آخر 10 مشاركات
✨الصالون الأدبي لرمضان 2024 ✨ (الكاتـب : رانو قنديل - )           »          هيا نجدد إيماننا 2024 (الكاتـب : رانو قنديل - )           »          ليلة مع زوجها المنسي (166) للكاتبة : Annie West .. كاملة (الكاتـب : nagwa_ahmed5 - )           »          غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          مواسم العشق والشوق (الكاتـب : samar hemdan - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )


العودة   شبكة روايتي الثقافية > قسم الروايات > منتدى الروايات والقصص المنقولة > قسم ارشيف الروايات المنقولة

موضوع مغلق
 
LinkBack أدوات الموضوع انواع عرض الموضوع
قديم 28-04-11, 04:52 PM   #1

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي تباعدنا بالجسد لاكن بالشوق بنلتقي للكاتبه Roo7 AL osof


السلام عليكم ورحمة الله وبركاته
عندي الكم روايه حلوه قريتها وحبيت تشاركوني
صحيح لسه ماخلصتها الكاتبه بس بين كل فترة تنزل جزء
وانا راح انزله الكم هنا
إذا شفت تفاعل منكم راح استمر بتنزيل البارت
بس اذا ماشفت الردود راح اتوقف
ولاتخيبوي أملي فيكم

بسم الله



تباعدنا بالجسد لاكن بالشوق بنلتقي



لــ Roo7 AL osof



روايتي الأولى حاولت تجسيد كل مشاعري في هذهِ الرواية


وبذلت كل جهدي لكي تخرج الى ماهي عليه الآن امامكم


رواية تجمع مشاعر كثيرة من الحب والتضحية وتجمع الحب بأنواعه سواء ماكان تحت اطار الزواج ذاك الحب العفيف النقي الذي لايعكره أي شوائب وايضاً حب الاخوه والصداقه وماهو نقيض ذلك من الحقد والكراهيه التي لاتنبع الا من انفس مريضه


وكذلك سنجد من الصداقات النادره التي تكونت بين شخصين تجمع بينهم اروع صداقه يمكن ان نراها في هذا الزمان



اضعها بين ايديكم وارجوا ان تنال على استحسانكم ومااود قوله


النقد لابد من وجوده ولاكن نقد ايجابي يدفع الشخص الى بذل كل مالديه من طاقه لاستخراجه ومايمكن ان يكون مكنون في داخله


ونقد يحذر الشخص من عدم الوقوع فيما يستوجب النقد لي تجنبها فيما بعد



البـــــــــــــ الأول ـــــــــــارت


اسيقظت بعدما تسللت خيوط الفجر ستار غرفتي جلست على السرير والتفت عن يميني ناظرتهُ نائم بسلام ابتسمت على النعمه التي اهداني اياها ربي نهضت من السرير واتجهت إلى سرير طفلي القيت نظره عليه وجه يدل على نومه بسلام الذي يدل على برائة عالمه وهدوئه فما تمالكت نفسي في ان اقبله في وجنتيه المحمرتين قبلة العشق بجنون رايت علامات وجه ومقطب حاجبيه دليل على انزعاجه ابتسمت لذلك كيف لا اعشقه بجنون وهو هدية من هو نائم على السرير الآن تسللت خارج الغرفة بهدوء لكي لا أوقظ طفلي وزوجي لان القوت لازال باكر على موعد دوامه نزلت درجات السلم بهدوء إلى الدور السفلي من المنزل ناظرت الساعه تشير إلى الخامسه فجراً اتجهت للمطبخ لتحضير كوب كافي لتجديد النشااط وبعد تحضير الكوب اخذت بالتجوال في أرجاء المنزل وكأني لااول مره آراه وانا عشت فيه احلى اللحظات السعيده مع زوجي وبه انجبت طفلي الذي يعتبر ثمرة حبنا واثناء تجوالي رايت باب غرفة من المنزل ولكن اعتبرها شبة مهجورة بما نادرة الدخول ولاكن ذلك لايمنع من تنظيفها بين فترة وآخرى


اتجهت اليها ووضعت يدي لفتح الباب ولكن شعور غريب اجتاحني لااعلم ماهو اهو شوق او حنين او ذكريات بدات تتدفق دفعه واحده في مخيلتي سميت بالرحمن ودخلت .


اشعلت نور الغرفه ونظرت الى جدرانها وانا اثبت النظره الأولى والثانيه والثالثه على الصور التي زينت جدرانها ..


صور زوجي واهلي واهل زوجي سواء من صور اخوتي واشقاء زوجي او والدي او والد زوجي وباقي افراد العائله ...


فعاد بي الشوق والحنين للماضي بما فيه من ذكرياات حزينه ومؤلمه او ذكرياات رائعه ومفرحه فأتجهت اسارع الخطواات خارج الغرفه واتجهت الى الدور الأعلى مسرعه الى الغرفة حيث نائم زوجي وطفلي فتحت الباب بهدوء واتجهت حثيما اضع دفتر مذكراتي فتحت الدرج حثما اضعه واذا انا خارجه على عجل كدت ان استقط ولاكن تمالكت نفسي لكي لااحدث ازعاج ودايركت التفت اى زوجي رايته يحدث شيء من الحركه لمااحدثت شيء من الازعاج


ولكن حمدت ربي لعدم استيقاظه والان انا في خبر كان ابتسمت لذاك وخرجت بهدوء الى الغرفه الشبه مهجورة كما احب ان انعتها وجلست على احد كراسي الغرفه وبدت اتصفح بدفتر مذكراتي وكانت الصفحه الأولى دونت منذو زمن بعيد


تساكبت حرووف قلمي ... على وريقتي الأولى .. لتعلن بدأ سلسلة مذكراتي .. لتكن تلك الذكريات راسخه .. على مدى الأيام .. حامله في طياتها .. لحظات من أفراحي .. وأحزاني .. أشتياقي .. لهفتي .. لقراتها يوماً .. تكون هاهنا مدونه لايمكن لطيء النسيان ان يمحوها .. لانها باقي في صفحاتي على مر السنين ..



فله في احد الأحياء الراقية


الشوق نازله من على الدرج واتجهت على طاولة الطعام كان متواجد عليها بوحمد وام حمد وحمد


الشوق وهي تحب راس بوحمد : صباح الخير


بوحمد : صبحك الله بالنور حيااك


الشوق جلست وبدت تشرب كوب حليب : اجل وين البنات


ام حمد : يعني ماتعرفينهم يوم خميس اكيد نايمين تبينهم يصحوا ويتركوا النوم


بوحمد وهو قايم .. الحمدالله


ام حمد : وين لسه ماكلت


بوحمد : لاالحمدالله ولازم اروح الشركة الحين زين اوصل قبل الزحمه


ام حمد : ربي يحفظك


حمد وهو قايم : الحمدالله


ام حمد : وين بعد انت ماكملت فطورك


حمد : لايمه الحمدالله .. يلافمان الله


ام حمد : فمان الكريم وانتبه لنفسك زين


حمد وهو يبوس راسها : إن شاء الله


وبعد ماراح بوحمد وولده


ام حمد : اقول الشوق


الشوق رفعت راسي عن الكوب : سمي


ام حمد : كيفك مع الدوام إن شاءالله مرتاحه


الشوق : الحمدالله ماشيء الحال


الشوق وهي حاسه ان مرة اخوها تمهد لموضوع قالت اقوم احسن


الشوق وهي تقووم


ام حمد : اجلسي ابغاك بموضوع


تأكدت إن عندها موضوع ومهم بعد جلست وقالت : هلا أمري


ام حمد : تذكرين جارتكم ام ايمن يوم كنتوا بجده


الشوق وهي تتذكر : أي شفيها


ام حمد : قبل يومين اتصلت عليه وقالت تبغا تخطبك لولدها


الشوق انصدمت ماتوقعت يكون الموضوع كذا قالت بنفسها من جدها هاذي حاولت تتماسك والزمت الصمت


أم حمد : انا قلت لها بشوف رأي أخوها ورأيها ونرد عليك


الشوق : وكلمتي إبراهيم ( بوحمد )


ام حمد : أي كلمته وقال بيشوف عبد العزيز واتوقع انه بيكلمه اليوم بالشركة


الشوق : طيب


ام حمد : ويش الي طيب يعني انتي موافقه ولا لا الشوق تراك موصغيرة عمرك 25 وكثير خطاب ترديهم بدون سبب مقنع


الشوق من جدها هاذي اكيد لا بس قلت : اشوف راي اخواني وبعدين افكر


ام حمد : طيب ماتبي تعرفي أي واحد من عيالها


الشوق : انا ماذكرهم بالضبط بس اذكر ان عندها ثلاثه


ام حمد : أي هي تبغاك لولدها الصغير مشااري


الشوق وانا قايمه اخذت شنطتي : اها اخليك


ام حمد : فكري يالشوق ترى البنت مو كل يوم لها خطاااب


الشوق وانا متجهة للباب : إن شاءالله


ركبت مع السواق واتجهت للمستشفى الي اشتغل ممرضه فيه


وانا افكر في الكلام الي قالته ام حمد ماراح اوافق بس كيف على اخواني ابراهيم وعبدالعزيز يمكن عبد العزيز ماراح يقول شيء لاانه ما اله راي بعد كلمة ابراهيم


لان كلمته مسموعه بس فرضنا وافقت وفراس


الشوق شفيك للحين تفكري بفراس انتي نسيتي ويش صار


بس موبيدي 3 سنوات وللحين مانسيته آه طلعت من قلب ربي يعين


يلا اذا كلموني بذاك الوقت يحلها ربي



الشوق : 25 سنة أنتقلت بعد وفاة أمها من جدة إلى الشرقية عند اخوها ابراهيم (بوحمد ) وعندها اخو ثاني عبدالعزيز (بوناايف ) وتعمل ممرضه هذهِ أول سنه الها بعد التخرج



عائلة إبراهيم


إبراهيم (بوحمد ) زوجته منيرة


حمد : 32 متزوج من بنت عمه نجود وعندهم فرح 3 سنوات


جهاد : 26 سنة


فيصل : 23سنة يدرس بالجامعه ادارة أعمال


فداء وفرقد : توم لاكن توم مختلف 20 سنة


فداء : تدرس بالجامعة علم اجتماع


فرقد : تدرس بالكلية قسم جغرافيا


عبدالله : 18سنة آخر سنة بالثانويه


أثير: 16 أول ثانوي



في بيت بوحمد


ام حمد تشرف على الشغالات في تحضير الغدى دخل عليها فيصل


فيصل : صباااح الخييييييير يا أحلى أم بالدنيااااا


ام حمد : ويش صبااحه الحيين 11 الظهر وأنت صباح الخير


فيصل : ههههههه يمه ويش فيك ولايهمك مسااء الخير


ام حمد: كل ذا نووم ليه وينك فيه ليه ماصحيت بدري


فيصل وهو يصب له كأس عصير : ويش عندي أصحى بدري البارح سهرانين لصبااح وياادوب صحيت الحين ترى لعلمك مااام الحين بدري عندي


أم حمد : هااه بس بدري اجل انت لو تترك عنك شلة الفساد ذي راح تنام وتصحى بدري


فيصل : يمه الله يهديك ويش يصحيني بدري واحنا بيوم خميس خلينا نفلها ونسهر


ام حمد : وشو تفلها فيه سهر وهيااته بالشوارع


فيصل : ريلاكس ريلاكس


ام حمد : وشو كلاس بعد ذا


فيصل يضحك : ويش كلاس اقولك ريلاكس يعني هدي اشووي


ام حمد معصبه : وين اهدي وانا اشوفك كذا لاشغل ولامشغله روح الشركه تعلم على ماتتخرج الا وتعرف كل شيء علشان تعرف تدير حلالك


فيصل : يمه ويش اروح الشركة لاحق على الشقى خليني اخلص دراسه بالاول والشغل جااهز وقت ماابغاه بروح له


ام حمد : الله يهديك يلا رووح بس خليني اكمل شغلي


فيصل يبتسم : إن شاءالله الغاليه اهم شيء الغدى



السلام عليكم ورحمة الله .. طويت سجادتي بعد ماصليت فريضة الظهر فسخت الحرام ورحت اشيك على شكلي قبال المرايه وبعدها نزلت


عند الدرج


فرح : عمه عمه


فداء : هلا فروووحه حبيبتي


فرح تركض بأتجاه الدرج لفداء بعد ما تخطت كم درجه ضمتها فداء


فرح تموت بعمتها فداء عكس فرقد الي ماتحبها ابد


حملتها فداء ونزلت وبالصاله شافت نجود جالسه مع خالتها ام حمد


فداء : السلام عليكم


ام حمد ونجود : وعليكم السلام والرحمة


جلست مع فرح على الكنبه وبدت تلاعبها


ام حمد : اقول يمه نجود


نجود التفت على خالتها : سمي خالتي


ام حمد : مافكرتي بأخت لفرح الحين كملت 3 سنوات وجبتي الها أخت أو أخو وهذا أريج حامل ومابقى شيء عليها


نجود في نفسها لاحول ولاقوة الابالله وهذا حالتي متى بتجيبي أخت لفرح وأريج حامل ومادري شو رديت عليها وأنا أبتسم مجامله : الله كريم خالتي


ام حمد : والنعم بالله بس انتي شووفي الدكاتره مايصير بعد من عمر فرح وماحملتي


نجود : إن شاءالله خالتي



كان راجع من الدوام دخل جناحه وشاف زوجته نايمه قرب منها وجلس على جنب السرير يتأمل وجها مرر أصابعه على شعرها الي كان متناثر على المخده بعدها طبع بوسه على خدها فتحت عينها والتفت عليه وابتسمت


نايف : مساء الخير حبيبتي


أريج وهي ترفع جسمها على السرير : مساء النور هااتغديت


نايف يفر شماغه على السرير : لاوالله لسه رجعت من الشركة


كانت بتقوم بس مسك يدها : وين خلك


أريج : بجهز لك الغدى


نايف : خلك مكانك الحين انادي على الشغلات ويصعدونه ونتغدى هناا


ابتسمت له : على رايك .. اجل وين عبدالعزيز


ناايف يناظرها : خليناا من عبدالعزيز الحين وهو عند امي تحت




الحلم البعيد غير متواجد حالياً  
قديم 28-04-11, 04:54 PM   #2

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

بالمستشفى عند الشوق
الشوق مع صاحبتها سارة يسالفوا
سارة مستحية : الشوق
الشوق تناظر فيها : هلا
سارة : اممم عندي لك خبر
الشوق مستغربه خجلها : خير ويش الخبر اشوفك مع على بعضك ... وهي تناظرها بعدها قالت : ها لا يكون عريس جديد
سارة نزلت نظرها تحت
الشوق ابتسمت : اهاا كذا السالفه هاا ويش اسمه ويلا قولي السالفه من البداية
سارة رفعت راسها تضحك : ويش فيك على مهلك
الشوق : لا ذا خبر احلى منه مافيه وشكلك من بعد صدك للخطاطيب الي قبله ذا بتوافقي على طول
سارة وهي مستحية : تقدري تقولي
الشوق ابتسمت : اهااا ... يلا انجزي ويش اسمه وكم عمره وفين يشتغل
سارة تضحك : الله يسلمك اسمه مشعل عمره 28 ولد صاحب بابا
الشوق : طيب انجزي كيف ومين قالك .. ههه تراني متحمسه بقوه
سارة ابتسمت : أي اشووفك .. ابد امس ارجعت من الدوام وبعد الغدى نادتني امي وقالت ابغيك بسالفه تعالي وجلست جنبها وتعرفي المقدماات .. انك كبرتي والبنت مالها الا بيت رجلها ومن هالكلام .. وقالت ولد صاحب بابا تقدم لي
الشوق تضحك : طيب وصفي شعوورك
سارة : ههه يااختي حالتي حاله جاتني دلاخه الله لايرويك .. ابد قلت لها بفكر وارد لك خبر
الشوق : طيب انتي ويش رايك
سارة : مادري يالشوق ... بس هو ماعليه كلام والكل
يمدحه وهو الثالث بين اخوانه وعنده 4 خوات وثنتين متزوجاات
الشوق : حلو .. انتي فكري واستخيري واذا لقيتي الراحة لاترديه مثل ماتقول ام حمد هههه البنت مو كل يوم لها عريس
سارة تضحك : على قولتك .. بشوف كتبت ربي وإن شاء الله خير
الشوق : إن شاء الله
سارة : الااقول ويش سالفة ام حمد لايكون جايك عريس
الشوق ابتسمت : تقدري تقولي كذا
سارة : الله متى ... وشلون .. وكيف
الشوق تضحك : هااا .. شفيك انقلب الحال عليك
سارة : يلا بسرعة قولي .. يالله شكلنا بنعرس بيوم واحد
الشوق : احلامك كبيرة.. ياماما لاطبعا ً ماراح اوافق
سارة بتعجب : ليش .. حرام عليك كل ماجاك خطيب ترفضي بدون سبب مقنع
الشوق : مالي بدوخت العرس والعيال بعدين ومادري ايش
سارة : بس البنت مصيرها كذا
الشوق : إلا انا ماابغا ابغاا حره احسن من يجي رجال ويتحكم فيني على كيفه
سارة : يا الله يا الشوق و يش ها التفكير
الشوق : لا تفكير ولاشيء مبدءا شخصي اعتز فيه
سارة : الله يهديك بس
الشوق ما عجبها الكلام : الجميع

في فلة بوحمد
أثير تدخل غرفة فرقد
فرقد وهي تحط اللمسات الأخيرة على وجها من بودره .. وكحل .. وروج .. وحمرة خدود
أثير تسرع الخطى اتجاه فرقد
أثير : فرقد فرقد
فرقد : وجع أسمعك ماني بصمخه ويش فيك جاايه كذا تقولي وراك جني .. من يوومك مربوشه
أثير : أفاا .. وهذا انا دايم أقول انا تؤمك مو فداء
فرقد وهي تناظر المرايه : لاتؤمي ولاغيره اخلصي ويش بغيتي
أثير : طيب اتركي عنك المرايه وناظريني اشوويه
فرقد وهي تناظر أثير : وهذا انا تركتها ويش بغيتي
أثير : ايوه كذا .. أسمعي اليوم عندنا عزيمة بناات بيت عمي .. ويش رايك ألبس فستان قصير لو بدي وتنوره قصيرة أو برمودا " طبعا ً أثير نسخه من فرقد اهم شيء عندهم الشكل وأتباع الموضه .. بس اختلاف جميل بينهم إن أثير لاتحمل صفات فرقد "
فرقد وهي تناظرها : طيب ويش راح تسوي شعرك
أثير :امم .. بما انه مو طويل مره راح ابلور بعض الخصلات منه وشرايك
فرقد : حلوو .. بما انك بتروحي بيت عمي ألبسي بدي وتنورة أفضل لاانكم ..
أثير تقاطعها : ليه طيب
فرقد : ويش ليه ... يعني عزيمة بنات ماراح احد يشوفك
أثير : طيب .. وهي تتجه للباب التفت الها : صحيح أمي تسأل عنك تقول نزلي تحت عندهم لانها جالسه مع نجود وفداء
فرقد رجعت تناظر المرايه : يصير خير
في احد مراكز الشرطة
جهاد يعمل ضابط برتبة نقيب
جهاد : خلاص يا جندي مشعل .. اخذ المتهم للتوقيف
الجندي مشعل بعد ألقاء التحية العسكرية اخذ المتهم للسجن
جهاد وهو يرجع بجسمه للخلف على الكرسي : يا الله ويش وذووله الناس يتركوا عيالهم وذا انحرفوا كل واحد يرمي اللوم على الثاني من الأبو أو الأم
سمع طرقااات على الباب : تفضل
دخل الملازم عبد الله صديق جهااد
جهاد : هلا عبد الله حيااك
عبدالله : اكيد مايحتااج .. هههه
جهاد يبتسم : هاا وينك لسه واصل شكلك صح
عبدالله : احم احم .. اكيد بس قلت خلني اشوفك ويش مسوي
عبدالله : ابد.. هذا احنا كل يوم قضية جديدة
عبدالله : أي والله .. اجل ويش صار على فهد القاتل طلع بريء لو للحين التحقيق مااشي
جهاد : لا ابشرك لا بريء ولاشيء طلع قاتل
عبدالله : والله .. كيف مو كل الأدله تثبت براءته
جهاد : لا مو بريء
عبدالله يجلس بالكرسي قبال جهاد: كيف اجل
جهاد : الأدله ماثبتت انه بريء بس مافيه دليل ضده ومثل مايقولوا المجرم بريء حتى تثبت أدانته ... واحنا حصلناه بموقع الجريمه بس ماشفنا مع اداه للجريمه من مسدس وغيره وكانت حالته طبيعيه ماكأنه القاتل .. ولاتنسى أنهُ طول فترة التحقيق ينكر إنه الفاعل بس أمس حصل شيء عرفنا منهُ أنه الفاعل
عبدالله : كيف وهو ينكر قصدك حصلت دليل يدين أنه الفاعل
جهاد : لا .. بس امس وقت التحقيق لاحظنا تغير عليه .. الكلام صار مو مفهوم .. ومن ضمن الكلام قال الي صار بموقع الجريمه بالتفصيل ومنها عرفنا .. تعرف كيف
عبدالله : شلون
جهاد : طلع معه انفصام بالشخصية .. بمعنى شخصيه للخير وشخصيه للشر ..والدكتور أكد لنا ها الشيء بعد ما نقلناه المستشفى ..
عبدالله : طيب ويش راح يصير عليه الحين
جهاد : راح نسلمه لنيابة وهي بتتولى باقي الإجرات

في فلة عبد العزيز ( بو نايف )
في جناح نايف
كانت أريج تسولف مع خوله بحكم أن أريج بشهورها الأخيرة ما تقدر تنزل الدرج لذا جاءت خوله عندها تسليها اشويه
أريج : والله مادري نايف يقول بما أنه عرفنا جنس المولود الأول يوم كنت حامل بعبد العزيز هالمره مفاجأة اذا كان ولد أخو لعبد العزيز و اذا بنت ياحلاتها وبيكون عندنا البنت والولد
خوله : اكيد حلوه المفاجأة بس .. شلوون تتحملين تتنظري 9 شهور علشان تعرفي جنس الي في بطنك يااااي مااقدر
أريج تضحك : خلاص أنتي بعدين كل حمل لك روحي كشفي اذا ماتقدري تتنظري
خوله بإحراج : لا .. أنا تو الناس .. بعدني صغيره وحتى اذا تقدموا لي ماراح أوافق وبس .. لازم تكون له صفات معينه في بالي
أريج : قلناها قبلك ولاكن ليس كل ما يتمناه المرء يدركه
خوله : لالا .. أنا غير .. تعالي ليكون موافقة على نايف غصب عنك علشان كذا قاعدة تقولي قلناها قبلك وما دري أيش
أريج بإحراج : لا شدعوه .. أساساً نايف كل بنت تتمناه
خوله : يا عيني اكيد كل بنت تتمناه في نظرك بس .. ههههه
أريج : خولوه وجعه هذا أخوك
خوله : أدري يا قلبي أنه أخوي ... بس أحيانا يصير غثيث شلون تتحملينه
أريج : هذا نايف ما عليه كلام يماما
خوله : أي أي ما عليه كلام إلا تعالي شوفيه قبل الزواج الصراحة مره غثيث بس ماشاءالله الحسنه الوحيدة إلي فيك يامرة أخوي إنك غيرتيه بعد الزواج للأحسن بس مو كثير مره
أريج : أقول قومي أطلعي سوالفك تضيق الخلق
خوله تضحك : الحين صرت أضيق الخلق وين يوم كنتي تدقي علي تعالي سولفي معي ... ولا أخذي عبد العزيز عني تعبانه و مادري شو
أريج : أنتي لا تسولفي على نايف هالحكي و تصيري ويش حلاتك ما منك ثنتين
خوله تضحك : طيب طيب مع أنه مايقدر لساني بدون ما سولف عنه
أريج : لا راح تقدري بس أنتي حااولي
خوله : طيب .. إلأ أقول أريج
أريج : سمي
خوله : شخبار أختك نهي مع الزواج ما حملت
أريج : الحمد الله .. ولسه ما حملت الله يكتب لها
خوله : الله كريم ... يلا ويش ورآها خليها تتمتع بحياتها
أريج تضحك : ها خوله أشوف ما فيه حياء وين إلي ما تبغا تتزوج .. و مادري ايش ألحين خليها تتمتع بحياتها
خوله تضحك : أي ما قلت شيء مو هي متزوجه خليها لاحقه على صدعت الرأس
أريج : بالعكس العيال روتين حلو بالحياة الأسرية
خوله : ما قدر أنا على الحياة الأسرية .. وين روتين حلو الله يهديك شوفي عبد العزيز واحد عن عشره شلون لو يجي إلي في بطنك يطيح البيت علينا
أريج : هههههه
عايلة عبد العزيز
عبد العزيز ( بونايف ) زوجته فوزية
نايف : 32 سنة زوجته أريج 27سنة صديقة نجود عندهم عبد العزيز 5 سنوات
نجود : 27 سنة زوجة حمد ولد عمها
زياد : 24 سنة يدرس بالجامعة هندسة
مشعل : 18 سنة ثالث ثانوي علمي
خوله : 17 ثاني ثانوي علمي


الحلم البعيد غير متواجد حالياً  
قديم 29-04-11, 04:21 AM   #3

جرح الذات

مراقبة ومشرفة سابقة ونجم روايتي

alkap ~
 
الصورة الرمزية جرح الذات

? العضوٌ??? » 54920
?  التسِجيلٌ » Oct 2008
? مشَارَ?اتْي » 16,539
?  مُ?إني » الدمــام
? الًجنِس »
? دولتي » دولتي Saudi Arabia
? مزاجي » مزاجي
My Facebook My Twitter My Flickr My Fromspring My Tumblr My Deviantart
?  نُقآطِيْ » جرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond reputeجرح الذات has a reputation beyond repute
¬» مشروبك   cola
¬» قناتك dubi
¬» اشجع hilal
?? ??? ~
قول الله تعالى ..(إذكروني أذكركم وإشكروا لي ولا تكفرون )
?? ??? ~
My Mms ~
افتراضي

حياك المولى اختي ومنورالقسم فيك باقي ما قد قريت البدايه الا بعض المقتطفات

باين الروايه جميله ومشوقه لي عوده بعد القراءه بأذن الله

الله يعطيك الف الف عافيه


جرح الذات غير متواجد حالياً  
التوقيع
قديم 29-04-11, 11:29 AM   #4

kalbooza
 
الصورة الرمزية kalbooza

? العضوٌ??? » 172263
?  التسِجيلٌ » Apr 2011
? مشَارَ?اتْي » 9
?  نُقآطِيْ » kalbooza is on a distinguished road
افتراضي

بلييييز كملي الروايه مرررره كيوت


تقبلي مروري : miss koka


kalbooza غير متواجد حالياً  
قديم 29-04-11, 12:54 PM   #5

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

ربي يسلمكم على المرور
وإن شاءالله كل مانزلت الكاتبه بارت
نزلته الكم هنااا
تحياااتي


الحلم البعيد غير متواجد حالياً  
قديم 29-04-11, 12:57 PM   #6

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

في فلة إبراهيم ( بوحمد )
على الغداء كان متصدر الطاولة بوحمد وعن يمينه ام حمد وعلى اليسار حمد وجنبه نجود الي كانت متحجبه عن فيصل وجنبها فداء ومقابلتها أثير وجنب أثير فرقد ومقابلها عبدالله وجنبه فرح بنت حمد
الكل ساكت طبعاً لان بو حمد مايحب الكلام عند الأكل
جهاد ماكان موجود لان دوامه يطلب منه يغيب اكثر الأوقات عن البيت والشوق مو موجوده لان عندها دوام للعصر
التفت بوحمد على فرقد الي كانت تأكل بالسلطه وتشرب بكأس العصير بس
بوحمد : فرقد
فرقد انتبهت يناديها : سم يبه
بوحمد : ويش اللي قاعده تأكلينه ذا أكل الحين
فرقد : يبه انا دايم كذا أكلي
عبدالله : يقولون رشاقة يالوالد هههه
فرقد ناظرته بعصبيه
بوحمد بصوت مرتفع : عبدالله
عبدالله ناظر ابوه : سم طال عمرك
بوحمد : اذا طلبت منك تتلكم تكلم ذاك الوقت اما اذا كنت اكلم حد انت ماتنطق فااهم
عبدالله نزل راسه : سم يبه
ام حمد ناظرت ولدها الي كسر خاطرها وتقول بنفسها ماكان لازم تقول كذا يابوحمد بس دايم عصبي وماتتفاهم
نجود قامت من على الطاوله : الحمدالله
ناظرتها ام حمد وحمد التفت لها : وين يمه ما أكلتي شيء
نجود بإبتسامه مصطنعه : لاخالتي .. الحمدالله شبعت
أم حمد : على راحتك يمه
نجود وهي تمشي قومت فرح معها من على الطاوله
فرح : ماما خليني أكل
نجود عصبة منها بس اصطنعت الهدوء : تعالي ماما معي
وأخذت فرح واتجهت للمطبخ تحت نظر حمد وأبوه
فداء قامت و رفعت معها بعض الصحون من على الطاوله : الحمدالله
ام حمد ناظرتها : وين بعد انتي ماكلتي شيء
فداء : لايمه الحمدالله واتجهت للمطبخ
فداء تدخل المطبخ وحطت الصحون على الطاوله ( مع أنه الخدم يرتبوا طاولة الطعام بعد الأكل الا إنه فداء ترفع صحنها بعد ماتخلص من الأكل دايم )
كانت نجود بالمطبخ تطلب من احدى الخادمات تسوي لها كوب كافي
فداء : نجود
نجود التفت لفداء : نعم
فداء : ويش فيك قمتي حتى ماكملتي أكلك ولا فروح ماكلت
نجود بقرف : اسكتي بس .. مااحد وياهالجلسه تفتح شهيته على الآكل قلت أقوم احسن لي
فداء ناظرتها بتعجب بعد مااتجهت بتطلع من المطبخ .. هذا انتي يا نجود دايم كذا نفسك بخشمك ولاشيء عاجبك على ايش مادري .. والسؤال اليم حيرني على ايش حبك حمد ولازواج عائلي وهي مسويه لها سالفه حمد كان يحبني وانا احبه من كنا صغار ولاندري شنهو الصدق
دخلت أثير المطبخ شافت فداء واقفه وسرحانه : هي هي هي .. فدووي وين وصلتي انتبهت لها فداء : هاااا
أثير : شفيك تكلمي نفسك
فداء : أبد .. بس نجود مادري شفيها دايم متكبره وكل شيء موعاجبها
أثير بقرف : ويع .. عاد مابغيتي تفكري الآ في ذي الصراح هانا مو متحملتها الا علشان أخوي ولاهي تجيب لي المرض .. مريضه الله يشفيها ولا يبلينا
فداء : أثير عيب عليك هالكلام ويش مريضه والله يشفيها ذي بنت عمك قبل ماتكون مرة أخوك
أثير : وأنا الصادقة عند ربي .. ولا وحده عندها بنت مثل فرووحه وماتعرف ويش أكلت ويش ما أكلت ولا تسأل عنها الا بعض الأوقات قدام حمد وأبوي مسويه نفسها الأم الحنونه على بنتها وماهمها الأ السهرات وصاحباتها .. مادري كيف متحملها حمد صراحه
فداء : الله يعين
في جناح حمد
نجود جالسه قبال المرايه تحط لها كريم النهار على وجها .. حمد كان مستلقي على السرير ناظر نجود : وش هالحركه الي سوتيها اليوم على الغداء
نجود لازالت تناظر المراية : أي حركه
حمد : لاتسوي نفسك غبيه انتي تعرفي أي حركه
نجود : لاحركه ولاشيء خلصت أكل وقمت
حمد : أي باين حتى ماحطيتي اعتبار لا اهلي حتى بعد ماقمتي سألتني أمي انت مزعلها
نجود : وهذا هم أهلك بيجلسوا يناظروني على كل شيء .. تراني مليت وأهلك غثوووني صراحه.
حمد بعصبيه اعتدل بجلسته على السرير : ألزمي حدك تراني ساكت على تصرفاتك المجنونه الي بنت العشرين ماتسويها .. كل شيء ولا أهلي خاصه أمي وأبوي سمعتي
نجود قامت من الكرسي والتفت له : يؤؤؤ علام كانت اليوم بس تبغاا الخنااق من سالفه صغيرة مسوي خناق وصراخ
حمد: لامن سالفه ولاشيء بس ترا الصبر له حدود واذا ماتسنعتي بيت أهلك ينتظرك والمره الثانية وراك من تطلعي جايه على طول
نجود تناظره بصدمة : انا تقولي كذا يا حمد لا وناوي تأخذ وحده ما عاش من يطردني ترا
حمد : نجود عن الهبال وخلك عاقله .. سكت اشوي .. ولا أقول اقصري الشر وأقفلي النور ابغا اناام
نجود : الحين ابغا اناام بس هين يااحمد اذا ما رويتك من تكون نجود بنت عبد العزيز ما اكون بنت ابووي
حمد بعصبيه يناظرها وبصراخ : نجووووووووود وعمه انا تقولي لي كذا ... مااقول الا الغلط مني الي خليتك تتمادي معي .. وبصراخ اعلى .. يلا اطلعي
طلعت نجود من الغرفه وهي بقمه عصبيتها : هيين ياحمد انا نجود بنت عبدالعزيز الي الكل يعرف من اكون تقولي بيت أهلك ينتظرك والثانيه وراك .. قبل كنت ساكته عن اهلك علشانك بس الحين دام السالفه فيها عنااد انا ارويك
في جناح أبراهيم (بو حمد )
بوحمد : لا والله الثور ولدك مخليها على كيفها حتى قامت ولاعبرته
أم حمد تضايقت : الله يهديك يابو حمد ولدك رجال وعنده ولد خله يتصرف بحياته بالشكل الي يبغاه
بوحمد : وانا مالي فيه بس اذا ضاقت فيه الوسيعه بعدين بيعرف كلمة الرجال على المراءه شلون ... وذي بنت عبدالعزيز باين عليها راسها يابس وخشمها فوق
ام حمد في نفسها الحين عرفت ان نفسها بخشمها وقبل مناسبه حمد وانا الي اعرف اكثر منك بنت اخوي وماعليه كلام بس قالت : الله يصلحها مالنا فيهم التفتوا بعد ماسمعوا طرق على الباب بوحمد : أدخل
أثير دخلت وباست راس ابوها
بوحمد يبتسم : حيا الله أميرة الحلوات
أثير تضحك : الله يحيك بابا .. وجلست بجنب ابوها على السرير
بوحمد : هااا ويش عندك
أثير تناظر امها : اول تقول ماما موافقه وبعدها اطلب
ام حمد : هو شلون اقول موافقه وانا ماعرف ويش السالفه
أثير : ماما الطلب بسيط بس ابغا تقولي تم
ام حمد : انا مالي منك الكلام عند ابوك
أثير تناظر ابوها : بابا قول لماما تقول تم
بوحمد : أثيروه خلصي وبلاكثرت حكي ابغا اريح
أثير : افااا بابا وهذا انا اطلب منك تساعدني
بوحمد : ماعليك من امك انتي قولي ويش الي تبغي
أثير : ابغا اروح بيت عمي وبعدها بنروح بيت صاحبتي عندنا جمعة بنات
ام حمد : اركدي مكانك بعد هذا الي ناقص تروحي بيوت الناس وجمعه ومادري شنهو
أثير تناظر أبوها : بليييييييز بابا
ام حمد : لابليس ولا مابليس قعدي مكانك
أثير تناظر امها : ماماتي مو ابليس اعوذ بالله منه .. اقولك بليييز يعني ابغااا ارووح
ام حمد : مافيه وبعدين ......
بوحمد يقاطعها : منيره خليها تروح ... ويلتفت لاأثير ماتكون الساعه 9 الاانتي بالبيت سامعه
أثير قفزت على أبوها وتحضنه : اوكيه بابا ... وراحت تركض تجهز نفسها ام حمد : الله يهديك يابوحمد تخليها تتعود على طلعات البنات وأثير نسخه من فرقد تطلع مثلها بعدين ياعند صاحباتها ولابهالاسواق
بوحمد يغطي نفسه باللحاف : ماعليك بناتي واثق فيهم وماراح ارخي الحبل كثير لهم
ام حمد قامت بتطلع من الغرفه : الله يعين بس
بوحمد : سكري النور معك
أم حمد : إن شاءالله


الحلم البعيد غير متواجد حالياً  
قديم 29-04-11, 12:58 PM   #7

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

البـــــــــــــ الثـاني ـــــــــــارت
كنت أقول لزماني كم حبيب سرى... كم عزيز وغالي يا زماني أخذت ؟
كنت أقول بحياتي شنو الي بقى ياترى ؟؟..وأثرها ســــــــالت دموعي وأنـــا ما دريت ...
صعب اوصف لك شعوري يوم طيفك طرى ...بس عندي يقين أني " ضحكت وبكيت "
في غرفة الشوق
الشوق جالسه على الكرسي الهزاز قبال النافذه والذكريات تمر بخيالها
...: اليوم راح اجي اخطبك من أهلك
الشوق: لالا .. انتظر اشوي ارتب اموري وامهد للموضوع قبل
.... : ليه حبيبتي انا كلمت امي وقالت خلاص راح نخطب لك اليوم
الشوق : والله مادري بس اخاف اخواني مايوافقون وانت تعرف عايلتنا عايلة السادي والقبيله الي تتبعها
.... : حبيبتي ويش قبيلته والعايله الحين ويش الفرق بين عايلة السادي والشاري .. احنا مابينا هالكلام
الشوق : اكيد حياتي .. بس تعرف اخواني عندهم عندهم المستوى المادي واصل القبيله قبل كل شيء .. ولاتنسى سالفه اخوي
... : لامانسيت بس احنا غير
الشوق: فاااارس لاتجنني .. في ايش غير فهمني
فارس قرب منها وحاوط وجها بكف يده : اخوك رجال واكيد الرجال يتبعه اسم العايله الي راح يناسب منها ... اما انتي البنت واكيد انا الي راح اتبعني اسم عايلتكم وعايلتكم من ارقى العوايل وماعليها كلام ... الحين فهمتي
الشوق سكتت وظلت تناظر فيه
فارس : هااا شقلتي نجي اليوم
الشوق نزلت راسها مستحيه
فارس يضحك : السكوت علامة الرضا والي اشووف موافقه ... لبى قلبهم الي يستحون
تنهدت الشوق بحسره على ذيك الأيام : ياريتك ماجيت بذاك اليوم ولانحرمت من شوفتك للأبد .. مادري ويش صار عليه الحين اكيد تزوج لاانه امه من زمان تبغا تزوجه واكيد عنده بدل الواحد 3 ياترى زوجته حلوه او لا من قرايبه ولا من برا العايله وتستحقه اولا يحبه ولا لازال على حبي واولاده كم عنده بنت ولد ولا وولدين ولا بنتين ..
تنهدت بحسره أكثر : يالله صبرني وفرج علي
قامت من على الكرسي : خلني اجهز نفسي لملكة ساره اكيد الحين قلقانه ومو عارفه ويش تسوي
في فلة عبد العزيز ( بو نايف )
نزلت أثير بيت عمها تشوف خوله اذا جهزت او لا .. دخلت البوابه وبعدها الصاله الرئيسه وكان فيها عمها ونايف ومشعل استحت ونزلت راسها
عمها عبد العزيز : ياهلا والله بشيخه المزاين اقربي يابنتي
قربت وسلمت على عمي وبست راسه : شلونك عمي
عمها : الحمدالله وينك ماتسألين عن عمك
انتبهت لمشعل كان يناظرني من اول مادخلت وانتبه لـه نايف انه يناظر فيني وناظره بنظره بمعنى استحى على وجهك ابوي موجود وبعدها قام مشعل
التفت لعمي يوم قال له : وين اجلس
نزل مشعل راسه بالأرض ولف بظهره : ابد بطلع مع الشباب
عمي عبدالعزيز : لاتتأخر
قلت بنفسي علامه من جيت وهو يناظر وبعدها قام انتبهت لعمي ينادي : سم عمي
بونايف : شفيك يبه ساعه اناديك
ابتسمت والتفت ماشفت الا انا وعمي جالسين بس
بونايف : اقولك شخبار اخوانك وخواتك
أثير : الحمدالله يسلموا عليك
بونايف : ربي يسلمك ويسلمهم
قمت وقلت لعمي : عن أذنك بروح اشوف خوله اذا خلصت
رد عليه : حياك يبه
صعدت الدرج وانا افكر بمشعل ويش سالفته ليه يوم شافني جيت قام وليه انا مهتم للموضوع كثير هل معقوله احبه مااتوقع واذا افترضنا احبه على أي اساس احبه وانا ماشوفه الا بالنادر وصلت غرفة خوله ودقيت الباب سمعت صوتها تقول ادخل ... دخلت وشفتها تلبس العباءة
خوله : هلا وصلتي يلا انا جاهزه
ظليت أناظر فيها سرحانه
خوله ناظرت أثير مستغربه هدوئها وقربت منها حركت بإيدي قبال وجهها : هيييي وين وصلتي
أثير انتبهت لها : هلا
خوله تضحك : الي ماخذ عقلك
أثير ابتسمت بعذوبه : لاماخذ عقلي ولاشيء يلا نمشي
خوله تضحك : اوك
كنت جالسه بغرفتي وبيدي كتاب العلاقات الاجتماعية عندي اختبار بالمادة يوم الأحد سمعت طرق على الباب : تفضل
دخلت عمتي الشوق وهي تبتسم : ها اشو الحلوة قاعدة تذاكر
ابتسمت لها : تقريباً
جلست جنبي على السرير : اممم .. اذا مايضيع من وقتك الثمين ابغاك تروحي معي مكان
ناظرت فيها وقلت : فين
الشوق : ملكت صاحبتي سارة اليوم وابغاك تروحي معي
قلت الها : اوك بس كم من الوقت بتأخذي هناك
ردت عليه : ماراح نطول بالكثير ساعتين وراجعين
فداء : اوك مومشكله
قامت عمتي واتجهت للباب وقالت : يلاجهزي انتظرك بالصاله الي فوق
قلت لها : إن شاءالله
قمت من السرير واتجهت للدولاب اشووف ايش البس اخترت فستان اسود قصير ودخلت اخذ شاور


الحلم البعيد غير متواجد حالياً  
قديم 29-04-11, 12:59 PM   #8

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

وصلت أثير وخوله بيت صاحبتهم ديمة
ديمة : لبى قلبكم كان طولتوا
أثير وخوله يضحكون .. أثير : شسوي في الي جنبي سنه على ماخلصت
خوله ناظرتها : مادري مين الي ساعه على ماوصلت
ديمة : هييييي خلاص لاتتهاوشوا ... يلا حياكم البنات داخل
خوله : مين جاء منهم
ديمة : بنات خالاتي وصاحباتهم
أثير : لالالالا أنتي قلتي لنا بس الشله الي في المدرسه مايصير خيااانه
ديمة تضحك : شسوي قلت أشوف بنات خالتي يمكن يجوا وعلشان تكثر الجمعه وتصير أحلى
خوله تقدمت : اوك مومشكله زيادة ونااسه
ديمة : وأنتي الصادقه .. يلا بس ادخلوا خلكم من الكلام الزايد
وبعد مادخلوا البنات بدت ديمة تعرف فيهم ... بنااات أثير وخوله وصلوا
دخلت خوله وبعدها أثير وبدوا يرحبوا في البنات .. أثير وهي تسلم على البنات لفت انتباها بنت ماكانت تعرفها بس لاحظت جمالها المميز مع أنه أثير تعتبر جميله بس بالنسبة لهاذي البنت يعتبر جمالها عادي جنبها حيث كانت بيضاء وعيونها عسليه شعرها بلون البني الشكولاته ولاحظت لمحه بسيطه منها انها تشبها مع انه خوله بنت عمها بس ماتشبها مثل ماكان فيه تشابه بينها وبين البنت استغربت وحتى البنت كانت تناظر أثير بنظرات تعجب كأنها تقول لها مين أنتي ويش الي جابك هنا يعني نفس الشعور بين الثنتين وبعد ماخلصوا السلام
جلست أثير بجنب صاحبتها أرؤى ولاحظت نظرات البنت لها .. انتبهت لديمة تقول .. خوله أثير أعرفكم على البنات طبعاً صحباتنا مايحتاج أعرفكم عليهم اما الأفراد الجديدة وبدت تأشر على البنات وحده وحده هاذي الجوهرة بنت خالتي وهاذي نجود صاحبتها وهاذي عنود بنت عمي وهاذي صاحبتها آيه وهاذي جوري صاحبة نجود وصاحبتها الأميرة ... انتبهت أثير أنها تأشر على نفس البنت الي لفتت انتبها .. ديمة : وهاذي الأميرة الدانه طبعاً هي مو من الشرقية بس نزلوا يومين ومن الصدف الحلوة جات عندنا اليوم ... التفت لها أثير وسمعتها تقول
الدانه بخجل زاد من حلاوتها : تسلمين عمري من ذوقك ويامحلى الصدف الي تجمعني معكم
حست بشعور غريب مادري شنهو ولااعرف ليه حسيت فيه التفت للجوري الي كانت تكلم الدانه مثل ماسمعت اسمها من ديمة ..
الجوري : أي شعليك صرتي من حسن الصدف اذا عزمتك المره الثانيه
ضحكوا البنات وبدؤا سوالفهم
في فلة بوحمد
بعد ماجهزت فداء نفسها وكانت قمه في الجمال خاصه بشعرها البني وبشرتها البيضاء وعيونها العسلي هالي كانت ميزتها فتحت شعرها الي كان يوصل لنص ظهرها ولبست فستان اسود وطلعت خيااال وكان الفستان تصميمه قصير لتحت الركب والأكمام واحد كم كامل والثاني بدون اكمام ونازل لتحت بعدها لبست جزمتها الفضيه ( الله يكرمكم ) وكان موديلها شرايط وتربطها للخلف واخذت لها شنطه فضيه لبست عبايتها وتحجبت وطلعت من الغرفه تشوف عمتها اذا خلصت .. كانت الشوق لابسه العبايه وتستناها بالصاله ... بعد ماشافتها الشووق
الشوق : هاا.. جاهزة نمشي
فداء : ايوه
الشوق تناظرها : ويش هالحلاه شكلك بتنخطبي اليوم
فداء بخجل : شدعوه عمه لاتبالغي
الشوق تضحك: لاأبالغ ولاشيء بس تعرفي حفلات الزواج تشوفي كم وحده قاعده تدور لولدها بنت شلون لو يشفونك خلاص كل الحريم بيلتموا حولك
فداء : حتى لو ماتوصل انهم يخطبوا
الشوق : تشوفي اذا مادق الباب بكره
فداء تضحك : اذا بيدق لك ياعمه مو الي
الشوق : لاانا راحت عليه
فداء : شدعوه عمه توك صغيره
الشوق تنزل الدرج : اقول اخلصي بس يلا ..
فداء تضحك : اوك يلا جايه
كان طالع من الدوام مع صاحبه عبد الله متجهين سيارتهم
عبدالله : حياك البيت تعشى عندي
جهاد : تسلم والله بس ابغا اروح انام احس لي سنين مانمت
عبدالله : وانت الصادق هلكنا الدوام مافيه راح ابد
جهاد : الله يعين .. بعد شنسوي واجبنا الوطني قبل الطموح دخلنا العسكريه
عبدالله : الحمد الله .. والرتب ما شاء الله و خاصة أنت بها العمر ورتبتك ما شاء الله الكل يحسدك عليها
جهاد يضحك : يا لطيف ليكون بتحسدني انت بعد
عبدالله يضحك : لااحسدك ولاشيء وعيني بارده لاتخاف
جهاد وهو يركب سيارته الـ البي ام دبليو السوده : أي صاحبي واعرفك
عبدالله يضحك ويتجه لسيارته الفورد الكحليه الي جنب سيارة جهاد
عبدالله : يلا بو الشباب اشوفك على خير .. سلام
جهاد أشر بإيده : سلام
دخل جهاد البيت بعد ما وقف السيارة بالمواقف ... دخل البيت والهدوء يخيم عليه ناظر ساعته وكانت الساعة 8:30 .. استغربت انه ما حد بالدور الأرضي موجود صعدت درجات السلم وسمعت صوت من غرفه فرقد ..
جهاد : غريبة فرقد موجودة بالبيت و لا يمكن لأنها ليلة السبت
اتجهت و دقيت باب غرفتها بعد ثواني فتحت الباب
فرقد ناظرت جهاد وردت : خير
جهاد : أحسدك بصراحة على الأخلاق العالية الي عندك
فرقد : اخلص ويش بغيت
جهاد : غريبة شعندك بالبيت مو طالعه مكان
فرقد : لاغريبة ولاشيء .... سكتت شويه وردت .. مالي خلق
جهاد : لاصاير بالدنيا شيء فرقد مالها خلق طلعه
فرقد ناظرت بغيض ورفعت صوتها : اخلص ويش بغيت
جهاد بعصبيه : وجع لاتصارخين ماني اصغر عيالك
فرقد ردت برود : والله جاي وساعه تسولف وسألتك ويش بغيت ومو جاي تقول
جهاد : انا الغلطان الي جاي لك .. ناظر الغرفه والي كانت تمنع يشوفها بصدها له بجسدها : ويش قاعده تسوين
فرقد : صاحبتي عندي وجالسين نسولف
جهاد نظرها واتجه لغرفته وقال : ذلفي
فرقد ناظرته بعصبيه ودخلت الغرفه : ناس فاضيه وسخيفه
غرام صاحبتها : ويش فيك تكلمي نفسك
فرقد ناظرتها وجلست جنبها على السرير وقابلت اللابتوب : ذا الشين ثقيل الطينة جاي يسأل ليه ماطلعتي .. ويش قاعده تسوين
غرام ناظرتها بعد مارفعت نظرها من اللابتوب : من ذا
فرقد : اخوي جهاد
غرام تمثل انه يغمى عليها : آآآآآآآآآآآآه ياااااقلبي حبيب البي جاي لهنا
فرقد ناظرتها : اقول انطمي بس حبيب البك وهو مايدري عن هواء دارك ... اساساً هو غثيث وين يعرف سوالف الحب والغرام
غرام : ولو اهم شيء احبه وقلبي متعلق فيه حتى لو مايدري عني اهم شيء اشوفه واسمع صوته
فرقد : يا الكذابة ذا الحين بتجي على اخوي انتي كل يوم لك واحد محمد .. راكان .. باسم .. وغيرهم كثير .. اقول انطمي بلاحب بلا بطيخ
غرام : بل اكلتيني .. ذا الي ذكرتيهم كلهم تسليه اما اخوك هو الحب الحقيقي
وبدت تغني
الحب الحقيقى …..بيعيش يا حبيبى
بيعلمنا نسامح ……وينسيناامبارح
بيعلمنا نفكر دايما ……فى ايامنا اللي جاية
فرقد : اقول اسكتي ياقدمك ويا ها الأغنية ... قالت الحب الحقيقي انتي وينك وين الحب كل شيء عندك تسليه وبس
غرام : بل أكلتيني المهم ماعلينا تعالي شوفي ذا شنهو قاعد يقول
فرقد جلست جنبها : شنهو يقول .. وناظرت اللابتوب على صفحة الدردشة
غرام صفحة دردشة بإسم ( قلبي ألماس وبنت ناس )
قلبي ألماس وبنت ناس : من جدك .. لالالا
الشاعر : ليه لالا اني بأكلك بس ابغا اشوفك لو من بعيد
قلبي ألماس وبنت ناس : وين تبغا طيب
الشاعر : المكان الي تريدي ونتقابل فيه
قلبي ألماس وبنت ناس : انا ماعرف الأماكن لااني ماطلع كثير
ناظرتها فرقد : جد كذابة
غرام تضحك: لازم بعض التوابل ..
فرقد : الحين ذا من جد مصدق حاله يبغا يقابل اكيد شييين
غرام :صدقتي انا بقابله ها الأشكال انتي شوفي كيف يتكلم شكله بزر
فرقد بتعجب : ليه لو غيره بتقابلية
غرام بخبث : ليه لا
فرقد بتعجب اكثر : من صدقك صحيح احنا ندخل دردشة ونكلم ونسوي بس ما توصل مقابلات
غرام : يا ماما فليها ويش عليك
فرقد بخوف : لالالا ماقدر .. تبي ابوي واخواني يذبحوني .. انتي لاتنسي إن اذا دخلنا وكلمنا مانعطيهم المعلومات الحقيقة عنها وإذا قابلنا اكيد راح يعرفونا
غرام : كيفك انا وحده بفلها ماحد وراي يحاسبني وين تروحي وفين جايه بفلها لاأخر لحظه من عمري


الحلم البعيد غير متواجد حالياً  
قديم 29-04-11, 01:02 PM   #9

الحلم البعيد

? العضوٌ??? » 173528
?  التسِجيلٌ » Apr 2011
? مشَارَ?اتْي » 48
?  نُقآطِيْ » الحلم البعيد is on a distinguished road
افتراضي

دخلت الغرفة وانا هلكان الدوام يأخذ كل وقتي ومن قضيه لقضية ... دخلت أخذ شاور و انا أفكر بالبيت حاله مو عاجبني الكل مشغوول بنفسه ولاحد يعرف عن الثاني شيء الا ماندر .. يعني فرقد لها عالمها الخاص وعليها اسلوب لك عليه واللي مساعدها إنه ابوي يوقف بصفها حتى لو كانت غلطانه إما فداء كائن مسالم بها البيت مالها بالمشاكل وكثير ارتاح ليما اسولف معها وحمد مشغوول بالدوام بالشركه مع الوالد وبيته وزوجته امافيصل اغلب اوقاته سهر وطلعات وعنده الجامعه تشغله أما أثير وعبدالله بعدهم صغاار وهم اهتمام امي أكثر شيء ومشغوولين بالدراسه او الطلعات مع أصحابهم
اما عمتي الشوق عنصر غامض بالبيت مع اني كثير اسوولف معها بس مع ذلك عندها سر تخفيه عناا والسر يتعلق بعلاقتها مع ابوي وانقطاع الحوار بينهم الا ماندر و جلوسها عندنا وماتروح بيت عمي عبدالعزيز الا بعض الاوقات وقليل
طلعت من الحمام وقفلت باب الغرفة ما ابغا ازعاج اعرف الوالده الحين بتجي قوم تعشى مايصير ومن ها الكلام انسدحت على السرير ورحت بنومه ما حسيت بشيء من التعب
رجعت الشوق وفداء من ملكة سارة على الساعه 10:30 بعد مادخلوا الصاله شافوا أثير قاعده قبال التلفاز
أثير التفت لهم : هاا وصلتوا من وين جااين
جلست الشوق على الكنبه بينما فداء صعدت غرفتها .. ناظرتها أثير وهي تصعد درجات السلم وكلمت عمتها : شفيها
الشوق وهي تفك طرحتها : ابد مصدعه اشويه .. ويش قاعده تشاهدي
أثير رجعت نظرها للتلفاز : فلم
الشوق : اهااا ... طيب ويش صار على الجمعه استانستوا او لا
أثير : لافليناها على الأخر
الشوق ابتسمت : تمام ... بس لا تتأخري وراك مدرسه
أثير : اشوي وبقوووم
قامت : اخليك بروح اريح تصبحي على خير
أثير : تلاقي الخير عمه
صعدت غرفتي غيرت ملابسي ومسحت المكياج عن وجهي لبست بيجاما و انسدحت على السرير خذني التفكير لملكة سارة وكيف كانت مستحية ومبسوطة بنفس الوقت الله يوفقها .. تذكرت كلام الحريم يوم شافوني انا وفداء كل وحده تقول خوات ومن أي عايله انتوا وناظرتهم بعد مانقول اسم العايله صحيح اسم يهز له قلوبهم بس ويش فادني فيه ولاشيء .. حتى استغربوا يوم قلت اني صاحبة سارة ... ظليت بأفكاري ليما رحت بالنوم
كانت فرقد جالسه بغرفتها بعد مارحت صاحبتها غرام جالسه على صفحة الدردشة بإسم (حنين )
حنين : طيب اصحابك شنهو سوا إلك بعد المقلب
فتى الجنوب : ههههه ... الله لايوريك كفخوني ليما قالوا بس وبعدها حاربوني يومين
حنين : تستاهل اجل هذا مقلب تسويه فيهم
فتى الجنوب : شسوي احب المقالب ومن الطفش اسويها فيهم... بعد فتره
فتى الجنوب : الحين بسألك من متى وانا اسولف معك ولاقلتي شنهو اسمك
فرقد بدا با اللإسئله رديت عليه : اسمي ريم
فتى الجنوب : عاشت الأسامي ياريم .. وانا علاء
فرقد بقرف : ياشين الأسم وييع يجيب اللوعه
حنين : يجنن أسمك
فتى الجنوب : انتي الي تجنني فديت روحك
حنين : تسلم
فتى الجنوب : الإ بسألك انتي ماوراك دوام بكره
حنين : الا ... بس ماعندي الإ الساعه 10
فتى الجنوب : اهاااا
صباح يوم السبت
جلست الساعه 5 الفجر دخلت الحمام اخذ شاور وبعدها فرشت السجاده وصليت الفجر ولبست ملابس الجامعه من قميص سماوي وتنورة سوده لبس الجامعه وكل ذا أخذ من وقتي ساعه الا ربع ناظرت الساعه 5:45 باقي ساعه على الدوام محاضراتي ماتبدا الا 8:30 وقفت جنب المرايه ومشطت شعري ورفعته ذيل حصان وبعدها حطيت البودره والكحل وغيره مع اني ما حب أحط مكياج كثير بس بعض الأحيان للتغير ويخفي أثار التعب من مذاكره وغيره .. جهزت أغراضي ونزلت تحت شفت الكل مجتمع على الطاوله عدا فرقد وجهاد ونجود زوجة حمد
جلست بعد ماسلمت وبست راس ابوي وأمي .. بديت أكل بهدوء وانتبهت للوالد ينادي عمتي الشوق
بوحمد : الشوق
رفعت راسي بعد ماسمعت أسمي من بوحمد يناديني وذا من النادر طبعاً : سم
بوحمد بعد ماقام من على طاولة الطعام : اذا خلصتي تعالي المكتب
ناظرته متجه صوب غرفة المكتب وقلت ببالي الله يستر ناظرت الي جالسين شفتهم يناظروني ابتسمت وقمت بعد ما حطيت التوست الي ماكملت نصها واتجهت وراه
ناظرت عمتي الشوق الي ماكملت فطورها واتجهت للوالد المكتب وانا مستغربه شنهو الموضوع الي عند الوالد من الصباح ويبغا يكلم فيه عمتي
انتبهت لاأثير الي وقفت وقلت لها : بتمشي
ردت عليه : أي .. قمت معها لاان السواق الي بيأخذها المدرسه نفسه بيوصلني الجامعه سمعت الوالده تقول
ام حمد : شفيك يمه كملي فطورك
ابتسمت لها : الحمدالله .. التفت لاأثير : لحظه بس أنزل عباتي سمعتها تقول وانا أصعد الدرج : استناك بالسيارة
صعدت الدرج دخلت الغرفة اخذت عباتي لبستها ولفيت الطرحه واخذت كتبي وشنطتي ونزلت وماحصلت حد على الطاوله الا الوالده وحمد يسالفون اتجهت للبوابه وعدلت النقاب عند مرايه جنب الباب وبعدها طلعت وركبت السيارة
فداء : ها تأخرت
أثير: لاعادي
التزمنا الصمت فترة بعدها قالت أثير : تتوقعي شنهو الموضوع الي يبغا الوالد فيه عمتي
رديت عليها : مادري بس أتوقع عريس جديد ولاشنهو الموضوع الي بيخلي الوالد يكلم عمتي من الصباح وهو مايتكلم معها الا نادر غير سالفه عريس
ردت أثير : حتى انا اتوقع كذا سكتت طلعت كتابي أذاكر كم كلمه بمسافة الطريق بعد فتره قالت أثير : تصدقي شنهو شفت بيت صاحبتي
التفت لها بعد ماكنت اناظر بالكتاب .. كملت كلامها وبحماس وتعجب بنفس الوقت : شفت وحده مره تشبهك صحيح تشبهني بس الشبه بينها وبينك كبير يعني الي يشوفها يقول اختك
استغربت منها وناظرتها بإستفهام وكملت .. تصدقي حتى بعد ماطلعنا قلت لخوله شفتيها كيف تشبهني قالت لا اشوفها تشبه فداء مره
قلت لها بعد مارجعت نظري للكتاب : يخلق من الشبه أربعين
ردت عليه : صحيح بس سبحان الله با البداية ما هتميت بس يوم تكلمت حيست بشعور ماقدر اوصفه .. ناظرتها وقلت : مثل ايش
ردت أثير : مادري بس حسيت اني ارتحت لها وبنفس الوقت في شيء مخوفني منها كأنه حد يقولي أحذري تكلميها وتعطيها أي اهتمام
استغربت من شعورها المتناقض وقلت لها : طيب هي صاحبتك لو كيف
ردت عليه : لالا .. هي صاحبة وحدهمعنا وهي مو من هنا من جده على مااتوقع بس نزلوا الشرقية فتره وبعدها بيرجعوا واتوقع الحين رجعت بما انه دوام
قلت لها :طيب كيف شفتيها مع السوالف
ردت عليه : ماكانت كثير تسولف لانها خجولهبس اذا تكلمت تحسي كلامها منطقي وتعرف شنهو تقول .. يعني الكلمة الي تقولها تعبر لك عن كل كلامها
ضحكت عليها : أثير شفيك لايكون معجب فيها
ضحكت أثير : لاشدعوه ما احب هالسوالف بس بجد حبوبه وهاديه ... انتبهنا إن السواق وقف عند مدرسة أثير نزلت بعد ماسلمت عليه واتجه السواق لجامعة الملك فيصل ... وبعد ربع ساعه وقف عند البوابه ونزلت وبعد الأجرات اليوميه من قبل الأمن داخل الجامعه من التفتيش على الجوال والبطاقه واتجهت لصندوق عباتي دقيت على صاحبتي ياسمين اشوف إذا وصلت او لا ردت عليه بعد كم رنه .. هلا فداء
رديت عليها : هلابيك .. ها وصلتي
ياسمين : لسه دقايق واصله
رديت عليها : اوك اذا وصلتي عطيني خبر
ياسمين : اوكيه
في غرفة نايف
جلست من النوم بعد ما حسيت بالآلام تكسر ظهري ما قدرت ارفع نفسي على السرير التفت عن يميني حصلت نايف نايم قمت أناديه : نايف نايف آآآآه ناااااايف ... بس لاحياه لمن تنادي تقربت منه و حطيت أيدي على كتفه وقعدت أهز فيه : ناااااايف آآآآآآآآآه ناااااااايف تكفى قوووووووووووووم
جلس نايف مخترع وقرب مني ومسكني : أريج حبيبتي شفييييك شنهووو يألمك
رديت عليه واحس صوتي ماينسمع بس مادري كيف سمعني : آآآآآآآه شكلي بووولد
رد عليه : شنهو تولدي توك بالثااامن
سكت ومارديت عليه من الآلآلآم الي فيني حسيت خلاص مابقدر اوصل للمستشفى .... نايف مو عارف ويش يسوي قام من على السرير وبدل بيجامته على السريع ولبس الثوب ورمى الشماااغ على كتفه اخذ عباتي وقومني وانا اصرخ بداخلي من الألم ولبسني اياها ورمى الطرحه على وجهي مسكني ومشى بي برا الغرفه ويوم وصلنا عند الدرج حصل امه طالعه من غرفتها وجات لعندنا
ام نايف : يمه شفيها أريج
نايف ومو عارف ويش يسوي : شكلها بتولد
ردت عليه : شنهو تولد توها داخله شهرها الثامن
نايف : يمه مادري .. مسكيها على ماجهز السياره ... مسكتني خالتي ام نايف وهو نزل الدرج مسرع واختفى من عيني بعدها .. انتبهت لخالتي ام نايف تنزلني الدرج ومع نزلت الدرج حسيت اني بديت انزف بس تحملت النزيف والآلآلآم الي كلما لها وتزيد على آخر الدرج نادت خالتي على الخدامه وأمرتها تجيب الها العبايه ... انتبهت لزياد طالع من المطبخ وجا وجه بان عليه القلق وقال : يمه وشفيكم وشصاير
امسكتني خالتي واتجهت معي للبااب : افتح الباب يمه مرة أخوك جاها الطلق
اتجه زياد مسرع يفتح الباب وحصل بوجه نايف الي جا عندي مسرع ومسكني وأخذني اتجاه السيارة وتبعتنا خالتي ركبني بالخلف وقعدت جنبي خالتي اسمعها تسمي علي وتهدي فيني وانتبهت انه نايف مسرع بالسيارة بسرعه جنونيه حسيت ان النزيف بدا يزداد عندي وبعدها بديت افقد الوعي بس اسمع صوت خالتي من بعيد تقول : يمه لاتنامي اصحي ماصير يمه... فتحت عيني لاكن مسرع وغمضتها وجاني صوتها مره ثانيه من بعيييد وحسيته انه بعالم ثاني: يمه لاتنااامي فتحي وسمعتها تقووول يمه نااايف اسرع مايصير تفقد وعيها ماسمعت رد من نايف ولاخالتي بعدها ماعدت اسمع صوتها
دخل زياد الفله يبتسم ويقول بخاطره الله يسهل عليها أريج تستاهل كل خير أخذ له كوب كافي وبدأ يشرب فيه اشويه الاجواله يرن طالع المتصل و رد : أخيرا صحيت كل ذا نوم
ضحك الطرف الثاني ورد : شسوي من سهر البارح
زياد : عاد انت بدعت كل ذا سهر وسوالف كل ماقلت لك قووم الوقت تأخر قلت خلنا اشوي
..... :بعد شسوي سوالفك حلو
زياد : أي كذب علي المهم فطرت او لا
.... : لسه صاحي قلت اشوفك صحيت او لا
زياد : انا من زمان صاحي ... يلا افطر وشرف عندي خلنا نروح يادووب نوصل الجامعه
.... : اوكيه عطني 10 دقايق واكون عندك ... سلام
زياد : اوكيه .. سلام
كان جالس بالكرسي الي خلف المكتب أمرني أجلس قباله بعد ماجلست
بوحمد :كلمتك ام حمد بخصوص مشاري
حسيت ريجي ناشف و ما عرفت شنهو اقوول بس رديت : أيوه
بوحمد : انا كلمت عبد العزيز وهو قال شوف رأيها ... سكت اشوي وقال : شرايك انتي
سكت اشويه ورديت : الراي رأيك
بوحمد : اذا على رايي ابغا أزوجك اليوم قبل بكره وافتك من همك تدري بعد كم صار عمرك الحين وما أعتقد بيجيك خطاب بعد ها العمر
حسيت بخناجر تطعن بقلبي من الآهانه والتجريح الي حصلتها بكلامه بس سكت
كمل كلامه : بس مع ذاك مو أي حد يجي ندزك عليه وخصوصاً ذا لاانه مو من مؤاخيذنا وانا بقول لا ام حمد تقول لهم مالهم نصيب عندنا
سكت وانا احس براحه بداخلي رغم نزف جروحي بعد اهانته الي حصلتها بكلامه وسمعت يأمرني : خلاص قومي عن وجهي
أتجهت لغرفتي وانسدحت وانا مالي خلق دوام خصوصاً بعد التأخير فأفكرت اني ماداوم بالمره واستسلمت لدموعي تأخذ مجراها على خدي
لاتسأليني عن سبب كتم الآحزان .... بس اسأليني عن غيابي وحضوري
لاتسأليني عن سبب دمع الآعيان .... بس أسأليني عن دواعي سروري
لاتسأليني عن تصاريف الأزمــان ... أجامل أحبابي وربعي والأخـــوان
جبر الخواطر صار معنى حضوري ... أعطيهم الفرحه وأنا وسط الآحزان .... وأجبر كسور الغير وأهمل كسوري
كنت جالسه على الكراسي أنتظر ياسمين بعد مادقت وقالت انها وصلت عند البوابه ماحسيت الا بالي غطى اعيوني بديت اتحسس ايده بإيدي وسألت : مين .. بس ماحصلت رد خمنت في بالي تكون ياسمين وقلت : ياسمين عن السخافه .. ماحصلت رد كمان انتبهت لا أيد تمسك ايدي وتقومني قمت ومشيت فيني اشويه وقلت : يلامييين إذا ياسمين ترا راح أذبحك ... ماحصلت رد بعد ها المره وهي لسه تمشي فيني وحسيت انها تصعدني الدرج خفت وقلت : مين أنتي ترا إذا طحت يا ويلك مني .. بس ماسمعت إجابه وتوقفت عند الدرج وقلت : ما راح أصعد وريني ويش بتسوين
حسيت بوسه على خدي حاولت أفك ايدها وبعد جهد فكيتها والتفت خلفي وحصلتها تضحك
فداء : سخيفه
ياسمين تضحك : ياحلوك وأنتي خايفه
صعدت عنها الدرج وقلت : حركاتك سخيفه مثلك
لحقتني و زالت تضحك : شسوي أغير جو على الصباح
رديت عليها : تغيري جو على حسابي
ردت عليه : شسوي أحبك
ألتفت لها وقلت : لا تتكلمي معي
ردت عليه : اوكيه مو مشكله بشووف منهو الي بعد 5 دقايق بالكثير بتجي تكلمني
ألتفت لها و أبتسمت : وأنا أقدر
ياسمين : فديتك وفديت غمازاتك
ضحكت على خبالها : شو تتفدي فيني حتى لو أنك زوجي
ياسمين تضحك : هو يحصل مثل ها الحلى و مايتفداه أكيد غبي وعمي بعد وهذا إذا ما كان مجنون
ضحكت عليها : أقول تعالي لانتأخر على المحاضرة وننطرد بسببك
ياسمين : يلا
بإنتظار توقعاتكم ويش ممكن راح يصير من أحداث
تحيتي


الحلم البعيد غير متواجد حالياً  
قديم 01-05-11, 03:35 PM   #10

عازفه بريشه من ذهب
 
الصورة الرمزية عازفه بريشه من ذهب

? العضوٌ??? » 147083
?  التسِجيلٌ » Dec 2010
? مشَارَ?اتْي » 594
?  نُقآطِيْ » عازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond reputeعازفه بريشه من ذهب has a reputation beyond repute
افتراضي

ياالله كملي حبيت الروايه
وخصوصا الشوق
الشوق راح تقابل فارس وتشوفه مره ثانيه
اتوقع كذا؟


عازفه بريشه من ذهب غير متواجد حالياً  
التوقيع






موضوع مغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:15 PM



Powered by vBulletin®
Copyright ©2000 - 2024, vBulletin Solutions, Inc.