله ضحك على هبال هيفاء : هههه
سحر : ياليت كلهم مثلك علميهم ياهيفاء
امل بدلع: لاتناظرولي! انا تابعه رجيم
هيفاء تناظرها ذيك النظره لانها رافعه ضغطها هي واختها من اول مادخلت : و انتي من ناظرلك !
"امل مانطقت بحرف"
البنات : هههه


مرت اليله ورجعوا لمزرعتهم


بعد مارجعوا طبعا بنات ومعروفه سوالفهم هذيك نحيفه وهذي دبه و ترا خشم فلانه مو طبيعي عملية تجميل وفلانه حلوه بس متكبره وفلانه شينه بس قلبها ابيض وبعد هالزحمه ..

ندى : شفتوا الموقف البايخ الي حطتني فيه املوه الحقيره
لو ماالله ثم دانه مدري شسويت
: الحيوانه انا عارفه قصدها هي متعمده تستفزنا عشان نرد بالشينه وسالفتنا تصير على كل لسان
مرام : لاتسيئون الظن بالناس يمكن ما فكروا كذا
: لا اسأنا الظن ولاشي هذولي بنات مزنه الي اذتنا وشبعنا ضرب منها بعد ابوي ولو جايه عمتي بدريه وساره كان اكتملت
ندى تقلد صوت ساره : تبين ساره تنزل مستواها وتجي هنا وااي غبار قرف
البنات : هههه
عاليه : وربي نفس صوتها واسلوبها بالكليه مغروره محد يطيقها
هيفاء : الله يعينكم الحمدلله مالي بنات عم مثلكم
: ايه والله احمدي ربك هذا واحنا بعيدين عنهم ونحاول نتجنبهم يسوون كذا
مرام تناظرهم بكسل : خلصتوا حش..!
هيفاء : وانتي شعليك منا ؟
مرام : ازعجتوني بنام من صباح الله قاعدين وسفر وعزيمه مدري من وين يجيكم النشاط.. "تتثاوب"
عاليه : ايه والله خلنا ننام عشان نقوم الصبح نطلع نتمشى
هيفاء : يالله بنات نطلع غرفتنا ونخليهم
دانه توقف : يالله.. بس لاتنسون بعد هالحش كفارة المجلس
البنات : سبحانك اللهم وبحمدك اشهد ان لا اله الا انت استغفرك واتوب اليك

انطفت الانوار وهدت المزرعه ماعدا اصوات الشباب وضحكهم

بعد عدة ساعات
6 الصباح
يوسف كان مواصل مع العيال شبة نار و فله وسوالف للفجر بعدما راحوا صلوا الفجر دخلوا ناموا الا هو ماجاه نوم قاعد جنب النار برا
وفجأه ..
يدق جواله كانت ساره

يوسف يرد: الو..؟!
ساره: الو صباح الخير
يوسف : صباح الورد سارونه
ساره: آه ياني مشتاقه اسمع اسمي منك طمني عن اخبارك؟
يوسف : بصراحه اخباري مو تمام
ساره: ليه..؟ سلامات شفيك قلبي..
يوسف : انتظرتك تتصلين ولااتصلتي حسبتك تركتيني ورحتي مثل اول مره
ساره: ليش مانت فاهمني انا تركتك غصبا عني
يوسف : غيابك كان بيذبحني
ساره: لهالدرجه مأثر عليك..؟
يوسف : ليش 10 سنين تظنينها قليله؟
ساره بسرعه: حاسبها؟
يوسف : ليش انتي ماكنتي حاسبتها ؟
ساره تذكرت: ها .. كيف ماحسبها وهي تنسى اصلآ بس انا بقلبي كلام وخايفه اقوله وتزعل
يوسف : قولي حياتي اسمعك
ساره: مدري كيف ببدأ .. بس بصراحه انا في واحد خاطبني واهلي شكلهم بيوافقون .. لانهم ملوا من كثر ما كنت ارفض طول السنين بدون ماقنعهم بسبب .. انت اكيد عارف ليش
يوسف : لانك تحبيني ..؟
ساره: ايه بس طبعا صعبه اقولهم ، صدق قهر طول عمري انتظرك يوم جيت بفقدك مره ثانيه وبكون مع انسان غيرك للابد
يوسف : مارح تكونين الا لي احنا لبعض ولا احد بيفرقنا انا بجي الاسبوع الجاي واخطبك من اهلك ..
ساره بفرح: جد ..يوسف؟
يوسف : وجد الجد بعد انا اليله بكلم اهلي وبقولهم

ساره طايره من الفرحه وراحت على طول تبشر حنان بانها مشت عليه سالفه الخطبه


بالغرفة الي نايمات فيها
دانه وهيفاء وعاليه
تدخل ام عاليه وتفتح الضوء وتصفق بقوه
ام عاليه : يالله يابنات قوموا صلوا الفجر بتطلع الشمس يالله!
هيفاء تفتح عيونها بكسل وتناظر الساعه : خالتي ترا الساعه 6
ام عاليه: ادري 6 خلاص يكفي نوم هنا مايصلح نوم النهار
عاليه : يمه تونا بدري
ام ابراهيم تدخل: ها البنات ماصحوا للحين يام علي؟
:يالله جت الثانيه
ام ابراهيم تقرب من دانه: منهي الثانيه؟
: الله يسامحك خالتي ماخليتيني اكمل انا اقصد الثانيه الحلوه الثانيه المزيونه ..
ام ابراهيم: ايه مزيونه.. قومي يالمزيونه ولا يكثر هرجك
البنات :هههههههههههه!


الجو كان مره خيال بس كان فيه برد شوي لان الشمس بعدها ماطلعت

افطروا البنات ولبسوا جاكيتاتهم وطلعوا يتمشون بالمزرعه وكان علي راكب دباب ويفر قدامهم


عاليه : علي! علي! وقف بنركب
علي : ها..؟
هيفا : وقف بناخذ لفه بالدباب !
علي يوقف :لأ مافيه
: طيب خل البنات الصغار يركبون
علي : اي صغار؟
عاليه : رنيم ونجود
علي يبتسم:خلاص بس رنوم!

"رنيم استحت تركض وتروح داخل .. البنات يناظرون بعض وينفجرون ضحك"
: احلااا حتى المبزره يحبون
هيفا: اها وانا اشوف رنموه ترفض تسلم على علاوي اذا شافته ههه
عاليه: خلاص بنات خلوهم لاتحرجونهم ..
علي يحرك الدباب ويروح لجهة الشباب

هيفا : خلونا من المبزره .. تدرون اليله في زواج هنا كل الشباب بيروحون له
دانه بسرعه: فواز بيروح؟
" البنات يناظرونها "
دانه تكمل بمزح : تعرفون احبه ولازم اسأل عنه ههه
عاليه : ههه تصدقين حسبتك صادقه بسؤالك
هيفا : حتى انا قلت لاتكونين ناويه تروحين الزواج بعد ههه

دانه تبتسم و بداخلها : انا شفيني ليش قلت كذا ؟ معقوله
انا حبيته صدق .. لا لا اكيد لا هذا مزح .. مزح


ندى ومرام جالسات لوحدهم يسولفون بعيد ع الزرع
ندى : مروم كيف دراستك ؟
مرام: الحمدلله ماشيه ، ابوي للحين واقف معي ولا ابراهيم وده يفصلني من هالتمريض اليوم قبل بكره بس الحمدلله شوفي مابقى شي واتخرج
ندى: الله يوفقك يارب
مرام : آمين .. بس تصدقين شايله هم الوظيفه بعدين مدري كيف بتعدي على ابراهيم
ندى: الحين ركزي بدراستك وخلي كل هم لوقته
مرام وهي متكيه ظهرها ع جذع شجره : على قولتك ..


بعد فتره الكل دخلوا داخل ماعدا دانه جالسه ع الزرع وحاطه السماعات بإذنها و تتسمع

دانه حست ان الشمس بدت ترتفع وتزيد حرارتها وقفت عشان تدخل ورفعت نظرها للرجال الي واقف يناظرها فوق تل صغير بالمزرعة الي جنبهم دانه قلبها ينبض بقوه وبداخلها : هذا فواز ليش يناظرني ..! لا ماقصده هو يشتغل مايقصد اكيد مايقصد
" الجدار كان مو طويل مره وهو واقف بمكان مرتفع يعني شكلها واضح ، دانه منزله راسها وما تدري شتسوي لان البيت بعيد شوي اذا مشت وراحت قدامه قعد يناظرها اكثر وان قعدت بعد احراااج "
: ياربي شاسوي ..!
"ناظرت فيه وشافته يبتسم واشرلها يعني لا تروحين خليك "
ابتسمت دانه وراحت ركض
ضحك فواز بقوه وكمل شغله


تدخل دانه عند امها والحريم الكبار وهم قاعدين يتقهوون وسوالف كانت بتدخل الغرفه ولا سلمت عليهم لانها ساهيه بالحركه الي سواها فواز"

ام دانه: دانه وينك البنات من ساعه دخلوا وانتي برا
:ها .. كنت اتمشى يمه ويوم صار الجو حر دخلت
ام دانه: طيب افطرتي ؟
: ايه من الفجر قومتنا خالتي ولا خلتنا لين ماتاكدت اننا افطرنا
ام دانه: ايه احسن حيلك فيهم يا فايزه زين الي سويتي
ام ابراهيم :ههه مو بس هاليوم كل يوم لين يتعدل نومهم
ام عاليه: هههه
دانه راحت من دون ما ترد بالعاده تعاند امها وخالتها و زوجه خالها وتهستر فيهم بس هالمره فيها احساس غريب


باليل
بمزرعة ابو فواز
"فواز واقف عند المرايه يعدل شماغه تجيب ايمان المبخره وتبخر اخوها بالعود قبل يروح زواج واحد من الجماعه"
ايمان: الله يافواز عقبال ماشوفك عريس
فواز : قريب ان شاء الله
ايمان: ايش.. عد.. ماسمعت
فواز يسكر ازرار ثوبه: اقول قريب ان شاء الله
ايمان : كلللووييش!
فواز : الله اكبر كل هذي فرحه بتفتكين مني
ايمان: يوه منك دايم تفسر نيتي شر..بس والله فرحتني.. طيب فيه احد ببالك ؟
فواز : ايه فيه وحده وتعرفينها زين
ايمان : بسرعه قول منهي شغلتلي بالي؟
فواز : الي شفتها البارح معك
ايمان : مين.. دانه ناصر.؟ مستحيل تاخذها!
فواز ابتسم :.. وليه مستحيل؟
ايمان : لانك لامل وامل لك
فواز : انا مابيها وعارفين رايي بهالموضوع من زمان
ايمان : لو رجعتلي السالفه اكيد بافرح بإختيارك بس انت عارف ابوي وابو امل متفقين من زمان
فواز : هم الي اتفقوا انا ما اتفقت على شي انا توي قررت اتزوج واخترت دانه ..
ايمان: .. وابوي؟
فواز : ابوي بكرا افتح معاه الموضوع قبل امشي للرياض.. انا طالع الزواج الحين ..وبتنحل ان شاء الله "
ايمان ماردت
فواز : لاتعقدين حواجبك كذا انا عن نفسي رضوا او ما رضوا بالحالتين مارح اخذ غير دانه
ايمان: أتمنى .. يآرب
فواز : صح..! باطلب منك طلب قبل اروح
ايمان : آمر
فواز : ابي رقم دانه
ايمان متفاجئه : لا اكيد مارح اعطيك
فواز : ليش طيب..؟
ايمان: صاحي انت اعطيك رقمها لازم اسألها وبعدين لاتنسى انها متربيه
فواز يبتسم : بعد عمري ادري متربيه بس انا متاكد اول ماتسمع صوتي بترد علي
ايمان : ههه وليه واثق لهالدرجه اني بعطيك وبتكلمها وبترد عليك بعد .. رح يالله تاخرت ع العرس
فواز : افا يا إيمي اول مره اطلب منك شي وترديني
ايمان : لاتحاول خلاص روح
فواز يبتسم : طيب خلاص بروح
>> ويطلع



عاليه قاعده عند البنات وتدق عليها رشا صديقتها بالكليه و
بعد عدة سوالف عن الكليه و الاجازه و ..
رشا : يووو معليش قلبي نسيت اباركلك بخطوبه ولد عمتك ..
عاليه مستغربه : وش خطوبته مالي ولد عمه خاطب
رشا : الا انتي مالك ولد عمه اسمه يوسف..؟


الجـــــــ الرابع ـــــــزء

اصعب عذاب الشوق لاصار صامت
مثل الطفل يفهم ولا يعرف البوح


عاليه بخوف: الا بس مو خاطب من قالك هالكلام؟
رشا :حنان اختي تقول ان صديقتها ساره الي هي بنت عمته تقول انه يحبها يوسف وبيخطبها
عاليه بخوف: انا الحين بروح اتأكد اكيد فيه خطا بالموضوع
رشا : يمكن مو خطا بس مادريتوا..؟
عاليه: لا..لا مستحيل انا طول الوقت مع خواته ماقالوا شي ولا جابوا طاري واصلا هم واهل ساره من سنين مايكلمون بعض اكيد ساره تكذب
رشا : انا اعرف ساره مره متعلقه بحنان اختي مستحيل تكذب عليها وخاصة بخبر مثل هذا
عاليه توترت: رشا حياتي انا بروح الحين عن اذنك ينادوني
رشا : ok باي
عاليه : باي


عاليه من الخوف ودها تتطمن ان الخبر كذب باسرع وقت


تروح عند البنات
عاليه : دانه تعالي ابيك شوي
: شتبين؟
عاليه: امشي نتمشى واقولك
: طيب

بعد ثواني
: شفيك خير طمنيني
عاليه : لا بس باسألك سؤال واتمنى تجاوبيني بصراحه
: اسألي حياتي
عاليه : احنا اهل ومانخبي عن بعض شي صح؟
: اكيد
عاليه: طيب ليش ماقلتوا لنا انكم بتخطبون ليوسف
دانه تضحك بقوه: ههههههه!
عاليه: ليش تضحكين ؟
: ههه مادري عنك منين جايبه هالسالفه؟
عاليه بجديه: يعني كذب الي سمعته؟
: اكيد كذب وإذا بنخطب له اكيد انتي العروس
عاليه : ليش متاكده لهالدرجه انها انا يمكن غيري؟
: لانه مارح يلقى وحده تخاف عليه حتى من الإشاعات وتحبه كثرك
عاليه: انتي تدرين اني احبه؟
: كيف مدري وعيونك تفضحك
عاليه: طيب ... دانه بما انك اقرب وحده له ابغى اعرف منك هو يحبني ولا لأ ؟
: والله ياعاليه هالشي بالذات ماعرفه بس ولا يهمك بيجي اليوم الي باعرف وبقولك
عاليه: بعد عمري دندون ادري انك قدها وقدود
: ايه ما صير دندون الا اذا بغيتوا شي ولا دايم دوين ودانوه على الله العوض
عاليه: يووه منك انتي مو تدققين على كل شي عاد !
: هههه

عاليه تناظر بعيد: لايفوتك .. شوفي هيوف داخله جو
: انتي ملاحظتها مثلي ؟
عاليه: ايه صار لها فتره على هالحال تكلم بعيد وصوتها واطي
: يمكن متعوده تكلم بعيد
عاليه: لا..لا الا هيوف ماعندها هالتعقيدات بس مدري متغيره شاكه انها تحب
: خلها تحب على كيفها بس اهم شي احد نعرفه مايلعب عليها
عاليه: ياليت تتكلمين معها تشوفين سالفتها
: انا اصلا ناويه اتكلم معها من زمان واتطمن ..

بهاللحظه
" يدق جوال دانه وكانت ايمان اخت فواز "
دانه : هلا ايمي
ايمان: هلا فيك
: وش اخبار الطفش معك
ايمان: على طاري الطفش واصله حدي و عازمتكم عندي
: متى..؟
ايمان: الحين تعالوا بافتح الباب الي ورا ( هذا باب يربط المزرعتين ببعض وهو بآخرهم ورا البيوت وورا الزرع حطه جد فواز وجد دانه بسبب علاقتهم القويه ببعض بأيامهم )
: الباب ..؟ بس هذا من سنين ما انفتح
ايمان : المهم بافتحه الحين اذا بتجون ؟
: خلاص باشوف للبنات وارد عليك


وافقوا البنات وراحوا يسهرون عند ايمان


بعد فتره من السوالف
هيفاء : بصراحه ايمي الكل ما له سيره غير زواجك كل الي حضروه يقولون انه احلى زواج هالسنه
ايمان : لحظه .. لحظه ذكرتيني انا بصفي حسابي معكم .. توقعتكم تجون ..!
هيفاء : لا تلومينا وقته مدري كيف صاير قبل الاختبارات بيومين اكيد ماقصد نفسي لاني معتزله الدراسه
البنات : هههه
هيفاء : اقصد اختبارات مرام و رنيم
عاليه : حتى انا كان عندي اختبارات بالكليه
: هذا غير ان الديره مو قريبه 500 كيلو
هيفاء : و ..
ايمان : بس .. بس .. آه ياراسي سالفتكم معقده خلني اروح اجيب القهوه اعدل راسي فيها
"دانه تقوم معها"

بالمطبخ ..

ايمان تطلع صواني الحلا من الثلاجه وتجي بتقطعها تأخذه دانه من يدها "
: خلي عنك
ايمان : ياربي ملقوفه انتي ضيفه عندي المفروض قاعده مع البنات يكفي وقفتك معنا البارح
دانه : اي وقفه ماسويت شي بعدين انا كذا احب اكون على طبيعتي واحنا خلاص يعني متعودين على بعض ..
ايمان تسكت شوي : تصدقين دانه مع ان مالي خوات بس احس كأنك اختي
دانه وهي ترتب الحلا: حياتي نفس الشعور والله ..
ايمان: دانه .. بسألك اذا مافيه احراج ؟ انتي مخطوبه..؟
دانه بمزح : لا من وين مافيه احد يقدر ههه
ايمان : من يقول مافيه انا اعرف الي مقدرك وشاريك وميت عليك بعد
" دانه تمنت الارض تبلعها من الإحراج وناظرتها باستغراب "
ايمان بجديه : الي يبيك بصراحه فواز اخوي من بعد ماشافك وهو قالب الدنيا يبيني اسألك اذا كنتي مخطوبه او لأ
"دانه بحياء : كنت مخطوبه لبدر ولد عمتي بس رفضت
ايمان : اسفه اذا احرجتك بس فواز يحبك وصادق انا اعرف اخوي مايكذب وخاصة بهالأمور
: ..
"دانه تناظرها بصمت"
ايمان : اكيد استغربتي من كلامي صح انا رابيه هنا بس تفكيري غير.. مافيها شي اذا تكلمنا عن الحب
دانه : صادقه ..
ايمان : دانه ابيك تجاوبيني بصراحه انتي تحبينه
دانه ابتسمت وماقدرت تنطق من الحياء
ايمان : عيونك فضحتك..
" طاحت عيونهم ببعض و انفجروا الثنتين ضحك "
: إيمي .. بطلبك طلب
ايمان : آمري
: خلي هالشي بيننا حتى البنات برا لايدرون بشي
ايمان تبتسم: ولا يهمك سرك ببير ..
"ايمان تضيع الموضوع لانها حست ان دانه انحرجت"
: اقول دانه ماكنا طولنا ع البنات
: طولنا بزود بعد

"سولفوا البنات كثير وضحكوا و بعد ساعتين
رجعوا عاليه وهيفا للمزرعه ودانه قعدت تسهر عند ايمان الي فاتحه البوم صورها وتوريها دانه"

: ههه اما هالصوره محطمه شوي وتنكسر رقبتك من الحيا وجهك ابدا مو واضح
ايمان بمزح: لا مو حيا انا اصلا قاصده هالحركه عشان تبان التسريحه اكثر ههه
: علينا ..؟ بس بصراحه فرق الصور هذي قبل تشوفينه انواع الاستعراض وهو معك كأنك تمثال مافي حتى ابتسامه
ايمان : طبيعي غصبا عني اول مره اشوفه اكيد بتوتر
: ايه والله صادقه


بهالوقت
فواز رجع من الزواج وجاء بيدخل ويشوف امه واقفه
ام فواز : لحظه فواز لا تدخل فيه بنت داخل
فواز : بنت ..؟
ام فواز : ايه بنت ناصر جايه تسهر عند اختك
فواز مبسوط: خلاص اجل انا طالع

يطلع ويروح يدق على ايمان

في الداخل ..
ايمان : مادخلتي كليه يادانه ..؟
:لا والله ماسجلت بالكليه ودي ارتاح هالسنه
ايمان : طيب مافي بالك قسم محد..
"يدق جوالها"

ايمان : الو..؟
فواز : اسمعي باسألك وابيك تجاوبيني بإيه او لا ولاتحسسين الي عندك بشي
ايمان : طيب
فواز : البنت الي عندك هي دانه؟
ايمان : ايه
فواز بفرحه : والله ..؟
ايمان : ايه
دانه تقهوى وما تسمع الا كلمة ايه من ايمان
فواز : اسمعي باشوفها اذا جت ترجع عن طريق المزرعه صرفي عمرك
ايمان : ايش ..؟
فواز : الي سمعتيه صرفي عمرك
"ويسكر "


بهالوقت
يوسف نادى امه يبي يكلمها بموضوع ساره
وهم قاعدين يتناقشون..

يوسف : يمه انا باتزوج
ام دانه وعلامات الفرح بانت بوجهها: ماشاء الله ..مبروك ! انا من اليله اروح اكلم امها
يوسف مستغرب : من امه..؟
ام دانه : ام عاليه مرة خالك
يوسف : وام عاليه شعلاقتها بزواجي؟
ام دانه : ههه ياحليلك مو انت تبي بنتها عاليه؟
يوسف : لا مابي عاليه انا ابي ساره بنت عمتي
ام دانه مصدومه : ساره ..؟
يوسف : ايه ساره ادري ماتحبونها بس يمه هي غير عن أمها
ام دانه : لا ماتأخذها انت لعاليه
وعاليه لك انا بس ابعرف انت كيف تقارن شيخة البنات ببنت الحيه عمتك
يوسف:بس انا مابيها غصب ..؟
ام دانه : لامو غصب تاخذ عاليه بنات الحلال واجد انا موافقه با الي تبي بس مو ساره
يوسف : وانا مابي غير ساره و انا الاسبوع الجاي بروح اخطبها الي بيروح معي حيياه الله وبصراحه يمه ماتوقعت انك توقفين بطريقي
ام دانه : لا يمه انا ماوقف بطريقك بس .. ساره..مالقيت الا ساره ؟
يوسف : ليش يمه شفيها ساره اخلاق وجمال ولاناقصها شي صح عمتي شوي شديده بس البنت مالها ذنب ..ها شقلتي يمه انا بروح اخطبها اذا رجعنا الرياض تروحين معي ؟
ام دانه : مدري مدري اذا رجعنا يحلها ربك ..
يوسف يحب راس امه : يابعد عمري يمه الله لايخليني منك
ام دانه ماودها تكسر فرحته ولو انها مو مرتاحه : الله يرضى عليك



بعد نص ساعه دانه امها دقت عليها تبيها ترجع للمزرعه

ايمان : لا تقولين انك بتروحين ماحس اني شفتك زين
: بيطلع الفجر وانا مرتزه عندك وماشفتيني زين ..! الله يسامحك بس حسستيني اني نمله
ايمان :ههه هذا انتي ماينفع معك الكلام الحلو تقلبينه على كيفك نفس فواز
: ليه هو فيه هالصفه ..؟
ايمان تبتسم بخبث: ايه
: استانستي عاد عطيتك وجه روحي بس روحي
ايمان تضربها بخفه على ظهرها : انا الي عطيتك وجه قاعده على قلبي مابغيتي تروحين
: ههه ايه كذا اطلعي على حقيقتك
ايمان تبتسم : حقيقتي والله يازينها من قعده ونستيني بجيتك
: حبيبتي حتى انتي تعالي اسهري بكرا عندنا
ايمان : ودي والله .. بس انا متزوجه ماني مثلكم ع راحتي وبكرا العصر بيجي ياخذني من اهلي
: الله يعينك اجل يالله مع السلامه
ايمان : مع السلامه ..دانه؟
: نعم
ايمان : معليش بروح اكلم صديقتي من امس تدق علي ولافضيت بكلمها الحين مقدر اوصلك للباب
: لا ليش بزر توصليني ههه
ايمان: لا بس قلت طريق المزرعه اضائته ضعيفه
: لا عادي والله طلع منه فايده هالباب نجي بعض بدون عبايات
ايمان : فعلآ
دانه : يالله حياتي باي
ايمان : باي

تروح دانه والشجر من يمينها ويسارها و هي بالطريق تسمع صوت هادي وراها
فواز : دانه .. دانه
"دانه تناظر وراها وتشوف فواز.. اتوترت وصارت تركض باتجاه الباب وتمسك الباب وفواز يحط يده بسرعه على يدها "
فواز : دانه اسمعيني لا تروحين مثل كل مره خليك معي
دانه بصوت مرتبك وواطي : خلني اروح شتبي مني
فواز ناظرها بكل حنان : ابي .. ابي تسمعيني وتحسين فيني
"دانه ضاعت بعد هالكلمه وماتدري شتقول تحاول تفتح الباب "
فواز : ليش تحاولين تتهربين مني انتي ماتحبيني ؟
دانه شوي وتموت من الحياء :بعد يدك
فواز : ماجاوبتني انتي تحبيني ولا لا
: بعد ايدك بروح
فواز يبتسم : مارح ابعدها لين تقولين انتي تحبيني؟
دانه خلاص ماقدرت خافت ان احد يشوفها : مادري.. مادري
فواز بابتسامه : ايه او لا؟
ترد بخجل : خلاص...
"فواز يناظرها وكانه يترجاها تجاوبه "
دانه : ايه
فواز بفرح : من قدي .. من قدي
" يبعد يده وتفتح الباب وتجي بتطلع ...
فواز : دانه ..!
تلتف له وهذي اول مره تحط عينها بعينه وقت طويل
فواز : احبك

دانه تدخل المزرعه وكلمة احبك قاعده تنعاد بصوت فواز مرات ومرات اول مره تحس بهالكلمه من كل قلبها "
وبداخلها " ياالله .. انا بحلم ولا بعلم هذا فواز ما غيره هذا فواز الي كان حبي له مجرد مزح مع البنات هذا هو لا لا يا دانه انتي حبيتيه مو حبيتي الا تعلقتي "
.. كانت تحس ان دفاه للحين باقي بيدها

في الداخل
الساعه 2:30
كل البيت نايمين ماعدا هيفاء وعاليه سهرانين بالصاله
هيفا كانت تقرا روايه وعاليه تفرج ع التلفزيون
دانه تدخل عندهم
: السلام عليكم
البنات: وعليكم السلام
هيفا :زين الي جيتي حسبناك نمتي عندهم
دانه تناظرها بإستهزاء : والله.. حسبتيني نمت ؟ انا مستانسه ان امي نايمه تجين تستلميني ياالدبه
هيفا : هيييئ انا دبه حرام عليك وزني توه ماوصل ال70
البنات : هههه

بهالوقت
تجي رساله لجوال دانه تفتحها كانت من رقم غريب :
( صباحك ورد ..
ودي اسمع صوتك الحين و حتى ماسبب احراجك روحي لمكان فاضي انا فواز )

دانه قلبها ينبض بقوه ومتوتره

عاليه :هيفا بتوصلين ال70 ومو دبه..!
هيفا : ايه مو د... دانه شفيك ؟
: هاه .. لا مافيه شي بس وحده من صديقاتي ارسلتلي انها متضايقه شوي وبروح اكلمها برا
عاليه : بس برا برد خذي شالك
: ايه .. الشال بآخذه الحين

تأخذه وتقعد برا بعيد شوي عن المكان الي فيه البنات
حطته صامت ودق كثيير وبعد
تردد طويل ردت

: الو
فواز : صباح الخير
: صباح النور ..

[ترحااال 77]

بلا عنوان .. انا الاسعد بحضورك لا تغيبي ياذوق

غرام العيون .. ثانكس ع المتابعه .. استمري .. الجاي احلى اكيد

هبه .. هلا فيك .. بالنسبه لنقدك تبقى شخصيتك مختلفه ممكن لانك ما شفتي بحياتك الا الجده

ام الاب الحنون عشان كذا ربطتي بينها وبين الصوره اللي بخيالك فحسيتي انها ماتستاهل ..؟

ع العموم غاليتي تبقى رايك و قناعاتك احترمها كثيير يا حبيبه .. خليكي متابعه




ولعيونكم بارت جديد ..







الجــــ الخامس ــــزء





ظنيت روحي في بعدك تقدر تخبي شوقها
أثر المحبه والوله مايفضحه
غير البعاد





فواز : شخبارك دانه ؟
: انا بخير ..
فواز : متضايقه من مكالمتي؟
دانه ماردت
فواز : ليش سكتي ..؟
: لا بس مستغربه ..
فواز : من ايش ..؟
: منك كيف جبت رقمي
فواز يضحك : لا ابد تغافلت ايمان واخذت رقمك من جوالها
: وتعترف ..؟
فواز : يعني تبيني اكذب ..؟
: لا
دانه : طيب عن اذنك انا بنام
فواز : بهالسرعه مليتي ..؟
: لا ما مليت بس .. خايفه
فواز : من ايش..؟
: خايفه ماتكون صادق معاي
فواز فهمها : انتي تقصديني.؟ اذا تقصديني احب اقولك اني ان كنت اكذب عليك بحبي هذا شي مستحيل لاننا اول شي معارف واذا كنت باتسلى بافكر باحد بعيد ، ثاني شي هذا مو من طبعي ولا اخلاقي تسمحلي اتلاعب بمشاعر الناس فكيف بوحده قريبه
: زعلت ..؟
فواز : لا بالعكس اعجبتني صراحتك و انا معاك واعرف بعد شباب من هالنوع الي تحسبيني مثلهم بس انا والله حبيتك اول ما شفتك و ايمان بصراحه هي الي خلتني اعجب بشخصيتك اكثر .. ليش مو مصدقتني
: لان مافيه دليل ..
فواز بجديه : صدقيني الايام بثبت لك صدقي
: نشوف..
فواز : يالله انا مواعد العيال بسهر معهم بجي مزرعتكم الحين عن اذنك
: خذ راحتك
فواز : ف امان الله
ويسكر


بعد لحظات
راحت دانه عند البنات وطرا عليها انها تشوفه : بنات شرايكم نروح نشوف الشباب شيسوون طفشنا من مقابل بعض
عاليه بحماس : ايه والله ..! خلنا نروح ..
: بس هاه بهدوء ولا يحسون فينا الي براسها رجه تقعد
هيفاء وعاليه : لا.. لا
: طيب ياالله


راحوا البنات وكانوا العيال فارشين برا وعزوز معهم والبنات فاتحين الباب الي يفصل القسمين شوي ومطفين الانوار الي عندهم وقاعدين يتفرجون مع فتحه صغيره والشباب مايشوفونهم لان فيه مسافه طويله شوي بينهم

فواز وصل و يدخل سيارته مع البوابه

هيفاء بصوت واطي: هذا ما كنه فواز الي جاء..؟
عاليه : الله ع السؤال العبقري انتي من كثر الاكل ما عاد تركزين يعني بالله شرايك مين ..؟
هيفاء : اووه وش دخل الاكل يام عصاقيل
عاليه : انا ام عصا....
: اوووص خلاص بتفضحونا مارح اسمع منكم
هيفاء : شوفيها هي الي بدت
: خلاص عاد
"البنات هدوء والضوء خافت عندهم"


الشباب : هلااا هلا فواز
يوسف : حياك جيت بوقتك
فواز : ليش شسالفه ..؟
عبدالعزيز : لا بس قاعدين نقنع ابراهيم يتزوج ويكف شره عن بنات المسلمين
فواز : ههه ليه شمسوي ؟
يوسف : تصور شفته اليوم يرقم حتى الافريقيات الي باسطين بالسوق
الشباب : هههههه..!
فواز : الله يصلحك يا ابراهيم حتى هنا عندنا بين الجماعه.. لوشافوك الشيبان ليفضحونك عند ابوك

البنات يسمعون وكاتمين الضحكه
هيفاء : اخ ودي اذبحه فضحنا .. فضحنا..!


ابراهيم : مابي اتزوج خلني استانس بحياتي ماتحكمني مره على اخر عمري
فواز : ليش تفكيرك كذا ياابراهيم الزواج ماهو حرب والمره عطها الكلمه الحلوه تعطيك الي تبي..

"دانه بداخلها : لبى قلبك!"

ابراهيم : وانا اشهد لولا الله ثم الكلمه الحلوه ما امتلى جوالي من ارقام البنات
فواز منقهر : حنا وين وانت وين..
عبدالعزيز يناظر فواز : خله يافواز هذا مهما تقول مافيه فايده مايتغير
ابراهيم : يعني خلاص ماتبوني اتزوج..
فواز يتنفس بقوه ويبتسم : والله كيفك اهم شي انا اخترت بنت وباتزوجها ان شاء الله بس متردد اطلبها من اخوانها اخاف يردوني
" الشباب متفاجئين و يناظرونه باهتمام "
عبدالعزيز : وليش يردونك انت مو ناقصك شي
فواز : المشكله مو مني المشكله ابوي يبيني لبنت عمي وانا ما ابيها ابي البنت الي ببالي واخاف اكلم اهلها وابوي يخرب كل شي واخاف اسكت وتروح لغيري
يوسف : طيب قل لواحد من اخوانها عشان مايوافقون على غيرك لين ما تحل مشكلتك مع ابوك
ابراهيم : صادق يوسف هذا احسن حل
فواز : وهذا الي انا افكر اسويه


دانه متفاجأه من هالحب الي انولد بيومين الحب لآخر انسان كانت تتوقعه : بـ.. بنات تسمعون الي اسمعه..!
هيفاء حاطه يدها على خدها : الله .. رومااانسي يابخت هالبنت فيه
عاليه : انا لهالحظه مو مستوعبه ان هذا فواز
هيفاء : ولا انا
دانه بداخلها :" اذا انتم تقولون كذا انا شاقول "

يوقف ابراهيم وكأنه جاي بإتجاه البنات و هيفاء من الخوف سكرت الباب بقوه وهربوا داخل بسرعه

العيال يناظرون بعض لانهم شافوا الباب تسكر بقوه وما يدرون شالسالفه
ابراهيم متاكد سمع صوت حركه يفتح الباب بسرعه ويتلفت مافيه احد

عبدالعزيز : من الي سكر الباب يا ابراهيم
ابراهيم : مادري ماشوف احد
فواز : يمكن هواء قوي
يوسف : يمكن ..

ابراهيم متاكد سمع صوت

عند البنات
عاليه : ليه سكرتي الباب يا الخبله هالحين اكيد انفضحنا
هيفاء : وانا شدراني شفت ابراهيموه وانا عاد ارجف منه بدون ماسوي شي شلون لو شافني كان ذبحني
: ادعي انه ماشافنا بس
"يدق جوال هيفاء"
هيفاء : ياربي هذا هو يدق شافني اكيد شافني
: ردي لاتخافين
هيفاء ترد : الو
ابراهيم :الو هيفاء .. انتم صاحين؟
هيفاء : ايه ليش
ابراهيم : لا بس وانا جاي بقولكم تسوون قهوه جديده سكر الباب الي بين القسمين
هيفاء بخوف : ايه
ابراهيم : فمادري قلت يمكن ان وحده منكم سكرته
هيفاء : لا وين البنات نايمين مافيه الا انا وبنام الحين مارحت هناك
"البنات يبتسمون"
ابراهيم : بس انا متاكد اني سمعت صوت والباب تسكر
"هيفاء قلبت السالفه وسوت نفسها خايفه" : لا ابراهيم لاتقولها يمكن المزرعه بسم الله علينا يمااااه بسم الله
ابراهيم شك بنفسه : بس خلاص اقصري صوتك وسمي مافيه شي
هيفاء : شلون مافي شي اجل من الي سكر الباب الحين كيف انام خايفه
ابراهيم : لا اقري المعوذات ونامي مافيه الا الخير
هيفاء : طيب انا بالغرفه مقدر اسوي قهوه خايفه اروح المطبخ
ابراهيم : لا لا خلاص مانبي حنا نسويها ع النار

"البنات ماسكين ضحكهم على هيفاء الي كانت خايفه من ابراهيم .. صار هو الي خايف وبنفس الوقت ارتاحت من القهوه بعد "

بعد ساعات
الكل نايمين والضوء بدا يطلع شوي بس الدنيا للحين ظلام
دانه قاعده تقرا روايه بالنت ومافيه بالغرفه الا ضوء الشاشه
وفجأه يدق جوالها كان فواز تقفل الجهاز و بهدووء تأخذ جوالها وتطلع ..
: هلا
فواز : هلا بهالصوت
: هلا فيك
فواز : حلوو.. حسبتك نايمه ..؟
: لا قاعده ع النت ماجاني نوم
فواز : زين بطلب منك طلب
: اطلب..؟
فواز : .. ودي اشوفك
: ايه شوفني بالحلم
فواز : افا ليش التحطيم
: مدري طلبك صعب .. بعدين وين بتشوفني
فواز : لا مو صعب تقدرين تعالي انا قاعد بمزرعتنا والجو مو ناقصه غير شوفتك
:لا والله..بامريكا حنا"وتضحك بقوه"
فواز : ليش طيب..؟
: بس كذا صعبه مقدر
فواز : ok براحتك ، انا بروح انام وبحلم بشوفتك
: ههه تصبح على خير
فواز : وانتي من اهله باي
: باي

بعد فتره دانه وصلتها رساله من ايمان ( تعالي ابيك ضروري تعبانه مره و محتاجتك بافتح لك الباب تعالي الله يخليك انتظرك)


دانه راحت وكانت خايفه على ايمان مره لبست شالها بسرعه و فتحت الباب الي يفصل المزرعتين ودخلت مزرعه ابو فواز تلفتت ماشافت احد وفجأه..

فواز : بوووو
دانه حاطه يدها على قلبها : هيئئ..!
فواز : هههه
دانه تغطي وجهها بالشال وتصد عنه : انت مانمت ؟
فواز : لأ
: وين ايمان ..؟
فواز : ايمان نايمه
: لا هي توها قايلتلي تعالي
فواز : انا اخذت جوالها وارسلت لك عشان اشوفك
: اا ها يعني السالفه كذا اجل يالله مع السلامه
فواز : وييين بهالسرعه
: اي وين .. بروح ..!
فواز بصوت هااادي: تكفين خليك شوي كلهم نايمين حتى العمال والبيت بعيد
: لا لا بروح "تمسك الباب ويحط فواز يده على كتفها من ورا ويناظرها بحنان " : عشاني لا تروحين
" تلتفت له "
فواز : فيه كلام بقلبي و لازم اقوله

تسكر الباب و يقعدون ع الزرع والشجر من كل الجوانب ..

دانه : قول اسمعك
فواز : مادري كيف بابدأ بس بصراحه اليوم انا.. برجع الرياض
"تغيرت ملامح دانه وبان انها تضايقت مره: ليش انت ما معك اجازه..؟
فواز : لا بهالفتره لا .. بس عشان خاطري لا تزعلين انا لازم اداوم بالكليه وتعرفين بعض الجامعات انظمتها معقده ولازم اروح
دانه تسمع وهي خانقتها العبره : متى بتروح ..؟
فواز : ع المغرب بحدود الساعه5 بس مارح اخليك تفقديني..

" تنزل دمعتها "

فواز يكمل: .. بكلمك دايم وكني قاعد انتظرك كل يوم تدخلين مع باب جدي
ترد وهي تمسح دموعها : لا هذا باب جدي مو جدك
فواز : ههه حتى وانتي تبكين عنيده
: مو اعند منك تقولي بنام وفجأه تطلعلي
فواز : لاتلوميني تخيلي لو رحت ما ودعتك كان شسويتي فيني وحتى انا مايهون علي اروح ماشفتك
دانه تناظر السماء بدا الضوء يبان اكثر والسما صار لونها ازرق غامق : الاوقات الحلوه دايم تمر بسرعه انا لازم اروح قبل لا يقومون ومايشوفوني
فواز : تدرين هذي احلى ايام مرت بحياتي
: وانا بعد ياليت تنعاد
فواز : ياليت .. "ياخذ لها ورده من الارض ويعطيها"
: هذي لي .. ؟
فواز : ايه .. ادري ماتسوا بس اعتبريها ذكرى
تضم الورده لصدرها : تسوى الكون بكبره .. احلى ذكرى
" توقف دانه ويوصلها فواز للباب وتروح "

تفرقوا وهم مبسوطين بشوفة بعض وبنفس الوقت متضايقين لانهم بيفترقون



الساعه 3 العصر
بالمجلس في مزرعة ابو فواز


فواز يصب لابوه قهوه
: ها.. تمشي اليوم يافواز؟
فواز : ايه يبه لازم عشان الكليه
ابو فواز يبتسم: ايه شد حيلك واخلص عشان ازوجك بنت عمك
فواز بداخله :"هذا انسب وقت اقوله " : بس... يبه .. ولا اعصي كلمتك انا مابي امل
ابو فواز بإستهزاء : ماتبيها ..! ومن تبي ان شاء الله ..؟
فواز بجديه : ابي دانه بنت ناصر الله يرحمه
ابو فواز : ومختارها بعد .. لا انا عطيت عمك كلمه وخلصنا
فواز : بس يبه ..
ابو فواز : لا تناقش ولاتفكر بالموضوع من الاساس
فواز : وانا مارح اخذ غير الي انا اخترتها
ابو فواز بعصبيه : تعصاني يافواز.
فواز : ماعصاك بس انا ما ابي امل وش فيها دانه
ابو فواز : انا ماقول ان فيها شي تربية ناصر والنعم فيه بس وش تبيني اقول لعمك
فواز : .. الحين انا اهم عندك ولاعمي .. عادي قول له اي شي
ابو فواز تذكر ان ولده بيسافر وخاف يروح متضايق : .. يصير خير .. يصير خير
"فواز راح من عند ابوه وهو مو متطمن من رده وبهالوقت وصلته رساله من دانه مكتوب
فيها

(من جد ناوي تسافر يابعد عمري
من جد ناوي على روحي تعنيها
اكسر بخاطر حبيبك وانت ما تدري
فرقاك ياصاحبي ما احب طاريها
لا لا تسافر ترا مليت من صبري
دنياي لا غبت عنها وش بقى فيها
يامشغل البال بعدك شاغل فكري
و احلامنا الي بنينا وش تاليها
شف صار ضلعي حطام ماينطفي جمري
فرقاك نار وغيرك ما يطفيها )

وارسلها

(تشتاق لي وتظن ماني لك اشتاق
والله يدري كم من الشوق فيني
بليا شعور القلب لك طوع ينساق
واسرع من اقدامي تسابق حنيني
انا الذي لك دايم الدوم يشتاق
حتى ولو شفتك بقى الشوق فيني )

بهالوقت
الخال صالح "ابو علي" وابو ابراهيم واقفين يراقبون العمال وهم يشتغلون
ابو ابراهيم حس بوجع وكان بيطيح لو ما ابو علي سنده
ابو علي مفزوع : سلامتك يابو ابراهيم وش فيك
ابو ابراهيم يحاول يتماسك : مافيني الا الخير
ابو علي : تقدر تمشي ولا انادي العيال يودونك داخل..؟
ابو ابراهيم بإبتسامه : وش تقول انا توي شباب العيال لو يبوني اشيلهم شلتهم
ابو علي يبتسم : عساها دوم الصحه


عند البنات
هيفاء جالسه ع اللابتوب وتكتب ..
هيفاء : هاااي
تركي : هايات واخيرا دخلتي ..؟
هيفاء : الي يسمعك يقول مادخلت من سنه كلها 8 ساعات ما كنت موجوده
تركي : مو بيدي .. الشوووق
هيفاء : اشتقت لي ..؟
تركي :ليش تشكين بهالشي.؟
هيفاء : اكيد لا بس ودي اسمعها منك
تركي : لعيونك ثواني وأكلمك
هيفاء : بإنتظارك

" تركي هذا واحد تعرفت عليه هيفاء بشات من 7 شهور وحبته ولا احد يدري باللي بينهم "

هيفاء راحت ودانه
وصلتها رساله من فواز ..
( ودعتك الله انا مشيت للرياض )
وردت :
( تروح وترجع بالسلامه .. قلبي معاك لاتطول ترى احتاجه )
ارسلها :
( سلامة قلبك ~ في امان الله )


مر اسبوع ممل على دانه
ابو ابراهيم كل ماله يزيد فيه الالم
علي ورنيم نظرات مايفهمها غيرهم
عاليه حلمها بيوسف يكبر كل يوم اكثر من الي قبله بعد كلمة دانه لها
الجده ام ناصر كل شوي تحاول تسوي مشكله بس محد يعطيها وجه
ابراهيم حتى بنات الديره ماسلموا منه
يوسف وساره ناوين جديا ع خطوبتهم بس محد يدري غير امه وعزوز

يوم الجمعه رجعوا العوايل للرياض و رجعت الحياه زي ماكانت البنات الصغار وعلي لمدارسهم وعاليه للكليه ويوسف داوم بوظيفته الجديده


باحد الايام
يوسف كاشخ ع الآخر و ينتظر امه وعزوز يخلصون عشان يروحون معه يخطبون ساره

دانه تصحى من النوم على اصواتهم العاليه وتطلع الصاله تناظرهم مستغربه
يوسف : وينك يمه تأخرنا الناس ينتظرون
ام دانه : يالله هذا انا خلصت
عزوز يناظر يوسف : يعني همك الناس ولا انت الي ماعندك صبر
يوسف : ههه اقول بس يالله تأخرنا
: شسالفه ..؟ تأخرتوا على مين .. وين رايحين ..؟
عزوز : الله اكبر كل هالاسئله يادندون .. رايحين نخطب لاخوك
دانه بفرح : احلف ..! بس ليش انا اخر من يعلم ..
ام دانه : امش وانا امك دانه ان قعدت تجاوبها ماتخلص!
عبدالعزيز : على قولتك.. اجل مشينا
يوسف : يالله

راحو ودانه راحت عند ندى
ندى : ها .. صحيتي؟
: ايه توي صحيت وشفتهم رايحين "تكمل بحماس" الله وناسه اخيرا يا عاليه بتاخذين حبيبك
ندى بحزن : لا يادانه هم مو رايحين يخطبون عاليه
دانه حاطه يدها على قلبها: اجل مين ..؟
ندى : ساره بنت عمتي بدريه
دانه مصدومه وبعصبيه:ساره .. ساره ماغيرها ..؟
ندى : للأسف ايه ..
: وعاليه شناقصها ليه ؟
ندى : مادري ياندى مادري حتى انا متفاجأه مثلك
دانه وعيونها مليانه دموع : طيب . هو ما يدري ان عاليه تحبه ..
ندى : الا يدري وامي قالت له وحاولت فيه بس مايبي الا ساره
دانه تبكي : آآه وشلون اقابل عاليه الحين شاقولها والله بتكرهني
ندى تحضنها : لا تقولين كذا ليش تكرهك؟
: هي كانت سامعه انه بيخطب ساره وسألتني قلتها لا و عطيتها امل انه لها ما كنت اعرف انه يفكر بساره الي مدري متى طلعتلنا
ندى : ياحرام ياعاليه
: ياربي اكيد بتعرف لانها بتنتشر خطبه ساره بالجامعه والمشكله كلهم بنفس القسم > عاليه ثاني وساره رابع
ندى : هي بالأول والأخير بتعرف بس احسن انتي قوليلها
: والله ماقولها تخيلي شكلي : عاليه ترا يوسف يحب غيرك حبك راح لواحد مو لك .. والله بتنجرح
ندى : ربك يحلها خلاص لاتبكين
: وشلون ما بكي وانا الي معشمتها فيه .. كنت مو حاطه ببالي الي صار الحين



ببيت العمه بدريه
تدخل ام دانه وام ناصر و يجلسون ينتظرون ام ساره تنزل
ساره : مامي بليز عشان خاطري انزلي لها
ام ساره : ماطيق طاريها كيف تبيني اشوفها ..
ساره : يعني انا الي احبها .؟ بس خلي الي براسي يصير وبعدين انا اعرف اتعامل معهم
ام ساره : يالله بالبس الحين و بانزل عشانك
ساره لابسه فستان ناعم كان جسمها وطولها ولا عارضة ازياء تنزل بابتسامه وتناظر جدتها : اهلين جده
ام ناصر : هلا ببنيتي هلا بالغاليه بنت الغاليه "وتضمها بقوه"
ام دانه مقهوره بداخلها" الله اكبر يا ام ناصر .. طلع فيك خير وانا عمري ماشفتها حضنت عيالي حتى وهم صغار "
ساره بدلع : شخبارك جده انا زعلانه عليك حارمتنا من شوفتك
ام ناصر : والله الود ودي اجيكم كل يوم بس محد فاضي لي ..
يوم بدت تكذب ام ناصر قطعت كلامها ام دانه : وين امك ياساره
ساره : الحين تجي الا ماقلتي ياخاله وين البنات ما جبتيهم معك مشتاقة لهم حيل
ام دانه استغربت من ساره وادبها : البنات ما..
تدخل بهاللحظه ام ساره وهي مستحقره ام دانه وتناظرها من فوق لتحت وبسرعه تتغير ملامحها وتتصنع الابتسامه : حيا الله من جا
ام دانه وام ناصر : الله يحييك
ام ساره : شلونك شخبارك وشخبار العيال
ام دانه : الحمد لله كلنا بخير وشخبار بدر ....؟
ام ساره : بدر خطبناله بنت الي قبلها مايسوون ظفرها > قصدها دانه
ام دانه فهمتها بس ماردت >
ام دانه : الله يسعده ويهنيه
ام ساره : والله وطلع فيكم خير ذكرتونا بعد هالسنين
ام دانه : حنا ما تركنا احد بس انتم الي كل ما جينا نسأل عنكم تسكر الباب بوجهنا
ساره تحاول تهدي الوضع لان ماتبي تخرب خطبتها : الحمد لله الي فات فات واهم شي اجتمعنا الحين .."توقف": عن اذنكم انا بروح والله قعدتكم ما تنمل بس لازم اذاكر بكره عندي اختبار صعب
ام دانه : روحي بنتي بحفظ الله اختباراتك اهم من قعدت العجز
ساره : ياعلني فدوتهم هم زينة هالدنيا حنا بدونهم ما نسوى ولا شرايك جده
ام ناصر : عين العقل تربية بنيتي بدريه

ساره حبت راس جدتها وراحت
فوق ساره بداخلها " اوف ما بغيت افتك وع وش هالقعده الي تعل القلب تبتسم بس حلوه سالفة عندي اختبار ههه خلني ادق على حنو توسع صدري ولا اقول نواف احسن انا بعدي ما صرت زوجة يوسف مسكت الجوال ودقت

بالمجلس
بعد السلام فتح عزوز الموضوع وقال ابو ساره انهم بيردون بعد كم يوم


بعد يومين عطوا الموافقه وبعدها بفتره تمت الملكه كانت بين العايلتين بس يعني ماكانت عامه


عاليه كانت تسمع ان ساره ملكت من خلال البنات بالكليه بس للحين ماتدري انه يوسف

بيوم من الايام ..
العوايل كلهم مجتمعين ببيت الخال صالح (ابو عاليه) البنات
طبعا انواع الازعاج وكانت عاليه رايحه جايه بينهم وبين امها
ام عاليه تنادي : عاليه..عاليه !
عاليه عند البنات : آه ياراسي مامداني توي قعدت
: خلي نجود تروح تشوف امك شتبي
هيفا : ايه والله ماسولفنا معك
عاليه : ماعليش اروح اشوف شعندها واجي بسرعه

عاليه: نعم يمه..!
ام عاليه : حبيبتي خذي الصينيه هذي وخلي "ياتي" (شغالتهم) تجي تاخذ ذولي
شالت الصينيه وكانت مليانه كاسات بتوديها المطبخ
وتسمع ..
ام دانه : ابشركم امس يوسف ملك على ساره بنت عمته..
توقف عاليه بمكانها
ام ابراهيم : ماشاء الله
ام عاليه : مبروك مبرو..
"يسمعون صوت طيحه وكاسات تكسرت ويركضون حولها كان مغمى عليها "
ام عاليه مفزوعه : عاليه .. عاليه " امها تحط يدها ع خدها بخفه " عاليه شفيك ..
ام دانه : بسم الله عليها
ام ابراهيم تحاول تبعد قطع القزاز المتكسره : ياتي جيبي ماء بسرعه
تصحى عاليه واول شي شافته قدامها كان ام دانه تذكرت كلمتها وامتلت عيونها دموع ماقدرت تستحمل بكت بصوت عالي ..

رنيم ونجود كانوا واقفين يناظرون

امها تضمها : شفيك حبيبتي ..؟
عاليه تحاول تصرف : لا بس القزاز جرح رجلي مره يوجع
امها تناظر رجلها : بس هذي كلها خدوش بسيطه ماتستاهل البكا خوفتي الصغار
عاليه توقف بتعب وتناظر رنيم ونجود وكملت بمزح عشان تكسر الموقف : هذولي يخوفون ما يخافون
الكل : هههه

" عاليه ابتسمت رغم الالم عشان تخفي حزنها وراحت مرت من عند غرفتها الي فيها البنات وكان الباب مفتوح وقبالها دانه وقفت عاليه وناظرت لدانه نظره عمر دانه ما تنساها كان فيها عتب كانت مجروحه وتحسب ان دانه خدعتها وانها ناويه تجرحها بعدها راحت وقفت عند المغاسل وناظرت وجهها بالمرايه بكت انهارت فتحت الماء وغسلت وجهها كانت دموعها حاره وقلبها ينبض بقوه "

دانه توترت بعد ماشافت نظرة عاليه لها وقررت تروح تتبعها


عاليه رفعت نظرها شافت دانه بالمرايه واقفه وراها
دانه : عرفتي ..؟

[* ليالي *]

اهلين فيكي عزيزتي (( ترحاال ))
باين عليها من العنوان روايه حلوة
راح تابع معاكي بعد القرأة
موفقه

[غرام العيون]

تسلمي ترحال على البارت
دانه وفواز ...........ربي يوفقكم ويجمع بينكم على خير ..........
عاليه .............زعلت عليك بس اكيد بيعرف بقيمتك بعد يكتشف حقيقه ساره ...........
هيفاء ...........انشاءالله تركي يطلع ابن حلال.......
مشكوره ترحال ومنتظرينك

[هبة]

مشكورة ترحال على البارتات ...


عالية ... ما تبكى على يوسف ... راح يرجع لك لأن سارا مش راح تفضل على طول لابسة قناعها ... لازم فى يوم من الأيام ينكشف قناعها و تبان حقيقتها و ساعتها يوسف راح يعض أصابعه ندم ... لكن يا عالية من باعك بيعه و لو كان غالى ...


دانة و فواز ... الله يجمع بينكم على خير ... الله يستر من أمل ... من الأول و هى بتكره دانة فعاد كيف لما تعرف أن فواز بيرفضها و بده دانة ...


إبراهيم ... ما تنسى أن العرض دين >>> ربى يستر



ترحال متابعاكى و شكراً لك

[الهنــــوفـــــ]