أنين ...كره ...إنتقام...حب ...نهاية مجهولة (لعبة الشطرنج) ... "مكتملة"

[قلب امي وروحها]

أنين ..........كره ........انتقام..........حب ........نهاية مجهوله (لعبة الشطرنج)
هذي ماراح أقول روايتي الأولى لاني الحين قاعده اكتب روايتين بنفس الوقت قولو ما شاء الله
ولما شفت إقبال على روايتي (شامخة وبنت رجال وجاء من يغلبني) ما قدرت اصبر علشان اخلص الروايه وانزل هذي ولما شفت إني اقدر اكتب روايتين مع بعض
ولما خذاني الشغف بالروايات وهوسي بها قرر اكتبها وانزلها بنفس الوقت اللي قاعده اكتب فيه شامخة وانزلها هي بعد وأكيد ما ألقى أحسن من أكثر منتدى أحبه علشان أشوف ردة فعل القراء بالروايه وإذا ما شفت تفاعل راح أوقف (أسفه طولت حكي أترككم ) بالمناسبه ما احلل لأي احد ينقلها بدون ذكر اسمي(قلب أمي وروحها)
البارت الاول
قاعده في غرفتها تطالع نفسها في المرايه وجهه ملائكي طفولي غايه في الجمال من شافها ما عطاها24سنه
بشره بيضاء وعيون وسيعه وشعر بسواد الليل ورموش كثيفه
تكلم نفسها:بكره راح يتحقق كل شي بكره راح ابدا مشواري من بكره راح انهيهم كلهم
راح ادفعه الثمن هو وعيلته كلهم وهذا نذر علي
طالعت الفستان المعلق
نزلت دمعت حقد ...كره .....وانتقام........وانين مثل اسمها
سمعت طق الباب مسحت دمعتها بسرعه وعدلت صوتها:تفصل حياتي
فتح الباب دخل وهو يعتبر نسخه ثانيه منها بس الفرق في لون البشره السمراء طويل القامه وشعره اسود على رقبته وجسمه معضل ووسيم ما يقل جمال عن اخته
هذا هو بشار اصغر من آخته بسنه عمره23سنه
بشار:نمتى
أنين:لا حبيبي صاحيه
جلس على سريرها وهي تعرفه وتفهمه أكثر من غيره كيف ما تفهمه ويفهمها وهم مالهم غير بعض
قامت من مكانها وجلست جنبه وحطت يدها على يده:وش شاغل بالك
طالعها وحط يده يمسح على راسها:أنتي
أنين:لا تشغل بالك كل شي تمام مثل ما نبغى...وتحول الوجه البريئ لوجه شيطاني:بكره بنبدا وواحد واحد راح ندمرهم واحد واحد راح نخليهم يكرهون بعض ويطرون في الشوارع بكره بنبدأ اللعبه
بشار اللي تغير وجهه مثل آخته:مدام احنا مع بعض راح نعلمهم ان كل عمل وراه عقاب
أنين:أول ما نقدر ندمرهم لاننا من برا ما دخلنا بينهم بس الحين انا داخل وانت برا راح نقضي عليهم
وتحولت عيونها لآخوها وشافت في عيونه نظرة الحقد:راح يكون كل شي مثل ما حلمنا
وحظنها أخوها هو الشخص الوحيد اللي تحسه أمان لها هو وبس
بعد عنها ويقول بنبره تسليه وكأنه ما كان اللي يتكلم قبل لحظات: صح نسيت أقول لك عن سبب جيتي لك
طالعته بوجهها البريئ وابتسامه طفوليه وكان هالوجه ما كان قبل ثواني ماكر وخبيث ومخيف:وشو
بشار بابتسامه:جبت شريط جديد آخر فلم نزل للممثله انجلينا جولي
أنين :حبيبي انت تدري إني أحب أفلامها
بشار :يس يله ترى جهزت كل شي علشان السهره
أنين بفرح:يله
هذا بارت بسيط وإذا شفت تشجيع أكيد أكمل علشان انزل لا تردوني خايبه ويا ويلكم لو أشوف المشاهدات عاليه وما أشوف ردود (تهددين من زين الوجه يله برااا)
دمتم بود